Category: திருமால் திருப்புகழ்

கிரேசி மோகன்

தானான தானன தானான தானன
தானான தானன -தனதான….

———————————————————————————————————————–

“பாதாள வானுற பாதாதி கேசமும்
தீயான சோணையின் -ரமணேசர்
ஈசான்ய மூலையில் போயான்ம னாய்யுற
நானார்வி சாரணை -உபதேசம்
ஓதாமல் ஓதிய தேகான்ம பாவனை
நாடாது வீடுற -அருள்வாயே
பூபாள வேளையில் கானேகி மாடுகள்
மேயாத போதினில் -குழலூது
கோபால யாதவ கோலோக மாதவ
மாலோல கேசவ -முகிலோனே
சீதாம னோகர ராமாதி வாகர
தீபாவ சீகர -ஒயிலோனே
மாதாபி தாகுரு மூலாத ராமுதல்
தேவாஅ னாஹத -குகைவாழும்
வேதாத யாபர நாதாசு தாகர
கீதாவு பாசன -பெருமாளே”
—————————————————————————————–

படத்திற்கு நன்றி:

http://www.gokranti.com/category/uncategorized/page/2/

கிரேசி மோகன்

தானதான தந்தா தானனா தனந்தா….

—————————————————————————————————————————-

“யாதுமாகி நின்றாய் யாதவா முகுந்தா
கோதையாகி வந்தாய் காளையார் கலந்தாய்
சீதரா சுமந்தாய் ஜோதியாய் உகந்தாய்
யாவர்தோழன் தந்தாய் தாயுமா னதந்தாய்
பேதைநான்ம கிழ்ந்தேன் பாடலாய் வளர்ந்தாய்
போகுமூர்ம றந்தேன் பாதையாய் விரிந்தாய்
ஆதலால்கி ளர்ந்தேன் ஆதிசே டரங்கா
கீதையாக வந்தே காதிலோ துசிங்கா”
————————————————————————————————————————–

கிரேசி மோகன்

தனத் தனந்தன தனதன தனதன
தனத் தனந்தன தனதன தனதன
தனத் தனந்தன தனதன தனதன-தனதான….

————————————————————————————————————————
“மனத் தகந்தையை எழயெழ இடுகள
கணற் பிணஞ்சுடு கழியடி கொடவுடல்
விறைத் தடங்கிடு, முறையது அருளிய -ரமணேசன்
நிலைக் குயர்ந்திட, களமிசை பயமுற
விதிர்த் தொடுங்கிய விஜயனை அருள்மொழி
உரைத் தடங்கிட வழிசெயும் குருவென -வரவேணும்
பிணித் தவன்னையின் உரலுடன் இருமரம்
முறித் துமங்கள வடிவுற அவர்வழி
அனுப் பவந்தது உனதுக தையிலொரு-அத்தியாயம்
தவித் தநங்கை துருபதை அவமதை
ஓழிக் கவந்துபு டவைகளை மலையென
குவித் துகுந்திபு தல்வர்கள் அரசுற -அருள்வோனே
ஜனித் தவெஞ்சிறை கதவுவி ரியஅவ
தரித் துகங்குலில் யமுனையில் நிலவென
அடுத் தஅன்னைம டிதனில்த வழபுகு -இடையோனே
புவிக் களங்கமொடு பளு,அத ரும,மத
கலிப் புழுங்கலை களையத சஉருவில்
பணத் துறங்கிடு பதவிவி லகிவரு -பெருமாளே”
————————————————————————————————————-

கிரேசி மோகன்

தனன தானதத்த தனனதானதத்த
தனன தானதத்த -தனதான

சிறிய நானகற்றி பெரியஞானமுற்று
அருணை வாசியர்க்கு-மகனான
ரமண வாயுரைத்த ரமிய மானநிட்டை
ருசியை நானும்பெற்று-நலம்காண

சிறகை வான்விரித்து வினதை சேய்பறக்க
முதலை வாயிருக்கும்-களிறோனின்,
உயிரை வாழவைக்க சுழலும் ஆழிசக்ரம்
எறிய வேகமுற்று-விரைவோனே

குறைய பூகனத்தை உருளும் தேர்நடத்தி,
பெரிய பாரதத்தின்-களமேகி
விஜய னாரவத்தை விலக சோர்வகற்றும்,
புனித கீதைசெப்பும்-இடையோனே

கரிய வானையொத்த நெடிய மேனிநித்ரை
சரிய ஆழிசொக்கும் -சுகவாசி
பெரிய பாளயத்தி பெரிய சோதரத்வ,
அருள வாமனத்துள்-பெருமாளே

—————————————————————————–

 
கிரேசி மோகன்

தானதன தானதந்த – தனதான….

———————————————————————–

“சோணமலை மீதமர்ந்து -ரமணேசர்

ஞானமலை யாயகந்தை -யதன்முலம்
காணுவகை தானுகந்த -வழியேகி
நானெனது பேதபந்தம் -விலகாதோ
தானமென மூணுகந்த -பலிசாய
வானவழி போயளந்த -நெடுமாலே
சேணமுற கேணிநின்று -கவிராஜன்(பாரதியார்)
கானமென வேவுயர்ந்த -பெருமாளே”

படத்திற்கு நன்றி:

http://www.vaisnava.cz/clanek.php3?index=40&no=167&hl=ANO
—————————————————————————————————————————

கிரேசி மோகன்

தான தத்த தானா தனந்தன தான தத்த தானா தனந்தன
தான தத்த தானா தனந்தன -தனதான….

———————————————————————————————————————–

“சீதம் முத்தி சாவாய் முடிந்திட மாலை இட்டு மாரார் மயங்கிட
ஓலை கட்டி நாலாள் சுமந்திட -வனமேகி
சூடு பட்டு சோறாய் அவிந்திட கூடு விட்டு பேயாய் அலைந்திடும்,
வேடன் தொட்டு வாவா விளம்பிட -உனதாவி

ஓதும் முத்தி சோணா சலந்தனில் வாழும் சித்தர் நானார் விளம்பலில்
ஞான முற்று தானாய் விளங்கிடும் -சுகமேவ
ஆழி சத்தம் ஆகா முழங்கிட சேட மெத்தை மீதே வளர்ந்திடும்
யோக நித்ரை மாலே வழங்கிட -வருவாயே

மாது சக்தி பாகா னசங்கரன் தோடு குத்தும் காதோ ரமந்திரம்
ஓது வித்த ஓமா திமைந்தனின், -மகமாயி
ஆதி சக்தி ஆகா ரமுண்டவள் வீர சக்தி வேலா ளுகின்றவன்,
சூரை குத்தி கூறாய் வகிர்ந்தவன், -முறைமாம

ஏது புத்தி அய்யா முணங்கிடும் ஏழை கத்தல் ஏனோ மறந்தனை
ஆத ரிக்க வாராய் அனந்தச -யனசாமி
போதி சத்வம் வேணாம், முகுந்தனுன் பாடல் பெற்ற ஆழ்வார் தலங்களில்
பாடும் பக்தி வாநாள் உகந்திடு -பெருமாளே”

படத்திற்கு நன்றி : தினமணி

                  கிரேசி மோகன்

தான தத்தன தானதத்தன
தான தத்தன தானதத்தன
தான தத்தன தானதத்தன-தந்ததான….
———————————————————————————————————————–

“தாம சத்தொடு ராஜ சத்தினை
தூய சத்வமும் தான கற்றிவி
சார யுக்தியில் நானொ ழித்துளம் -சம்புவாக
மோன நிட்டையில் மூழ்கி பக்தரின்
ஞான சத்குரு வாய்ச கத்தினில்
சோணை வெற்படி வார முற்றவர் -சொன்னவாறு

மாம முத்தமிழ் வேல வர்க்கபி
ராமி சக்தியின் நேச முற்றச
கோத ரத்துவ, வாழ வைத்திடு -செங்கண்மாலே
வாத பித்தக பாதி சர்க்கரை
சோகை ரத்தவி யாதி உற்றுவ
யோதி கத்தினில் சாயு மக்கணம் -நொந்திடாது

ராம தத்துவ தார கத்தினை
நாளும் செப்பிடு யோக பக்தியில்
நார தற்கிணை யாய்நி லைத்திடல் -தந்திடாயோ
ராச தத்துவ லீலை யுற்றெமு
னாந திக்கரை கோபி யர்க்கென
ஞான பக்குவ காம நர்த்தன -நந்தலாலா

நேமி சக்கிர ,கூவும் நிர்பய
ஆழி ,விற்தொகை, வாளும், மொத்திடும்
கோலும் உற்றுல கேழும் ரக்ஷனை -தந்துபோகும்
சீர ணைத்திட சேட மெத்தையில்
சீற லைத்தவ யோக நித்திரை
நீல பத்தும நாப நிர்குண -எம்பிரானே”
—————————————————————————————————————————————-

கிரேசி மோகன்

தந்த தனன தனதானன தனன
தந்த தனன தனதானன தனன
தந்த தனன தனதானன தனன-தனதான….

————————————————————————————————————-
“சிந்தை மகிழ சிவநேசர்செ விதனில்
மந்த்ர வடிவ உபதேசம ருளிய
கந்த முருக கதிர்காமம ருகனின் -முறைமாம
அந்த ரிவயி ரவிவாமமி றைவனின்
பங்கு திரும யிலைவாழுமை இளைய
தங்கை வருகை சினமாமனி டம்உரை -சிறைபால
முந்தை வினைகள் முளையோடுவி டுபட
சிந்தை வடிவில் பலநாள்பழ கியவ
கந்தை விலக ரமணேசர்வ ழிதனில்-நடமாட
எந்தை வருக ரகுநாயக வருக
என்று அருண கிரியார்புகழ் தமிழின்
சந்த நடையில் வரவேணும்நெ டிதுயர் -பெருமாளே”….

————————————————————————————————————————–

கிரேசி  மோகன்

தனதன தனான தனதன தனான
தனதன தனான-தனதான….
———————————————————————————————————————–

“திரைகட லுளோடி திரவிய வியாச
மறைகொண ருமீன -பெருமாள்காண்
வரைவழு விடாது வலியமு துகாள
உருவில்க டலாமை -பெருமாள்காண்
சிறையவ னிமீள விரையும வதார
வடிவுரு வராக -பெருமாள்காண்
இரணிய விரோதம் ஒழி,பிர கலாத
அழையவ ருசீய -பெருமாள்காண்
வரமரு ளமாவ வலிமுடி யிலேறி
உலகள வுகாணு -பெருமாள் காண்
மழுபர சுராம,உழவுப லராம
பழகுகு கராம -பெருமாள்காண்
இறையென உலாவி பறவையே னவேடன்
இரையுறு முராரி -பெருமாள்காண்
தருமம துவாழ தரணிஅ வதார
தசமுக புராண -பெருமாளே”
————————————————————————————————————————-

கிரேசி மோகன்

தந்ததன தந்தனம் தந்ததன தந்தனம்
தந்ததன தந்தனம் – தந்ததான….

———————————————————————————————————————–

“சஞ்சலமொ ழிந்திடும் சிந்தைமவு னம்பெறும்
செங்கிரிய மர்ந்திடும்-வெங்கடேசன்
பின்புரம ணன்சொலும் அந்தர்முகம் சென்றிடும்
அன்பரின கந்தையுளம்-எந்தநாளும்
அஞ்சலென சென்றமரும் அந்தரிசி வன்பதம்
அந்தவழி சென்றிடும்-நெஞ்சுதாராய்
சங்கொடுசு ழன்றிடும் செந்திகிரி தண்டமும்
நந்தகிவில் தங்கிடும் -அங்கையோடு
பஞ்செனப டர்ந்திடும் செந்திருக ரம்தரும்
சங்கமசு கம்பெரும் -ரங்கநாதா
வந்திரணி யன்பலம் வென்றவனை கொன்றிடும்
கம்பமுறை சிங்கமுகம் -கொண்டமாலே
தஞ்சமென வந்துதன் செஞ்சரண்அ டைந்ததும்
தம்பிமுறை தந்திடும் -அஞ்சனாவின்
பஞ்சமுகம் கொண்டவன் இந்திரியம் வென்றவன்
அந்தஅனு மன்தொழும் -எம்பிரானே”……..

கிரேசி மோகன்

தனனதன தானதத்த தனனதன தானதத்த
தனனதன தானதத்த….

————————————————————————————————————————–
“மனமதனின் ஆணவத்தை உதியுமிட மேவொடுக்க
மலையருணை வாசமுற்ற -ரமணேசர்
அருவியென வேவுரைத்த இருயிருப தானயுக்தி
உளமதனில் நானகற்றி -உயர்வாக
அனுதினமு மேஜபிக்க திடவுறுதி தாயெனக்கு
கடல்கடையும் நாளுதித்து -சபரீசன்
பெறவுதர பாரமுற்ற ,புலிமுதுகில் ஏறவிட்ட
கிளரொளியில் மோகினிப்பெண் -அவதாரா
பணமுடியில் ஏறிநச்சு உமிழவுயிர் தானெடுத்து
நடனமிடு காளியத்து -விடராசா
மழலையிவன் ஞானபக்தி கருமமதில் ஆகசித்தி
கவிதைவடி வாயெனக்கு -அருள்வாயே
ஜனகமக ளேவொருத்தி ஒருவனிவ னேவுரைக்க
சிவதனுசை போய்முறித்த -ரகுநாதா
ஜனனமர ணாதிவட்ட சகலபரி பாலனத்தில்
ஜகமதனில் பூரிநிற்கும் -பெருமாளே (OR ) ஜெகன்னாதா”….

————————————————————————————————————————

கிரேசி மோகன்

தந்ததான தான தான தந்ததான தான தான
தந்ததான தான தான -தனதான….

——————————————————————————————————————————-

“எம்பிரானும் வேதம் ஓதும் அன்னவாக னாரும் காண
மண்ணைவானை மீறு மேனி -கிரிசோணை
தன்னில்தேக வாசம் போக அன்றுஆல வாயில் சாவை
வென்றுதீர னாக மேவு -ரமணேசர்

கொம்புஞானம் காண காலில் தெம்பிலாத மூடன் வாயில்
கொஞ்சமேனும் தேனை சேர -அருள்வாயே
கங்கையோடன் தோள்கு லாவி அஞ்சுமானை நீயும் கூட
என்றுகூறு தோழ பாவ -ரகுராமா

அண்ணல்சோகம் தீர வானில் பொங்குமாழி மீது தாவி
அன்னைவாழும் சேதி கூறும் -அனுமானின்,
அஞ்சனாவின் சேயின், வாயு மைந்தனாரின், வாசி ஈசன்
அம்சனாரின் நேச மான -சகவாசன்

நம்பினோர்கள் நாளில் கோளில் துன்புறாது கோயில் வாசல்
அன்பினோடு தாழி டாது -சிலையோடு
அம்புறாவும் தோளில் ஆட தம்பியோடு தாரமொடு
கும்பகோண ராம சாமி -பெருமாளே”
———————————————————————————————————————

கிரேசி மோகன்

தான தானன தத்தன தத்தன தான தானன தத்தன தத்தன
தான தானன தத்தன தத்தன -தனதான….

———————————————————————————————————-

ஆல வாயினில் செத்துணர் வுற்றவர் நானை யாரென கற்றுடல் விட்டவர்
சோணை மாமலை உற்றது ரைத்திடு -ரமணேச
ஞான மாமுனி செப்பிய சத்தினில் நானும் வாழயில் பற்றுவி ருப்பினை
கீதை நாயக விட்டுவி ரக்தியில் -விஜயோனாய்

தோளி லாளிடும் விற்கணை விட்டது போல யாவையும் விட்டுயர் வெற்றியை
வாழும் நாளிலே வெற்றிலை வட்டிலில் -எளிதாக
ராஜ யோகமும் ,பக்தியும் ,கர்மமும் ஞான மார்க்கமும் வைத்தருள் இக்கணம்
ராசா லீலையில் முக்திய ளித்திடும் -குருநாதா

கால நேமிவ லக்கரம் விட்டிட ஆழி ஊதலி டக்கரம் பற்றிட
தோளி லாடிட விற்சுமை மற்றிரு -கதைவாளை
ஆளு மாதவ விக்ரம சொப்புரு வான வாமன நச்சர வத்துயில்
ஆதி நாரண உச்சரி பத்திரு -திருநாமம்

நாளு மோதிட நற்கதி பெற்றுயர் வான வாசலில் விட்டுவின் நித்திய
சூரி யாகுவர் இப்பிற விப்பிணி -குணமாகும்
கோல மாமயி லைப்புகழ் கற்பக பாலி ஈசனின் பக்கஅ கத்துறை
சீனு வாசம கத்துவ மைத்துன -பெருமாளே”
————————————————————————————————

கிரேசி மோகன்

திருவள்ளுர் வீர ராகவ பெருமாள்….

தய்யான தான தானன தய்யான தான தானன
தய்யான தான தானன -தனதான

“பொல்லாத நோயில் வாடிட தள்ளாது தேகம் ஆடிடும்
செல்லாத காசு ஆகுவை -அதனாலே,
அவ்வேளை சோணை மாமலை உள்ளுறும் தீயில் ஸ்நானம்செய்
வல்லானவ் ஆல வாய்மகன் -ரமணேசர்

சொல்லாத மோன பாஷையை அவ்வாறே நானும் பேசிட
செவ்வேளின் தாயின் சோதர -அருள்வாயே
செய்யாளின் மீது ராவண ஒவ்வாத காம மோடுயிர்
கொய்யேவு வாளி வீசிடும் -ரகுராமா

கல்லேறி சாபம் தீரவும் ,முள்ளேறி பாதம் நோகவும்
கள்ளுறும் கேச ஜானகி -இளையோனும்
அய்யாவுன் கூட ஏகினும் ,மெய்யான போதும் மானுட
பொய்யான மாய மேனியில் -தளர்வாகி

புள்ளுர்தி ஆழி நாகணை செல்லாழி சோழி யாவையும்
கொள்ளாது ஒய்வு காணவும் -புயமாளும்
வில்லோரம் வீசி சாலியர் நல்லோரின் மீது ஊணிடும்
வள்ளுரின் வீர ராகவ -பெருமாளே”….
ஸ்தல புராணம்….
——————————-
“எவ்வுள்” எனக் கேட்க ,சாலிஹோத்ர ரிஷி காட்டிய அவ்வுள்ளில் காட்டில் நடந்த களைப்பும் ,ராவணனைக் கொன்ற சோர்வும் தீர திரு +எவ்வுள்+ஊர் =திருவள்ளூரில்
வீர ராகவ பெருமாள் சாலியர் மீது கரத்தை வைத்து கிடந்த கோலத்தில் காட்சி தருகிறார் என்பது ஸ்தல புராணம்….
———————————————————————

 
கிரேசி மோகன்
பெருமாள் திருப்புகழ்….

தனதய்யத் தான தாத்தன தானன
தனதய்யத் தான தாத்தன தானன
தனதய்யத் தான தாத்தன தானன -தனதான….
—————————————————————————————————————–
திருவல்லிக்கேணி பார்த்தசாரதி பெருமாள்
——————————————————————————–

“ஒருகள்ளக் காதல் வாட்டிட வேடுவ
குறவள்ளிக் காக காட்டினில் மேவிடும்
சுரரில்லக் காவல் சூர்ப்பகை வேலவன் -முறைமாம
பலவெள்ளிக் காசு பார்ப்பினும் ஊழவன்
உனையள்ளிப் போக வீட்டிடை ஏகுமுன்
வரமள்ளித் தாராய் வாய்த்திட சோணையின் -ரமணேச

குரு,அய்யப் பாடு ஆக்கிடும் ஆணவ
மதையள்ளிப் போடும் சாக்கில்வி சாரணை
புரிவுள்ளத் தாழம் பூத்திடும் மாமெனும் -உபதேசம்
மனதுய்யப் ,பாதம் வீற்றிட மாதுபொன்
அலைவெள்ளப் பாலில் போட்டிடும் சேடனில்
அறிபள்ளிக் கார ,ப்ராட்டியர் சூழவந் -தருள்வாயே

முறைஅவ்வைப் பேதை கூட்டுடன் ஏகிட
இலைவில்வக் காரர் வீட்டினில் சேரவும்
தலைபெய்அத் தோளில் தூக்கிய வேழனுன் -சுடராழி
தனைகவ்வக் காதின் நாற்கர ஆடலில்
நகையள்ளித் தூவும் மேய்த்திடும் கோகுல
உறிநெய்யைப் பாலை ஆய்ச்சியர் ஏசிட -களவாடி

உறுகொள்ளைக் கார மூர்த்தியுன் லீலையை
தடைசெய்யத் தாம்பில் பூட்டிடு தாயவள்
உரலள்ளிப் போக வீழ்த்தினை மாமரம் -ஒருநாளில்
கருமல்லிப் பூவுன் காத்திர வாசனை
விரலுய்யத் தீயில் பார்த்தவுன் பாரதி
திருவல்லிக் கேணி பார்த்தனின் சாரதி -பெருமாளே”

படத்திற்கு நன்றி:

http://www.dinakaran.com/Gallery_Detail.asp?Nid=1639&page=1