Category: கவிஞர் வாலி

—  கவிஞர் காவிரிமைந்தன்.

 

தங்கத் தோணியிலே தவழும் பெண்ணழகே …

மக்கள் திலகம் எம்.ஜி.ஆர். அவர்களின் வரலாற்றில் மைல் கற்களாய் அமைந்த திரைப்படங்கள் நாடோடி மன்னன் மற்றும் உலகம் சுற்றும் வாலிபன் ஆகியவையாகும். மேலும் இவ்விரண்டு திரைப்படங்களையும் தானே இயக்கிய பெருமையும் எம்.ஜி.ஆருக்கு உண்டு. 1970ல் ஜப்பானில் நடைபெற்ற எக்ஸ்போ 70 எனும் கண்காட்சியை முழுக்க முழுக்க தமிழ் மக்கள் காண வேண்டும் என்று எம்.ஜி.ஆர். விரும்பியதால், இப்படத்தின் திரைக்கதையோட்டம் ஜப்பான் நோக்கித் திரும்பியது.

எம்.ஜி.ஆர் அவர்களின் பெரும்பான்மையான திரைப்படங்களுக்கு இசை அமைத்த பெருமை மெல்லிசை மன்னர் எம்.எஸ்.விஸ்வநாதன் அவர்களுக்கே உண்டு. அவ்வரிசையில் உலகம் சுற்றும் வாலிபன் பாடல்கள் உலகப் புகழ் பெற்றவை. இத்திரைப்படத்திற்கு மெல்லிசை மன்னரை ஒப்பந்தம் செய்தபோது எம்.ஜி.ஆர். அவர்கள் மிகப் பெரிய பொறுப்பை உங்களிடம் ஒப்படைக்கிறேன் என்றார். திரைப்படத்தில் மொத்தம் பத்துப் பாடல்கள், அனைத்தும் முத்துப் பாடல்கள் எனலாம். கவியரசு கண்ணதாசன், கவிஞர் வாலி, புலவர் புலமைப்பித்தன், புலவர் வேதா ஆகிய கவிஞர்கள் எழுதிய பாடல்கள் மெல்லிசை மன்னரின் இன்னிசையில் இன்றும் மின்னுகின்றன. இப்பாடல்கள் பதிவான பின் எம்.ஜி.ஆர். அவர்கள் மெல்லிசை மன்னரை கட்டி அணைத்து தன் மகிழ்ச்சியைத் தெரிவித்தாராம். மெச்சிப் புகழ்ந்தாராம்.

அப்பாடல்களில் ஒன்று இதோ, கவிஞர் வாலி அவர்களின் வசந்த வரிகளில் தமிழ் வார்த்தை விளையாட்டு நடக்கிறது பாருங்கள்.

மின்னல் கோலம் கண்ணில் போட யார் சொன்னதோ
கோலம் போடும் நீலக் கண்ணில் யார் நின்றதோ
மென்மை கொஞ்சும் பெண்மை என்ன பாடல் பெறாததோ
இன்னும் கொஞ்சம் சொல்லச் சொல்ல காதல் உண்டானதோ 

பத்மஸ்ரீ கே.ஜி.யேசுதாஸ் பி. சுசீலா குரல்களில் இழைந்து வரும் இசைத் தென்றல் இது. எத்தனை முறை கேட்டாலும் அலுக்காத அபூர்வ ராகம் இது. காட்சியமைப்பும் காண வெகு கச்சிதமாய் மக்கள் திலகத்தின் திரைச் சரித்திரத்தில் மற்றுமொரு மாணிக்க மகுடம். கவிஞர் வாலி அவர்களின் வரிகளில் இளமை நந்தவனம் நர்த்தனமிடுகிறது, அதற்கு மெல்லிசை மன்னரின் இசை கவரி வீசி விடுகிறது! வாழ்க்கையின் அன்றாடப் பரபரப்பிலிருந்து சற்று விலகி இளைப்பாற இப்பாடல் அழைக்கிறது…

தங்கத் தோணியிலே
தவழும் பெண்ணழகே
நீ கனவுக் கன்னிகையோ
இல்லை காதல் தேவதையோ
தங்கத் தோணியிலே
தவழும் பெண்ணழகே
நீ கனவுக் கன்னிகையோ
இல்லை காதல் தேவதையோ

வண்ணப் பாவை
கன்னித் தேனை
கன்னம் என்னும்கிண்ணம்
கொண்டு உண்ணச் சொன்னாளோ
தங்கத் தோணியிலே
தவழும் பொன்னழகே
நான் கனவில் வந்தவளோ
உன் மனதில் நின்றவளோ

மின்னல் கோலம் கண்ணில்
போட யார் சொன்னதோ

கோலம் போடும் நீலக் கண்ணில்
யார் நின்றதோ

மென்மை கொஞ்சும் பெண்மை
என்ன பாடல் பெறாததோ

இன்னும் கொஞ்சம் சொல்லச்சொல்ல
காதல் உண்டானதோ
(தங்கத் தோணியிலே)

அல்லி பூவைக் கிள்ளிப்
பார்க்க நாள் என்னவோ

கிள்ளும்போதே கன்னிப்
போகும் பூ அல்லவோ

அஞ்சும் கெஞ்சும் ஆசை
நெஞ்சம் நாணம் விடாததோ

அச்சம் வெட்கம் விட்டுப்
போனால் தானே வராததோ
(தங்கத் தோணியிலே)

காணொளி: https://www.youtube.com/watch?v=I-qRFUpdqME

 

— கவிஞர் காவிரிமைந்தன்.

அன்பே வா திரைப்படத்தில் அனைத்துப்பாடல்களும் அற்புத வகையைச் சார்ந்தவை. மெல்லிசை மன்னரும் கவிஞர் வாலியும் இணைந்து தந்த இன்ப நாதங்கள்! ஏவிஎம் தயாரிப்பில் ஏ.சி.திருலோகசந்தர் இயக்கத்தில் ஒரு காதல் கதை சுகமாக பின்னப்பட்டிருக்க, மக்கள் திலகம் எம்.ஜி.ஆரும் அபிநய சரஸ்வதி சரோஜா தேவியும் இணைந்து நடித்த இன்னொரு காவியம். அலுப்பில்லாமல் ஒரு திரைப்படம் பார்க்க வேண்டுமெனில் அன்பே வா என்று அடித்துச் சொல்லலாம்! கண்ணைக் கவரும் காஷ்மீரின் அழகு எண்ணம் முழுவதையும் கொள்ளையடித்துவிடும்! நகைச்சுவைப் பகுதியை நாகேஷும் மனோரமா ஆச்சியும் கொட்டிக் குவித்திருக்கிறார்கள்.

அன்பில் உயிர்க்கும் காதல் இன்பம் தருவது சரிதான்… ஆனால், ஒருவரையொருவர் புரிதல் அடிப்படையாக வேண்டுமன்றோ? இங்கே இவர்தம் புரிதல் இணைந்து நடக்கத் தவற … ஒருவர் புரிந்துகொள்ளும்போது மற்றொருவர் புரிந்துகொள்ளத் தவறுகிறார். இதுதான் கதையின் போக்காக… அதிலே வரும் பாடல்கள் பொழியும் தேனாக… டி. எம். சௌந்தரராஜன் அவர்களுடன் பி.சுசீலா குரல்கள் இணைய இனிய பாடல் ஒலிக்கிறது.

நான் பார்த்ததிலே அவள் ஒருத்தியைத்தான்
நல்ல அழகி என்பேன் நல்ல அழகி என்பேன்
நான் கேட்டடதிலே அவள் வார்த்தையைத்தான் ஒரு
கவிதை என்பேன் ஒரு கவிதை என்பேன்

பாடலின் காட்சி அமைப்பும்… ஈர்க்கும் இருவர் நடிப்பும்… இன்னும் இன்னும் இந்தப் பாடலை நமக்கு சொந்தம் செய்யச் செய்கிறது. திரைப்படத்திற்காக எழுதப்பட்டு இருந்தாலும்… அட… கவிஞன் எழுதிய ஒரு கவிதை இசையைப் பெற்றது போலிருக்க… இயல்பான வார்த்தைகள் அரங்கேறுகின்ற அழகுதான் வாலி அவர்களின் கைவண்ணம் காட்டுகிறது.

ஒரு நாள் இல்லை ஒரு நாள் வந்து
அவள் தான் சொல்லத் துடித்தாள்
உயிர் நீயே என்று நினைத்தாள் இன்று
கண்ணால் சொல்லி முடித்தாள்

காதல் கொண்ட உள்ளங்கள் அனைத்திற்கும் பொருந்தும் கவிதைதான்… இன்பத்தேர் இதயம் நோக்கி நகர்வதைப்போல் ஒரு பாடல் பதிவாகி நம் மனதில் பதிந்திருக்கிறது. புரட்சித் தலைவரின் பாடல்கள் வெற்றியின் விளிம்பைத் தொடுபவை என்பதற்கு இந்தப் பாடலும் சத்திய சாட்சியாய்…

நான் பார்த்ததிலே அவள் ஒருத்தியைத்தான்
நல்ல அழகி என்பேன் நல்ல அழகி என்பேன்
நான் கேட்டடதிலே அவள் வார்த்தையைத் தான் ஒரு
கவிதை என்பேன் ஒரு கவிதை என்பேன்
நான் பார்த்ததிலே அவள் ஒருத்தியைத் தான்
நல்ல அழகி என்பேன் நல்ல அழகி என்பேன்

எந்தக் கலைஞனும் அவளை சிலை வடிப்பான்
எந்தப் புலவனும் அவளைப் பாட்டில் வைப்பான்
அந்த இயற்கையும் அவள் மேல் காதல் கொள்ளும்
அவள் நினைவாலே என் காலம் செல்லும்
நான் பார்த்ததிலே அவள் ஒருத்தியைத் தான்
நல்ல அழகி என்பேன் நல்ல அழகி என்பேன்

இடையோ இல்லை இருந்தால் முல்லைக்
கொடி போல் மெல்ல வளையும் சின்னக்
குடை போல் விரியும் இமையும் விழியும்
பார்த்தால் ஆசை விளையும்
அந்தப் பூமகள் திருமுகம் மேலே குளிர்ப்
புன்னகை வருவதினாலே நிலவோ மலரோ எதுவோ
நான் பார்த்ததிலே அவள் ஒருத்தியைத் தான்
நல்லஅழகி என்பேன் நல்ல அழகி என்பேன்

ஒரு நாள் இல்லை ஒரு நாள் வந்து
அவள் தான் சொல்லத் துடித்தாள்
உயிர் நீயே என்று நினைத்தாள் இன்று
கண்ணால் சொல்லி முடித்தாள்
அந்தக் காதலன் முகம் தொடுவானோ?
இந்தக் காதலி சுகம் பெறுவாளோ
கனவோ நனவோ எதுவோ?
நான் பார்த்ததிலே உன் ஒருவனைத் தான் நல்ல
அழகனென்பேன் நல்ல அழகனென்பேன்
நான் கேட்டதிலே உன் வார்த்தையைத் தான் ஒரு
கவிதை என்பேன் ஒரு கவிதை என்பேன்
நான் பார்த்ததிலே உன் ஒருவனைத் தான் நல்ல
அழகனென்பேன் நல்ல அழகனென்பேன்

“””””””””””””””””””””””””””””””””””””””””””””””””””””””””””””””
பாடல்: நான் பார்த்ததிலே (1966)
திரைப்படம்: அன்பே வா
இயற்றியவர்: கவிஞர் வாலி
இசை: எம்.எஸ். விஸ்வநாதன்
பாடியவர்: டி.எம். சௌந்தரராஜன், பி. சுசீலா

“””””””””””””””””””””””””””””””””””””””””””””””””””””””””””””””
காணொளி: https://youtu.be/ndvucTxXwhA

— கவிஞர் காவிரிமைந்தன். 

 

தமிழ்மக்களின் அமோக ஆதரவைப் பெற்ற அரசியல் தலைவியாய் …
எதிர்பட்ட இன்னல்களை எல்லாம் துணிவுடன் எதிர்கொண்ட பெண்ணாய் …
உலக அளவில் புகழ் பெற்ற புரட்சித் தலைவியாய் …
ஐந்தாம் முறை அரியணை காணும் செல்வி ஜெ ஜெயலலிதா அவர்களுக்கு வாழ்த்துகள்!!

தொட்ட இடம் துலங்க வரும் தாய்க்குலமே வருக …

காவியக் கவிஞர் வாலி அவர்களுடன் ஒரு நாள் உரையாடிக் கொண்டிருந்தபோது … அவர் எழுதிய மன்னன் திரைப்பாடலில் அம்மா என்றழைக்காத உயிரில்லையே என்ற பாடலில் தாயின் பெருமைகள் பற்றி மிக அழகாக எடுத்துக்கூறியிருந்தது குறித்து என் மனமார்ந்த பாராட்டுதல்களைத் தெரிவித்தேன்.

அப்போது … இதைவிட ஒருமுறை குமுதம் வார இதழில் தாய் பற்றி 72 முறை தாய் என்னும் சொல்லைப் பயன்படுத்தி எழுதினேன். அப்போது கிடைத்த பாராட்டுக்கள் மிகக் குறைவு! ஆனால் திரைப் பாடலில் பிரபல நடிகர் நடித்து வெளியாகும்போது அதன் வீச்சு அதிகம் என்று குறிப்பிட்டார்.

இதோ … இந்தப் பாடலின் தொகையறா கவிஞர் வாலி அவர்களின் ‘தாய்’ கவிதையை நினைவூட்டுகிறது.

அரியதாய் … பெரியதாய் … வணக்கத்திற்குரியதாய் …
எளியதாய் வலியதாய் என்றுமே இனியதாய் …
மலர்ந்ததாய் கனிந்ததாய் மனதிலே நிறைந்ததாய் …
வளர்ந்ததாய் வாழ்ந்ததாய் வந்த தாய் எங்கள் தாய் …

முத்துச் சிப்பி திரைப்படத்திற்காக கவிஞர் வாலி வரைந்தளித்த பாடலிது! தமிழக அரசியல் வரலாற்றில் இரு பெரும் தலைவர்களாக உருவாகி … சாதனை சரித்திரம் எழுதிய வகையில் புரட்சித் தலைவருக்காக கவிஞர் வாலி எழுதிய இதுபோன்ற பாடல் உண்டு …

பிறந்த இடம் தேடி நடந்த தென்றலே
பெருமையுடன் வருக‌
உன் திருவடித் தாமரை தொடங்கிய பாதையில்
தேசம் நன்மை பெருக !

நான் ஆணையிட்டால் திரைப்படத்திற்காக கவிஞர் வாலி எழுதிய இப்பாடலும் … புரட்சித்தலைவிக்காக முத்துச்சிப்பி திரைப்படத்திற்காக எழுதிய தொட்ட இடம் துலங்க வரும் என்கிற பாடலும் இன்று நினைத்துப் பார்த்தால் … கவிஞர்கள் தீர்க்கதரிசனம் கொண்டவர்கள் என்பதற்கு தக்க சான்றாகத் தோன்றுகிறது!

அரியதாய் … பெரியதாய் … வணக்கத்திற்குரியதாய்
எளியதாய் வலியதாய் என்றுமே இனியதாய்
மலர்ந்ததாய் கனிந்ததாய் மனதிலே நிறைந்ததாய் …
வளர்ந்ததாய் வாழ்ந்ததாய் வந்த தாய் எங்கள் தாய் … எங்கள் தாய் …

தொட்ட இடம் துலங்க வரும் … தாய்க்குலமே வருக …
கண் பட்ட இடம் பூ மலரும் … பொன் மகளே வருக …
பொன் மகளே வருக … நீ வருக!

கருணை என்ற தீபம்
இரு கண்களில் ஏந்திய தாயே
காலங்கள்தோறும் நெஞ்சில் வந்து கோவில் கொண்டவள் நீயே
பூமுகத்தாமரை மேலே அருள் பொழிகின்ற தெய்வத்தாயே
வானம் பார்த்த பூமிக்கெல்லாம் மாரியென்பது நீயே …
முத்து மாரியென்பது நீயே … முத்து மாரியென்பது நீயே …

இதயம் உன்னைப்பாடும் …
நல்ல எண்ணங்கள் மாலைகள்போடும்
இன்னல் வந்த நேரம் உந்தன் புன்னகை ஆறுதல் கூறும்
வாவென வேண்டிடும்போது எதிர் வருகின்ற செல்வம் நீயே
நாலும் கொண்ட பெண்கள் தலைவியாகிய தாயே …
ஒரு தலைவியாகிய தாயே!!

 

காணொளி: https://www.youtube.com/watch?v=pd9v_zyBLUo

https://www.youtube.com/watch?v=pd9v_zyBLUo

— கவிஞர் காவிரிமைந்தன்.

 

வேண்டும் வேண்டும் உங்கள் உறவு …

இது அன்பின் பரிபாஷை… ஆழ் மனத்தின் குரல்…
மண்ணில் வந்து பிறந்த உயிர்களில் மானுடர்களுக்கான தேவதரு!
இன்னும் இன்னும் என்று உள்ளத்தில் தோன்றும் ஊற்று…
எழுதிப் படிக்கும்போதே இனிக்கும் அமுதம்!
குரலில் பிறந்து வந்தால் மயக்கும் கல்யாணி!
மாலைப் பொழுதுகளில் மனதில் புது வருடல்!
தேனில் நனைத்தெடுத்த பலாச் சுளை!
உயிர்வரை சிலிர்க்கும் உன்னதக் கவிதை!
மொத்தத்தில் எனக்கு நீ வேண்டும்… உனக்கு நான் வேண்டும்…

கவிஞர் வாலி அவர்கள் வரிகள் தர மெல்லிசை மன்னர் இசையைத் தர… குரலைத் தருகிற குயில்கள்… எஸ்.பி.பாலசுப்ரமணியம் மற்றும் வாணி ஜெயராம்…

வசந்தத்தில் ஓர் நாள் என்பது திரைப்படம். ஆனால் இப்பாடல் கேட்கும்போதெல்லாம் வசந்தம் வரும்!

அணுக்களில் நிறைந்து நம்மை மயக்கும் காதல் அன்பில் விளையும் இன்ப ராஜ்ஜியம்…

சொல்லால் அதனை சொல்லிவிட முடியாது… இருந்தாலும் கவிஞர்களின் முயற்சி…தொடர்கிறது!

வர கவிஞர் போல் வந்த கவியரசர் இன்பத்துப்பால் பக்கம் நம்மை ஈர்க்கிறார்…

ஒவ்வொரு வரியிலும் உள்ளம் கவர்கிறார்… ஆணின் தேவையென்ன பெண்ணவள் அறிவாள்…

பெண்ணின் தேவையும் ஆணவன் அறிவான். உள்ளங்கள் இணைந்தபின் உரிமைகள் வளரும்…

உணர்வின் அலைகள் இப்படியா எழும்? இப்பிறவி தாண்டியும் பிறக்கின்ற பிறவி எல்லாம் உன்னுடனே நான்…

என்கிற உயிர்க்காதல் சரிதம் எழுதும்… காதலுக்கு மகுடம் சூட்டும்!

இப்பாடல் ஒன்று போதும் … காதலில் வேண்டியதெல்லாம் கிடைக்கும்….

காணொளி: https://www.youtube.com/watch?v=hjEe83VEt3c
படம்: வசந்தத்தில் ஓர் நாள்
கவிஞர்: வாலி
இசை: எம்.எஸ். விஸ்வநாதன்
குரல்கள்: வாணி ஜெயராம், எஸ்.பி.பாலசுப்ரமணியம்
“””””””””””””””””””””””””””””””””””””””””””””””””””””””””””””””””””””””””
பெண்:
வேண்டும் வேண்டும் உங்கள் உறவு
வேண்டும் வேண்டும் உங்கள் உறவு
வெண்பனித் தென்றல் உள்ள வரையில்
வெண்பனித் தென்றல் உள்ள வரையில்

தோன்றும் இளமை தொடர்ந்திட வேண்டும்
தொடரும் மாலை வளர்ந்திட வேண்டும்
நான்கு இதழ்கள் கலந்திட வேண்டும்
நாளை என்பதே மறந்திட வேண்டும்

ஆண்:
வேண்டும் வேண்டும் உந்தன் அழகு
வெண்பனித் தென்றல் உள்ள வரையில்
வெண்பனித் தென்றல் உள்ள வரையில்

நெஞ்சில் நீயே நிறைந்திட வேண்டும்
நீண்ட இரவுகள் நான் பெற வேண்டும்
கொஞ்சும் மொழிகள் நீ சொல்ல வேண்டும்
கோடை மழையில் நான் நனைந்திட வேண்டும்
வேண்டும் வேண்டும் உந்தன் அழகு
வெண்பனித் தென்றல் உள்ள வரையில்
வெண்பனித் தென்றல் உள்ள வரையில்

பெண்:
உலகம் என்னைப் புகழ்ந்திட வேண்டும்
உங்கள் காலடி தொடர்ந்திட வேண்டும்
ஆண்:
உனை நினைத்தே நான் வாழ்ந்திட வேண்டும்
ஒவ்வொரு பிறப்பிலும் இணைந்திட வேண்டும்
இருவரும்:
வேண்டும் வேண்டும் உங்கள் உறவு
வெண்பனித் தென்றல் உள்ள வரையில்
வெண்பனித் தென்றல் உள்ள வரையில்

https://www.youtube.com/watch?v=hjEe83VEt3c

 

— கவிஞர் காவிரிமைந்தன்.

 

 

 

உந்தன் மடியினில் கிடப்பது சுகம் சுகம்
இந்த சுகத்தினில் சிவந்தது முகம் முகம்

மனம் இதற்கெனக் கிடந்தது தவம் தவம்
ஆனந்தமே இனி இவன் உயிர் போனாலும்

என்றும் ஓய்வதில்லை இந்தக் காதல் மழை
கடல் நீலம் உள்ள அந்தக் காலம் வரை

இது பிறவிகள்தோறும் விடாத பந்தம்
பிரிவெனும் தீயில் விழாத சொந்தம்
ம்….ஆ…

‘கற்பகம்’ திரைப்படத்தில் அனைத்துப் பாடல்களையும் இயற்றி வெற்றியின் விலாசம் அறிந்த வித்தகக் கவிஞர் வாலி அவர்கள் – காலங்கள் பல கடந்தல்ல… பல வென்று களைத்துப் போகாத இளைஞரிவர் என்பதற்கு ‘காதலர் தினம்’ திரைப்பாடல்கள் முற்றிலும் சாட்சி சொல்லும். இவரின் பெயரில் ‘வாலி’ என்று அமைந்ததாலோ என்னவோ வாலிபக் கவிதைகளைத் தொடர்ந்து வாரி வழங்கி வந்தார். திரையுலகப் பிரவேசத்திற்கு முன்பாக இவர் தடம் பதித்த நாடகத் துறையில் பெற்றிட்ட பயிற்சி இசைக் கோர்வைக்கு வார்த்தைகள் வழங்கும் ரகசியத்தை இவருக்கு வசமாக்கிவிட… – எதிர்காலத்தில் வாழ்க்கை முழுவதும் வெற்றிக்கான அடித்தளமாக அதுவே அமையும் என்றே அவரே எண்ணியிருக்க வாய்ப்பில்லை! பொதுவாகவே, வாலியின் பாடல்கள் வெற்றியைத் தொடுவது வழக்கம்தான்… அப்படி அவரின் பெயர் சொல்லும் படங்களில் முன்னணியில்… அன்பே வா, படகோட்டி, நம் நாடு, கண்ணன் என் காதலன், காவல்காரன், ரிக்க்ஷாக்காரன், கலங்கரை விளக்கம், அரச கட்டளை, தாய் மேல் ஆணை என்று பட்டியல் நீளும்.

ஒரு முறை கண்ணீர் பூக்கள் தந்த கவிஞர் மு. மேத்தா அவர்கள் நபிகள் நாயகத்தின் வரலாற்றை புதுக்கவிதை வடிவில் புத்தக ஆக்கம் தந்து அதன் பிரதியை கவிஞர் வாலி அவர்களுக்கு வழங்கிட… அன்று நள்ளிரவில் அப்புத்தகத்தைப் படிக்கத் தொடங்கி… விடிவதற்குள் படித்து முடித்தார் என்றால் அந்த அளவு அந்நூல் கவிஞர் வாலி அவர்களை ஈர்த்தது என்றே சொல்ல வேண்டும். அது மட்டுமின்றி… அது இன்னொரு துவக்கத்திற்கு தூண்டு கோலாகவும் அமைந்தது தமிழுக்குக் கிடைத்த பொக்கிஷம். சரியாக சொல்லப் போனால், கவிஞருக்குள் இருந்த இன்னொரு பரிணாமத்தின் துவக்கமாய்… – நம் காவியக் கவிஞர் வாலி பிறந்தார். இந்து மதத்தின் இதிகாசப் புருஷன் இராமனைப் பற்றியும்… ராமாயணத்தையும் இது போல் புதுக்கவிதை வடிவில் தான் வடிக்க வேண்டும் என்று முடிவெடுத்தார். ‘ஆனந்த விகடன்’ திரு. பாலசுப்ரமணியன் அவர்களிடம் தனது விருப்பத்தைத் தெரிவித்தார். அந்த வாரமே … கவிஞர் வாலி எழுதிய ‘அவதார புருஷன்’ என்கிற இராம காதலி, காகுத்தன் காதை என்கிற அற்புதப் படைப்பு ஆரம்பமானது. செய்யுள் வடிவில் இருந்த இராமயணத்தை உரைதேடி பொருள் கொண்டு, அனைவரும் படித்தறியும் விதமாக ஆக்கியப் பெருமைக்குச் சொந்தக்காரர் ஆனார்! அடுத்து, பாண்டவர் பூமி, இராமானுஜ காவியம், கிருஷ்ணா விஜயம் போன்ற மாபெரும் நூல்கள் வெளிவந்தன.

இந்தக் கவி விடிவில்… கவிஞர் வாலி பெற்ற பரிணாமம் … கடவுளின் அருளை அவருக்கு மேலும் வழங்கியிருக்க வேண்டும்… அந்த நேரத்தில் வெளியான 1999 ‘காதலர் தினம்’ திரைப் பாடல்கள் அனைத்தும் இவரின் காவியப் படைப்புகளின் பாணி கலந்திருந்ததை கவனிக்க வேண்டும். அது புதிய சுவையைத் தந்தது… இன்பம் இன்பம் என்றது… இயக்குனர் கதிர் அவர்களின் இயக்கத்தில் மறக்க முடியாத படம்… எல்லாப் பாடல்களும் எங்கள் வாலி என்று நாம் போற்றத்தக்க திரையிசை ஏ ஆர் ரகுமான்.

காகுத்தன் வரலாற்றை புதுக்கவிதை வடிவில் தந்த கரங்களுக்கு நன்றி… ஒரு தீபத்தைத் தூண்டிய பெருமைக்கு உரியவராகத் திகழும் மு.மேத்தா அவர்களுக்கும் நன்றி… காதலர் தினப் பாடல்களை கவி நயமிக்கதாக மட்டுமின்றி… புதுவித வடிவம் தந்து இசையில் நம்மை மூழ்க வைத்த ஏ ஆர் ரகுமான் மற்றும் இன்பத்தமிழை ஏட்டில் பதித்த வித்தகர் வாலியையும் நாம் என்றென்றும் போற்றலாமே!

காதலெனும் தேர்வெழுதி காத்திருந்த மாணவன் நான்
காதலெனும் தேர்வெழுதி காத்திருந்த மாணவன் நான்

காதலெனும் தேர்வெழுதி காத்திருந்த மாணவன் நான்
காதலெனும் தேர்வெழுதி காத்திருந்த மாணவன் நான்
உன் எண்ணம் என்ற ஏட்டில் என் எண்ணைப் பார்த்த போது
நானே என்னை நம்ப வில்லை எந்தன் கண்ணை நம்பவில்லை

உண்மை உண்மை உண்மை உண்மை அன்பே
உன்மேல் உண்மை உன் வசம் எந்தன் பெண்மை
டோலி டோலி டோலி டோலி டோலி டோலி டோலி டோலி
டோலி டோலி டோலி டோலி டோலி டோலி டோலி டோலி
ஆ…
—
இந்த வலக்கையில் வளையல்கள் நானல்லவா
இன்று வலக்கையை வளைக்கின்ற நாளல்லவா
இந்த வலக்கையில் வளையல்கள் நானல்லவா
இன்று வலக்கையை வளைக்கின்ற நாளல்லவா

சுகம் வலைக்கையை வளைக்கையில் உண்டானது
மெம்மேலும் கைவளை வளை என ஏங்காதோ

இது கண்ணங்களா இல்லை தென்னங்கள்ளா

இந்தக் கண்ணமெல்லாம் உந்தன் சின்னங்களா

இங்கு நானிருந்தேன் வெறும் மெய்யெழுத்தாக
நீ வந்து சேர்ந்தாய் உயிரெழுத்தாக
—
காதலெனும் தேர்வெழுதி காத்திருந்த மாணவன் நான்
காதலெனும் தேர்வெழுதி காத்திருந்த மாணவன் நான்

டோலி டோலி டோலி டோலி டோலி டோலி டோலி டோலி
டோலி டோலி டோலி டோலி டோலி டோலி டோலி டோலி
—
உந்தன் மடியினில் கிடப்பது சுகம் சுகம்
இந்த சுகத்தினில் சிவந்தது முகம் முகம்

மனம் இதற்கெனக் கிடந்தது தவம் தவம்
ஆனந்தமே இனி இவன் உயிர் போனாலும்

என்றும் ஓய்வதில்லை இந்தக் காதல் மழை

கடல் நீலம் உள்ள அந்தக் காலம் வரை

இது பிறவிகள்தோறும் விடாத பந்தம்
பிரிவெனும் தீயில் விழாத சொந்தம்
ம்….ஆ…
—
காதலெனும் தேர்வெழுதி காத்திருந்த மாணவன் நான்
காதலெனும் தேர்வெழுதி காத்திருந்த மாணவன் நான்

டோலி டோலி டோலி டோலி டோலி டோலி டோலி டோலி
டோலி டோலி டோலி டோலி டோலி டோலி டோலி டோலி

காதலெனும் தேர்வெழுதி காத்திருந்த மாணவன் நான்
காதலெனும் தேர்வெழுதி காத்திருந்த மாணவன் நான்

டோலி டோலி டோலி டோலி டோலி டோலி டோலி டோலி
டோலி டோலி டோலி டோலி டோலி டோலி டோலி டோலி

“””””””””””””””””””””””””””””””””””””””””””””””””””””””””””””””””””””””””
படம்: காதலர்தினம் (1999)
பாடல்: வாலி
இசை: ஏ. ஆர். ரகுமான்
குரல்கள்: எஸ். பி. பாலசுப்ரமணியம், சுவர்ணலதா
காணொளி: https://youtu.be/JDEScBfyboc
“””””””””””””””””””””””””””””””””””””””””””””””””””””””””””””””””””””””””

https://youtu.be/JDEScBfyboc

— கவிஞர் காவிரிமைந்தன்.

 

காலமெல்லாம் கவிதை மலர் தோட்டத்திலே கற்பனையால் உச்சங்களை எட்டி … எட்டி … நம்மைக் களிப்பினிலே ஆழ்த்திய தொழிலைச் செய்த கவிஞர் அன்றோ வாலி எனும் புலவர் பெருமகன்!

ஆழிசூழ் உலகமிதில் அவதரிக்கும் இவர் போன்ற கவியரசர் ஒரு சிலரே!

பைந்தமிழில் இவர் புனையும் பாடல்களெல்லாம் பாமரன் வரை முணுமுணுக்கும் மந்திரங்களென்பேன்…

சொல்லமுதச் செல்வம்தனை சுமந்து வந்த தெள்ளமுதப் பாவலன்தான் கவிஞர் வாலி!

பொன்மனச் செம்மலுக்குப் புகழேணி சமைத்துத் தந்த நல்மனச் செல்வன் இவன் என்று நாடே போற்றும்!
கலைமகளின் அருளதனால் இவன் தினம் எழுதிய பாடல்கள் எல்லாம் திகட்டாத அமுதமன்றோ?

குமரனவன் திருவருளே தனது உயர்விற்கெல்லாம் காரணமாம் என்ற உணர்வுடனே வணங்கிய உள்ளத்தார்!

அவ்வண்ணமே, ‘வாலி’ எனும் மாகவிஞன் புகழதனை வெளியிட்டப் பதிப்பகமும் ‘ குமரன்’ என்பது இனிய பொருத்தமே!

பேசும் தெய்வம் திரைப்படத்திற்காகக் கவிஞர் வாலி வரைந்த வரிகள் …

வாழ்த்துதற்கு ஏற்றவை என்பதால் இன்று அவரை வாழ்த்துதற்கும் … போற்றுதற்கும் இவ்விடம் ஏற்றுகின்றேன்….

வாழும் தமிழே வாலி என்றே! நூறாண்டு காலம் வாழ்க …

நூறாண்டு காலம் வாழ்க
நோய் நொடி இல்லாமல் வளர்க
ஊராண்ட மன்னர் புகழ் போலே
உலகாண்ட புலவர் தமிழ் போலே
நூறாண்டு காலம் வாழ்க
நோய் நொடி இல்லாமல் வளர்க
ஊராண்ட மன்னர் புகழ் போலே
உலகாண்ட புலவர் தமிழ் போலே
நூறாண்டு காலம் வாழ்க
நோய் நொடி இல்லாமல் வளர்க

குறையாது வளரும் பிறையாக
குவியாத குமுத மலராக
குறையாது வளரும் பிறையாக
குவியாத குமுத மலராக
குன்றாத நவநிதியாக
குன்றாத நவநிதியாக
துள்ளி குதித்தோடும் ஜீவ நதியாக
நீ வாழ்க… நீ வாழ்க…

நூறாண்டு காலம் வாழ்க
நோய் நொடி இல்லாமல் வளர்க
ஊராண்ட மன்னர் புகழ் போலே
உலகாண்ட புலவர் தமிழ் போலே
நூறாண்டு காலம் வாழ்க
நோய் நொடி இல்லாமல் வளர்க

விளையாத மண்ணில் தளிராக
மலராத கொடியில் கனியாக
விளையாத மண்ணில் தளிராக
மலராத கொடியில் கனியாக
மலடென்ற பேரும் பொய்யாக
மலடென்ற பேரும் பொய்யாக
வந்த மகனே உன் வாழ்வு நிறைவாக
நீ வாழ்க…. நீ வாழ்க…

நூறாண்டு காலம் வாழ்க
நோய் நொடி இல்லாமல் வளர்க
ஊராண்ட மன்னர் புகழ் போலே
உலகாண்ட புலவர் தமிழ் போலே
நூறாண்டு காலம் வாழ்க
நோய் நொடி இல்லாமல் வளர்க

“””””””””””””””””””””””””””””””””””””””””””””””””””””””””””””””””””””””””””””””””””””””””””””””””””””

படம் : பேசும் தெய்வம்
வரிகள்: கவிஞர் வாலி
இசை : கே. வி. மகாதேவன்
பாடியவர் : சூலமங்கலம் ராஜலக்ஷ்மி
காணொளி: https://youtu.be/0DaHSI5JbEI

https://youtu.be/0DaHSI5JbEI

“””””””””””””””””””””””””””””””””””””””””””””””””””””””””””””””””””””””””””””””””””””””””””””””””””””

— கவிஞர் காவிரிமைந்தன்.

 

 

அன்பே வா திரைப்படத்தில் ஆரம்பப் பாடலிது! உள்ளத்திலிருந்து ஒரு உற்சாகக் கங்கை பிரவகித்து ஓடி வருகிற வெள்ளம்! எழில்சிந்தும் காஷ்மீரின் இதயமாக விளங்கும் சிம்லாவின் அழகிலே நெஞ்சம் மயங்கலாம்! கதிரவன் காட்சிதரும் விடிகாலைப் பொழுதொன்றில் கதாநாயகன் எம்.ஜி.ஆர். கருப்பு சிவப்பு நிறத்தில் உடையணிந்து தலைப்பாகையுடன் கையில் ஒரு சூட்கேஸ் … என அமர்க்களமாய் குளிர்க்காற்றின் கதகதப்பில் ஓடியாடி வருகின்ற காட்சி! இன்றும் எம்.ஜி.ஆர். ரசிகர்களின் மத்தியிலே உறைந்திருக்கிறது! புதிய வானம் புதிய பூமி என்று ஒரு கையை மேலும் மறு கையை கீழும் காட்டும் எம்.ஜி.ஆரின் பாணி இன்றும் பிரபலம்தானே!! முத்திரை பதித்த நடிகராக உலா வந்த எம்.ஜி.ஆர் அவர்கள் தனது இரண்டு கரங்களை பயன்படுத்தி வெற்றி பெற்றதுபோல் இன்னொரு நடிகர் பெற்றிருக்கிறாரா என்பது கேள்விக்குறியே!

கவிஞர் வாலி அவர்களின் வரிகளில் இமயத்தின் உயரமும் இதயத்தின் ஈரமும் பிரதிபலிப்பதைப் பாருங்கள்! மக்கள் திலகம் துள்ளிவரும் பாதையிலே பள்ளிக் குழந்தைகளுடன் கொஞ்சி மகிழும் அழகென்ன? அவர்களின் முகத்தில் எதிர்காலம் உயர்ந்ததாக அமையும் என்கிற நங்கூர நம்பிக்கையைப் பாட்டு வரிகளில் விதைத்திருக்கிறார். மெல்லிசை மன்னர் எம்.எஸ்.விஸ்வநாதன் இசைப் பாதையிட்டு கவிதைக்கு ரத்தினக் கம்பள வரவேற்பளித்திருக்கிறார். தனது குரல்வளத்தால் தமிழ்த்திரையை 50 ஆண்டுகாலமாக தன்வசப்படுத்தி வைத்திருந்த டி.எம்.செளந்திரராஜன் அவர்தம் கம்பீரக் குரலில் முழங்கிடும் பாடல் இன்றும் நம் இதயத்தைத் தொடுகிறது!!

படம் அன்பே வா
பாடல்: புதிய வானம் புதிய பூமி
வரிகள்: கவிஞர் வாலி
இசை: எம்.எஸ்.விஸ்வநாதன்
குரல்: டி எம் சௌந்தரராஜன்
______________________________________________

புதிய வானம் புதிய பூமி – எங்கும்
பனிமழை பொழிகிறது
நான் வருகையிலே என்னை வரவேற்க
வண்ணப் பூமழை பொழிகிறது ஒ ஒ ஓஹோ

லால்ல லாலால்லா ஓஓஓ லால்ல லாலால்லா

(புதிய வானம்)

புதிய சூரியனின் பார்வையிலே
உலகம் விழித்துக்கொள்ளும் வேளையிலே
இமயத்தில் எழுகின்ற குளிர்காற்று – என்
இதயத்தைத் தொடுகிறது
அன்று இமயத்திலே சேரன் கொடி பறந்த
அந்தக் காலம் தெரிகிறது
அந்தக் காலம் தெரிகிறது

(புதிய வானம்)

பிள்ளைக் கூட்டங்களைப் பார்க்கையிலே
பிஞ்சு மழலை மொழி கேட்கையிலே
நல்லவர் எல்லாம் நலம் பெறுவார் – என்ற
நம்பிக்கை தெரிகிறது
அவர் வரவேண்டும் நலம் பெறவேண்டும்
என்று ஆசை துடிக்கிறது
என்று ஆசை துடிக்கிறது

(புதிய வானம்)

எந்த நாடு என்ற கேள்வியில்லை
எந்த ஜாதி என்ற பேதமில்லை
மனிதர்கள் அன்பின் வழிதேடி – இங்கு
இயற்கையை வணங்குகிறார்
மலை உயர்ந்ததுபோல் மனம் உயர்ந்ததென்று
இவர் வாழ்வில் விளக்குகிறார்
இவர் வாழ்வில் விளக்குகிறார்

(புதிய வானம்)

 

https://youtu.be/xRPv3zgwT6I
காணொளி: https://youtu.be/xRPv3zgwT6I

—கவிஞர் காவிரிமைந்தன்.

 

ஆசைமுகத்திற்காக கவிஞர் வாலி அன்று வரைந்த பாட்டு! காதல் பாடல் என்று வரும்போது பல்லவி என்ன வைக்கலாம் என்று எண்ணிடத் தோன்றிய கணமெ… அன்பு முகம் நோக்கி காதலன் கேட்கும் கேள்வியாய் முதல் வரி அமைந்திட… இன்பபுரி நோக்கி எடுத்துவைக்கும் ஒவ்வொரு அடியும்… வரியும் இனிக்கிறதே! காதலி கூடுகிறாள்… அவள் தானும் சேர்ந்தே பாடுகிறாள்!!

காதலியிடம் தான் வேண்டுவன எல்லாம் கேட்கும் பாணியைப் பாருங்கள்… அவளும் தருவதைத் தந்து பெறுவதில் குறியாய் இருக்கிறாள்! இன்ப நாமாவளியில் இருவர் இதயங்கள் இணைகின்றன! எஸ்.எம்.சுப்பையா நாயுடு அவர்களின் இசையும் அதற்கேற்ப கவிஞர் வாலியின் வரிகளும் இசைத்தமிழாய் வலம் வருகின்றன! எளிய வார்த்தைகளில் புதிய பாணியில் சொல்லப்பட்ட காதல் பாட்டாக..

கட்டித்தங்கம் வெட்டியெடுத்த மக்கள் திலகத்துடன் அபிநயசரஸ்வதி சரோஜாதேவி திரையில் தோன்றும் இன்பத்தமிழ்த் தேனாறு இசையின்வாயிலாக வழிகிறது! இறைவன் எழுதிவைத்த தேவகுயில்கள் டி.எம்.செளந்திரராஜன், பி.சுசீலா குரல்களில் மற்றுமொரு இன்பநாதம்! தமிழ்த்திரையின் மொத்த ராஜ்ஜியத்தில் இவர்களின் பங்காக… அவற்றுள் ஒன்றே இப்பாடல் என்றாக… இதோ நன்றாக. .. என்னைக் காதலித்தால் மட்டும் போதுமா? வேறென்ன வேண்டுமாம்.. பாடலைக் கேளுங்கள்… பதில் கிடைக்கும்!!

காணொளி: https://youtu.be/l3-cs57NsRg

என்னைக் காதலித்தால் மட்டும் போதுமா
உன் கைகளில் வரவும் வேண்டுமா
இந்தக் கைகளில் வந்தால் போதுமா
நீ கேட்டதைத் தரவும் வேண்டுமா
என்னைக் காதலித்தால் மட்டும் போதுமா

ஊரென்ன சொல்லும்
சொல்லட்டுமே
உறவென்ன பேசும்
பேசட்டுமே
காதலர் நெஞ்சம்
கொஞ்சட்டுமே
காவிய வாழ்வை
மிஞ்சட்டுமே
[என்னைக் காதலித்தால் மட்டும் போதுமா]

காவிரி கெண்டை
கண்களிலே
தாமரைப் பொய்கை
கன்னத்திலே
நாயகன் வந்தான்
பக்கத்திலே
நாயகி விழுந்தாள்
வெட்கத்திலே
[என்னைக் காதலித்தால் மட்டும் போதுமா]

ஆசைகள் தொடங்கும்
நெஞ்சத்திலே
ஆடி அடங்கும்
மஞ்சத்திலே
மாந்தளிர் மேனி என்னருகே
மன்னவன் தோள்கள் என்னருகே

என்னைக் காதலித்தால் மட்டும் போதுமா
உன் கைகளில் வரவும் வேண்டுமா
இந்தக் கைகளில் வந்தால் போதுமா
நீ கேட்டதைத் தரவும் வேண்டுமா
என்னைக் காதலித்தால் மட்டும் போதுமா

____________________________________________

பாடல்: என்னைக் காதலித்தால் ……
படம்: ஆசைமுகம்
கவிஞர்: வாலி
இசை: எஸ்.எம்.சுப்பையா நாயுடு
குரல்: டி.எம்.செளந்திரராஜன், பி.சுசீலா

— கவிஞர் காவிரிமைந்தன்.

மென்மையான பாடலுக்கு மக்கள் மத்தியில் என்றைக்குமே வரவேற்பு இருக்கும் என்பதற்கு தற்காலப்பாடல்களில் ஒரு சாட்சி! தாத்தாவிற்கும் பேரனுக்கும் பாட்டெழுத பிரம்மன் அனுப்பி வைத்த காவியக் கவிஞர் வாலி அவர்கள் கைவண்ணத்தில் இசையமைப்பாளர் ஜஸ்டின் பிரபாகரன் இசையில் எஸ்.பி.சரண், அனு ஆனந்த் குரல்களில் இழைந்தோடும் இந்தத் தென்றல் இதயத்தைத் தொடுகிறது!

பண்ணையாரும் பத்மினியும் என்கிற வித்தியாசமான கதையமைப்பில் உருவாகி வெளிவந்த இத்திரைப்படத்தில் ஜெய்பிரகாஷ், துளசி ஆகியோர் நடிப்பில் எஸ்.யு.அருண்குமார் இயக்கத்தில் இனிமைதவழும் கானம் இதோ கேளுங்கள்! பருவக் காதலை ஒருபுறம் சொல்லிவிடுகிற இயக்குனர் நடுத்தர வயதுக் காதலையும் நயமாக சொல்லியிருப்பதும்… குறிப்பாக இந்தப் பாடலில் இடம்பெறும் சிறு சிறு காட்சிப் படலங்கள் சத்தமில்லாமல் சங்கதி சொல்கின்றன சங்கீதத்துடன்!!

கவிஞர் வாலியின் வரிகளில் ஒரு சிறந்த பாடலாசிரியருக்கான முதிர்ச்சியும்… அதே நேரத்தில் கதாபாத்திரம் எந்த வார்த்தைகளைத் தாங்கும் என்கிற அளவைக் கண்டறிந்து எளிமையும் எதார்த்தமும் கலந்து பரிமாறியிருக்கிறார் என்றால் அது மிகையில்லை! கணவன் மனைவி இருவருக்கிடையில் இருக்க வேண்டிய அந்நியோன்யம் கரைபுரண்ட பாசமாய் பெருக்கெடுத்து ஓடிக்கொண்டிருந்தால் இல்லறம் என்பது இன்பதேசமாய் இருப்பதில் என்ன குறை? கேட்டபின் மறந்துவிடும் பாடலாய் இல்லாமல் மனம் முணுமுணுக்கச் சொல்கிற பாடலாய்… பழைய பாடலின் சாயலோடு … இதோ…

 

__________________________________

பாடல்: எனக்காக பொறந்தாயே எனதழகி
படம் :பண்ணையாரும் பாத்மினியும்
பாடலாசிரியர் : வாலி
இசை :ஜஸ்டின் பிரபாகரன்
பாடியவர்கள் : எஸ்.பி.சரண்,அனு ஆனந்த்
__________________________________

https://youtu.be/KRBBzanmGsU

 

காணொளி: https://youtu.be/KRBBzanmGsU

உனக்காக பொறந்தேனே எனதழகா
பிரியாம இருப்பேனே பகல் இரவா
உனக்காக பொறந்தேனே எனதழகா
பிரியாம இருப்பேனே பகல் இரவா
உனக்கு வாக்கப்பட்டு
வருஷங்கள் போனால் என்ன ?
போகாது உன்னோட பாசம் !
என் உச்சி முதல் பாதம் வரை
என் புருஷன் ஆட்சி..
ஊர்தெற்காலதான் நிக்கும் அந்த
முத்தாலம்மன் சாட்சி ……..

எனக்காக பொறந்தாயே எனதழகி
இருப்பேனே மனசெல்லாம் உனை எழுதி ……..

அ… அ.. ஆ………
லைய் லாய் லாய் லல்லே
லல்லாய் லலலல்லாய்
லைய் லாய் லாய் லல்லே
லல்லாய் லலலல்லாய் ……..

ஒருவாட்டு எனை உரசாட்டி உனை
உறுத்தும் பஞ்சனைமெத்தையும்
ராத்திரி பூத்திரி ஏத்தற வேளையிலே

கருவாட்டி பானை கிடைச்சாக்க பூனை
விடுமா சொல்லடி சுந்தரி..
நெத்திலி வத்தலு வீசுற வாடையில..

பூவாட்டம் உன் காத்து மாவட்டும் நேரம்தான்
உன் கையை மீட்டாதா முந்தானை ஓரம்தான்

பூவாடை தூக்காதா? பூபானம் தாக்காதா?
நீ முத்தி போன கத்திரியா புத்தம் புது பிஞ்சு

நா முந்தா நாளு ஆளானதா எண்ணுதோ உன் நெஞ்சு
உனக்காக பொறந்தேனே எனதழகா..
பிரியாம இருப்பேனே பகலிரவா..
உனக்கு வாக்கைப்பட்டு வருஷங்கள் போனா என்ன
போகாது உன்னோட பாசம்..
என் உச்சி முதல் பாதம் வரை
என் புருஷன் ஆட்சி..
ஊர்தெற்காலதான் நிக்கும் அந்த
முத்தாலம்மன் சாட்சி

************************************************************************************

https://youtu.be/VVNGuRrh2sY

காணொளி: https://youtu.be/VVNGuRrh2sY

எனக்காக பொறந்தாயே எனதழகி
இருப்பேனே மனசெல்லாம் உனை எழுதி
அ… அ.. ஆ..
எனக்காக பொறந்தாயே எனதழகி
இருப்பேனே மனசெல்லாம் உனை எழுதி

உனக்கு மாலையிட்டு
வருஷங்கள் போனா என்ன ?
போகாது உன்னோட பாசம் !
எனக்கு என்மேலெல்லாம் ஆச இல்ல
உன் மேல தான் வச்சேன் !
என்ன ஊசியின்றி நூலுமின்றி
உன்னோடதான் தச்சேன் !

உனக்காக பொறந்தேனே எனதழகா
பிரியாம இருப்பேனே பகல் இரவா
உனக்கு வாக்கப்பட்டு
வருஷங்கள் போனால் என்ன ?
போகாது உன்னோட பாசம் !
எனக்கு என்மேலெல்லாம் ஆச இல்ல
உன் மேல தான் வச்சேன்
என்ன ஊசியின்றி நூலுமின்றி
உன்னோடதான் தச்சேன்

லைய் லாய் லாய் லல்லே
லல்லாய் லலலல்லாய்
லைய் லாய் லாய் லல்லே
லல்லாய் லலலல்லாய்

ஒதுங்காதே தொட்டு
உசுப்பேத்தி விட்டு
உனக்கா ஒவ்வொரு மாதிரி
நாக்குல நெஞ்சில
பச்சைய குத்தி வச்சேன்

இதுதாண்டி ரதம்
இதலதான் நிதம்
உன்னத்தான் உட்காரவச்சி
நா ராசாதிராசனா
ஊர்வலம் வந்திடுவேன்

உன்னோடு நான் சேர
மென்மேல வந்து ஒரு
நேந்து தான் சாமிக்கு
வப்பேனே வெள்ளாடு !

ஆத்தோரம் காத்தாடும்
காத்தோடு நாத்தாடும்
நான் பாத்தாட்டமா நாத்தாட்டமா
உன்னால அழும் நாளும்

நீ மாலையிடும் வேளையில
கேட்குதா என் தோடு !

உனக்காக புறந்தேனே எனதழகா
பிரியாம இருப்பேனே பகல் இரவா
உனக்கு மாலையிட்டு
வருஷங்கள் போனால் என்ன ?
போகாது உன்னோட பாசம்
தன்னனனான தன்னனான
நன்னானானனான…

–கவிஞர் காவிரிமைந்தன்.

 

வற்றாத ஜீவநதியாய் கவிதை … வெள்ளம் போலவே கரைபுரண்டு பாய்ந்து வருகின்ற உள்ளம் கவிஞர் வாலியிடம் தஞ்சம் எனும்போது வார்த்தைகளுக்கா பஞ்சம்? தர்மத்தின் தலைவன் திரைப்படத்திற்காக கவிதை ஒன்று கருவெள்ளம்கொண்டபோது … உயிர் கொண்ட பாட்டு இது! இராகதேவன் இளையராஜாவின் இசையாட்சியில் இதோ வார்த்தை நந்தவனம் பூத்துக் குலுங்குகிறது!

வசந்த விழா ஒன்று நடந்து முடிகிறது! மெல்லிய கானம் பிறந்து வருகிறது! நல் உறவுகள் அன்பினிலே பின்னப்பின்ன ஆனந்த லயத்திலே மூழ்கவைக்கும் பாடல்! முத்தமிழை முறையாக கற்றுத் தேர்ந்த கவிஞர் வாலியின் கரம்பட்டக் காரணத்தால் கன்னித்தமிழ்க் கவிதை பிறந்ததடி! இன்பமது பொங்கி வழியும் இதமான பாடல் வளர்ந்ததடி!

சூப்பர் ஸ்டார் ரஜினிகாந்த், பிரபு, சுகாசினி கூட்டணியில் எஸ்.பி.பாலசுப்பிரமணியம் மற்றும் பி.சுசீலா குரல்களில் தவழ்ந்து வரும் தென்றலிது!

 

https://youtu.be/5dDTrxGzs2c

 

காணொளி: https://youtu.be/5dDTrxGzs2c

படம்: தர்மத்தின் தலைவன்
பாடல்: வாலி
இசை: இளையராஜா
குரல்: எஸ். பி. பாலசுப்ரமணியம், பி.சுசீலா

__________________________________ 

தென் மதுரை வைகை நதி
தினம் பாடும் தமிழ் பாட்டு
தென் மதுரை வைகை நதி
தினம் பாடும் தமிழ் பாட்டு
தேய்கின்றது
தேய்கின்றது பொன் மாலை நிலா
தேயாதது நம் ஆசை நிலா
இது வானம் போலே வாழும் பாசம்
தென் மதுரை வைகை நதி
தினம் பாடும் தமிழ் பாட்டு
தென் மதுரை வைகை நதி

நம்மைப் போல நெஞ்சம் கொண்ட
அண்ணன் தம்பி யாரும் இல்லை
தன்னைப் போல என்னை எண்ணும்
நீயும் நானும் ஓர் தாய் பிள்ளை
தம்பி உந்தன் உள்ளம் தானே
அண்ணன் என்றும் வாழும் எல்லை
ஒன்றாய் காணும் வானம் என்றும்
ரெண்டாய் மாற நியாயம் இல்லை
கண்ணோடுதான் உன் வண்ணம்
நெஞ்சோடுதான் உன் எண்ணம்
முன்னேறு நீ மேன்மேலும்
என்னாசைகள் கை கூடும்
இந்த நேசம் பாசம் நாளும் வாழ்க

தென் மதுரை வைகை நதி
தினம் பாடும் தமிழ் பாட்டு
தென் மதுரை வைகை நதி

நெஞ்சில் என்னை நாளும் வைத்து
கொஞ்சும் வண்ண தோகை ஒன்று
மஞ்சள் மாலை மேளம் யாவும்
கண்ணில் காணும் காலம் இன்று
பூவைச் சூடி பொட்டும் வைக்க
மாமன் உண்டு மானே மானே
உள்ளம் தன்னைக் கொள்ளை கொண்ட
கள்வன் இங்கு நானே நானே
உன்னோடுதான் என் ஜீவன்
ஒன்றாக்கினான் நம் தேவன்
நீதானம்மா என் தாரம்
மாறாதம்மா எந்நாளும்
இந்த நேசம் பாசம் நாளும் வாழ்க

தென் மதுரை வைகை நதி
தினம் பாடும் தமிழ் பாட்டு
தென் மதுரை வைகை நதி
தினம் பாடும் தமிழ் பாட்டு
தேய்கின்றது
தேய்கின்றது பொன் மாலை நிலா
தேயாதது நம் ஆசை நிலா
இது வானம் போலே வாழும் பாசம்
தென் மதுரை வைகை நதி
தினம் பாடும் தமிழ் பாட்டு
தென் மதுரை வைகை நதி

–கவிஞர் காவிரிமைந்தன்.

வாலிபக்கவிஞர் வாலி அவர்களின் வசந்த வரிகளில் இதோ மற்றுமொரு பாடல்! திரைப்படத்தின் பெயர் கூட “ஆஹா” என்கிறது! இப்பாடலைத்தான் சொல்கிறதோ? இசையமைப்பாளர் தேவா அவர்களின் ரம்மியமான இசையில் இளம்பாடகர் ஹரிகரன் குரலில் ஒலிக்கும் காதல் பாடல்!

இளம் உள்ளத்தின் பருவ வாசலில் தோன்றும் அத்தனை உணர்ச்சிகளையும் ஒட்டுமொத்தமாக கவிஞனால் மட்டும் அப்படியே படம்பிடித்துக்காட்ட முடிகிறது! காவியக்கவிஞருக்கு அது கைவந்த கலையாக!

பாடலின் தொடக்கம் முதல் தொய்வில்லாத ஒரு உந்துதல்… மகிழ்ச்சி வெள்ளம் கரைபுரண்டோடுகிறது பாருங்கள்… கேளுங்கள்! ஆனந்தம் அலைமோதும் எண்ணங்களில் வார்த்தைகள் வந்துவிழாதா என்ன? சுவையான கீதம் நம்மை இனிமையான சூழலுக்கு அழைத்துச் செல்வதும்… மதுரமான இசையில் ஆழ்த்துவதும் சராசரி பாடலுக்கே சாத்தியப்படும்போது… வார்த்தைகளை கவிஞர் சர்க்கரை, தேன்பாகு போல் கொட்டிக்கவிழ்த்திருக்கும் இப்பாடல் ஈர்க்கமாலிருக்குமா?

ஆழ்ந்த சிந்தனையிலிருந்து அற்புத வரிகள் தோன்ற பாய்ந்துவரும் வெள்ளமென பாடல் பிறக்கிறது… எளிமையெனும் ரதமேறி குரல்வழியே நாம் அந்தக் குதூகலத்தை அடையலாம்..

நொடிக்கொரு தரம் உன்னை நினைக்க வைத்தாய்
அடிக்கடி என்னுடல் சிலிர்க்க வைத்தாய்
முதற்பார்வை நெஞ்சில் என்றும் உயிர் வாழுமே!

நல்லவளே அன்பே உன்னால்தான்
நாளைகள் மீதொரு நம்பிக்கை கொண்டேன்

இவை என்ன காதலுக்கு எழுதிவைக்கப்பட்டிருக்கும் வேதவரிகளா?

 

முதன் முதலில் பார்த்தேன் காதல் வந்ததே
எனை மறந்து எந்தன் நிழல் போகுதே
என்னில் இன்று நானே இல்லை
காதல் போல ஏதும் இல்லை
என்னில் இன்று நானே இல்லை
காதல் போல ஏதும் இல்லை
எங்கே எந்தன் இதயம் அன்பே வந்து சேர்ந்ததா?
(முதன் முதலில்…)

நந்தவனம் இதோ இங்கேதான்
நான் எந்தன் ஜீவனை நேரினில் பார்த்தேன்
நல்லவளே அன்பே உன்னால்தான்
நாளைகள் மீதொரு நம்பிக்கை கொண்டேன்

நொடிக்கொரு தரம் உன்னை நினைக்க வைத்தாய்
அடிக்கடி என்னுடல் சிலிர்க்க வைத்தாய்
நொடிக்கொரு தரம் உன்னை நினைக்க வைத்தாய்
அடிக்கடி என்னுடல் சிலிர்க்க வைத்தாய்
முதற்பார்வை நெஞ்சில் என்றும் உயிர் வாழுமே
உயிர் வாழுமே
(முதன் முதலில்…)

உத்தரவே இன்றி உள்ளே வா
நீ வந்த நேரத்தில் நான் இல்லை என்னில்
அந்த நொடி அன்பே என் ஜீவன்
வேறெங்கு போனது பாரடி உன்னில்
உன்னைக் கண்ட நிமிஷத்தில் உறைந்து நின்றேன்
மறுபடி ஒரு முறை பிறந்து வந்தேன்
உன்னைக் கண்ட நிமிஷத்தில் உறைந்து நின்றேன்
மறுபடி ஒரு முறை பிறந்து வந்தேன்
என் சுவாசக் காற்றில் எல்லாம்
உன் ஞாபகம் உன் ஞாபகம்
(முதன் முதலில்…)
____________________________________________
படம்: ஆஹா (1998)
பாடல்: வாலி
இசை: தேவா
பாடியவர்: ஹரிஹரன்
காணொளி: https://www.youtube.com/watch?v=OqC-Y9YGNxE&spfreload=10

 

 

https://youtu.be/XCggs6WA9Nk

— கவிஞர் காவிரிமைந்தன்.

மலரிதழ் திறப்பு எப்போது தெரியுமா? மனிதர்கள் கண்டதுண்டா? இயற்கையின் நிகழ்வினில் எல்லாம்.. எப்போதும் ஒரு ரகசியப் பதிவாகவே இருக்கும்! அவையவை தத்தம் இயல்பினில் இயங்கிக் கொண்டிருக்க.. கவிஞர்களின் கற்பனை வலை விரிப்பில் மட்டும் கருத்து முத்துக்கள் – அந்த ரகசியங்களை பகிரங்கப்படுத்திக் கொண்டிருக்கும்!

வெண்ணிலா வானில் வரும் வேளையில் நான் விழித்திருந்தேன்
எண்ணிலாக் கனவுகளில் எதையெதையோ நினைத்திருந்தேன்

‘மன்னிப்பு’ திரைப்படத்திற்காக ஒரு மந்தகாசப் பாடல் ஒன்றை கவிஞர் வாலி அவர்கள் தீட்டியிருக்கிறார். அந்த மாலைப் பொழுதில் மங்கிய நல் நிலவொளியில் காதலர்கள் சந்திக்கின்றனர்! முத்தமிழும் மோகனமும் கூடிநிற்க.. காதல் பாமாலை சூடுகின்றனர்!

நாலு வித குணமிருக்கும் அஞ்சுகின்ற மனமிருக்கும்
ஆறுகின்ற பொழுது வரை அனல் போல் கொதிப்பதெது?

அழகிய தமிழ்மொழியில் எப்படியெல்லாம் அனுபவிக்கலாம் என்பதைக் காணுங்கள்!

முத்துச் சிப்பி வாய் திறக்க மோகம் கொண்டு துடித்திருக்க
கொட்டும் மழைத் துளி விழுந்து கொஞ்சக் கொஞ்ச என்ன வரும்?

அமரர் எஸ்.எம்.சுப்பையா நாயுடு அவர்களின் இசையிலே டி.எம்.செளந்திரராஜன் பி.சுசீலா குரல்களில் இழைந்தோடும் இனிய நாதமிது! இதுபோன்ற பாடல்களை ரசிப்பதற்கும் கொடுத்து வைத்திருக்க வேண்டும்! ஆனந்த ராகமிது ஆரம்பமாகிறது! அணைக்கின்ற வேளையிது.. அனுபவிப்பெல்லாம் அனுபல்லவியாகிறது! கவிதை மழை பொழிகிறது! இசையருவி வழிகிறது! இதயமது நனைகிறது! இன்னுமென்ன சொல்ல வேண்டும் இந்தப் பாடல்பற்றி!!

மக்கள் கலைஞர் ஜெய்சங்கரும் நாட்டியச் செல்வி வெண்ணிற ஆடை நிர்மலாவும் திரையில்…

http://youtu.be/d3WYzyc_8ME

காணொளி: https://www.youtube.com/watch?v=d3WYzyc_8ME&spfreload=10

 

பாடல்: வெண்ணிலா வானில் வரும் வேளையில்
திரைப்படம்: மன்னிப்பு (1969)
இயற்றியவர்: வாலி
இசை: எஸ். எம். சுப்பையா நாயுடு
பாடியவர்: டி.எம். சௌந்தரராஜன், பி. சுசீலா

_______________________________________________________________

வெண்ணிலா வானில் வரும் வேளையில் நான் விழித்திருந்தேன்
வெண்ணிலா வானில் வரும் வேளையில் நான் விழித்திருந்தேன்
எண்ணிலாக் கனவுகளில் எதையெதையோ நினைத்திருந்தேன்
எண்ணிலாக் கனவுகளில் எதையெதையோ நினைத்திருந்தேன்
வெண்ணிலா வானில் வரும் வேளையில் நான் விழித்திருந்தேன்

ஆஆஆஆஆ ஆஆஆஆஆ ஆஆஆஆஆ ………………..
நாலு வித குணமிருக்கும் அஞ்சுகின்ற மனமிருக்கும்
நாலு வித குணமிருக்கும் அஞ்சுகின்ற மனமிருக்கும்
ஆறுகின்ற பொழுது வரை அனல் போல் கொதிப்பதெது?

ஆஆஆஆ ஆஆஆஆஆஆஆ ………………..
ஆசை கொண்ட இதயமது
வெண்ணிலா வானில் வரும் வேளையில் நான் விழித்திருந்தேன்

வான வில்லின் நிறமெடுத்து மேகமென்னும் வெண் திரையில்
வான வில்லின் நிறமெடுத்து மேகமென்னும் வெண் திரையில்
மின்னல் எனும் தூரிகையால் நான் வரைந்த கோலமெது?

ஆஆஆஆ ஆஆஆஆஆஆஆ ………………..
கன்னி என்தன் வடிவமது
வெண்ணிலா வானில் வரும் வேளையில் நான் விழித்திருந்தேன்

காமன் கை வில்லெடுத்து அஞ்சு விதப் பூத் தொடுத்து
காமன் கை வில்லெடுத்து அஞ்சு விதப் பூத் தொடுத்து
பூமகளின் நெஞ்சினிலே போர் தொடுக்கும் நேரமெது?

ஆஆஆஆ ஆஆஆஆஆஆஆ ………………..
மஞ்சள் வெயில் மாலை அது
வெண்ணிலா வானில் வரும் வேளையில் நான் விழித்திருந்தேன்

முத்துச் சிப்பி வாய் திறக்க மோகம் கொண்டு துடித்திருக்க
முத்துச் சிப்பி வாய் திறக்க மோகம் கொண்டு துடித்திருக்க
கொட்டும் மழைத் துளி விழுந்து கொஞ்சக் கொஞ்ச என்ன வரும்?

ஆஆஆஆ ஆஆஆஆஆஆஆ ………………..
முத்து ஒன்று பிறந்து வரும்
வெண்ணிலா வானில் வரும் வேளையில் நான் விழித்திருந்தேன்
எண்ணிலாக் கனவுகளில் எதையெதையோ நினைத்திருந்தேன்
வெண்ணிலா வானில் வரும் வேளையில் நான் விழித்திருந்தேன்

— கவிஞர் காவிரிமைந்தன். 

அண்மையில் நான் இணையதளமொன்றில் கேட்கக் கிடைத்த புதையல் இந்தப் பாடல் என்பேன்! எத்தனை அருமையான இப்பாடல் இதுவரை கேட்டது கிடையாது என்பதை என்னால் நம்பவே முடியவில்லை! ‘தங்கத் தம்பி’ என்கிற திரைப்படத்தில் தமிழ்த்திரையில் என்றும் வலம்வந்துகொண்டிக்கிற டி.எம்.செளந்திரராஜன் பி.சுசீலா ஆகியோரின் வளமையான குரல்களில்.. கேளுங்கள் புதிய உலகம் நுழைந்ததுபோலிருக்கும்!

பல்லவி தொடங்கி சரணங்கள் எல்லாம் செந்தமிழின் சுகமிருக்கிறது! இசையோ நம்மைக் கட்டி இழுக்கிறது! திரையிசைத்திலகம் கே.வி.மகாதேவன் அமைத்த இசையில் இதயங்கள் கட்டுண்டு போவது சகஜம்தான் என்றாலும் இந்தப் பாடல் அதற்கும் மேலே என்றே சொல்லத் தோன்றுகிறது!

 

 

ஆண்:
பொழுதெல்லாம் பேசச் சொல்லும்
கதையொன்று கண்ணில் உண்டு

பெண்:
இரவெல்லாம் பாடச்சொல்லும்
பாட்டொன்று நெஞ்சில் உண்டு

ஆண்:
அம்புலிபோல் பெண்ணைக் கண்டேன்
அம்புவிழிக் கண்ணைக் கண்டேன்
அழகுரதம் ஆடக் கண்டேன்
ஆடைகொண்டு மூடக் கண்டேன்

பெண்:
கோடையிலே நிழலைக் கண்டேன்
கானலிலே நீரைக் கண்டேன்
அன்னை போலே நெஞ்சம் கண்டேன்
பிள்ளைபோல் தஞ்சம் என்றேன்.

[பொழுதெல்லாம் பேசச் சொல்லும்]

ஆண்:
காற்றுக்கு கண் கிடையாது
நடப்பதெல்லாம் பார்ப்பதற்கு..
கட்டிலுக்கு வாயுமில்லை
கவிதைகளை வரைவதற்கு..

பெண்:
விடிந்தபின்பு வண்ணம் காட்டும்
மன்னன்தந்த சின்னம் காட்டும்
செந்தமிழே பண்ணில் திகழும்
காண்பவர்க்கு தன்னால் புரியும்!

[பொழுதெல்லாம் பேசச் சொல்லும்]

காணொளி: http://youtu.be/qjh5KdPub38

படம்: தங்கத் தம்பி
பாடல்: வாலி
இசை: கே. வி. மகாதேவன்
குரல்: டி எம் சௌந்தரராஜன், பி. சுசீலா

 

அருமையான வரிகளில் ஆனந்தமழையடிப்பதைப்போல் இன்பம் கொள்ளை கொள்ளையாகக் கொட்டிக்கிடக்கிறது! இசைப்பாடலுக்குத்தானே இத்தனைப் பெருமை அமைகிறது! இயல்தமிழாய் இருக்கும்போது அது கவிதை என்று மட்டுமே கவனத்தில் கொள்ளப்படுகிறது! பாடல் பாடப்படுகிற சூழல், பாடும் குரல்கள், பாடல் காட்சிகள் என்று பல காரணிகள் இருந்தாலும் பெளர்ணமி வெளிச்சம் பரவிக்கிடக்கிற பாடலாய் இப்பாடல் பவனிவருகிறது!

ரவிச்சந்திரன் – பாரதி இணைசேர கண்ணுக்கு விருந்தளிக்கும் இதமான ஜோடியாய் இவர்கள் நடிப்பில் பண்ணும் இசையும் பவித்ரமாய் கலக்கின்றன! ஒன்றிணையும் இருவர் இப்படி அமைய வேண்டும் என்கிற எண்ணம்கூட நெஞ்சில் பதிகிறது! கண்களை மூடிக்கொண்டு கேட்டுப்பார்த்தால் கவிதை மஞ்சம் விரிக்கிறது! கன்னித்தமிழின் வெள்ளம் பாய்ந்துவந்து இதயத்தை இன்ப அலைகள் நனைக்கிறது!

இன்பத்தை வளரச்செய்ய இணைசேரும் வார்த்தைப்பூக்கள் மொத்தமாக அணிவகுக்க.. அன்னைபோல நெஞ்சம் கண்டேன் ..உன்னிடத்தில் பிள்ளைபோல் தஞ்சம் என்றேன் என்கிற கனிந்த சொற்களால் இப்பாடல் தரத்தில் உயர்ந்துநிற்கிறது! இனிய தம்பதியர் வாழ்வில் இப்பாடல் நிதந்தோறும் கேட்க வேண்டிய கானமாக.. என்றென்றும் ஒலிக்கட்டுமே!!