Category: திருமால் திருப்புகழ்

கிரேசி மோகன்

மீண்டும் உரலிழுத்து, மாமருதம் சாய்த்தரவத்,
தாண்டவம் ஆடித், தயிருண்டு, -வேண்டிய,
ராதையை காதலித்து, போதனையாய் கீதையை,
யாதவா கோடிட்(டு) எழுது ….கிரேசி மோகன்….

KESHAV TOP-ANGLE திருமால் சூப்பர்….
———————————————————————–

’’நூல்எண்எண் பாரதி நாயகன் நாபியில்,
தாள்முன்னம் கோலத் திருமகள், -மால்வண்ணம்,
மேல்வண்ண மாய்த்தந்தோய், மெய்மறந்தேன், நந்தகி,
வாள்மின்னும் தீபா வளிக்கு’’….கிரேசி மோகன்….

TOP-ANGLE-சொன்னது சு.இரவி….

கிரேசி மோகன்

மைகொண்ட கண்ணாள், மகாலஷ்மி கொஞ்சிடும்,
வைகுண்ட வாசியவன் வாசுதேவன், -பொய்கொண்ட,
பூமியைப் பாராமல், பொய்யுறக்கம் போடுகிறான்,
சாமிக்கு சுப்ரபாதம் சொல்”….கிரேசி மோகன்….

கிரேசி மோகன்

 
கேசவ் ,பகவான் ரமணர் இது போலத்தான் பசு லஷ்மிக்கு கரஸ்பரிஸ தீக்‌ஷை அளித்தார், அதன் அந்திம நேரத்தில்….

‘ஆனை முகமேறி, ஆயர் கொழுந்தவன்,
தூணை நிகர்த்த துதிக்கையை, -சோணை,
மகரிஷி போல, சுகமாய்த் தடவி,
அகருசி ‘நானை’ அளிப்பு’….கிரேசி மோகன்….

கிரேசி மோகன்

கன்னிப்பெண் ராதைகைத் தாம்பால் கட்டுண்டு,
பின்னிப் பிணைந்த கண்ணனவன் -முன்னம்
உரலிழுத்த ந்யாபகம் உந்த உருள
மருள முழித்தனள் மாது’’….கிரேசி மோகன்….

கண்ணிநுண் தாம்புக்கும் கட்டுண்டோன், கன்னிப்பெண் ராதைக்கும் கட்டுண்டோன்….

கிரேசி மோகன்

ராதைக்காய் நின்றவன், ராஜ்ஜியத்தை வேண்டிட,
தூதைவர்க் காய்நடந்தோன் ,தன்பொழுது , -போதுக்காய்,
கைவேக கேசவ்வால் , தெய்வீக நாட்டியத்தில்,
மைமேக வண்ணன் மகிழ்வு”….கிரேசி மோகன்….

கிரேசி மோகன்

சாகரம்சூழ் பாரம், சரிகட்ட வந்தவன்முன்,
வ்யாகரணம் விட்டு வணங்கிநில், -மாகன,
சம்சாரப் பானையை, சுக்குநூ றாக்கிடும்,
அம்ஸா வதாரன் அவன்”….கிரேசி மோகன்….

வ்யாகரணம் -இலக்கணம்..

நந்த வனத்து நவனீத ஆண்டியவன்,
மந்திரத்தால் ஆய்ச்சி மயங்கவைத்து, -அந்தரத்தில்
தொங்கும் அகந்தையை தூரக் கடாசியதில்,
தங்குவெண்ணை ஆன்மனைத் துய்ப்பு’’….கிரேசி மோகன்….

நந்த வனத்து நவநீத ஆண்டி-நந்தகோபன் குமாரன்….
துய்ப்பு -நுகர்தல்

கிரேசி மோகன்

வாயுள்ள புள்ளையா ! , வாயுள்ளே புள்ளையா !
தாயுள்ளம் கொண்டது திக்பிரமை !, -போயள்ளி
மண்சப்பி பூபாரம் மாற்ற முயல்கின்றான்,
INCEPTION பூமிக்(கு) இவன்’’….கிரேசி மோகன்….

ஓவியம் பார்த்தவுடன் தோன்றியது….
கண்ணன் மண்ணையுண்டது முடிந்தவரை பூபாரம் குறைக்க….
INCEPTION(BEGINING)- திவ்யதர்ஷனுக்கு மட்டுமல்ல தூரதர்ஷனுக்கும்(டிவிக்கும்) இவன்தான் முன்னோடி….
கண்ணன் வாய்க்குள் கண்ணனையே கண்டாள் அன்னை யசோதை…

கிரேசி மோகன்

மோகரேகை ராதைக்கு, யோகரேகை பார்த்தனுக்கு,
சோகரேகை நீக்கும் சுதாமர்க்கு, -ஏகரேகை,
பூமத்ய பாரத்தைப் போக்க வ்ரஜம்புகுந்த,
சாமர்த் தியமான சேய்”….கிரேசி மோகன்….

வ்ரஜம்-வ்ரஜகுலம் பிறந்த கண்ணன்….

கிரேசி மோகன்

பாண்டு மகன்போல, பின்வாங்கும் அஸ்வத்தை,
தூண்டிட தாடை தடவிவிட்டு, -ஆண்டவன்
HORSEக்(கு) உரைப்பு ,ஹயக்ரீவ கீதையை,
WAR-SICKNESS போக்கிட வே ….கிரேசி மோகன்….

கிரேசி மோகன்

மூளைக் குதிரை முதலில் மிரளும்,பின்,
ஆளைக் கவிழ்த்திடும் , ஆகவே, -நாளை,
குதிராது இன்றே, குதிரையில் ஏறி
குதிஇறை கண்ணனின் கால் ….கிரேசி மோகன்….

கிரேசி மோகன்

”மரணக் கிணற்றில் முராரியவன் குட்டிக்
கரணமிடு கின்றான் குஷியாய், -சரணமென்று,
கன்றாய்த் துரத்தியவன் , காலைப் பிடித்திட,
வென்றாய் ஜனன வழக்கு’’….கிரேசி மோகன்….

சிறு வயதில் அப்பாவோடு ‘’எக்ஸிபிஷன்’’ போகையில் ,மரணக்கிணற்றில் மோட்டார் சைக்கிள் விடும் வீரன் நினைவுக்கு வந்தான்….
‘’புனரபி ஜனனம் புனரபி மரணம்…பாஹி முராரே…. பஜ கோவிந்தம்’’….

கிரேசி மோகன்

”அகலாத அன்போ(டு) அரிமீ(து) அமர்ந்து
ப்ரகலாத பக்தியைப் பண்ண , -துகளாகும்
நெஞ்சக் கனகல்லு, பஞ்சப் படைமுகுந்தன்,
கொஞ்சிக் குலாவும்சிங் கம்’’….கிரேசி மோகன்….

கிரேசி மோகன்

“கந்தா கணினியில் கண்ணன் வரும்முன்னே
வந்தாய் வருக வருகவே ; -உன்தாய்
முறைமாமன் கொஞ்சும் முகம்காண அல்லில்
வரைகேசவ் வண்ணத்தில் வாழ்”….கிரேசி மோகன்….

அல்லில் -இரவில்….