வல்லமை

Blog

  • கடவுள் யார் பக்கம் இருக்கிறார்?

    கடவுள் யார் பக்கம் இருக்கிறார்?

    -நாகேஸ்வரி அண்ணாமலை

    இஸ்ரேல் கடவுளின் பக்கம் இருப்பதாக இஸ்ரேலில் இருக்கும் அமெரிக்கத் தூதர் டேவிட் ப்ரீட்மேன் கூறியிருக்கிறார். கடவுள் இஸ்ரேலின் பக்கம் இருப்பதாகச் சொல்வதற்குப் பதில் இப்படிச் சொல்கிறார் போலும். இஸ்ரேல் கடவுளின் பக்கம் இருப்பதாகச் சொல்வதால் இஸ்ரேல் செய்வதெல்லாம் சரியென்று சொல்கிறாரா? இஸ்ரேல்-பாலஸ்தீனப் பிரச்சினையைத் தீர்ப்பதற்கு அமெரிக்கக் கொள்கையை வகுப்பதில் முக்கிய பங்கு வகிப்பவர் இவர்.

    பைபிளை அப்படியே நம்பும் அமெரிக்கக் கிறிஸ்தவர்கள் (Evangelical Christians) அமெரிக்கா தன்னுடைய தூதரகத்தை டெல் அவிவிலிருந்து ஜெருசலேமுக்கு மாற்றி ஒரு வருஷம் ஆனதைக் கொண்டாடும் ஒரு விழாவில் அவர் இப்படிப் பேசியிருக்கிறார். (யேசுவைக் கொன்றவர்கள் என்ற கோபம் யூதர்கள் மேல் இவர்களுக்கு சென்ற நூற்றாண்டுவரை இருந்தது. பல ஐரோப்பிய நாடுகளில் யூதர்கள் வாழ்ந்து வந்தபோது யேசு உயிர்தெழுந்த நாளான ஈஸ்டர் அன்று கிறிஸ்தவர்கள் யூதர்களுக்குத் தீங்கு விளைவிக்கலாம் என்று யூதர்கள் வெளியில் வர மாட்டார்களாம். இப்போது யூதர்களுக்கும் முஸ்லீம்களுக்கும் இடையே பாலஸ்தீனத்தில் மோதல் ஏற்பட்ட பிறகு கிறிஸ்தவர்கள் யூதர்கள் பக்கம் சாய்ந்துவிட்டனர். உலகம் முழுவதும் முஸ்லீம்களுக்கு எதிராக எதிர்ப்பு கிளம்பியது ஒரு காரணம். கிறிஸ்தவர்களும் முஸ்லீம்களை எதிர்க்க, வெறுக்க ஆரம்பித்தனர். இரண்டாவது, பெத்லஹேமில் பிறந்த இயேசு மாண்டது ஜெருசலேமில். ஜெருசலேம் இஸ்ரேலின் ஆதிக்கத்தில் இருந்தால்தான் தாங்கள் அங்கு இடையூறின்றிப் போய்வரலாம் என்று கிறிஸ்தவர்கள் நம்புகிறார்கள். இது தவறான நம்பிக்கை என்று நான் சொல்வேன்.) இப்போது அமெரிக்காவுடனான இஸ்ரேலின் உறவு வலுப்பட்டிருப்பதாலும் இஸ்ரேல் கடவுளின் பக்கம் இருப்பதாலும் இஸ்ரேல் மிகவும் பலமுள்ளதாக ஆகிவருவதாக அவர் கூறியிருக்கிறார்.

    அமெரிக்காவும் இஸ்ரேலும் நெருங்கிய உறவு கொண்டிருப்பதாக அவர் கூறியதாலேயே அமெரிக்கா இஸ்ரேலுக்கு சாதகமாக ஒருதலைப் பட்சமாக நடந்து வருகிறது என்று சொல்லலாம். இதற்கு நிறைய உதாரணங்கள். அமெரிக்கத் தூதரகத்தை டெல் அவிவிலிருந்து ஜெருசலேமுக்கு மாற்றியிருப்பது; பாலஸ்தீன அகதிகளுக்கு ஐ.நா. அளித்து வரும் உதவியில் தன் பங்கைக் குறைத்திருப்பது; வெஸ்ட் பேங்கை இஸ்ரேலால் ஆக்கிரமிக்கப்பட்ட பகுதி என்று கூறுவதை நிறுத்திவிட்டது; வாஷிங்டனில் இருந்த பாலஸ்தீனத்தின் அமெரிக்க உறவு அலுவலகத்தை மூடிவிட்டது; ஜெருசலேமில் இருந்த பாலஸ்தீனர்களுக்கான துணைத் தூதரகத்தை இஸ்ரேலுக்கான தூதரகத்தோடு இணைத்துவிட்டது. இப்படிப் பல. ட்ரம்ப் அமெரிக்க ஜனாதிபதியாக ஆன நாளிலிருந்தே பாலஸ்தீனர்களுக்கு இருந்த உரிமைகளைப் பறிப்பதும் இஸ்ரேலுக்கு புதிய சலுகைகள் வழங்குவதும் அமெரிக்காவின் வழக்கமாயிற்று.

    ப்ரீட்மேனின் இந்தக் கருத்தைப் பாலஸ்தீனர்கள் மட்டுமல்ல இஸ்ரேலில் ப்ரீட்மேனுக்கு முன்னால் அமெரிக்காவின் தூதராக இருந்த டேனியல் குர்ட்ஸெர்கூட வரவேற்கவில்லை. இவர் குடியரசுக் கட்சி, ஜனநாயகக் கட்சி ஆகிய இரண்டு கட்சிகளின் காலத்திலும் அமெரிக்காவின் இஸ்ரேல் தூதராக இருந்திருக்கிறார். ‘அமெரிக்க அரசுக்கும் அதன் மக்களுக்கும் தூதரான இவர் தன் பணிக்குப் பொருத்தமில்லாத விஷயங்களாகக் கூறிவருகிறார்’ என்றார். பாலஸ்தீனர்களுக்கு ப்ரீட்மேன் கூறியது மிகுந்த கோபத்தைக் கொடுத்தது. அமெரிக்கத் தூதரான இவர், அமெரிக்கர்களின் நலன்களைவிட இஸ்ரேலின் நலன்களில்தான் அதிக அக்கறை செலுத்துகிறார் என்று விமர்சித்துள்ளனர்.

    பாலஸ்தீன விடுதலை அமைப்பின் (PLO) அதிகாரிகளில் ஒருவர், ‘ப்ரீட்மேன் இப்படிக் கூறியிருப்பதால், ‘பாலஸ்தீனர்களுக்கும் கிறிஸ்தவர்களுக்கும் முஸ்லீம்களுக்கும் எதிராகக் கடவுள் செயல்படுகிறார் என்று சொல்லாமல் சொல்கிறார். ஒருபோதும் அமெரிக்கா அப்படி நினைத்ததில்லை’ என்று ட்விட்டரில் கூறியிருக்கிறார்.

    இந்தப் பதவிக்கு ட்ரம்ப்பால் நியமிக்கப்படுவதற்கு முன் ப்ரீட்மேன், ட்ரம்ப்பின் திவால் வழக்கறிஞராக இருந்தார்; பாலஸ்தீனர்களுக்குக் கொடுக்கப்பட்ட இடமான வெஸ்ட் பேங்கில் இஸ்ரேல் குடியிருப்புகளைக் கட்டியபோது அதை வெகுவாக ஆதரித்ததோடு நன்கொடைகளும் வழங்கியவர் இவர். இஸ்ரேல் இப்படிக் குடியிருப்புகளைக் கட்டியது, அகில உலக சட்டத்திற்குப் புறம்பானது என்று பல நாடுகள் கருத்துத் தெரிவித்தன. சட்டம் படித்த இவர், இதைக் கண்டுகொள்ளவே இல்லை.

    ஓராண்டுக்கு முன் அமெரிக்கத் தூதரகத்தை ஜெருசலேமுக்கு மாற்றியபோது இருபது பேர்களைத் தவிர பாலஸ்தீனர்கள் வேறு யாரும் அதற்கு எதிர்ப்பு தெரிவிக்கவில்லை என்றும் அன்று ஜெருசலேம் ஓட்டல்களில் தாங்கள் சாப்பிட்ட உணவு அவ்வளவு நன்றாக இல்லை என்று பேசினார்களேயொழிய தூதரகத்தை மாற்றியது பற்றி யாரும் பேசவில்லை என்றும் வாய்கூசாமல் கூறுகிறார். அன்று இதை எதிர்த்து காஸாவில் கலவரம் நடந்து 60 பேர் கொல்லப்பட்டது உண்மை என்றாலும், நடந்த கலவரங்களுக்கும் தூதரகம் திறக்கப்பட்டதற்கும் எந்தவிதச் சம்பந்தமும் இல்லை என்கிறார். எப்படிப் பொய் சொல்கிறார்! திறப்புவிழா நிகழ்ச்சிகளை இருட்டடிப்பதற்காகத்தான் காஸாவில் வன்முறை நிகழ்ந்தது என்பதே உண்மை.

    இப்படிப் பொய்களாகச் சொல்லிக்கொண்டிருக்கும் இவர் தன்னால் முடியுமென்றால் பாலஸ்தீனர்களை இன்னும் ஒடுக்குவாராம். இன்னொரு மனித இனத்திற்கு அநீதி இழைத்துக்கொண்டிருக்கும் இஸ்ரேலைப் பாராட்டிக்கொண்டிருக்கும் இவர் எப்படி இஸ்ரேல் கடவுள் பக்கம் இருக்கிறது என்று சொல்லலாம். கடவுள் என்று இவர் யாரைச் சொல்கிறார்? கடவுள் படைத்த மனித இனங்களில் ஒன்றைத் தீர்த்துக் கட்டுவதென்று முடிவு எடுத்திருக்கும் இவருக்குக் கடவுள் பெயரைச் சொல்லக்கூட அருகதை இல்லை.

    Share
  • (Peer Reviewed) Simplified Kundalini Yoga Practices for senior citizens

    (Peer Reviewed) Simplified Kundalini Yoga Practices for senior citizens

    Lalitha Ranganathan
    Research Scholar,
    World Community Service Centre, affiliated to Bharathiar University,
    Coimbatore, Tamil Nadu
    Email: lalithar6772@gmail.com

    Simplified Kundalini Yoga Practices for senior citizens

    Introduction

    “Matha, Pitha, Guru and Theivam” are holy words uttered by the intellectuals who realized the life and shown us a way to lead the life with joy and to attain the goal of fulfillment in life. Yoga has taken birth when the first man originated in the world was revealed as scriptures in the Sindhu civilization. The thoughts are recorded by them as Rig, Yajur, Sama and Atharvana Vadas.  After the formation of Vedas, Upanishads, Epics like Ramayana, Mahabharatha came to tell the facts that behind in human life how to face the challenges and to lead a successful life. Also, the Holy Bible, Quran, Granth Sahib, etc., given by the giants who realized the divinity.  But the human in the world today suffering a lot without the spiritual knowledge by reluctant to follow these holy books and suffers by their ignorance, carelessness, and emotions.   Maharishi Vedathri told that once the knowledge of science and spiritual equal in the state of mind among the human, the world will get peace.

    Spiritual knowledge shows a path to lead a life without hurting anyone.  Science must be used for advantages without any disadvantages may be realized by the individuals those having spiritual knowledge.  What is spiritual knowledge? The combination of Discipline, duty, and charity is spiritual knowledge.  Discipline is “Should not harm anyone either physically or mentally and help the needy as much as possible”.  Duty is “Do the service to society by physically as much as possible”.  Charity is “Help to others either physically or financially as much as possible”.

    In modern days, science attained a high place rather spiritual knowledge, if it balances in human life, then no sufferings, man is with full of happiness.

    SENIOR CITIZEN

    ‘National Policy on Older Persons’ was adopted by Government of India in January 1999.   This policy defines, “senior citizen or elderly as a person at the age of 60 years or above”.

    STATUS OF SENIOR CITIZEN

    Integrated care for older people reports by the World Health Organization states that the population of older people has increased substantially in most of the regions around the world.  It also states that increasing age brings risks of disease and dependency, the major burden of disability and death, age-related losses like moving, seeing, hearing, and conditions such as chronic respiratory disorder, diabetes, heart disease, dementia, stroke, musculoskeletal conditions such as osteoarthritis and back pain.  It further recommended community-level approaches in preventing physical and mental capacities and to deliver interventions in support of caregivers.

    Help Age India, 2018 report says that according to 2011 census 8% of the population was 60 years and above and it might be around 12.5% and 20%  by 2026  and  2050 respectively.   This increasing scenario alarms to take care of elders in health care, shelter, finance. Elders reported that due to the usage of phones/computers attention towards them by the adult children/grandchildren decreased.  Thus, this study concluded that attention should be paid against the problems faced by elders for income generation and sensitization programmes for adult children/grandchildren.  (Help Age India, 2018).

    The legislation is enacted by Ministry of Social Justice and Empowerment, Government of India in the year 2007 called “Maintenance and Welfare of Parents and Senior Citizens Act, 2007”  for the welfare of parents as well as senior citizens.  This Act enables the senior citizens who are neglected by their children or heirs by providing maintenance allowance.  Some States in India implemented this Act and other States are taking steps to implement except Jammu and Kashmir.  Once upon a time, the joint family is a backbone of Indian society.  Withering of its culture, the elders are forced to face many problems including physical, financial, social and emotional.  This Act is a remedy to such an extent in relieving elderly problems.  This Act also emphasizes the obligation of children to take care of their parents/grandparents and also the relative of senior citizens to maintain such senior citizens. Also, this Act has provision for the setting of old age homes for needy senior citizens.  If any children/relative are not maintaining their parents/senior citizens, then the senior citizens approach the Tribunal constituted under this Act to enforce the maintenance for the senior citizen. (Wikipedia)

    The publication “Elderly in India” 2016 by Ministry of Statistics and Programme Implementation, Government of India delivered that according to population census 2011, the total elderly population in India is 104 million of which 53 million females and 51 million are males.  The growth rate of elder population has shot up to 36% from 25% between 2001 to 2011.  Population plays a vital role in the development of a country.  Also, development depends on workforce potential.  The transformation of social economic, political affects the human attitude.  The reasons behind our rapid industrialization, urbanization, and migration resulted in the nuclear family.  As a result, a part of the family, particularly, elder faces problems physically, mentally as well as financially.  Hence, a holistic approach is needed to frame programmes for welfare to deal with aging.

    SENIOR  CITIZEN AT OLD AGE HOME

    Generally, the reason behind the people who are residing at an old age home is because of their insecurity.  In India, a deliberate outline is prevailing that son only should take care of their old age parents.  Because of that reason, no one likes to spend their old age along with their daughters, even though they are willing to accompany and take care of them.  Also due to the migration of the younger generation for their employment abroad, their older parents remain lonely without security which leads them to dwell at old age home.  Another thing because of no support from relatives and society people like to live at an old age home.

    Affinity, tolerance, adjustment, and sacrifice were not taken into consideration in today’s modern life.  Many people like to lead their life mostly with privacy and in a short minded.  Technology has developed tremendously but spiritual life consisting of moral, duty and charity have not developed that much when comparing to scientific modern life.  Culture plays an important role in society’s development.  The government implemented many schemes for the welfare of old age people. It must also take appropriate steps by inculcating good moral and law of nature to the citizens then only old age people at home may be excused and live peacefully with their loved ones.

    In the above circumstances, yoga plays a predominant role in solving the old age problem both physically as well as mentally to some extent. Every one hearing the word yoga in the world today.  What is the meaning of yoga?  Doing exercises for the wellness of health is yoga.  No.  Yoga consists of physical exercises as well as meditation.  The origin of yoga takes place in India through the immense efforts of saints by researching on the divine force.  This study has taken into consideration of Simplified Kundalini Yoga framed by Vethathiri Maharishi.

    DEFINITION OF YOGA

    Improving the body to become healthy and the mind to be wealthy by regulating the activities accordingly clear in identifying our own mistakes and nullifying the same, eradicating the old imprints of mind, leading one’s own life happily and getting the ability to help others to lead their life happily is called yoga.                                              

                                                                                                               VETHATHIRI MAHARISHI

    SIMPLIFIED KUNDALINI YOGA

    Vethathiri Maharishi has designed Simplified Kundalini Yoga through years of research and meticulous practice in such a manner that they don’t take much strain to the body.  It has four processes on the whole.  They are Meditation, Introspection, Sublimation, and Perfection.  Also, it consists of Simplified Physical Exercises and Kaya Kalpa.

    SIMPLIFIED PHYSICAL EXERCISES

    There are many kinds of physical exercises in the world.  Vethathiri Maharishi has formulated simplified physical exercises after many years of research taking into consideration his medicinal experiences and their uses.  Maharishi designed these exercises in a simple manner that they don’t strain the physical body much.  There are two stages in the physical exercise.  One is posture and another is movement. There are nine types of physical exercises. By performing these exercises, all parts of our body from head to foot become healthy.  Blood circulation, heat circulation, and air circulation will be regulated.  All Endocrine glands will function well.  Simply, physical exercises bring physical as well as mental health.

    KAYA KALPA

    Kaya means physical body, kalpa means strength. Therefore kayakalpa means strengthening our body for a healthy and long life as the name defines.  Vethathiri Maharishi spent nearly forty years to formulate this practice for the welfare of humankind.  Through this exercise, the energy could be raised.  This is the feather in the crown of the system of Simplified Kundalini Yoga.  There are a lot of benefits.  The prominent one is it prevents the onset of diseases, retains youth, delays old and postpones death.

    Meditation

    Vethathiri Maharishi has through years of research and meticulous practice, being able to simplify the process of meditation and raising the Kundalini power, whereby it has become easy for everyone whether male or female, to practice.  He has devised a method by which the Kundalini power of an aspirant can be raised from its original location and moved to the Agna Chakra, with the help of a person adept in the practice of Kundalini Yoga. During meditation, sensory perceptions and the working of the mind are halted, as a result of which biomagnetism is conserved.

    Introspection

    Only when an individual examines himself and sincerely works to remove the impurities in his personality can he have good physical and mental health and lead a successful life. Such an examination is called ‘introspection’ or self-analysis.  Introspection consists of an analysis of thought, the moralization of desire, neutralization of anger, eradication of worries and realization of self.

    Benefits of Introspection

    One who introspects himself gets reformation in his character thereby possesses enlightenment ultimately results to lead life peacefully and happily.  By constant practice, dissipate the imprints of sins occur. As a result, the aim of mankind to attain perfection happens.

    SUBLIMATION AND PERFECTION

    With the realization of self, whoever practices introspection with full effort can be able to keep his body and mind well.  If we are physically well, our mind can automatically think about our mental health.  At the initial stage of meditation, we will be able to realize a bit of inner peace. By our continued effort to do meditation regularly gives inner peace for the whole of our life.  In that state of affairs, anyone can practice introspection following meditation with awareness and planned action could achieve the fruit of sublimation.  Perfection is the real consciousness and this transformation occurs in mankind ultimately at the end by one’s continuous efforts.

    OBJECTIVE OF THE STUDY

    Old age had never been a problem for a country like India where the culture respects elders whereas the disintegration of joint family and impact of economic change have brought peculiar problems which the old age people now face in our country.  In the above circumstances, a senior citizen at old age home, as well as senior citizens in general, suffers both physically and mentally.  Hence to find out a solution to the above problem arises as an essential need of the hour.  There are so many researches on Simplified Kundalini Yoga practices shows much improvement in physical as well as mental health.

    SIGNIFICANCE OF THE STUDY

    Nowadays people started to understand the importance of yoga in the day to day affairs of life slightly.  The significance of study based on the benefits of physiological and psychological variables, it is an immense tool to improve physical health and mental health.

    SIMPLIFIED  KUNDALINI YOGA PRACTICES FOR SENIOR CITIZENS

    Practices:

    • Prayer to Divine grace and Guru                                                                5 minutes
    • Neuromuscular breathing exercise and Relaxation exercises                 15 minutes
    • Agna meditation                                                                                           5 minutes
    • Thuriya meditation                                                                                     10 minutes

    Introspection                                                                                               10 minutes

    Total of                                                                                                         45 minutes

    Conclusion

    • Taking into consideration of the age factor and other conditions, Senior citizens with the knowledge and practice a part in SKY yoga as detailed above regularly, will get good physical and mental strength which in turn blossom good results to them as well as to the society at large.

    References:

    (1) Value Education for Health, Happiness and Harmony – Based on The Philosophy and Teachings of Shri Vethathiri Maharishi, Published by Vethathiri Publications, Erode, Tamil Nadu, India, Third Edition April 2015

    (2) Yoga for Modern Age by Vethathiri Maharishi Published by Vethathiri Publications, Erode, Tamil Nadu, India, ISBN: 978-93-85801-45-7   20th Edition, May 2017

    (3) Embrace introspection as a way to deepen your inner-peace and happiness by Sophia Ojha

    (4) Psychological change with introspection and meditation by themeditationblog.com

    (5) The Art of Introspection in a self-obsessed world by Jennie Lee

    (6) Integrated care for older people report by World Health Organisation

    (7) Help Age India, 2018 report

    (8) “Maintenance and Welfare of Parents and Senior Citizens Act, 2007” enacted by Ministry of Social Justice and Empowerment, Government of India.

    (9) “Elderly in India” 2016 by Ministry of Statistics and Programme Implementation, Government of India

    (10) Rajkumar, G.R.Valliammal, “A Study on improving physiological and psychological personalities of the students by Vethathiri Maharishi’s nine-center meditation using electroencephalography” International Journal of Educational and Psychological Researches Vol.1/Issue 2/April-June 2015

    (11) Sudhanshu Kacker, Neha Saboo, Sonali Sharma, Mahima Sharma, Mohit Sharma, Jitender, “Effect of Meditation on Time and Frequency Domain Parameters of Heart Rate Variability” International Journal of Medical Research Professionals P.ISSN: 2454-6356; E-ISSN: 2454-6364 DOI: 10.21276/ijmrp

    (12) Chen YW, Wang HH, “The effectiveness of acupressure on relieving pain: a systematic review” – PubMed – NCBI, Epub 2013 Feb 15

    (13) Ravishankar Tejvani, Kashinath G. Metri, Jyotsna Agrawal, H.R.Nagendra “Effect of Yoga on anxiety, depression, and self-esteem in orphanage residents: A pilot study AYU: Vol.37; Issue I; January-March 2016

    (14) Derebai Gururaja, Kaori Harono, kenaga Toyotake, Haruo Kobayashi “Effect of yoga on mental health; Comparative study between young and senior subjects in Japan”, International Journal of Yoga 2011 Jan-Jun 4(1) 7-12

    (15) Frank Jakel and Cornell Schreiber “Introspection in Problem Solving” Journal of Problem Solving October 2013 DOI 10 7771/1932-6246 1131Dr.

    (16) R.Sharma, Ph.D., Principal, G.S.College of Yoga and Cultural Synthesis, Kaivalyadhama, Lonavla, India “Yoga for Health and Healing”

    ****************************************************************************************
    Peer Review:

    This article points out that our society gives a high place to science rather than spiritual knowledge. If both of them are well balanced in human life, then humankind will be happier and stress-free.

    The substantial increase in the population of senior citizens (age 60 and above) are mentioned here with proper statistical data. The author states that even though the life span of the elderly is increased, family support to them is very less due to the prevalence of the modern nuclear family system. Besides these people are suffering from various physical diseases and disorders too. To overcome these problems the author suggests that these people should get involved in Simplified Kundalini Yoga (SKY) designed and developed by Vethathiri Maharishi. The author’s suggestion is highly appreciable. But, Kundalini Yoga and other physical exercises associated with this yoga should be learned properly from a professional guru to avoid unwanted complications. If she has emphasized that aspect also it would be more meritorious.

    ******************************************************************************************

    Share

  • படக்கவிதைப் போட்டி – 213

    அன்பிற்கினிய நண்பர்களே!

    கவனத்தை ஈர்க்கும் காட்சி ஒன்றைக் கண்டவுடன் உங்கள் உள்ளத்தில் கவிதை ஊற்றெடுக்கும் ஆற்றல் கொண்டவரா நீங்கள்?

    நித்தி ஆனந்த் எடுத்த இந்தப் படத்தை, சாந்தி மாரியப்பன் வல்லமை ஃப்ளிக்கர் குழுமத்திலிருந்து தேர்ந்தெடுத்து வழங்கியுள்ளார். இந்தப் படத்திற்கு ஒரு கவிதை எழுதுங்கள்.

    இந்த ஒளிப்படத்திற்கு ஏற்ற கவிதையை, 24 வரிகளுக்குள் பின்னூட்டமாக இடலாம். ஒருவரே எத்தனை கவிதைகள் வேண்டுமானாலும் எழுதலாம். வரும் ஞாயிற்றுக்கிழமை (19.05.2019) வரை, உங்கள் கவிதைகளை உள்ளிடலாம். அவற்றில் சிறந்த கவிதையை நம் வல்லமை இதழின் ஆசிரியர் குழு உறுப்பினரும் தமிழிலக்கிய ஆராய்ச்சியாளருமான மேகலா இராமமூர்த்தி தேர்வு செய்வார். ஒவ்வொரு வாரமும் சிறந்த கவிஞர் ஒருவர் தேர்ந்தெடுக்கப்படுவார். ஒருவரே பலமுறை பங்கு பெறலாம். இவ்வாய்ப்பு, ஏற்கனவே சிறந்த கவிஞராகத் தேர்ந்தெடுக்கப் பெற்றவர்களுக்கும் உண்டு.

    ஒளிப்படத்திலிருந்து தாக்கமும் தூண்டுதலும் பெற்று எழும் அசல் படைப்புகளை ஊக்குவிப்பதே இதன் நோக்கம். கவிஞர்களையும் கலைஞர்களையும் கண்டறிந்து ஊக்குவிப்பதற்கான அடையாளப் போட்டி இது; வெற்றி பெறுபவர்களுக்குப் பரிசளிப்பு இருக்காது; பாராட்டு மட்டுமே உண்டு. ஆர்வமுள்ளவர்களைப் பங்குபெற அழைக்கிறோம்.

    போட்டியின் நடுவரான திருமதி மேகலா இராமமூர்த்தி புதுச்சேரி மாநிலத்தின் காரைக்காலில் பிறந்தவர். கணிப்பொறி (MCA) மற்றும் தமிழில் (MA) முதுகலைப் பட்டம் பெற்ற இவர், அமெரிக்க தமிழ்ச் சங்கப் பேரவையின் (FeTNA) 2008, 2009, 2014, 2016ஆம் ஆண்டுகளின் (ஆர்லாண்டோ, அட்லாண்டா & மிசௌரி) கவியரங்கம், இலக்கிய வினாடிவினா நிகழ்ச்சிகளில் பங்கேற்றுப் பாராட்டுகளும் பரிசுகளும் பெற்றுள்ளவர். சங்கப் பாடல்களில் அதிக ஆர்வமும், இலக்கியக் கூட்டங்களிலும், பட்டிமன்றங்களிலும் சுவைபடப் பேசுவதில் வல்லமையும் பெற்றவர். இவருடைய வலைப்பூ – மணிமிடை பவளம்

    Share

  • நெல்லைத் தமிழில் திருக்குறள் விளக்கம்-42

    நாங்குநேரி வாசஸ்ரீ

    நெல்லைத் தமிழில் திருக்குறள் விளக்கம்-42

    42. கேள்வி

    குறள் 411:

    செல்வத்துட் செல்வஞ் செவிச்செல்வம் அச்செல்வஞ்
    செல்வத்து ளெல்லாந் தலை

    காதால கேட்டுப்பெறுத நல்ல விசயங்களே சிறப்பான சொத்து. அது மத்த எல்லாச் சொத்தையும் விட ஒசந்தது.

    குறள் 412:

    செவிக்குண வில்லாத போழ்து சிறிது
    வயிற்றுக்கும் ஈயப் படும்

    காதுக்கு மகிழ்ச்சி தருத விசயங்கள் ங்குத உணவு கெடைக்காம போவுதப்போ தான் வயித்துக்கும் கொஞ்சூண்டு சாப்பாடு கொடுக்கப்படும்.

    குறள் 413:

    செவியுணவிற் கேள்வி யுடையார் அவியுணவின்
    ஆன்றாரோ டொப்பர் நிலத்து

    கேள்வி ஞானம் ங்குத செவி உணவு கெடச்சவங்க பூமி ல வாழ்ந்தாலும் யாகத் தீ லேந்து பெறுத நெய்யயும் மத்ததயும் சாப்பிடுத தேவ மக்களுக்கு சமம் தான்.

    குறள் 414:

    கற்றில னாயினுங் கேட்க அஃதொருவற்
    கொற்கத்தின் ஊற்றாந் துணை

    நூல்களப் படிக்கலேன்னாலும் படிச்சவங்க கிட்ட கேட்டுத் தெரிஞ்சிக்கிடணும். அது நெருக்கடி வருதப்போ அவனுக்கு ஊணிக்கிட்டு நடக்க ஒதவுத கொம்பு கணக்கா தொணயா நிக்கும்.

    குறள் 415:

    இழுக்க லுடையுழி ஊற்றுக்கோ லற்றே
    ஒழுக்க முடையார்வாய்ச் சொல்

    வழுக்குத நெலத்துல நடக்க ஒதவுத ஊணிக்கம்பு கணக்கா ஒழுக்கம் ஒடையவுகளோட புத்திமதி சமயத்துல வாழ்க்கையில ஒதவும்.

    குறள் 416:

    எனைத்தானும் நல்லவை கேட்க அனைத்தானும்
    ஆன்ற பெருமை தரும்

    நல்லத எந்த அளவு கேட்டுக்கிடுதோமோ அந்த அளவு அது பெருமயக் கொடுக்கும்

    குறள் 417:

    பிழைத்துணர்ந்தும் பேதைமை சொல்லா ரிழைத்துணர்ந்
    தீண்டிய கேள்வி யவர்

    எதையும் நுணுக்கமா சோதிச்சு அறிஞ்ச அறிவாளிங்க சிலதப் பத்தி தப்பு தப்பா புரிஞ்சிக்கிட்டிருந்தாலும் அப்பமும் கூறுகெட்டவன் கணக்கா பேச மாட்டாக.

    குறள் 418:

    கேட்பினுங் கேளாத் தகையவே கேள்வியால்
    தோட்கப் படாத செவி

    கேக்குத தன்ம இருந்தாலும் நல்லவங்க பேச்ச கேக்காதவனோட காது செவிட்டுக் காது தான்.

    குறள் 419:

    நுணங்கிய கேள்விய ரல்லார் வணங்கிய
    வாயின ராத லரிது

    கேள்வி ஞானம் இல்லாதவுக அடக்க ஒடுக்கமா பேசுதவங்களா இருக்கது சிரமந்தான்.

    குறள் 420:

    செவியிற் சுவையுணரா வாயுணர்வின் மாக்கள்
    அவியினும் வாழினு மென்

    கேட்டுப் பெறுத சுவைய ஒணந்துக்கிடாம வாயால சாப்பிடுதப்போ கெடைக்க சுவைய மட்டும் ஒணருதவங்க இருந்தா என்ன. செத்தா என்ன.

    (அடுத்தாப்லயும் வரும்……

    Share

  • படக்கவிதைப் போட்டி 212-இன் முடிவுகள்

    -மேகலா இராமமூர்த்தி

    வானில் அழகாய் அணிவகுத்துச் செல்லும் ஃபிளமிங்கோக்களை (Flamingos) அருமையாய்ப் படம்பிடித்து வந்திருக்கின்றார் குருசன். இதனை வல்லமை ஃபிளிக்கர் குழுமத்திலிருந்து தேர்ந்தெடுத்துப் படக்கவிதைப் போட்டி 212க்கு அளித்திருக்கின்றார் சாந்தி மாரியப்பன். இவ்விருவருக்கும் என் நன்றிகள்!

    சிறகு விரித்துப் பறக்கும் இந்த ஃபிளமிங்கோக்களின் கால்கள் செங்கால் நாரையின் கால்களை ஒத்திருக்கக் காண்கின்றேன். இக்காட்சி, செங்கால் நாரையின் கால்களைப் பிளந்த பனங்கிழங்குக்கு ஒப்பிட்ட சத்திமுத்தப் புலவரின் பாடலை என் நினைவுக்குக் கொண்டு வருகின்றது.

    நாராய் நாராய் செங்கால் நாராய்
    பழம்படு பனையின் கிழங்கு பிளந்தன்ன
    பவளக் கூர்வாய்ச் செங்கால் நாராய்…

    இனி, இப்படக்கவிதைப் போட்டியில் பங்குபெற வந்திருக்கும் ஒரே கவிஞரான திரு. ஆ. செந்தில் குமாரை, கவிதை படைக்கக் கனிவோடு அழைக்கின்றேன்.

    பிளமிங்கோ பறவைகள்…

    கால்கள் நீண்டிருக்கும்.. கனத்ததொரு அலகிருக்கும்.. எமக்கு
    நெடுந்தூரம் பறப்பதற்கு.. நெஞ்சுரமும் மிகுந்திருக்கும்..!!
    சிறகுகள் விரித்திடுவோம்.. சீராகப் பறந்திடுவோம்.. நாங்கள்
    சீரான தட்பவெப்பப் பகுதிக்கு விரைந்திடுவோம்..!!

    அணிவகுத்து ஆர்ப்பரித்து.. ஆயிரம் மைல் கடந்து.. நாங்கள்
    துணிவுடனே சென்றிடுவோம்.. தூரதேசம் அடைந்திடுவோம்..!!
    கடவுச் சீட்டின்றி.. இடப்பெயர்ச்சி செய்திடுவோம்.. நாங்கள்
    நுழைவாணை ஏதுமின்றி.. கடல் தாண்டிப் பறந்திடுவோம்..!!

    அழகாய்க் கூடமைத்து.. சிலகாலம் தங்கிடுவோம்.. உகந்த
    சூழல் வந்ததுமே.. சொந்த ஊர் திரும்பிடுவோம்..!!
    விடுமுறை எமக்கில்லை.. விருப்ப ஓய்வு ஏதுமில்லை.. நாங்கள்
    இருக்கின்ற காலம்வரை.. இரை தேடி அலைந்திடுவோம்..!!

    நீர்நிலைகள் நிலவளங்கள்.. நல்லபடி போற்றிடுவீர்.. நாங்கள்
    வலசை போவதற்கு.. வாழ்வாங்கு வாழ்வதற்கு..!!
    கடல்வளங்கள் காத்திடுவீர்.. புவிவெப்பம் குறைத்திடுவீர்.. எம்
    இனமும் தழைத்திடணும்.. பூமியெங்கும் நிலைத்திடணும்..!!

    விடுப்பின்றி விருப்போடு உழைத்து, நுழைவாணை ஏதுமின்றி விரிவானைக் கடக்கும் இந்த ஃபிளமிங்கோ பறவைகள், தாம் வலசை போவதற்கும், வாழ்வாங்கு வாழ்வதற்கும் வசதியாக நீர்நிலைகளை, நிலவளங்களைக் காத்திடுங்கள் என்று மாந்தர்க்குக் கூறும் பொருள்பொதிந்த அறிவுரையைக் கவிதையாக்கியிருக்கும் திரு. ஆ. செந்தில் குமாரை இவ்வாரத்தின் சிறந்த கவிஞரென்று அறிவித்துப் பாராட்டுகின்றேன்.

     

     

    Share

  • பத்தாம் ஆண்டில் வல்லமை மின்னிதழ்

    அண்ணாகண்ணன்

    உங்கள் நல்லாதரவோடு வல்லமை மின்னிதழ், 2019 மே 16 அன்று பத்தாம் ஆண்டில் நுழைந்துள்ளது. இந்த ஒன்பது ஆண்டுகளில் வல்லமை, 15,650 ஆக்கங்களை வெளியிட்டுள்ளது. இவை, முறையே 13,178 பின்னூட்டங்களைப் பெற்றுள்ளன. கடந்த ஆண்டுடன் ஒப்புநோக்க, இந்த ஓராண்டில் மட்டும் சுமார் 1,400 ஆக்கங்களை வெளியிட்டுள்ளோம். இதற்குக் காரணமான படைப்பாளர்களையும் ஆய்வாளர்களையும் வாசகர்களையும் ஆசிரியர் குழுவினரையும் பெரிதும் பாராட்டுகின்றோம். வல்லமையின் முதுகெலும்பாக நின்று துணை புரியும் ஆமாச்சு, ஸ்ரீநிவாசன் ஆகியோருக்கு நன்றிகள்.

    தமிழில் ஆய்வறிஞர் கருத்துரையுடன் ஆய்வுக் கட்டுரைகளை வெளியிடும் முதல் இதழ் (First Peer Reviewed Research Journal in Tamil) என்ற பெருமையை வல்லமை பெற்றுள்ளது. ஆய்வறிஞர் கருத்துரையுடன் கூடிய முதல் ஆய்வுக் கட்டுரையை 2019 ஜனவரி 4ஆம் தேதி வெளியிட்டோம். அதைத் தொடர்ந்து இந்தப் பிரிவில் இது வரை 31 கட்டுரைகள் உள்பட, 254 ஆய்வுக் கட்டுரைகளைக் கடந்த ஓராண்டில் வல்லமை வெளியிட்டுள்ளது. ஆயிரத்திற்கும் மேலான கட்டுரைகளிலிருந்து இவற்றைத் தேர்ந்தெடுத்து வெளியிட்டுள்ளது குறிப்பிடத்தக்கது. தமிழில் மட்டுமின்றி, ஆங்கிலத்திலும் சில கட்டுரைகளை வெளியிட்டுள்ளோம்.

    ஆய்வுக் கட்டுரைகளுக்கான நெறிமுறைகள் (Guidelines), பின்பற்ற வேண்டிய ஆய்வு அறங்கள் (Ethics Policy), மதிப்பாய்வு நெறிகள் (Peer Review Policy), பதிப்பு நெறிகள் (Publication Policy) ஆகியவற்றை அமைத்துள்ளோம். இவை, ஆய்வாளர்களுக்கு நல்ல முறையில் வழிகாட்டும்.

    வல்லமையின் புதிய நிர்வாகக் குழுவை அறிவித்துள்ளோம். தகுதியும் தரமும் வாய்ந்த மதிப்பாய்வுக் குழுவினை அமைத்துள்ளோம். ஆற்றல் வாய்ந்த இந்தப் பன்னாட்டுக் குழுவினர், தமிழ் ஆய்வின் மதிப்பினைப் பன்மடங்கு உயர்த்துவார்கள் என நம்புகிறோம்.

    இந்த ஆண்டில் வல்லமை மின்னிதழ், பல முறைகள் ஸ்பாம் தாக்குதலுக்கு உள்ளானது. ஓரிரு முறைகள் ஹேக் செய்யப்பட்டது. சில தினங்கள் இதனால் தளத்தை அணுக முடியாத நிலை ஏற்பட்டது. நம் தொழில்நுட்ப நண்பர்களின் உதவியைத் தளத்தை மீட்டெடுத்துள்ளோம். எனினும் வல்லமைக்கு வலுவான சர்வர், தொடர்ச்சியான கண்காணிப்பு, பராமரிப்பு தேவையாக உள்ளது. தமிழ், புத்தாக்கம், கல்வி, ஆராய்ச்சியை வளர்த்தெடுக்க, மேலும் பல திட்டங்கள் உள்ளன. இவற்றுக்கு உங்கள் நிதியாதரவை எதிர்நோக்கியுள்ளோம்.

    வல்லமை, இலவச மின்னிதழ். படிப்பதற்குக் கட்டணமில்லை. ஆய்வுக் கட்டுரைகளை வெளியிடுவதற்கு, ஆய்வாளர்களிடமும் நாம் கட்டணம் பெறுவதில்லை. எனவே இதழைத் தொடர்ந்து நடத்திட, உங்கள் நன்கொடைகளை வரவேற்கிறோம்.

    வல்லமை குறித்த உங்கள் கருத்துகளையும் ஆலோசனைகளையும் தெரிவியுங்கள். வல்லமையை உங்கள் நண்பர்களுக்கு அறிமுகப்படுத்துங்கள்.

    தகுதிக்கும் திறமைக்கும் மதிப்பு உண்டு என்பதை வல்லமை உறுதி செய்கிறது. பணம் கொடுத்துக் கட்டுரைகளை வெளியிடும் போக்கினை மாற்றும் வகையில், புதுப் பாதை அமைக்கிறது. இந்தப் பயணத்தில் நீங்களும் இணையுங்கள். புதியதோர் உலகம் செய்வோம்.

    Share

  • வல்லமையின் மதிப்பாய்வு நெறிகள் (Peer Review Policy)

    முனைவர் அண்ணாகண்ணன்

    வல்லமைக்கு வரும் ஆய்வுக் கட்டுரைகளை மதிப்பாய்வு செய்திட, சில நடைமுறைகளை வகுத்துள்ளோம். இவை, மதிப்பாய்வு செய்யும் ஆய்வறிஞர்களுக்கு உரியவை என்றாலும், இவற்றைப் பொதுப் பார்வைக்கு வைக்கிறோம்.

    வல்லமையின் மதிப்பாய்வு நெறிமுறைகள்

    • ஆய்வு நெறிமுறைகளின்படி கட்டுரை முழுமையாக அமைந்துள்ளதா என மதிப்பிட்டு, சீர்தூக்கிப் பார்த்து முடிவு எடுக்க வேண்டும்.
    • ஆய்வாளரின் கல்வி, பணி, அனுபவம், வயது, விருதுகள் போன்றவற்றைக் கருதாமல், ஆய்வுக் கட்டுரையின் தரத்தை மட்டுமே நோக்குதல் வேண்டும்.
    • ஆய்வாளர் நம் நண்பர் அல்லது மாற்றுக் கருத்துக் கொண்டவர், இன்னார், இனியார் எனப் பாராது, ஆய்வின் தர மதிப்பீட்டை எந்தச் சாய்வுக்கும் இடமின்றி, நடுநிலையாக அளித்தல் வேண்டும்.
    • ஆய்வு குறித்த உங்கள் மதிப்பீட்டை ஆய்வாளர் மனம் கோணுவாரோ, வருந்துவாரோ என்று தயங்காமல், துணிவுடன் எடுத்து வைக்க வேண்டும்.
    • ஆய்வுக் கட்டுரையில் உள்ள பிழைகளைச் சான்றுகளுடன் எடுத்துக் காட்ட வேண்டும்.
    • நிறையப் பிழைகள் இருக்கும் பட்சத்தில், இன்னின்ன வகைப் பிழைகளைத் திருத்தி அனுப்பக் கோருமாறு ஆசிரியருக்கு எழுத வேண்டும்.
    • எந்தக் காரணம் கொண்டும் ஆய்வாளரை நேரடியாகத் தொடர்புகொள்ள வேண்டாம். இன்னாருடைய ஆய்வுக் கட்டுரை உங்கள் மதிப்பீட்டுக்கு வந்துள்ளது என்று யாரிடமும் வெளிப்படுத்தக் கூடாது.
    • ஆய்வின் தலைப்புக்கும் கருப்பொருளுக்கும் கட்டுரைக்கும் உரிய தொடர்பு உள்ளதா எனக் கவனிக்க வேண்டும்.
    • ஆய்வு முடிவுகள் புதியனவாகவும் வலுவானதாகவும் இருக்கின்றனவா எனப் பார்த்தல் வேண்டும். கட்டுரையில் அவற்றுக்கு உரிய சான்றுகள் உள்ளனவா என்றும் சரிபார்க்க வேண்டும்.
    • வளவளவென்று நீர்த்துப் போன நடையில், போதிய சான்றுகள் இன்றி, கருத்துகளாக, தரவுகளாக உள்ள கட்டுரைகளைத் தயவு பாராமல் நிராகரியுங்கள்.
    • தரவுத் தொகுப்போ, தகவல் தொகுப்போ ஆய்வு ஆகாது. அந்தத் தகவல்களை ஆராய்ந்து, புதியன காணும் முனைப்பு, ஆய்வாளரிடம் இருத்தல் வேண்டும். இதற்கு மாறாக உள்ள கட்டுரைகளை ஏற்க வேண்டாம்.
    • ஆய்வுக் கட்டுரைகள், பிற ஆய்வுகளைத் தழுவியோ, அப்படியே படியெடுத்தோ, மொழிபெயர்த்தோ அமையாத வண்ணம், அந்த ஆய்வுக் கட்டுரையின் தலைப்பு, கருப்பொருள், ஆசிரியர் பெயர் ஆகியவற்றை இணைத்தில் தேடிப் பாருங்கள். ஐயத்திற்கு இடமளிக்கும் கட்டுரைகளின் மீது பொறுமையாக முடிவு எடுங்கள். அவசரம் வேண்டாம்.
    • ஆய்வுக் கட்டுரையில் இதே போன்ற தலைப்பில் முன்னர் வெளியான கட்டுரைகளை வேறு யாரும் எழுதியுள்ளனரா, அவ்வாறு எழுதியிருந்தால், அவற்றைப் பற்றிய பின்விவரம், தொடர்ச்சி ஆகியன கட்டுரையில் சுட்டப்பெற்றுள்ளதா என்றும் பாருங்கள்.
    • ஆய்வுக் கட்டுரைகளைப் பரிசீலித்து, கீழ்க்கண்ட மூன்று முடிவுகளில் ஒன்றைத் தேர்ந்தெடுத்து, ஆசிரியருக்குத் தெரிவியுங்கள்.
    *வெளியீட்டுக்கு ஏற்புடையது,
    *கேள்விகளுக்குப் பதில் / சான்றுகள் / திருத்தங்கள் தேவை,
    *வெளியீட்டுக்குத் தகுதி பெறவில்லை
    image.png
    • இந்த மூன்று முடிவுகளில் எதைத் தேர்ந்தெடுத்தாலும், அதற்கு உங்கள் மதிப்பீட்டுக் குறிப்பினை ஓரிரு பத்திகளில் சுருக்கமாக எழுதுங்கள். தேர்வு பெற்ற கட்டுரை எனில், உங்கள் மதிப்பீட்டுக் குறிப்பு, ஆய்வறிஞர் கருத்துரை (Peer Review) என்ற தலைப்பில் (ஆய்வறிஞர் பெயர் இல்லாமல்), கட்டுரையுடன் இணைத்து வல்லமையில் வெளியாகும். இதற்கென உருவாக்கியுள்ள படிவத்தைப் பயன்படுத்துங்கள்.
    • குறிப்பிட்ட ஆய்வுக் கட்டுரைக்குப் புறநிலை ஆய்வறிஞரின் கருத்தினைப் பெறலாம் என விரும்பினால், யாரை அணுகலாம் எனத் தொடர்பு விவரங்களை ஆசிரியருக்கு அனுப்புங்கள்.
    • உங்களுக்கு அனுப்பும் ஆய்வுக் கட்டுரை, உங்களுக்கு அதிகப் பரிச்சயம் இல்லாத துறையில் அமைந்திருந்தால், அதனை ஆசிரியருக்குத் தெரிவித்து, வேறு ஒருவருக்கு அனுப்புமாறு கூறலாம்.
    • பணி நெருக்கடி காரணமாகவோ, பயணங்களின் காரணமாகவோ உங்களால் ஏதேனும் சில தினங்கள் பங்காற்ற இயலாது எனில், அதனை ஆசிரியருக்குத் தெரிவியுங்கள்.
    • மதிப்பாய்வுக்கு வரும் கட்டுரைகளைப் பரிசீலித்து, மூன்று நாளிலிருந்து ஏழு நாட்களுக்குள் முதல் கட்ட மதிப்பாய்வு முடிவினைத் தெரிவிக்க வேண்டுகிறோம். கட்டுரையைத் தேர்ந்தெடுக்கும் பட்சத்தில், உங்கள் ஆய்வறிஞர் கருத்துரையை மேலும் ஏழு நாட்களுக்குள் அனுப்பலாம்.
    • குறிப்பிட்ட மதிப்பாய்வுகளுக்கு அப்பால், பொதுவாக ஆய்வுக் கட்டுரைகளின் உள்ளடக்கம், போக்கு, தரம் குறித்த உங்கள் கருத்துகளை அவ்வப்போது கட்டுரைகளாக எழுதலாம்.
    • மதிப்பீட்டாளர் தமது ஆய்வுக் கட்டுரையை வல்லமையில் வெளியிட விரும்பினால், அதனை ஆசிரியரின் பரிசீலனைக்கு அனுப்ப வேண்டும். ஆசிரியர் தேவைப்பட்டால், வேறு மதிப்பீட்டாளருக்கோ, புறநிலை அறிஞருக்கோ அனுப்பிக் கருத்துக் கேட்டு முடிவினை அறிப்பார்.
    Share

  • வல்லமையின் ஆய்வு அறங்கள் (Ethics Policy)

    முனைவர் அண்ணாகண்ணன்

    வல்லமை பின்பற்றும் ஆய்வு அறங்களை இங்கு வகுத்தளித்துள்ளோம். ஆய்வாளர்கள் இவற்றை மனத்தில் இருத்தித் தம் கட்டுரைகளை அனுப்புமாறு கேட்டுக்கொள்கிறோம்.

    சொந்த ஆக்கம்

    ஆய்வுக் கட்டுரைகள், ஆய்வாளர்களின் சொந்த ஆக்கமாக இருக்க வேண்டும்.

    பிறருடைய கருத்தினைத் தன் கருத்தாக எடுத்தாளும் போக்கினை ஆய்வாளா்கள்
    முற்றிலும் தவிர்க்க வேண்டும். பிறருடைய கருத்துகளையும் ஆய்வு முடிவுகளையும்
    மேற்கோளாக எடுத்தாள மட்டுமே ஆய்வாளருக்கு உரிமை உண்டு.

    இதர தளங்களிலிருந்து, ஏடுகளிலிருந்து, நூல்களிலிருந்து முழுப் படைப்பையோ அல்லது ஒரு பகுதியையோ எடுத்துத் தம் கட்டுரையை உருவாக்குவது தவறு. ஒரே கட்டுரையிலிருந்து எடுக்காமல், பல்வேறு கட்டுரைகளிலிருந்து இங்கொன்று அங்கொன்றாக எடுத்துத் திரட்டிக் கட்டுரையாக்குவதும் கூடாது. ஆய்வுக் கட்டுரையும் அதில் இடம்பெறும் அனைத்து வளங்களும் ஆய்வாளரின் சொந்த ஆக்கங்களாக இருத்தல் வேண்டும்.

    புதிய கட்டுரையா?

    வேறு எங்கும் பதிப்பிக்கப்படாத கட்டுரையாக இருத்தல் வேண்டும். வேறு தளங்களில், இதழ்களில், நூல்களில் வெளிவந்திருந்தாலோ, கருத்தரங்கு, மாநாடு, பயிலரங்கு போன்றவற்றில் படைக்கப்பட்டிருந்தாலோ அவசியம் குறிப்பிட வேண்டும். வல்லமைக்கு அனுப்பிய பிறகு வேறு இதழ்களுக்கு அனுப்பியிருந்தால், அதை உடனே வல்லமைக்குத் தெரிவிக்க வேண்டும்.

    மேற்கோள்கள்

    இதர கட்டுரைகளிலிருந்து மேற்கோள் காட்டுகையில், மேற்கோள் எங்கே தொடங்குகிறது, எங்கே முடிகிறது என்பதைத் தெளிவாகக் குறிப்பிடல் வேண்டும். மேலும், அது தொடர்பான அடிக்குறிப்புகள், துணைநூல் பட்டியல் ஆகியவற்றை அவசியம் தர வேண்டும்.

    நம்பகத்தன்மை வாய்ந்த சான்றுகள்

    ஆய்வுக் கட்டுரையில் எடுத்துக் காட்டும் சான்றுகள், மிகுந்த நம்பகத்தன்மையுடன் இருத்தல் வேண்டும். அச்சில் வந்ததாலோ, இணையத்தில் இடம் பெற்றதாலோ மட்டுமே ஒரு தரவு, சான்று ஆகிவிடாது. அதன் உண்மைத் தன்மையை ஆராய்ந்து, அதன் பிறகே ஆய்வாளர் அதை ஒரு சான்றாக ஏற்கலாம். இவ்வாறு ஆராய வேண்டியது, ஆய்வாளரின் கடமையாகும்.

    அவசரம் கூடாது

    தலைப்பினைத் தேர்ந்தெடுப்பதிலோ, கட்டுரையை எழுதுவதிலோ, அல்லது ஆய்வு முடிவுகளை இறுதி செய்வதிலோ அவசரம் கூடாது.

    ஆய்வில் நடுநிலை பேணல்

    காய்தல், உவத்தல் இல்லாத நடுநிலையான ஆய்வே வரலாற்றில் நின்று நிலைக்கும்.
    மிகைப்படுத்துதல், தற்சார்புத்தன்மை, இட்டுக்கட்டி இழிவுகூறல் போன்ற பண்புகள்
    ஆய்வாளா்களுக்குச் சற்றும் பொருந்தாதவை. சாதி, இனம், மொழி, சமயம், தேசியம், சா்வதேசியம் ஆகிய எல்லைகளைக் கடந்த பரந்துபட்ட பார்வை ஆய்வாளருக்குத் தேவை. இவ்வாறான எல்லைகளுக்குள் அடைபட்டுக்கொண்டு ஆய்வு முடிவுகளைத் திரித்தும் வருவித்தும் நிறுவும் போக்கு சரியானதில்லை. எனவே, நடுநிலையைப் பேணுவது இன்றியமையாதது.

    Share

  • வல்லமை மின்னிதழின் புதிய நிர்வாகக் குழு – 2019

    நிறுவனர் & முதன்மை ஆசிரியர்:

    முனைவர் அண்ணாகண்ணன்

    நிர்வாக ஆசிரியர்:

    பவளசங்கரி திருநாவுக்கரசு

    ஆசிரியர் குழு:

    மேகலா இராமமூர்த்தி, அமெரிக்கா

    அமைதிச் சாரல் (சாந்தி மாரியப்பன்), மும்பை

    ராமலட்சுமி, பெங்களூரு

    துணை ஆசிரியர்கள்:

    முனைவர் சுரேஷ் ரங்கநாதன்

    முனைவர் சொ. அருணன்

    மதிப்பாய்வுக் குழு

    மேகலா இராமமூர்த்தி, அமெரிக்கா

    சி. ஜெயபாரதன், கனடா

    மலர் சபா, ரியாத், சவுதி அரேபியா

    ஹரிகிருஷ்ணன், பெங்களுரு

    வித்வான், முனைவர் ச.சுப்பிரமணியன்

    இரா.பானுகுமார்

    முனைவர் இரா.சீனிவாசன், இணைப் பேராசிரியர், தமிழ்த் துறை, மாநிலக் கல்லூரி, சென்னை

    முனைவர் பா. ஜெய்கணேஷ், தமிழ்த் துறைத் தலைவர், எஸ்.ஆர்.எம். அறிவியல் மற்றும் தொழில்நுட்பக் கல்வி நிறுவனம், சென்னை

    முனைவர் ப.திருஞானசம்பந்தம், உதவிப் பேராசிரியர், தமிழ் உயராய்வு மையம், மன்னர் திருமலை நாயக்கர் கல்லூரி, மதுரை-625004

    முனைவா் பு.பிரபுராம் முதுமுனைவா் பட்ட ஆய்வாளா், தமிழ்த் துறை, காந்திகிராம கிராமிய நிகா்நிலைப் பல்கலைக்கழகம், திண்டுக்கல்

    முனைவர் ம.இராமச்சந்திரன், உதவிப் பேராசிரியர், தமிழ்த் துறை, ஸ்ரீ வித்யா மந்திர் கலை & அறிவியல் கல்லூரி, ஊத்தங்கரை, கிருஷ்ணகிரி

    முனைவர் தி.அ. இரமேஷ், உதவிப் பேராசிரியர், தமிழ்த் துறை,  தூய நெஞ்சக் கல்லூரி (தன்னாட்சி), திருப்பத்தூர்

    முனைவர் தி.தெய்வசாந்தி, சர்வதேச ஆராய்ச்சி மையம், கலசலிங்கம் பல்கலைக்கழகம், கிருஷ்ணன்கோயில்

    முனைவர் கல்பனா சேக்கிழார், உதவிப் பேராசிரியர், தமிழியல் துறை,  அண்ணாமலைப் பல்கலைக்கழகம், சிதம்பரம்

    முனைவர் தீபா சரவணன், உதவிப் பேராசிரியர், ஸ்ரீ இராமகிருஷ்ணா மகளிர் கலை அறிவியல் கல்லூரி, கோவை

    ஆலோசகர் குழு:

    மறவன்புலவு க. சச்சிதானந்தன்

    விஜய திருவேங்கடம்

    விசாகப்பட்டினம் வெ. திவாகர்

    வழங்கி நிர்வாகி & தள மேலாளர்:

    கார்த்திக் இலட்சுமி நரசிம்மன் (எல்.கே.)

    தொழில்நுட்ப ஆலோசகர்கள்:

    காமேஷ்

    செல்வ முரளி

    ஆமாச்சு (எ) ஶ்ரீராமதாஸ்

    சட்ட ஆலோசகர்

    வழக்கறிஞர் கார்த்திகேயன், சென்னை

    =========================

    இதழின் நோக்கமும் செல்நெறிகளும்

    உலகளாவிய தமிழர்களின் தேவைகளை முழுமையாக நிறைவுசெய்து, அவர்களின் சிந்தனைகளைக் கூர்மைப்படுத்துவது, ஒவ்வொருவர் ஆற்றலையும் பன்மடங்கு உயர்த்துவது, துடிப்புடன் செயலாற்றத் தூண்டுவது, கல்வி, ஆராய்ச்சி, புத்தாக்கம் ஆகியவற்றின் வழியே சமூக முன்னேற்றத்துக்கு வித்திடுவது, சிக்கல்களுக்குத் தீர்வு காண்பது, இளைய சமுதாயத்தைப் பயிற்றுவித்து, வழிகாட்டி, தோழமையுடன் துணை நிற்பது ஆகியவை, வல்லமையின் முதன்மை நோக்கங்கள். நடுநிலை ஆய்வு, கருத்துச் சுதந்திரத்தைக் காத்தல், அறிவியல்பூர்வமான அணுகுமுறை, நுட்பியல் பயன்பாடு, இயன்ற வரை கலப்பில்லாத் தமிழ், புதிய முயற்சிகளுக்கு ஊக்கம், பரிசோதனை முயற்சிகளுக்குத் தூண்டுதல், அனுபவங்களை ஆவணப்படுத்துவதில் அக்கறை… உள்ளிட்டவை இவ்விதழின் செல்நெறிகள்.

    படைப்பாளர்கள் கவனத்திற்கு

    படைப்புகள், செய்திகள், கடிதங்கள், கேள்விகள், ஓவியங்கள், நிழற்படங்கள்…. உள்ளிட்ட அனைத்து வகைப் பங்களிப்புகளையும் வரவேற்கிறோம். ஆக்கங்களை vallamaieditor@gmail.com என்ற முகவரிக்கு அனுப்புங்கள். வேறு எங்கும் வெளிவராத, புதிய படைப்பாக இருத்தல் வேண்டும். ஒருங்குறியில் (யுனிகோடு) அமைந்திருத்தல் வேண்டும். காப்புரிமையை மீறாத வகையில், படைப்புக்கு ஏற்ற படங்களை இணைத்து அனுப்பலாம்.

    தொடர்பிற்கு

    முனைவர் அண்ணாகண்ணன்
    மனை எண் 5, மெடோ வில்லாஸ், ஹரிதா என்கிளேவ்,
    சி.டி.ஓ. காலனி, 3ஆவது தெரு,
    மேற்குத் தாம்பரம், சென்னை – 600045

    Share

  • சேக்கிழார் பா நயம் – 37

    -திருச்சி புலவர் இரா. இராமமூர்த்தி
    ————————————————————-

    திருவதிகை வீரட்டானத்தில் முதிய அந்தணராக வந்த இறைவன் திருவடி சூட்டுவது போல் செய்த திருவிளையாடலால், சுந்தரருக்குத் தில்லைசென்று கூத்தனின் தூக்கிய திருவடியை வணங்கவேண்டும் என்ற ஆவல் மேலிட்டது அதனால் தில்லை நோக்கி சுந்தரர் விரைந்தார். தில்லையின் எல்லையிலே பத்துக் கல் தொலைவில் கடல் உள்ளது. கடல் கரைமீறிச் செல்ல முயல்வதால் அதன் அலைகள் கரையை மோதுகின்றன. விசேடத் திருநாள்களில் சிவபெருமான் கடற்கரைத் தீர்த்தம் நோக்கி எழுந்தருள்வார் ; அப்போதெல்லாம் அவரைச் சூழ்ந்து அடியார்கள் செல்வர். அக்கடல் அலைகள் இறைவன் திருவடியைத் தொட்டும் , அடியார்களின் திருமேனியைச் சூழ்ந்து வழிபடும். அவ்வப் போது, வழிபடும் பேறு மட்டும் போதாது எனப்பொங்கி எழும் அலைகள், மணலூடே சென்று தில்லைத் திருக்கோயிலைச் சூழ்ந்து அகழியாகி நாள்தோறும் எப்போதும் வணங்கும் ஆவலில் அலைமோதும்!

    தில்லையில் தூக்கிய பாதத்தில் அணிந்த சிலம்பு நடஞ்செய்தலால் ஓசை செய்யும்!. இவ்வோசையே சிருட்டித் தொடக்கம்! நாதத்தாற் சிருட்டி தொடங்குதலின் அது சிலம்பொலி எனப்பெறும், நாதத்துக்குக் காரணமாகிய சுத்தமாயை தனக்குத்தாரகமாகிய அத்தன் தாள்களாகிய ஞானக்கிரியா சத்திகளினடங்கிநின்று தன் காரியமாகிய நாதத்தைத் தோற்றுவிக்கும். ஆதலின் சுத்தமாயை சிலம்பும், நாதம் சிலம்பொலியுமாமென வழங்கப்பெறும். நல் வினையொலி என்பதும் அது. “திருச்சிலம்போசை யொலிவழியே சென்று, நிருத்தனைக் கும்பிடென் றுந்தீபற“ (திருவுந்தியார்.)

    இவ்வாறு கடல்நீர் அகழியாகித் தில்லைக் கோயிலைச் சூழ்ந்து முழுவதும் தழுவி அணைக்கும் அழகைச் சேக்கிழார் கற்பனை செய்கிறார்.

    தில்லை மன்றுள் நடனமாடும் பிரானின் திருவடி மலர்கள், திருவருள் தேனைப் பிலிற்றுகின்றன! அகழியைச் சூழ்ந்து மலர்ந்த தாழம்பூக்களில் தேனுண்ட வண்டுகள் , திருவடி மலரின் தேனை உண்டு வாழ்க்கைப் பயனைத் துய்த்து மகிழ முயன்று எழுந்து பறக்கின்றன! அவை முரலும் ஓசை வேதங்களை இசைப்பது போல் உள்ளதாம்! இதனைச் சேக்கிழார்,

    ‘’ மன்றுளாடும் மதுவின் நசையாலே மறைச்சுரும்பறை புறத்தின் மருங்கே ‘’

    என்றுபாடுகின்றார்

    இறைவன் திருக்கோயில் மதில் குன்று போல உயர்ந்து விளங்குகின்றது. அதனைக் கைலை மலை என எண்ணிக் கடல்நீர் அகழியாகி அரவணைக் கின்றதாம்! சிவபிரானாகிய அருள்மணி, மதிலாகிய மலையுச்சியில் ஒளி வீசுகின்றதாம்! இதனைச் சேக்கிழார் , ‘’ குன்றுபோலும் மணி மாமதில் சூழும் குண்டகழி !’’ என்று குறிப்பிடுகிறார்.

    அந்த அகழியில் மலர்ந்திருக்கும் தாமரை மலர்களில் மொய்த்த வண்டுகள் , தேனின் வண்ணத்தில் இருந்தன! அவை, கரையில் வளர்ந்திருக்கும் தாழம் பூக்களில் புகுந்து திளைக்கின்றன! உடனே அவை முழுநீறு பூசிய கோலம் கொள்கின்றன! அவை அதனால் தில்லை நாதன் திருவடியை என்றும் எண்ணிச் செல்லும் சிவனடியார்களாக மாறி, மேனியில் திருநீறு சண்ணித்த வேடம் கொண்டு சென்று சென்று ஐந்தெழுத்தை ஒதுவதுபோல் முரல்கின்றன!

    “தினைத்தனை யுள்ளதோர் பூவினிற்றே னுண்ணாதே
    நினைத்தொறுங் காண்டொறும் பேசுந்தோறு மெப்போதும்
    அனைத்தெலும் புண்ணெக வானந்தத் தேன்சொரியுங்
    குனிப்புடை யானுக்கே சென்றூதாய் கோத்தும்பீ“

    என்று ஸ்ரீ மாணிக்கவாசக சுவாமிகள் உபதேசித்தருளிய சுரும்பரின் வழிவழி மரபில் வந்தவை இந்த வண்டுகள். ஆதலின் உள்ளே மன்றினில் நிறைந்த மதுவை அளவுபடாது உண்ணும் மறைச்சுரும்பர் எடுத்துப்பாட, அதுபோலவே புறத்தே உள்ள நாமும் செய்வோம் என்று கமலவண்டு அச்செயலுக்குத் தக்க வேடமாகிய நீறுபூண்டு அடியார் கோலத்துடன் சென்று சென்று முரல்கின்றன என்பது குறிப்பு.

    இதனை அங்கு வரும் சுந்தரர் காணுகின்றார்! அதனால் அவர் சிந்தை சிவபிரான் மேல் பேரன்பு கொண்டு பக்தியில் திளைக்கின்றது. அவ்வாறே அவர் தில்லை நோக்கிச் சென்றார்! இதனைச் சேக்கிழார்,

    ‘’கமல வண்டு, அலர் கைதைத்
    துன்று நீறுபுனை மேனிய வாகித்
    தூய நீறு புனை தொண்டர்கள் என்னச்
    சென்று சென்றுமுரல் கின்றனகண்டு
    சிந்தை அன்பொடு திளைத்தெதிர் சென்றார்.’’

    என்று பாடுகின்றார். இனி முழுப்பாடலையும் பயில்வோம் ,

    “மன்றுளாடு மதுவின் நசையாலே
    மறைச் சுரும்பறை புறத்தின் மருங்கே
    குன்று போலுமணி மாமதில் சூழுங்
    குண்ட கழிக்கமல வண்டலர் கைதைத்
    துன்று நீறுபுனை மேனிய வாகித்
    தூய நீறு புனை தொண்டர்கள் என்னச்
    சென்று சென்று முரல்கின்றன கண்டு
    சிந்தை அன்பொடு திளைத்து எதிர் சென்றார்!”

    இப்பாடலில் ‘துன்றுநீறு’ என்பது வண்டுகள் பரபரப்புடன் தாழம்பூவில்புகுந்து முழுவதும் மூழ்கியதால் உண்டான வேடத்தைக் குறிக்கும். அடுத்து ‘தூய நீறு’ என்ற தொடர் சிவனடியார்கள் உளத்தூய்மையுடன் பக்தி மேலிட முறையாக அணிந்து கொண்ட திருநீற்றை உணர்த்தியது. இதனை மேலும்,

    ‘’கைதை துன்று நீறுபுனை மேனிய ஆகி தூய நீறுபுனை தொண்டர்கள் என்ன – வண்டுகள் தாழைப் பூவினுட் போந்து வெளிவரும்போது அதனுட் பொருந்திய மகரந்தம் தமது உடம்பிற் றோய்ந்து வரும். அப்போது காண்போர்க்கு முழுநீறு பூசிய அடியவர்களைப் போன்று தோன்றும்.

    கைதையில் துன்றுநீறு – உண்மையும் தூய்மையுமில்லாத மாயா காரியப் பொருள். ஆனால் உண்மையான தூய திருநீற்றின் தோற்றம்மட்டும் பொருந்தியது. ஆதலின் இதனைத் துன்று நீறு எனவும், அதனைத் தூய நீறு எனவும் கூறினார். பொருள்கள் காண்போரின் மனப்பான்மைக் கேற்றவாறு நினைவுண்டாக்குதல் இயல்பு.’’ என்று சி.கே.எஸ் அய்யா விளக்குவார்

    மதுவின் நசையாலே என்றதொடர் தரும் நயம்எண்ணிமகிழத்தக்கது. சிறுசிறு துளியாய்ப் பல பூக்களிற், போய் உண்டும் நிரம்பாது நாவிற்கு மட்டும் சிறிதுகாலம் இனிமை தருவதும், அதிக முண்டால் நோய் தருவதுமான, எளிய மலர்த்தேனைத் தேடி அலையாது, பொருந்திரளாக ஒரே இடத்தில் நுகரத்தக்கதாய் எல்லா இந்திரியங்களுக்கும் உயிருக்கும் எப்போதும் இனிமை தருவதாய் உள்ள பெருந்தேனை உண்ணுவோம் என்ற நசையைக் குறிக்கும். சமய ஈடுபாடும் , இலக்கியச்சுவையும் ஒருங்கே அமைந்த இப்பாடல் சேக்கிழாரின் புலமைக்குத் தக்க எடுத்துக் காட்டாகும் .

    Share
  • ஒரு நல்ல மனிதரைச் சந்தித்த நிறைவு

    ஒரு நல்ல மனிதரைச் சந்தித்த நிறைவு

    -நாகேஸ்வரி அண்ணாமலை

    மாணவர்களுக்கும் ஆசிரியர்களுக்கும் உரையாற்ற சிகாகோ பல்கலைக்கழகம் அடிக்கடி பல சிறப்பு விருந்தனர்களை வரவழைப்பதுண்டு. நேற்று (மே 10) தெற்காசியத் துறையின் சார்பில் நம் தேசத்தந்தை காந்திஜியின் பேரன் ராஜ்மோகன் காந்தியை வரவழைத்திருந்தார்கள். இவர் இல்லினாய் மாநிலத்தில் இருக்கும் இல்லினாய் பல்கலைக்கழகத்தில் 22 வருஷங்களாகப் பணியாற்றுகிறார். இவர் சிகாகோ பலகலைக்கழகத்திற்கு வருகிறார் என்ற செய்தி கிடைத்ததிலிருந்து எனக்குள் மகிழ்ச்சி பரவியது. காந்திஜி என்னுடைய முதல் ஹீரோ. இரண்டாவதாக போப் பிரான்சிஸ். இவர்கள் இருவரிடமும் நான் எந்தக் குறையும் காண்பதில்லை. யாரும் இவர்களைப் பற்றி என்ன குறைவாகச் சொன்னாலும் அதை ஏற்றுக்கொள்வதில்லை. காந்திஜியை நான் நேரில் பார்த்ததில்லை. மைசூரில் எங்கள் பக்கத்து வீட்டு எழுத்தாள நண்பர் ஒருவர் தான் பெங்களூரில் பொறியியல் கல்லூரி ஒன்றில் படித்துக்கொண்டிருந்தபோது மாணவர்கள் தேசத்திற்காக வசூலித்த பணத்தை அவர்களின் பிரதிநிதியாகக் காந்திஜியிடம் கொடுத்ததாகக் கூறுவார். அந்த மாதிரி ஒரு வாய்ப்பு எனக்குக் கிடைக்காத குறையை இப்போது அவருடைய பேரன்களில் ஒருவரைப் பார்த்துத் தீர்த்துக்கொள்ளலாம் என்று ஒரு ஆசை. இரண்டாவதாக அந்த மகானின் வழியில் வந்தவர்கள் எப்படி அமெரிக்கா போன்ற நாட்டில் வசிக்கிறார்கள் என்று தெரிந்துகொள்ளலாம் என்ற ஆர்வம்.

    நாங்கள் வசிக்கும் இடத்திலிருந்து அவர் உரையாற்றப் போகும் துறை ஒரு மைலில் இருக்கிறது. என்னால் அவ்வளவு தூரம் சிரமமில்லாமல் நடக்க முடியாது. பேருந்து வசதியும் சரியாக இல்லை. வெள்ளிக்கிழமை சாயங்காலம் ஐந்து மணிவரை பல்கலைக்கழக வளாகத்திற்குள் எங்கும் காரை நிறுத்த முடியாது. காரில் போனால் காரை நிறுத்திவிட்டு அரை மைல் தூரமாவது நடக்க வேண்டும். இதற்கு முதலிலேயே வீட்டிலிருந்தே நடந்துபோய்விடலாம் என்று முடிவுசெய்தோம். ஆனால் வெளியில் சென்ற பிறகுதான் தெரிந்தது அதிகமான குளிரோடு பலத்த காற்றும் வீசுகிறதென்று. நான் எவ்வளவு தூரம் அவரைப் பார்க்கப் பிரியப்படுகிறேன் என்று அறிந்திருந்த என் கணவர் காரில் என்னை அந்தக் கட்டடத்தின் அருகில் இறக்கிவிட்டுவிட்டு வேறு எங்காவது, முடிந்தவரை பக்கத்தில், கிடைக்கும் இடத்தில் காரை நிறுத்திவிட்டு வருவதாகச் சொன்னார். அதைவிட வேறு வழி எதுவும் எனக்கும் தெரியவில்லையாதலால் இந்த ஏற்பாட்டிற்கு ஒத்துக்கொண்டேன்.

    ஹாலுக்குள் நுழைந்ததும் கொஞ்சம் ஏமாற்றமாக இருந்தது. அவருடைய உரை மதியம் 2 மணிக்கு ஆரம்பிப்பதாக இருந்தது. அவருடைய பேச்சில் எதையும் விட்டுவிடக் கூடாது என்று நான் விரும்பியதாலும்ஹால் முழுவதும் நிரம்பி வழியும் என்று நான் நினைத்ததாலும் இருபது நிமிடங்கள் முன்பாகவே அங்கு இருந்தேன். ‘இன்னும் நேரம் இருக்கிறது. அதனால் இன்னும் பலர் வரும் வாய்ப்பு இருக்கிறது என்று எண்ணிக்கொண்டேன். நேரம் சென்றுகொண்டிருந்தது. இன்னும் சிலர்தான் வந்தார்கள், நான் நினைத்த மாதிரிப் பலர் வரவில்லை. காந்திஜியின் பேரன் ராஜ்மோகன் காந்தி அப்போதே அங்கிருந்தார்.

    இவர் காந்திஜிக்கு மட்டும் பேரன் இல்லை; தமிழ்நாட்டைச் சேர்ந்த சக்கரவர்த்தி ராஜகோபாலாச்சாரியாருக்கும் பேரன். ராஜ்மோகனின் தந்தை தேவதாஸ் காந்திஜியின் நான்காவது மகன்; தாய் லட்சுமி ராஜாஜியின் மகள். தாத்தாக்கள் இருவரைப் போலவே இவரும் கூர்புத்தியையும் எளிமையையும் அணிகலன்களாகக் கொண்டிருக்கிறார். இவர் மனித உரிமைகள் பற்றிய பல அமைப்புகளோடு தொடர்பு கொண்டவர். ‘மாற்றத்திற்கான முதல் முயற்சி’(Initiatives of Change) என்னும் அமைப்போடு அரை நூற்றாண்டுகளாகத் தொடர்புகொண்டிருக்கிறார். இதன் அனைத்துலக அமைப்பின் தலைவராக இரண்டு ஆண்டுகளுக்குப் போட்டியில்லாமல் தேர்வு செய்யப்பட்டார். இரண்டு தாத்தாக்கள் பற்றியும் வல்லபாய் போட்டேல் பற்றியும் அவர்களுடைய வாழ்க்கை பற்றியும் சாதனைகள் பற்றியும் புத்தகங்கள் எழுதியிருக்கிறார். இன்னும் பல புத்தகங்களும் எழுதியிருக்கிறார். வாழ்க்கை முழுவதும் இந்து-முஸ்லீம் ஒற்றுமைக்காகவும் ஜாதிகளுக்கிடையே ஒற்றுமைக்காகவும் பாடுபட்டிருக்கிறார்.

    இவர் பற்றிய விபரம் இங்கே:

    https://www.law.duq.edu/sites/default/files/documents/DeansOffice/Rajmohan%20Gandhi%20-%20bio%20edited.pdf

    அவர் எழுதி 2018-ல் வெளியான Modern South India: A History from the 17th Century to our Times என்ற புத்தகத்தைப் பற்றித் தலைமை தாங்கிய பெண் கேள்விகள் கேட்க இவர் அதற்குப் பதில் அளித்தார். கடைசியாக ‘இப்போது இந்தியாவின் நிலை பற்றி என்ன நினைக்கிறீர்கள்?’ என்ற கேள்விக்குப் பதில் அளிக்கும்போது மிகவும் உணர்ச்சிவசப்பட்டுவிட்டார். கொஞ்ச நேரம் குரல் எழும்பவில்லை; அவரால் பேச முடியவில்லை. சிறிது நேரத்திற்குப் பிறகு,‘என்னைப் பொறுத்தவரை நான் இளமையாக இருந்தபோது இருந்த இந்தியாவில்தான் நான் இன்னும் வாழ்ந்துகொண்டிருக்கிறேன்’ என்று முடித்தார்.

    அவரோடு நாங்கள் புகைப்படம் எடுத்துக்கொண்டோம். மேலே குறிப்பிட்டிருக்கும் அவருடைய புத்தகத்தின் பிரதி ஒன்றை ஹாலிலேயெ வாங்கி அவரிடம் கையெழுத்துப் பெற்றுக்கொண்டோம்.

    இந்த மகிழ்ச்சிகரமான சம்பவத்தில் ஒரேயொரு விஷயம்தான் மனதை நெருடிக்கொண்டிருந்தது. ராஜ்மோகன் காந்திக்கும் என்னுடைய நெருடலுக்கும் எந்த சம்பந்தமும் இல்லை. வழக்கம்போல் எல்லாக் கூட்டங்களிலும்போல் நம் பருப்பு வடையான சிறு தீனியோடு பிளாஸ்டிக் தண்ணீர் பாட்டில்களும் வந்தவர்களுக்கு வழங்கப்பட்டன. பிளாஸ்டிக் தண்ணீர் பாட்டில்களைப் பார்த்தாலே எனக்கு மிகவும் சங்கடமாக இருக்கும். இவை எல்லாம் புதைகுழிக்குள் போகப் போகின்றனவே என்று நினைத்து மனம் சஞ்சலப்படும். ராஜ்மோகன் காந்திக்கும் ஒரு தண்ணீர் பாட்டில் கொடுத்திருப்பார்கள் போலும். அது மேஜை மீது இருந்தது. அவர் அதிலிருந்து தண்ணீர் குடித்த மாதிரித் தெரியவில்லை. கூட்ட அமைப்பாளர்கள் அவருக்கு ஒரு தண்ணீர் பாட்டில் கொடுத்தபோது அதை மறுக்க முடியாமல் வாங்கிக்கொண்டார் என்று நினைக்கிறேன். ஆனால் அதை உபயோகிக்கவேயில்லை.

    ‘நுகர் கலாச்சாரம் அதிகமாக இருக்கும் அமெரிக்காவில் எப்படிக் காலம் தள்ளுகிறீர்கள்?’ என்று நான் கேட்ட கேள்விக்கு ‘எல்லா இடங்களிலும் சிறு சிறு மாற்றங்கள் கொண்டுவர முடியும்’ என்றார்.

    நம் நாட்டின் அரசியல்வாதிகளும் அவர்களுடைய வாரிசுகளும் அடிக்கும் கொள்ளைகளையும் கூத்துக்களையும் தினசரி பார்த்துக்கொண்டிருக்கும் எங்களுக்கு இவரைப் பார்த்ததும் அந்த நாளைய நினைவுகள் வராமல் இல்லை. தினமும் பொய்களாக உதிர்க்கும் ட்ரம்ப்பின் அமெரிக்காவில் வாழ்ந்துகொண்டிருக்கும் எங்களுக்கு நேற்றைய பொழுது புத்துணர்ச்சி அளிப்பதாக அமைந்தது.

    Share

  • கல்வெட்டு குறிக்கும் ஆரியர் என்பவர் யார்?

    -சேஷாத்ரி ஸ்ரீதரன்

    பெரம்பலூர் மாவட்டம் வாலிகண்டபுரம் மூன்றாம் இராசராச சோழன் 11 ஆம் ஆண்டு 11 வரிக் கல்வட்டு

    1. ஸ்வஸ்த்திசிரி [!] திருபுவனச் சக்கரவத்திகள் இராசராசதேவற்கு
    2. யாண்டு 11 வது வடகரை வன்நாட்டு வாலிகண்டபுரத்து உடையார்
    3. திருவாலீஸிரமுடைய நாயனார் திருக்கோயிலில் இடங்கை தொண்ணூற்றெட்டுக்
    4. கலனையும் நிறவறநிறைந்து குறவறக்கூடி கல்வெட்டியபடியாவது
    5. பலமண்டலங்களில் பிராமணரும் ஆரியரும் சித்திர மேழிப்
    6. பெரியநாடான யாதவர் குலத்தலைவரான நத்தமக்களும் சதிரமுடித் தலைவரான
    7. மலையமான்களும் காயங்குடி கண்ணுடை அந்தணரும் சம்புவர்குலபதிப்
    8. பன்னாட்டாரும் பதினென் விஷயத்து வாணிய நகரங்களும் பொற்கோயிற் கைக்கோளரும்
    9. யிடங்கை தொண்ணூற்றெட்டுக் கலனைகளுக்கும் ஒருவற்கு வன்த நன்மைத் தீமை
    10. அனைவற்கும் ஆவதாகவும் யிப்படி விலங்கிலோமாகில் மாறுடாதிக்குங்
    11. கீழ்சாதிக்குங் தாழ்வு செய்தோமாக இத்தனை யிப்படி ஒரு காலாலும் யிருகாலாலும் முக்காலாவதும்.[!]

    கலனை – ஒன்றற்கமைந்த பல வகை உறுப்புகள், parts, as of a whole; ஆரியர் –உயர்குடியர், aristocrat, noble; விலங்கிலோமாகில் – குறுக்காக இருந்தோமானால்; மாறுடாதி –

    விளக்கம்: மூன்றாம் குலோத்துங்கனின் 11 ஆம் ஆட்சி ஆண்டில் பொ.யு. 1227 இல் வடகரை வன்நாட்டில் அமைந்த வாலிகண்டபுரத்து வாலீசுரர் கோவிலில் இடங்கை தொண்ணூற்று எட்டு உட்பிரிவினரும் நிறைவுறநிறைந்து குறைவறக் கூடித் தாம் கொண்ட முடிவை கல்வெட்டாய் வெட்டுவித்த செய்தியாவது யாதெனில், “பல மண்டலங்களில் வாழுகின்ற பிராமணர் எனும் அந்தணர், ஆரியர் எனும் வேளாண்கள், சித்திரமேழிப் பெரியநாடான யாதவகுலத் தலைவரான நத்த மக்கள், சதிரமுடித் தலைவரான மலையமான்கள், காயங்குடி கண்ணுடைய பிராமணர், வன்னியரான சம்புவர்குலபதிப் பன்னாட்டார், பதினென் விஷயத்து வாணியர், பொற்கோவில் கைக்கோளர் ஆகியோருடன் இடங்கை தொண்ணூற்று எட்டு உட்பிரிவினரும் கூடி ஒருவர்க்கு வந்த நன்மை தீமையை நம்மில் அனைவர்க்கும் ஏற்பட்டதாகக் கருத வேண்டும் அந்த அளவிற்கு ஒன்றுமையாக இருக்க வேண்டும். இந்த ஒற்றுமைக்கு குறுக்காக இருந்தோமானால் கீழ்சாதி மக்களுக்கு தாழ்வு செய்தோம் என்று கருதக்கடவது”. இதனை ஒரு காலாலும், இருகாலாலும், முக்காலாவதாக என்று கல்வெட்டு முற்றுப்பெறாமல் விடுபட்டுள்ளது எனவே அதன் பொருள் விளங்கவில்லை.

    சமூகத்தில் ஏதோ ஒரு கேடு நிகழ்ந்ததால், குறிப்பாக அதிக மழை அல்லது வறட்சி இவற்றால் ஏதோ ஒரு வற்கடம் (பஞ்சம்) வந்த போது அனைவரும் ஒவ்வொருவரது இன்ப துன்பத்தில் பங்கெடுக்க வேண்டும் என்று வலங்கை இடங்கை கூட்டத்தைக் கூட்டி வற்புறுத்தப்படுகின்றது. இவ்வாறு நடந்துகொள்வதற்கு எதிராக இருப்பது உழைக்கும் மக்களை தாழ்வு செய்தது போன்றதாகும் என கல் வெட்டி உள்ளனர். இங்கே ஆரியர் என்ற சொல்லாட்சி வேளாண் என்ற அரசகுடிகளைக் குறிக்கின்றது. 9 ஆம் நூற்றாண்டில் சோழரது பேரரசு ஆட்சியில் அரச குடியினருக்கு என்று ஒரு சாதி அமைப்பு உருவாகியது. இதில் இணைந்து வேந்தர்கள், மன்னர்கள், அரையர்கள் குடும்பத்து உறுப்பினர்கள் தம்மை வேளாண் என்று அறிவித்துக் கொண்டனர். பின்னாளில் இந்த வேளாண் என்ற சாதி பெருவாரியாக வெள்ளாளரோடு கலந்து விட்ட பண்ணை சாதி ஆகும். இந்த வேளாண்கள் படையாச்சி, கொங்கு வேளாளார், துளுவ வேளாளர், கள்ளரிலும் கலந்துள்ளனர். இந்த வெள்ளாளார்தாம் இக் கல்வெட்டில் ஆரியர் எனப்படுகின்றனர். இங்கு ஆரியர் என்பது உயர்குடியோர் என்ற பொருளில் தான் குறிக்கப்படுகின்றது. விந்தை என்னவெனில் வரலாற்றில் உண்மையாகவே ஆரியர் என்று குறிக்கப்பட்ட இந்த சாதி மக்கள் தாம் பின்னாளில் பிராமணரைப் பார்த்து ஆரியர் என்று சொல்லி தூற்றி அவமானப் படுத்தி வெறுப்பை அவர்பால் சமூகத்தில் வளர்க்கின்றனர். இதற்கு மனோன்மணியம் சுந்தரனார், மறைமலை அடிகள் ஆகியோரைக் காட்டாலாம். தமிழகத்தை ஆண்ட பல்லவ, வாண, நுளம்ப வேளிர்கள் தமிழகத்தின் குமரிப் பகுதி வரை சென்று ஆண்டுள்ளனர். இவர்கள் உண்மையாகவே ஈரான் ஈராக்கு பகுதியில் இருந்து வந்த ஆரியர்கள் என்பதைப் பல ஆய்வுகள் சொல்லுகின்றன. ஆனால் இவர்கள் தம் அயலகத் தாயகத்தை மறைத்து பிராமணர் தாம் ஆரியர் என்று கூறித் திரிகின்றனர். ஆனால் கல்வெட்டுகள் இவர்தம் பொய்களை தோலுரித்துக் காட்டுகின்றன. அடுத்து வரும் ஒரு கல்வெட்டு இதனை உறுதி செய்கின்றது.

    பார்வை நூல்: தமிழ் கல்வெட்டுகள் வெளிச்சமிடுகின்ற அரிய உண்மைகள், பக். 300, முனைவர் வஞ்சியூர் க. பன்னீர் செல்வம் 098867 69865 / 09632967153. ARIEp 1944, B. No: 276

    ஸ்வஸ்திஸ்ரீ திரிபுவனச் சக்கர
    வத்திகள் மதுரையும் ஈழமும் க
    ருவூரும் பாண்டியன் முடித்தலை
    யும் கொண்டு வீரா அபிஷேகமு
    ம் விஜையா அபிஷேகமும் பண்
    ணியருளிய திரிபுவன வீரதே
    வற்கு யாண்டு 37 ஆவது
    வம்பணாரும் புண்டரிக மலர்
    மடந்தை பாலடி நாளுஞ்
    சம்பு மாமுனி மாபலி வந்தோ. . . . .
    சிகையில்லாச கங்கை நாதா
    ர(வி)ந்த மலற்க்குழற் கண்ணக் கவ. . . .
    மகள் கழல் தொழ ஆரியோர்,
    அந்தணர் தம் ஆகுதியில் அ
    றங்காவல் பெற்றுடை
    யோர் வஞ்சி, கூடலுரை, கா
    ஞ்சி, வளவர் கோமானருளினா
    லே தஞ்சையுள்ளுங் காப்ப
    தற்க்குச் சக்கர வாளம் பெற்று
    டையோர் நாயனார் திருச்
    சிற்றம்பலமுடையார் ஸ்ரீ
    பாதங்களை நோக்கி பன்
    னெடுங்காலம் பணி
    கொண்டு அருநவதிக்கு
    எழுபத்தொன்பது னாட்
    டுப் பன்னாட்டோம்

    விளக்கம்: தாமரை மலரில் உறையும் இலக்குமியின் திருவடிகளை நாளும் வணங்கும் சம்பு மாமுனிவரின் பெருவேள்வியில் இருந்து வந்தோர். தலைக் கொண்டையில் ஆகாய கங்கைதனைக் கொண்ட கையிலாச நாதன் சிவனின் தாமரைப் பாதத்தை, உமையின் பாதத்தை வணங்கும் ஆரியரான அரசகுடி வேளாண் மக்கள் அந்தணரைக் கொண்டு வளர்க்கும் வேள்வித் தீயைக் காத்து நிற்கும் காவல் உரிமை பெற்றவர்கள். வஞ்சி, கூடல் (கருவூர்), காஞ்சி ஆகிய தேசங்களைக் காப்பதுபோல சோழர் கோமான் கொடுத்த உரிமையால் தஞ்சையைக் காவல் காக்க சங்கரவாளப் படையைப் பெற்றவர்கள். தில்லை திருச்சிற்றம்பலமுடைய கூத்தனின் திருப்பாதங்களில் பன்னெடுங்காலம் பணிசெய்து வருபவர்கள். நவதிக்கு (ஒன்பது திசை) 79 நாடுகளிலும் வாழும் பன்னாட்டவர் (வன்னியர்கள்) என்று தம் இனத்து சிறப்பை மெய்க்கீர்த்தியாக கல்வெட்டி உள்ளனர்.

    மூன்றாம் 37 ஆம் ஆண்டு ஆட்சியில் பொயு.1215 இல் வெட்டிய கல்வெட்டு. வன்னியர்களை “சம்பு மாமுனிவன் வேள்வித்தீயில் தோன்றியவர்கள்” என்று சொல்கிறது. வேள்வித்தீயில் தோன்றியவர்கள் என்பவர்கள் “க்ஷத்ரிய மரபினர்கள்” என்பது தெளிவாகும்.

    மேலும் இக்கல்வெட்டு கையிலாசநாதரான சிவன் பார்வதியை வணங்கும் அரசகுடி ஆரியர் அந்தணரைக் கொண்டு வளர்க்கும் வேள்வித் தீயைக் காத்துநிற்கும் காவல் உரிமை பெற்றவர்கள் வன்னியர்கள். அந்தணர்கள் வளர்க்கும் வேள்விக்குண்டத்தை காவல் செய்யும் பணி என்பது க்ஷத்ரியர்களின் பணி என்பதாகும். எனவே, வன்னியர்கள் என்பவர்கள் “க்ஷத்ரிய மரபினர்” என்பது உறுதியாகிறது.

    பொதுயுகம் 5 ஆம் நூற்றாண்டில் இராசத்தான் அபு மலையில் மேற்குஆசியாவில் இருந்து வந்த பார்த்தியர், சகரர் உள்ளிட்ட அயல்நாட்டு ஆட்சியாளர்களுக்காக வேள்வி வளர்த்து இவர்களை இராசபுத்திரர் என்ற பட்டத்துடன் இவரது ஆளும் உரிமையை தக்கவைத்து வேள்வி சமயத்தின் புரவலர், காவலர் என்ற பொறுப்பையும் பிராமணர் இவர்குளுக்குத் தந்தனர். இந்த வேள்விச் சடங்கு ஏன் நிகழ்த்தப்பட்டது என்றால் குப்தர்கள் இந்த அயலக ஆட்சியாளர்களை வந்தேறிகள் என்று சொல்லி சொல்லித் தான் உள்நாட்டு மக்களிடம் இருந்து அயன்மைப்படுத்தி இவருடன் கடும்போர்ச் செய்து வெற்றி கொண்டு இவரையும் இவர் ஆட்சியையும் வடக்கே ஒழித்துக் கட்டினர். அந்த நேரத்தே இந்த கையறுநிலையில் இருந்து இவர்களை விடுவிக்க இவர்குளுக்கு உதவிக்கை நீட்டி ஒரு வேள்வியால் இவர்களை உள்நாட்டு மக்களாக, இராசபுத்திரராக அறிவித்து அரசியலில் இவர்களுக்கு மீண்டும் மறுவாழ்வு தந்தனர் பிராமணர். அதன்பின்பு தான் சத்திரியரை விட பிரமணரே முன்நிலை என்ற வருணாசிரம நிலையை, ஸ்தானத்தை பிராமணர் இவர்களின் ஒப்புதலோடு பெற்றனர். இந்த இராசபுத்திரர் தாம் கொண்ட சூளுரைக்கு ஏற்ப வேள்வி சமயத்தையும், புராண சமயத்தையும் பேரளவில் உத்தாரம் (ஆதரவு) கொடுத்து தூக்கி நிறுத்தினர். தெற்கே பல்லவரும் சாளுக்கியரும் அத்தகு இராசபுத்திரர் ஆவர். அதனால் இவர்களால் சைவமும் வைணவமும் மதங்களாக வளர்ந்தன.

    மேற்கண்ட அரியலூர் மாவட்டக் கல்வெட்டைப் படியெடுத்து வெளியிட்டவர் முனைவர் இல. தியாகராஜன். இக்கல்வெட்டும் செய்தியும் James Robert சோழனார் முகநூல் பதிவில் உள்ளது.

    https://tamilnadu-favtourism.blogspot.com/2019/02/valeeswarar-temple-valikandapuram-perambalur.html

    வாலிகண்டபுரம் அருள்மிகு வாலாம்பிகை சமேத வாலீஸ்வரர் திருக்கோவில், வரலாறு, சிறப்பு மற்றும் இப்பொழுதைய நிலை (1)

    திருச்சிராப்பள்ளி மாவட்டம் திருவரங்கம் கோவில் சந்தன மண்டபம் தெற்கு சுவர் 24 வரிக் கல்வெட்டு.

    1. ஸ்வஸ்தி ஸ்ரீ[ ] கோயில் [பதிமு] பல
    2. கொத்திலும் செய்வதாக
    3. பெருமாள் சுந்தரபாண்டிய
    4. தேவர் ப்ரஸாதஞ் செ[ய்]தருளின
    5. திருமுகத்துக்கு கல்வெட்டு
    6. ஏ தன் விஸ்வமஹிபாலமணி கொ
    7. .. ர ..ண்ட்நம் [ ] ஸ்ரீமன் ஸூந்த்ரபாண்ட்யஸ்ய
    8. [ஸா]ஷநம் வைர . ஷநம் [ ] த்ரிபுவனசக்
    9. (க்)கரவ[ற்]த்தி கோனேரின்மை கொண்டா
    10. ன் அழகிய மணவாளப்பெருமாள்
    11. கோயில் ஸ்தாநபதிகளுக்கு இக்கோ
    12. யிலுக்கு முன்பு செய்துபோதும் [பதிமு]
    13. ஒரு கொத்தாகப் பெறாதுஎன்னூமித்தையிட்டு
    14. பலகொத்துமாக பத்தாவது ஆவணி மாத மு
    15. தல் [பதிமு] இட்டுக்கொள்வதாகவும் பொற்
    16. காவல் உள்ளவிடமெங்கும் ஆரியரும் உள்ளூராரும்
    17. ஒக்க காக்கவும் பண்ணுவதாக வாணாதராயற்குச்
    18. சொன்னோம். இப்படிக்கு இவ்வோலை பிடிபாடா
    19. க கொண்டு இப்படி செய்துபோதவும் ப
    20. ண்ணி இப்படி சந்த்ராதித்யவல் செய்வதாக கல்
    21. லிலும் செம்பிலும் வெட்டிகொள்க. இப்படி
    22. சொல்லுவதாக யா _ _ _ _ _ _ _ மாகக் காட்டச் சொ
    23. ன்னோம் இவைகச்சிநெல்மலி உடையா
    24. னெழுத்து யாண்டு 10 ள் 405

    திருமுகத்துகல்வெட்டு – அரசாணைக் கல்வெட்டு; ஸ்தானாதிபதி –தலைவர் chief; ஒக்க – இணைந்து

    விளக்கம்: பெருமாள் சுந்தர பாண்டியன் என்னும் சடவர்ம சுந்தரபாண்டியன் வாணாதராயருக்கு தனது10 ஆம் ஆண்டு ஆட்சியில் (1261 பொ.யு.) 45 ஆம் நாளில் இட்ட அரசாணையாவது, “கோனேரின்மை கொண்டான் அழகிய மணவாளப் பெருமாள் (திருவரங்கன்) கோயில் தலைவருக்கு! முன்பு செய்ததுபோல பதிமு ஒரு கொத்தால் செய்யப்பெறாது பலகொத்தாக சேர்ந்து ஆவணி 10 ம் நாள் பதிமு இட்டுக்கொள்ள பொற்காவல் (கருவூலம்) உள்ள இடமெங்கும் ஆரியரும் உள்ளூராரும் இணைந்து காத்தல் செய்ய வாணாதராயருக்குச் சொன்னோம். இதை இந்த ஓலையில் உள்ள வழிகாட்டுதல்படி சந்திராதித்தவர் வரை நடந்தேற கல்லிலும் செம்பிலும் வெட்டிக் கொள்க”.

    கருவூலத்தை காக்க ஆரியரும் உள்ளூராரும் என்ற சொற்றொடரில் பயிலும் ஆரியர் என்ற சொல் காவல் காக்க என்று வருவதால் பிராமணரைக் குறிக்கவில்லை வேளாண் அரசகுடியாரைக் குறிப்பதே என்பது தெளிவு. இதனால் 13 ஆம் நூற்றாண்டில் வேளாண் என்போர் ஆரியர் என்று அறியப்பட்டனர் என்றாகின்றது.

    பார்வை நூல்: தென்னிந்திய கல்வெட்டுகள் தொகுதி 24, பக் 226, No 202 A.R. No 84 of 1938-39

    திருச்சிராப்பள்ளி மாவட்டம் திருவரங்கம் கோவில் சந்திர புஷ்கரணிக்கு எதிரே உள்ள சுவரில் உள்ள 8 வரிக் கல்வெட்டு.

    1. கோனரயவம்மர் த்ரிபுவனச்சக்ரவத்திகள் ஸ்ரீ குலசேகரதேவர்க்கு யாண்டு 4 ஆவது ஆடி மாதம் 10 தியதி / நாள் கோயில் அகரம் இரவிவம்மச்சதுர்வேதிமங்கலத்து பட்டர்களுக்கு
    2. திருப்பதி ஸ்ரீ வைஷ்ணவர்களில் ஸ்ரீ வைகுந்ததாதரேன் பற்றுமுறி குடுத்த பரிசாவது [ ] இவ்வகர நத்தத்துக்கு வாஸ்து ஸேஷத்துக்கும் தவராசன் படுகைக்கும் விலையாக நிச்சயித்து திருக்கோட்டகாரத்தில்
    3. ஒடுக்குவதாந பணம் 2200. இப்பணம் இரண்டாயிரத்திரு நூற்றுக்கும் பற்றின திருப்பணிக்கு பிறித்த பணத்தில் பற்றின இரண்டாவது எதிராமாண்டு தை மாதம் 29 ம் தியதி திருப்பேரில் பிறி
    4. த்துத் தந்து பற்றின பணம் 200 ம் திருமுற்றுப்பற்று ஜகதேகவீர சதுர்வேதி மங்கலத்து பற்றின பணம் 829 ம் ஆகப் பணம் ஆயிரத்திருபத்தொன்பதும் ஆனி மாதம் இரண்டாந்தியதி ஆ
    5. ரியரைத் தெண்டம் நிச்சயித்த பணத்தில் பற்றின பணம் 1130. கைக்கோளர் பேரால் தெண்டம் நிச்சயித்த பணத்தில் குலசேகரதாதர் தந்து பற்றின பணம் 41 ம் ஆக பணம் 1171 ஆக பணம் 2200
    6. இப்பணம் இரண்டாயிரத்து இருநூறும் இப்படிகளால் பற்றிக் கொண்டு இரண்டாவதில் எதிராமாண்டு சித்திரை மாதம் ஏழாந்திய[தி] நாள் திருச்சிவிகைக்கும் திருவாசிகை[யு]ம் உள்ளிட்டனவயிற்றுக்கு நான்
    7. பொற்பண்டாரத்தில் ஒடுக்கின பொன்னிலே இவ்வாட்டை மார்கழி மாதம் 13 தியதி பிறித்து குடுத்து
    8. பற்றுமுறி குடுத்தேன் பட்டர்களுக்கு ஸ்ரீ வைகுன்ததாதரேன் [ ]. இப்பணம் பொற்பண்டாரத்திலே முதலிட்டு குடுத்தமைக்கு.

    கோயில் அகரம் – திருவரங்கம் அக்கிரகாரம்; பற்றுமுறி – ஒப்புகைச்சீட்டு, receipt, தண்டம் – fine; சிவிகை – சிறு பல்லக்கு; வாசிகை – ; திருக்கோட்டாகாரம் / பொற் பண்டாரம் – கருவூலம், முதலிட்டு – முன்பணம், advance

    விளக்கம்: குலசேகர பாண்டியனுக்கு 4 ஆம் ஆட்சிஆண்டில் (1317 சூலை7 ல்) ஆடி மாதம் 1 ம் நாள் கோயிலான திருவரங்கத்தின் அக்கிரகாரமான இரவிவர்மச் சதுர்வேதிமங்கலத்து பட்டர்களுக்கு திருப்பதி வைணவரான ஸ்ரீவைகுந்ததாசர் கொடுத்த பற்றுமுறி பரிசு யாதெனில் அந்த அக்கிரகாரத்து நத்தத்திற்கும் வாஸ்துசிறப்பிற்கும் வாங்கிக் கொடுத்த தவராசன் படுகை நிலத்திற்காக விலை தீர்மானித்து அவர் 2,200 பொன்னை திருக்கோட்டாகாரத்தில் செலுத்தினார். பின்பு இப்பணத்தை திருப்பணிக்காக பிரித்து வழங்குகிறார். இதாவது சிவிகை, வாசிகை உள்ளிட்டவற்றை வாங்குவதற்கும் இவர் கருவூலத்தில் செலுத்திய பொன்னில் அவ்வாண்டு மார்கழி மாதம் 13 ம் நாள் அப்பணத்தை பிரித்துக் கொடுத்ததற்கான, இதாவது பண்டாரத்திலே முன் பணத்தை கொடுத்ததற்கான பற்றுமுறியை பட்டர்களுக்கு ஸ்ரீ வைகுந்ததாசர் கொடுத்தார். அவருக்கு இந்த 2,200 பொன் எப்படி வந்ததென்றால் பணம் பெற்ற மூன்றாம் ஆண்டு தை மாதம் 29 ம் நாள் இறைவன் பேரில் பிரித்துத் தந்த பணம் 200 ம் ஜகதேகவீர சதுர்வேதி மங்கலத்தில் பெற்ற பணம் 829 ம் ஆக மொத்தம் 1029 பணம். ஆனி மாதம் இரண்டாம் நாள் ஆரியருக்கு தீர்மானித்த தண்டம் பணமாக பெற்றது 1,130. அதேபோல் கைக்கோளரிடம் தண்டமாக தீர்மானித்து குலசேகரதாசர் தந்து பெற்ற பணம் 41 என மொத்தம் 1171 பணம் ஆகும். 1029 + 1171= 2,200.

    குலசேகரதாசரும் வைகுந்த தாசரும் துறவிகள் போலத் தெரிகின்றது. போர்த் தொழில் செய்யும் வேளாண் ஆரியரும், கைக்கோளரும் தாம் போரிலோ அல்லது வேறு ஒரு காரணமாகவோ செய்த கொலை முதலான குற்றச் செயலுக்கு கழுவாயக செலுத்திய தண்டப் பணம் 1,171 என கருதலாம். ஏனெனில் பணம் எதற்காக தண்ப்பட்டதுஎன்ற செய்தி இல்லை.

    பார்வை நூல்: தென்னிந்திய கல்வெட்டுகள் தொகுதி 24, பக் 267, No 244 A.R. No 36 of 1936-37

    Share

  • இல்லறமே நல்லறம்

    -சியாமளா ராஜசேகர்

    இல்லறத்தை நல்லறமாய்ப் பேணி வாழ்ந்தால்
    ***இல்வாழ்வில் என்றென்றும் அமைதி தங்கும் !
    கல்லெறிந்தால் கலங்கிவிடும் குட்டை நீராய்க்
    ***கவலைகளை நினைத்திருந்தால் குழம்பும் நெஞ்சம் !
    பல்வேறு சங்கடங்கள் தொடர்ந்த போதும்
    ***பக்குவமாய்க் கலந்துபேசப் பறந்து போகும் !
    வெல்லுவழி புரிந்துகொள்ள மூத்தோர் கூற்றை
    ***விருப்போடு செவிகொடுத்துக் கேட்டல் நன்றே !!

    இருகைகள் தட்டினாற்தான் கேட்கும் சத்தம்
    ***இதையுணர்ந்து கொண்டாலே நீங்கும் பித்தம் !
    ஒருவருக்கொ ருவர்விட்டுக் கொடுத்து வாழ்ந்தால்
    ***ஒருபோதும் நிம்மதிக்கு மில்லை பஞ்சம் !
    செருக்கோடு தானென்று மார்தட் டாமல்
    ***சிறுபிணக்கை முளையினிலே கிள்ளல் வேண்டும் !
    வருந்துயரைத் துணிந்துயெதிர் நீச்சல் போட்டால்
    ***வாழ்க்கையெனும் படகுகரை யேறும் நன்றே !!

    பிறைநிலவை குறையென்று நீல வானம்
    ***பிரித்துவைத்தா தான்மகிழ்ச்சி இரவில் கொள்ளும் ?
    குறைகளையே எப்போதும் குத்திக் காட்ட
    ***குமைந்திருக்கும்‌ மென்மனமும் கனலைக் கக்கும் !
    நிறைகண்டால் பாராட்டும் உயர்ந்த வுள்ளம்
    ***நீடித்த மகிழ்விற்கு வித்தே யாகும் !
    உறவுகளை மதித்திருந்தால் மேன்மை பெற்றே
    ***உயர்ந்திடலாம் வாழ்வினிலே நாளும் நன்றே !!

    சியாமளா ராஜசேகர்
    இராயபுரம் , சென்னை – 600013
    அலைபேசி – 9840769555

    Share

  • தமிழகக் கடற்கரைப் பகுதிகளில் கடல்நீரைக் குடிநீராக்கும் சூரிய வெப்ப நிலையங்கள் நிறுவப்பட வேண்டும்

    சி. ஜெயபாரதன் B.E.(Hons) P.Eng (Nuclear) கனடா++++++++++++++++++

    ++++++++++++++++++++++
    Reverse Osmosis Desalination Plant in Spain
    ++++++++++++++

    சூரிய வெப்ப சக்தி நிலையம்,
    சீரிய முறையில் 
    கடல்நீரைக் குடிநீராக்கும் !
    தமிழகக் கடற்கரை  
    குமரி முதல் சென்னை வரை 
    நானூர் மைல் நீண்டது !
    வானூர் திக்குப் பயன்பட்டது !
    பரிதி சக்தியால் பறக்கும் ஊர்தி !
    எரி வாயு இல்லாமல் பறக்கும் !
    பகலிலும் இரவிலும் பறக்கும் !
    பசுமைப் புரட்சியில் சிறக்கும் !
    பாதுகாப்பாய் இயங்குவது !
    நாற்பது குதிரைச் சக்தி ஆற்றலில் 
    நான்கு காற்றாடி உந்துது !
    பனிரெண் டாயிரம் சூரியச் செல்கள்
    பரிதிச் சக்தி ஊட்டும்  !
    ஒற்றை விமானி ஓட்டுவார் !
    ஒருநாள் பறந்த ஊர்தி
    இருபது நாட்கள் தொடர்ந்து பறந்து
    உலகைச் சுற்றி  இறங்கியது !
    விலை மலியுது சூரிய சக்தி !
    நூறாண்டு முன் பறந்த
    ரைட் சகோதரர் முதல் ஊர்தி போல்
    வரலாற்று முதன்மை பெறுவது !

    +++++++++++++++++++++++

    Related image

    “இன்னும் சில பத்தாண்டுகளுக்கு நமது பூகோளத்தின் முக்கியப் பெரும் பிரச்சனைகளாக நீர்வளப் பஞ்சமும், எரிசக்திப் பற்றாக் குறையும் மனிதரைப் பாதிக்கப் போகின்றன!  இந்தியாவைப் பொருத்த மட்டில் அடுத்த இருபது ஆண்டுகளுக்கு நமக்குப் போதிய நீர்வளமும், எரிசக்தியும் மிக மிகத் தேவை! பரிதிக் கனலைப் பயன்படுத்தியும், அணுசக்தி வெப்பத்தை உபயோ கித்தும் உப்புநீக்கி நிலையங்கள் பல உண்டாக்கப்பட வேண்டும்.  இப்போது இயங்கிவரும் அணு மின்சக்தி நிலையங் களுக்கு அருகே, உப்புநீக்கி நிலையங்கள் உடனே உருவாக்கப்பட வேண்டும்.”

    முன்னாள் குடியரசுத் தலைவர் மாண்புமிகு டாக்டர் அப்துல் கலாம்.

    “2025 ஆண்டில் நீர்ப் பற்றாக்குறைப் பிரச்சனை அசுர வடிவ மடைந்து, 50 மேற்பட்ட உலக நாடுகளில் நீர்ப் பஞ்சம் உண்டாகி 2.8 பில்லியன் மக்கள் பாதிக்கப்படுவார்.”

    டாக்டர் எஸ். கதிரொளி, டைரக்டர், சென்னைத் தேசீய கடற்துறைப் பொறியியல் கூடம்.

    Schematic of a multistage flash desalinator

    A – steam in       B – seawater in       C – potable water out
    D – brine out (waste)       E – condensate out       F – heat exchange
    G – condensation collection (desalinated water)       H – brine heater
    The pressure vessel acts as a countercurrent heat exchanger. A vacuum pump lowers the pressure in the vessel to facilitate the evaporation of the heated sea water (brine) which enters the vessel from the right side (darker shades indicate lower temperature). The steam condensates on the pipes on top of the vessel in which the fresh sea water moves from the left to the right.

    ++++++++++++++++++++

    Related image

    Image result for solar thermal power plants pros and cons

    நீர்ப் பற்றாக்குறை பற்றிக் கல்பாக்கத்தில் டாக்டர் அப்துல் கலாம்

    2003 டிசம்பர் 17 ஆம் தேதி கல்பாக்கத்தில் நிகழ்ந்த இந்திய அணுவியல் குழுவின் 14 ஆவது ஆண்டு நிறைவு விழாவில், உலோகவியல் வல்லுநரான பேராசிரியர் சி.வி. சுந்தரம் அவர்களுக்குப் பாராட்டு விருது அளித்த குடியரசுத் தலைவர் மாண்புமிகு டாக்டர் அப்துல் கலாம் விழாத் துவக்கவுரையில் கூறியது: “இன்னும் சில பத்தாண்டுகளுக்கு நமது பூகோளத்தின் முக்கியப் பெரும் பிரச்சனைகளாக நீர்வளப் பஞ்சம், எரிசக்திப் பற்றாக்குறை இரண்டும் மனிதரைப் பாதிக்கப் போகின்றன!  இந்தியாவைப் பொருத்தமட்டில் அடுத்த இருபது ஆண்டுகளுக்கு நமக்குப் போதிய நீர்வளமும், எரிசக்தியும் மிக மிகத் தேவை! பரிதிக்கனலைப் பயன் படுத்தியும், அணுக்கனல் சக்தியை உபயோகித்தும் உப்புநீக்கி நிலையங்கள் பல உண்டாக்கப்பட வேண்டும். இப்போது இயங்கிவரும் அணு மின்சக்தி நிலையங் களுக்கு அருகே, உப்புநீக்கி நிலையங்கள் உடனே உருவாக் கப்பட வேண்டும். பாபா அணுசக்தி ஆய்வு மையம், அணுசக்தி ஆற்றல் நிறுவனம், பாரத கனமின் யந்திர நிறுவனம் [BARC, NPCIL, BHEL] ஆகிய மூன்றும் இணைந்து தொழிற்துறைக் கூட்டணி அமைத்து, உப்பு நீக்கி துறையகங்கள், மின்சக்தி நிலையங்கள் [Water & Energy Production through Consortium] உண்டாக்குவதை ஓர் குறிப்பணியாய் [Mission] மேற்கொள்ள வேண்டும்”.

    +++++++++++++++++++++++++++

    DESALINATION PROCESSES BENEFITS
    MULTI-STAGE FLASH
    (MSF)    		 – Used in many desalination plants, suitable for large-scale installations
    – Performance efficiency and output water quality is relatively unaffected by fluctuations in input seawater quality (such as salt concentration and turbidity)
    MULTIPLE EFFECT DISTILLATION
    (MED)    		 – Good heat transfer efficiency; uses 40% less energy than reverse osmosis membrane method
    – Performance efficiency and output water quality is relatively unaffected by fluctuations in input seawater quality (such as salt concentration and turbidity)
    REVERSE OSMOSIS
    (RO)    		 – The most energy-efficient process
    – Simple configuration can be installed relatively quickly

    Starting with the first desalination plant in 1971, Hitachi Zosen has installed 42 plants to date, mainly in Japan and the Middle East, with a combined output of 1.2 million cubic meters per day.

    +++++++++++++++++++++++++

    நீர்ப் பற்றாக்குறையை நிவிர்த்திக்க வழிமுறைகள்

    ஜனாதிபதி மேலும் கூறியது: “நீர்வசதிப் பற்றாக்குறையை நிவிர்த்தி செய்ய நமக்கு உள்ளவை, சில வழிகளே! ஏரிகளில் மழைக் காலத்தில் மழைநீர் சேகரிப்பு, நகர்ப் புறங்களில் புழக்கநீரை மீள் பயன்பாடு செய்வது, நீர் வசதி வீணாக்கப் படுவதைத் தடுப்பது போன்றவை நாம் அவசியம் கடைப்பிடிக்க வேண்டியவை. பெரிய திட்டங்கள் இரண்டு. ஒன்று: மத்திய அரசாங்கம் எண்ணிக் கொண்டிருக்கும் நதிகள் இணைப்பு! அடுத்த பெருந் திட்டம், கடல்நீரைக் குடிநீராக்கும் திட்டம். அதிர்ஷ்ட வசமாக நமக்குள்ள மூல நீர்வளம், அகில மெங்கும் 97% பேரளவில் பரவி இருக்கும் கடல்நீர்.

    கடல்நீரைப் புதுநீராக்கும் உப்புநீக்கி நிலையங்கள் உலகில் 16,000 இப்போது [2018] இயங்கி வருகின்றன!  பிரச்சனைகள் அதிகமின்றி நீடித்து இயங்கிவரும் உப்புநீக்கி நிலையங்கள் பல உள்ளன. அவற்றில் 60% மையக் கிழக்கு நாடுகளில் எரிவாயு, எரி ஆயில் தரும் வெப்பசக்தியில் கடல்நீர் புதுநீராக ஆக்கப்பட்டு வருகிறது.  அநேக நாடுகள் நீர்ப்பற்றாக் குறையை நிவிர்த்தி செய்யக் கடல்நீரில் உப்பை அகற்றும் வழிகளைத்தான் பின்பற்றுகின்றன”.

    +++++++++++++++++

    Latest technology: trials of solar heat power generation and desalination system

    A trial will be conducted of a new type of solar-powered desalination system that uses solar heat power generation technology. Solar-powered desalination uses sunlight as the heat source for distilling seawater.

    The trial is due to run from November 2012 to October 2013 in Saudi Arabia, with a view to commercialization of the system from FY 2014.

    +++++++++++++++

    இந்தியாவில் அணுசக்தியின் கனல் மட்டும் பயன்பாடாமல், மற்ற வெப்ப முறைகளைக் கையாண்டு பல உப்புநீக்கி நிலையங்கள் இயங்கி வருகின்றன. ராஜஸ்தான், குஜராத், ஆந்திர பிரதேசம் ஆகிய மாநிலங்களில் தினம் 30,000 லிட்டர் ஆக்கும் சிறிய உப்புநீக்கி நிலையங்கள் உள்ளன. மேலும் ஏழு தொழிற்சாலைகள் அனுமதி அளிக்கப்பட்டு, 16 சிறிய உப்பு நீக்கித் துறைக்கூடங்கள் இயங்கி கனியிழந்த நீர் [Demin Water] தயாரிக்கப் படுகிறது. கல்பாக்கம் அணுவியல் ஆய்வுக் கூடத்தில் மீள்தடுப்புச் சுத்தீகரிப்பு [Reverse Osmosis] முறையில் நாளொன்றுக்கு 1,8 மில்லியன் லிட்டர் புதுநீர் தயாரிக்கப் படுகிறது. 40 கோடி ரூபாய்ச் செலவில் பாபா அணுசக்தி ஆய்வு மையம் டிசைன் செய்து, அணுக் கனல்சக்தியைப் பயன் படுத்திப் பல்லடுக்கு நீராவி வீச்சு [Multi Stage Flash] முறையில் கடல்நீரை ஆவியாக்கிப் புதுநீர் உண்டாக்கும் நிலையம் ஒன்று பாம்பே டிராம்பேயில் நிறுவப்பட்டு வருகிறது. தமிழ்நாட்டில் பாரத கனமின் யந்திர நிறுவகம் [BHEL] மீள்தடுப்புச் சுத்தீகரிப்பு முறையில் இயக்கிவரும் 12 உப்புநீக்கி நிலையங்கள் இராமநாதபுரம் மாவட்டத்தில் கடல்நீரைக் குடிநீராக மாற்றி வருகின்றன.

    WATER DESALINATION
    METHODS
    +++++++++++++
    2004 ஜூலை 13 இல் இந்திய அணுசக்தி ஆணைக்குழுவின் அதிபதி [Chairman, Indian Atomic Energy Commission] டாக்டர் அனில் ககோட்கர் கல்பாக்கம் உப்புநீக்கி நிலையத்தைக் காணச் சென்ற போது கூறியது, “பாபா அணுசக்தி ஆய்வு மையம் [Bhabha Atomic Energy Centre (BARC)] டிசைன் செய்து கல்பாக்கத்தில் கட்டியுள்ள உப்புநீக்கி மாதிரிக் கூடம் கடந்த இரண்டு வருடங்களாக [2002-2004] நாளொன்றுக்கு 1.8 மில்லியன் லிட்டர் [480,000 gallon/day] புதியநீரைக் கடல்நீரி லிருந்து உற்பத்தி செய்து வருகிறது. அடுத்து இயக்க வினைகள் பயிற்சிக்கப்படும், கல்பாக்கத்தின் உப்பு நீக்கிப் பெரு நிலையம் இன்னும் ஆறு மாதங்களில் முன்னைவிட இரண்டரை மடங்கு அளவில் 4.8 மில்லியன் லிட்டர் [தினம் 1.27 மில்லியன் காலன்] நாளொன்றுப் புதியநீரைப் பரிமாறப் போகிறது. இரண்டும் சேர்ந்தால் நாளொன்றுக்கு 6.3 மில்லியன் லிட்டர் [தினம் 1.66 மில்லியன் காலன்] புதியநீர் உற்பத்தியாகும்.”
    ++++++++++++
    ++++++++++++++++++

    கல்பாக்கத்தில் கலப்பு முறை உப்புநீக்கம் [Hybrid Desalination] செயல்பட்டு வருகிறது. பல்லடுக்கு நீராவி [Multi Stage Flash (MSF)] முறையில் உப்புநீக்கம் புரிய அச்சாதன ஏற்பாடுகள் 170 MWe மின்சக்தி ஆற்றல் கொண்ட ஓர் அணுமின் உலையுடன் இணைக்கப் பட்டுள்ளன. கல்பாக்கம் உப்பு நீக்கியில் வெளி வரும் புது நீர் தினம் 1.8 மில்லியன் லிட்டர் கொள்ளள வாகும். அத்துணை அளவு புதுநீரை உற்பத்தி செய்ய, கல்பாக்கம் அணு உலையில் புகும் கடல்நீரின் கொள்ளளவு அதைவிட ஏழு அல்லது எட்டு மடங்காகும் [12-14 மில்லியன் litre/day]! இரட்டை நுணுக்கச் சுத்தீகரிப்பில் கடல்நீரிலிருந்து வெளிவரும் புதுநீரின் உப்பளவைக் கட்டுப்படுத்து எளிது. ஆதலால் அம்முறையில் குடிநீரும், தொழிற்துறை நீரும் ஒருங்கே பெற்றுக் கொள்ள முடிகிறது.

    2025 ஆண்டில் நீர்ப் பற்றாக்குறைப் பிரச்சனை அசுர வடிவ மடைந்து, 50 மேற்பட்ட உலக நாடுகளில் நீர்ப் பஞ்சம் உண்டாகி 2.8 பில்லியன் மக்கள் பாதிக்கப்படுவார் என்று சென்னைத் தேசீய கடற்துறைப் பொறியியல் கூடத்தின் டைரக்டர், டாக்டர் எஸ். கதிரொளி குறிப்பிடுகிறார்! இந்தியாவின் நான்காவது பெருநகர் சென்னையில் 2003 ஆண்டு இறுதியிலே குடிநீர்ப் பஞ்சம் துவங்கி விட்டது என்று கோ. ஜோதி ‘தீருமா சென்னையின் தாகம் ‘ என்னும் தனது திண்ணைக் கட்டுரையில் சுட்டிக் காட்டுகிறார்!

    +++++++++++++++++

     

    ++++++++++++

     சூரியக்கதிர் மின்சக்திப் பயன்பாடு மிகுந்து வருகிறது.
    2013 -2014 ஆண்டுகட்கி இடையே சூரியக்கதிர் மின்சக்திச் சாதனங்கள் அமைப்பு 51% அதிகரித்துள்ளதாக சூரிய சக்தி தொழிற்துறைக் கூட்டணி   [Solar Energy Industries Association ]  அறிவித்துள்ளது.  அதாவது கங்கு கரையற்று எங்கும் நிறைந்து வற்றாத சூரிய மின்சக்தி ஆக்கத்துக்கு இப்போது உலகில் பெரு வரவேற்பு கிடைத்து வருகிறது.  மீள் பயன்பாடு கனல் எருவுக்கு மத்திய அரசு, மாநில அரசு, மாவட்ட அரசு, மற்றும் தனி நபர் ஆர்வமும், முழு மூச்சு முயற்சியும், நிதி உதவி கிடைத்தும்  தொழில் நுணுக்கம் பெருகி, சூரிய மின்சக்தி மலிவாகி வருகிறது.  இதனால் சூழ்வெளிச் சுத்தக் கட்டுப்பாடு ஆவதோடு, மலிவான சூரிய மின்சக்திப் பயன்பாடும் அதிகரிக்கிறது.
     
    அதற்கு மலிவான சூரியக்கதிர் அறுவடை ஒளிச்சக்தி தட்டுகள் ஏற்பாடு  [Solar-Harvesting Photo Voltaic Cell Arrays (PV System)]  தயாராகி வருகின்றன.  2010 ஆண்டிலிருந்து சூரிய ஒளிச்சக்தி தட்டுகள் ஏற்பாட்டில் விலை 45% குறைதுள்ளது.  பல்வேறு முறை சூரிய சக்தி ஏற்பாடுகளில் இப்போதுள்ள பி.வி. அமைப்பு   [PV Sytem] நேரடியாக கதிர்ச்சக்தியை மின்சக்தியாக மாற்றுவதால் இடைச் சாதனங்கள் குறைவாய்த் தேவைப்படும்.  2000 -2500 சதுரடி வீட்டுக்கு 20 – 40 PV தட்டுகள் போதுமானவை.  அத்துடன் நேரோட்ட மின்சக்தி, எதிரோட்ட மின்சக்திக்கு தேவைக்கு வேண்டிய ஆட்சி / மாற்றிச் சாதனங்கள் [Controllers & Inverters]
    விலைகளும்  சேர்க்கப் படவேண்டும்.
    உதாரணமாக 2013 ஆண்டில்  ஒர் சராசரி அமெரிக்க குடிநபர் ஆண்டுக்கு 11,000 kwh  மின்சார யூனிட் , அமெரிக்க எரிசக்தி ஆணையகக்  [U.S. Energy Information Administration ] அறிவிப்புப் படி பயன்படுத்தி உள்ளார்.  அப்படி 11 kwh மின்சாரம் அனுப்பு ஓர் இல்லத்துக்கு சுமார் 7 kW – 10.5 kW பி.வி. அமைப்பு வேண்டி யுள்ளது.  அதற்கு விலை மதிப்பு சுமார் 26,000 – 39,000 டாலர் என்று கணிக்கப் பட்டுள்ளது.  அந்த அமைப்புகள் கட்ட மத்திய அரசும், மாநில அரசும் [New England Home in the USA] நிதி உதவி செய்து விலை மதிப்பு 12,000 – 16,000 டாலராகக் குறைகிறது.  அதனால் 25 ஆண்டுகட்டு  சுமார் 70,000 டாலர் சேமிப்பு ஒரு இல்லத்தாருக்கு மிஞ்சுகிறது.

     

    World’s Largest Lithium Ion Battery Banks

    By Tesla

    ++++++++++++++++++++

     

     

    மிகப்பெரும் 100 மெகாவாட் மின்கலச் சேமிப்பணி [Battery Bank] தயாரிப்பாகி வருகிறது.

    2017 ஜூலை 7 ஆம் தேதி வாணிப முறைபாட்டில் டெஸ்லா தொழிற்துறை அதிபர் இலான் மஸ்க் [Elon Musk’s Tesla] என்பவர், “100 நாட்களுக்குள் 100 மெகாவாட் திறனுள்ள லிதியம் – அயான் மின்கலன் ஒன்றை உற்பத்தி செய்வதாய்ச் சவால் விட்டுத், தென் ஆஸ்திரேலியாவின் கனல்சக்தி பற்றாக் குறையை நிவர்த்தி செய்யப் பணிமேற் கொண்டார்.  2016 இல் பேய்புயல் அடித்து ஆஸ்திரேலியாவில் மின்வடக் கோபுரங்களை வளைத்து, முழு மின்சார இருட்டடிப்பு நேர்ந்த பிறகு, பில்லியனர் இலான் மஸ்க், 2017 மார்ச்சில் மாபெரும்  மின்கலன் ஒன்றைத் தயாரித்து நிறுவுவதாக வாக்குறுதி அறிக்கை விடுத்தார்.  2016 டிசம்பரில் இயங்கிய மாபெரும் மின்கலன் ஒன்றைத் தயாரித்த அமெரிக்க டெஸ்லா தொழிற்துறை அதிபர் இலான் மஸ்க், தற்போது  100 மெகாவாட் ஆற்றல் கொண்டமிகப்பெரும் மின்கலத்தை 100 நாட்களில் தென் ஆஸ்திரேலியாவில் நிறுவிக் காட்டுவதாக உறுதி கூறினார்.  அடுத்து 1000 மெகாவாட் பூத ஆற்றல் கொண்ட மின்சேமிப்பி வாணிபச் சந்தையில் பல்வேறு உற்பத்தியாகி விலை மலிவாய்க் கிடைக்கும் என்று நாம் உறுதியாய்ச் சொல்லலாம்.

    A close-up of Musk's face while giving a talk
    Elon Musk 
    Space X Falcon Heavy Rocket Pioneer
    BORN Elon Reeve Musk
    June 28, 1971 (age 46)
    Pretoria, Transvaal (now Gauteng), South Africa
    RESIDENCE Bel Air, Los Angeles, California, U.S.[1][2]
    CITIZENSHIP
    • South Africa (1971–present)
    • Canada (1989–present)
    • United States (2002–present)
    ALMA MATER
    OCCUPATION Entrepreneur, engineer, inventor, and investor
    KNOWN FOR SpaceX, PayPal, Tesla Inc., Hyperloop, SolarCity, OpenAI, The Boring Company, Neuralink, Zip2
    NET WORTH US$20.8 billion (October 9, 2017)[6]
    TITLE
    SPOUSE(S)
    CHILDREN 6
    PARENT(S)
    RELATIVES
    SIGNATURE

    Image result for Lithium Ion Research

    Image result for Solar Power Fuel Cell

    இப்பெரும் லிதியம்-அயான் மின்கலன் சேமிப்பணி [Battery Bank] 30,000 இல்லங்களுக்கு மின்சாரம் அனுப்பும் ஆற்றல் உடையது. அந்த மின்கலன் சேமிப்பணி தென் ஆஸ்திரேலியாவில் உள்ள ஜேம்ஸ் டவுனில் நிறுவப்படும்.  அது அடிலைடு நகருக்கு வடக்கே 230 கி.மீ. [143 மைல்] தூரத்தில் உள்ளது.  மீள்சுழற்சி  கனல்சக்தி விட்டுவிட்டு தரும் சூரியக்கதிர், காற்றாலைச் சாதனங்கள் இயங்கும் போது சேமிக்கக் கூடிய மின்கலன் சேமிப்பணிகள் இவை.  2008 ஆண்டு முதல் பிரான்சின் நியான் [Neoen] தொழிற்துறை தற்போது 300,000 இல்லங்களுக்கு மின்சாரம் அளிக்க முடியும்.  நிலக்கரியைப் பேரளவு பயன்படுத்தி சூழ்வெளியை மாசுபடுத்தும் ஆஸ்திரேலியா, மீள்புதிப்பு கனல்சக்தியைப் பயன்படுத்தி, மின்னியல் சேமிப்பணியில் சேமித்து, மின்சக்தி உற்பத்தி செய்யும்.  மேலும் இப்போது பேரளவில் பெருகிவரும் மின்சார கார் வாகனங்கள் இயக்கும் மின்கலன் மீள் ஊட்டத்துக்கும் [Recharging Station] பயன்படும்.

    Image result for Lithium Ion Technology

    Image result for Solar Power Fuel Cell

    மின்கலன் சேமிப்பணிகளுக்கு ஏற்ற ஆற்றல் தரும் லிதிய-அயான் தொழிற்துறை இப்போது விருத்தியாகி வருகிறது. மின்சார வாகனங்களை இயக்கவும் லிதியம்-அயான் மின்சேமிப்பி செம்மையாகி வருகிறது.  2016 ஆண்டில் 2 மில்லியன் மின்னுந்து கார்கள் [Electric Cars] உற்பத்தியாகி உள்ளன.  அந்த வேகத்தில் 2020 ஆண்டில் 9 -20 மில்லியன் மின்சார வாகனங்கள் பெருகிடும் என்று கணிக்கப் படுகிறது.  2025 ஆண்டில் அந்த வாகன எண்ணிக்கை பூதகரமாய் 40 -70 மில்லியனாய்  ஏறிவிடும்  என்று ஊகிக்கப் படுகிறது.

    Image result for Lithium Ion Technology

    Elon Musk’s Tesla Roadster
    Tesla Roadster in Falcon Heavy fairing.jpg

    The Tesla Roadster mounted on its payload adapter before fairing encapsulation
    OPERATOR SpaceX
    MANUFACTURER Tesla
    INSTRUMENT TYPE Inert mass
    FUNCTION Dummy payload
    WEBSITE spacex.com
    PROPERTIES
    MASS Approximately 1,300 kg (2,900 lb)
    HOST SPACECRAFT
    LAUNCH DATE January 2018
    ROCKET Falcon Heavy
    LAUNCH SITE Kennedy LC-39A
    ORBIT Heliocentric

    Image result for Solar Power Fuel Cell

    மின்சேமிப்பிகளின் நேர்மின், எதிர்மின் முனைகளுக்குப் [Cathodes & Anodes] பயன்படும் உலோகத் தனிமங்கள் சோடியம் -அயான், ஈயம்-அமிலம், சோடியம்-கந்தகம், நிக்கல்-காட்மியம், அலுமினியம்-அயான், லிதியம்-அயான் [Sodium-Ion, Lead-Acid, Sodium-Sulpher, Ni-Cd, Al-Ion, Li-Ion] போன்றவையாகும்.  எல்லாவற்றிலும் சோடியம்-அயான் பயன்படும் மின்சேமிப்பி மலிவானது; ஆனால் தொல்லை கொடுப்பது.  லிதியம் – அயான் மின்சேமிப்பி விலை மிக்கது. ஆனால் சோடியம்-அயான் மின்சேமிப்பியை விட  20% கனல்சக்தி  திரட்சி [Energy Density] மிக்கது. கனல்சக்தி திரட்சி அல்லது மின்னியல் சேமிக்கும் தகுதி [Energy Density OR Energy Stroge Capacity] மின்சேமிப்பி ஆயுள் நீடிப்புக் காலத்தைக் குறிக்கும். சூரியக்கதிர் சக்தி மின்சாரம் நேரோட்டம் [Direct Current] உள்ளது. நேரோட்ட மின்சாரத்தில் இயங்கும் சாதனங்கள் மிகக் குறைவு.  நேரோட்டத்தைத் திசைமாற்றி மூலம் [Inverter] அனுப்பி மாறோட்டமாக [Alternating Curent] மாற்றினால்தான் தற்போதைய மின்சார சாதனங்களை இயக்க முடியும்.  2015 ஆண்டில் நிலைப்பு மின்சேமிப்பி வாணிப நிதிப்பாடு [Stationary Storage Market] சுமார் 1.0 பில்லியன் டாலர் என்று கணித்துள்ளார்.  2023 ஆண்டில் அது 13.5 பில்லியன் டாலராகப் பெருகும் என்று ஊகிக்கப் படுகிறது.

    Image result for large size 100 mw battery

    Image result for Solar Power Fuel Cell

    மின்சார மின்வடப் பின்னலில் மின்சக்தி நிலைய உற்பத்திகளும், மின்சக்தி மின்கல சேமிப்பிகளும் இடையிடையே இணைந்து இருப்பது எதிர்கால இந்தியாவுக்கு தேவையான அமைப்பாகும். நிலக்கரி, நீரழுத்தம், எரிவாயு, ஆயில், அணுசக்தி கனல்சக்தி நிலையங்கள் தொடர்ந்து மாறோட்ட மின்சாரம் [Alternating Current] அனுப்புகின்றன.  சூரியக்கதிர், காற்றாலை, கடலலை மின்சார நிலையங்கள் வேறுபட்டு, விட்டுவிட்டு, சில சமயம் ஓய்ந்துபோய் அனுப்பும் மின்சார நேரோட்டத்தை, மாறோட்ட மின்சாரமுடன் இணைக்க முடியாது.  மீள்சுழற்சி கனல்சக்தியை அனுப்பும் மின்வடத்துடன் அவசியம் மின்கல சேமிப்பிகளும், நேரோட்ட மாற்றிகளும் இடையிடையே சேர்க்கப் பட்டு மாறோட்ட மின்வட இணைப்புகளோடு இயங்க வேண்டும்.

    Image result for Solar Power Fuel Cell

    Solar+Storage in India: SECI publishes tender for 100 MW Grid connected solar PV projects along with large scale battery energy storage system at Kadapa Solar Park, Andhra Pradesh

    Solar+Storage in India: SECI publishes tender for 100 MW Grid connected solar PV projects along with large scale battery energy storage system at Kadapa Solar Park, Andhra Pradesh

    ++++++++++++++++++

    Image result for Lithium Ion Research

    [தொடரும்]

    தகவல்:

    Picture Credits : Swiss Solar Impulse Design & Other Web Sites

    1.  BBC News : Solar-powered Plane Lands Safely After 26 Hour Flight (July 8, 2010)

    2.  Swiss Solar Plane Makes History with Round-the-clock (Manned) Flight (July 8, 2010)

    3.  Aerospace – Solar Impulse Plane Packed with Technology (July 8, 2010)

    4.  BBC News – Science & Environment – Zephyr Solar Plane Set for Record Endurance Flight By: Jonathan Amos (July 14, 2010)

    5.  Wikipedia – Electric Aircraft – electric aircraft is an aircraft that runs on electric motors rather than internal combustion engines with electricity  coming from fuel cells, solar cells, ultracapacitors, power beaming and/or batteries.

    6. http://www.bbc.com/news/world-australia-40527784  [July 7, 2017]

    7. http://www.onenewspage.com/video/20170707/8359018/Tesla-to-Build-World-Biggest-Battery-in.htm

    8.  http://solarpv.tv/index.php/2016/08/10/solarstorage-in-india-seci-publishes-tender-for-100-mw-grid-connected-solar-pv-projects-along-with-large-scale-battery-energy-storage-system-at-kadapa-solar-park-andhra-pradesh/ [August 10, 2016]

    9.  http://www.cnbc.com/2017/07/07/tesla-largest-battery-system-in-the-world-elon-musk-says.html [July 7, 2017]

    1. https://www.hgtv.com/remodel/mechanical-systems/the-true-cost-of-solar-power
    2. https://www.hgtv.com/remodel/mechanical-systems/exploring-solar-energy-options
    3. https://www.hgtv.com/remodel/mechanical-systems/before-going-solar
    4. https://www.hgtv.com/remodel/mechanical-systems/the-evolution-of-solar-power
    5. https://www.hgtv.com/remodel/mechanical-systems/solar-power-101
    6. https://www.hgtv.com/remodel/mechanical-systems/real-experiences-with-solar-power
    7. https://www.hgtv.com/remodel/mechanical-systems/getting-started-with-diy-solar-power
    8. http://homeguides.sfgate.com/positive-negative-effects-solar-energy-79619.html
    9. https://gcep.stanford.edu/pdfs/assessments/solar_assessment.pdf
    10. https://en.wikipedia.org/wiki/Solar_power [April 30, 2018]
    11. https://www.hgtv.com/remodel/mechanical-systems/the-true-cost-of-solar-power [May 1, 2018]
    12. https://en.wikipedia.org/wiki/Solar_cell [May 4, 2018]

    13. 7. https://en.wikipedia.org/wiki/Desalination  [May 10, 2019]

      8. https://www.unenvironment.org/news-and-stories/story/towards-sustainable-desalination

    ******************

    S. Jayabarathan (jayabarathans@gmail.com) [May 11, 2019] [R-3]

     

    Share

  • காலந்தோறும் மாறிவரும் பெண்கள் நிலை – 10

    -மேகலா இராமமூர்த்தி

    இருபத்தோராம் நூற்றாண்டு இணையமற்று, கைப்பேசியற்று வாழ்வதே மாந்தகுலத்துக்கு சாத்தியமற்ற ஒன்று எனும்படியாகச் சமூக சூழலை மாற்றிவிட்டிருக்கின்றது. உலக நிகழ்வுகளை உடனுக்குடன் தெரிந்துகொள்ள தொழில்நுடங்கள் துணைநிற்கின்றன; காசிநகர்ப் பேசும் புலவருரையைக் காஞ்சியில் நேரடியாகவே கேட்பதற்கு விழியங்கள் நிகழ்படங்கள் வழிசெய்துவிட்டன.

    சமூக வலைத்தளங்கள் வாயிலாக வாணிகம் களைகட்டுகின்றது. முகநூல் நிறுவனர் திரு. மார்க் சக்கர்பர்க் (Mark E. Zuckerberg) முகநூல் விளம்பரங்கள் வாயிலாகவே கோடிக்கணக்கில் வருவாய் ஈட்டுகின்றார். சாமானிய மக்களுங்கூடத் தங்கள் வாணிகத்தைப் பெருக்க புலனக் குழுமங்களைப் பயன்படுத்திவருகின்றனர்.

    இவ்வாறு வாணிகம், பொழுதுபோக்கு, கருத்துப் பரிமாற்றம், காட்சிப் பரிமாற்றம் என்று பல்வேறு வகைகளில் சமூக வலைத்தளங்கள் மக்களுக்குப் பயனளித்தாலும் இவற்றால் விளையும் ஆபத்துக்களும் நாளுக்குநாள் அதிகரித்தே வருவதைக் காண்கின்றோம். ஆம், தொழில்நுட்ப வசதிகளின் துணையோடு இன்றைய தேதியில் நாம் ஒரு தனிநபரையோ, அரசியல்கட்சித் தலைவரையோ மிக மோசமானவராகவும் சித்திரிக்க முடியும்; உலக உத்தமராகவும் உருமாற்றிக் காட்டவியலும். அரசியல் காழ்ப்பின் காரணமாகக் கட்சிகள் ஒன்றையொன்று இழித்தும் பழித்தும் வெளியிடும் உண்மைக்குப் புறம்பான மீம்களும் (memes), வக்கிரப் பதிவுகளும் தேர்தல் காலங்களில் உக்கிரமடைவதைக் காணமுடிகின்றது.

    தலைமைப் பதவிகளுக்குப் போட்டியிடும் அரசியலாளர்கள் சமூக வலைத்தளங்களைத் தம் அரசியல் சுயலாபங்களுக்காகப் பயன்படுத்திக்கொள்ளும் அநாகரிகப் போக்கும் உலகளாவிய ஒன்றாகவே சமீப காலங்களில் மாறிவிட்டது.

    கேம்பிரிட்ஜ் அனலட்டிகா எனும் அரசியல் தரவுச் சேகரிப்பு நிறுவனம் (Cambridge Analytica, a political data firm) முகநூலோடு இணைந்து அமெரிக்க அதிபர் திரம்புக்கு (Donald J. Trump) ஆதரவாகச் செய்த சில திரிபு வேலைகள் அவரை அதிபர் நாற்காலியில் அமரவைக்கப் பேருதவி புரிந்திருக்கின்றன என்பதை அறிகின்றபோது, பொதுமக்களுக்கு நன்முறையில் பயன்படவேண்டிய, நேரிய தகவல்களைத் தரவேண்டிய சமூக வலைத்தளங்கள் எத்துணைத் தவறான வழிகாட்டுதல்களைப் பணத்துக்காகச் செய்கின்றன என்ற வருத்தமே மேலிடுகின்றது.

    முகநூலில் இளம்பெண்களைக் குறிவைத்து அவர்களிடம் நண்பர்களாகத் தம்மை அறிமுகப்படுத்திக்கொள்கின்ற காமுக இளைஞர் கூட்டம் அப்பெண்களைப் போலியான காதல் வலையில் வீழ்த்தி, அவர்களின் ஒழுக்கத்துக்குக் களங்கம் விளைவித்துக் காசு பார்த்துவருவதையும், அதற்கு உடன்பட மறுப்போரை எதுவும் செய்யத் துணிவதையும் சமீபத்தில் பொள்ளாச்சியில் பெண்களுக்கு நிகழ்த்தப்பட்டிருக்கும் பாலியல் வன்கொடுமை வழக்குகள் வெட்ட வெளிச்சமாக்கியிருக்கின்றன. இவைபோதாவென்று மார்ஃபிங் (Morphing) முறையில் ஒரு பெண்ணின் உடலையும் மற்றொரு பெண்ணின் தலையையும் இணைத்துச் செய்யும் ஆபாச அக்கிரமங்களுக்கும் அளவேயில்லை. இதனால் எத்தனையோ இளம்பெண்கள் மனமுடைந்து தற்கொலை செய்துகொள்ளும் அவலநிலைக்கு ஆளாகின்றார்கள். இவற்றையெல்லாம் நோக்குகையில், மனிதர்களின் நிம்மதிக்கும் நல்வாழ்வுக்கும் உலை வைக்கும் இந்தத் தொழில்நுட்பப் பயன்பாடுகள் தேவையா என்ற வெறுப்பும் ஏற்படவே செய்கின்றது.

    விவரமறியாப் பள்ளி, கல்லூரி மாணவிகள்தாம் இத்தொழில்நுட்பங்களின் பின்னணியில் ஒளிந்திருக்கும் விபரீதங்களை உணர்ந்துகொள்ளாமல் ஆபத்தில் சிக்கிக்கொள்கின்றார்கள் என்றால் திருமணமாகிக் குழந்தைபெற்ற பொறுப்புள்ள தாய்மார்களும்கூடத் தேவையில்லாமல் சமூக வலைத்தளங்களில் தம் அந்தரங்கங்களை முகமறியாத் தறுதலைகளிடம் பகிர்ந்துகொண்டு வம்பை விலைகொடுத்து வாங்குகின்றார்கள்.

    வேறு சில இல்லத்தரசிகளோ இல்லறக் கடமைகளை மறந்து, பிள்ளைகளைப் பேணும் பொறுப்பையும் துறந்து, சமூக வலைத்தளங்கள் (social media), புலனம் (WhatsApp), யூ ட்யூப் (You Tube) முதலியவற்றிலேயே மூழ்கிக் குடும்ப வாழ்வையே குட்டிச்சுவராக்கிக் கொள்கின்றனர்.

    தீபத்தை வைத்துத் திருக்குறளும் படிக்கலாம்; குடியிருப்பையும் எரிக்கலாம் என்பதுபோல் சமூக வலைத்தளங்களும் இருவிதமான வாய்ப்புக்களை மக்களுக்கு வழங்குகின்றன. அவ் வாய்ப்புக்களை நல்லவகையில் பயன்படுத்தி முன்னேறுவதும் தீயவகையில் பயன்படுத்திச் சிக்கலில் மாட்டிக்கொள்வதும் அவரவர் கைகளிலேயே உள்ளது.

    ”தன்னை அறியத் தனக்கொரு கேடில்லை
    தன்னை அறியாமல் தானே கெடுகின்றான்…”     என்பார் திருமூலர். ஆகையால் அவரவரும் தம்முடைய இயல்பையும், தமக்கு நன்மை பயப்பது எது, தீமை பயப்பது எது என்பதையும் தெளிவாக உணர்ந்து நன்றின்பால் தம் அறிவைச் செலுத்தினாலே எத்துணையோ ஆபத்துக்களிலிருந்து தம்மைக் காத்துக்கொள்ளலாம்.

    இதுவரை இக்கட்டுரைத் தொடரில் பேசப்பட்டவற்றைத் தொகுத்துரைப்பதென்றால்…அறிவிலும் ஆற்றலிலும் ஆளுமையிலும் சிறந்து விளங்கிய பண்டைத்தமிழ்ப் பெண்கள் சிறிது சிறிதாகத் தம் சுதந்தரத்தையும் அதிகாரத்தையும் இழந்தனர். ஆடவர்க்கு அடிமைகளாய், அவர்தம் மோகம் தீர்க்கும் போகப்பொருளாய் மாற்றப்பட்ட அப்பெண்கள் கல்விக் கண்ணை இழந்து குருடராய்ப் பலகாலம் அறியாமை இருட்டில் தவித்திருந்தனர். இந்த அவலநிலை அகன்று அவர்கள் மீண்டும் கல்வி எனும் கண்ணொளி பெற்றது ஆங்கிலேயர் வருகைக்குப் பின்பே.

    இருபதாம் நூற்றாண்டில் பெண்களின் பன்முகத் திறனும் வெளிப்படுவதற்கு அச்சு ஊடகங்களும், வானொலி, தொலைக்காட்சி போன்ற சமூக ஊடகங்களும் வழிவகை செய்தன. அதன்வாயிலாய், கல்விகற்ற பெண்கள் பலர் கதை கட்டுரை கவிதை என்று பல்வேறு வடிவங்களில் தம் எண்ணங்களை எழுத்துக்களாக்கிக் கதாசிரியர்களாய், கவிதாயினிகளாய் முத்திரை பதிக்கத் தொடங்கினார்கள்.

    இணையம் வந்த பின்னரோ யாரும் எழுத்தாளராகலாம்; எவரும் கவிஞராகலாம் என்ற கட்டற்ற சுதந்தரம் கிட்டியுள்ளது. அம்மட்டோ? தேவையானதைப் படிக்கலாம்; காண விரும்புவதைக் காணலாம்; திறன்பேசிச் செயலிகளின் உதவியோடு உரையாற்றலாம்; ஆடலாம், பாடலாம், நடிக்கலாம் என்ற நிலை சாத்தியப்பட்டிருக்கின்றது. நாம் பேசுவதை அப்படியே எழுதிவிடும் மென்பொருள்களும் இப்போது பயன்பாட்டுக்கு வந்துவிட்டன. இவ்வளவு வசதிகளும் நடைமுறைக்கு வந்துவிட்ட 21ஆம் நூற்றாண்டை அறிவியல் தொழில்நுட்ப வளர்ச்சிகளின் பொற்காலம் என்று கூறினும் மிகையில்லை.

    ஆகவே, நம் மக்கள் குறிப்பாகப் பெண்கள் தம் பன்முக ஆற்றலையும் தொழில்நுட்ப அறிவையும் கவைக்குதவாத வெட்டி விவாதங்களிலும், தேவையற்ற பொழுதுபோக்குகளிலும், அரசியல்வாதிகளின் பொய்யுரைகளைக் கேட்பதிலும் வீணடிக்காது, அறிவார்ந்த வகைகளில் பயன்படுத்தத் தொடங்கினால் எவ்வளவோ சாதனைகளை நிகழ்த்தமுடியும்; உலகுக்கே உதாரண மங்கையராய்த் திகழமுடியும்!

    அத்தோடு, சமூகத்தில் நிகழ்கின்ற அவலங்களையும், பெண்களுக்கு எதிரான பாலியல், குடும்ப வன்முறைகளையும் கண்டிப்பதற்கும் களைவதற்கும் வலைத்தளங்கள், புலனக் குழுக்களைச் சமூக நலத்தில் நாட்டங்கொண்ட பெண்கள் பயன்படுத்தலாம். வன்கொடுமைகளால் பாதிக்கப்பட்டவர்களுக்கு உதவுவது, அவர்களுக்குச் சட்டரீதியான வழிகாட்டுதல்களையும் ஆலோசனைகளையும் வழங்குவது போன்றவற்றையும் செய்யலாம். இம்முயற்சிகளில் ஈடுபடுவதற்குப் பொருட்செலவு ஏதுமில்லை; அருள்மனமும் சமூகப் பொறுப்புணர்ச்சியுமே தேவை!

    தாழ்வுற்றுத் தளைப்பட்டு கிடந்த நம் பெண்கள், பூட்டிய இருப்புக்கூட்டின் கதவுகளைத் திறந்துகொண்டு சிம்புள் பறவைகளாய்ச் சிறகுவிரித்துப் பறக்கத் தொடங்கிவிட்டனர். இனி ஆண்களுக்கு நிகராக… ஏன்… அவர்களையும் மிஞ்சும் வகையில் அனைத்துத் துறைகளிலும் பெண்கள் சாதனை நிகழ்த்த வேண்டும்; சரித்திரம் படைக்க வேண்டும்; வறியோரின் தரித்திரம் துடைக்க வேண்டும்!

    பெண்களே! உம் வளர்ச்சியைத் தடைசெய்யும் இடையூறுகள் அனைத்தையும் தன்னம்பிக்கை எனும் உளிகொண்டு தகர்த்தெறியுங்கள்! துணிச்சலெனும் கவசமணிந்து, அறிவின் துணையோடு வாழ்க்கைப் பாதையில் நடைபோடுங்கள்!

    வெற்றி நிச்சயம்!

    [முற்றும்]

     

     

    Share