வல்லமை

Blog

  • பொருளாதார மாற்றங்களால் இன்றைய நிலை

    பவள சங்கரி

    தலையங்கம்

    உயர்மதிப்புள்ள நோட்டுகள் செல்லாது என்ற அறிவிப்பு புதிய வரிவிதிப்பு கொள்கை, ஜி.எஸ்.டி. அறிமுகம் தினசரி பெட்ரோலியப்பொருட்களின் விலைவிதிப்பு, வங்கிகளுக்கு வானளாவிய அதிகாரங்கள் என பொருளாதார மாற்றங்களை நடுவண் அரசு பெருமளவில் கொண்டுவந்துள்ளது. இந்த மாற்றங்களால் அரசிற்கோ அல்லது பொது மக்களுக்கோ, அல்லது அதைச்சார்ந்த நிறுவனங்களுக்கோ எந்த அளவில் பயன் ஏற்பட்டுள்ளது? இந்த மாற்றங்களால் அரசின் வரி வருமானம் அதிகரித்துள்ளது என்பதில் ஐயமில்லை. கடந்த சூலை மாதத்தில் 70 சதவிகித கணக்குகள் மூலமாகவே உரூ 90,000 கோடி அரசிற்கு வருமானமாகக் கிடைத்துள்ளதாக ஒரு புள்ளி விவரம் தெரிவிக்கிறது. இதே 100 சதவிகிதமாக இருந்தால் ஒரு இலட்சத்து முப்பதினாயிரம் கோடி உரூபாய் மாத வரி வருமானமாகும். ஆண்டு ஒன்றிற்கு 15 இலட்சத்து 60,000 கோடி உரூபாயாகும்.

    பெட்ரோலியப் பொருட்கள் தினசரி விலை மாற்றத்தால் 65 உரூபாய்க்கு விற்ற ஒரு லிட்டர் பெட்ரோலின் விலை இன்று 73 உரூபாயாக உள்ளது. எந்தவிதமான கட்டுப்பாடுகளற்று இந்த இரண்டு மாதங்களில் சுமாராக லிட்டருக்கு 8 உரூபாய் விலை ஏற்றப்பட்டுள்ளது. டாலருக்கு நிகரான உரூபாயின் மதிப்பானது மூன்று மாதங்களில் இல்லாத வகையில் உச்சபட்ச நிலையை எட்டியுள்ளது. பெட்ரோலியப் பொருட்களின் சந்தை நிலவரப்படி விலையில் பெரும் மாற்றங்கள் இல்லை. ஆக, ஒரு லிட்டர் பெட்ரோலின் விலை 65 உரூபாய்க்கு கீழ் இருக்கவேண்டும். ஆனால் அந்த பெட்ரொல் விலைக்குரிய கணக்கீடுகள் சரிவரச் செய்யப்படவில்லையோ என்ற ஐயத்தை ஏற்படுத்துகின்றது. மத்திய நிதி அமைச்சர் அந்தந்த மாநிலங்கள் பெட்ரோலியப் பொருட்களுக்கு விதிக்கக்கூடிய வரிவிதிப்பை விலக்கக்கோரியும் இதுவரை எந்த மாநில அரசும் இதைச் செயல்படுத்தவில்லை. ஒரு புறம் எண்ணெய் நிறுவனங்களின் கேள்வி கேட்பாரற்ற விலை நிர்ணயங்களும், மாநில அரசுகளின் வரிவிதிப்புகளும் மக்களை கொள்ளையடிப்பதாகவே உள்ளது வேதனைக்குரியதாகும்.

    உயர் மதிப்பு நோட்டு செல்லாததாக அறிவித்தபோதும், புதிய உயர் மதிப்பு நோட்டுகள் அறிவித்தபோதும் மக்கள் பல்வேறு சிரமங்களை அடைந்துள்ள நிலையிலும் அரசிற்கு உறுதுணையாகவே இருந்துள்ளனர். ஆனால் இதனுடைய பலாபலன் என்று பார்க்கும்போது மிகப்பெரிய சுழியமாகவே தெரிகிறது. வங்கித் துறையினரின் செயல்பாடுகள் மக்களுக்கு ஆதரவான கொள்கைகளை விடுத்து தங்களின் வருமானத்தைப் பெருக்குவதைச் சார்ந்ததாகவே உள்ளதும் குறிப்பிடத்தக்கது. பல்வேறு கட்டண விதிப்புகளும் காரணமற்ற பண வசூல்களும் வங்கித் துறையின் மீது நம்பிக்கையின்மையை ஏற்படுத்திக்கொண்டிருக்கின்றன. வங்கிக் காசோலைகள் பரிமாறும் இடங்கள், முன்பெப்போதும் இல்லாத வகையில் காலை ஆறு மணிக்கே செயல்படத்தொடங்கி வங்கிக்கணக்கில் பணம் இல்லையென்று காசோலைகள் திருப்பி அனுப்புதலும் அல்லது அந்தக் கணக்கில் பணம் இருந்தால் 12 மணிக்கு மேல் செல்லுபடியாகும் என்றும் அறிவிக்கின்றனர். வங்கி திறந்தவுடன் வங்கிக்கணக்கில் அந்த காசோலைக்கான பணம் செலுத்தப்பட்டு இருந்தாலும் காசோலைகள் திருப்பி அனுப்பப்படுகின்றன. இதற்குக் கட்டணமாக 500, 600 உரூபாய்கள் வசூலிக்கப்படுகின்றன. இதே பழைய முறையில், காசோலை திருப்பி அனுப்புவதற்கு முன்பு ஒருமுறை வங்கிக் கணக்குகள் சரி பார்க்கப்பட்டு அதன் பின்பே திருப்பி அனுப்பப்படும். ஆனால் வங்கிகள் இன்று தங்கள் வருமானத்தை மட்டும் கணக்கில் கொண்டு செயல்படுவது வருத்தத்திற்குரியதாகும்.

    வங்கிகளிலிருந்து புழக்கத்திற்கு பணம் வெளியிடப்படுகிறது. ரொக்க வியாபாரம் செய்யக்கூடியவர்களிடமும் பெருமளவில் பணப்புழக்கம் இருக்கிறது. ஆனால் வங்கிகளில் இந்தப் பணத்தைச் செலுத்தினால் பணப்பரிவர்த்தனைக் கட்டணமாக பெருந்தொகை வசூல் செய்யப்படுவதால் வங்கிகளில் பணம் செலுத்த தயக்கம் காட்டும் நிலை ஏற்படுகிறது. இதனால் பணப்புழக்கத்திற்குரிய உரூபாய் நோட்டுகள் மிகவும் குறைவாகின்றன என்றாலும் இதுவே கருப்புப் பணத்திற்கான ஆரம்பமாகவும் ஆகலாம் என்பதும் கவனிக்கத்தக்கது. நிதியமைச்சகமும் அரசும் வங்கிகளில் பணத்தைச் செலுத்துவதற்கு உற்சாகப்படுத்தியும், வங்கிகளிலிருந்து பணம் வெளியேறுவதற்கு பழைய கட்டுப்பாடுகளை தொடர்ந்தாலுமே நம் பொருளாதாரம் பெருமளவில் சீர்படும்.

    பல்வேறு பொருளாதார நடவடிக்கைகள் எடுத்த பிறகும் டாலருக்கு நிகரான நம் உரூபாயின் மதிப்பு பெருமளவில் ஏற்றம் பெறவில்லை என்பதும் வருத்தத்திற்குரிய விசயமாகும்.

    Share

  • இந்த வார வல்லமையாளர்! (239)

    செல்வன்
    இவ்வார வல்லமையாளராக அன்பு நண்பர் வேந்தன் அரசு (இயற்பெயர் ராஜு ராஜேந்திரன்) அவர்களை தேர்ந்தெடுப்பதில் மகிழ்ச்சி அடைகிறோம்.
    வேந்தரின் 69ஆம் பிறந்தநாள் இவ்வாரம் வந்ததால் அவர் அனைவராலும் வாழ்த்தப்படுகிறார். அந்த வாழ்த்துகள் வேந்தரின் வலையுலக எழுத்து வன்மைக்கு சான்றுகூறுவதாக அமைந்தன. அவ்வன்மையை 2005ஆம் ஆண்டு முதல் 2017 ஆம் ஆண்டுவரை முதல்வரிசையில் அமர்ந்து கண்டுகளிக்கும் வாய்ப்பு எனக்கு கிட்டியதை மிகப்பெரும் பேறாக கருதுகிறேன்.
    2005ஆம் ஆண்டு அன்புடன் எனும் குழுவில் முதல்முதலாக நுழைந்தேன். அதுவே தமிழ் வலையுலகில் என் முதல் எழுத்துப்பயணம். அன்புடனில் என்னை ஈர்த்தவர்களில் முதன்மையானவர் வேந்தர். அங்கே நுழைந்ததும் அவர் கோவையை சேர்ந்தவர் என்பதும் நான் படித்த மணிப்பள்ளியில் படித்தவர் என்பதும் இருவரையும் உடனே இணைத்தன. அதன்பின் சுதந்திர பொருளாதாரம் குறித்து அவர் எழுதிய மடல்கள் என்னை மிகக் கவர்ந்தன. அவுட்சோர்ஸிங் மூலம் இந்தியாவுக்கு நன்மை கிடைப்பதை ஒரு மிகக் குறுகிய கதை மூலம் எழுதி என்னை வியப்பில் ஆழ்த்தினார். நான் சிரமப்பட்டு பத்தி, பத்தியாக எழுதும் கட்டுரைகள் தரும் தாக்கத்தை விட ஒரு வரி, ஒரு பத்தியில் அவர் எழுதும் கதைகள், கருத்துக்கள் ஆகியவை சுதந்திர பொருளாதார கோட்பாட்டை எளிதில் விளக்கின.
    1
    வேந்தர் நேசிக்கும் விசயங்கள் என பட்டியல் இட்டால் மூன்றாமிடத்தில் சுதந்திர பொருளாதாரம், இரண்டாமிடத்தில் அவர் வாழ்ந்த கோவை மாநகரம் மற்றும் முதலிடத்தில் ஐயன் திருவள்ளுவர் ஆகியோர் இடம் பிடிப்பார்கள். வள்ளுவர் மேல் கொண்ட தளராத அன்பினால் “வள்ளுவம் என் சமயம்” என வள்ளுவத்தை தன் வாழ்க்கை நெறியாக ஏற்றவர் வேந்தர். சும்மா சொல்வதுடன் நின்றுவிடாமல் தமிழை ஆதரித்து கட்டுரைகள், தன்னால் இயன்ற அளவு தமிழறிஞர்களுக்கு நிதியுதவி என செய்துவந்தவர்.
    தமிழ் இணைய வரலாற்றை யாகு குழுக்கள் காலம் 1.0, கூகிள் குழுக்கள் காலம் 2.0, முகநூல் காலம் 3.0 மற்றும் தற்போது விசுவல் மீடியா காலம் 4.0 என பிரித்தால் வேந்தர் இரண்டாம் தலைமுறையை சேர்ந்தவர். இணையம் 2.0 தலைமுறையில் குழுக்களில் 500, 1000 பேர் இருந்தாலே அது மிக அதிகம். மிக நீள மடல்களை தட்டி அனுப்பி ஓரிரு பேர் நாள்கணக்கில் விவாதம் செய்வோம். அவ்வகையில் இணையம் 2.0 ஒரு மிக கடினமான தளம் என கூறவேண்டும். அந்த தளத்தில் வேந்தர் போன்ற முன்னோடிகளிடம் நான் நிறைய கற்றுக்கொண்டேன்.
    வேந்தரின் 60வது பிறந்தநாள் விழாவுக்கு நேரில் சென்று அவரைக் காணும் வாய்ப்பு கிடைத்தது. அவருடன் உரையாடுகையில் அவரது முற்போக்கு கருத்துக்களை அறிந்துகொண்டேன். பெண்ணியம், ஆன்மிகம், திராவிடம், பகுத்தறிவு போன்ற பல விசயங்களில் மிக முற்போக்கு கருத்து கொண்டிருந்தாலும், தன் கருத்தை சுயபரிசீலனை செய்ய அவர் தயங்கியது இல்லை. குறிப்பாக இவ்விசயங்களில் ஆழ்ந்துள்ளவர்கள் ஏதோ ஒரு அரசியல் கட்சியின் தொண்டர்களாக, அல்லது தலைவர்களின் அபாலஜிச்டுகளாக மாறிவிடுவது வழக்கம். வேந்தர் விதிவிலக்கு. தன் கருத்தை தன் கருத்தாக எடுத்து வைப்பாரே ஒழிய எந்த அரசியல் தலைவரையோ, தத்துவஞானியையோ மேற்கோள் காட்டமாட்டார். அவ்வளவு ஏன் அவர் நேசிக்கும், ஐயன் வள்ளூவரின் கருத்துக்களை கூட விவாதங்களில் மேற்கோள் காட்டியதில்லை. கடவுள் மறுப்பில் உறுதியாக நின்று திருவள்ளுவரை கூட அவர் இதில் மறுத்துள்ளார்.
    இவரது அக்கரை சீமையிலே எனும் மடல் தொடர் மூலம் சின்சினாட்டி நகர் வாழ் அமெரிக்கர்களை குறித்து அறிந்து கொள்ள இயன்றது. தற்போது நீள் மடல்கள் இடுவதை மிக குறைத்துக்கொண்டு ஒருவரியில் ட்வீட் போல தன் கருத்துக்களை சுருக்கி மடலாடல் குழுக்களில் எழுதி வருகிறார். முகநூலுக்கு பெருமளவு இவரது எழுத்து குடிபெயர்ந்து விட்டது
    இணையம் 4.0வில் வெற்றிக்கொடி நாட்டவிருக்கும் இணையதலைமுறைக்கு வேந்தரின் நற்பண்புகள் அமைய உதவும் என நம்பி அவரை இவ்வார வல்லமையாளராக அறிவிக்கிறோம்.
    [இந்த வாரத்தில் தனது ஆற்றலை சிறப்புற வெளிபடுத்தி உங்கள் கவனத்தைக் கவருபவரை வல்லமை ஆசிரியர் குழுவினரின் கவனத்திற்குக் கொண்டுவர விரும்பினால், வழக்கம் போலவே வல்லமை ஆசிரியரிடம் (vallamaieditor@gmail.com) உங்களது பரிந்துரைகளை அனுப்பி உதவிடுமாறு வேண்டுகிறோம், மேலும் வல்லமையாளர் விருது பற்றிய விவரங்களை இப்பக்கத்தில் காணலாம் –http://www.vallamai.com/?p=19391, இதுவரை வல்லமையாளர்களாகத் தேர்வு பெற்றோர் பட்டியலை இங்கே காணலாம் http://www.vallamai.com/?p=43179  ]

    Share

  • படக்கவிதைப் போட்டி (127)

    பவள சங்கரி

    அன்பிற்கினிய நண்பர்களே!

    வணக்கம். கண்ணையும் கருத்தையும் கவரும் படமொன்றைக் கண்டவுடன் உங்கள் உள்ளத்தில் கவிதை ஊற்றெடுக்கும் ஆற்றல் கொண்டவரா நீங்கள்?

    21622086_1427486197305575_203494868_n

    கோகுல்நாத் எடுத்த இந்தப் படத்திற்கு ஒரு கவிதை எழுதுங்கள். இதனை நம் வல்லமை ஃப்ளிக்கர் குழுமத்தின் பொறுப்பாசிரியர் திருமதி சாந்தி மாரியப்பன் தேர்ந்தெடுத்து அளித்துள்ளார்.

    இந்த ஒளிப்படத்திற்கு ஏற்ற கவிதையை நல்ல தலைப்புடன் பின்னூட்டமாக இடலாம். ஒருவரே எத்தனை கவிதைகள் வேண்டுமானாலும் எழுதலாம். வரும் சனிக்கிழமை (16.09.2017) வரை உங்கள் கவிதைகளை உள்ளிடலாம். அவற்றில் சிறந்த கவிதையை நம் வல்லமை இதழின் ஆசிரியர்குழு உறுப்பினரும் தமிழிலக்கிய ஆராய்ச்சியாளருமான திருமதி மேகலா இராமமூர்த்தி தேர்வு செய்வார். ஒவ்வொரு வாரமும் சிறந்த கவிஞர் ஒருவர் தேர்ந்தெடுக்கப்படுவார். ஒருவரே பலமுறை பங்கு பெறலாம். இவ்வாய்ப்பு, ஏற்கனவே சிறந்த கவிஞராகத் தேர்ந்தெடுக்கப் பெற்றவர்களுக்கும் உண்டு.

    ஒளிப்படத்திலிருந்து தாக்கமும் தூண்டுதலும் பெற்று எழும் அசல் படைப்புகளை ஊக்குவிப்பதே இதன் நோக்கம். கவிஞர்களையும் கலைஞர்களையும் கண்டறிந்து ஊக்குவிப்பதற்கான அடையாளப் போட்டி இது; வெற்றி பெறுபவர்களுக்குப் பரிசளிப்பு இருக்காது; பாராட்டு மட்டுமே உண்டு. ஆர்வமுள்ளவர்களைப் பங்குபெற அழைக்கிறோம்.

    போட்டியின் நடுவரான திருமதி மேகலா இராமமூர்த்தி புதுச்சேரி மாநிலத்தின் காரைக்காலில் பிறந்தவர். கணிப்பொறி (MCA) மற்றும் தமிழில் (MA) முதுகலைப் பட்டம் பெற்ற இவர், அமெரிக்க தமிழ்ச் சங்கப் பேரவையின் (FeTNA) 2008, 2009, 2014, 2016ஆம் ஆண்டுகளின் (ஆர்லாண்டோ, அட்லாண்டா & மிசௌரி) கவியரங்கம், இலக்கிய வினாடிவினா நிகழ்ச்சிகளில் பங்கேற்றுப் பாராட்டுகளும் பரிசுகளும் பெற்றுள்ளவர். சங்கப் பாடல்களில் அதிக ஆர்வமும், இலக்கியக் கூட்டங்களிலும், பட்டிமன்றங்களிலும் சுவைபடப் பேசுவதில் வல்லமையும் பெற்றவர். இவருடைய வலைப்பூ – மணிமிடைபவளம்

    Share

  • அவள் ஒரு பெண்

    மூலம் : பீட்டில்ஸ் பாடகர்

    தமிழாக்கம் : சி. ஜெயபாரதன், கனடா

    image (1) 

     

     

     

     

     

     

     

     

     

    எனக்குப் பரிசெதுவும் தருவ தில்லை

    என்னினிய காதலி !

    நாட்டுப் புறத்து நங்கை இல்லையென

    நான் அறிவேன்.

    என்றென்றும் அன்பை அள்ளித்

    தருபவள் அவள்.

    எனக்குப் பரிசு தரமாட்டாள்

    என் காதலி !

    தனிமையில் வாடினால் என்னைத்

    தாலாட்டுவாள் அவள் !

    பாசாங்கு செய்கிறாள் என்பார்

    பக்கத்தில் இருப்பவர்.

    அப்படி அவள் இல்லை என்று

    அறிந்தவன் நான்.

    தன்னை ஓர் ஆடவன் உற்று நோக்க

    இடம் தராதவள் !

    நான் அழுவதைப் பார்த்தால்

    மனம் உடைவாள் !

    பூரித்து போவாள் நானவளை

    ஒருபோதும்

    பிரிய மாட்டேன் என்றால் !

    எனக்குப் பொறாமை உண்டாக்கத்

    துணியாதவள்.

    என்னைப் புரிந்து கொண்டவள்;

    தன் காதலனை மட்டும்

    என்றும் நேசிப்பவள்.

    தன் காதலை, நேரத்தை எல்லாம்

    தருவது எனக்குத் தான்  !

    ஏனென்று கேட்காதே !

     

     

    Share

  • கற்றல் ஒரு ஆற்றல் 94

    க. பாலசுப்பிரமணியன்

    இயக்கம் (தசை) சார்ந்த நுண்ணறிவு (Bodily- Kinesthetic Intelligence)

    education

    “உங்க பையன் ஓரிடத்தில் அஞ்சு நிமிடம் உட்கார மாட்டேன் என்கிறான்”

    “அவனை ஓரிடத்தில் கட்டுப்படுத்த முடியாது”

    “அவனுக்கு எப்போதும் எதையாவது நோண்டிக் கொண்டே இருக்கணும்:ஒரு சாமானை உடைத்துப் போடுவது அவனுக்கு ரொம்பப் பிடிக்கும்”

    “அவனுக்கு படிப்பிலே கவனமே இல்லை, எப்பப்பாருங்க விளையாட்டு, அது அவனுக்கு சோறு போடுமா”

    “ஏண்டா குட்டி போட்ட பூனை மாதிரி இங்கும் அங்கும் ஓடிக்கொண்டு…. ஏதாவது ஓரிடத்தில்  உட்கார மாட்டாயா”

    –  என்றெல்லாம் ஆசிரியர்களும் பெற்றோர்களும் குழந்தைகளைப் பார்த்து விமர்சிப்பது கண்டு நீங்கள் ஆச்சரியப்பட்டிருக்கலாம்.

    இத்தகைய மாணவர்களில் பலரும் இந்த இயக்கம் சார்ந்த நுண்ணறிவில் (Bodily Kinesthetic intelligence) வல்லமையுள்ளவர்களாக இருக்க வாய்ப்புண்டு.  இவர்களை “Body Smart ” என்று அழைப்பார்கள்

    பொதுவாக இந்த நுண்ணறிவில் வல்லமையுள்ள மாணவர்களின் சிறப்பு அம்சங்கள்:

    1. இவர்கள் ஓரிடத்தில் அமர்ந்து செய்யும் செயல்களில் ஆர்வம் காட்ட மாட்டார்கள்
    2. அருகில் உள்ளவர்களைத் தொட்டுப் பேசுதல், அதிகமான உடல் அசைவுகளைக் காட்டுதல் இவர்களிடம் வெளிப்படையாகத் தெரியும்.
    3. மற்றவர்களிடம் பேசும் பொழுது மிக அருகில் நிற்கும் பழக்கம் உடையவர்கள்.
    4. ஏதாவது ஒரு பொருளையோ அல்லது செயலையோ செய்வதில் அதிகம் ஆர்வம் காட்டுவார்கள்
    5. படிப்பதை விட எழுதுவதில் ஈடுபாடு அதிகம் இருக்க வாய்ப்புள்ளது.
    6. படிக்கும் பொழுது ஒரு இடத்தில அமர்ந்து படிக்காமல் நடந்துகொண்டே படிப்பதில் ஆர்வம் உள்ளவர்கள்.
    7. விளையாட்டு பரிசோதனை போன்றவற்றில் அதிக ஆர்வம் உள்ளவர்கள்.
    8. கூட்டங்களை ஒழுங்குபடுத்தல், சேவைகள் செய்தல், தன்னிச்சையாக உதவி செய்தல் போன்றவற்றில் முன்னிருப்பார்கள்
    9. தலைமைப் பொறுப்புக்கள் மற்றும் மேலாண்மை ஏற்பதில் தயங்க மாட்டார்கள்,
    10. இவர்கள் துடிப்புடனும் அதிக சக்தியுடனும் இருப்பது மட்டுமின்றி உடற்பயிற்சி, நீச்சல் போன்றவற்றில் அதிக ஆர்வம் உடையவர்கள்.

    விளையாட்டு வீரர்கள், பொறியியல் வல்லுநர்கள், தொழிற்சாலைகளில் வேலைபார்ப்பவர்கள், ஓட்டுனர்கள், விற்பனையாளர்கள், நடிகர்கள், நாட்டிய வல்லுநர்கள் போன்றவர்கள் இந்த வகையைச் சார்ந்தவர்களாக இருக்க வாய்ப்புண்டு.

    மாணவர்களை பொறுத்த வரையில் இந்த வகுப்பைச் சார்ந்த மாணவர்கலின் சில பொதுவான குறிப்பகள்:

    1. இவர்கள் வேகமாகவும் தாறுமாறாகவும் எழுதும் குணமுடையவர்கள்.
    2. இவர்களின் புத்தகங்கள் நோட்டுக்கள் மிகவும் கசக்கியும் கவனிப்பு இல்லாமலும் இருக்கும்
    3. புத்தகங்கள் நோட்டுக்களிலிருந்து அடிக்கடி காகிதங்களை கிழிக்கும் பழக்கம் இருக்கும்
    4. இவர்கள் தங்களுடைய புத்தகங்கள் நோட்டுக்களை அடிக்கடி புரட்டிப் பார்க்கும் பழக்கும் உள்ளவர்களாக இருப்பார்கள்
    5. வகுப்பறைகளிலிருந்து அடிக்கடி ஏதாவது ஒரு காரணத்திற்காக வெளியே செல்ல வாய்ப்புக்களை எதிர்பார்த்த வண்ணம் இருப்பார்கள்
    6. நாற்காலிகள் மேசைகள் ஆகியவற்றை ஓரிடத்திலிருந்து மற்றொரு இடத்திற்கு அடிக்கடி மாற்றும் பழக்கமுயுடையவர்களாக இருப்பார்கள்
    7. பள்ளிகளில் ஓடி விளையாடும் விளையாட்டுக்களில் அதிக ஆர்வம் காட்டுவர்.
    8. .அமர்ந்திருக்கும் நாற்காலிகளில் உட்கார்ந்தவண்ணம் ஆடுதல், அவைகளை நகர்த்துதல், மற்ற மேசைகளுடன் ஒட்டிப்போடுதல் போன்ற பல சில்மிஷங்களில் மனம் கொண்டவர்கள்.
    9. உடைந்த பொருள்களை சரி பார்த்தல், ஒட்டுதல் மற்றும் கைவேலைகள் சம்பந்தப்பட்டவற்றில் ஆர்வம் காட்டுவார்கள்
    10. இயங்கும் பொருள்களை வேகமாக ஓட்டுதல், இடர்களை சந்தித்தல், இடர் மேலாண்மை, தொழில் முனைவு ஆகியவற்றில் ஈடுபாடு காட்டுவார்கள்

    ஆகவே பள்ளிகளில் இந்த வகையைச் சார்ந்த மாணவர்களுக்கு இவர்களுடைய தேவை மற்றும் ஈடுபாடுகளுக்குத் தேவையான பாட முறைகள், பயிற்சிகள், பரிசோதனைகள், கேள்விகள் ஆகியவற்றை அமைத்தல் மிக்க அவசியம். இவர்களை ஆசிரியர்கள் பொதுவாக :ஒழுங்கற்றவர்கள்’ என்றும் “கட்டுப்பாடற்றவர்கள் ” என்றும் ஒதுக்கிவிட வாய்ப்புக்கள் அதிகம். உண்மையில் அவர்கள் அப்படிப்பட்டவர்களல்ல. அவர்களுடைய ஈடுபாடுகளையும் திறன்களையும் வல்லமைகளை சரியாக நாம் அறிந்து அதற்குத் தேவையான உள்ளீடுகளைக் கொடுக்காமலிருப்பதே காரணம்.

    அடுத்து நாம் காட்சிகள் மற்றும் வளி சார்ந்த நுண்ணறிவு பெற்ற மாணவர்களை பற்றி அறிந்திடுவோம்.

    (தொடரும்)

    Share

  • நலம் .. நலமறிய ஆவல் (72)

    நிர்மலா ராகவன்

    எதிர்த்துப் பேசும் சிறுவர்கள்

    நலம்

    “இந்தப் பசங்களே மோசம்,” என்று எல்லா பதின்ம வயதுப் பையன்களையும் ஒட்டுமொத்தமாக வைதாள் அம்மாது. “என்னமோ, `சுதந்திரம், சுதந்திரம்’ என்று அடித்துக்கொள்கிறார்கள். ஆனால், அவர்கள் செலவுக்கு நாம்தானே பணம் கொடுக்க வேண்டியிருக்கிறது!”

    சிறுவர்கள் எல்லா வயதிலும் இப்படி – பெரியவர்களிடம் மரியாதை கொடுக்காது – பேசுவது இயல்பு. அதிலும் பதின்மூன்று வயதுக்குமேல், `நான் இன்னும் குழந்தை இல்லையே!’ என்று சற்று அதிகமாகவே திமிறுவர்.

    அவர்களது எதிர்ப்பு பலவிதமாக வெளிப்படும். சிலர், `ஆரம்பித்துவிட்டீர்களா!’ என்பதுபோல் கண்களைச் சுழற்றுவர், இல்லையேல், பெருமூச்சு வெளிப்படும். வேறு சிலர், `உங்கள் காலமே வேறு! உங்களுக்கு எங்களைப் புரிந்துகொள்ள முடியாது!’ என்று பழியைத் திருப்புவர்.

    கதை: ஆசிரியைகளுடன் மோதல்

    ஒருமுறை, `படிப்பதற்கு இன்னும் கூடுதலான நேரம் செலவழிக்கக் கூடாதா!’ என்று நான் என் மாணவிகளிடம் கெஞ்சலாகக் கூறியபோது, “உங்கள் காலத்தில் டி.வி கிடையாது. இப்போது அப்படியா? பொழுதைக் கழிக்க எங்களுக்கு நிறைய வழிகள் இருக்கிறதே” என்றாள்.

    நான் வாயடைத்துப்போனேன்.

    எது முக்கியம், வாழ்க்கையை நல்வழியில் கொண்டு செல்லும் என்று இவர்களுக்குப் புரிவதில்லை. அடிக்கடி வற்புறுத்தினால், வேண்டுமென்றே எதிர்வழியில் நடப்பார்கள்.

    `என் மகள் நான் என்ன சொன்னாலும் கேட்பதில்லை. எப்படியோ தொலையட்டும் என்று விட்டுவிட்டேன்!’

    இம்மாதிரி கூறும் தாய் மகளைப் புகழவே செய்யாது, ஓயாமல் குற்றம் கண்டுபிடிக்கிறாள். தான் என்ன சொன்னாலும் கீழ்ப்படிய வேண்டும் என்று எதிர்பார்க்கிறாள். முதலில் சுதந்திரமாக உணரும் மகளோ, போகப்போக, அஞ்ச ஆரம்பித்துவிடுவாள்.

    நான் படித்த காலத்தில், விடுமுறை நாட்களில் பரீட்சைக்கு எந்தந்த பாடங்களை முதலில் படிக்க வேண்டும் என்று ஆசிரியைகள் சொல்லிக்கொடுத்தார்கள். காலையில் மனம் தெளிவாக இருக்கும்போது கணக்கில் ஆரம்பித்து விஞ்ஞானம் (இந்த இரண்டு பாடங்களையும் எழுதிப் பார்க்க வேண்டும்), பிறகு பூகோளம், சரித்திரம் என்று தொடர்ந்து, இறுதியில் மொழிகளில் முடிக்க வேண்டும். அவ்வப்போது இடைவெளி, சிறிது உணவுக்காக. படித்துக்கொண்டிருக்கும்போதே இசையைச் செவிமடுத்தால் நன்றாக மனதில் பதியும். நீண்ட காலம் மறக்காது. ஒரு நாளைக்கு இத்தனை பக்கங்கள் படிக்க வேண்டும் என்று ஓரிரு வாரங்களுக்கான அட்டவணையை முதலில் தயாரித்துக்கொள்வது மன இறுக்கத்தைத் தவிர்க்கும் வழி.

    ஆசிரியைகள் வற்புறுத்திக் கூற, `செய்துதான் பார்க்கலாமே!’ என்று நான் இம்முறையைக் கடைப்பிடித்தேன். பரீட்சைக்கு முதல்நாள் பக்கங்களை புரட்டிப் பார்த்ததுடன் சரி. இரவெல்லாம் கண்விழித்துப் படித்தது கிடையாது.

    பதினேழு வயது மாணவர்களிடம் இதை விளக்கிச்சொல்லி, விடுமுறைக்காலம் முடிந்து அவர்கள் திரும்பியதும், “நான் கூறியபடி படித்தீர்களா?” என்று ஆவலுடன் வினவினேன்.

    “டீச்சர் ரொம்ப கண்டிப்பு!” என்று பதில் வந்தது! இது மறைமுகமான எதிர்ப்பு.

    சிறுவர்கள் எதிர்க்கும்போது, நாம் மேலும் எகிறாமல், அமைதியாக இருத்தல் அவசியம்.

    ஒரு பையன், `நான் எப்படிப் போனால் உங்களுக்கென்ன, டீச்சர்? உங்களுக்குத்தான் சம்பளம் கிடைத்துவிடுமே!’ என்றுகூட என்னிடம் கூறியிருக்கிறான்.

    அவனைப்போல், விதண்டாவாதம் செய்வதுதான் வளர்ந்த பிள்ளைகளுக்கு அழகு என்று நினைத்திருப்பவர்களிடம் பேசுவது வீண். `உங்கள் நன்மைக்காகத்தான் சொல்கிறேன். கேட்டால் கேளுங்கள்! எனக்கொன்றும் நஷ்டமில்லை!’ என்று விடவேண்டியதுதான்.

    எதில் காதல்?

    பதின்ம வயதுப் பையன்களுக்கு தங்கள் தலைமுடியின்மேல் அபார பிரேமை, பெருமை. பதினேழு நிமிடம், இருபது நிமிடம் என்று ஏதோ கணக்கு வைத்துக்கொண்டு, ஒவ்வொரு முறையும் தலைசீவிக் கொள்வார்கள். எவ்வளவு அலங்கோலமாக ஆனாலும், அதை வெட்டிக்கொள்ள மனம் வராது. அவ்வளவு அருமை!

    “வாய் ஓயாமல் இருமறியே! சலூனுக்குப் போகக்கூடாது?” என்று தினமும் வீட்டில் நச்சரிப்பார்கள். பையனின் காது தாற்காலிகமாக செவிடாகிவிடும்..

    அதைவிட்டு, “என்னிக்கு தலைமயிரை வெட்டிக்கிறதா உத்தேசம்?” என்பதுபோல் முடிவை அவர்களிடமே விட்டால், ஏதாவது ஒரு தினத்தைக் குறிப்பிடுவார்கள். ஆனால், அன்று மறந்ததுபோலிருப்பார்கள்!

    “இன்னிக்கு என்னமோ பண்ணப்போறதா சொன்னியே!” என்று மறைமுகமாக நினைவுபடுத்தினால் போதும். தம் வாக்கைக் காப்பாற்றுவார்கள்.

    இந்த மனோதத்துவம் புரியாது, எங்கள் பள்ளியிலிருந்த கட்டொழுங்கு ஆசிரியர், கையில் கத்தரிக்கோலுடன், ஏதாவது வகுப்பிற்குள் நுழைவார். மாணவர்ளை தரதரவென்று வகுப்பிற்கு வெளியே இழுத்துச் சென்று, வேண்டுமென்றே தாறுமாறாக வெட்டுவார், `பள்ளி விதிமுறை தெரியாது? சட்டைக்காலரை இடிக்கிறது உன் முடி!’ என்ற வசவுடன்.

    அன்று பூராவும் அந்த மாணவன் ஆத்திரமாக அமர்ந்திருப்பான். எந்தப் பாடத்திலும் கவனம் போகாது.

    கதை: வீட்டில் குழப்பம்

    புத்திசாலியாக, நல்லொழுக்கத்துடன் இருந்தவன் ரசாலி. பதினான்கு வயதில் பெற்றோர்கள் `தரையில் கட்டிப் புரண்டு’ சண்டை போட (அவனே சொன்னது), அவன் நிம்மதி கெட்டது. படிப்பிலும், உடையிலும் அக்கறை போயிற்று. மரியாதையின்றி ஆசிரியர்களையும் எதிர்க்க ஆரம்பித்திருந்தான்.

    ஒரு நாள், நான் அவனை அழைத்து, “உன் தலைமயிரை வெட்டிக்கொள்ள வேண்டும்போல இருக்கிறதே! ரொம்ப நீளமாக இருக்கிறது. ஆசிரியர் பார்த்தால், கன்னாபின்னா என்று வெட்டிவிடுவாரே!” என்றேன் ரகசியக்குரலில்.

    “எப்போ வெட்டிக்கணும்?”

    “இன்னிக்கு?” சும்மா சொல்லிப்பார்த்தேன்.

    “நாளை சனிக்கிழமை. பள்ளி விடுமுறை. அப்போது வெட்டிக்கொள்ளட்டுமா?” என்று கேட்டுவிட்டு, நான் ஒப்பியதும், அதன்படி செய்தான். (`வெட்டிக்கொள்!’ என்று நான் மிரட்டியிருந்தால், கேட்டிருக்க மாட்டான்).

    எந்த விஷயத்திலும் அவர்களே முடிவு செய்வதுபோல் இருக்கச் செய்வது நாம் சொல்வதற்கேற்ப சிறுவர்களை நடக்க வைக்கும் உபாயம்.

    சொல்லி வைத்தாற்போல், திங்கள் காலை அந்த ஆசிரியர் மேலும் இரண்டு உதவியாளர்களுடன் வந்தார். சில மாணவர்களை இழுத்துப்போனார். ரசாலி பெருமையுடன் தலையை நிமிர்த்தியபடி உட்கார்ந்திருந்தான்.

    நாங்கள் ஒருவரையொருவர் பார்த்து நமட்டுச்சிரிப்புச் சிரித்தோம். “தப்பித்தாய்!” என்று ரகசியக்குரலில் கூறினேன், மலாய் மொழியில்.

    அவனும் புன்சிரிப்புடன், `தப்பித்தேன்!’ என்றான். பக்கத்திலிருந்த நண்பனிடம், “டீச்சர்தான் என்னைக் காப்பாற்றினார்கள்!” என்றது எனக்குக் கேட்டது.

    சில வருடங்களுக்குப்பின், நான் அப்பகுதியில் காரை ஓட்டிப்போகையில், ரசாலியைப் பார்த்தேன். ஹார்னை விடாமல் அடித்தேன்.

    சற்றுப் பொறுத்து, “அந்தப் பையனுக்கு ஒன்னைப் பாத்து என்னம்மா அவ்வளவு சந்தோஷம்? ரோடிலே எதுக்கு அப்படிக் குதிச்சான்?” என்று கேட்டாள் என் மகள்.

    வீட்டில் நிம்மதி இல்லாதவன்மேல் சிறிது அக்கறை காட்டினேன். அவ்வளவுதான். ஆனால், அவனைப் பொறுத்தவரை, அது பெரிய விஷயம். நான் அவன் மானத்தைக் காப்பாற்றி இருக்கிறேன்.

    வயதில் இளையவர்களுடன் பழகும்போது, அவர்கள் நிலையில் நம்மை வைத்துப் பார்த்தால், அவர்களைப் புரிந்துகொள்ள முடியும். அவர்கள் நம்மை எதிர்க்கும் சந்தர்ப்பங்களும் குறையும்.

    தொடருவோம்

    Share

  • குறளின் கதிர்களாய்…(183)

    -செண்பக ஜெகதீசன்

    நெஞ்சிற் றுறவார் துறந்தார்போல் வஞ்சித்து
    வாழ்வாரின் வன்கணா ரில்.     (திருக்குறள் -276: கூடாவொழுக்கம்) 

    புதுக் கவிதையில்…

    துறவி என்பவன்
    தூயவனாயிருத்தல் வேண்டும்…
    நெஞ்சினில் பற்றுவைத்து
    நேரில் பற்றற்றவனாய்
    நடிக்கும் துறவியைவிடக்
    கொடியவர் வேறில்லை…! 

    குறும்பாவில்…

    பற்றினை நெஞ்சில்வைத்து பற்றற்றவனாய்ப்
    பாசாங்கு செய்யும் துறவியைவிடக்
    கொடியோர் வேறெவருமிலர்…! 

    மரபுக் கவிதையில்…

    முற்றுந் துறந்த முனிவரென்றே
         -முழுதும் பொய்யாய் நடித்துவிட்டு,
    பற்று மிகுந்த நெஞ்சினராய்
       -பெரிதும் ஆசை கொண்டவராய்
    புற்றில் வாழும் அரவெனவே
    -புரட்டில் திரியும் துறவியைப்போல்
    குற்றம் நிறைந்த கொடியோர்கள்
    -குவலய மீதில் வேறிலையே…! 

    லிமரைக்கூ…

    துறவிக்கு இருக்கக்கூடாது ஆசை,
    பற்றற்றவனாய் நடிப்பது கொண்டுவரும் துறவிக்கு
    கொடியோர்க்கெலாம் கொடியோனெனும் மாசை…! 

    கிராமிய பாணியில்…

    ஒழுக்கம் வேணும் ஒழுக்கம் வேணும்
    மனுசனுக்கு நல்ல ஒழுக்கம் வேணும்,
    எல்லாந்தொறந்த முனிவருண்ணாலும்
    பொல்லாப்பில்லாத ஒழுக்கம் வேணும்…
    மனசுல ஆசய மறச்சிவச்சி
    ஆசயில்லாதவன்போல நடிக்குமந்த
    சாமியாரப் போல
    கேடுகெட்ட கொடியவந்தான்
    யாருமில்ல ஒலகத்தில…
    அதால,

    ஒழுக்கம் வேணும் ஒழுக்கம் வேணும்
    மனுசனுக்கு நல்ல ஒழுக்கம் வேணும்,
    எல்லாந்தொறந்த முனிவருண்ணாலும்
    பொல்லாப்பில்லாத ஒழுக்கம் வேணும்…!

     

     

    Share

  • எமது வாழ்வில் கோவில் – பகுதி II

    மகாதேவஐயர் ஜெயராமசர்மா,

    முன்னாள் தமிழ்மொழிக் கல்வி இயக்குநர்

    (எமது வாழ்வில் கோவில் – பகுதி I)

    கோவில்கள் சமூகத்தின் உயிர்நாடியாகும். கோவில்கள் ஆன்மீகத்தின் உறைவிடமாகும். அறமுரைக்கும் இடமாகாவும்,நீதிவழங்கும் இடமாகவும், சாந்தியினை சமாதானத்தினை வழங்கும் இடமாகவும், எல்லாவற்றுக்கும் மேலாக வாழ்வின் மையப் பொருளான ஆண்டவனையே காணும் இடமாகவும் விளங்குகின்றது என்பது முக்கியமாக  இருக்கிறதல்லவா?

    மனம் நொந்தாலும் கோவிலுக்குப் போவோம். மனம் மகிழ்ந்தாலும் கோவிலுக்குப் போவோம்.  கோவிலுக்குப் போவதால் எங்கள் குணங்களே மாறுகின்றன அல்லவா?கோவிலைச் சாந்தி நிலையம் என்று கூறுவது பொருத்தமாக  இருப்பது போலத் தெரிகிறதல்லவா ?

    சாந்தி தருவது கோவில்.சக்தி தருவது கோவில். ஏங்கிய பேர்களுக்கு என்றும் இன்பம் அளிப்பதும் கோவில். தூங்கிய மனத்தை நாளும் துடித்து எழச்செய்வதும் கோவில். சுந்தரமாய் இருப்பதும் கோவில். சுகத்தை அளிப்பதும் கோவில். வந்திடும் அடியார்களுக்கு மாற்றத்தைத் தருவதும் கோவில். நொந்துநிற்கும் உள்ளங்களை நொடியாமல் செய்வதும் கோவில். மந்திரமயமாய் இருந்து மருளினைப் போக்குவதும் கோவில்கள் அன்றோ !

    கோரயுத்தங்கள் புரிந்து வெற்றிகளைக் குவித்த சோழமன்னர்கள் தான் வானளாவிய கோவில்களைக் கட்டினார்கள். சோழப் பேரரசு காலம் கோவில்களின் பொற்காலம் என்றும் எங்கள் சமயத்தின் உன்னத காலம் என்றும் சொல்லலாம். எத்தனையோ யுத்தங்கள் புரிந்து வெற்றிகளைக் குவித்தாலும் சோழர்காலம் இன்றளவும் போற்றப் படுவதற்குக் காரணம் கோவில்கள் என்பதை யாவரும் ஏற்றுக் கொள்வார்கள். அந்தளவு சோழர்காலத்தில் கோவில்கள் சமூகத்தின் மையநாடியாக விளங்கியது என்பது குறிப்பிடத்தக்க விசயமெனலாம். கோவில்கள் நீதிஸ்தலமாகவும்,  வங்கிகளாகவும்,இலக்கியங்களை அரங்கேற்றும் மன்றமாகவும், மொழிப்பற்றிய கருத்துக்களை அரங்கேற்றும் அவையாகவும், பலவித கலைகளை இணைக்கும் மத்தியாகவும் என அரச சபையினைவிட முக்கியத்துவம் மிக்கனவாகக் கோவில்களே விளங்கி இருந்தன என்பதை வரலாற்றால் அறிகின்றோம். சைவத்தின் கண்களாக விளங்குகின்ற திருமுறைகளே கோவிலில் இருந்துதான் கண்டெடுக்கப் பட்டிருக்கிறது.திருமுறைகள் கோவில் வழிபாட்டின் முக்கியத்துவத்தை மிகவும் சிறப்பாகச் செப்பி நிற்கின்றன,

    கந்தபுராணம், பெரியபுராணம், யாவுமே கோவிலில் தான் அரங்கேற்றம் செய்யப்பட்டன. சேக்கிழார் பெருமானின் பெரியபுராண அடியார்கள் வாழ்வே கோவிலினையே மையமாய்க் கொண்டிருந்தது என்பது மனக்கொள்ள தக்கதாகும்.

    கோவில்களை அடிப்படையாகக் கொண்டே இசை, நடனம்,சித்திரம் சிற்பம், கட்டிடக்கலை யாவும் வளர்ச்சி அடைந்தன. சிற்பக்கலையின் பல்வேறுவித பரிணாமங்கள் கோவில் இல்லாவிட்டால் வந்திருக்குமா என்பது ஐயத்துக்கு உரியதே ! அதே போன்றதே கட்டிடக் கலையுமாகும். பல்வேறுவிதமான நுட்பங்கள் கொண்ட கட்டிடக் கலைகளின் இருப்பிடமாய் கோவில்கள் விளங்கி இருக்கின்றன.  இன்றளவும் இக்கலைகள் கோவில்களை அண்டியே வளர்கின்றன என்பதும் முக்கிய அம்சமெனலாம். சமயம் சார்ந்தவையாக  ஓவியம், சிற்பம் இருந்தாலும் கலைகள் என்னும் விதத்தில் என்றும் சிறப்பினையே தந்துகொண்டு இருக்கிறது என்பது உண்மையாகும்.

    சோழர்களைத் தொடர்ந்து பாண்டியர்கள், பல்லவர்கள் கோவில் கட்டுவதில் பெரிதும் ஈடுபட்டிருக்கிறார்கள். ஆனால் சோழர்காலம் என்பது எங்கள் சமயவரலாற்றிலும் கோவில்கள் வரலாற்றிலும் செல்வாக்கு நிறைந்த காலமாகவே விளங்கியது என்பது வரலாற்று உண்மையெனலாம்.

    சோழர்காலம் மக்களுக்குக் கோவில்கள் எந்தளவுக்கு முக்கியம் வாய்ந்திருந்தது என்பதை வெளிப்படுத்தும் காலமாகவே இருந்தது எனலாம். கலை கலாசாரம் இவைகள் கோயில்களினூடாக  மக்களுக்கு சென்றடையும் என்னும் ஒரு நம்பிக்கை இக்காலத்தில் பிறந்தது என்றே கூறலாம். இதற்கு முதல் அமைச்சராக இருந்த சேக்கிழார் பெருமானும் முக்கிய காரணமாக விளங்குகிறார் எனலாம். அரசர்களை நல்வழிப்படுத்தும் நல் அமைச்சராக சேக்கிழார் அமைந்தமையால் சோழமன்னர்களின் போர்முகம் மாறி அங்கு சமயமும் கோவில்களும் மனத்தில் அமர்ந்து கொண்டுவிட்டது. இதனால் ஆட்சியும் சிறந்தது. அரசர்களும் ஆண்டவன் பக்கம் சென்றார்கள். ஆண்டவனுக்கான கோவில்களும்  எழுச்சி பெற்றன. மன்னர்களின் மனம் கோவிலை நாடவே மக்களும் கோவிலைத் தஞ்சமடைந்தனர். இதனால் ஊர்கள் தோறும் கோவில்கள் எழுச்சி பெற்றன. மக்கள் வாழ்விலே கோவில்கள் தான் முக்கியம் என்னும் ஒரு கருதுகோள் ஊன்றிவிட்டதையே காண்கின்றோம்.

    பெரியபுராணம் உருவானதால் கோவில்களின் முக்கியத்துவமும் அடியார்களின் பெருமையும் யாவருக்கும் தெரிய வந்தது. கோவிலில் செய்யும் தொண்டுகள் எம்மை உய்விக்கும் வல்லமை வாய்ந்தவை என்னும் கரு உருவாவதற்கும் பெரிய புராணம் வழிவகுத்தது எனலாம்.

    ஆண்டவன் சன்னிதானத்தில் அனைவரும் சமமே என்னும் அரிய தத்துவத்தை சமூகத்துக்கு உணர்த்தவும் பெரியபுராணம் வழிவகுத்தது எனலாம். அடியார்களின் வரலாற்றைப் படிக்கின்றவர்கள் நல்ல வழியினை நாடவும் கோவிலைத் தேடவும் கும்பிட்டு மனச்சாந்தி பெறவும் தொடங்கினர் எனலாம்.

    “நிலைபெறுமாறு எண்ணுதியேல் நெஞ்சே நீவா – நித்தலும் எம்பிரானுடைய கோவில் புக்கு ” என்று அப்பர் சுவாமிகளின் அழைப்பினைப் பார்க்கும்பொழுது கோவிலின் இன்றியமையாமை புலப்படுகிறதல்லவா ? நிலைபெறவே யாவரும் விரும்புகின்றோம்.

    அப்படி விரும்பும் எமக்கு அதற்கான உருவை, கருவை, நல்கும் இடம் கோவில்களே தான் என்பதுதான் அப்பரின் வாக்கின் அர்த்தமாய் அமைகிறது. கோவிலைப் பார்த்தவுடன் மனமதில் நல்ல மாற்றம் வந்து விடுகிறது. அந்தக் கோவிலுக்குள் சென்றுவிட்டால் உள்ளுக்குள் எம்மையறியாமலேயே ஒரு புத்துணர்வும் புகுந்து விடுகிறது. மனதிலுள்ள பாரங்கள் எல்லாம் குறைந்து விட்டது போன்ற ஒரு நிலையும் ஏற்பட்டுவிடுகிறது. இவையெல்லம் இந்த  “நிலைபெறுதலில்” அடங்கி இருக்கிறது என்பதை யாவரும் உணர வேண்டும்.

    எதைத் தொடங்குவதாக இருந்தாலும் அதனைக் கோவிலில் வைத்தே தொடங்கும் நிலை உருவானது. திருமணமோ, ஏடு தொடங்கலோ, காது குத்தலோ, புதுத் தொழில் ஆரம்பித்தலோ, புதுமனைப் புகுவிழாவுக்கு உரிய பொருட்களை வைத்து எடுப்பதோ, பிரயாணங்கள் செல்லத் தொடங்கு முன்னர் சென்று வழிபடுதலோ என அனைத்தையுமே கோவில்களில் தான் தொடங்கும் வழக்கம் அன்று தொடங்கி இன்றுவரை நம்மிடம் ஊறிப்போய் இருக்கிறதல்லவா ? இவ்வாறு செய்கின்ற பொழுது இவற்றைப் படித்தவரும் செய்கின்றார். பாமரரும் செய்கின்றார். யாவருடைய மனத்திலும் கோவில் என்பது மிகவும் முக்கியத்துவம் பெற்றுவிட்டது. என்பதையே இது காட்டுகிறதல்லவா ?

    (தொடரும்)

    Share

  • ”வேர்களும் விழுதுகளும்”

    -சிறீ சிறீஸ்கந்தராஜா

     “ஞானம்” நேர்காணல் ஆளுமைகள் பட்டியல் – 01

    கைலாசபதி

    01 –  கார்த்திகேசு சிவத்தம்பி

    02 –  ச. பொன்னுத்துரை

    03 – டொமினிக் ஜீவா

    04 – எம்.ஏ. நுஹ்மான்

    05 –  செ,யோகநாதன்  

    06 –  வ.அ. இராசரத்தினம்

    07 –  அருண் விஜயராணி

    08 –  கே.எஸ். சிவகுமாரன்

    09 –  பொ. பூலோகசிங்கம்

    10 –  இ. அம்பிகைபாகர்

    11 –  த, கலாமணி

    12 –  லெ. முருகபூபதி

    13 –  தி.ச. வரதராசன்

    14 – எஸ். தில்லைநாதன்

    15 – கே. கணேஷ்

    16 – சிற்பி பாலசுபிரமணியம்

    17 –  நா. சோமகாந்தன்

    18 –  பாலசிங்கம் பிரபாகரன்

    19 –  சித்திரலேகா மெளனகுரு

    20 –  புதுவை இரத்தினதுரை

    21 –  எஸ். பொ.

    22 –  தி.ச. வரதர்

    23 –  வீ. அரசு – தமிழ்நாடு

    24 –  பஞ்சாட்சர சர்மா

    25 –  க. குணராசா (செங்கை ஆழியான்)

    26 –  மா. அனந்தராசன்

    27 –  தெளிவத்தை ஜோசப்

    28 –  எம்.ஏ. நுஹ்மான்

    29 –  சு. குனேஸ்வரன் (துவாரகன்)

    30 –  கே.எஸ். சிவகுமாரன்

    31 –  சபா ஜெயராசா

    32 –  ஷோபாசக்தி அன்ரனிதாசன்

    33 –  மா. சண்முகலிங்கம்

    34 –  தி. ஞானசேகரன்

    35 –  திருமதி கார்த்திகா கணேசர்

    36 –  முல்லை அமுதன்

    37 –  திருமதி கார்த்திகா கணேசர்

    38 –  தி. ஞானசேகரன்

    39 –  செ, கணேசலிங்கன்

    40 –  சோ. பத்மநாதன்

    41 –  செ. யோகராசா

    42 –  மு. பொன்னம்பலம்

    43 –  மு. பொன்னம்பலம்

    44 –  தெணியான்

    45 –  ஜின்னா சரிபுத்தீன்

    46 –  இராஜேஸ்வரி பாலசுபிரமணியம்

    47 –  அகளங்கன்

    49 –  ந. செல்வரராஜா

    50 – அன்னலட்சுமி இராசதுரை

    51 –  இளைய அப்துல்லாஹ் – அனஸ்

    52 –  கே. ஆர். டேவிட்

    53 –  வி. ஜீவகுமாரன்

    54 –  அ. சண்முகதாஸ்

    55 –  இரா. உதயணன்

    56 – துரை மனோகரன்

    57 – ஆசி கந்தராஜா

    58 – ந. உதயணன்  

    59 – சோ. சந்திரசேகரம்

    60 – 

    ************* 

    இது தொடர்பான வேறு பதிவுகள்

    இந்நிகழ்வு என் (என் செல்வராஜா) தலைமையில் இடம்பெற்றது. நிகழ்வை முடித்துக் கொண்டு இன்றே தி. ஞானசேகரன் தம்பதிகள் இலங்கை பயணமாகினர்.

    ******

    கவனிக்க: இந்த மின்னூலைத் தனிப்பட்ட வாசிப்பு, உசாத்துணைத் தேவைகளுக்கு மட்டுமே பயன்படுத்தலாம். வேறு பயன்பாடுகளுக்கு ஆசிரியரின்/ பதிப்புரிமையாளரின் அனுமதி பெறப்பட வேண்டும். மின்னூல் மெய்ப்பு: பார்க்கப்படவில்லை

    [தொடரும்]

     

     

    Share

  • படக்கவிதைப் போட்டி 126-இன் முடிவுகள்

    -மேகலா இராமமூர்த்தி

    manintheforest

    நெடிதோங்கிய மரங்களிடை நின்று நிமிர்ந்துபார்க்கும் உயர்ந்த மனிதன்!!

    ஆகா…! மிக அருமையான கோணத்தில் இரசனையோடு இந்தப் புகைப்படத்தை எடுத்திருக்கும் திரு. ராம்குமார் ராதாகிருஷ்ணனுக்கும், சிந்தைகவர் இப்படத்தை இவ்வாரப் படக்கவிதைப் போட்டிக்குக் கச்சிதமாய்த் தேர்ந்தெடுத்துத் தந்திருக்கும் வல்லமை ஃப்ளிக்கர் குழுமத்தின் பொறுப்பாசிரியர் திருமதி. சாந்தி மாரியப்பனுக்கும் என் உளங்கனிந்த நன்றியும் பாராட்டும் உரித்தாகுக!

    வானளவு உயர்ந்துநிற்கும் இம்மரங்கள் இயற்கையன்னை தானளித்த வரங்களல்லவா? வீடு கட்டுவதற்காக அவற்றை அருளின்றி அழித்து அவற்றுக்கு வீடுபேறளிப்பது நமக்கு நாமே அளித்துக்கொள்ளும் சாபம் அல்லவா?

    நிவந்தோங்கிய மரங்களையும் அவற்றை உவந்துநோக்கும் மனிதனையும் குறித்துச் சந்தக்கவி சிந்தவருகின்றார்கள் நம் கவிஞர்கள். அவர்களை அன்போடு வாழ்த்தி வரவேற்கின்றேன்!

    *****

    ”உயர்ந்து வளர்ந்த மனிதா! மனத்தை வளர்ப்பாய் இனிதாய்! மற்றவர் உயர நீ உழைப்பாய் நன்றாய்” என்று வெயிற்கேற்ற நிழலும் வீசுந் தென்றல் காற்றும் நல்கும் நன்மரத்தை ஞானோபதேசம் செய்ய வைத்திருக்கின்றார் திரு. பழ. செல்வமாணிக்கம்.  

    ஞான மரம்:

    உயர்ந்து நிற்கும் மரங்கள் பாரீர்!
    வானளாவ வளர்ந்த அற்புதம் பாரீர்!
    மரங்கள் வளர்ந்து, மண்ணுயிர்க்கு பயன் தரும்!
    மனிதன் வாழ அழகான வீடு தரும்!
    சுடு வெயில், தான் ஏற்று  மற்றவர்க்கு நிழல் தரும்!
    உண்ணக் கனி தரும்!
    எழுதத் தாள் தரும்!
    தீயில் தான் எரிந்து
    வெளிச்சம் தான் தரும்!
    நச்சுக் காற்றைத் தான் உண்டு
    நல்ல காற்றை நமக்குத் தரும்!
    மரங்கள் பூமியில் இருந்ததற்கு
    நல்ல ஆதாரங்கள் எத்தனை! எத்தனை!
    காற்றாய், கனியாய், ஒளியாய்,
    நிழலாய், வீடாய், மழையாய்!!!
    மரம் சொன்னது, வியந்து நின்ற என்னைப் பார்த்து!
    “உயர்ந்து, வளர்ந்த மனிதா!
    மனதை வளர்ப்பாய் இனிதாய்!
    மற்றவர் உயர, என்றும் உழைப்பாய்”
    புத்தனுக்கு ஞானம் வந்தது
    போதி மரத்தடியில்!
    எனக்கும் தெளிவு வந்தது!
    இந்த மரம் சொன்ன வகையில்!!!!
    மனித மனங்களும், உயர வேண்டும்!
    இந்த மரங்களைப் போல!

    *****

    இலைவளம் மிகுதல் இயற்கைவளத்தின் அடையாளம்; கலைவளம் மிகுதல் மனிதனின் சிந்தனைச் செம்மையின் அடையாளம். மண்ணில்காணும் கண்ணைக்கவரும் காட்சிகளனைத்தும் அந்த மாதவனின் அற்புதத்தின் அடையாளம் என்று அதிசயிக்கின்றார் பெருவை திரு. பார்த்தசாரதி.

    சிந்தனை வளம்..!

    மலைவளமுடன் வயல்வெளி காடும்வளம் பெருக..
    ……….மாதமும்மாரி மழைதவறாது பொழிந்திருத்தல் வேணும்.!
    நிலவளம் கொண்டிருப்பின் செடிமரங்கள் செழிப்புடன்..
    ……….நெடிதாக விண்ணைமுட்ட வானுயர்ந்து வளந்திருக்கும்.!
    இலைவளம் மிகுந்தாலது….மண்ணினுள் ஒளிந்திருக்கும்..
    ……….இயற்கைவளம் என்பதின் அடையாளம் போலாகும்..!
    கலைவளம் பெருகவே மாந்தரின் எண்ணமுயெழுத்தும்..
    ……….கடுமழைபோல் சிந்தனையூற்றாக மனதில் பெருகவேணும்.!
    மண்ணெனும் தாயும் வானமெனும் தந்தையுமிணைந்து..
    ……….மனமுடனீயும் ஈகைப் பெருந்தன்மைதான் இயற்கை.!
    மண்ணில்காணும் கண்ணைக் கவரும் காட்சிகளாவும்..
    ……….மாதவன்படைத்த கணக்கற்ற அற்புதங்களில் ஒன்றாகும்.!
    பெண்ணின் இடைபோன்று சிறுத்துயர் வளர்ந்தோங்கிய..
    ……….பெருமரங்களடந்த பெருவெளி இயற்கை நடுநின்று..
    எண்ணில்..? இவையனைத்தும் எழும் சிந்தனையில்..
    ……….ஏற்றிப் பற்றுமிகின்.?…பாவலர்க்கெளிதிலது பாவாகும்.!

    *****

    ஏதோ மனிதன் பிறந்துவிட்டான்; அவன் ஏனோ மரம்போல் வளர்ந்துவிட்டான் என்ற ’பனித்திரை’ திரைப்பாடலை அடியொற்றித் தன் பாடலை எழுதியுள்ள திரு. ரா. பார்த்தசாரதி, இப்பாடலில் மரம் தன் பயன்களைத் தானே பட்டியலிட்டு மனிதனுக்கு நல்லறிவு கொளுத்துவதை நயம்பட உரைத்துள்ளார்.

    ஏதோ மனிதன் பிறந்துவிட்டான் , மரம்போல் வளர்ந்துவிட்டான்
    எதிலும் ஐயம்,எதிலும் அச்சம் எதற்கெடுத்தாலும் வாதாடுகின்றான்
    மரத்தின் அருமையினை அவன் எண்ணிப் பார்ப்பதில்லை
    இயற்கையில் மரம் அதிகமானால் மழைக்குப் பஞ்சமில்லை
    மரங்கள் வளர்ந்து, மணல் அரிப்பைத் தடுக்கின்றதே
    மரங்கள் வளர்ந்து மனிதனுக்கு நிழலை தருகின்றதே
    மரங்கள் வளர்ந்து மனிதனுக்கு வீடுகட்ட உதவுகின்றதே
    மரங்களின் இலைகள் விலங்கிற்கும்,நிலத்திற்கும் பயன்படுகிறதே!
    இயற்கை அன்னை தந்தது எல்லாம் மனிதனுக்குச் சொந்தமடா
    எனது, உனது என்பது இடையில் மாறும் பந்தமடா
    மரங்களை வெட்டி, சுற்றுச் சூழலை பாழ்படுத்துகிறாய்
    என்னை வெட்டி, நாட்டையும், வீட்டையும் கெடுக்கின்றாய்!
    மனிதனே, நானே உனக்கு எழுதத் தாள் தருகின்றேன்
    உண்ணக் கனிகளையும், என்னை எரித்து வெளிச்சம் தருகின்றேன்
    நான் அசைந்து தென்றல் போல் இதமான காற்றைத் தருகின்றேன்
    என் இலைகள் மருந்தாகவும், எருவாகவும் பயன்படுகின்றதே!
    மனிதனே, நின்ற இடத்தில் என்னை அண்ணார்ந்து பார்க்கின்றாய்
    என்னை நினைத்தாலே உன் மனதில் தெளிவு காண்பாய்
    மனிதனே, வீட்டுக்கு வீடு மரம் வளர்க்க ஆர்வம் கொள்வாயா?
    சுற்றுச் சூழலைக் காக்க நானே சிறந்தவன் என எண்ணமாட்டாயா?

    *****

    மரங்களை அழிப்பதால் மனிதர்கள் தமக்குத்தாமே பேரழிவைத் தேடிக்கொள்வதைக் கவிஞர்கள் பலரும் படிப்போர் மனங்கொளத்தக்க வகையில் இடித்துரைத்துள்ளனர் தம் கவிதைகளில். பாராட்டுக்கள்!

    இனி, இவ்வாரத்தின் சிறந்த கவிதையாய்த் தெரிவுபெற்றிருப்பது நம் பார்வைக்கு…

    வாழுகின்ற தேசம் எண்ணி வருந்துகின்றேன்
    வாராதா வசந்தம் என்றெண்ணி ஏங்குகிறேன்
    ஆளுகின்ற வர்க்கம் கண்டு அஞ்சுகின்றேன்
    கால்பரப்பி நின்றிங்கு கதறுகின்றேன்

    கனவுகொண்ட கண்களிங்கே இருளக் கண்டேன்
    கல்விகூட எமனாக மாறக் கண்டேன்
    முகிழ்க்காத அரும்புகளும் உதிரக் கண்டேன்
    முகம்திருப்பி மனம் வெதும்பி அரற்றுகிறேன்

    ஊழலிங்கு நதியாக ஓடக் கண்டேன்
    ஊருணியும் ஆறுகளும் வாடக் கண்டேன்
    பயிர்வளர்க்கும் விவசாயி மடியக் கண்டேன்
    உயிர் சுமந்த வலியாலே துடிக்கின்றேன்!

    காடான நாடிதனை மாற்றி அமைப்போம்
    கலாமின் வல்லரசைக் கட்டி முடிப்போம்
    உற்ற துயர் அத்தனையும் முடித்து வைப்போம்
    உயரட்டும் நாடென்றே ஓங்கி ஒலிப்போம்!

    ”செந்தமிழ் நாடுதனில் கற்றகல்விகூட எளியோர்க்கு அவர் விரும்பும் படிப்பைப் பெற்றுத்தர உதவவில்லை; சாகுபடி செய்தவனைத் தயவின்றிச் சாகும்படிச் செய்கின்றோம். ஊழலே ஊரெங்கும் ஆறாய்ப் பெருக்கெடுத்து ஓடுவதால் சூழலிலே இனிமையில்லை” என்று தனிமையில் கானிடைநின்று கதறும் ஆடவனைத் தன் கவிதையில் காட்சிப்படுத்தியுள்ள திரு. கொ.வை. அரங்கநாதனை இவ்வாரத்தின் சிறந்த கவிஞராய் அறிவித்துப் பாராட்டுகின்றேன்.

    Share

  • புத்தரும் பெரியாரும்

     முனைவர். ஜ.பிரேமலதா,

    தமிழ்  இணைப் பேராசிரியர்,

    அரசு கலைக் கல்லூரி,

     சேலம் -636 007

    முன்னுரை

    இன்றிலிருந்து 2500 ஆண்டுகளுக்கு முன்னர்வாழ்ந்திருந்த சித்தார்த்தர்என்கிற கௌதம புத்தருடைய கருத்துக்களும் 20ம் நூற்றாண்டில் பிறந்த ஈ.வெ.இராமசாமி என்கிற பெரியாருடைய கருத்துக்களும் பெரிதும் ஒத்துப் போகின்றன.

    புத்தரும் பெரியாரும் மனிதநேயம், அன்பு, சுய சிந்தனை, நேர்மை,  பற்றின்மை, சமூக அக்கறை, பெண்ணுரிமை, சமயம், மதக்கருத்து போன்ற பல கருத்துக்களில் ஒன்றுபடுகிறார்கள். இருவரும் சிறந்த அரசியல் முற்போக்காளர்களாகக் கருதத்தக்கவர்கள். மனிதனை மனிதனாகப் பார்க்கக் கற்றுக் கொடுத்தவர்கள். போலித்தனமற்றவர்களாக வாழ்ந்தவர்கள்;. எடுத்த முடிவில் இறுதிவரை உறுதியாக நின்றவர்கள். சுய சிந்தனையாளர்கள். அவ்வகையில் இக்கட்டுரை இருவருடைய கொள்கைகளிலுள்ள ஒற்றுமைகளை ஆராய்கிறது.

    வாழ்க்கை ஒற்றுமையடிப்படையில் பார்க்கும் பொழுது, தனக்குரிய அரச பதவியையும் போகத்தையும் துறந்து  பத்தொன்பதாவது வயதில் சித்தார்த்தர்புத்தராகிறார். பெரியாரும் தன்னுடைய செல்வச் செழிப்பான குடும்பத்திலிருந்து விலகி 25ம் வயதில் துறவறம் மேற்கொள்கின்றார்.

     திருமணத்திற்குப் பிறகு இருவரும் துறவறத்தைத் தேர்ந்தெடுப்பதில் ஒன்றுபடுகின்றனர். எனினும் அவர்களின் மனைவிமார்கள் இதற்குக் காரணமில்லை. சுஜாதையும் நாகம்மையும் உயர்வானவர்களே. இருவரும் கணவனுடைய கருத்திற்கு ஒத்துப் போகிறார்கள். பிற்காலத்தில் கணவருடைய பாதையைப் பின்பற்றுகிறார்கள்.  புத்தரும் பெரியாரும்  துணிவுடன் செயல்படுதலில் தாங்களே வழிகாட்டியாக உள்ளனர். செல்வத்தில் பற்றின்மை என்பதில் இருவரும் ஒத்துப் போகின்றனர். தம்மைச் சுற்றியுள்ளவற்றை நேரடியாகக் கண்டு அவற்றின் தன்மைகளைப் புரிந்துகொண்டு வினையாற்றுவதே இருவரின்; அணுகுமுறையாக இருந்துள்ளது. சிக்கல்கள் யதார்த்தமானவை, நம் கண்முன் நிகழ்பவை. அவற்றுக்கு அசாதாரணமான வழிகளில் தீர்வு கண்டுவிடமுடியாது என்று  நினைத்தனர்.  இருவரும் வாழ்நாள் முழுவதும் தம் கருத்துக்களை மக்களுக்குப் போதித்து வந்துள்ளனர். கிட்டத்தட்ட 80 ஆண்டுகள் வரையிலும் வாழ்ந்துள்ளனர். இருவரும் மனித வாழ்க்கை மற்றும் உலக நடப்புகள் பற்றி பல ஐயங்கள் கொண்டனர். உலக துன்பங்களிலிருந்து மனிதகுலம் விடுபட வேண்டும் என்பதில் உண்;மையான அக்கறை கொண்டிருந்தனர். இருவருடைய உள்ளத்திலும் உயிர்களிடத்தில் அளவற்ற பரிவிருந்தது. மனிதரின் இயல்பு உன்னதம் பெற வேண்டும். மனித வாழ்க்கை சுதந்திரம் பெறவேண்டும் என்று விரும்பினர். ஆழ்ந்த சிந்தனையாளர்களாக விளங்கியுள்ளனர்.

    ஞானம் பெற்ற பின்னர் சமுதாயச் சீர்திருத்தமே முதலில் செய்யவேண்டியது என  புத்தர்நினைத்திருக்கிறார். எனவேதான், தான் ஞானம் பெற்ற நிலையில் தனக்கான சீடர்களை உருவாக்கி அவர்களிடம் போதனைகளைப் பரப்பினார். அதன் பின்னரே சங்கம் அமைத்தார். அதை ஒரு இயக்கமாக மாற்றினார்.  புத்தர் எந்தவொரு மதத்தையும் நிறுவவவில்லை. என்னிடம் வாருங்கள், நான் உங்களை மீட்கிறேன் என்று சொல்லவில்லை. ஒரு புத்தரால்கூட வழியை மட்டுமே காட்டமுடியும், நீங்கள்தான் உங்கள் பாதையைத் தேர்ந்தெடுத்துக ;கொள்ளவேண்டும் என்கிறார்(பி.எஸ்.ஆச்சார்யா. ப.96). ”பௌத்த சமயம் கொள்கைப் பிடிவாதம் கொண்டதில்லை. அதைப் பின்பற்றுவோர்களிடம் அது அதன் போதனைகளை விமர்சன நோக்குடன் பார்க்காமல் அப்படியே ஏற்றுக்கொள்ளக்கூடாது என்றும் அவர்கள் அதை எப்போதும் தங்கள் சொந்த அனுபவத்தின் துணையுடன் சோதித்துப் பார்க்க வேண்டும் என்றும் அறிவுறுத்துகிறது. அதைப் பின்பற்றுவோரிடம் தொடக்கக் காலக் கட்டங்களில் சில அடிப்படையான போதனைகளை நம்பிக்கையின் பேரில் ஏற்றுக் கொள்ளுமாறும், ஆக்கபூர்வமான, திறந்த மன மனோபாவத்தைக் கைக்கொள்ளுமாறும் அது கேட்டுக்கொள்கிறது; என்றாலும்கூட அதன் அக்கறை கோட்பாடுகளை வழக்கங்கள் ஏற்றுக்கொள்ளப்படுவதில் இருப்பதை விடப் புரிந்து கொள்வதை வளர்ப்பதில் இருப்பது அதிகமானது. பௌத்த சமயம் அதைப் பின்பற்றுவோர் மீது பாவ மன்னிப்பு சார்ந்த நிபந்தனைகளைச் சுமத்துவதில்லை.

    சிறுபான்மைக் குழுக்கள் தங்கள் தனிப்பட்ட பண்பாட்டு மரபுகளைப் பராமரிக்கும் சமூகச் சூழ்நிலையில் ஒரு பௌத்தனாக வாழ்வது எளிதாகிறது.”என்கிறார் தாமியென் கோவ்ன்.(பௌத்தம் ப.172-173 )

     புத்தரின் போதனைகளில் இரகசியம் என்று எதுவும் இல்லை. பூகட்டு என்று எதுவும் இல்லை.; சடங்குகள், சம்பிரதாயங்கள்  இல்லை. சமூகத்திலிருந்த மூட பழக்கவழக்கங்களை உற்று நோக்கிய பின்னரே அவற்றை அறிவு பூர்வமாக விமர்சிக்கிறார்.

    ஜென், யோகா, தவம் போன்றவற்றுக்கும் புத்தருக்கும் தொடர்பில்லை. பௌத்தம் என்பது ஒரு வறட்டுத் தத்துவப் பிரிவு மட்டுமே அல்ல. புத்தருக்கும் அதிசயங்களுக்கும் அற்புதங்களுக்கும் தொடர்பில்லை. மந்திர உச்சாடனங்களுக்கு பௌத்தத்தில் இடமில்லை.) இதே கருத்துடையராகவே பெரியார் சமூகத் தொண்டில் சமுதாயச் சீர்திருத்தமே முதலில் செய்யவேண்டுமெனத் திட்டமிட்டார். முதலில் சமூக விடுதலை அதாவது சமுதாயத்தைப் பிடித்துக் கிடக்கும் பிற்போக்குக் கொள்கைகள் குருட்டு நம்பிக்கைகள் கடவுளின் பெயராலும் மக்களிடையே நிலவி நிற்கும் குருட்டுத்தனமான எண்ணங்கள் ஆகியவற்றிலிருந்து மக்களை விடுவிக்க வேண்டும் என்று நினைத்துள்ளார்.

    தலைவிதி.முற்பிறப்பில் மோட்சம் நரகம் என்கிற பொய்மைகளை மக்கள் எண்ணத்திலிருந்து அவர்கள் முற்றிலுமாக விடுபட வேண்டும். .அத்தகைய விடுதலைகளுக்குப் பிறகே மக்களை எதையும் சிந்தித்துப் பார்த்து முடிவெடுக்கும் ஆற்றல் மிக்கா;களாக அறிவு நிரம்பியவர்களாக மாற்றிய பிறகே அரசியல் விடுதலை பொருளாதார விடுதலை என்றார்.

    முன்னது பெறா முன்னர் பின்னவை இரண்டும் அவ்வளவு எளிதில் கைகூடா. கைகூடினாலும்  அவற்றின் உண்மையான பயனை மக்கள் துய்க்க முடியாது என்ற முடிவுடன் காங்கிரசு இயக்கத்திலிருந்து விலகிச் சமுதாயத் தொண்டு செய்வதே தம் பணி எனப் பெரியார் தம்மை மாற்றியமைத்துக் கொண்டார் என்கிறார்பண்ணன்(ப.45);.

    பெரியாரும் புத்தரைப் போலவே முதலில் தம் கருத்துக்களை மக்களிடம் பரப்பினார். அவருடைய எழுத்தும் பேச்சும் மக்கள் இலக்கியங்கள் ஆயின. குறிப்பாகப் பேச்சு நடை மக்கள் மொழியிலேயே அமைந்தது. மக்களிடம் அரசியலையும் சமயத்தையும் வாழ்;க்கையையும் விளக்கிப் பேசியவர் . தம்முடைய கருத்துக்களின் உள்ளடக்கத்திற்கு சுயமரியாதை இயக்கம்பகுத்தறிவு வாதம் என்றெல்லாம் பெயர் தந்தார். தம் சிந்தனைகளை இயக்கமாக நடத்தினார். பெரியார் எந்தவொரு மதத்தையும் நிறுவவவில்லை. தான் சொல்வதை அப்படியே ஏற்றுக் கொள்ள வேண்டுமெனக் கூறவில்லை.

    பகுத்தறிந்து எதையும் கேள்விகள் கேட்டு தெளிவான பின்னரே கடைப்பிடிக்கும்படி கூறினார். தொடக்கக் காலத்தில்; ஈ.வே.ராமசாமி பெரியார் தமிழ்ச் சமூகத்தைக் கூர்ந்து நோக்கும் ஆராய்ச்சியாளராகவம் இழிநிலையில் இருக்கும் மக்களுக்காகப் போராடும் தலைவராகவும் போராளியாகவும் விளங்குகின்றார். குறிப்பாக, அவர் செய்த சமூகத் தொண்டில் சாதி மத ஏற்றத் தாழ்வுகளை அகற்றுவது முக்கியப் பணியாக இருந்தது. கடவுள் மறுப்பு மத எதிர்ப்புப் போன்றவை கூடவே தொடாந்துள்ளன. சாதி மனப்பான்மை, சாதிக் கொடுமைகள் ஆகியவற்றிற்கு மூலம் யார் அல்லது எது? என்று உணர்ந்து பெரியார்அந்த அடிப்படைகளை எதிர்த்து அதில் ஏற்பட்டுள்ள குற்றங்களை எடுத்துக்கூறியும் பேசியள்ளார்.

    இந்தியாவிலும் தமிழகத்திலும் சாதி வேறுபாடுகள் உருவானதற்குக் காரணமாய் இருக்கும் சமூக அமைப்பகளையும் பெரியார்கண்டித்துப் பேசுகிறார் சாதி, சமயம், கொள்கை போன்றவற்றாலும் சுயநலத்தாலும் பிரிந்து கிடக்கிற தமிழர்களிடையே தோன்றுகிற அறிஞாகளாலும், சமய, சாதி இலக்கியங்களாலும்; சமயவாதிகளாலும் பயன் ஏற்பட முடியாது என்பது பொpயாhpன் கருத்தாக இருந்தது. எனவே உருவாகிற அறிவியல் சமூக நன்மைகள் மக்களுக்குப் பயன்பட வேண்டுமெனில் சாதி, சமய மனப்பான்மை போன்ற பண்புகள் நீங்கிட வேண்டும் என்பதை வலியறுத்தும் வகையில் பெரியார்பேசியுள்ளார். மனிதர்களைப் பொதுவில் வைத்து எண்ணுகின்ற இப்போக்கை புத்தத்திலும் பார்க்கமுடிகிறது.

    மனிதர்களைப் பற்றி ஆராய்கின்ற நிலையையே புத்தத்தில் பார்க்க முடியும். மனிதத்தைத் தாண்டி அது சிந்திக்கவில்லை.புத்த மதம் நடப்பு இயல்புகளை அடிப்படையாகக் கொண்டுள்ளது. கருத்து முதல்வாதத் தன்மை அதில் இல்லை. அனைவருக்கும் சுதந்தரம், சமத்துவம்,வாய்மை மற்றும் நீதியை உயர்த்திப் பிடிக்கிறது. மனித நேயம், அன்பு, சமாதானம் ஆகியவற்றை வலியுறுத்துகிறது.

    பவுத்தத்தில் சாமி இல்லை; சடங்கு இல்லை; சாதி இல்லை; மாயம் இல்லை; மந்திரம் இல்லை; பூஜை இல்லை; பிரார்த்தனை இல்லை; எல்லாவற்றுக்கும் மேலாய் தனி உடைமைச் சுரண்டல் இல்லை; இவைகளில் எதுவொன்று இருப்பதும் பவுத்தம் இல்லை. மாறாக, பவுத்தத்தில் அன்பு உண்டு, அறிவு உண்டு, சமத்துவம் உண்டு, சமதர்மம் உண்டு, ஒழுக்கம் உண்டு, இரக்கம் உண்டு, வீரம் உண்டு, விவேகம் உண்டு, இவைகளில்  எதுவொன்று இல்லாததும் பவுத்தம் இல்லை. இக்கருத்துக்கள் அனைத்தும் பெரியாரியத்திற்கும் பொருந்தும். பவுத்தம் என்பது ஆராய்ந்து புத்திக்குச் சரி என்றுபட்டால் மாத்திரம் ஏற்பது. உதாரணம், புத்தர் கூறியது: எனக்கும் கடவுள் என்பதற்கும் எவ்வித சம்மந்தமுமில்லை.

    நான் சாதாரண மனிதன். நான் சொல்பவை என் அறிவுக்கு, ஆராய்ச்சிக்கு எட்டியவைகளேயாகும். அவற்றை நீங்கள் ஆராய்ந்து பார்த்து உங்களுக்குச் சரியென்று பட்டால் அதை ஏற்றுக் கொள்ளுங்கள்; சரியில்லை என்று தோன்றினால் அதை விட்டு விடுங்கள் என்பதாகும். இன்னமும் விளக்கமாக, நான் கூறுகிறேன் என்பதற்காக நம்பி விடாதே. எதையும் உன் புத்தியைக் கொண்டு ஆராய வேண்டும். இல்லையேல், நீ பகுத்தறிவு கொண்ட மானிடன் அல்லன் என்றும் கூறி இருக்கிறார். (பி;.எஸ்.ஆச்சார்யா. 56) எனவே, எப்பொருள் யார்யார் வாய்க் கேட்பினும் அப்பொருள் மெய்ப்பொருள் காண்பதறிவு என்பது பவுத்தம் எனலாம். பேளத்தத்தைப் பற்றிக் கூறுமிடத்து, ”எதுவானாலும் அறிவைக் கொண்டு ஆராய்ந்து பயமில்லாமல் தர்க்க ரீதியாக விவாதிக்க வேண்டும். அவன்தான் பௌத்தன். அதுதான் பவுத்தம்.” என்கிறார் பெரியாரும். (பௌத்தநெறி ப.13)

    அதுபோலவே, பெரியாரும்   சமயம் மதம் தொடர்பான கருத்துக்களில் இவ்வாறே கூறுகிறார். மதம் பற்றிக் கூறும்போழுது தம் கருத்தைக் கட்டாயமாக்காமல் மக்களுடைய சிந்தனைக்கே விடுகிறார். தம்முடைய கருத்தில் உண்மை இருப்பதை ஒத்துக்கொண்டால் பின்பற்றும்படியம் அன்றேல் விலகி விடும்படியம் கூறுகிறார். அவருடைய கடுமையான விமாpசனங்களினூடே இத்தகைய ஆழ்ந்த பக்குவமும் காணப்படுகிறது. நான் சொல்வது, உங்கள் அறிவு ஆராய்ச்சி பக்;தி, அனுபவம் இவைகளுக்கு ஒத்துவராவிட்டால் தள்ளிவிடுங்கள்; ஒத்துவந்தால் காhpயத்தில் கொஞ்சமாவது செய்ய முற்படுங்கள். உங்கள் சகோதரா;களுக்கும் இதைச் சொல்லி அவா;களையும் ஈடேற்றுங்கள். என்றுதான் நான் சொல்லுகிறேன். இப்படிச் சொல்வதனால் எனக்கு இதில் ஒரு சுயநலப் பலனும் இல்லை என்பதையும் அறியுங்கள்(தொ.3 ப.1352) என்கிறார்.;  கடவுளின் பெயரால் அமைக்;கபட்டுள்ள அனைத்து மதங்களையும் இருவரும் மறுக்கின்றனா;. மனித சமூகத்திற்கு அவை தீங்கிழைப்பதாகக் கூறுகின்றனா;. மக்கள் வேதனைப்படுகிறார்கள்; என்றால் அதற்கு ஒரு காரணம் இருக்கிறது; அந்தக் காரணத்தைக் கண்டறியமுடியும்; அகற்றமுடியும் என்று உணர்தல். வேதனையைக் கண்டு ஒதுங்காமல், ஓடாமல், ஒளியாமல் இருத்தல். வேதனை குறித்த வியாக்கியானங்களோடு நின்றுவிடாமல் துணிவுடன் போராடுதல். இவையே ஒரு பகுத்தறிவுவாதியின் செயலகளாகும்;. புத்தர் இதைத்தான் செய்தார்.

    எண்ணற்ற யுகங்களுக்குப் பிறகு இதுவே எனது கடைசிப்பிறவி. தேவர்களிலும், மனிதர்களிலும் நான் ரொம்பவும் அருமையானவன். முதிக்கத்தக்கவன். இந்த தேவர்களையும், மனிதர்களையும் பயனடையச் செய்வேன். புலனுணர்வு கொண்ட அனைத்து உயிர்களையும் அழிவில் இருந்து காப்பாற்றுவேன் என்று புத்தர்கூறுகிறார். (பி.எஸ். ஆச்சார்யா, ப.11) இவை புத்தருடைய வாழ்க்கை காட்டும் பாதை. பெரியாரும் இந்த உலகம் சீர் கெட்டிருக்கிறது. இதைச் சீர் செய்ய யாரும் முன் வரவில்லை. நான் முன் வந்தேன் என்கிறார். இருவருடைய தத்துவமும் இயங்கியல் தன்மை கொண்டது. அறிவியல்பூர்வமானது. அனைத்தையும் தழுவிச் செல்வது. அறிவுக்கும் தர்க்கவியலுக்கும் பொருந்தக்கூடியது. அறவொழுக்கம் சார்ந்தது. மனித நேயம் மிக்கது.

    பிறவி குறித்த கருத்தாக்கத்தில் பார்க்கும் பொழுது, புத்த மதம் பிறவிக் கோட்பாட்டை ஏற்பதில்லை.மாறாக, இங்கு இந்தப் பிறவியிலேயே அடையக்கூடிய வாழ்க்கை அனுபவத்தைப் பற்றி கூறுகிறது. பெரியாரும் பிறவிக் கோட்பாட்டை எதிர்க்கிறார். அது மக்களை சிந்திக்கவிடாமல் செய்யும் ஒரு கோட்பாடு என்பது அவருடைய எண்ணம். உங்கள் இலட்சியங்களை அடைய முயலுங்கள்; மற்றொரு பிறவிக்கு என்று அயோக்கியர்களின் வார்த்தைகளை நம்பி எதிர்பார்த்துக்கொண்டு வீணாய் ஏமாந்து போகாதீர்கள்.

    முன்பிறவி சங்கதி ஏதாவது ஒன்று, உங்கள் சாPரத்திலிருந்து உதிர்ந்த ஒரு மயிர்த்துண்டாவது உஙகளுக்கு இந்தப் பிறப்பில் ஞாபகமிருந்தால் அல்லவா இந்தப் பிறவியின் காரியஙகளை அடுத்த பிறவியில் அனுபவிக்க முடியப்போகின்றது? அன்றியும் கடவள் உங்களை இப்படிச் செய்துவிட்டார் என்று முட்டாள்தனமாய்க் கருதி உங்கள் துன்பத்தைநிலை நிறுத்தாதீ ர் கள். உணர்ச்சியும் அறிவம் அற்ற சோம்பேறிகளுக்குத்தான் கடவள்செயல் பொருத்தமாக இருக்கும்(தொ.3.ப.1402) என்பது பெரியாரின் சிந்தனையாக அமைகிறது

    பெண்கள் நிலை –  பெண்கள் நிலையிலிருந்து பார்க்கும் பொழுது,பெண்களுக்கு கல்வி உரிமை மறுக்கப்பட்டதற்குக் காரணம், அவர்கள் அறிவற்றவர்கள் என்ற மதக் கருத்துதான். பெண்ணிற்குக் கல்வியில்லை என ஒதுக்கி வைத்து, அறிவு இல்லாத காரணத்தால் அசுத்தமானவள் என்று பரப்புரை செய்யப்பட்டு, பிரம்மத்தை அடைவதற்கான ஒரு பாதையான துறவறத்தை ஏற்பதற்கும் அனுமதி மறுக்கப்பட்டிருந்தாள்.

    துறவற வாழ்க்கையில் பெண்களை அனுமதித்ததன் மூலம் புத்தர், அறிவு பெறுவதற்கான வாய்ப்பைப் பெண்களுக்கு நல்குகிறார். பெரியார்காலத்திலும் பெண்கல்வி மறுப்பு தொடர்ந்திருக்கிறது. எனவே பெரியார்பெண்களின் கல்வி உhpமை குறித்தும் மகளிர்க்குச் சொத்துரிமை குறித்தும் பேசியுள்ளார். கல்வி அறிவில் விருப்பம் கொள்ளுங்கள். வீரத் தாய்மார்களாக ஆகவிருப்பப்படுங்கள்! நீங்கள் மாறினால் உங்கள் கணவன்மார்களும் மற்ற ஆண்களும் மாற்றம் அடைவது வெகு சுலபம். ஆண்கள் உங்களைத்தான் பிற்போக்காளிகள் என்று உங்கள் மீது பழி சுமத்தி வருகிறார்கள். அப்படிச் சொல்லுக்கு ஆளாகாதீர்கள். எதிர்காலத்தில் -இவள் இன்னாருடைய மனைவி என்று அழைக்கப்படமாட்டாது இவா; இன்னாருடைய புருஷா; என்ற அழைக்கப்படவேண்டும். அந்த நிலைக்கு உங்களைக் கொண்டுவர அனுதினமும் பாடுபட்டுவரும் திராவிடர் கழகத்தை நீங்கள் அனைவரும் ஆதரித்து வரவேண்டும் (தொ.1 ப.177) என்கிறார் பெரியார்.

    துறவற நிலை – துறவற நிலையிலும் ஒன்றுபடுகின்றனர். ;.புத்தர்துறவு பூண்டாலும், துறவறம் பூண்டு உடலை வருத்திக்கொள்வது வேதனையைத் தரும், தேவையற்றது, பலனளிக்காதது என்கிறார் உபநிஷத்தையும் மோட்ச நம்பிக்கைகளையும் புத்தர் புறம் தள்ளினார். அந்த வகையில், புத்தர் ஒரு யதார்த்தவாதியாகவும் பகுத்தறிவுவாதியாகவும் திகழ்ந்தார்.

    தன்னால் நேரடியாகக் கண்டு, கேட்டு, உணர முடிந்த விஷயங்களுக்கு மட்டுமே அவர் எதிர்வினை புரிந்தார். பிரபஞ்சப் பொருள்களின் தோற்றம் குறித்த தத்துவார்த்த ஆய்வுகளையும் இறப்புக்குப் பிறகான காலகட்டம் குறித்தும் கவலைப்படுவது தேவையற்றது என்றார் புத்தர். தந்தையிடம் கோபித்துச் சில காலம் துறவியாக வாழ்ந்தமையால ;செல்வத்தில் திளைத்துச் சிறிதும் பசிப் பிணி அறிந்திராத பெரியார் காசியில் எச்சிலைக்கு ஏங்கி நின்ற நிலையில் துறவறத்தை துறந்தார். உலக துயரங்களைத் தீர்க்காத இது போன்ற துறவறத்தால்; பயனற்றது என உணர்ந்து இல்லறத்திற்குத் திரும்பினார். தன்னுடைய மனைவி நாகம்மையையும் பகுத்தறிவுப் பாதையில் நடத்தி சமுதாய விடுதலைப் பேராட்டத்தில் ஈடுபடுத்தினார்.  மதத்தின் பெயராலும், சாதியின் பெயராலும், கடவுளின் பெயராலும் மக்கள் அனுபவித்து வரும் பல்லாயிரக்கணக்கான துயரத்தை இருவரும் கண்டு அதற்கான தீர்வுகளைக் கூறிச் சென்றுள்ளனர். மனிதர்கள் தங்களின் துன்பத்திற்கான காரணத்தை ஆராய்ந்து அதைத் தீர்க்க தாங்களே முன் வரவேண்டும் என்று இருவரும் கூறுகின்றனர். தனது உடலில் பாய்ந்திருக்கும் அம்பு எங்கிருந்து வந்தது என்றோ அதை யார் செய்தது என்றோ ஆராய்ந்து கொண்டிருப்பது மடத்தனம். உடனே அதனைப் பிடுங்கி எறிய வேண்டியதுதான் புத்திசாலித்தனம் என்றார் புத்தர்.

     தீண்டத்தகாதாரைத் தங்கள் இழிவிற்கு எதிராகப் போராட வேண்டும் என்கிறார். பெரியாரும், உண்மையான விடுதலைஉங்களுக்கு வேண்டுமானால் உங்கள் இழிவிற்கும் அடிமைத்தனத்துக்கும் அஸ்திவாரமான ஆதாரத்தை அழிக்க நீங்கள் தைரியம் கொள்ள வேண்டும் என்கிறார் (தொ.1ஃ ப.71). பிறருக்காக உழைப்பது, இருக்க வீடும், உண்ண உணவும், உடுத்த உடையும், கல்வியறிவும் இல்லாமல் வாழ்கிறவர்களை அவர்களின உழைப்பைச் சுரண்டி பயன்படுத்திவிட்டுக் கீழ்ச்சாதியென்று சமூகம் கூறுவதாக பெரியார்கூறுகிறார். (தொ.1ப.72).

    முடிவுரை –  புத்தம் என்ற நோக்கில் ஆராயும் பொழுதும் ,அறிவுபூர்வச் சிந்தனைக்கு முழுப்பெயர் பவுத்தம். நேர்மையான வாழ்வுக்கு வழிகாட்டும் நெறிக்குப் பெயர் பவுத்தம். சமத்துவத்திற்கு வழிநடத்தும் தத்துவத்திற்குப் பெயர் பவுத்தம் என்று கூறலாம்.; மேற்கூறிய கூற்று மூன்றும் பெரியாரியத்திற்கும் பொருந்துகிறது என்பதை இக்கட்டுரை தெளிவுபடு;த்தியுள்ளது.

    பார்வை நூல்கள்

    1. ஆச்சார்யா. .பி.எஸ்.,கௌதமபுத்தரின் வாழ்வும்வாக்கும்,நர்மதா வெளியீடு,பாண்டிபசார்சென்னை-17. மு.ப.2015
    2. ஆனைமுத்து வே.,பெரியார்ஈ.வெ.ரா.சிந்தனைகள்(3ம்தொகுதி),சிந்தனையாளர்கழகம்,திருச்சி. மு.ப.1974
    3. தாமியென் கோவ்ன், தமிழில் சி.மணி. பௌத்தம்,அடையாளம் வெளியீடு,பௌத்தநாதம். ஆண்டு 2005
    4. பெரியார் தந்தை, பௌத்த நெறி, திராவிடர் கழக வெளியீடு, சென்னை- 7 ஆண்டு 1957(15.5.57ஆம் தேதி மாலை சென்னை, எழும்பூர் மகாபோதி சங்கத்தில் நடந்த 2501ஆம் ஆண்டுப் புத்தர் விழாவின்போது தந்தை பெரியார் அவர்கள் ஆற்றிய தலைமைப் பேருரை)

    5.பண்ணன், சிந்தனையாளர்; பெரியார். திருமலைப்பதிப்பகம், சென்னை, ப.55மு.பதிப்பு 1988

    1. மயிலை சீனி. வேங்கடசாமி, பௌத்தமும் தமிழும், கழக வெளியீடு,சென்னை. ஆண்டு 1964
    Share

  • கேசவ் வண்ணம் – கிரேசி எண்ணம்

     

    170910 -eka rekha Krishna -lr

    ’’ஒன்றே சதமென்று ஒருஓரம் உட்கார்ந்து
    மென்று முழுங்கிட மாம்பழம்(கண்ணனின் கன்னம்-மாம்பழ வாயன்….) -கன்றெபோல்-,
    நித்தம் இதுபழக, நம்பீச மைத்துனனால்
    சித்தம்மாப் பிள்ளை சிவம்’’….!
    ’’அப்பண ஆதி அனந்தனில் தூங்குவோன்
    சொப்பனம் இவ்வுலக சாராம்சம் -அற்பநான்
    எண்ணம் தொலைத்து எழுவாய் விழிப்புடன்
    கண்ணனை நெஞ்சே கருது’’….கிரேசி மோகன்….!

    Share

  • கொரிய – தமிழ் கலாச்சார ஒற்றுமை!

    பவள சங்கரி

    வளர்பிறை (சுக்ல பட்சம்) என்பது ஒவ்வொரு மாதத்திலும் 15 நாட்களுக்கு வருவது. சந்திரன் அமாவாசையிலிருந்து சிறிது, சிறிதாக வளர்ந்து வருவதை வளர் பிறைத் திதிகள் அல்லது சுக்கில பட்சம் என்கிறார்கள். நம் பாரம்பரிய சடங்குகள் பெரும்பாலும் இந்த காலகட்டங்களிலேயே நடத்தப்பெறுகின்றன.
    கொரியர்களின், முழு இராசி சுழற்சி 60 ஆண்டுகளைக் கொண்டதாக உள்ளது. இவர்களின் சந்திர நாட்காட்டி 60 வித்தியாசமான பெயர்களைக் கொண்டுள்ளது. நம் இராசி சுழற்சிகளும் 60 ஆண்டுகளும், வித்தியாசமான பெயர்களைக்கொண்டும் உள்ளதும் நாம் அறிந்ததே.

    முன் காலங்களில் மனித ஆயுள் குறைவாகவே இருந்தது. ஒருவர் முழுமையான இராசி சுழற்சியான 60 ஆண்டுகளைக் காண்பது அரிதாகவே இருந்தது. அப்படி முழுமையான வாழ்க்கையை வாழ்ந்தவர்களை அவர்கள் குழந்தைகள் மகிழ்ந்து, உற்றார், உறவினர், நட்புகளுடன் உற்சாகமாகக் கொண்டாடி தங்கள் பெற்றோரை வாழ்த்தி வணங்குவது வழக்கத்தில் உள்ளது. இதன் அடிப்படையிலேயே இன்றும் இதை மணிவிழா அல்லது 60ஆம் கல்யாணம் என்று கொண்டாடப்படுகிறது. இதே பாரம்பரியப் பழக்கம் கொரிய நாட்டிலும் வழிவழியாக வழங்கி வருகிறது என்பதே சுவையான தகவல்!

    Share

  • செவ்வாய்க் கோளில் உயிரின மூலவிப் பூர்வத் தோற்ற இருப்பைக் கரிக்கலவை இரசாயன மூலகக் கண்டுபிடிப்பு ஆதாரம் அளிக்கிறது

    Posted on September 9, 2017
     unnamed

     

    சி. ஜெயபாரதன் B.E.(Hons) P.Eng (Nuclear) கனடா

     https://youtu.be/WH8kHncLZwM
    https://youtu.be/SoXzxmVdrE0
    https://youtu.be/MDb3UZPoTpc
    https://youtu.be/og67Xe5quEY
    http://www.cnbc.com/2015/09/28/ter-nasa.html
    http://www.msn.com/en-us/video/news/analysis-finding-water-on-mars/vi-AAeUdaw
    http://www.cbsnews.com/videos/mars-findings-what-to-expect/

    பிரபஞ்சத்தில்  உயிரின மூலவிகள் பிறப்பு

    உயிரினத் தோற்றத்தின் மூலவியான  ஆரென்யே [RNA] உண்டாக பொரேட்ஸ் [Borates] முக்கிய பங்கு வகிக்கிறது.  செவ்வாய்க் கோளில் போரான் [Boron] மூலகக் கண்டுபிடிப்பு உயிரினம் ஒரு காலத்தில் இருந்திருக்கலாம் என்பதற்கு மேலும் வழி காட்டு கிறது.  பொரேட்ஸ் எளிய ஆரென்யே மூலக்கூறுகள் தோன்ற ஒருவகைப் பாலமாகக் கருதப் படுகிறது.  ஆரென்யே இல்லை என்றால், உயிரனத் தோற்றமே உருவாக முடியாது.  போரான் இருப்பு சொல்வது என்ன வென்றால், செவ்வாய்க் கோளில் கரி மூலக இரசாயனக் கலவை [Organics] காணப் படுவது, இவ்வித இரசாயன இயக்கங்கள் நடந்திருக்கலாம் என்பதே.

    பாட்டிரிக் காஸ்டா [Postdoctoral Research Leader, Los Alamos National Laboratory]

    செவ்வாய்க் கோளின் “கேல் ஆழ்குழியில்”  [Gale Crater] போரான் மூலகக் கண்டுபிடிப்பு, உயிரினத் தோற்றம் ஒரு காலத்தில் இருந்துள்ளனவா என்று விஞ்ஞானிகளுக்கு சிறு ஆதாரங்கள் காட்டியுள்ளன.

    3.8 பில்லியன் ஆண்டு வயதான செவ்வாய்க் கோளின் கேல் ஆழ்குழியில் நாங்கள் பொரேட்ஸ் [Borates] கண்டுபிடித்தோம். பூமியில் தோன்றிய உயிரினத்துக்கும் இளமையான உயிரினமே செவ்வாயில் இருந்திருக்க வேண்டும்.  முக்கியமாக இதன் மூலம் நாம் அறிவது என்ன வென்றால், செவ்வாய்க் கோளின் காலச் சூழ்வெளி அமைப்பு, பூமியோடு இணையாது, உயிரின வளர்ச்சி உருவாகத் தனி வசதி அளித்தது என்பதே.

    பாட்டிரிக் காஸ்டா [Postdoctoral Research Leader, Los Alamos National Laboratory]

    செவ்வாய்க் கோளில் கண்ட போரான் மூலகம் கால்சியம் ஸல்ஃபேட் தாதுவில் கண்டுபிடிக்கப் பட்டது.  அதாவது போரான் செவ்வாய்க் கோளின் தரை நீரகத்தில் [Ground Water] இருக்கிறது. அதைக் கண்டுபிடித்த கருவி : ரோவர் தளவுளவியின் கெம்காம் [ChemCam] [chemistry & Camera].  2020 ஆண்டில் நாசா ஏவப் போகும் செவ்வாய்த் தளவுளவி சுமந்து செல்லும் சூபர்காம் [SuperCam] & [SHERLOC] கருவிகள் பூர்வீக உயிரின மூல வசிப்புகள் வளர்ந்தனவா என்று ஆழமாக ஆராயும்.

    Solar Storms on Mars

    பல்லாண்டுகளாக பல்வேறு விண்ணுளவிகளைச் செவ்வாய்க் கோளுக்கு அனுப்பி இந்தப் புதிரை விடுவித்துள்ளோம். இப்போது இந்தக் குளிர்மயப் பாலை நிலத்தில் திரவ நீர் ஓடுவதை, உறுதியாக நாங்கள் அறிந்து கொண்டோம்.  செவ்வாய்க் கோளைப் பற்றி மென்மேலும் ஆய்ந்து அறிவது, ஆங்கே உயிரின வாழ்வுத் தகுதி ஆதரவுக்கு வழி உள்ளதைக் கற்றுக் கொள்வதுடன், எதிர்காலத் தேடலில் எங்கே உயிரின வாழ்வுத் தகுதி வசதிகள் உள்ளன என்றும் தெரிந்து கொள்கிறோம்.

    மைக்கேல் மேயர் [நாசா தலைமை விஞ்ஞானி, செவ்வாய்க் கோள் தேடல் திட்டம்]

    செவ்வாய்க் கோள் நீரைப் பற்றிப் பெரும்பாலோர் சொல்லும் போது, அங்கே உறைந்திருக்கும் நீர் அல்லது பூர்வீகப் பனித்தள நீரைத்தான் குறிப்பிடுகிறார்.  இப்போது மேம்பட்ட வரலாறு உள்ளது தெரிகிறது. நாங்கள் மீளும் சரிவுப் போக்கு நீரோட்டங்கள் மூலமாக முதன்முதல் ஒளிப்பட்டைக் காட்சியாய் [Spectral Detection] திரவ நீரை ஐயப்பாடின்றி கண்டோம்.

    லுஜேந்திரா ஓஜா [Lujendra Ojha, Georgia Institute of Technology, Atlanta, USA]

    Mars brine water flow

    எமது செவ்வாய்க் கோள் வேட்கைக் குறிப்பணி, பிரபஞ்சத்தில் உயிரின மூலவிகள்  இருப்பதை உளவு செய்ய நீரைத் தேடிச் செல்வதே.  இப்போது நாங்கள் நீடிய காலம் ஐயுற்ற நீரிருப்பை உறுதியாக விஞ்ஞானச் சான்றுடன் அறிந்து கொண்டோம்.  செவ்வாய்ச் சரிவில் இன்று ஓடும் உப்பு நீரோட்டமாக இருந்த போதினும் இதுதான் இப்போது குறிப்பிடத் தக்க சிறப்பு கண்டுபிடிப்பாகக் கருதப் படுகிறது.

    ஜான் கிருன்ஸ்ஃபெல்டு  [நாசா விஞ்ஞானத் திட்ட ஆளுநர்]

    நாங்கள் பருவகால நிகழ்ச்சியாகப் பரவிய ஈரடிப்பு உப்பு [Hydrated Salts] நீரோட்டங்களை மலைச் சரிவுகளில் மீளும் நேர்போக்கில் செல்லக் [Recurring Slope Lineae] கண்டோம்.  இந்தக் கருநிற நெளிவுச் சிற்றாறுகள் ஈரடிப்புக் காரணமாக [Dark Streaks are sources of Hydration]  இருக்கக் கூடும்.

    லுஜேந்திரா ஓஜா [Lujendra Ojha, Georgia Institute of Technology, Atlanta, USA]

    Martian glacier

    சூனியச் செவ்வாய்க் கோளில் வேனிற் கால உப்பு நீரோட்டங்கள் கண்டுபிடிப்பு

    2015 செப்டம்பர் 28 ஆம் தேதியில் நாசாவின் மேவன் விண்ணுளவி [MAVEN Spacecraft] முதன்முதல் உறுதியாகச் செவ்வாய்க் கோளின் மலைச் சரிவுகளில் மீளும் வேனிற் காலத்து உப்பு நீரோட்டச் சிற்றோடைகளைப் [Recurring Slope Lineae]  படமெடுத்துக் காட்டியுள்ளது. பல்லாண்டுகளாக பல்வேறு விண்ணுளவிகளைச் செவ்வாய்க் கோளுக்கு அனுப்பி இந்தப் புதிரை விடுவித்துள்ளார்.  இப்போது அந்தக் குளிர்மயப் பாலை நிலத்தில் திரவ நீர் ஓடுவதை, உறுதியாக அறிந்து கொண்டுள்ளார்.  செவ்வாய்க் கோளைப் பற்றி மென்மேலும் ஆய்ந்து அறிவது, ஆங்கே உயிரின வாழ்வுத் தகுதி ஆதரவுக்கு வழி உள்ளதைக் கற்றுக் கொள்வதுடன், எதிர்காலத் தேடலில் எங்கே உயிரின வாழ்வுத் தகுதி வசதிகள் உள்ளன என்று தெரிந்து கொள்ளவும் வழி வகுக்குகிறது.

    Ancient Water Flows hint life in Mars

    குறுகிய பல திரவ நீரோட்டங்கள் கருமை நிறத்தில் சுமார் 100 மீடர் [300 அடி] நீளத்தில் செவ்வாய்க் கோள் சரிவை நோக்கிப் பாயும் சிற்றோடை களாய்க் காணப்பட்டன.  நீரோட்டமே செதுக்கிய நீரோடைகள் அவை. சமீபத்தில் அண்டக்கோள் விஞ்ஞானிகள் [Planetary Scientists] ஹேல் பெருங்குழிச் சரிவுகளில் [Hale Crater Slopes] ஈரடிப்பு உப்புகள் [Hydrated Salts] இருப்பதைக் கண்டனர்.  அவையே சிற்றோடைகள் திரவ நீரோட்டத்தால் செதுக்கப் பட்டவை என்பதை எடுத்துக் காட்டின. ஒளிப்பட்டை நீல நிறமாகத் தெரிவதின் காரணம், பைராக்சின் தாதுக்கலவை [Pyroxene Mineral].  அவை ஒருவிதப் பெர்கோலேட் தாதுக்கள் [Magnesium Percholate or A Mixture of Magnesium & Sodium Percholates]. கோடைக் காலத்தில் திரவ நீரோட்டம் பொங்கித் தணிவதும் தெரிந்தது. குளிர் காலத்தில் நீரோட்டம் அடங்கிச் சிற்றோடைகள் வெறுமையாயின. அவ்விதம் நீரோடும் சிற்றோடைகள் செவ்வாய்க் கோளின் பல இடங்களில் மைனஸ் 10 F [- 23 C] டிகிரிக்கு மேலாக உள்ள போது தெரிந்து, குளிர் காலத்தில் மறைந்து போயின.  தற்போது [அக்டோபர் 2015] செவ்வாய்க் கோளில் பல டஜன் தளங்களில் கோடைக் காலத்தில் இம்மாதிரித் திரவ நீரோட்டச் சிற்றோடைகள் காணப் பட்டுள்ளன.  அடுத்து செவ்வாய்த் தள ஆய்வுகள் இதுபோன்ற ஈரடிப்பு ஓடைகளில் உயிரின இம்மிகள் உள்ளனவா என்பதாக இருக்கும்.

    +++++++++++++++++++++

    Mars Exploration

    https://www.youtube.com/watch?feature=player_embedded&v=YWv8X5CmJeo

    https://www.youtube.com/watch?feature=player_detailpage&v=tsnkTc15n4w

    http://www.dailymail.co.uk/sciencetech/article-3030233/Mars-COVERED-ice-3ft-deep-glaciers-hiding-dust.html#v-4160449442001

    http://www.dailymail.co.uk/sciencetech/article-3030233/Mars-COVERED-ice-3ft-deep-glaciers-hiding-dust.html#v-4160449442001

    http://article.wn.com/view/2015/04/09/Dustcovered_belts_of_glaciers_made_of_frozen_water_found_on_/

    Mars dust cover ice

     

    “நமக்குத் தெரியாமல் ஒளிந்திருக்கும் வானியல் புதிர்களை ஊடுருவிக் கண்டுபிடிக்கச் செவ்வாய்க் கோள்தான் விண்வெளி விஞ்ஞானிகளுக்கு உதவி புரியக் கூடியது”.

    ஜொஹானஸ் கெப்ளர் [German Astronomer Johannes Kepler]

    செவ்வாய்க் கோளின் பனித்திரட்சி [Mars Glacier] அளவைக் கணித்ததில் அதன் கொள்ளளவு 150 பில்லியன் கியூபிக். செ.மீ. என அறிந்தோம். அதைச் செவ்வாய்க் கோள் தளம் முழுதும் பரப்பினால் 1.1 மீடர் [3 அடி] தடிப்பு பனித்தள வடிவம் பெறும்.  இந்த பனிக்கடி ஏரிகள் யாவும் செவ்வாய்க் கோளின் வடதென் பகுதிகளின் நடுப்புறத்தில் அமைந்துள்ளன.

    நன்னா கார்ல்ஸன் [காலநிலைப் பனித்திரட்சி நிபுணர்]

    MARS GLACIERS

    செவ்வாய்க் கோள் தளத்தில் ரேடார் கருவி மூலம் சேகரித்த பத்தாண்டுக் கால பனிக்களத் தடிப்பையும், அதன் நடப்பையும் ஆழ்ந்து ஆராய்ந்தோம். பனித்திரட்சி [Glacier] என்பது ஒரு பெரும் பனிக்குன்று. அதற்கென தனித்த பனித்தள ஓட்டத் தடமும், தோற்ற வரி வடிவமும் உண்டாகி, எமக்கு அதன் மென்மைத் தன்மையைக் காட்டுகிறது.   இவ்வரிப் படங்களை பூமியின் பனித்திரட்சி [Earth’s Glaciers] வரை படங்களோடு ஒப்பிட்டு, நாங்கள் பனித்தள ஓட்ட கணினி மாடல்களை அமைக்கிறோம்.

    நன்னா கார்ல்ஸன் [காலநிலைப் பனித்திரட்சி நிபுணர், நீல்ஸ் போஃஹ்ர் ஆய்வகம், கோபன்ஹேகன் பல்கலைக் கழகம்.

     

    Mars Ice cover

    செவ்வாய்க் கோள் தளத்தில் செய்த புதிய ஆய்வு அறிவிப்பு 

    2015 ஏப்ரல் 9 ஆம் தேதி  “இயற்கை” [Nature] விஞ்ஞான இதழ் அறிவிப்பு மூலம் டென்மார்க் கோபன்ஹேகன் பல்கலைக் கழகத்தின் நீல்ஸ் போஃஹ்ர் ஆய்வகக் காலநிலை அறிவியல் பனித்திரட்சி நிபுணர் [Climatologist & Glacier Expert ] நன்னா கார்ல்ஸன் தெரிவிப்பது : செவ்வாய்க் கோளில் புதைந்துள்ள பனிதிரட்சிக் குன்றுகள் [Mars Buried Glaciers] பேரளவு பனிக்கட்டியைக் கொண்டுள்ளன.   அதைச் செவ்வாய்க் கோள் தளம் முழுதும் பரப்ப முடிந்தால், பனி மூன்றடி [1.1 மீடர்] உயரம் தடிப்பாகும் !   மேலும் மூடிய தூசிக்குக் கீழிருக்கும் பனித்திரட்சி வளையங்களில் [Glacier Belts] உள்ளது உறைந்த நீரே [Frozen Water] தவிர  அது உறைந்த கார்பன் டையாக்சைடு இல்லை [Not Frozen CO2] என்பது தெளிவானது.  செவ்வாய்க் கோளின் செந்நிறத் தூசி, பனித்திரட்சியை மூடி, உறைந்த பனிநீர் பரிதி வெப்பத்தில் ஆவியாக மறைய விடாது தடுத்து வந்துள்ளது என்று விஞ்ஞானிகள் கூறுகிறார்.

    “நீர் இருப்பு உயிரின வளர்ச்சிக்கு மிக முக்கிய மென்று நாமறிவோம்.  செவ்வாய்க் கோளில் நாங்கள் இப்போது கண்டிருப்பது வெறும் நீர் மட்டுமில்லை; அதற்கும் மேற்பட்ட பொருட்கள்:  நமது உடலில் காணும் உயிர் வளர்ச்சிச் சத்துக்களான ஸோடியம், பொட்டாஸியம், மெக்னீஸியம், ஃபுளுரைடுகள் !  ஆயினும் உயிரின விருத்திக்கு ஆதாரமான ஆர்கானிக் மூலக்கூறுகள் இன்னும் செவ்வாயில் காணப்பட வில்லை !  இனிமேல் திட்டமிடும் நாசாவின் அடுத்த பயணம் செவ்வாயில் உயிரினம் வாழ்ந்து வந்திருக்கிறதா என்று கண்டறியச் செல்லும்.”

    “மேலும் இந்த தளப்பகுதி செவ்வாயில் எதிர்காலப் பயணிகள் குடியிருக்கத் தகுதி உள்ளதா என்ற கேள்விக்கு எம்மால் பதில் சொல்ல முடியும்.  அது நாசாவின் எதிர்காலப் பயணத் திட்டத்தில் ஒன்றாக இருக்கும்.”

    பீடர் ஸ்மித், ஃபீனிக்ஸ் பிரதம ஆய்வாளர், அரிஸோனா பல்கலைக் கழகம்.

    MAVEN Spacecraft

    “இறுதியில் நாங்கள் செவ்வாய்த் தள மண்ணை ஆராய முடிந்து அதில் ஒட்டி இருப்பது உறைந்த நீரென்று உறுதிப் படுத்தினோம்.  மேலும் நீரான அதைத் தொடவும், சுவைக்கவும் முடிந்தது !  இதற்கு முன்பு சாதிக்காத ஒரு சோதனை அது !  அதன் சுவை மிக்க இனிமையானது !  இதைக் கண்டதற்கு நாங்கள் பெருமைப் படுகிறோம்.

    வில்லியம் பாய்டன், ஃபீனிக்ஸ் விஞ்ஞானி, அரிஸோனா பல்கலைக் கழகம். [ஜூன் 2, 2008]

    “ஃபீனிக்ஸ் தளவுளவியை அனுப்பியுள்ளதின் குறிநோக்கம் இதுதான் : நீருள்ளது என்று ஏறக்குறைய உறுதியில் அறிந்திருக்கும் செவ்வாய்க் கீழ்த் தளத்தைத் தோண்டி அறிவது.  தற்போது செவ்வாய்க் கோளை சுற்றிவரும் விண்ணுளவிகள் மூலமாக இறங்க வேண்டிய தளத்தை நுணுக்கமாக, விளக்கமாகக் காட்டி பத்து செ.மீ. அல்லது அதற்கும் குறைந்த ஆழத்தில் பனிக்கட்டிகள் புதைந்துள்ளன என்பதற்குச் சமிக்கை வந்துள்ளது.  ஏனெனில் உயிரனத் தோற்றத்துக்கும் குடியிருப்புக்கும் நீர்வள அமைப்பு மிக்க இன்றியமையாதது.”

    டாக்டர் டாம் பைக் [Dr. Tom Pike] ஃபீனிக்ஸ் குறிப்பணி விஞ்ஞானி, [Imperial College, London, UK]

    “செவ்வாய்க் கோள் மணற் படுகையில் [Sand Dunes] பனித்திரட்டு பரவிக் கிடக்கும் சான்று கிடைத்திருக்கின்றது. மணற் கட்டிகளைச் சேர்த்து வைத்திருப்பது நீர் என்பது எனது யூகம்.  எதிர்காலச் செவ்வாய்ப் பயண மாந்தர் பிழைப்பதற்கு அதை உதவவும், எரிசக்திக்குப் பயன் படுத்தவும் முடியுமென நினைக்கிறேன்.  அசுரக் குவியலான சில மணற் படுகையில் 50% நீர்மை இருப்பதாக செவ்வாய்த் தளப்பண்பியல் சான்றைக் [Topgraphical Evidence] காண்கிறேன்.  செவ்வாயில் பெருவாரியான நீர் வெள்ளம் கிடைக்கலாம் என்று நான் சொல்லவில்லை!  முன்பு காணப்படாத ஓரிடத்தில் புதிதாக நீரிருப்பது கண்டுபிடிக்கப் பட்டுள்ளது என்பதைக் குறிப்பிடுகிறேன்.”

    மேரி போர்க், அரிஸோனா அண்டக்கோள் விஞ்ஞான ஆய்வுக்கூடம் [Mary Bourke (Sep 2005)]

    Water Flow on Mars

    21 ஆம் நூற்றாண்டில் நாசாவின் மகத்தான விண்வெளிக் கண்டுபிடிப்பு

    ஆகஸ்டு முதல் தேதி செவ்வாய்க் கோள் தளத்தில் உள்ள பனித் திரட்டுகளை உருக்கி நீரென்று நிரூபித்து நாசாவின் ஃபீனிக்ஸ் விஞ்ஞானிகள் விண்வெளி வரலாற்றில் ஒரு மகத்தான பொன் மைல் கல்லை நிலைநாட்டினார் !  இதுவரை அது நீர்ப்பனிக் கட்டியா அல்லது உறைந்த கார்பன் டையாக்ஸைடு வாயுக் கட்டியா என்னும் குழப்பத்தில் இருந்தது.  இப்போது அந்து ஐயமின்றி 100% நீர் என்பது உறுதியானது ! ஃபீனிக்ஸ் தளக்கருவி பனிக்கட்டியை உருக்கி நீரென்று சுவைத்துப் பார்த்து விட்டது என்று விஞ்ஞானிகள் பீடும், பெருமிதமும் கொள்கிறார் !  இந்த மகத்தான வெற்றி நாசாவுக்கு ஃபீனிக்ஸின் ஆய்வுக் காலத்தை இன்னும் ஒரு மாதத்துக்கு 2 மில்லியன் டாலர் செலவில் நீடிக்க (செப்டம்பர் 30 தேதி வரை) அனுமதி கிடைத்துள்ளது !  செந்நிறக் கோள் செவ்வாயில் நீர் இருப்பது மெய்ப்பிக்கப் பட்டாலும் ஆங்கே உயிரினம் விருத்தி அடைந்ததற்குரிய சான்றுகள் இன்னும் கிடைக்க வில்லை !

    Clipboard02

    ஓராண்டு முன்பு ஏவப்பட்ட ஃபீனிக்ஸ் தளவுளவி விண்கப்பல் செவ்வாய்க் கோளில் நீர்  இருக்கிறதா என்று அறியவும், உயிரின மூலவிகளை வளர்க்கும் சிக்கலான ஆர்கானிக் மூலக்கூறுகள் (Complex Organic Molecules) உள்ளனவா என்று தெரிந்து கொள்ளவும் அனுப்பப் பட்டது.  அதற்கும் முன்னால் சென்று செவ்வாய்க் கோளைச் சுற்றிய ஆடிஸ்ஸி விண்கப்பல் (Odyssey Spacecraft) ஃபீனிக்ஸ் தளவுளவி இறங்கப் போகும் களத்தில் பனிக்கட்டிகள் உருகுவதைப் படமெடுத்து அனுப்பியது.  இரண்டு மாதங்களுக்கு முன்பு வெற்றிகரமாய் இறங்கிய ஃபீனிக்ஸ் தளவுளவி செவ்வாய்த் தள மண்ணை அள்ளி இரசாயன ஆய்வுக் கருவியில் இடும் அகப்பையைக் கொண்டது.

    ஃபீனிக்ஸ் தளவுளவி நச்சு மூலக்கூறு (Toxic Molecule) கண்டது

    நாசா விண்தேடல் விஞ்ஞானிகள் செவ்வாய்த் தளத்தில் ஃபீனிக்ஸ் தளவுளவியின் மெக்கா கருவி [Microscopy, Electrochemistry, Coductivity, Analyzer (Meca)] ஒரு நச்சுப் பொருளைக் கண்டுள்ளதாகக் கூறினார்.  ஆகஸ்டு 5 ஆம் தேதி தளவுளவியின் அகப்பை எடுத்த மாதிரி மண்ணில் இரசாயனத் தீவிர இயக்கமுடைய பெர்குளோரேட் (Perchlorate) உப்பு கலந்திருப்பதாகக் கண்டது.  மேலும் அந்த இரசாயனப் பொருள் மற்ற இடத்திலும் பரவி உள்ளதா என்று அறியப்படும்.  பூமியில் மிக்க வறட்சியான பாலைவனப் பகுதிகளில் பெரும்பாலும் அந்த பெர்குளோரேட் இரசாயனம் காணப்படுகிறது.  செவ்வாய்த் தளத்தை ஒத்த தென் அமெரிக்கா சில்லியின் அடகாமா பாலைவனத்தில் (Atacama Desert, Chille) அது இருப்பதாக அறியப்படுகிறது.

    Martian water

    பெர்குளோரேட் உப்பு உயிரினத்தை விருத்தியும் செய்யாது, சிதைக்கவும் செய்யாது.  அது ஓர் ஆக்ஸிடைசிங் அயான் (Oxydising Ion). அதில் ஒரு குளோரின் அணுவை, நான்கு ஆக்ஸிஜென் அணுக்கள் சுற்றி உள்ளன.  அது இரசாயன இயக்கத்தில் ஆக்ஸிஜன் வாயுவை வெளியாக்குகிறது.  ஆனால் அதிலிருந்து குளோரின் வாயு வரவில்லை.  சில உயிரினச் செல்கள் பெர்குளோரேட்டைத் தீனியாய் எரிக்கின்றன. சில பயிரினங்கள் அதனைத் தம்முள்ளே சேமித்து வைக்கின்றன.  முக்கியமாக பூமியில் ராக்கெட் உந்திச் செல்ல பெர்குளோரேட் இரசாயனம் எரிசக்தியில் (Used in Rocket Fuel) பயன்படுகிறது.

    பூமியில் வாயுத் தூசிகள் சூரிய ஒளியில் பட்டு பெர்குளோரேட் மூலக்கூறு உருவாக்கப் படுகிறது.  பிறகு அது வரண்ட தளத்தின் மீது தங்கி விடுகிறது.  ஈரமான அரங்குகளில் அது மண்ணுக்குள் இறங்கிக் கொள்கிறது.  பூமியில் சில வித பாக்டீரியாக்கள் தமது உயிர்ச்சத்து மாறுபாடுக்கு (Metabolism) பெர்குளோரேட்டைப் பயன்படுத்திக் கொள்கின்றன ! “பெர்குளோரெட்டுகள் செவ்வாய்க் கோளின் தளங்களில் நீரிருந்த வரலாற்றைச் சொல்லும்,” என்ற் ஃபீனிக்ஸ் ஆய்வாளர் ரிச்சர்டு குயின் (Richard Quinn) கூறினார்.

    Clues for water in Mars

    செவ்வாய்த் தளத்தில் ஃபீனிக்ஸ் தளவுளவி கண்ட முதல் பனித்திரட்டு !

    2008 மே மாதம் 30 ஆம் தேதி சமீபத்திலே 420 மில்லியன் டாலர் திட்டமான செவ்வாய்க் கோளில் தடம்வைத்த ·பீனிக்ஸ் தளவுளவி புதியதோர் விந்தைத் தகவலைப் பூமிக்கு அனுப்பியிள்ளது ! “செவ்வாய்த் தளத்தில் பனிக்கட்டியைக் காமிராவின் கண்கள் நேராகக் காண முடிகிறது” என்பதே அந்தச் செய்தி ! மெய்யாக ஃபீனிக்ஸின் 12 எதிர்த்தள்ளி உந்துகள் (12 Retro Thrusters) இயங்கித் தளம் சுத்தமாக்கப்பட்ட போது தளவுளவியின் கீழே வெண்ணிறத் தரைப் பளிச்செனக் காணப் பட்டது.  அதாவது விஞ்ஞானிகள் திட்டமிட்டபடி ஃபீனிக்ஸ் தளவுளவி பனித்தரை மீதுதான் தனது மூன்று பாதங்களைப் பரப்பியிள்ளது !  மேலும் மூன்று கால்களில் ஒரு பாதம் மூன்றடி விட்ட முள்ள ஒரு பனித்தட்டின் மீது அமர்ந்துள்ளது என்று விஞ்ஞானிகள் கூறுகிறார்கள்.  அடுத்து ஃபீனிக்ஸின் சுயமாய் இயங்கும் யந்திரக் கரம் (Robotic Arm) சோதிக்கப்பட்டு முதல் மாதிரிச் செம்மண் எடுக்கப்பட்டது.  அந்த மண்ணில் வைரம் போல் பளிச்செனக் காமிராவின் கண்ணில் பட்டது ஒரு வெண்ணிறப் பனிக்கட்டி !  அதனுடைய வடிவத்தைக் கண்டு, அது காணப்பட்ட காலநேர உஷ்ண நிலையை [-300 C (-220 F)] ஒப்பிட்டுப் பார்த்தால் அந்த மாதிரிப் பனிக்கட்டி நீராக இருக்கலாம் என்று விஞ்ஞானிகள் ஊகிக்கிறார்கள்.

     

    Flood waters on Mars -1

     

    ஃபீனிக்ஸ் எதிர்த்தள்ளி உந்துகள் இயங்கிக் கீழே மெதுவாக இறங்கிய போது மேலாகக் கிடந்த செம்மண்ணை வெளியேற்றித் தோண்டிய 6 செ.மீ. (~2.5 அங்குலம்) ஆழப் பள்ளத்தில் பனிக்கட்டி மாதிரி எடுக்கப்பட்டது.  அவ்விதம் தளவுளவியின் கரத்தில் எடுக்கப்பட்டு முதன்முதலில் கண்களில் தெரிந்த பனிக்கட்டி விஞ்ஞானிகளிடையே உற்சாகக் கொந்தளிப்பைத் தந்திருக்கிறது.  புதிய உலகில் குளிர்ந்த சுத்தமான நீர்க் கண்டுபிடிப்பு மனிதப் பயணத்துக்கும், குடியேற்றத் துக்கும் மிகவும் உதவிடும் என்பது 21 ஆம் நூற்றாண்டின் அதிசயச் செய்தியாகும்.  திட்டமிட்டபடித் தளவுளவி பனித்தளத்தில் தடம் வைக்காது வேறு வேண்டாத பாறைத் தளத்தில் பாதம் பதித்து விட்டதோ என்றோர் ஐயப்பாடு முதலில் எழுந்தது !  அடுத்து அறிந்த தகவலில் தளத்தின் எதிரொளிப்புத் தன்மைகள் உளவப் பட்டு வெண்ணிறப் பனித்தளம் பளிச்செனத் தலைகாட்டி விஞ்ஞானிகளைப் பிரமிக்க வைத்தது.  அந்தப் பனித்திரட்டு பனிநீர்க்கட்டியாக இருக்கக் கூடும் என்று தீர்மானிக்கப் பட்டது !  “இன்று என்ன சேதி” என்று கேட்டால் எந்த நாசா விஞ்ஞானியும் “செவ்வாயில் நீர்ப்பனிக் கட்டியைக் கண்டோம்” என்றுதான் சொல்கிறார்.  இந்த பனித்தள இடத்தைதான் நாசா விஞ்ஞானிகள் உன்னதப் படமெடுப்புக் காமிரா மூலம் [High Resolution Imaging Science Experiment (HiRISE Imager of Mars Orbiter)] முன்னால் விண்ணுளவிக் கப்பல் மூலம் தேர்ந்தெடுத்தனர்.

     

    Fig 1A South Polar Ice Depth

     

    செவ்வாய்க் கோளின் துருவங்களே நீர்க்கட்டி சேமிப்புகளின் பெருங் களஞ்சியங்களாகக் கருதப்படுகின்றன.  துருவப் பகுதிகளின் நீர்மை சேமிப்பு வரலாற்றை அறிந்தால், செவ்வாய்க் கோளில் உயிரின வளர்ச்சிக்கு ஒரு காலத்தில் வசதியும், சூழ்நிலையும் இருந்தனவா என்பதைத் தெளிவாக ஆராய முடியும்.  நீர்ப்பனிப் பாறைகளும், கார்பன் டையாஸைடு குளிர்க்கட்டிகளும் உள்ள துருவ அடுக்குப் படுகைகள் [Polar Layered Deposits] துருவப் பகுதிகளைத் தாண்டியும், துருவ முனைப் பரப்பின் [Polar Cap] ஆழத்திலும் உள்ளது அறியப் படுகிறது.  ரேடார் எதிரொலிப் பதிவுகள் பாறைப் பகுதிகள் போல் காட்டுவது 90% நீர்த் தன்மையால் என்று கருதப்படுகிறது.  துருவப் பிரதேசங்களில் மிக்க குளிராக இருப்பதால், உருகிப் போன திரவ நீரைக் காண்பது அரிது.

    பனிப் பாறைக்குக் கீழே உள்ள தளத்தையும் அறியும் போது செவ்வாய்க் கோளின் ஆழ்த்தள அமைப்பு தெரிய வருகிறது. “பனிப் பகுதிகளின் அடித்தளத்தைப் பற்றி எங்களால் அறிய முடியவில்லை. பூமியில் உள்ளது போல் பனித்தட்டுகள் அவற்றின் மேல் தட்டுகளால் அழுத்தப் படாமல் உள்ளதை அறிந்தோம்.  செவ்வாய்க் கோளின் அடித்தட்டும், மேற்தட்டும் [Crust & Upper Mantle] பூமியை விடக் மிகக் கடினமாக உள்ளது காணப் படுகிறது.  அதற்குக் காரணம் செவ்வாய்க் கோளின் மையப் பகுதி பூமியை விடக் குளிர்ச்சியாக உள்ளதே !

    Fig 7 North Polar Ice Cap

    செவ்வாய்க் கோளின் துருவப் பனிப் பாறைகள்

    செவ்வாயில் சிறிதளவு நீர் பனிப் பாறைகளாக இறுகிப் போய் உறைந்துள்ளது!  துருவப் பிரதேசங்களில் நிலையாக உறைந்து பனிப் பாறையான படங்களை, மாரினர்-9 எடுத்துக் காட்டியுள்ளது.  வட துருவத்தில் 625 மைல் விட்டமுள்ள பனிப் பாறையும், தென் துருவத்தில் 185 மைல் அகண்ட பனிப் பாறையும் இருப்பதாகக் கணிக்கப் பட்டுள்ளது!  மாரினர்-9 இல் இருந்த உட்செந்நிற கதிரலை மானி [Infrared Radiometer], செவ்வாயின் மத்திம ரேகை [Equator] அருகே பகலில் 17 C உச்ச உஷ்ணம், இரவில் -120 C தணிவு உஷ்ணம் இருப்பதைக் காட்டியது.  கோடை காலங்களில் வட துருவத் தென் துருவத் தளங்களில் குளிர்ந்து பனியான கார்பைன்டையாக்ஸைடு வறட்சிப் பனி [Dry Ice], வெப்பத்தில் உருகி ஆவியாக நீங்குகிறது.

    அமெரிக்கா அனுப்பிய விண்ணாய்வுக் கருவிகள் [Space Probe Instruments] துருவப் பிரதேசங்களில் எடுத்த உஷ்ண அளவுகள், பனிப் பாறைகளில் இருப்பது பெரும்பான்மையாக நீர்க்கட்டி [Frozen Water] என்று காட்டி யுள்ளன.  கோடை காலத்தில் வடதுருவச் சூழ்வெளியில் நீர்மை ஆவியின் [Water Vapour] அளவுகளை அதிகமாகக் கருவிகள் காட்டி இருப்பது, பனிப் பாறைகளில் இருப்பவை பெரும் நீர்க்கட்டிகள், வறட்சிப்பனி [Dry Ice or Frozen Carbon dioxide] இல்லை என்பதை மெய்ப்பிக்கின்றன.

     

    (தொடரும்)

    ***********************

    தகவல்:

    Picture Credits:  NASA, JPL, ESA & Wikipedia

    1. Mars Global Surveyor [Nov 7, 1996], Mars Path Finder [Dec 1996].
    2. Destination to Mars, Space flight Now By: William Harwood [July 8, 2003]
    3. Twin Roving Geologists Bound for Surface of Mars By: William Harwood [May 29, 2003]
    4  Science & Technology: ESA’s Mars Express with Lander Beagle-2  [Aug 26, 2003]
    5. Future Space Missions to Mars By: European Space Agency [ESA]
    6  http://www.thinnai.com/?module=displaystory&story_id=40602101&format=html
    [Author’s Article on Mars Missions]
    7  Spacecraft Blasts off to Gather Mars Data By: Associated Press [Aug 12, 2005]
    8  NASA Facts, Mars Exploration Rover By: NASA & JPL [Sep 2004]
    9  Arctic Microbes Raise Cope for Life on Mars By: Associated Press [Oct 25, 2005]
    10 http://www.Space.com/missions/ Phoenix Mars Lader (Several Articles)  [Aug 31, 2005]
    11 Mars Reconnaissance Orbiter on the Approach By: JPL [Feb 8, 2006]
    12 Mars South Pole Ice Found to be Deep & Wide -NASA JPL Release [March 15, 2007]
    13 Dirt Digger (Phoenix) Rocketing toward Mars By: Marcia Dunn AP Aerospace Writer [Aug 5, 2007]
    14 BBC News Lift off for NASA’s Mars Probe (Phoenix) [August 4, 2007]
    15 Phoenix Mission Control Team Poised for Epic Landing on Mars Planet – The Dailey Galaxy (www.dailygalaxy.com/) [May 23, 2008]
    16 http://www.thinnai.com/?module=displaystory&story_id=40708091&format=html(Phoenix Launch Aug 7, 2007)
    17 http://www.thinnai.com/?module=displaystory&story_id=40703221&format=html(Mars Express Radar Finds Water Source in Mars South Pole)
    18. BBC News – Mars Lander is in Good Health [May 27, 2008]
    19 The New York Times – Mars Lander Transmits Photos of Arctic Terrain [May 27, 2008]
    20 RedOrbit News – Phoenix Lander Spotted from Mars Orbiter (www.redorbit.com) [May 28, 2008]
    21 Future Mission to Mars – Follow on Mars Missions / Mars Sample Return [May 28, 2008] (www.vectorsite.net/tampl_08.html)
    22 CNN News : Pictures Boost Hopes for Mars Ice Discovery [May 31, 2008]
    23 NASA’s Phoenix Lander Robotic Arm Camera Sees Possible Ice [May 30, 2008]
    24 Twittering from Mars – The Phoenix (Mars Lander Probe) on Ice [June 3, 2008]
    25 Phoenix Lander’s Robotic Arm Grabs a Scoop of Mars (Soil) [June 2, 2008]
    26 VOA News : Phoenix Spacecraft Confirms Water on Mars By : Art Chimes Washington DC [Aug 1, 2008]
    27 VOA News : NASA’s Phoenix Lander Finds Toxic Chemical on Mars [Aug 5, 2008]
    28 Phoenix Mars Team Opens Window on Scientific Process [Aug 5, 2008]
    29 BBC News : Open Science Promised for Phoenix [Aug 6, 2008]
    30 The New York Times : Alkaline Soil Sample from Mars Reveals Presence of Nutrients for Plants to Grow [June 27, 2008]
    31 http://www.thinnai.com/?module=displaystory&story_id=40806051&format=html (திண்ணைக் கட்டுரை-1)
    32 http://www.thinnai.com/?module=displaystory&story_id=40805291&format=html (திண்ணைக் கட்டுரை-2)
    33 ABC News : Phoenix Lander Finds Water on Mars [Aug 1, 2008]

    34  Water on Mars Discovered by Phoenix Mission [Aug 5, 2008]

    35  Sky & Telescope Magazine – Phoenix Digs in By : Kelly Beatty  [September 2008]

    36.  http://www.sciencedaily.com/releases/2014/09/140929154248.htm [September 29, 2014]

    37.  http://www.marsdaily.com/reports/Mars_dust-covered_glacial_belts_may_contain_tons_of_water_999.html  [April 9, 2015]

    38. http://www.onenewspage.com/n/Science/754zwhlg5/Dust-covered-ice-glaciers-found-on-Mars.htm  [April 8, 2015]

    39.  http://www.sciencedaily.com/releases/2015/04/150408102701.htm  [April 8, 2015]

    40.  http://phys.org/news/2015-04-mars-belts-glaciers-frozen.html  [April 7, 2019]

    41. http://www.marsdaily.com/reports/Mars_rover_data_boosts_hope_for_liquid_water_on_Mars_999.html  [April 13, 2015]

    42.  http://www.marsdaily.com/reports/Mars_might_have_liquid_water_999.html [April 17, 2015]

    43.http://www.marsdaily.com/reports/Strongest_evidence_yet_of_liquid_water_on_Mars_NASA_999.html  [September 28, 2015]

    44.  http://www.dailygalaxy.com/my_weblog/2015/10/nasa-mars-ancient-ocean-larger-than-earths-arctic-ocean.html?  [October 6, 2015]

    45.  http://www.dailygalaxy.com/my_weblog/2015/11/-once-an-ancient-blue-world-nasa-tv-to-live-stream-new-findings-on-fate-of-mars-atmosphere.html  [November 2, 2015]

    46. http://www.mhttp://Marsdaily.com/reports/NASA_mission_reveals_speed_of_solar_wind_stripping_Martian_atmosphere_999.html  [November 5, 2015]

    47. http://www.dailygalaxy.com/my_weblog/2015/11/news-flash-nasa-tv-to-live-stream-new-findings-on-fate-of-mars-atmosphere-today.html?  [November 5, 2015]

    48.  https://en.wikipedia.org/wiki/Mars_Reconnaissance_Orbiter   [November 5, 2015]

    49.   http://www.dailygalaxy.com/my_weblog/2015/11/nasa-news-update-solar-winds-stripping-mars-atmosphere-over-billions-of-years.html?  [November 5, 2015]

    50.  http://mars.jpl.nasa.gov/mro/mission/overview/

    51.  https://en.wikipedia.org/wiki/MAVEN  [November 6, 2015]

    52  http://www.poandpo.com/in-the-meantime/what-have-we-learned-from-the-discovery-of-liquid-water-on-mars-7-11-2015/   [November 7, 2015]

    53. https://www.space.com/29977-buckyball-molecules-milky-way-mystery.html [July 17, 2015]

    54. http://ca.pressfrom.com/news/technology/-43878-new-discovery-hints-that-mars-could-have-once-supported-life/ [September 7, 2017]

    55. http://www.dailygalaxy.com/my_weblog/2017/09/organics-discovery-at-mars-gale-crater-hints-at-existence-of-rna-and-ancient-life.html  [September 7, 2017]

    ******************

    S. Jayabarathan [jayabarathans@gmail.com]  September 9, 2017 [R-1]

    Attachments area
    Preview YouTube video NASA | Measuring Mars’ Ancient Ocean

    NASA | Measuring Mars’ Ancient Ocean

    Preview YouTube video Mars Reconnaissance Orbiter: Water Flowing on Mars

    Mars Reconnaissance Orbiter: Water Flowing on Mars

    Preview YouTube video Animation of Site of Seasonal Flows in Hale Crater, Mars

    Animation of Site of Seasonal Flows in Hale Crater, Mars

    Preview YouTube video NASA Announces Discovery Of Flowing Water On Mars, Sept 28, 2015

    NASA Announces Discovery Of Flowing Water On Mars, Sept 28, 2015

    Preview YouTube video Buried Glaciers found on Mars

    Buried Glaciers found on Mars
    Share

  • “ஸ்ரீராம தர்ம சரிதம்” (8)

    மீ.விசுவநாதன்

     

    பகுதி: எட்டு
    பாலகாண்டம்

    “ரிஷ்ய சிருங்கரும் சுமந்திரர் சொன்னதும்”

     

    ஸ்ரீராம-தர்ம-சரிதம்-1

    மன்னன் தயரதன் மந்திரி சுமந்திரர்
    சொன்ன செய்தி மன்னனுக்கு மகிழ்ச்சியை

    அள்ளித் தந்தது ; அதைநாம் அறிவோம்:-
    புள்ளி விவரமாய்ப் புராணம் சொல்வதை

    நெஞ்சுள் வைத்தே விபரமாய்ச் சொல்கிறேன்!
    சஞ்சல மில்லா சனத்குமாரர் முனிவர்கள்

    சபையில் கூறிய சத்திய வாக்கிது ;
    சுபயோக வேளையில் சுந்தர ரூபனை

    தயரதன் பிள்ளையாய்த் தான்பெறப் போகிறான் ;
    அயற்சியே வேண்டாம் அத்தனையும் உண்மை !

    காசியபர் பிள்ளை “விபாண்டக” யோகிக்கு
    மாசிலா “ரிஷ்ய சிருங்கர்” மகனாவார் !

    காட்டில் குடிலமைத்துக் கருத்தோடு ஒன்றி
    நாட்ட மேதுமின்றி நாளெல்லாம் தவமிருப்பார் !

    தந்தையைத் தவிர தவறியும் ஒருவரை
    சிந்தைக் குள்ளே சிறைபிடிக் காதவர் !

    அந்த மகானை “அங்க தேசத்து”
    சொந்த மன்னன் “ரோமபாதர்” தன்னுடை

    நாட்டு வறுமை நசித்திட வேண்டி
    ஆட்களை அனுப்பி அழைத்து வருவார் !

    மகளை அவர்க்கு மணம்முடித் திடுவார் !
    அகத்தில் பூரணர் ரிஷ்ய சிருங்கரால்

    மாமழை பெய்து வளமை தேசமாய்
    ஆகிடும் அந்த அங்க பூமியே !

    சத்தியம் தவறா தயரத னொருநாள்
    நித்திய வேள்விசெய் ரிஷ்ய சிருங்கரை

    தன்குல விருத்திக்குத் தகுதியாம் வேள்விசெய
    இன்முக மனத்துடன் எதிர்வணங்கி அழைப்பார் !

    முனியும் வருவார் முடிப்பார் வேள்வியை !
    கனிபோல் நான்கு கண்வளர் குழந்தைகள்

    பெற்றுத் தயரதன் பெரும்புகழ் கொள்வார் !”
    பற்று நீக்கிய சனத்குமாரர் இதனையே

    “கிருத யுகத்தில்” கீர்த்தியால் அறிந்து
    திருடமாய்ச் சொன்னதை தெய்வீக பலத்தால்

    சுமந்திரர் சொற்களில் சுகமாய்க் கேட்ட
    எமபயம் இல்லா எதிரியிலா “தயரதன்”

    தயரதன் ரிஷ்ய சிருங்கரை அழைத்தல்

    தன்குரு வசிட்டரிடம் சங்கதி கூறி
    வன்புலிக் கூட்ட மாபெருங் காடு

    நதிகளைக் கடந்து நல்லங்க நாட்டுப்
    பதியினை அடைந்து பக்தியுடன் முனிவர்

    பாதம் பணிந்தார் ! பண்புடை அயோத்தி
    தேசம் வந்து வேள்வி செய்திட

    வேண்டு மென்று விரும்பி அழைத்தார் !
    வேண்டுதலை ஏற்ற வேதநெறி முனிவரை

    சங்கு, துந்துபி, சங்கீத அலைகள்
    எங்கும் ஒலித்திட எதிர்கொண்ட ழைத்தார் !

    அழகிய அயோத்தி ஆனந்தங் கொண்டு
    குழந்தைகள் போலக் கொண்டாட்டம் போட்டது !

    மறையறி அந்தணர் மந்திர மோதினர் !
    நிறைகுண மாந்தர்கள் நெஞ்சு குளிர்ந்தனர் !

    அசுவமேத யாகம் தொடங்கியது

    வசந்த காலம் வந்த வேளையில்
    இசைந்தனர் அசுவமேத வேள்வி செய்திட !

    சரையூ நதியின் வடக்குக் கரையில்
    விரைந்து அமைத்தனர் வேள்விக் கூடம் !

    விபாண்டக யோகியின் பிள்ளையின் மூலம்
    அவாவது தீரும்! அந்தணர் கூறும்

    ஆசி பலிக்கும் ! ஐயம் இல்லை
    நேசிக்கும் பிள்ளைகள் நிச்சயம் பிறப்பார் !

    நம்பிக்கை கொண்ட நல்லசரன்
    கும்பிட்டு நின்று குருவருள் பெற்றானே !

    (தர்ம சரிதம் வளரும்)

    (ஸ்ரீமத் வால்மீகி ராமாயணம் பாலகாண்டத்தில் ஒன்பதாவது, பத்தாவது , பதினொன்றாவது, பன்னிரெண்டாவது பகுதி நிறைந்தது)

    Share