Category: திருமால் திருப்புகழ்

கிரேசி மோகன்

“பாலா பிஷேகமே பட்டா பிஷேகமாய்
கோலோ கலமாகக் கொண்டாடும் -மாலோலன்;
ஆவிந்தன் பாலில் அபிஷேக நீராடி
கோவிந்தன் கொற்றவைக் கூத்து”….கிரேசி மோகன்….

கிரேசி மோகன்

“பழுதென்று நம்பிமலைப் பாம்பின்வால் பற்றி,
கழுதைக்குக் கற்பூரம் காட்டி ,-பொழுதென்றும்
காலிங்கு கும்பிடுவாய் காசுக்காய்; காப்பென்றும்,
காளிங்க நர்த்தனக் கால்”….கிரேசி மோகன்….

கிரேசி மோகன்

கேசவ், அட்டகாசமான ஓவியம்….அஸாத்தியமான வரைவு….!

”கருப்பும், வெளுப்பும் கலந்திட கீதை,
பிறப்பு, புவிக்கு பரிசு, -சிறப்பாய்,
இகபர ஈர்ப்பை எழுதிய கேசவ்,
மகன்நீர் பரந்தா மனுக்கு’’….கிரேசி மோகன்….
(OR)

‘கருப்பும், வெளுப்பும் கலந்திட கீதை,
பிறப்பு, புவிக்கு பரிசு, -சிறப்பாய்,
குகராம ஈர்ப்பினைக் காட்டிய ,கேசவ்,
மகராஸ னாக மலர்’’….கிரேசி மோகன்….

கிரேசி மோகன்

”பார்அதன் வேருக்கு புல்லாங் குழல்நீரும்,
நூறு’களை’ போக்க நிவாரண, -போருக்கு
கண்ணன்கை காலில், கவசம் அணீந்தாலும்,
எண்ணமது கோதூளி யே’’….கிரேசி மோகன்….

நரஸிம்ஹ மந்த்ரராஜம்
—————————–
உக்ரம் வீரம் மஹாவிஷ்ணும் ஜ்வலந்தம் ஸர்வதோமுகம் |
ந்ருஸிம்ஹம் பீஷணம் பத்ரம் ம்ருத்யும்ருத்யும் நமாம்யஹம் ||

”வீரியன், வீரன், வியாபகன், சைதன்ய,
சூரியன், சூக்கும காரியன், -கூரிய
சிங்கன், எதிரிக்கு சொப்பனம், காலகாலன்,
மங்களம் சேர்த்திடும் மால்’’….கிரேசி மோகன்….

கேசவ், இன்றைய கண்ணனில், கண்ணனைவிட அவன் கொலுவிருக்கும் மாடம் எனக்கு, முதல் மூன்று ஆழ்வார்கள்,
பொய்கையார், பேயாழ்வார், பூதத்தாழ்வார் சந்தித்த சத்திரத்து அறையை நினைவூட்டியது….அந்த அறையில் ஒருவர் படுக்கலாம், இருவர் அமரலாம், மூவர் நிற்கலாம்….ஆழ்வார்கள் மூவரும் நின்றபோது, வானம் கருத்து மழை பெய்ததாம்….அப்போது மேக ஸ்யாமளன் அமானுஷ்யமாக அசரீரி ரூபத்தில் மூவருக்கு இடையே நின்று நெருக்கினானாம்….இந்தக் கதை நினைவுக்கு வர….!

“ஒருவர் படுக்க இருவர் அமர
வருகை புரிந்தவரால் நிற்க -ஒருயிரவில்,
பொய்கைபேய் பூதத்தார், பின்னிப் பிணைந்திட,
செய்த மழையோன் சரண்’’….கிரேசி மோகன்….

கிரேசி மோகன்

”ராஜகோ பாலன் ரமண ரகுராமன்,
ஆஜானு பாகன் அரவிந்த -லோசனன்,
தேஜோ மயன்தாயின் தாம்புக்கும், தாலாட்டு
ஜோஜோக்(கு) அடங்கிடும் சேய்’’….கிரேசி மோகன்….

கிரேசி மோகன்

”குழலூது கின்றான் குளிர்மேக வண்ணன்,
கழலதை கன்றுக்குக் காட்டி, -விழலுக்(கு)
இறைக்கா தவன்இறை யாதவன் ராகம்,
தரைக்கான கீதகோவிந் தம்’’….கிரேசி மோகன்….

கிரேசி மோகன்

“காப்பளிக்கும் கண்ணனின்று கன்னத்தில் வண்ணத்தின்
தீப்பறக்கத் தோற்றம் தருகின்றான் ,-ஆப்பிரிக்க
GOATSதோலைப் போர்த்தியக் COWஅவன் கால்கவ்வ;
GODSMUSTBE க்ரேசி கரெக்ட்”…கிரேசி மோகன் ….

கிரேசி மோகன்

“பூவைக் குமிடத்தில் பொன்வைப்போன் வள்ளலென்றால்,
பூவைக்கும் பாதத்தில் பிள்ளையை -நீவைத்தாய்;
கர்ண மகாப்பிரபு கேசவ் கலக்கும்நீ
வர்ண மகாப்பிரபு வே” 

“எதிர்காத்(து) இருப்பவர்க்கு ஏமாற்றம் தந்து
எதிர்காத்தாய் வீசும் எவர்க்கோ -மதில்மேலே
பூனைக்கீ டாமிரெண்டும்; பிள்ளை அழைத்தாலோ
தூணைப் பிளந்துதெய்வம் தொப்….

குழந்தை தெய்வமும் கேசவ் கொண்டாடும் தெய்வமும்….
நம் நலம் பேணும் தாயும் சேயும் நலம் ….
“ஓணமும் ஆதிரையும் ஒன்றிக் கலந்திட
கானில் பிறந்தமணி கண்டனே ,-ஞானமே,
தாய்மோ கினியவள் தாளில் பசித்திராய்
போய்வன் புலிப்பால் பருகு”….கிரேசி மோகன் ….

ஓணம் -அரி , திருவாதிரை -அரன்
கானில் -காட்டில்….

கிரேசி மோகன்

ஆனை படுத்து அசுவமட் டமாகியன்று,
தூணைப் பிளந்த துரைசிங்கத் ,-தானை,
அறிந்தவன் தாளில் அடைக்கலம் என்று
சரிந்தவிதம் கேசவ் சபாஷ்’’….கிரேசி மோகன்….

அசுவமட்டம் -குதிரைமட்டம்….

கிரேசி மோகன்

கண்ணன் உள்ளம் கவர் கள்வன் Thief Of HEARTS ….

“மத்யானம் ஆய்ச்சியர் மல்லாந்த வேளையில்
தத்யோனம் வெண்ணை திருடுமிவன் -உத்தியோகம்,
இன்னாரென்(று) இல்லாது இல்லம் புகுந்தெடுப்பான்;
மன்னார்AND COCHOR மனது”….கிரேசி மோகன் ….