Author: admin

மக்களும், தொடர்பு சாதனங்களின் சேவைகளும் …

— அனவை நரா அப்பாஸ்.

பெருநகரம் கொண்ட பிரச்சனைகள், குக்கிராமத்தில் பெரிதாக பேசப்படுகின்றன. பெரு நகரத்தையும் குக்கிராமத்தையும் இணைக்கும் பாலம் எது? இவையெல்லாம் எப்படி நிகழ்கிறது?

பரந்த இந்த உலகில் நமக்காக வியாபித்துக் கிடக்கின்ற சாதனங்களைப் பார்க்கும் போது வியப்பாகத்தான் இருக்கிறது. ஆனால் அதனை நாம் முறையாகப் பயன்படுத்துகின்றோமா என்பதைச் சிந்தித்து பார்த்தோம் எனில், கொஞ்சம் யோசனையில் மௌனித்துத்தான் இருக்க வேண்டியிருக்கிறது. இன்றைய நவீன கால கட்டத்தில் குழந்தைகள் தொடங்கி இளைஞர் முதல் திருமணமாகி வேலைக்குச் செல்பவர்கள் வரை பெரும்பாலானோர் வாட்சப், செல்ஃபி, கேம்ஸ் ஆகியவற்றிலேயே தன் பொழுதை பெரும் அளவில் கழிக்கின்றனர்.

இன்றைய தொடர்பு சாதனங்களும் அதன் சேவைகளும் ஒரு பார்வை:
1.செய்தித்தாள்கள்.
2.வானொலி.
3.தொலைக்காட்சி.
4.அலைப்பேசி.
5.இணையம்.

1.செய்தித்தாள்கள்:
‘காலை எழுந்தவுடன் படிப்பு’ என்று பாரதியார் பாடியதை உண்மையாக்கியதே நான்தான் என மார்த்தட்டிக் கொண்டு தினமும் காலையில் அனைத்து வீட்டிலும் தன் ராஜ்ஜியத்தை நிகழ்த்துகிறது செய்தித்தாள்கள்.

பரபரப்பான வாழ்க்கை ஓட்டத்தில் ஒரு பதினைந்து நிமிடங்கள் நம்மை அமைதியாய் அமர வைக்கும் செய்தித்தாள்களின் பணி அரும்பணிதான். இன்றைய நிலையில் உள்ள செய்தித்தாள்களில் சில: தினகரன், தினமணி, தினமலர், தமிழ் முரசு, தினத்தந்தி, மாலை மலர், தமிழ் மலர், தினக்குரல், தின நேசன், சுடர் ஒளி, உதயன், புதிய தலைமுறை, மாலை தமிழகம், மக்கள் ஓசை, வீர கேசரி, தினச்சுடர் ஆகியவை அடங்கும். உலகச் செய்திகள், மாநிலச் செய்திகள், மாவட்டச் செய்திகள், வேலைவாய்ப்பு தகவல்கள், விளையாட்டுச் செய்திகள் மட்டுமல்லாது மாப்பிள்ளை, மணமகளைக் கூட தேடி கண்டுபிடிக்கலாம் மணப்பந்தல் வழியே….

2.வானொலி:
வானொலி என்பது ஒரு குறிப்பிட்ட அதிர்வெண்களைக் கொண்ட மின்காந்த அலைகளின் வழி தொடர்பு கொள்ளும் ஒரு கம்பியில்லாத தொலைத்தொடர்பு ஊடகமாகும். மின்காந்த அலைகளின் வழி செய்தி அறிவிப்பு பாடல் மற்றும் உரையாடல் ஒலியலைகளை ஏற்றி வான் வழியே செலுத்தி, ஆங்காங்கே மக்கள் அதை தங்களிடமுள்ள வானொலிப் பெட்டி வழியாகப் பெறுமாறு தொழில் நுட்பம் தொடங்கியதால் இதனை வானொலி என்பர். ஒளியைக் காட்டிலும் குறைவான அதிர்வெண்ணைக் கொண்ட மின்காந்த அலைகளைக் கொண்டு இயங்குகிறது.

இன்று செய்தித்தாள்கள் சென்றடையாத குக்கிராமங்கள் நம்நாட்டில் இருக்கின்றன என்பதைச் சொல்வதற்கு, சற்றே மனதைக் கவலை வருடுகிறது. அங்கு வாழும் பெரியவர்கள், படிப்பறிவில்லாதவர்கள் வானொலி வழியே ஒரு இடத்தில் என்ன நிகழ்கிறது என்பதை தெரிந்து கொள்கின்றனர். வேகமாக நகரமாகிக் கொண்டிருக்கும் கிராமங்களுக்கிடையே, ஒரு கொட்டகைக்குள்ளே இருக்கும் டீக் கடையும், அதில் உள்ள ஒரு மூங்கிலில் தொங்கவிடப்பட்டிருக்கும் வானொலியும்,
மரப்பலகையில் அமர்ந்து அதைக் கேட்டுக் கொண்டே டீ பருகிக் கொண்டிருக்கும் தலை நிறைத்த முதியவர்கள் உள்ள கிராமங்கள் , இன்றும் இருக்கின்றன. தற்போதெல்லாம் அப்பகுதியில் தான் வானொலி அதிகம் பயன்படுத்தப்படுகின்றன. உலகில் நடைபெறும் அனைத்து நிகழ்ச்சிகளும் வானொலியில் ஒலிபரப்பப் படுகின்றன.

3.தொலைகாட்சி:
படிக்கும் செய்தியையும் , கேட்கும் செய்தியையும் காட்சியாக உடனுக்குடன் அளிக்கிறது தொலைக்காட்சி. சற்று முன் கிடைத்த செய்தி என்று ரிக்டர் அளவுகோலில் 6.2 எனப் பதிவாகியிருக்கிறது நிலநடுக்கம் என்ற கணமே பூகம்பம் நடந்த இடத்தை , பாதித்த பகுதிகளை தெளிவாகக் காட்டுகிறது. தொலைக்காட்சியில் வரும் பயனுள்ள தகவல்களை எழுதுவதற்குப் பக்கங்கள் பத்தாது. தினம் ஒரு தகவல், வயலும் வாழ்வும், மூலிகை மருத்தவம் என்று வரிசைப்பட்டியல் இட்டுக் கொண்டே போகலாம். தொலைக்காட்சியின் முக்கியம் கருதியே ,அரசாங்கமே இலவச தொலைக்காட்சி வழங்கியுள்ளது அனைவரும் அறிந்ததே..

4.அலைப்பேசி:
செய்தித்தாள்களும், வானொலியும், தொலைக்காட்சியும் நுழைய முடியாத இடத்தில் கூட நுழைந்து தனக்கே உண்டான இடத்தைப் பிடித்திருக்கிறது கைப்பேசி என்ற அலைப்பேசி. மின்கம்பி இணைப்பு இன்றி மின்காந்த அலைகளால் இயங்கி ஒலியலைகளை கேட்கவும், அனுப்பவும் செய்கிறது தொலைப்பேசி. படிக்காத பாமர மக்கள் கையில் கூட கைப்பேசி உள்ளது. இன்று ஒரு வீட்டில் குறைந்த பட்சம் இரண்டிற்குக் குறையாத செல்போன்கள் இருக்க வேண்டும் என்பதே நியதி போல் ஒவ்வொரு வீட்டிலும் ஆளுக்கொரு செல்போன்கள்.

ரூபாய் ஐந்நூறு முதல் துவங்குகிறது அதன் விலை. ‘ஊருக்குப் போய் கடிதம் போடு’ என்ற வார்த்தைகள் மா’றி, ‘போய் இறங்கிய உடன் போன் பண்ணு’ சொல்கிற காலம் ஆகிப்போச்சு…

5.இணையம்:
தொலைப்பேசி சென்ற இடமெல்லாம் கொஞ்சம் கொஞ்சமாக தன் காலடியை பதித்துக் கொண்டு வருகிறது இணையம்.

இணையம் என்ற சொல்லானது, செம்பு கம்பிகளினாலும், ஒளிநார் இழைகளினாலும் இணைக்கப்பட்டுள்ள கணினி வலைகளின் பேரிணைப்பைக் குறிக்கும். மின்னஞ்சல், இணைய உரையாடல், காணொளி பார்த்தல், விளையாட்டு, ஒரு தகவலிலிருந்து மற்றொன்றிற்கு மீயினைப்புகள் மூலம் உலவல் வழி தொடர்புப்படுத்தப்பட்ட இணைய தளங்கள் முதலிய சேவைகளையும், உலகளாவிய வலையின் தரவுகளையும் இணையம் தருவிக்கின்றது. நகரமக்கள் பெரும் பகுதியாக இணையத்தினை பயன்படுத்துகின்றனர். படிப்பறிவு பெற்ற கிராமங்களிலும் இணையம் பயன்படுத்தப்பட்டு வருகிறது. நமக்குத் தேவையான தகவலின் ஒரு முக்கிய வார்த்தையை எழுதினாலே அது தோன்றிய தினம் முதல் இன்றைய தினம் வரையிலான அனைத்துத் தகவல்களையும் கொடுத்து விடும். இணையத்தில் ஒரு செய்தியை அனுப்பினால் அது அடுத்த நிமிடம் உலகம் முழுவதும் தெரிந்துவிடும். இணையத்தின் மூலம் பணம் எப்படிச் சம்பாதிக்கலாம் என்பதையும் இணையமே சொல்கிறது.

இன்றைய நிலை:
நம் வாழ்வோடு இணைந்திருக்கும் இவற்றின் பங்கு அளப்பரியது. ஆனால் வாட்ஸப்பிலும், ஃபேஸ் புக்கிலும், செல்ஃபியிலும், கேம்மிலும், மூழ்கிய இன்றைய இளைஞர்கள் இவற்றை பயனுள்ள முறையில் பயன்படுத்துவதில்லை.
பின்பற்றவேண்டியவை:
இன்றைய இளைஞர்களே நாளைய நல் சமுதாயம் என்பதை யாராலும் மறக்க முடியாது.

1.ஒரு நாளில் பத்து நிமிடங்களாவது நாளிதழோடு அமருங்கள்.

2.அலைபேசியில் பாடல்களை பதிவிறக்கம் செய்து அதை இயர்ஃபோன் மூலம் கேட்கும் நேரத்தில் வானொலியில் பாடல்களை கேளுங்கள். பாடல்களுக்கு நடுவே நல்ல பயனுள்ள விஷயங்கள், அறிவிப்புகள், செய்திகளையும் தெரிந்து கொள்ளலாம்.

3.ஒரு நாளைக்கு ஒரு முறையாவது தொலைக்காட்சி செய்திகளைக் கவனியுங்கள்.

4.உங்களது பொழுது நேரத்தை, அரட்டை அடிக்கும் சேட்டிங்கிலும், கமண்ட் அடிக்கும் வாட்ஸ் அப்பிலும், அபாயம் கொடுக்கும் செல்ஃபியிலும் கழிக்காமல் உங்களுக்குத் தெரிந்த நல்ல தகவல்களை நண்பர்களுக்கு அலைப்பேசியில் பரிமாறுங்கள். உங்களது வாட்ஸ்அப்பும், ஃபேஸ்புக்கும் ஒரு பயனுள்ள தகவலைத் தாங்கியதாய் இருக்கட்டும்.

5.இணையம் நல்ல முறையில் பயன்படுத்துபவர்களுக்கு நன்மையே தரும். தீய முறையில் பயன்படுத்துபவர்களுக்கு தீயவையும் தரும். நல்லதென்றும் தீயதென்றும் பிரியுங்கள். உங்கள் எண்ணங்களை நல்லதாக்குங்கள். இணையதளத்தில் உங்கள் தளத்தை உருவாக்குங்கள்.

பரவிக் கிடக்கிறது வானம்,
அதில் உங்கள் கையொப்பம் பொறித்திடுங்கள்..
சாதிக்கப் பிறந்தவர்கள் நாங்களென்று, சாதித்து நீருபியுங்கள்…

October 5, 2015
அருங்காட்சியகம் ஓர் அறிவுக் கருவூலம் – 50 (3)

அரிசி அருங்காட்சியகம், கெடா, மலேசியா

சுபாஷிணி

கெடா அரிசி அருங்காட்சியகம் மிக விரிவான ஒரு கட்டிடத்தில் அமைக்கப்பட்டிருக்கின்றது. நுழைவாயிலில் நுழைந்தவுடன் ஏறக்குறைய 2 மீட்டர் உயரம் கொண்ட நெல்லின் உருவ வடிவமைப்பை முகப்பில் காண்போம். அதனைத் தொடர்ந்து வளைந்து மேல் செல்லும் படிகளில் ஏறி அடுத்தடுத்த தளங்களில் உலகில் விளையக் கூடிய பல் வேறு நெல் வகைகளைப் பார்த்து பரிச்சயம் செய்து கொள்ளலாம்.

உலக நாடுகளில் எங்கெல்லாம் நெல் விளைகின்றதோ அங்கெல்லாம் கிடைக்கின்ற நெல்வகைகளை எடுத்து வந்து அதன் வகைப்பெயர் சேர்க்கப்பட்டு காட்சிக்கு வைக்கப்பட்டுள்ளது. அந்த வரிசையில் இங்கே காணக்கிடைக்கும் அரிசி வகைகளை எடுத்துக் கொண்டால் நேபாளம், நியூசிலாந்து, ஸ்பெயின் தென் அமெரிக்க நாடான உருகுவே., ஆப்பிரிக்க நாடுகளில் ஒன்றான கென்யா, ஐரோப்பிய நாடுகளில் ஒன்றான நெதர்லாந்து ஆகிய நாடுகளின் நெல்வகைகளைக் காணலாம். அது மட்டுமல்ல.. இத்தாலி, இந்தியா, இலங்கை, தாய்லாந்து, லாவோஸ், மொரோக்கோ, ஆப்கானிஸ்தான், தான்சானியா, நார்வே, புருணை, இந்தோனேசியா ஆகிய நாடுகளின் அரிசி வகைகளையும் இங்கு காணமுடிகிறது.

மலேசிய நாடு நெல் வயல்கள் சூழ்ந்த நாடு. அதிலும் இந்த அருங்காட்சியகம் அமைந்திருக்கும் கெடா மாநிலம் நெல் களஞ்சியம் என சிறப்புடன் அழைக்கப்படும் மாநிலம். ஆக மலேசிய நெல் வகைகள் இந்த அருங்காட்சியகத்தில் இல்லாமல் போகுமா? ஆம். இங்கே மலேசியாவில் விளைவிக்கப்படும் ஏறக்குறைய 60 நெல் வகைகள் இங்கே காட்சிக்கு வைக்கப்பட்டிருக்கின்றன என்பதை அறியும் போது வியப்பாக உள்ளது அல்லவா?

அரிசி என்றாலே பச்சை அரிசி, புழுங்கல் அரிசி, பாசுமதி அரிசி, கருப்பு அரிசி, குத்தல் அரிசி என்று மட்டுமே அறிந்திருக்கும் பலருக்கு இந்த அருங்காட்சியகம் உலகில் விளைகின்ற நூற்றுக்கும் மேற்பட்ட நெல்வகைகளை அறிமுகம் செய்து வைக்கின்றது என்பது வியப்பளிக்கும் ஒன்றே.

இந்த வெவ்வேறு வகை நெல் விதைகளைப் பார்த்து அடுத்த தளத்திற்குச் சென்றால் அங்கே நெல்வயல், உழவுத் தொழில் ஆகியனவற்றை விவரிக்கும் செயற்கைக் காட்சிகள் உருவாக்கப்பட்டிருப்பதைக் காணலாம். இவை கிராமத்து இயற்கை காட்சியைப் படம் பிடித்தார் போல நம் முன்னே உலவ விடும் முயற்சிகளாக அமைந்திருக்கின்றன. அதனை அடுத்தார் போல அரிசியினால் தயாரிக்கப்படும் உணவு வகைகளும் காட்சிக்கு வைக்கப்பட்டிருக்கும் பகுதிக்கு வந்து சேர்வோம்.

இந்த அருங்காட்சியகத்தை முழுதுமாகச் சுற்றிப் பார்த்து விட்டு வெறுமனே சென்று விடாமல் அங்கு கட்டிடத்திலேயே அமைந்துள்ள உணவு விடுதியிலும் சாப்பிட்டு விட்டுச் செல்வது வருகையாளர்களுக்கு நல்லதொரு அனுபவமாக இருக்கும்.

மலேசியா செல்பவர்கள் அதிலும் குறிப்பாக கெடா மாநிலம் செல்பவர்கள் இந்த அருங்காட்சியகத்திற்குக் கட்டாயம் சென்று வரவேண்டும். இதன் முகவரி

Muzium Padi
Lot 798 Jalan Gunung Keriang, Mukim Gunung Keriang
06570 Alor Setar, Kedah Darul Aman
Tel: 04 735 1315

இந்த அருங்காட்சியகம் தினமும் காலை 9 மனி முதல் மாலை 5 மணி வரை திறந்திருக்கும்.

2004ம் ஆண்டு 12ம் தேதி அக்டோபர் மாதம் இந்த அருங்காட்சிகம் மாட்சிமை தங்கிய கெடா மாநில சுல்தான் அவர்களால் திறந்து வைக்கப்பட்டது. உலகில் உள்ள ஏனைய மூன்று அரிசி அருங்காட்சியகங்கள் ஜப்பான், ஜெர்மனி, பிலிப்பைன்ஸ் ஆகிய நாடுகளில் உள்ளன. அந்த வரிசையில் நான்காவது அரிசி அருங்காட்சியம் என்ற சிறப்புடன் இந்த அருங்காட்சியகம் திகழ்கின்றது.

கெடா மானிலத்தின் வாழ்க்கை முறை இயற்கையோடு இணைந்தது. கெடா மாநில மலாய் மக்களின் உடை மிக எளிமையான தன்மை கொண்டது. இந்த அருங்காட்சியகம் வருகின்ற பொது மக்கள் கெடா மாநில ஆண்களும் பெண்களும் அணியும் ஆடைகளை தாங்களும் அணிந்து பார்க்க வேண்டுமென ஆசைப்பட்டால் அதற்கும் ஒரு வழி இருக்கின்றது. இங்கே கெடா மாநில மக்களின் எளிய ஆடை அலங்காரத்தைக் காட்டும் உருவ அட்டைவைக்கப்பட்டுள்ளன. அதற்குள் வருகையாளர்கள் நம் முகத்தைப் பதித்து புகைப்படங்கள் எடுத்துக் கொள்ளலாம்.

ஏறக்குறைய 2 மணி நேரம் இந்த அருங்காட்சியக வளாகத்தில் கழித்தேன். 2011ம் ஆண்டில் எனது மலேசிய பயணத்தில் இப்பகுதிக்குச் சென்றிருந்த போது இந்த அருங்காட்சியகத்தைப் பார்த்து வரவேண்டும் என்று சென்ற முயற்சியும் இங்கு நான் கண்டு களித்த காட்சிகளும் மனதில் மிகப் பசுமையாகவே உள்ளன.

சரி. இங்கிருந்து புறப்படுவோம். அடுத்த பதிவில் மற்றுமொரு நாட்டில் வேறொரு அருங்காட்சியகத்திற்கு உங்களை அழைத்துச் செல்கின்றேன். காத்திருக்கவும்!

தொடருவோம்

October 5, 2015
பயன்மிகு இணையவழிச் சேவைகள் – மின்னஞ்சல் கணக்கின் பாதுகாப்பு

– எஸ். நித்யலக்ஷ்மி.

மின்னஞ்சல் பயன்பாட்டில் ஜிமெயில் அக்கவுண்ட் முதல் இடத்தில் உள்ளது. மின்னஞ்சல் வசதியை அடிக்கடி பயன் படுத்தாதவர்களும், எதற்கும் இருக்கட்டுமே என்று ஒரு ஜிமெயில் அக்கவுண்ட்டை வைத்திருப்பார்கள். ஜிமெயில் தளத்தில் இப்போது புதியதொரு வசதி கிடைக்கிறது. இது ‘Last account activity’ என அழைக்கப் படுகிறது. இந்த வசதியை இயக்கிவிட்டால், உங்கள் ஜிமெயில் தளத்தை கடைசியாக யாரெல்லாம் அணுகிப் பார்த்தார்கள் என்ற பட்டியல் காட்டப்படுகிறது. கம்ப்யூட்டரில் பிரவுசர் வழியாகவோ, பி.ஓ.பி. மெயில் கிளையண்ட் வழியாகவோ அல்லது மொபைல் போன் மூலமோ, எந்த வகையில் உங்கள் ஜிமெயில் பார்க்கப் பட்டிருந்தாலும், அதனை இந்த வசதி பட்டியலிடுகிறது. எந்த ஐ.பி. முகவரியிலிருந்து இது பார்க்கப்பட்டது என்று காட்டுகிறது. வழக்கத்திற்கு மாறாக ஏதேனும் ஒரு ஐ.பி. முகவரியிலிருந்து உங்கள் ஜிமெயில் தளம் திறக்கப் பட்டிருந்தால், அதனைக் காட்டி எச்சரிக்கை செய்கிறது. எந்த நாள், நேரம் என்பவையும் பட்டியலில் கிடைக்கின்றன. இதனைக் காண உங்கள் ஜிமெயில் தளத்தின் கீழாக, Last account activity என்ற வரிக்கு அருகே Details என்பதில் கிளிக் செய்திடவும். உடன் தகவல்கள் அடங்கிய பட்டியல் கிடைக்கும்.

இந்தப் பட்டியலில் Access type என்பதில், என்ன மாதிரியான வகையில் (பிரவுசர், மொபைல் போன், பி.ஓ.பி. கிளையண்ட் போன்றவை) உங்கள் தளம் அணுகப்பட்டது என்று காட்டப்படுகிறது. இந்தப் பட்டியலில் நீங்கள் பயன்படுத்தாத வகை எதுவும் காணப்பட்டால், உடனே உங்கள் அக்கவுண்ட் தகவல்களை (யூசர் நேம், பாஸ்வேர்ட்) யாரோ திருடி இருக்கிறார்கள் என நீங்கள் அறிந்து கொள்ளலாம். எடுத்துக் காட்டாக, நீங்கள் மொபைல் போன் வழி இணையத்தைப் பார்க்கும் வழக்கம் இல்லாதவராக இருந்து, பட்டியலில் மொபைல் போன் வழி பார்க்கப்பட்டது காட்டப்பட்டால், உங்கள் அக்கவுண்ட் திருடு போயுள்ளது என அறியலாம்.

அடுத்ததாக, Location (IP address) என்ற தலைப்பின் கீழ், உங்கள் ஜிமெயில் அக்கவுண்ட்டை அணுகிய பத்து ஐ.பி. முகவரிகள் தரப்படுகின்றன. இதில் சந்தேகப்படும்படியான ஐ.பி. முகவரிகள் எச்சரிக்கப்பட்டு காட்டப்படுகின்றன. இவ்வாறு ஏதேனும் காட்டப்பட்டால், உடனடியாக உங்கள் ஜிமெயில் அக்கவுண்ட்டின் பாஸ்வேர்டினை மாற்றுவது நல்லது.

உங்களுடைய ஐ.பி. முகவரியும் பட்டியலில் இருக்கும். இது உங்களுடையதுதானா? என்று எப்படி அறியலாம். இணைய இணைப்பு பெறுபவர்களுக்கு, ஒவ்வொரு முறையும் ஒரு ஐ.பி. முகவரி தரப்படுகிறதே என்ற சந்தேகம் உங்களுக்கு வரும். நீங்கள் பயன்படுத்தும் இணைய இணைப்பின் ஐ.பி. முகவரியின் முதல் இரு எண்கள் எப்போதும் மாறாமல் இருக்கும். எடுத்துக்காட்டாக, 172.16.xx.xx என்ற எண்ணில் இங்கு காட்டப்பட்டுள்ள முதல் இரு எண்களும், நீங்கள் ஒரே இணைய இணைப்பைப் பயன் படுத்தினால் எப்போதும் மாறாமலே இருக்கும். அதே போல, மொபைல் போன் வழியே ஜிமெயில் காண்பவர்களுக்கு, மொபைல் சேவை வழங்கும் நிறுவனத்தின் முதல் எண்கள் மாறாமல் இருக்கும். இவற்றிலிருந்து உங்களுடைய ஐ.பி. முகவரியினை அடையாளம் தெரிந்து கொள்ளலாம்.

ஒரே நேரத்தில், இருவேறு கம்ப்யூட்டர்களில், இரு வேறு இணைய இணைப்பு மூலம் ஜிமெயில் அக்கவுண்ட்டினை அணுகினால், அவை Concurrent sessions என்பதன் கீழ் தரப்படும்.

தகவல்களைத் திருடியவர்களும் இதே போல பட்டியல் பெற்று, உஷார் ஆகலாமே? என்று நாம் எண்ணலாம். ஜிமெயில் தளம் மிகக் கவனமாக இதனைக் கையாள்கிறது. வழக்கத்திற்கு மாறான ஐ.பி. முகவரிகளில் இருந்து அக்கவுண்ட் பார்க்கப்பட்டதாக இருந்தால், அந்த முகவரிகளுக்கு இந்த எச்சரிக்கைப் பட்டியல் காட்டப்படாது.

நம் அக்கவுண்ட் தகவல்கள் திருடப் பட்டுவிட்டன என்று உறுதியாக அறிந்தால், பாஸ்வேர்ட் மாற்றுவதுடன், கூகுள் http://www.google.com/help/security/ என்ற முகவரியில் தரப்படும் எச்சரிக்கை நடவடிக்கைகளையும் பின் பற்றவும். நான் அடிக்கடி கம்ப்யூட்டர், இணைய இணைப்பு, மொபைல் போன் ஆகியவற்றை மாற்றி என் ஜிமெயில் தளத்தினை அணுகுகிறேன். எனவே இது போலக் காட்டப்படும் எச்சரிக்கை பட்டியல் எனக்குத் தேவையில்லை என்று கருதுகிறீர்களா? அப்படியானால், இந்த வசதி இயங்குவதை நிறுத்திவிடலாம். இந்தப் பட்டியலின் கீழாக இதற்கான வசதி தரப்பட்டிருக்கிறது. ஆனால், நீங்கள் ஆப்ஷன் தெரிவித்து ஒரு வாரம் கழித்தே இந்த வசதி நிறுத்தப்படும்.

picture credit: http://blogs.securebeans.com/

September 30, 2015
புதுக்கவிதை

-மெய்யன் நடராஜ்

நவீனத்துவத்தின் பொற்காலம்
தொடங்கிவிட்டது
வரைந்தவன் கைகளுக்கு
மோதிரம் அணிவிக்கணும் என்று
ஓவியன் வியந்திருக்கிறான்!

சாஸ்திரிய சங்கீதத்தையும்
மேற்கத்தைய சங்கீதத்தையும்
கலவை செய்த இசைக்குறிப்பு
இந்த நூற்றாண்டின்
மாபெரும் புதுமை
ஒஸ்கார் விருதுக்குப்
பரிந்துரை செய்யவேண்டும்
அபாரம் அபாரம்
பாராட்டித் தள்ளியிருக்கிறார்
பாகவதர்!

குணப்படுத்த முடியாத
நோய் ஒன்றுக்கான
வைத்தியரின் மருந்து சீட்டு
விலை அதிகமென்று
மயக்கம்போட வைத்திருக்கிறான்
மருந்துக்கடைக்காரன்!

மேல்நாட்டுப் பாணியிலான
நவீனக் கட்டடமொன்றிற்கான
வரைபடக் கூறு என்று
வரையறுத்துக் கூறிவிட்டான்
பொறியியலாளன் ஒருவன்!

பயங்கரக் கொலை கொள்ளையோடு
சம்பந்தப்பட்ட குற்றவாளியின்
கைரேகை அடையாளமென்று
திட்டவட்டமாகக் கூறி இருக்கிறான்
உளவுத்துறை நண்பனொருவன்!

சட்டைப் பையில் இருந்த
காகிதக் குறிப்பைப் பாராமல்
சலவை செய்துவிட்டு
இஸ்திரி கைபோடும்போது
அவதானித்துப் பதறிப்போனவள்
தெரிந்தவர்களிடம் கேட்டுக் குழம்பியதை
மாலையில் வீட்டுக்குவந்த
என்னிடம் காட்டினாள்

பார்த்துவிட்டுக் கேட்டேன்
“உனக்கு ஏதும் விளங்குகிறதா?”
“இல்லை” என்றவளிடம்
எனக்கும் விளங்கவில்லை
ஊரிலுள்ள எவருக்கும் விளங்கவில்லை
என்றால் நிச்சயம் இது
கையெழுத்து அழகில்லாதவன்
யாராவது எழுதிய ’புதுக்கவிதை’தான்
அடித்துச் சொன்னேன் நான்!

வாங்கிப் பார்த்துவிட்டு
“ஐயோ அப்பா” இது நேத்து
பேனா வாங்கும்போது
எழுதுதான்னு
கிறுக்கிப் பார்த்த காகிதம்
என்று மகன் எடுத்து வீசும்மட்டும்
புரியவேயில்லை…
விளங்காத என்
கிறுக்கிப் பார்த்த காகிதம்!

September 30, 2015
சங்க இலக்கியப்பாடல்களில் சாதி, தீண்டாமை, இன்ன பிற … .

The book makes a thorough examination of the issues of caste and untouchability, on the basis of grammar and in the context of Sangam age literary works. By INDIRA PARTHASARATHY

THE slender, 77-page volume, Sangap Padalgalil Saadhi, Theendamai, inna pira… (Caste, untouchability, etc., in Sangam poetry) by Dr V.S. Rajam, the eminent Tamil grammarian and an invocative scholar in Indology, discusses in depth whether the concepts of caste and untouchability, as understood today in the context of early Sanskritic texts, existed during the Sangam period (from first century BCE to the succeeding three centuries) in Tamil Nadu.

Caste is a unique thing, an intrinsic aspect of Hinduism associated with it from time immemorial. It started as “ us” and “them” in the early Rg Vedic society—“us” indicating themselves, the Aryans, or the new settlers, and “them” referring to the natives, or the old inhabitants, presumably, Dravidians—and later, two became four by compulsions of history, laying the foundation for “varnashrama dharma”.

The Purusha-Sukta (hymn 10.90 of the Rg Veda) is about the purusha (the primeval man), the cosmic giant, getting dismembered in the Vedic sacrifice. The four classes of Hindu society, according to it, originated from his body. From his mouth was born the priest (Brahmin, master of the sacred speech), his arms became the Raja, the ruler (warrior, or the Kshatriya class), his thighs formed the Vaishya (merchants and farmers), and from his feet were born the Shudras (the servants and those who performed menial work). The fifth class, or the lowest section of the people in the social hierarchy, did not exist in early Vedic society. But as the nomadic Aryans started gradually dominating throughout India from the north to the south, indigenous tribes such as Nishadas, Chandalas and Mundas became so marginalised that they lived outside of what was known as the Vedic class. They had no social privileges and were treated as outcasts but were engaged by those socially superior to them to do all the dirty and unclean work. This led to the social practices of “pollution” and “untouchability”. Job and caste got integrated and the dharma sastras (law codes of Hinduism) later laid down that as one could not escape his destiny, his job was determined by the caste into which he was born. The obnoxious system of “untouchability” has been in existence in Hindu society for thousands of years. Though it has been legally banned, a good percentage of people in our country are yet to get over their shameful prejudices and petty sense of superiority.

Dr B.R. Ambedkar, the founding father of the Indian Constitution, who fought relentlessly against this evil practice, knew what it meant to be an untouchable because he was born into the Mahar caste, whose members were treated as untouchables. He has written a valuable dissertation about the caste system in India. His strong faith was that the caste system would not stand the test of time because caste distinctions were fictions created by the then ruling castes and that times had changed. But the legitimate question is, have the times changed? Ambedkar would not have anticipated that in post-Independence India, instead of religionists, crafty politicians would keep the caste system alive and revive it time and again in conformity with their vote-bank politics. On the basis of their good knowledge of Sanskrit and perhaps, not so well-versed in Tamil, many European and American Indologists have argued that the caste system and the ugly practice of untouchability did exist in Tamil Nadu during the Sangam period.

Tamil grammar is totally different from the grammar obtaining in other Indian languages. With logic as its strength, Tamil grammar analyses the structure of words in all its multidimensional aspects. Rajam, whose forte is grammar, probes whether caste meant the same during the Sangam period as we understand it today, and if not, at what point of time could the change have occurred. The book makes a thorough and in-depth examination, first on the basis of grammar and later in the context of literary works belonging to that era, of caste and untouchability.

According to Rajam, the earliest Tamil grammar divides the living thing on the basis of intelligence, species and habitat; and in the case of human beings, the profession to which one belongs. The commentator for Tolkappiyam, a work on Tamil grammar, uses the word “kulam”, which stands for “guild” and not “caste”. He uses the word “peyar” , which may mean name, but here it stands for identity based on his geographical belonging, family, group, job, physically identifiable factors, and his status in the family, that is, whether a father or a son. In fact, it is a sort of unique identity card, to put it in the modern context. But the important thing one should notice is that jati (caste) refers only to the species, not to one’s community as it is understood now.

Analysing the names by which one is referred to in Sangam anthologies, Rajam writes that thudiyan and paraiyan are those who beat the drums. The names do not refer to a person’s caste. Koothan is a dancer. Panan and padini are singers. There were no restrictions with regard to their social movements and they were treated as equals.

Western missionaries compiled their dictionaries without bothering to refer to early Tamil literature, and abused the words pulaiyan and pulaithi by giving them meanings that were current during their period. In Sangam poems, a pulaiyan is a drummer or one who is involved with funeral rites. But, invariably, all the Western scholars have described him as one belonging to the most despicable class of people, on the lowest rung of the social ladder, and branded him as an untouchable. Rajam quotes chapter and verse from many Sangam poems to show that all the words that came to be identified with a caste or used as a degrading” form of reference in the later years, were actually words of distinction and honour during the Sangam period.

Beef-eating was not a taboo in the Sangam period. Poets, singers and dancers enjoyed their drink and meat. The bards and those who played the different percussion instruments for various occasions, be it funeral or festival, were free to socialise with anyone, irrespective of class distinctions. The practice of untouchability was unknown.

Brahmanisation of the Tamil social culture started in the Bhakti period and brought in its wake caste divisions and untouchability, as evidenced by the devotional works of the Saiva and Vaishnava saints. Rajam quotes the Vaishnava saint Nammalvar to prove her point.

Nammalvar asks: “What though the person is lower in status, below the ordained four castes, be of lowly birth, even a Chandala of the lowliest Chandalas, if he is a devotee of my discus-bearing gem-lord, his servant’s servant shall be my lord, just see.” So, it is evident that they were the “lowliest of the low” during his time and it is ironic that Nammalvar pleaded for their salvation referring to them in the most contemptuous manner. Rajam has raised several scholarly questions with regard to this issue that needs to be addressed by others engaged in Indological research, which would go a long way in sharpening our historical perceptive in the context of literary studies.

நன்றி : http://www.frontline.in/books/insightful-study/article7603238.ece

September 28, 2015
வாழ்வெனும் மாயை!

-ராதா மரியரத்தினம்

சூனியப் பிரவாகத்தில் நிற்கிறேன்
கனவா நனவா என்று கூட
உணரமுடியா நிலை
எங்கோ குருதி கசிவது போன்ற உணர்வு
தடவிப்பார்க்கிறேன்
மையிருட்டு என்பதை உணர்கையில்
பிடரி வேர்க்கிறது
காலசர்ப்பமாய் ஏதோ ஒன்று
காலைச் சுற்றுகிறதே
’ஆ’வென அலறி வீழ்கிறேன்
அவிழ்க்கப்படாத முடிச்சாய்!
விரியும் வாழ்க்கைதான்
இவைகள் என்று நானுணரும் போது
கண்கள் குத்திட்டு நிற்கிறது!

பாம்பும் பல்லியும் ஓநாய்களும் வல்லூறும்
நிறைந்து கிடக்கின்ற இந்த
வாழ்வெனும் மாயையில்
வாயை அகல விரித்து
நிற்கின்ற முதலைகள்
எது கிடைத்தாலும் விழுங்கக் காத்திருக்கும்
இவற்றையெல்லாம் கடந்து
நான் செல்ல வேண்டிய
இலக்கு வெகுதூரம்!

பிரமித்து நிற்கிறேன்
என்னுடம்பில் இருந்து
கசியும் குருதி கொண்டு
ஓநாய்கள் மோப்பம் பிடிக்கக் கூடும்
உடலிலிருந்து ஏதோ
வெளியேறுவதாய் உணர்கையில்
உடல் இலேசாகி மேலே பறக்கிறேன்
புல்லாங்குழலின் இசையாய்
என் உடலில் ஒன்பது துவாரங்களிலும்
உன்னத இசை, ஒருவித நறுமணம்
ஒளி ஒழுகும் வழியொன்று புதிதாய்த் தெரிந்தது
என் தோள்களைத் தொட்டுத் தூக்குமோர் உணர்வு
அப்போதுதான் தெரிந்தது
என் மூதாதையர்கள் என்னோடு இருப்பது…
நிம்மதிப் பெருமூச்சு விட்டவனாய்த் தூங்குறேன்!

September 28, 2015
இன்று வெட்டப்படாத ஆடுகள்!

-சேசாத்ரி பாஸ்கர்

எதுவும் கட்டப்படவில்லை
எல்லாம் அடர்த்தியாய் நின்றுகொண்டு
முட்டிமோதிக் கொண்டு
செந்நிறத்தில் ஆறு
கன்னங்கரேலாய் நான்கு, கழுத்துக் கீற்று வெண்மை
வெள்ளை நிறத்தில் ஒன்று நசுங்கிக் கொண்டு
ஈரமாய்ப் போன உடல்கள்!

தொட்டால் சிலிர்க்கும், உயிர்ப் பயம்
தொடுதலில் உதறல் , என் கை நடுக்கம்
எல்லாக் கண்களிலும் மிரட்சி
கண்கள் அரளும் பச்சை
பயத்திலும் புழுக்கை
பார்த்து மீண்டும் ஒன்று மேல் ஒன்று மோதி
நிராயுத பாணி நான்-
கண்களால் நன்றி சொன்னது!

குட்டி ஒன்று இரண்டின் காலடியில்
சீரிய கொம்புகள், குத்தினால் குடல் சரியும்
பாய்ச்சலாய்க் குதித்து ஓடும் பிறவிக் குணம்
மரண பயம் -எல்லாம் மறந்தன
இன்று வெட்டப்படாத ஆடுகள்!

September 28, 2015
எங்க ஊரு விவசாயி

-முகமட் இப்ராஹீம் ஷபீனா

கதிரவனை எழுப்பிவிட்டுக்
காடுமலை கடந்து சென்று
கானகத்திலே பயிர் வளர்ப்பான்
வானத்து மழையிலும்
வாய்க்கால் நீரிலும்
தான் வைத்த நம்பிக்கை
தளராது நிலை நிற்பான்
பனியில் சிலிர்த்து
மழையில் குளித்து,
சுட்டெரிக்கும் வெயிலிலும்
சுகத்தை உணர்வான்!

நெஞ்சு கனத்தாலும்
நெல்லோடும் புல்லோடும்
நெருங்கி விளையாடுவான்
மனம் நெருடும் நேரத்தில்
தன் சோகம் சொல்லிட
வயற்காட்டு பொம்மையைத்
துணைக்கு அழைப்பான்!

தான் சுமந்த கனவுகளைப்
பொன் விளையும் பூமியதில்
நெல்லோடு நெல்லாக விதைப்பான்
கரும்பாறை என்றாலும்
கடினமென்று ஒதுங்காது
கரைகாண ஏர்பிடித்து உழைப்பான்!

வறுமையை உருமாற்றி
வாழ்வுக்கு உரமூட்ட
வரப்புக்கு உயிரூட்டி மகிழ்வான்
தம் வருங்கால வாழ்வையெண்ணி
வளமான கற்பனையில்
வயல் தழுவும் தென்றலிலே மிதப்பான்!

சோற்றில் நாம் கை வைக்க
சேற்றிலவன் கால் வைக்கப்
பிணியென்று வந்தாலும்
பின்னிற்க மாட்டான்!

ஆயினும்,
மக்கள் பசிபோக்கப் பாடுபடும்
பாட்டாளி அவன் வாழ்வோ
நெல்லில் பதராகப்
பயிரில் களையாக
மழையின்றி நிலம் காய்ந்தும்
வாழும் வாடிய பயிராக
புலராத பொழுதாக…!

September 25, 2015
நிலா முத்தம்!

-சித்ரப்ரியங்கா சுப்ரமணியன்

நில்லாமல் ஓடி வரத் தானே
நிலாப்பெண்ணே உனை அழைத்தும்,
நீண்ட இடைவெளி நம்மிருவருக்குள்!

ஓ! அதிர்ஷ்டசாலி முகிலனோ?
சத்தம் இல்லாமல் வானில் தான்
முத்தப் பரிமாற்றம் நடக்கிறதோ?

விண்ணில் உள்ள வெண் நிலாவையும்
மண்ணில் உள்ள பெண் நிலாவையும்
முத்தமிடுவதில் சற்று சிக்கல்தான்!

ஆம்!
சத்தமின்றி இட்ட முத்தத்தால்
சித்தம் மெல்லத்தான் கலங்கிப்
பித்தனாய் நித்தம் உலவுவோர்
இப்பாரினில் எத்தனை பேர் தானடி!

முகிலனே!
நீயோ அதிர்ஷ்டசாலி!
பட்ட துயரை மழைநீராய்க்
கொட்டித் தீர்த்துக் கொள்கின்றாய்!
என் கண்ணில் நீரில்லை!

நீயோ அதிர்ஷ்டசாலி!
நானோ அவளால் ஆனேன்
உன்னிடம் இன்று கடனாளி!

September 25, 2015
அம்மாவின் கரங்கள்!

-ச.துரை

கனத்த போர்வைக்குள்ளே
நடுங்கிக் கொண்டிருக்கிறேன்
இந்தக் கருப்புப் போர்வையின்
மேல்புறம் முழுக்கப் பனிப்பிரதேசம்
உருவாகி இருப்பதை என்னால் உணரமுடிகிறது

போர்வைக்குள்
உலாவும் வெப்பக்காற்றைப்
பிடிக்க இருகால்களுக்கு
இடையே ஒரு கையும்
கழுத்துப் பரப்பில் மற்றொரு
கையுமாய் என் நெற்றியைச்
சுருக்கி நானே என்னைப்
பொருத்தியிருக்கிறேன்!

உளறல்களை எனக்குள்ளே
பரப்பி உறங்கும் இந்தக்
காய்ச்சலுக்கு இப்போது
அம்மாவின் விரல்கள்
தேவையாய் இருக்கிறது
அம்மாவை அழைக்கும்
வார்த்தைகளை அவ்வளவு
எளிதே வெளியிட வைப்பதில்லை
இந்தக் காய்ச்சல்கள்!

இந்தக் காய்ச்சல்களுக்குத் தெரியும்
அம்மாவின் கைபட நெற்றி
வைக்கும் ஈரத்துணியும் கழுத்தைத்
தொட்டுக் காய்ச்சலின் அளவைச்
சொல்லும் அம்மாவின்
கணிப்புக்களும் தங்களைப்
பாதி முடக்கிவிடுவது!

September 18, 2015
கடலோடி கழுகு

சூர்யா

கடலும் கடல் சார்ந்த இடம் பரத நிலப்பரப்பு என தமிழ் இலக்கியங்கள் கூறுகிறது.அந்த நிலப்பரப்பின் சொந்தக்காரர்கள் பரதவர் என அழைக்கப்பட்னர். இங்கு உப்பும் மீனும் பிரபலம்.தமிழகத்தின் கடலோர பகுதி அது. இராமேஸ்வரம் என அழைக்கப்படும் பகுதி.அன்று சாதாரண நாளாகவே பொழுது விடிந்திருந்தது.”ச்சே என்ன வாழ்க்கைடா” என்ற வார்த்தைகளோடு அவன் தன் குலத்தொழிலுக்கு புறப்பட்டான் கடல் அன்னையை வணங்கிவிட்டு. வாலிபன் அவன்..அதே ராமேஸ்வரத்தில் அவன் ஊரில் அதிகம் படித்தவன் அவன் தான்.அதாவது நாலாம் வகுப்பு.அவனை அனைவரும் மைக்கேல் என அழைப்பர்.கடல் அலையின் சீற்றம் அதிகமாக இருந்தது ஒவ்வொரு மீன் பிடி பயணத்தின் போதும். ஆனாலும் அவன் பின்வாங்கியதில்லை. தினமும் கடல்க்கு மீன் பிடிக்க செல்வது அவன் பழக்கம் . மீன்களுக்கு அவன் வலைகளுக்கு மாட்டால் தப்பிச்செல்வது பழக்கம்.வருமானம் பெரிதாக இல்லை ஆனால் அவன் தன் தொழிலை விட்டதில்லை.கோடைக்கால மீன்பிடிதடைகால அறிவிப்பு.அதற்கு முன் நடந்த கதை அதிகம் .இந்தியாவின் கால்களில் தொங்கிகொண்டிருப்பது போன்று உலக வரைபடத்தில் இருக்கும் தேசம் இலங்கை.அங்கு தமிழர்களுக்கு எதிரான இனவெறியும், இந்திய பெருங்கடலே என் அப்பன்வீட்டு சொத்து என எண்ணும் சிங்கள இனத்தவர் மிகுதியாய் ஆக்கிரமித்திருந்த தேசம்.அதுபோல தான் மகாஇந்திய சாம்ராஜ்யத்தின் கடல் எல்லையை மதிக்காமல் எல்லைதாண்டி வந்து இந்திய தேசத்தின் பிரஜையை சுட்டுக்கொன்றும்,கைது செய்தும் அறிவிக்கப்படாத யுத்தத்தை தொடர்ந்து வரும் தேசம் அது.இது நிலை ராமேஸ்வரத்திலும் இருந்தது.தமிழக அரசியல் நிலையோ ஏதோ ஐ.நா சபை மாதிரி தீர்மானங்களும் காரசார விவாதங்களும்,தத்தம் ஆதாயங்களுக்காக இந்த பிரச்சினையை பயன்படுத்தி கொண்டன.தினசரி ஏதாவது ஒரு செய்தியாவது மீனவர் கைது பற்றி இருந்தே ஆகும்.மீன்பிடி தடைக்காலம் மட்டும் யாரும் கடலுக்கு செல்லாமல் இருப்பதால் கைது இருக்காது. மற்றபடி மீன்பிடி தடைக்காலம் நீக்கப்பட்டதும் சிங்கள கடற்படையினருக்கும் கைது செய்ய போடப்பட்ட தடைக்காலம் நீக்கப்பட்டதாக அர்த்தம்.மைக்கேல் செய்தி தாள் படிப்பதுண்டு.அங்கு சாலையோர டீக்கடைகளில் உள்ள பிரான்சிஸ்,டேவிட்,மிலிட்டிரிகாரர் அல்போன்ஸ் ஆகியோர் தான் அவரது தோழர்களும் பட்டிமன்ற பேச்சாளர்கள். பிரான்சிஸ் ஒரு கடலோர பொதுவுடமை காரன்.சற்று உலக அரசியல் பற்றி அறிந்தவன்.டேவிட் ஒரு முற்றிலும் துறந்த ஞானி போல பேசுவர்.ஒரு தத்துவ ஞானி.போதைக்காரர்.கண்ணதாசன் பாடல்களை சதா கேட்டுக்கொண்டுஇருப்பார்.மிலிட்டிரிகாரர் அல்போன்ஸ் போர்வீரர். நாட்டுக்காக பாக்கிஸ்தானிக்கு எதிராக போரில் போரிட்டு ஈடுபட்டு ஒய்வு பெற்றவர்.கொஞ்சம் இல்லை நிறையவே முரடர்.எப்போதும் வேலையில்லாத ஒய்வு நேரங்களில் மேரி டீஸ்டாலில் ஒரு பட்டிமன்றத்தையும் இங்கிருந்து கொண்டே காசில்லாமல் இலவசமாக ஐ.நா சபைக்கு ஆலோசனை வழங்குபவர்கள் இவர்கள்.மைக்கேலுக்கு ஒரு விரோதி உண்டு அவள் பெயர் ஆச்சரியமாக இருக்கிறதா அவள் பெயர் மகதலினா. ஏனெனில் ஆண்களின் வெறுப்பை சம்பாதிக்க தெரியாதவன் மைக்கேல். மேலும் அவன் ஒரு அழகன்.சிறுவயதில் இருந்தே மைக்கேல் மீது மகதலினாவுக்கு ஒரு கண்.அதாவது ஒரு அழகிய கிராமத்து காதல்.கண்ணால் பேசிவிடுவாள் அவள் ஆனால் அவன் பேசி கண்ணைமூடிவிடுவான்.கேட்டால் காதல் என்பால் அவள்.அவனோ ஒன்னும் இல்லை தூரப்போ என்பான்.காதலின் ஏமாற்றம் பகையாய் மாறுவதில் சந்தேகம் இல்லை.அது போலத்தான் மகதலினா வாழ்க்கையும்.அவள் வெறுப்பு பகைமையை அவன் அடுத்த இளம் பெண்களிடம் பேசும் போது வெளிப்படுத்தினாள்.ஆனால் இறைவன் என்பவன் விசித்திரமான ஒரு விலங்கு என்பதை நிருபிக்க அங்கு காலம் ஒரு கணக்கு போட்டது.மகதலினா ஒரு கடலோர அழகி. அழகிய கண்கள்.அவள் கண்சிமிட்டல் மின்னல்கள் வெட்டுவதைபோலவும்,அவள் உதடுகள் ஒரு தேன்சிந்தும் வளைகுடா போல அழகாக பார்ப்பவரை சுண்டியிழுத்துவிடும் அழகு.இடையோ வளைந்த வில் போல பார்ப்பவர்களின் மீது அம்பை ஏய்து கொண்டே செல்லும். அவள் நடை ஒரு அழகு.அவள் உடை இத்தனை அழகையும் புதையலை மூடுவது போல இருக்கும். இப்படி வர்ணிக்கும்படியான அழகு தேவதை.யாருக்கு தான் காதல் வராது அவள் மீது.ஆனால் மைக்கேலுக்கு இதில் விருப்பம் இல்லை.மகதலினாவுக்கு அவன் மீது விருப்பம் உண்டு.பிரான்சிஸ் ஒர் இளைஞன் . பொதுவுடமைக்காரன்.உலகம் அறிந்தவன்.அவனுக்கும் காதலில் விருப்பம் உண்டு.ஒரு வேளை பிரான்சிஸ்ன் வைரமுத்து காதல் கவிதைகளை படிக்கும் ஆர்வத்தால் காதலில் விருப்பம் வந்திருக்கலாம்.பிரான்சிஸ் மகதலினாவை ஒருதலையாக காதலித்து வந்தான்.ஏனெனில் ஒரு தலைஉள்ள அனைவருக்கும் வருமல்லவா இந்த ஒரு தலைக்காதல்.பொறாமை வளர்ந்தது நண்பர்களான மைக்கேல் மற்றும் பிரான்சிஸ் இடையே.ஆவதும் பெண்ணாலே அழிவதும் பெண்ணாலே சும்மாவா சொன்னாங்க.ஒரு நாள் டீக்கடையில் காரசார விவாதம் காதல் திருமணங்களால் வன்முறை ஏற்படுகிறது ஏன் என்பது. இதில் வாக்குவாதம் முற்றி வழக்கு போல மைக்கேல் பெண்களை இழிவுபடுத்தி பேச,அதாவது மகதலினாவை பற்றி தவறாக பேச கைகலப்பானது.இது மகதலினாவுக்கு தெரிய வர அவள் மனவருத்தத்தில் மைக்கேலை மறப்பதாக நடித்தாள்.உயிர்நண்பர்கள் பகைவர்களாக மிலிட்டரிகாரர் அல்போன்ஸ் சமாதானபடுத்த முயற்சி செய்து தோல்வியில் முடிவு பெற பகைமை தொடர்ந்தது.இருவரும் வெவ்வேறு பாதைகளை தேர்ந்தெடுக்க மைக்கேல் பிரான்சிஸின் கொள்கையை எதிர்ப்பதென முடிவெடுத்தான்.ஏனெனில் பிரான்சிஸ் ஒரு பொதுவுடமை வாதி.அவனுக்கு எதிராக இருக்க முதலாளித்துவ வாதியாக அவனுக்கு எதிராக இருக்க முதலாளித்துவ வாதியாக மாறினான்.அந்த ஊரில் ஒரு சிறு பனிப்போரே நடத்தினர்.இதில் மகதலினா,அல்போன்ஸ் நடுநிலைமை வகித்தனர்.எப்போதுமே பொதுவுடமைவாதியிடம் வேகம்,மூர்க்ககுணம் அதிகமாக இருக்கும்.அன்று மீன்பிடி தடைகால இறுதி நாள்.மைக்கேல்க்கு அங்கு இருந்த அகதிகள் முகாமில் இருந்த சில அமெரிக்க நண்பர்களின் நட்பு கிடைத்தது.அவர்கள் இந்தியாவை வேவுபார்க்கவந்த சி.ஐ.ஏ உளவாளிகள்.அவர்கள் தமிழகத்தில் அதாவது இலங்கைக்கு அருகாமை பகுதியில் பொதுவுடமைவாதத்தை வீழ்த்த வந்தவர்கள்.அவர்கள் மைக்கேலின் பொதுவுடமை வெறுப்பை பயன்படுத்தி தங்கள் வேலையை செய்ய முடிவு செய்தனர்.ஆனால் அதே நேரம் பிரான்சிஸ் தமிழகத்தில் உள்ள பொதுவுடமை இயக்கத்தில் முக்கிய பொறுப்பில் இருந்தான்.ஆனால் அவன் தன் மீன்பிடித்தொழிலை விடவில்லை.இரு கொலைமுயற்சி அவனுக்கு எதிராக.ஆனால் அவன் அதில் இருந்து மீண்டிருந்தான்.அமெரிக்க உளவுத்துறை பிரான்சிஸ்ஐ கொலைசெய்ய முடிவு செய்திருந்தது.அதற்கு மைக்கேலை பகடைக்காயாக பயன்படுத்த திட்டம் தீட்டிருந்தது.மைக்கேலுக்கு சி.ஐ.ஏ உறுப்பினர் அட்டை வழங்கி அவனுக்கு பணம் அளித்தது.மீன் பிடி தடை காலம் முடிவடைந்தது.காலையில் கதிரவன் மீனவர்களை வரவேற்றான் கடலுக்கு வரும்படி.மைக்கேலுக்கு மீன்பிடிக்கும் ஆசையில்லை ஆனால் கடலுக்கு செல்ல ஆயத்தமானான் பிரான்சிஸ்ஸை வீழ்த்தி பொதுவுடமை வேரை அறுக்க. ஆனால் பிரான்சிஸ்ஸோ கண்முழுவதும் மீன்களை பற்றிய கனவு.இருவரும் கடலுக்கு புறப்பட்டனர்.ஆனால் மகதலினாவுக்கு புரிந்து போனது மைக்கேல் மாறிவிட்டான்.காதல் அழிக்க இயலாததது.அவள் மனதில் இருந்தது அவனை நீக்க இயலவில்லை என.இருவரும் கடலுக்கு சென்றனர் நவீன படகேறி. நடுகடலில் சி.ஐ.ஏ. திட்டப்படி பிரான்சிஸ்ஸை கொல்ல முயன்ற வேளையில்,அங்கு தடைகாலம் நீங்கியதால் சிங்கள ராணுவம் எல்லோரையும் கைது செய்யதது.அவர்களை செய்த சோதனையில் மைக்கேல் ஒரு உளவாளி என கண்டறிந்தனர்.இலங்கையில் மெல்ல சீனா தன் ஆதிக்கத்தை நுழைதந்துகொண்டிருந்த நேரம் இந்த உளவு விவகாரம் சீன-இந்திய-அமெரிக்க உறவில் ஒரு நிழல்பாதிப்பை நுழைத்தது.அன்றில் இருந்து மைக்கேல் உலகம் அறியும் உளவாளியாகவும்,தேச துரோகியாகவும் அறியப்பட்டான்.மைக்கேலை தவிர அனைவரையும் இலங்கையில் இருந்த மீட்டது.மைக்கேல் தன் சிறைவாழ்க்கையை வாழ்நாள் முழுவதும் தொடர்வதாகவேண்டியாயிற்று.எங்கோ இருந்து வந்த இளைஞன் உலகம் பேசும் உளவாளிகள் வரிசையில் இடம்பெற்றான்.தன் முன்னாள் காதலனை எண்ணி மகதலினா,கடலோரம் பறக்கும் கழுகுகளை பார்த்து கண்ணீர் சிந்தி கொண்டிருந்தாள்.அந்த கடலோரம் எங்கும் பொதுவுடமை கொடி மைக்கேலின் வீழ்சியில் ஆர்பரித்து கடலோர கழுகளை பார்த்து சுடர் விட்டு பறந்து கொண்டிருந்தது மகதலினாவின் கண்ணீருடன்.

September 17, 2015
பயன்மிகு இணையவழிச் சேவைகள் – இணையவழி ஒலிப்பதிவு

—சிவானந்தம் கனகராஜ்.

இணையவழி குரல் பதிவு மற்றும் ஒலிக் கோப்புகள் உருவாக்கத்திற்கான தளங்கள்

சில வருடங்களுக்கு முன் வரை ஒலிப்பதிவு பெட்டியின்(tape recorder) உதவியுடன் ஒலிகளையும், குரல்களையும் பதிவு செய்து கேட்டு மகிழ்ந்தோம். சமீப காலமாக கைபேசிகளிலும் (cellular phones) கூட இந்தக் குரல் பதிவு வசதி கிடைக்கிறது. அந்த ஒலிக் கோப்புகளை கணினிகளில் பதிவிறக்கி சேமித்துப் பயன்படுத்தலாம். இப்போது, கணினியுடன் இணைய இணைப்பும், கணினியுடன் இணைக்கப்பட்ட மின்சார ஒலிபெருக்கி அல்லது ஒலிவாங்கி (microphone) இருந்தால், நம் கணினியில் ஒலிப்பதிவு செய்து ஒலிக் கோப்புகளாக சேமித்துக் கொள்ளலாம். இத்தகைய சேவைகளை வழங்கும் இணையதளங்கள் மற்றும் மென்பொருட்கள் குறித்து இக்கட்டுரையில் காணலாம்.

1) Audacity :

இந்த வசதி நமக்குத் தனி மென்பொருள் வாயிலாகக் கிடைக்கிறது. இந்த மென்பொருளை நமது கணினியில் தரவிறக்கி, குரல் பதிவு, ஒலிப்பதிவு செய்து அவற்றை தனிக் கோப்புகளாக கணினிகளில் சேமித்து பயன்படுத்தலாம். பிறருடன் பகிர்ந்தும் கொள்ளலாம். அத்தகைய ஓர் மென்பொருள் தான் ஆடேசிட்டி (Audacity). இந்த மென் பொருளை நமது கணினியில் தரவிறக்கி (Download), நிறுவி (Install) பயன்படுத்தலாம்.

இம்மென்பொருளைக் கீழ்காணும் இணையதளத்தில் இருந்து தரவிறக்கி பயன்படுத்தலாம்.
http://audacityteam.org/

இனி, மென்பொருட்களைக் கணினிக்கு தரவிறக்கம் செய்யாது, இணையத்திலேயே ஒலிப்பதிவு செய்து, கோப்புகளாகவே நமக்குக் கணினிகளில் பதிவிறக்கம் செய்யும் வசதியை வழங்கும் இணையதளங்கள் குறித்து காணலாம்.

2) Sound cloud:

இணையத்தில் ஒலிக்கோப்புகளைத் தரவேற்றம் செய்து, அந்தக் கோப்புகளை எந்தத் தளங்களில் வேண்டுமானாலும் பகிர்ந்து கொள்ளும் வசதியை அளிக்கிறது இந்த sound cloud இணையதளம். இசை மற்றும் ஒலிக் கோப்புகளை ஃபேஸ் புக் (facebook), ட்விட்டர் (twitter), டம்ப்ளர் (tumblr) மற்றும் இணையத்தில் எங்கு வேண்டுமானாலும் பயன்படுத்திக் கொள்ளும் வசதியை இந்த இணையதளம் வழங்குகிறது.

இந்த மென்பொருள் பலவகையான ஒலிக்கோப்பு வடிவங்களைப் பயன்படுத்த வழிவகை செய்கிறது. இந்த இணையதளத்தில் AIFF, WAVE (WAV), FLAC, OGG, ALAC, MP2, MP3, AAC, AMR, WMA ஒலிக் கோப்பு வடிவங்களைப் பயன்படுத்தலாம். தரவேற்றம் செய்யப்படும் ஒலிக் கோப்புகளின் அதிகபட்ச அளவு 5GB ஆக இருக்கலாம்.

ஒலிக்கோப்புகளைத் தரவேற்றம் செய்து பிறருடன் பகிர்ந்து கொள்ள தனி பயனர் கணக்கு தொடங்குதல் அவசியம்.

இந்த மென்பொருளைக் கீழ்காணும் இணையதள முகவரியில் பயன்படுத்தலாம்.
https://soundcloud.com/

3) Audio expert:

ஆடியோ எக்ஸ்பர்ட் என்ற இந்த இலவச இணைய மென்பொருளின் உதவியுடன் ஒலிக் கோப்புகளை (Audio files) உருவாக்கலாம், ஏற்கனவே இருக்கும் ஒலிக்கோப்புகளில் மாற்றங்கள், திருத்தங்கள் (Edit) செய்யலாம். கோப்புகளை ஒரு வடிவிலிருந்து மற்றோர் ஒலி வடிவிற்கு (file convert / format convert ) மாற்றலாம். இரு வேறு ஒலிக் கோப்புகளை ஒன்றாக இணைக்கலாம். குரல் பதிவு செய்து, கோப்புகளாக சேமித்துக் கொள்ளும் வசதியும் கிடைக்கிறது.

100 Mb அளவு வரை இருக்கும் கோப்புகளை ஒரு ஒலி வடிவிலிருந்து மற்றோர் ஒலி வடிவிற்கு மாற்றலாம். இணையதளங்களில் இருக்கும் ஒலிக் கோப்புகளையும் நமக்குத் தேவையான ஒலி வடிவ கோப்புகளாக மாற்றிக் கொள்ளலாம். இதற்கு, நமக்குத் தேவையான ஒலிக் கோப்பு இருக்கும் வலைப்பக்கத்தின் சரியான முகவரியைக் கொடுத்தாலே போதுமானது.

வலைப்பக்க முகவரிகள் கொடுக்கையில், http (hyper text transfer protocol), https (http secure), ftp (file transfer protocol) என்று துவங்கும் வலைப்பக்க முகவரிகளை வழங்குதல் அவசியம்.

இம்மென்பொருளினை பயன்படுத்தி கீழ்க்கண்ட ஒலிக் கோப்பு வகைகளை ஒரு வடிவிலிருந்து மற்றோர் வடிவிற்கு மாற்ற இயலும்.
AAC – Advanced Audio Coding
AMR – Adaptive Multi Rate (Audio Compression format)
AU – Audio file format by Sun Micro systems
FLAC – Free Lossless Audio Codec
M4A – Mpeg 4 Audio
WMA – Windows Media Audio
MKA – Matroska file extension for audio files only.

இம்மென்பொருளைக் கீழ்கண்ட இணையப் பக்கத்தில் பயன்படுத்தலாம். இதனைப் பயன்படுத்த ஓர் பயனர் கணக்கு மட்டும் துவங்கினால் போதுமானது.
http://audioexpert.com/

4) Audio Pal :
ஒலிப்பதிவிற்கான மற்றுமோர் இலவச இணையதளம் தான் இந்த Audio Pal. இந்த மென்பொருளின் உதவியுடன் ஒலிப்பதிவு செய்து, பயன்படுத்தலாம். மேலும், 25 ற்கும் மேலான மொழிகளில் எழுத்து வடிவத்திலிருந்து ஒலி வடிவத்திற்கு (Text to Speech) மாற்ற இயலும். தொலைபேசியின் உதவியுடன் குரல் அல்லது ஒலிப்பதிவு செய்யலாம்.

கணினியில் சேமித்து வைத்திருக்கும் ஒலிக்கோப்புகளையும் தரவேற்றம் செய்து கொள்ளலாம்.

மேற்கூறிய நான்கு முறைகளில் ஏதேனும் ஒன்றின் மூலம் ஒலிப்பதிவு செய்த பின், அந்தக் கோப்புகள், எங்ஙனம் பதிவாகி உள்ளன என்றும் அறிந்து கொள்ளலாம். ஒலிப்பதிவு செய்த கோப்புகளை, நமது மின்னஞ்சல் முகவரிக்கு அனுப்பி மின்னஞ்சலில் சேமித்தும் வைத்துக் கொள்ளலாம்.

இந்த மென்பொருளைக் கீழ்க்கண்ட இணையதளத்தில் பயன்படுத்தலாம்.
http://www.audiopal.com/editor.html

5) Vocaroo :
இணையத்தில் இலவசமாக ஒலிப்பதிவு செய்ய உதவும் வலைத்தளம் Vocaroo.com.

வலைத்தளத்தை திறந்ததுமே, மேற்காட்டியுள்ளதைப் போன்று தான் பக்கம் திறக்கிறது. இதில் காணப்படும், ” Click to Record” என்கிற பொத்தானை சொடுக்கியதும், குரல் பதிவு அல்லது ஒலிப்பதிவு ஆரம்பமாகிறது. இந்தத் தளத்தினூடாக ஒலிப்பதிவு செய்ய ஒலிவாங்கி (microphone) தேவை. ஒலிவாங்கியின் உதவியுடன், குரல்பதிவு செய்து முடித்ததும், பதிவு செய்ததை மீண்டும் கேட்கலாம். நமக்குத் தேவையெனில் அதனை ஒலிக்கோப்பாக நமது கணினியில் சேமித்துக் கொள்ளலாம்.

இந்தச் சேவை வழங்கும் இணையதளம்
http://vocaroo.com/

*** Please Note: Picture courtesy of their respective service providers’ sites

September 16, 2015
வறுமை

-ச.துரை

என்னுள்
நூறு ஆசைகள்
உன்னுள்
ஐம்பது ஆசைகள்
நம் பிள்ளைக்கு
இருபது ஆசைகள்
அவன் பொம்மைக்குப்
பத்து ஆசைகள்
புலம்பித் தீர்க்கிறேன்
மௌன ஓசையில்!

இறுகப் பற்றிக்
கொண்டோமே
நாம் வறுமை எனும்
பசையை!

September 16, 2015
முண்டாசுக் கவியே மீண்டும் வா!

– சித்ரப்ரியங்கா பாலசுப்ரமணியன்

கம்பீரத் தோற்றத்துடன் விளங்கும் அழகுக் கவியே
காணவில்லை எனத்தான் தேடுகிறோம் உனையே
சுதந்திரக் காற்றை நாங்கள் நித்தம் சுவாசிக்கத் தானே
பல கவிதை தான் வடித்துப் பக்குவப்படுத்திய சிற்பியே
எட்டையபுரம் பாரதத் தாய்க்கு அளித்த அறிவு மழலையே
எட்டாத தொலைவே ஓடவைத்தாய் நீயும் அந்நியனையே

கண்ணனைக் கண்ணம்மா ஆக்கிக் கவிபல பாடினாயே
உன் செல்லம்மாவுமேதான் உனக்காக ஆனாள் தாயே
அச்சமில்லை அச்சமில்லை என அன்றே நீயும் உரைத்தாய்
அஞ்சி வாழும் அவல நிலை அறிந்தால் நீயோ துடிப்பாய்
நீ கண்ட புதுமைப் பெண்களாய் இருக்கத் தானே ஆவல்
நீயே கண்டால் வெடிப்பாயே பெண்மைக்கு ஏது காவல்?
உனக்காக நாங்கள் இன்று செலுத்துவோம் வீரவணக்கம்
உன் நாமம் சொன்னால் தானே தமிழும் அமிழ்தாய் இனிக்கும்!

தரணி தன்னில் பல துறையில் சிறந்திருக்ககிறோம் நாமே
தப்பாது அன்றே நீ வடித்த வரிகளின் இலக்கணம் தானே
நன்றிகள் பலகோடி உரித்தாக்குவோம் உனக்கே ஐயா
நலிந்த நம் தாயவள் முகம் மலரச்செய்த தலைமகனே
என்ன தவம் செய்தோம் உனைப்பெற முண்டாசுக் கவியே
என்று மீண்டும் நீ வருவாய் என ஏங்கித் தவிக்குது புவியே
அண்டம் உய்ய மீண்டு(ம்) வா ஐயனே!

September 14, 2015
நாதமற்ற நல்வீணை!

-சித்ரப்ரியங்கா பாலசுப்ரமணியன்

நல்லதோர் வீணை செய்தே அதை
நலங்கெடப் புழுதியில் எறிவதுபோல்
எனக்கும் சிறிது கவித்திறன் தந்து
ஏனிந்த ஈனச் சமூகத்தில் உலவவிட்டாய்
தமிழன்னையே?

மாதர் தம்மை இழிவு செய்யும்
மடமையைக் கொளுத்துவோம் எனும்
முண்டாசுக் கவியின் பொன்மொழி கொன்று
மாதரைக் காமத்திற்காகக் கொளுத்துகிறான் இன்று!

அன்னையே கண்கண்ட தெய்வம்
அக்கா அவளோ இரண்டாம் தாய்
தங்கை அவளோ தான்பெறாத குழந்தை
தாரம் அவளோ பத்தினித் தெய்வம்
உண்மையான காதல் இவர்களிடம் இருக்க,
உதவாக்கரை சிலரோ
இக் கலிகாலக் காதல்பேயைப் பற்றிக்
கண்டபடி அலைகிறார் பெண் பின்னால் சுற்றி!
காதல் என்பதன் உண்மை அர்த்தம் உணராது
ஐ லவ் யூ என அரற்றுவதேன் சில ஈனப் பதர்கள்?

இருபதில் காதலி ஐ லவ் யூ சொல்வது வேதம்
அதே
நாற்பதில் சகோதரி ஐ லவ் யூ சொல்வது நாராசம்
அறுபதிலோர் அன்னை ஐ லவ் யூ சொல்வது ஆபாசம்
நன்றிகெட்ட சமூகத்தின் நிலைதான் இது!
தாய்க்கும் தாரத்திற்கும் தங்கைக்கும் அக்காவிற்கும்
வித்தியாசம் உணராது அறிவு விளையாத களர்நிலத்தில்
ஈனப் பதர்களாய்ச் சில கருங்காலிகள்!

முண்டாசுக் கவியோ இன்றிருந்தால் அம்
முண்டாசால் தூக்கிட்டு மாண்டிருப்பான்!
துண்டு துண்டாய்த் தன்னை வெட்டித்
தானே கீழே தவித்தபடி சாய்ந்திருப்பான்!
அதனால்…
பெண்களே விழித்தெழுங்கள்!
முண்டாசுக் கவிஞனுக்கு நீர் ’பிண்டம்’ வைக்கவில்லை எனினும்
இந்த அண்டம் காக்க அலைகடலெனத் திரண்டு ஒன்றுபடுங்கள்!
பெண்ணே,
பெண்ணாய் நீ பிறந்ததற்குப் பெருமைப்படு அடி என் கண்ணே!

September 11, 2015