வல்லமை

Blog

  • இந்தியா முதன்முதல் ஏவிய முன்னோடி விண்மீள் கப்பல் வெற்றிகரமாய்ப் பயணம் முடித்து புவிக்கு மீண்டது

     aj

    India’s Mini Space Shuttle

    இந்தியாவின் முன்னோடிச் சிறு விண்மீள் கப்பல்

     சி. ஜெயபாரதன் B.E.(Hons) P.Eng (Nuclear), கனடா

    ++++++++++++++++++++++

    ஏவு வாகனம் [RLV-TD] காலை 7 மணிக்கு  அண்ட வெளிக்கு ஏவப் பட்டது.  நாங்கள் முதன்முதல் மீள் பயன்பாடு வாகனப் பொறி நுணுக்க முன்னோடிச் சாதனையை [RLV – TD, Reusable Launch Vehicle Technology Demonstration] வெற்றிகரமாய்ச் சாதித்துக் காட்டியுள்ளோம்.

    தேவி பிரசாத் கார்னிக் [இந்திய விண்வெளி ஆய்வு அதிபர்]

    Moved to the location

    முழு வடிவ மீள் பயன்பாடு ஏவு வாகனம் [Reusable Launch Vehicle-RLV] தயாரிக்க [இந்தியாவுக்கு] இன்னும் பத்தாண்டுகள் ஆகலாம். அது விமானம் போல் தரையில் இறங்கும் மீட்சி வசதி உடையது.  அதை மீட்டு மறுபடியும் பன்முறைப் பயன்படுத்தலாம். முற்போக்கு விண்மீள் கப்பல் 2020 ஆண்டுக்குள் உருவாக்க இந்த முன்னோடி முதல் எட்டுநடை முயற்சி வரலாற்று முக்கிய பயிற்சியாகும். முற்போக்கு அமைப்பில் வாயு மூச்சு உந்துவிசை ஏற்பாடு [Air Breathing Propulsion System -ABPS] இருக்கும்.  தற்போதைய முன்னோடி ஏவுச் சாதனையில் வாகன மீட்சித் திட்டமில்லை.

    கே. சிவன் [ஆளுநர், விக்ரம் சாராபாய் விண்வெளி மையம்]

    https://youtu.be/Dzn5XaKYdJ8

     

     

    First Shuttle -1

    First Shuttle -2

    https://youtu.be/4hQ-Zkl5nMw

     

     

    இந்தியா விண்கப்பல் மீள் பயன்பாடு  பொறி நுணுக்கத்தில் வெற்றி 

    2016 மே மாதம் 23 ஆம் தேதி இந்தியா முதன்முதல் அண்டவெளியில் ஏவிய முன்னோடிச் சிறிய விண்மீள் கப்பல் [Mini Space Shuttle] 42 மைல் உயரம் சென்று பாதுகாப்பாய்ப் புவிச் சூழ்வெளிக் காற்றில் இறங்கி 10 நிமிடம் கடந்து வங்காள விரிகுடாக் கடலில் திட்ட மிட்டபடி வீழ்ந்தது.  இந்தியன் அண்டவெளி ஆய்வு ஆணையகம் ‘இஸ்ரோ’ [ISRO -Indian Space Research Organization] 2013 ஆம் ஆண்டில் செவ்வாய்க் கோளுக்கு மனிதரற்ற துணைக்கோளை 73 மில்லியன் டாலர் சிக்கனச் செலவில் சுற்ற, வெற்றிகரமாய் ஏவியதற்குப் பிறகு அடைந்த ஒரு வரலாற்றுச் சாதனையாகக் கருதப் படுகிறது. அமெரிக்கா தனது மேவன் செவ்வாய்த் திட்டத்துக்கு [Maven Mars Mission] ஏறக்குறைய 10 மடங்கு [671 மில்லியன் டாலர்] மிகையாகச் செலவழித்துள்ளது.  2011 ஆம் ஆண்டில் அமெரிக்கா தனது ஐந்து மீள் கப்பல்கள் மூலம் 135 விண்வெளிப் பயணங்கள் முடித்து ஓய்வெடுத்த பிறகு, இந்தியா இந்த முன்னோடி முயற்சியில் இறங்கியுள்ளது.

    Mini Shuttle Launch

    விண்கப்பல் மீள் பயன்பாடு பொறி நுணுக்கத்தில் அமெரிக்கா, ரஷ்யா, பிரான்ஸ், ஜப்பான் போன்ற நாடுகள் முதல் எட்டு, முற்போக்குச் சாதனைகள் புரிந்திருந்தாலும், இந்தியப் பொறித்துறை நுணுக்கம் 10 மடங்கு மலிவில் சிக்கனமானது என்று கருதப்படுகிறது.  22 அடி [6.5 மீடர்] நீளமோடு, 1.75 டன் எடையுள்ள, மீள் கப்பல் 14 மில்லியன் டாலர் செலவில் முடித்துக் கட்டிப் பயணம் செய்து, ஒரு கி.கிராம் பளுவுக்குக் குன்றிய செலவில் 2000 டாலர் ஆகும் என்று கணக்கிடப் பட்டுள்ளது.  முழு வடிவில் 6 மடங்கு சிறிய இந்த மீள் கப்பலை, இந்தியா வடிவக்க 5 ஆண்டுகள் எடுத்துக் கொண்டது.  முழு வடிவ மீள் கப்பல் தயாராகி, அண்டவெளித் துணைக்கோள்கள் ஏவிட இனிமேல் இந்தியா 10 மடங்கு குன்றிய செலவில் செய்து காட்ட முடியும்.

    Mini Shuttle Parts

    Mission Proflie

    இப்போது முடிந்த முன்னோடிச் சோதனையில் இந்திய மீள் கப்பல் தரையில் இறங்காது கடலில் விழும்படி ஏற்பாடு செய்யப் பட்டது. கடலில் விழுந்து முறிந்த மீள் கப்பல் அங்கங்களை மீட்க இயலாது. விண்மீள் கப்பல் தரையில் விமானம் போல் ஓடி நிற்க ஶ்ரீஹரிக் கோட்டாவில் மூன்று மைல் [5 கி.மீடர்] நீளக் காங்கிரீட் பாதை இன்னும் அமைக்கபட வில்லை.  முதன்முதல் 5 மடங்கு மீறிய ஒலிவேகத்தில் [5 times Supersonic] மீள் கப்பல் சென்று விண்வெளியில் 43 மைல் [70 கி.மீ.] உயரம் ஏறிப் பிறகு வேகம் தணிந்து, சரிந்த நிலையில் திரும்பி, புவிச் சூழ்நிலை வாயு உராய்வில் பின்னிறங்கி வெப்பம் தாங்கும் சிலிகா தட்டுகள் [Silica Tiles] ஒட்டிய கீழ்த்தளம் 5000 – 7000 டிகிரி செல்ஸியஸ் உஷ்ணத்தில் எரிந்து விடாதபடி, கப்பல் உட்கலம் 50 டிகிரி செல்ஸியஸ் உஷ்ணத்தை மீறாது, கரையிலிருந்து 300 மைல் [500 கி.மீ.] தூரத்தில் வங்காள விரிகுடாக் கடலில் திட்ட மிட்டபடி விழுந்தது.  மீள் கப்பல் மூக்கு முனை மிக்க வெப்பம் தாங்கும், சிறப்பான கார்பம்-கார்பன் கலவைப் பூச்சு [Carbon – Carbon Composite Special] கொண்டது.  இன்னும் 10 ஆண்டுக்குள் முழு வடிவ மீள்கப்பல் இந்தியாவில் தயாராகி விடும் என்று உறுதியாகத் தெரிகிறது.

    First Shuttle

    +++++++++++++++++++++++

    முதல் விபத்துக்குப் பிறகு நாசா செம்மைப் படுத்திய அமெரிக்க விண்மீள் கப்பல்கள் 

    Discovery Landing -2

    (Safe Landing of NASA’s Space Shuttle Discovery)

    +++++++++++++++

    https://youtu.be/yaVVns_sTGY

    https://youtu.be/NnmSdVbgQ4M

     

     

     

     

    ************

    தவறுகள் புரிவது மானிட இயல்பு,

    அவற்றைத் தவிர்ப்பது தெய்விக நிகழ்வு!

    பழுதுகள் விளைந்தன! உயிர்கள் மடிந்தன!

    அழுதோம் அன்று! ஆயினும் தவறு

    முழுதாய்த் தவிர்க்கப் பட்டதா ?

    பழுதில் விழுந்தது இருமுறை! திரும்பி

    எழுந்தது ஒருமுறை! இன்று மீள் பயணக்

    கழுகு புத்துயிர் பெறும், பழுதினில் தப்பி !

    எப்படி மீண்டும், மீண்டும் மனித​த்தப்புகள் நே​ரும்

    விண்மீள் கப்பலில் ?

    ++++++++++++++++++++

    Discovery Landing -1

    ‘இந்த விண்வெளி மீள்கப்பல் குறிப்பணிப் பயணத்தின் பாதுகாப்பில் பூரண நம்பிக்கை உடையவர் நாங்கள். இப்பணி நிறுத்தப்படாமல் தொடர வேண்டு மென்று உறுதியாய் நம்புபவர் நாங்கள். ஆகவே நீங்கள் எங்களுக்கு ஆதரவு கொடுக்க வேண்டுமெனக் கேட்டுக் கொள்கிறேன். ‘

    ஐலீன் காலின்ஸ் விண்கப்பல் ஆணைத் தளபதி [Eileen Collins, Discovery Space Shuttle Commander] (Aug 9, 2005)

    ‘விண்வெளி மீள்கப்பல் பயணத்தை மீண்டும் புரிய மைல்கல்லை வெற்றிகரமாக நாட்டி விட்டோம் என்று கருதுகிறேன். அதைத் தொடரப் போகும் அடுத்த விண்கப்பல் பயணமும் (அட்லான்டிஸ்) ஆய்வுக் கூடத்தில் இப்போது சோதிக்கப் பட்டு வருகிறது. ‘

    வில்லியம் பார்ஸன்ஸ் மீள்கப்பல் திட்ட மேற்பார்வையாளர் [Shuttle Program Manager] (Aug 9, 2005)

    ‘நாங்கள் மிகக் கடுமையாக உழைத்து, இவ்வாண்டு முடிவதற்குள் மீண்டும் அண்டவெளிப் பயணத்துக்குத் தயாராக வேண்டும். ஏனெனில் மாபெரும் கட்டமைப்புத் திட்ட மொன்று உருவாகி வருகிறது. அதற்கு மீள்கப்பலின் பயணம் எங்களுக்கு அடுத்தும் தேவைப்படுகிறது. ‘

    மைக்கேல் கிரிஃப்பின் நாசா நடத்துனர் அதிபதி [NASA Administrator]

    பழுதுகள் நேர்ந்தாலும் மீள்கப்பல் பாதுகாப்பாய் மீண்டது

    ஐந்து விண்வெளிக் கப்பல்களில் இரண்டு விபத்துகளில் சிதறிப் போன பிறகு, தற்போது மூன்று மிஞ்சியுள்ளன. ஒரு பில்லியன் டாலர் செலவில் இரண்டரை வருடங்களாக முந்தைய பழுதுகள் செம்மை யாக்கப்பட்டு, டிஸ்கவரி விண்கப்பல் 2005 ஜூலை 26 ஆம் தேதி கென்னடி ஏவு தளத்திலிருந்து அண்டவெளி நோக்கி கிளம்பியது. 2003 ஜனவரியில் கொலம்பியா விண்கப்பலின் வெளிப்புறக் கலனில் உள்ள நுரைக்கவச ஓடு [Bipod Ramp Foam] ஒன்று விழுந்து பழுது படுத்தி, விண்கப்பல் பூமியை நோக்கி இறங்கும் போது உராய்வுக் கனல்பற்றி மீள்கப்பல் எரிந்து ஏழு விமானிகளும் மாண்டனர். டிஸ்கவரியில் அனைத்து நுரைக்கவச ஓடுகளும் நீக்கப்பட்டு, புதிய கவச ஓடுகள் பதிக்கப் பட்டன. இறக்கைகளின்

    மீதுள்ள கரிக்கவச கனல் தட்டுகள் [Carbon-Carbon Heat Panels] மேற்கொண்டும் கவச இழைகளால் மூடப்பட்டு, வெப்பக்கனல் இடையூறுகள் நிகழா வண்ணம் உறுதியாக்கப் பட்டன. ஆனாலும் பழுதுகள் செம்மையாகத் திருத்தம் பெறாததால், சிதைந்து போன கொலம்பியா மீள்கப்பலில் நேர்ந்த தவறு போல் கவச நுரைத் துண்டு ஒன்று விழுந்து நாசா விஞ்ஞானிகளைக் கவலைக் குள்ளாக்கியது!

    பதினான்கு நாட்கள் விண்வெளியில் பூமியைச் சுற்றிப் பணிபுரிந்து, பாதுகாப்பாகப் புவித்தளம் வந்திறங்கிய டிஸ்கவரி பல முறைகளில் வரலாறு முக்கியத்துவம் பெறுகிறது. முதல் வெற்றி: 2003 ஆம் ஆண்டு கொலம்பியா விண்கப்பல் புவிநோக்கி இறங்கும் போது விபத்து நேர்ந்து அனைத்து விமானிகள் மாண்டபின், இரண்டரை ஆண்டு கழித்து மீள்கப்பல் பயணத்தைத் துவங்கிப் பாதுகாப்பாக முடித்தது. ராக்கெட் ஏவப்படும் போது கொலம்பியா பயணத்தில் ஏற்பட்ட அதே பழுது மீண்டும் நேர்ந்து, கனடா கரத்தைச் [Canadarm] சுற்றி இயக்கி விழுந்த நுரைத் துண்டால் மீள்கப்பல் கீழ்ப்பகுதியில் முறிவு ஏதேனும் ஏற்பட்டுள்ளதா என்று உளவு செய்யப் பட்டது. அதிர்ஷ்ட வசமாக இம்முறை மீள்கப்பலின் கவசத்தில் எங்கும் முறிவுகள் உண்டாக வில்லை. டிஸ்கவரி விண்கப்பல் முதன்முதல் ஐலீன் காலின்ஸ் என்று அழைக்கப்படும் ஒரு பெண் விண்வெளி விமானியால் இயக்கப்பட்டு, காலிஃபோர்னியா எட்வேர்டு விமானப்படைத் தளத்தில் [Edward Airforce Base, California] வெற்றிகரமாக இறக்கியது!

    விண்வெளிச் சுற்று வீதியிலிருந்து மீள்கப்பல் விடுவிப்பு

    டிஸ்கவரி விண்வெளி மீள்கப்பல் பூமியிலிருந்து 205 மைல் உயரச் சுற்று வீதியில் [Orbit] பதினான்கு நாட்கள் சுற்றுலா புரிந்து கொண்டிருந்தது. பிளாரிடாவில் உள்ள நாசா விண்கப்பல் கண்காணிப்பு மையத்திலிருந்து [Mission Control Center] மீள்கப்பல் கீழிறங்க உத்தரவு கிடைத்தவுடன், விண்கப்பல் ஆணைத் தளபதி ஐலீன் காலின்ஸ் டிஸ்கவரியின் இரட்டை எஞ்சின்களை 2 நிமிடம், 42 வினாடிகள் இயக்கி, மீள்கப்பல் வேகத்தைக் குறைத்தார். அவ்விதம் செய்தபின் சுற்றுவீதி அற்றுவிடப் பட்டு, மீள்கப்பல் பூமியின் கவர்ச்சி விசை இழுக்கப்பட்டுச் சுயமாக விழ ஆரம்பித்தது. அச்சுய வீழ்ச்சியின் போது மீள்கப்பலின் மூக்கு தூக்கப்பட்டு, பின்புறம் கீழ்ச்சரிந்து சுமார் 40 டிகிரி கோணத்தில் சாய்ந்து இறங்கியது. பிளாரிடாவில் உள்ள கென்னடி விண்வெளி இறங்கு தளத்தில் இடியும், மின்னலும், முகிலும், மழையும் பயமுறுத்தியதால், காலிஃபோர்னியாவில் பளிச்செனத் தெரியும் எட்வெர்டு விமானப்படைத் தளம் தேர்ந்தெடுக்கப் பட்டது.

    பிளாரிடா ஏவு தளத்தில் விண்கப்பல் இறங்கி இருந்தால் நாசாக்கு ஒரு மில்லியன் டாலர் மிச்சமாகும். காரணம் டிஸ்கவரி எட்வெர்டு விமானப்படைத் தளத்திலிருந்து, தனிச் சிறப்பில் மாற்றம் செய்யப் பட்ட 747 ஜெட் விமானம் தன் முதுகில் சுமந்து கொண்டு பிளாரிடா வந்தடைய வேண்டும். அவ்விதம் செய்து முடிக்க குறைந்தது ஒரு வாரம் எடுக்கிறது. மேலும் செப்டம்பர் 22 ஆம் தேதிப் பயணம் துவங்கத் தயாரிக்கப்படும் அட்லாண்டிஸ் [Spaceship Atlantis] விண்கப்பலுக்கு அபாய உதவி செய்ய டிஸ்கவரி முக்கியமாக கென்னடி ஏவுதளத்தில் தயாராக நின்று கொண்டிருக்க வேண்டும்.

    2003 பிப்ரவரி முதல் தேதி விண்கப்பல் விபத்தில் கொலம்பியாவின் சிதறிய துணுக்குகள் டெக்ஸஸ், லூஸியானா மாநிலங்களில் பொழிந்தன. இம்முறை எதிர்பாராதவாறு அவ்வித விபத்து நேர்ந்தால், துணுக்குகள் லாஸ் ஏஞ்சலஸ் பெருநகரில் சிதறாத வண்ணம், கவனமாக ஐலீன் காலின்ஸ் மக்கள் தொகை நிரம்பிய பகுதிகளைத் தவிர்த்து விண்கப்பலை இறக்கினார். இதில் சிரமம் என்ன வென்றால் 100 டன் எடையுள்ள டிஸ்கவரி மீள்கப்பல் இயங்க எஞ்சின் சக்தி எதுவும் இல்லாமல், ஊர்திபோல் காற்றில் நீந்தி [Like a Glider Plane] இறக்கை, எயிலிரான்ஸ் கட்டுப்பாட்டில் இறங்க வேண்டும். பல்லாண்டு பெற்ற கைப்பயிற்சி ஒன்றால்தான் அவ்விதம் இறங்கித் தளத்தைத் தொட முடியும்.

    டிஸ்கவரிப் பயணத்தில் ஏற்பட்ட பழுதுகளும் கண்காணிப்பும்

    பதினாறு நாடுகள் பங்கு கொண்டு இயக்கும் அண்டவெளி நிலையத்துடன், மீள்கப்பல் இணைந்து கொள்ளுவதற்கு முன்பு நாசா வருத்தமுடன் அறிவித்தது! ‘கென்னடி ஏவு தளத்தில் ராக்கெட் கிளம்பிச் செல்கையில் நான்கு கவச நுரைத் துண்டுகள் எரிசக்தி புறக்கலனிலிருந்து [External Fuel Tank] அற்று விழுந்ததால், மீண்டும் விண்வெளிக் மீள்கப்பல் பயணத்தை அமெரிக்க அரசு நிறுத்தம் செய்துள்ளது. ‘ அவற்றில் ஒரு துண்டு விண்கப்பலை மோதிச் சென்றது. 750 கிராம் எடையுள்ள ஒரு கவச நுரைத் துண்டு உண்டாக்கிய அவ்விதச் சிறு காயமே 2003 ஜனவரியில் கொலம்பியா மீள்கப்பல் அடிவயிற்றுக் கவசத்தை நீக்கி,

    புவிநோக்கி இறங்கும் போது தீவிர உராய்வுக் கனல் உஷ்ணம் [1650 C (3000 F)] துளையிட்டு, துர்வாயுக்களால் ஏழு விண்வெளி விமானிகள் மாண்டதுடன், ஒரு பில்லியன் டாலர் வாகனமும் எரிந்து போனது! 50 அடி நீளமுள்ள கனடா கரத்தின் [Canadarm] காமிராக்களும், அண்டவெளி நிலையக் காமிராக்களும் ஆக மொத்தம் 107 காமிராக்கள் மீள்கப்பலின் அடிவயிற்றை உளவு செய்யும் போது 25 குழிகளைக் கண்டுபிடித்தன. 1650 C உஷ்ணம் அடையும் மூக்கு முனைப் பகுதியில் 1.5 அங்குல பழுதைக் கண்டன.

    அமைப்பு விதிப்படி 13.6 கிராம் எடைக்கு மேற்பட்ட துண்டுகள் விழக் கூடாதென்று கட்டுப்பாடுகள் இருக்க, டிஸ்கவரியில் இம்முறை 408 கிராம் [30 மடங்கு வரை மீறிய] துண்டு விழுந்தது ஒப்புக் கொள்ள முடியாத பழுதாகும். ‘மீள்கப்பலின் காமிராக்கள் நன்கு பணி புரிந்தன. ஆனால் மீள்கப்பல் கவசநுரை நெறியுடன் பணி புரிய வில்லை ‘, என்று நாசாவின் அதிபதி மைக்கேல் கிரிஃப்பின் [Michael Griffin] கூறினார். ஒவ்வொரு விண்வெளி மீள்கப்பல் பயணத்துக்கும் நாசா அரை பில்லியன் டாலர் நிதியைச் செலவு செய்கிறது. அதன் முக்கிய பணி அண்டவெளி நிலையத் துக்கு வேண்டிய 13.5 டன் எடைப் பண்டங்களை ஏற்றிச் சென்று, அங்கிருந்து 12 டன் குப்பைகளை அள்ளிக் கொண்டு மீள வேண்டும். அண்டவெளி நிலையமும், மீள்கப்பல் பயணமும் நாசாவின் 40% திட்ட நிதியை விழுங்கி வருவதால், அவை இரண்டும் இயங்கி வரும் வரை, அடுத்துத் திட்ட மிட்டுள்ள நிலவுப் பயணமும், செவ்வாய்ப் பயணமும் வரைப் படத்திலிருந்து வடிவு பெற்று இயங்க மாட்டா!

    விண்வெளிப் பயணங்கள் மீண்டும் தொடருமா ?

    அண்டவெளி நிலையத்தோடு பிணைப்புத் தகுதியுடைய [Rendezvous] வாகனம் அமெரிக்காவின் விண்வெளி மீள்கப்பல் ஒன்றுதான்! ஆகவே இன்னும் ஐந்து ஆண்டுகளுக்கு செம்மை யாக்கப்பட்ட விண்வெளி மீள்கப்பலின் பயணங்கள் கட்டாயமாகத் தேவைப் படுகின்றன. பூமியைச் சுற்றிவரும் அண்டவெளி நிலையம் பாதி அளவுதான் நிறுவகமாகி யுள்ளது! முழுதும் கட்டி முடிப்பதற்கு இன்னும் 18 விண்கப்பல் பயணங்கள் தேவைப்படும். மேலும் நிலையத்தில் வாழ்ந்து வரும் அண்டவெளி விமானி களுக்கு நீர், காற்று, உணவுப் பண்டங்கள் அளித்து வர மேற்கொண்டு 10 முறையும் ஆக மொத்தம் 28 பயணங்கள் (18+10=28) திட்டமிடப்பட வேண்டும். இதற்கு முன்பு நான்கு மீள்கப்பல்களைப் பயன்படுத்தி 111 விண்வெளிப் பயணங்களைச் சுமார் 21 ஆண்டுகள் நாசா திட்டப்படித் திறம்படச் செய்து காட்டியுள்ளது! விண்கப்பல் குறிப்பணித் திட்டங்களில் பல அரங்குகளில் பணிபுரிந்து வரும் 12,000 அமெரிக்க நபர்களின் ஊதிய வேலைகளைப் பாதுகாக்கவும், மிஞ்சிய மூன்று விண்வெளிக் கப்பல்கள் மீண்டும் புத்துயிர் பெற்று எழுந்து பறக்கத்தான் வேண்டும்! அத்துடன் ஹப்பிள் தொலைநோக்கி பல்லாண்டுகள் செப்பணிடப் படாமல், அதன் பணித்திறன் குறைந்து கொண்டே வருகிறது. ஹப்பிள் பராமரிப்புக்காக 291 மில்லியன் டாலர் தொகையை நாசா ஒதுக்கி வைத்துள்ளது.

    கடந்த 20 ஆண்டுகளில் [1985-2005] நேர்ந்த இருபெரும் விபத்துகளுக்கு இடையே விண்கப்பல்களின் குறிப்பணிகள் சிறப்பாகவும், பொறுப்பாகவும் பலமுறை நிறைவேறி யுள்ளதை மெச்சத்தான் வேண்டும்! புதிய ஆய்வுத் துணைக்கோள் ஏவுதல், செயலற்ற துணைக் கோள்களைக் கைப்பற்றல், விண்வெளி நிலையங்களைச் செப்பமிடல், ஹப்பிள் தொலைநோக்கியை விண்வெளியில் ஏவியது, பலமுறை அதனைப் புதுப்பித்தது, செப்பமிட்டது, வியாழன், வெள்ளி, சூரியன் போன்ற அண்டக் கோள்களுக்கு விண்ணாய்வுச் சிமிழ்களை அனுப்பியது யாவும் விண்வெளி வரலாற்றில் பொன்னெழுத்தில் பொறிக்க வேண்டிய நிகழ்ச்சிகளாகும்! அண்ட வெளியில் உருவாகி, மூன்று விமானி களோடு பூமியைச் சுற்றிக் கொண்டிருக்கும் விண்வெளி நிலையத்துடன் [Space Station] தொடர்பு கொள்ளவும், அடுத்து இனி முடிக்க வேண்டிய பல விண்பணிகளைத் துவங்கவும் விண்கப்பல் பயணங்களை மீண்டும் ஆரம்பிக்கத்தான் வேண்டும்! நாசாவுக்கு மீள்கப்பல் செம்மைப்பாடு தவிர வேறு வழி யில்லை!

    2010 ஆண்டுடன் ஓய்ந்து போகும் விண்வெளி மீள்கப்பல், இன்னும் நாலரை ஆண்டுகள் பாதுகாப்பாக இயங்க அமெரிக்க அரசுக்கு அண்டவெளிப் பயணப் பொறியியல் பணிக்கு நிதியும், மன உறுதியும் நிறைய உள்ளது! அமெரிக்கா அண்டவெளிப் பயணக்குழு மனிதரை 2020 ஆண்டுக்குள் செவ்வாய்க் கோளில் இறக்கி நடமிட விட்டுப் பூமிக்கு மீட்பதைத் தனது 21 ஆம் நூற்றாண்டுக் குறிக்கோளாகக் கொண்டுள்ளது. தற்போது அதற்குத் தேவையான புதிய விண்வெளி வாகனத்தை 2008 ஆம் ஆண்டுக்குள் தேர்ந்தெடுக்க நாசா தீர்மானித்திருக்கிறது.

    *********************************

    தகவல்:

    1. Shuttle Discovery Returns Safely to Earth By: CTV News Staff, Bell Globemedia Inc. [Aug. 9, 2005]

    2. Space Shuttle Discovery Lands Safely in Edwards Airforce Base, California By Nichola Groom [Aug 9, 2005]

    3. Beyond Discovery Shuttle Faces Uncertain Future By: Irene Klotz (Reuters News Agency) [Aug 9, 2005]

    4. Shuttle Discovery Put through Second Fueling Test By: Milliam Harwood, CBS News (May 20, 2005)

    5. NASA: Shuttle ‘s Retirement May Affect International Space Station, By: Tariq Malik CNN.com (May 21, 2005)

    6. Space Shuttle Program – Wikipedia, Free Encyclopedia (www.en.wikipedia.org/wiki/Space_Shuttle)

    7. Shuttle Discovery Launch Set for Mid-July, 2005 By: Guy Gugliotta, Washington Post Staff Writer (May 21, 2005)

    8. NASA Report: Discovery Set for July Launch Despite Delays By: Todd Halvorson (May 24, 2005)

    9. September Shuttle Launch May Delay Next Space Station Crew By: John Kelly (May 24, 2005)

    10 Space Shuttle Leaves Orbit, Heading to California By: Irene Klotz Deborah Zabarenko (Aug 9, 2005)

    11 Encyclopedia Britannica Almanac (2005).

    12 திண்ணை விஞ்ஞானக் கட்டுரை: விண்வெளி மீள்கப்பல் கொலம்பியாவின் சிதைவு. (பிப்ரவரி 9, 2003) [http://www.thinnai.com/science/sc0209035.html]

    13. திண்ணை விஞ்ஞானக் கட்டுரை: [ http://www.thinnai.com/sc0526051.html] புத்துயிர் பெறும் விண்வெளிக் கப்பல் எப்போது பயணம் செய்யும் ?

    14. Why NASA Can ‘t Get It Right By Jeffrey Kluger, Time Magazine (August 8, 2005)

    15. Picture Credits: Time Magazine (August 8, 2005) & NASA WebPage.

    16. http://www.nasa.gov/centers/marshall/about/star/shuttle_110803.html  [April 14, 2011]

    17. https://en.wikipedia.org/wiki/Space_Shuttle [May 24, 2016]

    18. http://www.ndtv.com/india-news/isro-embarks-on-launching-indian-space-shuttle-1406368

    19. http://www.businessinsider.in/ISRO-successfully-tests-made-in-India-mini-space-shuttle/articleshow/52396158.cms

    20. http://www.indiatimes.com/news/india/isro-s-made-in-india-space-shuttle-rlv-td-to-be-launched-this-month-255112.html  [May 23, 2016]

    *********************

    S. Jayabarathan  [jayabarathans@gmail.com]  (May 26, 2016) [R-1]

    Attachments area

    Preview YouTube video RLV TD POWER.mpg

    RLV TD POWER.mpg

    Preview YouTube video India’s very own space shuttle will launch in the next 2-3 months

    India’s very own space shuttle will launch in the next 2-3 months

    Preview YouTube video Full Cockpit Launch + Crew audio Last Space Shuttle ♦ STS-135

    Full Cockpit Launch + Crew audio Last Space Shuttle ♦ STS-135

    Preview YouTube video Inside Space Shuttle Challenger STS-51L During The Accident

    Inside Space Shuttle Challenger STS-51L During The Accident
    Share

  • கேசவ் வண்ணம் – கிரேசி எண்ணம்

    9b0ec3ee-ce2a-416d-8747-3b17f9974018

     

    ”கண்ணன் நம்மோடு ஆன்மீகமாய்க் கலந்தாலும்
    நாம் கன்றைப் போல லெளகீகமாய் கால் வருடி
    வரம் கேட்போம்…..இதுதான் ‘’அடி’’மாட்டு புத்தியோ! கேசவ்….!
    ஆண்டவனே வந்து அணைத்தாலும், நாம் வேண்டுவது கார், பங்களா
    ’’பாதாங்’’கீர் போன்ற இக இச்சைகள்….

    ”ஒன்றோடு சேர்ந்து ஒன்றாய்க் கலந்தாலும்,
    கன்(று)ஆயர் ஏறைக்(கண்ணன்) கலக்காது: -கன்றுக்(கு)
    அடிமாட்டு புத்தி மடிப்பிச்சைக் காக
    குடித்திடும் கால்பாதாங் கீர்’’….கிரேசி மோகன்….

    Share

  • “கண்ணா கனியவை நாற்பது” …. (4)

    கிரேசி மோகன்

     

    சுகம்கிடைத்தும் ஓரிடத்தில் சும்மா இராமல்
    நகம்கடித்து நாற்புறமும் நோக்கி -முகம்சுளிப்பாய்
    மேலான பேரின்பம் தோலால் கிடைக்காது
    வேளாண்மை செய்யான்மா வில்….(19)

    வில்லிருந்தும் தோளிருந்தும் வீரம் பிறக்காது
    கள்ளிருந்தும் போதை கிடைக்காது -உள்ளிருக்கும்
    ஆன்மனே ஆண்மை அவனெழுச்சி சம்போகம்
    ஊன்மனங்கள் சோரும் உறுப்பு….(20)

    உறுப்பதற்கு ஞானம், உரைப்பது மோனம்
    பிறப்பிறப்(பு) இல்லா புருஷன் -கருப்பொருளாய்
    சக்தியவள் , அன்பில் சிவனவன், பாலில்
    யுக்தியிலாண் பெண்ணாம் அது….(21)

    அதுவாக ஓர்நாள் ருதுவாகும் ஆன்மா
    அதுவரை ஐம்புலனை ஆள்வாய் -கதையல்ல
    கற்பனை மாயையைக் கட்டக் களித்துடுவான்
    அற்பனும் அக்குடையை ஆண்டு….(22)

    ஆண்டோனும் ஆண்டியும் மாண்டபின் மீண்டுமிங்கு
    ஆண்டியாய் ஆண்டோனாய் ஆகிடுவர் -வேண்டாமே
    வேஷமிது அஞ்ஞானம் வேதாந்த கும்பலின்
    பாஷையில் கோவிந்தா போடு….(23)

    போடுவதை உண்ணாது போயின்ப வேட்டையில்
    ஆடியிரை ஆகி அனல்சுடு -காடுவர
    அய்யோ எனக்கூவ அய்யோ மணவாளன்
    கொய்யா(து) இருப்பானா கூறு….(24)

    Share

  • பொதுநலம்!

    ராமன் தனது ராமன் விளைவை செயல்முறை விளக்கத்துடன் விவரிக்கும் காட்சி

    பவள சங்கரி

    பௌதீக உலகின் முடிசூடா மன்னன் சர்.சி.வி.இராமன் தமது அரிய ஆய்வுகளுக்காக நோபல் பரிசு பெற்று உலக அரங்கில் நம் பாரதத்தின் பெருமையை உயரச்செய்தவர். முதலில் வங்காள மாநிலத்தின் உதவி கணக்காய்வுத் தலைவராக [Accontant General] ஆங்கிலேயர் ஆட்சிக்காலத்தில் மாநிலத்தின் உயர் பதவியில் இருந்தவர். பகல் நேரங்களில் அலுவலகப் பணியை கவனித்துவிட்டு ஓய்வு நேரத்தில், பௌதிகத்தின் மீது தான் கொண்ட அதிக ஈடுபாடு காரணமாக, கல்கத்தா பல்கலைக் கழகத்தின் விஞ்ஞான ஆராய்ச்சிக் கூடத்துக்குத் தினமும் அதிகாலையிலும், மாலையிலும் சென்று தமது பௌதிக ஆய்வுப் பணிகளை மேற்கொண்டிருந்தார். இவருடைய நேர்மையான பணித்திறத்தினால் அலுவலகத்தில் இவருக்கு மேலும் பதவி உயர்வு பெறுவதற்கான வாய்ப்பும் அதிகமாக இருந்தது.

    இந்த நேரத்தில்தான் கல்கத்தா பல்கலைக்கழக துணை வேந்தர் சர்.சி.வி. இராமனிடம் தம் அலுவலக, கணக்காய்வுத் தலைவர் பதவியை விட்டுவிட்டு முழு நேர பௌதிக ஆராய்ச்சியில் ஈடுபட்டால் நாட்டிற்கும், மக்களுக்கும் பெரும் சேவையாக இருக்குமே என்ற தம் கருத்தை எடுத்துரைத்தார். அக்கருத்தை மிக மகிழ்வுடன் ஏற்றுக்கொண்ட இராமன் மிகப்பெரும் வருமானமும், கௌரவமும் கொடுத்த அப்பெரும் பதவியைவிட்டு விலகி அதைவிட மிகவும் குறைந்த வருமானமே தரக்கூடிய பௌதிக ஆராய்ச்சிப் பணியை மிக மகிழ்வுடன் தம் முழுநேரப் பணியாக ஏற்றுக்கொண்டார். அதன்பின் மீப்பெரும் சாதனைகள் பல செய்து நோபல் பரிசும் வென்றார்.

    இன்றைய மேதைகளின் நிலையை நினைத்தால் வேதனைதான் மிஞ்சுகிறது..   🙁

    Share

  • கேசவ் வண்ணம் – கிரேசி எண்ணம்

    b27f401c-669f-4c16-907d-4a04b9629396

    ”முதலைவாய் சிக்கி மதகளிறு ஆதி
    முதலைவா வென்றைக்க மூன்றில் -முதலாய்
    கருடன் அமர்ந்து கஜேந்திரனைக் காத்த
    புருடனைப் போற்றல் பிழைப்பு’’….(1)

    ”அடிசறுக்கி ஆனை துடிதுடித்த போது
    நொடிக்கணக்கில் வந்தகால நேமி! -வடிவெடுத்து,
    ஆவென வாய்பிளந்த பாவத்தின் பற்களுற்றேன்
    ஆவன செய்யவா தேவு’’….(2)

    காலநேமி -சுதர்ஸன சக்கிரத்தான்….

    ”பீதாம் பர(ம்)அவிழ, போட்ட நகைசிதற,
    வேதப்புள் வாகனனை தோள்சுமந்து, -பாதாதி
    கேசம் குலுங்க, களிறுக்கன்(று) ஏகிய
    நேசனக் கேசவனை நம்பு’’….(3)
    ’’கூப்பிட்டால் ஆயர்க்காய்க், கூச்சலிட்டால் ஆனைக்காய்ச்,
    சாப்பிட்டால் நட்புக்காய்ச், சோர்வின்றிக் -காப்பிட்ட
    ராதை கரம்விலக்கிக், கீதை உரைநிறுத்தி,
    ஆதரவுக்(கு) ஓடும் அரி’’…(4)….கிரேசி மோகன்….

    Share

  • ”TIMES OF INDIA” – CRAZY MOHAN’S INTERVIEW….

    b6afaf15-7661-4562-bc03-aae41690bb8e

    Share

  • ”கண்ணா கனியவை நாற்பது’’…. (3)

     
    ’’விலக்க விருப்பம் , விரைந்து நெருங்கும்
    விளக்கம் தெளிவு விடியல் -கலக்கம்
    இனிநமக்(கு) இல்லைநாம் கண்ணனைப் போல
    தனிமரத் தோப்பில் திளைப்பு’’….(13)

    ’’திளைப்பாய், இளைப்பாய், களைப்பாய் புலனார்
    அலைக்கழிப்பால் ஆயுள் அடைப்பாய் -முலைப்பால்
    அருந்திட மீண்டும் அவனிக்கு வருவாய்
    திருந்திட ஏற்பாய் துறவு’’….(14)

    ’’துறவில் மரமாய், உறவில் கிளையாய்
    பிரிவில் கனியாய்ப் பழுத்து -நிறைவில்
    நிலைத்திருப்பாய் நெஞ்சமே ஞானக் கடலின்
    அலைக்கரத்தால் மண்தொட்(டு) அகன்று’’….(15)

    ’’அகன்று விரியும், அணுவாய்க் குறையும்
    உகந்த உறவில் உலவும் -புகன்ற
    மறைகளும் காணா மகத்துவம் நெஞ்ச
    அறைதனில் வாழும் அவன்’’….(16)

    ’’அவனால் அவனி, அவன்தான் புவனி
    அவனை அவனால் கவனி -அவனே
    வருவான் குருவாய் அறிவைத் தருவான்
    பெருவாய் பரம பதம்’’….(17)

    ’’பதப்பருக்கை பானை புசிக்கின்ற பூதம்
    முதற்கொண்டிங்(கு) எல்லாமே மாயை -எதற்காக
    அம்மா பசியென்றிங்(கு) ஆலாய்ப் பறக்கின்றாய்
    சும்மா இருக்க சுகம்’’….(18)….கிரேசி மோகன்….

    Share

  • நாளென வரும் வாள்!

    -மேகலா இராமமூர்த்தி

    மண்ணில் தோன்றிய உயிர்கள் அனைத்தும் ஒருநாள் மடியவேண்டியவையே; அதுவே இயற்கையின் நியதி. வாழ்வின் தன்மையை நன்குணர்ந்த சான்றோர் இதனையே ‘நிலையாமை’ (Impermanence; This concept is known as Anicca in Buddhism, and Anitya in Hinduism) என்ற பெயரால் சாற்றினர். இளமையும் செல்வமும் யாக்கையும் (உடல்) அழிவற்றது என்றெண்ணி இறுமாப்புக் கொள்வது பேதைமையுள்ளெல்லாம் பேதைமை!

    நெருநல் உளனொருவன் இன்றில்லை என்னும்
    பெருமை உடைத்திவ் வுலகு     என்றார் பொய்யில் புலவர்.

    நேற்றிருந்தவனை இன்றில்லை என்று ஆக்குவது உலகுக்குப் பெருமையளிக்கும் ஒன்றாக இருக்கலாம்; ஆனால் அவனையே நம்பியிருக்கும் அவனுடைய குடும்பத்தின் அவலநிலை பெருமைக்குரியதா…? இல்லை…அது வார்த்தைகளில் வடிக்கவியலாக் கொடுமையானது!

    தூணென நின்று தன்னைச் சார்ந்தோரைக் காத்தவன், படுக்கையில் படுத்தான்; தன்கேள் அலற இவ்வுலகையே விடுத்தான் என்று கூறும்படியான நிலையற்ற தன்மையுடையதுதானா இவ் வாழ்க்கை? ஆம்…என்கிறது நாலடியார். புல்லின்மேல் நிற்கும் நீர்த்துளியை யொத்ததே மானுட வாழ்க்கை என்பது நாலடியார் நவிலும் உண்மை. 

    புல்நுனிமேல் நீர்போல் நிலையாமை என்றெண்ணி
    இன்னினியே செய்க அறவினை – இன்னினியே
    நின்றான் இருந்தான் கிடந்தான்தன் கேள்அலறச்
    சென்றான் எனப்படுத லால்    . (நாலடியார் – 29)

    நாளது சின்மையும் இளமையது அருமையும் கருதித்தான் வாழ்வில் செய்யவேண்டிய நல்லறங்களையெல்லாம் உடனடியாகச் செய்துவிடச் சொல்லுகின்றனர் அறவுணர்வுடைய ஆன்றோர். நாளைக்குப் பார்த்துக்கொள்ளலாம் என்று நற்காரியங்கள் ஆற்றுவதை நாம் தள்ளிப்போட்டால் அவற்றைச் செய்வதற்கு நாளை நாமிருப்போம் என்பது என்ன நிச்சயம்? ’இன்னினியே (இப்பொழுதே) செய்க அறவினை’ என்று நாலடியார் நம்மை துரிதப்படுத்துவதுபோலவே, சிலப்பதிகாரக் கதை மாந்தனான மாடல மறையோனும் சேரன் செங்குட்டுவனிடம்,

    நாளைச் செய்குவம் அறமெனில் இன்றே
    கேள்வி நல்லுயிர் நீங்கினும் நீங்கும்
    இதுவென வரைந்து வாழுநா ளுணர்ந்தோர்
    முதுநீர் உலகில் முழுவது மில்லை     (சிலப்: நடுகல்: 179-182)

    என்று கூறி நல்வினையாற்றலின் அவசரத்தை – அவசியத்தை வலியுறுத்துகின்றான்.

    மரணம் என்றவுடனேயே நாம் எண்ணுவது மீளமுடியாத அல்லது மீண்டுவாராத வாழ்வின் இறுதிப்பயணம் ஒன்றைத்தான்! ஆனால் அதுமட்டுந்தானா சாவு? இல்லை! வாழ்வில் ஒவ்வொரு பருவத்தின் இறுதியுமே சாவுதான். குழந்தைப் பருவம் செத்துத்தான் நமக்கு வாலிபப் பருவம் பிறக்கின்றது. வாலிபம் செத்துத்தான் வயோதிகம் வருகின்றது. ஆனால் நாமோ உடலை உயிர்நீங்கிச் செல்லும் நிலை ஒன்றுக்குத்தான் அழுகிறோமேயன்றி தினந்தோறும் நாம் ஒவ்வொருவரும் செத்துக்கொண்டிருப்பதை அறியவுமில்லை; அதற்காக அழவுமில்லை என்று நம் அறியாமையைச் சுட்டிச்செல்கின்றது பௌத்தக் காப்பியமான குண்டலகேசி!

    பாளையாம் தன்மை செத்தும் பாலனாம் தன்மை செத்தும் 
    காளையாம் தன்மை செத்தும் காமுறும் இளமை செத்தும்     
    மீளும்இவ் இயல்பும் இன்னே மேல்வரும் மூப்பும் ஆகி     
    நாளும் நாள் சாகின்றாமால் நமக்குநாம் அழாதது என்னோ?     (குண்டலகேசி – 9)

    சாவு குறித்த இப்பாடலின் சிந்தனை புதிதாய் மட்டுமின்றிப்  பொருத்தமானதாகவுமே எனக்குப் படுகின்றது.

    புவியில் பிறந்து, இன்பத்திலும் துன்பத்திலும் உழன்று, சலித்துப்போகும் மன்னுயிர்களுக்கு நிரந்தர விடுதலையளிக்கும் நாயகன் ஒருவன் இருக்கின்றான். அவனே யமபுரிக்குத் தலைவனான காலன். காலம் பார்த்திருந்து உயிர்களின் கதையை முடிப்பதில் வல்லவன் அவன். ’காலனும் காலம் பார்க்கும்’ என்று அவனுடைய பண்பைக் குவலயத்துக்கு உணர்த்தினார் கோவூர்கிழார் எனும் புலவர்பெருந்தகை. வேந்தனின் உயிரும் சாதாரண மாந்தனின் உயிரும் மறலிக்கு ஒன்றுதான்! கொல்லுவதில் சமரசத்தைப் பேணுவதில் அவனை வெல்லுபவர் யார்?

    கணக்கற்ற மனித உயிர்களைப் போரிலே கொன்றுகுவித்துக் காலனுக்குப் படையலிட்டுவந்த சோழவேந்தன் கிள்ளிவளவன் ஒருநாள் மாண்டுபோனான். அதனைக் கண்டார் ஆவடுதுறை மாசாத்தனார் எனும் அருந்தமிழ்ப் புலவர். மறலியிடம் மண்டியது சீற்றம் அவருக்கு! நனிபேதையும், (அடிமுட்டாள் என்று மக்கள்வழக்கில் சொல்லலாம்!) அறனற்றவனுமான மறலியே! யாரேனும் பசிக்கிறது என்று விதைநெல்லைச் சமைத்து உண்பார்களா? உன் உறுபசிக்கு உயிர்களைத் தட்டாது தந்துவந்தானே எங்கள் வளவன்! அவனையுமா உன் கோரப்பசி கொன்று புசித்தது? என்னே உன் விரகின்மை! பகைவர்க்குக் கூற்றாய்த் திகழ்ந்த எம் கொற்றவனைக் கொண்டனையே…இனி நின்னுடைய அழிபசி தீர்ப்போர் ஆர்? என்று சீறுகின்றார்.

    நனிபே தையே நயனில் கூற்றம்
    விரகின் மையின் வித்தட்டு உண்டனை
    இன்னுங் காண்குவை நன்வாய் ஆகுதல்
    ஒளிறுவாள் மறவரும் களிறும் மாவும்,
    குருதியும் குரூஉப்புனற் பொருகளத்து ஒழிய
    நாளும் ஆனான் கடந்தட்டு என்றுநின்
    வாடுபசி அருத்திய பழிதீர் ஆற்றல்
    நின்னோர் அன்ன பொன்னியற் பெரும்பூண்
    வளவன் என்னும் வண்டுமூசு கண்ணி
    இனையோற் கொண்டனை ஆயின்,
    இனியார் மற்றுநின் பசிதீர்ப் போரே?      (புறம் – 227: ஆவடுதுறை மாசாத்தனார்)

    ஈதொப்ப, தம்முடைய அருமைத்தலைவன் பெருஞ்சாத்தன் மறைந்தான் என்றறிந்து அவன் ஊர்நோக்கி விரைந்தார் ஓர் வண்டமிழ்ப்புலவர். வளமிகு அவ்வூரில் வழியெங்கும் முல்லைமலர்கள் கொள்ளையாய் கொள்ளையாய்ப் பூத்துக்கிடந்ததைக் கண்டு உள்ளம் நொந்தார். அம் மணமலரை நோக்கி, ”முல்லையே! இல்லோரைப் புரந்துவந்த நல்லோனான எம் தலைவன் ஒல்லையூர் பெருஞ்சாத்தன் இறந்துவிட்டான். அதனால் ஒல்லையூரே ஆற்றொணாத் துயரில் அமிழ்ந்து கிடக்கின்றது. துயர்க்கடலில் தத்தளித்துக்கொண்டிருக்கும் இவ்வூரின் இளையோரும், வளையோரும் (பெண்கள்) உன்னை இப்போது பறித்துச் சூடப்போவதில்லை; மன்னனை நாடிவரும் பாணனும், பாடினியும் அவர்தமைப் புரப்போர் இன்மையால் உன்னைச்சூடி மகிழப்போவதில்லை. இந்நிலையில் நீ வீணே மலர்ந்திருப்பது யாருக்காக?” என்று மனங்கவன்று பேசுகின்றார் முல்லையிடம்!

    இளையோர் சூடார் வளையோர் கொய்யார்
    நல்லியாழ் மருப்பின் மெல்ல வாங்கிப்
    பாணன் சூடான் பாடினி யணியாள்
    ஆண்மை தோன்ற ஆடவர்க் கடந்த
    வல்வேற்     சாத்தன் மாய்ந்த பின்றை
    முல்லையும் பூத்தியோ வொல்லையூர் நாட்டே.     (புறம் – 242: குடவாயிற்கீரத்தனார்)

    அமங்கலமான வேளையிலே மங்கலப் பொருள்களைக் காணும்போது மனிதமனத்தின் வேதனை மீதூருவது இயற்கையே போலும்!

    மனிதரின் வாழ்நாள் என்பது அவர் வாழுங்காலத்தை வைத்துக் கணக்கிடப்படுவது. காலம் என்பது நாள்களின் தொகுப்பால் நிர்ணயிக்கப்படுவது. வாழ்வில் புதிதாய் மலரும் ஒவ்வொரு நாளையும் மனிதர் உற்சாகத்தோடு தொடங்கவேண்டும் எனும் எண்ணங்கொண்டவன் பாரதிப் புலவன். அதனால்தான்,

    இன்று புதிதாய்ப் பிறந்தோம் என்று நெஞ்சில் 
    எண்ணமதைத் திண்ணமுற இசைத்துக் கொண்டு
    தின்று விளையாடி இன்புற் றிருந்து வாழ்வீர்” என்றான்.

    வாழ்வியல் அறிஞரான வள்ளுவரின் பார்வையோ வேறுவிதமானது. புதிதாய்ப் பிறக்கின்ற ஒவ்வொரு நாளும் நம் வாழ்நாளில் ஒன்றைக் கழித்துக்கொண்டே – அறுத்துக்கொண்டே வருகின்ற வாள்போன்றது என்பது அவரது எண்ணம்.

    நாளென ஒன்றுபோல் காட்டி உயிர்ஈறும்
    வாளது உணர்வார்ப் பெறின்.         (334)

    ஊக்கத்தோடு ஒவ்வொரு நாளையும் எதிர்கொள்ள பாரதியின் வரிகளும், வாழ்வின் நிலையாமையை உணர்ந்து மனஅடக்கத்தோடு வாழ வள்ளுவமும் நமக்கு வழிகாட்டுகின்றன எனலாம்.

    அறிவியல் வளர்ச்சியும், மருத்துவச் சாதனங்களின் பயன்பாடுகளும் மிகுந்துவிட்ட இந்தத் தொழில்நுட்ப யுகத்தில்கூட மரணமிலாப் பெருவாழ்வை மானுடர்க்கு நல்கவல்ல மருந்துகள் ஏதும் இதுவரைக் கண்டுபிடிக்கப்படவில்லை.

    ஆதலால், மாந்தர் செய்யவேண்டியதெல்லாம் வரையறைக்குட்பட்ட தம் வாணாளை வீணாளாகக் கழிக்காமல், பயனுள்ளதாய்க் கழிப்பதும், வாழ்ந்து மறைந்தபின்னும் தம் பீடும் பெயரும் நிலைக்கும்வண்ணம் வையத்தில் அருஞ்செயல்கள் ஆற்றிச்செல்வதுமே ஆகும். ’மன்னா உலகத்து மன்னுதல் குறித்தோர் தம்புகழ் நிறீஇத் தாமாய்ந் தனரே’ என்ற வழுதியின் வாக்கும் இதனையே உறுதிசெய்கின்றது.

     

     

     

    Share

  • நாசாவின் அசுர விண்வெளி மீள்கப்பல்கள் புரிந்த அண்டவெளிப் பணிகள்

    aj

    Space Shuttle Launches Hubble Telescope

    சி. ஜெயபாரதன், B.E. (Hons), P.Eng. (Nuclear), கனடா

    ++++++++

     

     

     

     

    அண்டவெளி வேட்கையில் அமெரிக்கத் திட்டங்களின் இரண்டாம் கட்டம்!

    முதற் கட்டத்தில் விண்வெளி விமானி ஒருவர் ஓட்டும் மெர்குறித் [Project Mercury] திட்டம், அடுத்து இருவர் இயக்கும் ஜெமினித் [Project Gemini] திட்டம், மூன்றாவது மூவர் செல்லும் அபோலோ [Project Apollo] போன்ற திட்டங்கள் பல வெற்றிகரமாய் நிறைவேறிச் சந்திரன், செவ்வாய், வெள்ளி, வியாழன், சனி, யுரேனஸ், நெப்டியூன் ஆகிய கோள்களை ஆராய்ந்த பிறகு, நாசா [NASA] விண்வெளிப் படையெடுப்பின் அடுத்த கட்டத்தை ஆரம்பித்தது. இரண்டாம் கட்டத்தில் ஏழு நபர் பயணம் செய்யும் விண்வெளி மீள்கப்பல், கொலம்பியா [Space Shuttle, Columbia] 1970 இல் உதயமாகி, 1977 இல் உருவாகி, 1981 ஏப்ரல் 12 ஆம் தேதி அதைப் பயிற்சிப் பயணத்திற்கு அனுப்பி, புதிய விண்வெளி யுகத்தை நாசா திறந்து வைத்தது! கொலம்பியா மீள்கப்பல் இருபதாம் நூற்றாண்டு உருவாக்கிய ஓர் நூதனப் பறக்கும் வாகனம்! அது ஏவுகணை போல் [Missile] ஏவப்பட்டு, அண்டவெளிச் சிமிழ்போல் [Spacecraft] சுழல்வீதியில் [Orbit] சுற்றி வந்து, இறக்கை முளைத்த ஜெட் விமானம் போல் [Aircraft], தரைதொட்டு இறங்கும் முத்திறம் உடைய, ஓர் ஒப்பில்லா பொறி நுணுக்க யந்திரம்!

    மீள்கப்பல் ராக்கெட் முதுகில் ஏற்றப் பட்டு, பூமியின் சுழல்வீதியில் [Earth Orbit] சுற்றி வந்து, பணி முடிந்தபின் பூமிக்குச் சாதாரண ஊர்தி போல் மீளும் ஓர் சுமைதாங்கிக் கப்பல் [Cargo Ship]. மீண்டும் மீண்டும் பயன்படும் விண்வெளிப் பணிகளுக்காகவே, மீள்கப்பல் உருவாகி விருத்தி செய்யப் பட்டது. முதலில் தோன்றிய மெர்குரி, ஜெமினி, அபோலோ ஆகிய விண்சிமிழ்கள் யாவும் ஒருமுறை பயன்படுத்திய பின்பு உபயோகம் இல்லாமல், பின்னர் பொருட் காட்சியகத்தில் சரித்திர நினைவுச் சின்னங்களாய் ஓய்வு பெற்றன!

    விண்வெளி மீள்கப்பல் திட்டத்தின் குறிக்கோள்கள்

    விண்வெளி மீள்கப்பலின் சுமைதாங்கி அறை மிகவும் அகண்டது! அதில் ஐந்து ஆஃப்ரிக்க யானைகளை ஏற்றிக் கொண்டு விடலாம்! விண்வெளி ஆய்வகத்தைத் [Space Lab] தூக்கிச் செல்வது, அண்டவெளி நிலையத்திற்குப் [Space Station] பண்டங்கள் கொண்டு செல்வது, ஆய்வு செய்யும் பயணிகளை ஏற்றிச் செல்வது, பூமிச் சுழல்வீதியில் சுற்றி வரும் ஹப்பிள் தொலை நோக்கியைச் [Hubble Space Telescope] செப்பனிடுவது அல்லது புதுப்பிப்பது, செயலற்ற துணைக் கோள்களைக் [Satellites] கைப்பற்றிப் பூமிக்குக் கொண்டு வருவது, சுற்றி வரும் துணைக் கோள்களைப் பராமரிப்பது, அண்டவெளி ஆய்வகத்தில் ஆராய்ச்சிகள் நடத்துவது, அரசாங்கப் படைத்துறையின் உளவுப் பணிகளுக்கு [Military Missions] உதவுவது ஆகியவை குறிப்பிடத் தக்கவை.

    Space Shuttle -6

    திட்டப்படிக் கொலம்பியா [Columbia], சாலஞ்சர் [Challenger], டிஸ்கவரி [Discovery], அட்லாண்டிஸ் [Atlantis], என்னும் நான்கு மீள்கப்பல்கள் உருவாக்கப் பட்டு அண்டவெளியில் யாத்திரை செய்து வருகின்றன. 1980-1990 ஆண்டுகளுக் குள் இவை குறைந்தது ஆண்டுக்கு 50 பயணங்கள் வீதம் பணி புரியத் திட்டங்கள்! இவற்றில் சாலஞ்சர் 1986 இல் ஏவுதளத்தில் புறப்பட்டு ஏறும் போது வெடித்து விபத்துக்குள்ளாகி [Challenger Disaster] உள்ளிருந்த ஏழு விண்வெளி நிபுணர்களும் உயிரோடு வெந்து சாம்பலாயினர்! பிறகு சால்ஞ்சர் இடத்தைப் பூர்த்தி செய்ய எண்டவர் [Endeavour] மீள்கப்பல் அமைக்கப் பட்டது.

    விண்வெளி மீள்கப்பல் அமைப்பாடு சமயத்தில் அமெரிக்காவும், ரஷ்யாவும் பொறியியற் துறை நுணுக்கங்களைப் பரிமாறிக் கொண்டன என்பது மெச்சத் தகுந்த நிகழ்ச்சி! ரஷ்யாவில் 1978 இல் உதயமாகி, 1987 இல் மனிதரற்றுச் சுயக் கட்டுப்பாட்டில் ஏவப்பட்டு, 155 மைல் உச்சி வீதியில் சுற்றி 3:25 மணி நேரம் பயிற்சிப் பயணம் செய்து, வெற்றிகரமாய்ப் பூமிக்கு மீண்ட புரான் விண்வெளி மீள்கப்பல் [Buran Space Shuttle] ஏதோ ஒரு காரணத்தால் 1993 இல் தடைபட்டுப் பிறகு பயன்படுத்தப் படாமல் போனது! ஆனால் அமெரிக்கா தான் முதன் முதல் ஆக்கிய கொலம்பியா மீள்கப்பலை, ரஷ்யாவின் புரான் மீள்கப்பலின் பிரதியாக உருவாக்கிச் சில வேறுபாடுகளுடன் மாற்றி அமைத்தது!  ஐந்து அண்டவெளி மீள் கப்பல்கள் தயாரிக்கப்பட்டு அவற்றில் இரண்டு விபத்துக்குள்ளாகி, அனைத்து விமானிகளும் இறந்தனர்.  அவைகள் 1981 முதல் 2011 வரை 135 விண்வெளிக் குறிப்பணிகள் புரிந்து, மூன்று நிரந்தரமாய் ஓய்வெடுத்தன.  முக்கியப் பணிகள் : ஹப்பிள் தொலைநோக்கி ஏவியது; பல துணைக்கோள்கள் ஏவியது;   அகில நாட்டு விண்வெளி நிலையத்துக்குச் சாதனங்கள் கொண்டு சென்றது குறிப்பிடத்தக்கவை.

    Space Shuttle -5

    விண்வெளி மீள்கப்பல் கட்டமைப்பின் முக்கிய உறுப்புக்கள்

    கொலம்பியா மீள்கப்பல் 9 பில்லியன் டாலர் செலவில் ராக்வெல் கார்பொரேசன், பாம்டேல், காலிஃபோர்னியா [Rockwell Corporation, Palmdale, California] தொழிற் கூடத்தில் 1978 ஆண்டு உருவான விண்வெளி யந்திரம்! ஆரம்பத் தளச் சோதனைகள் முடிந்தபின், டிரைடென் பறப்பாய்வு மையகத்தில் [Dryden Flight Research Centre, Edwards California] அதன் பறப்பு முறைகள் யாவும் பயிற்சி செய்யப் பட்டன. ஏவு தளத்தில் நின்ற 187 அடி உயரமும், 2000 டன் எடையும் கொண்ட கூட்டமைப்பில் [Space Shuttle Assembly] இறக்கை யுள்ள சுற்று ஊர்தி [Winged Orbiter], எரித்திரவ வெளிக்கலன் [Liquid Fuel External Tank], எரித்திடவ இரட்டை ராக்கெட்டுகள் [Solid Fuel Twin Rockets] யாவும் ஒருங்கே இணைக்கப் பட்டிருந்தன. 154 அடி நீளமும் 29 அடி விட்டமும் கொண்டது, எரித்திரவ வெளிக்கலன். அதன் இருபுறமும் 150 அடி நீளம், 14 அடி விட்டமுள்ள ராட்சத ராக்கெட்கள்! விண்ணோக்கிய மூக்குடன் DC-9 ஜெட் விமானத் தோற்ற முடைய கொலம்பியா மீள்கப்பல், நீண்ட வெளிக்கலன் முதுகில் ஏறிக்  கொண்டிருந்தது.

    இரட்டை ராக்கெட்டுகள் அதி தீவிரமாய்ப் பற்றி எரியும் அலுமினியப் பொடியைத் [Aluminium Powder] திடக்கன எரிபொருளாய்ப் [Solid Fuel] பயன்படுத்தின. வெளிக்கலனில் திரவ ஹைடிரஜன் [Liquid Hydrogen 380,000 gallon], திரவ ஆக்ஸிஜன் [Liquid Oxygen 140,000 gallon] தனித்தனி கலன்களில் நிறைக்கப் பட்டிருந்தன. ராக்கெட் ஏவுதளத்தில் சுடப் படும் போது, இரண்டு திரவ வாயுக்களும் அதிக அழுத்தத்தில் கலந்து கனல் பற்றி, மீள்கப்பலின் பிரதம எஞ்சின் மூன்றும் இயங்கின. ஒவ்வொரு வினாடியும் 1000 பவுண்டு எரிதிரவம் எஞ்சின்களுக்குத் தேவைப்படுகிறது. மீள்கப்பல் பூமியின் சுழல்வீதியை நெருங்கும் முன்பே, வெளிக்கலன் காலியாகி அற்று விடப்பட்டு, வாயு மண்டல வெப்பத்தில் எரிந்து தூள் தூளாகிறது!

    விண்வெளி மீள்கப்பலின் சாதனங்கள், இயக்க முறைகள்

    மீள்கப்பலில் முன்புறம் கருவிகளை இயக்கும் விமானிகள், பல ஆய்வுச் சாதனங்கள், கட்டுப்பாடு செய்யும் மின்கணனிகள், மின்னியல் வன்கலன்கள் [Electronic Hardwares], நடுவே சுமை தாங்கும் கூடாரம், வால்புறத்தில் மூன்று பிரதம உந்து எஞ்சின்கள் யாவும் பொருத்தப் பட்டிருந்தன. 67 அடி நீளம், 15 அடி விட்டமுள்ள நடுக் கூடாரம் 29.5 டன் சுமையை விண்வெளிக்குத் தூக்கிச் செல்ல முடியும்! ஆனால் மீண்டும் பூமிக்கு இறங்கும் போது 14.5 டன் சுமையைத்தான் ஏற்றிக் கொள்ள முடியும்! சுமைதாங்கி அறையில் தொலைத் தொடர்பு [Communication], படைத்துறை [Military], வானியல் [Astronomical] ஆகியவற்றின் பணிகளைப் புரியும் துணைக்கோள்கள் [Satellites] சுழல்வீதி யிலிருந்து ஏவப்பட எடுத்துச் செல்லப்படலாம். மீள்கப்பல் பூமியின் சுழல்வீதியில் சுற்றி வரும் போது நுண்ணீர்ப்பு [Micro-gravity] என்று சொல்லப்படும் எடையின்மையை [Weightlessness] ஆராயலாம். நாசா பிற நாட்டினர் ஆய்வகங்களை ஏற்றிச் சென்று, விண்வீதியில் ஏவி விடலாம்.

    Space Shuttle -8

    ஏவுதளத்தில் 2000 டன் எடையுள்ள கொலம்பியா விண்வெளிக் கூட்டமைப்பு, பல்வேறு உந்து விசைச் சாதனங்களால் [Multiple Propulsion Systems] 3000 டன் உதைப்பில் [Thrust] நேர் செங்குத்தாக மேலே எழுகிறது! மீள்கப்பல் பூமியின் சுழல்வீதியில் பணிகளை முடித்து விட்டு, தனது ராக்கெட் எஞ்சின்களை இயக்கி, விண்வெளி யிலிருந்து திரும்பி, பூமியை நோக்கிக் கீழே பாய்ந்து, பூகோள வாயு மண்டலத்தின் கடும் வெப்ப உராய்வில் [Intense Friction Heat] வெந்து சிதைந்து விடாமல், பாதுகாப்பாய் இறங்கி, ஓர் சாதாரண விமானம் போல் தளமட்டத்தில் [Horizontal] தரையைத் தொடுகிறது! மீள்கப்பலில் விமானக் குழுவகத்தின் பின்னால் அமைந்த, தூரக் கையாட்சி ஏற்பாட்டில் [Remote Manipulator System] சுயமாய் இயங்கி, 50 அடி நீளும் கனடாக் கரம் [Canada Arm] சுமையைத் தூக்கவும், சுமையை இறக்கவும் பயன்படுகிறது.

    பூமி நோக்கிப் பாயும் மீட்சிப் [Re-entry] பயணத்தில், வாயு மண்டலத்தின் உராய்வு வெப்பத்தில் மீள்கப்பல் எரிந்து போகாதவாறு, சிலிகேட் நார் சூட்டுத் தடுப்புத் தகடுகள் [Silicate Fibre Thermal Insulation Tiles] உறைபோல் ஒட்டப்பட்டு பாதுகாப்பு செய்கின்றன. மீள்கப்பலின் சிலிகேட் நார்கள் குறைந்தது 100 விண்வெளிப் பயணங்களுக்குப் பிறகு நீக்கப் பட்டுப் புதுப்பிக்கப்பட வேண்டும். நலிந்த எடை கொண்ட அந்த காப்பு நார்கள் 1260 டிகிரி C உஷ்ணத்தைக் கூடத் தாங்கும் வலிமை யுள்ளவை!

    Space Shuttle -16

    டிரைடென் பறப்பாய்வு மையகத்தில் ஆரம்பச் சோதனைகள் யாவும் வெற்றிகரமாக முடிந்து கொலம்பியா மீள்கப்பல் போயிங் 747 [Boeing 747] முதுகில் ஏற்றப் பட்டு, பிளாரிடா கனாவரல் முனை [Cape Canaveral, Florida] ஏவு தளத்திற்குத் தூக்கிச் செல்லப் பட்டது!

    முதல் மீள்கப்பல் கொலம்பியாவின் முன்னோடிப் பயிற்சிப் பயணம்

    அமெரிக்காவின் கனாவெரல் ராக்கெட் ஏவுதள முனையில் 1981 மார்ச் 14 ஆம் தேதியே 187 அடி உயரக் கொலம்பியா கோபுரக் கூட்டமைப்பு தயாராக நின்று கொண்டிருந்தது. அதன் முதல் பயிற்சிப் பயணச் சோதனை நீடிப்பது, இரண்டு அல்லது மூன்று நாட்களே! அது பூமியைச் சுற்றி வரப் போகும் சுழல்வீதி [Earth Orbit] உயரம் 150 மைல், பயிற்சிக்காகத் தணிவாக்கப் பட்டுள்ளது! அதை இயக்கி முதலில் செல்பவர் இருவர்! அண்டவெளி விமானிகள் ஜான் யங், அடுத்தவர் ராபர்ட் கிரிப்பென் [Astronauts John Young, Robert Grippen]. கொலம்பியா வின் ஆணையாளர், 50 வயதுள்ள ஜான் யங் அபோலோ விண்வெளி நிலவுத் திட்டத்தில் [Apollo Moon Program] நான்கு முறை அண்ட வெளியில் சுற்றிச் சிறப்புற்றவர்! ராபர்ட் கிரிப்பென் முதலில் பயணம் செய்யும் ஓர் விமானி.

    Space Shuttle -21

    அவர்கள் இருவரும் கொலம்பியா மீள்கப்பல் இறக்கைகளின் நிலைபாட்டை [Stability of Wings] அண்டவெளியில் சோதிக்க 36 தடவைப் பூமியைச் சுற்றி வரப் போகிறார்கள்! முடிவில் செங்குத்தாகப் பாய்ந்து, மொஜாவே பாலைவனத்தில் [Mojave Desert, California] இறக்கம்! அந்த முதல் சோதனைப் பயிற்சி வெற்றிகரமாக முடிந்தால், அடுத்து 36 மீள்கப்பல் பயண ஏற்பாடுகள் தொடரத் திட்டமிடப் பட்டன! மீள்கப்பலில் எதிர்பாராத விபத்து எதுவும் ஏற்பட்டால், இருவரும் உயிர் தப்பிக் கொள்ள, வெளியேற்றும் ஆசனங்கள் [Ejection Seats] அமைக்கப் பட்டிருந்தன!

    திரட்சி எரிபொருள் [Solid Fuel] இயக்கும் முதற் கட்ட இரட்டை ஊக்கி ராக்கெட்டுகள் [First Stage Twin Booster Rockets], மற்றும் மூன்று மீள்கப்பல் ராக்கெட்டுகள் முதல் இரண்டு நிமிடங்கள் சுடப் பட்டு, மீள்கப்பல் மணிக்கு சுமார் 3000 மைல் வேகத்தில் நேர் மேலே எழுச்சி பெற்று 31 மைல் உயரத்தில் சென்றதும், இரட்டை ராக்கெட்டுகள் அற்றுக் குடை பிடித்துக் [Parachute] கொண்டு கடலில் விழுகின்றன. பிளாரிடாவுக்கு அருகே கடலில் காத்திருக்கும் கப்பல் ஒன்று, அவற்றைக் கடலில் கண்டு பிடித்து மறுபடியும் பயன்படுத்தக் கரை சேர்க்கிறது. இரண்டு ஊக்கி ராக்கெட்டுகள் ஓய்ந்த பின்னும், மீள்கப்பலின் மூன்று பிரதம ராக்கெட்டுகள் தொடர்ந்து இன்னும் ஆறு நிமிடங்கள் இயங்கி, மீள்கப்பலை 1200 டன் உதைப்புடன் [Thrust] 59 மைல் உயரத்தில் தள்ளி, 99% சுற்று வேகம் [Orbital Velocity] அடைந்து, பூமியின் சுழல்வீதியை நெருங்குகிறது. அப்போது, வெளிக்கலன் அற்று விடப்பட்டுத் தூளாகிச் சிதறி இந்து மகாக்கடலில் விழுகிறது. முடிவில் கப்பலின் இரண்டு சிறு எஞ்சின்கள் இறுதி உந்து விசை தந்து, மணிக்கு 17,500 மைல் வேகத்தில் மீள்கப்பல் பூமியின் சுழல்வீதியில் [Earth Orbit] சுற்றி வர 150 மைல் உயரத்தில் தள்ளி விடப் படுகிறது.

    Control Room

    அண்டவெளி மீள்கப்பல் ஆட்சி அறை. 

    Click to enlarge

    அண்டவெளிப் பணிகளை முடித்த பிறகு, மீள்கப்பலின் சிறு எஞ்சின்கள் இயங்கி மணிக்கு 17,600 மைல் வேகத்தில், கப்பல் சுழல்வீதி யிலிருந்து விடுபட்டுக் கொண்டு [De-Orbiting], அதன் மூக்கு பூமியை எதிர் நோக்கித் திரும்புகிறது. 50 மைல் உயரத்தில் வாயு மண்டலத்தின் கடும் உராய்வுக் கனலைத் தாங்கிக் கொள்ளக், கப்பல் சாய்ந்து 40 டிகிரிக் கோணத்தில் வயிற்றைக் காட்டிக் கொண்டு, புவியை நோக்கிப் பாய்கிறது. அப்போது அதன் அசுர வேகத்தைத் தணிக்க, கப்பலின் எதிர்ப்புற ராக்கெட்டுகள் [Retro-rockets] சுடப்படுகின்றன. மீள்கப்பல் அதன்பின் ஒரு விமானம் போல் தனது இறக்கைகளை இயக்கிக் கட்டுப்பாடு முறைகளைக் கையாண்டு தரையில் கம்பீரமாக வந்து இறங்குகிறது. அப்போது மணிக்கு 220 மைல் வேகத்தில் தரையில் ஓடும் விமானத்தின் வேகத்தைத் தணிக்க, வால்புறத்தில் ஒரு பாராசூட் குடை விரிகிறது. மீள்கப்பலின் தரைதொடும் [Touchdown] இயக்கப்பாடுகள் எல்லாம் சுமார் அரை மணி நேரத்துக்குள் நிகழ்ந்து விடுகின்றன.

    Space Shuttle -22

    Click to enlarge

    விண்வெளி மீள்கப்பல்கள் ஆற்றிய அண்டவெளிப் பணிகள்

    கொலம்பியா தனது முதற் சோதனைப் பயிற்சிப் பயணத்தை 1981 ஏப்ரலில் வெற்றிகரமாய் முடித்த பிறகு, ஐந்தாண்டுகள் சிறப்பான பணிகள் பல செய்யப் பட்டுள்ளன. 1983 ஏப்ரலில் சாலஞ்சர் தன் முதல் பயணத்தை முடித்து, நவம்பரில் அடுத்து அமெரிக்க, ஈரோப்பிய நாடுகளின் 71 விஞ்ஞானத் தேர்வுகள் [Scientific Experiments] புரிய, முதல் விண்வெளி ஆய்வகத்தைத் [Space Lab] தூக்கிச் சென்றது. 1984 ஏப்ரலில் பரிதியின் உச்சத் துணைகோள் [The Solar Maximum Satellite] சுழல்வீதியிலே செப்பனிடப் பட்டது.

    Space Shuttles -7

    Click to enlarge 

    Space Shuttle Path

    அதே வருடம் நவம்பரில் முடமாய்ப் போன பலாப, வெஸ்டார் [Palapa, Westar] துணைக்கோள்கள் சுழல்வீதியிலிருந்து பற்றி இழுக்கப் பட்டு, பூமிக்கு எடுத்து வரப்பட்டன. 1985 ஆகஸ்டில் முதன் முதல் விண்வெளியில் ஒரு துணைக்கோள் [Syncon IV-3] ஏவப்பட, சாலஞ்சர் உதவி செய்தது. அடுத்து 1986 ஜனவரியில் சாலஞ்சர் புறப்படும் போது வெடித்து [Challenger Disaster] ஏழு நபர்கள் மாண்டபின், ஏறக் குறைய மூன்று ஆண்டுகள் மீள்கப்பலின் பயணங்கள் ஒத்திப் போடப் பட்டன! அச்சமயம் அதுபோல் விபத்து எதுவும் நேராதவாறு மீள்கப்பல்களில் பல புதிய பாதுகாப்புச் சாதனங்கள் சேர்த்திடப் பட்டன.

    1986 ஆம் ஆண்டிலிருந்து 50 மேற்பட்ட மீள்கப்பல் குறிப்பணிகள் [Space Shuttle Missions] எவ்வித விபத்தும் நேராமல் முடிந்துள்ளன. முக்கியமாக மே மாதம் 1989 இல் வெள்ளி விண்கோளை நோக்கி ஏவிய மாஜெல்லன் [Magellan], அக்டோபர் 1989 இல் வியாழன் விண்கோளை நோக்கி ஏவிய காலிலியோ [Galileo], ஏப்ரல் 1990 இல் ஏவிய ஹப்பிள் விண்தொலை நோக்கி [Hubble Space Telescope], அக்டோபர் 1990 இல் பரிதியை ஆராய ஏவிய யுலிஸிஸ் [Ulysses] யாவும் சிறப்பாக, மீள்கப்பல் சுமைதாங்கி அறை யிலிருந்து ஏவிவிடப் பட்டவை.

    Launching Space Hubble Telescope

    1993 டிசம்பரில் முதன் முதல் ஹப்பிள் தொலைநோக்கிப் பராமரிப்புக் குழு காட்சிச் சாதனத்தைச் [Optics] செப்பனிட்டு, மின்னியல் ஏற்பாடுகளைச் [Electronic Systems] சீர்திருத்தியது. 1995-1998 ஆண்டுகளில் அமெரிக்காவின் மீள்கப்பல்கள் ஒன்பது தடவைப் பயணம் செய்து, ரஷ்யாவின் அண்டவெளி நிலையம், ‘சமாதானம் ‘ [MIR Space Station] என்பதோடு இணைப்பு [Docking or Linkup] செய்து, சரித்திரப் புகழ் பெற்றன. அப்பயிற்சி முறை அனுபவங்கள், அடுத்து 1998 ஆண்டில் தயாராகப் போகும் அகில நாட்டு அண்ட வெளி நிலைய [International Space Station] இணைப்புக்குப் பயன்படும்.

    Space Shuttle -20

    ஹப்பிள் தொலைநோக்கி ஏவுதல்

    விண்வெளி மீள்கப்பல் சாலஞ்சர் ஏவிய பிறகு போது மரண விபத்து!

    வெண்ணிலவை நோக்கி முயன்ற விண்வெளிப் படையெடுப்பில், அமெரிக்காவின் முதல் உயிர்ப்பலி 1967 ஜனவரி 27 ஆம் தேதி நிகழ்ந்தது! அபோலோ விண்சிமிழில் தினமும் பங்கு கொள்ளும் பயிற்சியின் போது, உள்ளே தீப்பற்றி மூன்று சிறந்த விமானிகள் எட்வர்டு ஒயிட் [Ed White], ராஜர் காஃபி [Roger Chaffee], விர்ஜில் கிரிஸ்சம் [Virgil Grissom] உயிரோடு எரிந்து சாம்பலாயினர்! பத்தொன்பது ஆண்டுகள் கழித்து, அதை விடக் கோர மரணம் 1986 ஜனவரி 28 ஆம் தேதி அன்று நிகழ்ந்தது! 1981 முதல் பயிற்சிக்குப் பின்பு 26 மீள்கப்பல் பயணங்கள் வெற்றிகரமாக நடந்தேறின. 1986 ஜனவரி 28 இல் ஏவுதளத்தில் எழும்பிடத் தயாராக இருந்த சாலஞ்சர் மீள்கப்பலில் ஏழு நபர்கள் தமது ஆசனத்தில் அமர்ந்திருந்தனர். ராக்கெட் எஞ்சின்கள் திட்ட நேரத்தில் தீக்கனலைக் கக்கி, சாலஞ்சர் மீள்கப்பல் பெருமிதமோடு மேலே கிளம்பியது. ஒரு நிமிடம் கழித்து 50,000 அடி உயரத்தில் பாய்ந்து ஊடுருவிச் செல்லும் போது, அடுத்த நிமிடப் பணி முடிந்து, ஊக்கி ராக்கெட்கள் [Booster Rockets] அற்று வீழ்ந்தன. அப்போது எதிர்பாரதவாறு ஏதோ தவறு நிகழ்ந்து விட்டது! அது மரணத் தவறு! மாபெரும் சிறு தவறு! மறக்க முடியாத தவறு! மன்னிக்க முடியாத தவறு!

    உயிரிழந்த சாலஞ்சர் மீள் கப்பல் விமானிகள் 

    பயணம் துவங்கி ஒன்றரை நிமிடத்தில், சாலஞ்சர் கட்டிப் பிடித்துக் கொண்டிருந்த மாபெரும் எரித்திரவ வெளிக்கலன் [Liquid Fuel External Tank] திடாரென வெடித்தது! உடனே மீள்கப்பல் சுக்கு நூறாய் உடைந்து சிதறியது! அண்டவெளிப் பயணம் தொடங்கும் முன்பே, எல்லாம் முடிந்து விட்டது! உள்ளே அடைபட்டிருந்த ஏழு நபர்களுக்கும் வெளியே என்ன நிகழ்ந்து விட்டது என்பது தெரியாமலே போய் விட்டது! அகால மரணம் எய்த திறமை சாலிகளின் பெயர்கள் [இடமிருந்து வலம் முன்புறம்]: மைகேல் ஸ்மித், ஃபிரான்சிஸ் ஸ்கோபி, ரோனால்டு மெக்நாயர், [பின்புறம்] எல்லிஸன் ஓனிசுகா, கிரிஸ்டா மெக்காலிஃப், கிரிகரி யார்விஸ், ஜூடி ரெஸ்னிக்.

    விபத்தின் விளைவுகளைச் சீராக உளவு செய்ததில், ஊக்கி ராக்கெட்டின் மேலுறை இணைப்பில் [Booster Rocket Casing Seams] உள்ள ரப்பர் O வளையத்தில் [Rubber O-Ring] பழுது ஏற்பட்டு அது பிளந்து, தீப்பற்றிய திடப் பொருள் கசிந்து, வெளியே உள்ள எரித்திரவ வெளிக்கலனைச் [Liquid Fuel External Tank] சூடாக்கவே, 154 அடி நீளமுள்ள வெளிக்கலன் வெடித்தது! ஒரு சிறு ரப்பர் வளையப் பழுது ஏழு விண்வெளி வீரர்கள் கோர மரணத்துக்கும், 9 பில்லியன் டாலர் பண விரையத்துக்கும் காரணம் ஆனது! அடுத்து மூன்று ஆண்டுகளுக்குத் திட்டமிட்ட பயணங்கள் யாவும் தடைப் பட்டு, அது போன்ற அபாய விபத்து எப்போதும் நேரா வண்ணம் பல பாதுகாப்புச் சாதனங்கள் மீள்கப்பலில் சேர்க்கப் பட்டன!

    Space Shuttle -12

    அண்டவெளி மீள் கப்பல் கீழ் இறங்குகிறது.

    நாசாவின் எதிர்கால விண்வெளி மீள்கப்பலின் குறிப்பணிகள்

    இருபத்தி ஒன்றாம் நூற்றாண்டின் துவக்க ஆண்டுகளில், அகில நாட்டு அண்டவெளி நிலைய அமைப்புப் [International Space Station] பணிகளுக்கு மீள்கப்பல்களின் பெரும்பான்மையான பயணங்கள் திட்டமிடப் பட்டுள்ளன. அப்பணிகள் 2004 இல் முடிவு பெறும். அகில நிலையம் தயாரானதும் அங்கு விமானிகள், ஆய்வாளர்கள், விஞ்ஞானிகள், பொறி நுணுக்கர், பராமரிப்பாளர் அடிக்கடி போய்வர விண்வெளி மீள்கப்பல் பயன்படும். 1998 இல் அட்லாண்டிஸ் [Atlantis] மீள்கப்பல் புது நிலையப் பணிகளுக்காகப் புதுப்பிக்கப் பட்டது. புதிய காட்சி முகப்புகள் [New Displays], முற்போக்கான கப்பல் நகர்ச்சிச் சாதனங்கள் [Navigational Equipment], அகில நிலையத்தோடு இணைக்க காற்றடைப்பு அறை [Airlock Chamber] ஆகிய புது ஏற்பாடுகள் சேர்க்கப் பட்டன. அதன் உந்து சக்தியும், குளிர்ப்புச் சாதனமும் [Power & Cooling System] பெருக்கப் பட்டன. அத்துடன் மீள்கப்பல்கள், ஹப்பிள் விண்தொலை நோக்கிப் பராமரிப்பு, துணைக்கோள் ஏவுதல், செயலற்ற துணைக் கோள் மீட்டுதல் போன்ற ஒழுங்காய் நிகழ்ந்து வரும் பணிகளுக்கும் பயன்படும்.

    Shuttle Parts

    நாசா மீள் கப்பல் கட்டமைப்பு உறுப்புகள்

    திட்டப்படி விண்வெளி மீள்கப்பல்கள் யாவும் 2012 ஆண்டில் ஓய்வு பெறும் என்று எதிர்பார்க்கப் படுகிறது! நாசா தற்போதைய மீள்கப்பலைப் போன்ற, சிறப்பு X-38 விண்கப்பலை அகில நிலையத்தின் அபாயக் காப்பு யந்திரமாக [Emergency Lifeboat] உருவாக்க திட்டமிட்டுள்ளது. 1998 இல் பயிற்சிச் சோதனைகள் யாவும் முடிந்து, X-38 பாதுகாப்புக் கப்பல் 2003 ஆண்டில் பறப்பதற்குத் தயாராகும்!

    ‘ஒரு கட்ட சுழல்வீதி எழுச்சி ராக்கெட் ‘ [Single Stage to Orbit Rocket] உடைய புதிய ராட்சதக் விண்கப்பல் [X-33] ஒன்று சோதனைக் களத்தில் இயங்கிச் சீரான முறையில் வளர்ச்சியாகி வருகிறது! 21 நூற்றாண்டின் ஆரம்ப ஆண்டுகளில் உருமிக் கொண்டு உயரப் போகும் அந்த அசுர ராக்கெட், ஒரே மூச்சில் ஊதப்பட்டு, ஒரே பாய்ச்சலில் தாவி விண்கப்பலைப் பூகோளச் சுழல்வீதியில் எறிந்துவிடும்!

    Linking Space Station

    ****************************

    1. https://youtu.be/SvaG0xDdP8g
    2. https://youtu.be/PsHljHRM67c

    தகவல் :

    1. https://www.nasa.gov/externalflash/the_shuttle/

    2.https://www.nasa.gov/externalflash/the_shuttle/

    3. http://science.howstuffworks.com/space-shuttle.htm

    4. https://www.nasa.gov/mission_pages/shuttle/main/index.html

    5. https://en.wikipedia.org/wiki/Space_Shuttle  [May 24, 2016]

    +++++++++++++++++++++++++++++

    S. Jayabarathan [jayabarathans@gmail.com]  May 25, 2016  [R-1]

    Share

  • அசரீரி!

    –மீ.விசுவநாதன்

    இதோஇதோ உன்மனசு – அதை
    இறுக்கிப் பிடிக்கப் பழகு
    அதோஅதோ என்றலையும் – அதை
    அமைதி யாக்கப் பழகு!

    எதாவது எண்ணியெண்ணி – கவலை
    இருட்டில் கிடக்கும் மனது
    சதாவது தவிக்கிறது – அதைத்
    தவத்தில் நிறுத்தப் பழகு!

    அழுக்கிலே ஊறியூறி – அது
    அகந்தை யோடு கிடக்கு!
    அழுக்கினை அன்பினாலே – ஒளி
    அடித்து வெளியில் விரட்டு!

    நடப்பிலே இன்பதுன்பம் – வெறும்
    நடிப்பு மாய உறவு
    கிடப்பிலே போட்டுநட -உள்
    கிடைக்கும் ஞானத் தெளிவு!

     

     

    Share

  • இங்கிலாந்திலிருந்து ஒரு மடல் . . . (198)

    அன்பினியவர்களே!

    அன்பான வணக்கங்களுடன் ஒருவார இடைவேளையின் பின்னால் உங்களுடன் மனந்திறப்பதில் மகிழ்வடைகிறேன். வாழ்வெனும் ஓட்டப்பந்தயத்தில் முன்னால் ஓடிக் கொண்டிருக்கிறோமோ அன்றி கடைசியில் ஓடிக் கொண்டிருக்கிறோமோ இல்லை இடைநடுவில் ஓடிக் கொண்டிருக்கிறோமோ எமது நிலை என்னவெனினும் ஓடிக்கொண்டிருக்க வேண்டியது எமது நியதி.

    ஒரு ரயிலில் உட்கார்ந்திருக்கும்போது நாம் எதுவுமே செய்யாமல் இருந்தாலும் அந்த ரெயில் எம்மைச் சுமந்து கொண்டு ஓடிக்கொண்டேயிருக்கும். யன்னலுக்கு வெளியே தெரியும் காட்சிகள் அதிவேகத்தில் எம்மைக் கடந்து செல்வதைப் பார்க்கும் போதுதான் நாம் பயணித்துக் கொண்டிருக்கிறோம் என்பது எமக்குப் புரிகிறது.

    ஏறக்குறைய அதுபோலத்தான் நாம் முன்னேற முயற்சிக்கிறோமோ இல்லையோ காலம் எம்மைக் கடந்து அதேவேகத்தில் சென்று கொண்டிருக்கிறது. எமக்காக காலம் காத்திருக்கப் போவதில்லை. இது யதார்த்தம். எங்கோ பிறந்து ஏதோ ஒரு கலாசாரப் பின்னணியில் வளர்ந்து இன்று எங்கோ வாழ்ந்து கொண்டிருக்கும் என்னைக் கடந்து காலம் கனவேகத்தில் ஓடிக் கொண்டிருக்கிறது . இங்கிலாந்தில் எனது ஆரம்பகால வாழ்விற்கும் இன்றைய வாழ்விற்கும் இடையிலான மாற்றங்களைக் கண்டது மட்டுமல்ல, அம்மாற்றங்கள் கொடுத்த தாக்கங்களை அனுபவித்தும் இருக்கிறேன் என்பதே உண்மை.

    இலண்டனில் மாணவனாக வாழ்ந்த முதல் ஜந்து வருடங்களுக்கும் அதன் பின்னான வருடங்களுக்கும் இடையில் பெரியதொரு வேற்றுமை என் மனத்தளவில் இருந்தது என்பதே உண்மை. கல்வி முடிந்ததும் திரும்பவும் நான் தாய்நாட்டிற்குத் திரும்பப் போகிறேன் எனும் எண்ணம். அந்த எண்ணத்தின் ஆனந்தத்தின் அடித்தளம் நான் வாழ்ந்து கொண்டிருந்த இங்கிலாந்து நாட்டை ஒரு வாடகை வீடாகவே பார்க்க வைத்தது.

    இங்கிலாந்தில் நடக்கும் அரசியல் மாற்றங்கள், அம்மாற்றங்கள் ஏற்படுத்திய சமுதாயத் தாக்கங்கள் என்பனவற்றின் மீதான எனது பார்வை மேலோட்டமாகவே இருந்தது. உண்மையான யதார்த்தமான நிலைமைகளைச் சரிவரப் புரிந்துகொள்ள நான் முயற்சிக்கவில்லை என்பதுவே உண்மை.

    இதன் காரணம் பலவாக இருக்கலாம். எனது வாலிப வயதின் அறிவு முதிர்ச்சியின்மை, என்ன இந்த நாடு என்ன என் தாய்நாடா? அந்நியநாடுதானே எனும் எண்ணம், ஆங்கிலேயரின் ஏகாதிபத்திய பழைய வரலாற்றின் அடிப்படையில் எழுந்த ஆங்கிலேயர் மீதான காரணமில்லா வெறுப்பு என்பன சில காரணங்களாக இருக்கலாம்.

    பிந்தைய வருடங்களில் வாழ்வின் மீதான என் பார்வையின் திருப்பம் மாறியது. என் தாய்நாட்டிற்குத் திரும்பப் போகிறோம் எனும் ஆர்வம் குறைந்தது. இப்பார்வையின் மாற்றத்திற்கு காரணமோ தெரியவில்லை. உள்ளத்தில், உணர்வுகளில் ஏற்பட்ட மாற்றம். நான் வாழ்ந்து கொண்டிருந்த நாட்டு மக்கள் மீதான எனது அபிப்பிராயம் தவறானது என்பதைப் புரிந்துகொள்ளத் தொடங்கிய காலமது. எனது தொடரும் வாழ்க்கை நான் வாழும் அந்நாட்டிலேயே நிகழப்போகிறது என்பதை உணரத் தொடங்கிய பொழுது அது.

    இன்று என் வாழ்க்கையின் பெரும்பாகத்தை அதாவது உலகத்தில் உதித்த 59 வருடங்களில் 41 வருடத்தை இங்கிலாந்தில் கழித்துவிட்ட நிலையில் , இங்கிலாந்தின் அரசியல் மாற்றங்கள், சமுதாய மாற்றங்கள் என்பன என் வாழ்க்கையில் ஏற்படுத்திய மாற்றங்கள், ஏற்படுத்தப் போகும் மாற்றங்கள் என்பனவற்றை உள்வாங்கிக் கொள்ளும் ஒரு நிலையிலிருக்கிறேன்.

    இத்தகைய நிலையிலேயே அடுத்தமாதம் அதாவது ஜீன் மாதம்23ஆம் திகதி நிகழவிருக்கும் ஜரோப்பிய ஒன்றியத்தில் ஜக்கிய இராச்சியம் அங்கத்தினராக நிலைத்திருப்பதா இல்லையா என்பதன் மீதான சர்வஜன வாக்கெடுப்பை எதிர்கொள்ளும் நிலை.

    இன்றைய தபாலில் அச் சர்வஜன வாக்கெடுப்புக்கான எனது வாக்குப்பதிவுச் சீட்டு வந்து விழுந்தது. “நிலைத்திருப்பதா?”  “விலகுவதா?” என்பதே இவ்வாக்கெடுப்பின் சாரம். இருதரப்பினரும் அன்றாடம் அனைத்து ஊடகங்களிலும் வாதப் பிரதிவாதங்களை முன்வைக்கிறார்கள். இங்கிலாந்து அரசாங்கம், எதிர்க்கட்சி, இங்கிலாந்து வங்கி, சர்வதேச நிதி ஒன்றியம், இங்கிலாந்து நிதியமைச்சு என அனைவரும் இங்கிலாந்து ஜரோப்பிய ஒன்றியத்திலிருந்து விலகுவது பொருளாதாரத் தற்கொலைக்குச் சமானம் என்கிறார்கள்.

    இங்கிலாந்தின் நட்பு நாடுகளின் தலைவர்கள் அனைவரும் இங்கிலாந்தின் தொடர்ந்த ஜரோப்பிய ஒன்றியத்தின் அங்கத்துவத்தை வற்புறுத்தி வருகிறார்கள். மாறாக, இங்கிலாந்து ஜரோப்பிய ஒன்றியத்திலிருந்து வெளியேறுவது ஒன்றே இங்கிலாந்தின் தொலைநோக்கான பொருளாதாரச் செறிவுக்கு உத்தரவாதம் அளிக்கும் என வெளியேற வேண்டும் எனும் வாதத்தை முன்வைக்கிறார்கள்.

    அவர்கள் அணியில் சில அமைச்சர்கள், முன்னாள் நிதியமைச்சர்கள் எனப் பலர் இணைந்துள்ளனர்.

    இவர்களது வாதத்தினால் மக்கள் தெளிவடைகிறார்களா இல்லை மேலும் குழப்பமடைகிறார்களா என்பது கேள்விக்குறியே! ஒரு அணியினர் கூறுவது உண்மைக்குப் புறம்பானது என்பதை வலியுறுத்துவதிலேயே அடுத்த அணியினர் கவனம் செலுத்துகிறார்களேயன்றி, தமது வாதத்திற்கான நிரூபணமான உண்மைகள் எதையும் கூறுவதாகத் தெரியவில்லை.

    ஜரோப்பிய ஒன்றியத்தின் பிரஜைகள் இலட்சக்கணக்கில் இங்கிலாந்துக்குள் நுழைகிறார்கள். இது இங்கிலாந்து மக்களுக்கு இன்னல்களை விளைவிக்கிறது எனும் வாதமே பலமாக முன்வைக்கப்படுகிறது. இது இங்கிலாந்து மக்களிடையே ஒருவிதமான இனத்துவேஷத்துக்கு அத்திவாரமிடுகிறதோ எனும் அச்சம் எழுவதைத் தவிர்க்கமுடியாது.

    ஜரோப்பிய ஒன்றியத்தின் அங்கத்தினராக இங்கிலாந்து இருப்பதை அனுபவபூர்வமாக உணர்ந்த எமக்கு இங்கிலாந்து விலகினால் எப்படி  இருக்கும் என்பதைக் கற்பனை பண்ணித்தான் பார்க்க முடிகிறது. அந்தக் கற்பனை உலகில் காலடி வைப்பது அவசியமா? எனும் கேள்வி நிச்சயம் நெஞ்சில் எழுகிறது.

    ஒரு புலம்பெயர்ந்து வாழும் இங்கிலாந்துப் பிரஜையாக இதை இரண்டு கோணங்களில் பார்க்க முடிகிறது.

    1. அளவில்லாத வெளிநாட்டு மக்கள் இங்கிலாந்துக்குள் நுழைவதால் இங்கு ஏற்படும் வீட்டுப் பற்றாக்குறை,வேலையில்லாத் திண்டாட்டம்,தேசிய சுகாதாரச் சேவையின் தாக்கங்கள் என்பன இங்குள்ள இங்கிலாந்து மக்களுக்கு ஏற்படுத்தும் இன்னல்களினால் அவர்களின் கோபம் அனைத்தும் வேற்றினத்தவர் மீது திரும்பினால் பாதிக்கப்படுவோரில் நாமும் எமது தலைமுறையும் அடங்குவோம்.
    1. இங்கிலாந்தின் குடியேற்றக் கொள்கையே இச்சர்ச்சையில் பிரதானமாக்கப்படுவதால் இங்கிலாந்து ஜரோப்பிய ஒன்றியத்திலிருந்து வெளியேற வேண்டும் என்போரின் கோஷம் வெற்றியடைந்தால், அடுத்து இங்கு ஏற்கனவே குடியேறி வாழ்ந்துவரும் எம்போன்றோரின் மீது அவர்களின் துவேஷம் திரும்பாது என்பதற்கு என்ன உத்தரவாதம்?

    இவ்விரண்டு கோணங்களின் அடிப்படையில் நாம் எமது அரசியல் கண்ணோட்டத்தை மேலெடுக்க வேண்டும். இன்றைய நிலையில் எமது நாடு இங்கிலாந்து. இங்கிலாந்தின் தத்துப்பிள்ளைகளாக வாழும் நாம் எம்மைத் தத்தெடுத்த பெற்றோரின் வாழ்வு நன்றாக அமையக்கூடிய வகையில் எமது வாக்குகளை அளிக்க வேண்டியது எமது கடப்பாடாக உள்ளதை உணர வேண்டியது அவசியம்.

    யார் எத்தகைய வாதத்தை முன்வைத்தாலும் இது இறுதியில் இங்கிலாந்து மக்களின் முடிவாகவே இருக்கப் போகிறது. அம்மக்களின் எண்ணிக்கையில் நாமும் அடங்குகிறோம் என்பதுவே யதார்த்தம். அனைத்துக்கும் விடை  ஜூன் மாதம் 23-ஆம் திகதி கிடைக்கும்.

    ஆம்! மக்கள் தீர்ப்பே மகேசன் தீர்ப்பு!

    மீண்டும் அடுத்தமடலில்…

    அன்புடன்
    சக்தி சக்திதாசன்

     

     

    Share

  • எல்லோர்க்கும் நன்மையன்றோ!

    -எம் . ஜெயராமசர்மா, மெல்பேண், அவுஸ்திரேலியா

    தேர்தல்தனில் வெற்றிபெற்றால் தெளிந்தமனம் வரவேண்டும்
    வாக்களித்த மக்களது மனங்கோணா திருத்தல்வேண்டும்
    நோக்கமின்றிச் செயல்பட்டு நோகடிக்கா திருந்துவிடின்
    வாக்களித்த மக்களென்றும் வாய்ப்பளிக்க வந்திடுவார்!

    சொல்லுகின்ற திட்டமெல்லாம் தொய்வின்றிச் செய்துவிடின்
    நல்லாட்சி  எனும்சான்றை நாட்டுமக்கள் வழங்கிடுவார்
    வல்லமையால் வென்றுவிட்டோம் என்றெண்ணம் வந்துவிடின்
    வாக்களித்த மக்களெலாம் மனம்நொந்தே போயிடுவார்!

    வாக்குப் பெற்றுவிட்டதனால் வாய்ப்புவந்து விட்டதென
    நாற்காலி தனைப்பிடித்து நல்லதெல்லாம் தாம்சுருட்டிச்
    சாக்குப்போக்கு தனைச்சொல்லிச்  சதிராட்டம் போட்டுநின்றால்
    வாக்களித்த மக்களெலாம் வசைபாடி நின்றிடுவார்!

    தேர்தல்தனில் செலவுசெய்த காசதனைத் தேடுதற்குத்
    தேர்ந்தெடுத்த தேர்தல்தனைத் தீர்வாக்கல் முறையாமோ?
    ஊர்திரிந்து சேகரித்த வாக்கினினால் வந்தவுயர்
    பேருடைந்து போகாமல் காப்பதுதான் பெரும்பொறுப்பு!

    காரும்வரும் வீடும்வரும்  கணக்கின்றிப் பணமும்வரும்
    ஆருமென்ன சொன்னாலும் அதைக்கேட்கா மனமும்வரும்
    ஆனாலும் அவற்றையெல்லாம் அரவணைத்து நில்லாமல்
    ஆனமட்டும் அனைவரையும் அணைத்துநிற்றல் அறமாகும்!

    வள்ளுவத்தைப் படித்தொழுகி வாய்மையினை வாழ்வாக்கி
    உள்ளமெலாம் நல்லஎண்ணம் உறைந்துவிடச் செய்துவிடின்
    நல்லபடி ஆட்சிசெய்யும் நல்வழியில் சென்றிடலாம்
    நாட்டிலுள்ள மக்களெலாம் நல்வாழ்த்துக் கூறிநிற்பார்!

    அறமதனை அச்சாணி ஆக்கிவிடும் ஆட்சிதனை
    ஆட்சிபீடம் அமர்ந்தவர்கள் அனுசரித்தல் அவசியமே
    இனவாதம் மதவாதம் எதையும்மனம் கொள்ளாமல்
    இணக்கமுற ஆட்சிசெய்தால் எல்லோர்க்கும் நன்மையன்றோ!

     

     

    Share

  • பெண்கள் சுதந்திரம்

     

     

    பாவலர் கருமலைத்தமிழாழன்

     

    பெண்கள்தம்   சுதந்திரமோ  பூத்த   பூவாய்ப்

    பெருமையாகத்   தெரிந்தாலும்   தாளின்   பூவே

    கண்களெனப்   பெண்களினைச்    சொல்லு   வோரே

    கறுப்பாடி   அணிவித்துக்   குருடாய்ச்   செய்வார்

    உண்மையான   இறையென்றே   போற்றிக்   கோயில்

    உள்ளிருக்கும்    சிலையாக   வீட்டுள்   வைப்பர்

    மண்மீதில்   மாதவத்தால்   பிறந்தாள்   என்றே

    மாபெருமை   தருவதுபோல்   அடிமை   செய்வார் !

     

    உடல்முழுதும்    மறைக்கின்ற்   சுடுதார்   ஆடை

    உடுத்துதற்கும்    எதிர்ப்புதனைத்   தெரிவிப்   பார்கள்

    முடக்காமல்   தெருவினிலே    அழைத்துச்   செல்ல

    முழமெட்டு    சேலையினை    உடுத்தென்   பார்கள்

    மடமச்சம்   பயிர்ப்புநாணம்    பண்பு    நான்கில்

    மண்மகளைக்    கண்பார்க்க   வேண்டு   மென்பர்

    படபடென்று    பேசுவது   பொதுவி   டத்தில்

    பண்பாட்டுக்   கிழுக்கென்றே   ஏசு   வார்கள் !

     

    உயர்கல்வி   படித்துயர்ந்த   பதவி   தன்னில்

    உட்கார்ந்த   போதும் ! நாள்    கூலி   யாக

    வயல்களிலே    நாற்றுநட்டு    களைபி   டிங்கி

    வளைந்துடலில்   வியர்வைசிந்த    உழைத்த   போதும்

    தயக்கமின்றிப்   புகுந்தவீட்டில்    அனைவ   ருக்கும்

    தாதியாக   நாள்முழுதும்    செய்த    போதும்

    சுயமாகத்   தன்விருப்பில்    செய்வ   தற்குச்

    சுதந்திரத்தை    யார்தந்தார்    பேதை   யர்க்கே !

     

     

     

    தேர்தலிலே    நின்றுவெற்றி   பெற்ற   போதும்

    தெரிவதுவோ    கணவன்தான்   அதிகா   ரந்தான்

    போர்வையாகப்    பண்பாடு   ஒழுக்கம்    தன்னைப்

    போர்த்திநேராய்ப்    பேசுதற்கும்   உரிமை   யின்றிக்

    கூற்றுகளை     சங்கநூல்கள்    காப்பி   யங்கள்

    கூறியவர்    சுதந்திரத்தைப்    பறித்த   போல

    சீர்திருத்தம்    பகுத்தறிவு    கல்வி    என்று

    சிறப்புக்கள்    வந்தபோதும்   கானல்   நீரே !

     

    Share

  • ”காமகோடி இதழ்’’….’’கந்தன் களிப்பு’’….கிரேசி மோகன்….

    71d2bd5f-618b-421e-8b85-c6340b938710

     

    Share

  • ‘’கண்ணா கனியவை நாற்பது’’(அந்தாதி தொடர்ச்சி)

     

    “பயனற்ற பாண்டம் பழுதாக மீண்டும்

    வியனுலகை விட்டேக வேண்டும் -அயனோ
    அரனோ, அரியோ அவதாரம் வந்தும்
    மரணத்தில் தானே முடிவு’’….(7)

    ’’முடிவற்ற ஆசை முதலுக்கே மோசம்
    வெடிவைத்து வந்திடுமா வானம் -படியற்ற
    சொர்கத்தைக் காண செடியேறு கின்றாயே
    தர்கத்தைத் தாண்டல் தவம்’’….(8)

    ’’தவமாய்த் தவமிருந்து தத்துவங்கள் தேர்ந்து
    சவமாய் சுடுகாடு செல்வீர் -சிவஞானம்
    சிந்திக்க வாராது சித்தம் ஒருமிக்க
    சந்திக்க முந்துவான் சம்பு’’….(9)

    ’’சம்பு மஹேசனை நம்பியவன் நானென்று
    கும்பிடப் போக வரும்குறுக்கே -ஒன்பது
    வாசலுடற் கோசத்தில் நேசமுறக் காண்போமே
    ஈசனிடம் சாத்தான் இயல்பு’’….(10)

    ’’இயல்பாய் இருத்தல் இயலாமல் பாடும்
    குயில்கரையும் காகத்தின் கூட்டில் -பயில்வீர்
    பெருக்கெடுக்கும் கங்கையும், பாழான நீரும்
    சிரம்தெளித்துக் கொள்ளும் சமம்’’….(11)

    ’’சமர்த்தஅவ் ஆன்மனை சிந்தா சனத்தில்
    அமர்த்தி இகபரம் ஆளு -நிமிர்த்த
    முடியாத நாய்வால், மரம்தாவும் மந்தி
    விடியாத நெஞ்சை விலக்கு’’….(12)….கிரேசி மோகன்….

    Share