Tag Archives: சுரேஜமீ

-சுரேஜமீ  காற்றின் அலைகொண்டு காலம்வென் றாயே காதல் ரசம்தந்து கண்ணன் ஆனாயே ஏற்றும் விளக்காகி ஏழைகவர்ந் தாயே என்றும் தமிழர்தம் வாழ்விலிணைந் தாயே போற்றும் எவர்நெஞ்சின் புத்தகமா னாயே போதை புகுந்ததுபோல் பொங்கியெழுந் தாயே சாற்றும் கவிதையெலாம் சங்கதியா னாயே சாகா வரம்பெற்ற கவியரச நீயே! அற்றை நிலவினிலும் ஆங்கேநீ யிருந்து அன்னைத் தமிழாலே அண்டமளந் தவனே! இற்றை வருநிலவும் இன்னுமுன் நினைவால் இன்பம் விளைக்கிறதே இன்னிசைத் தேனாக! வற்றா துயிர்நதிபோல் வாரி வழங்கிடுமுன் வார்த்தைத் தமிழாலே வண்ணங் கூட்டுகிறோம் பொற்றா மரைவாழும் பூவை ...

-சுரேஜமீ இசைக்கவி ரமணன் அவர்களுக்கு ‘வாழும் பாரதி’ விருது! – திருக்குறள் பாசறை, மஸ்கட் வழங்கியது. ‘இலக்கியமும் திரையிசையும்’ எனும் தலைப்பில் பேசுவதற்காக மூன்று நாட்கள் பயணமாக மஸ்கட் வந்திருந்தார் இசைக்கவி ரமணன். இனிய பல திரையிசைப் பாடல்களுக்குப் பின்னால் இருந்த தமிழ் இலக்கியங்களின் பெருமைகளை எடுத்துச் சொல்லி மஸ்கட் தமிழர்களின் இதயங்களைக் கட்டிப் போட்டார் என்று சொன்னால் மிகையல்ல. எழுந்து போக மனமில்லாமல், இன்னும் கொஞ்சம் தொடராதா என்ற கேள்விதான் நிகழ்ச்சியின் வெற்றி. மஸ்கட் மக்களுக்கு இசைக்கவி அண்ணா அவர்கள் பாரதி யார்? ...

உயிர் மெய்யைப் பிரிந்தாலும் தமிழர்கள் உயிரோடு கலந்த ஒரு உறவுச் சொல்! அம்மா……….. வாழ்வின் அரும்பில் உயிர் கொடுத்த தந்தையை இழந்தாய்! வாழ்வின் வசந்தத்தில் உயிர் சுமந்த தாயை இழந்தாய்! உறவின்றித் தவித்த உள்ளத்தில் குடிகொண்ட உலகத் தமிழர்களின் உன்னதத் தாயானாய்! உன்னை வரவேற்கத் தென்றல் மறுத்தாலும் தீயினில் நடந்த தென்றல் நீயன்றோ? எது சுகம் மண்ணில் என ஏங்கி இராமல் என் சுகம் தமிழர் தன்சுகம் என்றாய்! எத்தனை சறுக்கல்கள் எத்தனை இடர்கள் எத்தனை எதிரிகள் எத்தனை வரினும் எரிமலை உன்முன் எரிந்து ...

–சுரேஜமீ  ​ இறைவன்: பாடலீஸ்வரர் இறைவி:   கோதைநாயகி   காப்பு நம்பினார்ப் பாடிடுவர் இப்பதிகம் தோன்றிநாதர் கும்பிட்டு மகிழ்வர் நிறை! தடையறு பதிகம் திருஞான சம்பந்தர் தேவாரம் பாடியுந்தன் பெருமை பறைசாற்றிப் பாதம் பணிந்திட்டார் திருப்பா திரிப்புலி யூருறை மன்னவனே ஒருபா உனைப்பாட வைத்திட்டாய் என்னை! (1) கல்லோடு அப்பரைக் கடலினிலே வீசிடினும் தில்லாய்க் கரைசேர்ந்தார் தோன்றிநாதர் அண்டியதால் நில்லாத் துயரமுமே நீங்கிடும் நின்னருளால் இல்லா இனிஇல்லை ஈசன் இருப்பிடத்தில்! (2) வேண்டியுனைக் கேட்கின்றேன் பாப்புலிவாழ் ஈசனே தாண்டத் தடைகளையும் தன்மையுடன் நேசனே யாண்டும் ...

சுரேஜமீ எப்படி இருக்கீங்க? இந்த ஒரு சொல் நம் இதயத்தைச் சட்டெனத் தொட்டுவிடும் அன்பின் வெளிப்பாடு என்பது அனைவருக்கும் தெரிந்ததே! ஏதோ காரணங்களால், இன்று நாம் அதைத் தொலைத்துவிட்டோமோ என ஏங்கும் நேரத்தில், அந்த ஒரு சொல்லை வைத்து, தொலைத்த இடத்தில் நம்மைத் தேட வைத்திருக்கிறார் இயக்குனர் வசி அவர்கள்! மாற்றான் தோட்டத்து மல்லிகையானாலும் (The Intouchables), கதையின் கருவை உலகிற்கு அறிமுகம் செய்த பெருமை நம்முடையதன்றோ! அன்பிற்கும் உண்டோ அடைக்கும் தாழ்? என ஈராயிரம் ஆண்டுகளுக்கு முன்பே, அதன் வலிமையைப் பறைசாற்றிய இந்த ...

– சுரேஜமீ கம்பனும் வள்ளுவனும்                                                    இளங்கோவும் கலந்து பேசி தமிழ்த் தாயின் முன்தோன்றி ஒரு வரம்  வேண்டினர்! தூங்கும்  தமிழினத்தை  துயிலெழுப்ப, தூரிகையைத் தட்டி எடு என்று! தானே கருவாகி தரணியில் அவதரித்தாள்; பாரதி எனும் உருவெடுத்தாள்; தமிழென்னும் அமுது படைத்தாள்; குயில்கூடத் தமிழ் பாடியது, அவன் குரல் ...

சுரேஜமீ நிறைவு எளிதில் நிலைகொள்ளாத மனத்தில் எதிலும் நிறைவு என்பது இயலாத காரியம்தான். ஆனாலும், தேவைகளில் தெரிவும், உபயோகத்தின் தன்மையும், எண்ணங்களில் திண்மையும் இருந்தால், நிறைவு என்பது நிச்சயம் குடியிருக்கும் ஒரு கோயிலாக உங்கள் இதயம் இருக்கும் என்பதில் எள்ளளவும் சந்தேகமில்லை! உலகத்தில் இன்னமும் சரிபாதி மக்களின் சராசரி வருவாய், நாள் ஒன்றுக்கு ரூபாய் 200க்கும் குறைவாகத்தான் இருக்கிறது என்பது மறுக்க முடியாத உண்மை. என்றாவது ஒரு நாள் நிலைமை மாறும் என்றுதான் இன்னமும் நம்பிக் கொண்டிருக்கும் மக்களின், வறுமையை ஒழிக்க மானுடம் பண்பட ...

சுரேஜமீ புகழ்   உலகின் முதல் வெளிச்சம் தன்னில் பட்டபோது அழுதவன், தன்னை அடையாளப்படுத்த அடுத்தடுத்து வெளிச்சத்தை நோக்கியே நகர்கிறான் என்று சொன்னால் மறுப்பதற்கில்லை; கதிரொளிக்கும், மின்னொளிக்கும் உள்ள வித்தியாசம்தான் எது நிலையானது என்பதைத் தீர்மானிக்கிறது. ஒரு சொல்லைப் பொருள் கொள்வதில், இக்காலத்து இளைஞர்களுக்கும், யுவதிகளுக்கும் தவறு நேர்ந்துவிடக் கூடாது என்பதுதான் இன்றைய பதிவின் நோக்கம்! புகழுக்கு மயங்காதவர்தான் எவருளர் என்பர்? எளிதில் காரியம் சாதிக்க விரும்பும் நபர் செய்யக் கூடிய முதல் வினையே, எவர் மூலம் அக்காரியம் நடைபெற வேண்டுமோ, அவரைப் பற்றி ...

சுரேஜமீ ஆளுமை வாழ்க்கை ஒவ்வொரு நிலையிலும், நம்மை மெருகேற்றி, உரு மாற்றி, இன்னும் செல்லவேண்டும் தூரத்திற்குச் சற்றும் தோய்ந்து விடாது உற்சாகத்துடனும், உறுதியுடனும், இதோ ஒரு கை பார்த்து விடலாம் என அழைத்துச் செல்லும் ஒரு பண்புக்குப் பெயர்தான் ‘ஆளுமை’ என்றால் மிகையாகாது. ஆளுமைப் பண்பு என்பது அடிதொட்டு வரலாம்; அறிவு கற்று வரலாம்;ஆனால் அவையெல்லாம் அனுபவம் என்ற ஆசானுக்கு இணையாகாது என்பதைக் கற்றவர்கள் கூட மறுக்க முடியாது! அத்தகைய ‘ஆளுமை’ எனும் பதத்தை அறியாமலேயே பாதையை வகுத்தவர்கள் நம் மரபில் ஏராளம். அவர்கள் ...

சுரேஜமீ வாய்மை ஒரு துறவி தன்னுடைய இறை முடித்துக் கொண்டு தியானத்தில் ஆழ்ந்திருந்தார். அப்போது தெருவில் வந்து கொண்டிருந்த ஒருவனைக் காவலர்கள் துரத்தி வர, அவன் நேராக ஆசிரமத்தில் நுழைந்து, துறவியிடம் அடைக்கலம் கேட்டான். அவரும் ஒரு மறைவிடத்தைக் காட்டி, அங்கு சென்று ஒளிந்து கொள் என்றார். அவனைத் துரத்தி வந்த காவலர்களும், ஆசிரமத்தில் நுழைந்து, இப்பக்கம் ஒரு திருடன் வந்ததாகவும், அவனைப் பார்த்தீர்களா என்றும் வினவ, துறவி சைகையால் அவ்விடத்தைக் காட்டினார். காவலர்களோ துறவி நிஷ்டையில் எதோ கூறுகிறார் என எண்ணி அங்கிருந்து ...

சுரேஜமீ   திறமை   உலகில் அறிவும், திறமையும் ஒருங்கே அமையப் பெற்றவர்கள் வெற்றி காண்பது என்பது மிகவும் வாடிக்கையான ஒன்றுதான். ஆனால், திறமையால் மட்டுமே வென்றவர்கள்தான், வரலாறு படைக்கிறார்கள். அப்படியென்றால், வாழ்வின் வெற்றிக்கு அறிவு தேவையில்லையா எனும் கேள்வி எழலாம். அதற்கு பதில் காண்பதற்கு முன், ஒன்றை நினைவில் வைத்துக் கொள்ளுங்கள். அனைத்து வெற்றிக்கும் அடிப்படையாக இருப்பது அறிவுதான்! ஆனால், அந்த அறிவை ஒவ்வொரு மனிதனும், தன் சூழ்நிலைக்கு ஏற்ப, தன்னுடைய லட்சியத்தை நோக்கிச் செலுத்தி, செயலில் வெற்றி காணச் செய்வதுதான் ‘திறமை’ ...

-சுரேஜமீ  பகுத்துண்டு பல்லுயிர் ஓம்பப் பாரறிவான் பகன்றது விளம்பிப் பேருலகில் யாவரும் விளங்கப் போற்றுமொரு பெருநாள் இதுவே! பொங்கிவரும் அன்பின் உணர்வைப் பகிர்ந்து வளம்பெருக வாழ வருடம் ஒருமுறை வருமே வாழுலகில் உறவைப் போற்ற! ஈகைத் திருநாள் இன்று ஈரத்தை நெஞ்சில் வைத்து ஈந்து உலகில் வாழ்கவெனும் ஈத்-அல்-அதாத் திருநாள்! வாழட்டும் மனிதம் என்றும் வாழ்த்துக்கள் எட்டுத் திக்கும்! வாழ்த்துக்கள் உறவுகளே வாழி நல்வாழ்த்துக்களுடன்!!  

சுரேஜமீ பொறுமை காலம் செல்லச் செல்ல மனிதன் எதையுமே அவசர கதியில் கையாளவே எண்ணுகிறான்; எடுத்த செயலை எப்படியேனும் ஒரு முடிவுக்குக் கொண்டுவருவதில்தான் எண்ணம் மேலோங்கியிருக்கிறதே ஒழிய, எப்படி ஒரு செயலைச் செம்மையாகச் செய்யவேண்டும் என்பதில்அக்கறை மிகச் சிலருக்கே இருக்கிறது என்பதே இன்றைய நிலை! எதற்காக அவசரப்படுகிறோம் என்பதை உணர்வதன் அடையாளம்தான் ‘பொறுமை’! பொறுத்தார் பூமி ஆள்வார் எனச் சும்மாவா சொன்னார்கள்? பொறுமையின் பயனை அனுபவித்தவர்கள் எழுதிவிட்டுச் சென்ற சத்தியமான வார்த்தைகள் அவை என அறிந்தால், வாழ்வில் வெற்றிகளைக் குவிக்க முடியும்! பொறுமையாக இருக்க ...

 சுரேஜமீ எளிமை பிறக்கும் போது அனைவரும் வெறுமையாகத்தான் பிறக்கின்றோம் . ஆனால், அவரவர் வாழ்க்கைக்கு ஏற்ப வசதிகள், வாய்ப்பினை ஏற்படுத்த, சமூக மற்றும் பொருளாதார மாற்றங்கள் சில வேற்றுமைகளை விதைக்கிறது. இதன் விளைவாக ஒரு அந்நியப்படுதல் என்பது தெரிந்தோ தெரியாமலோ சிந்தையில் புகுந்து விடுகிறது. எப்பொழுது நாம் அன்னியப்படுகிறோம் என்ற உணர்வு மேலோங்குகிறதோ, எது நம்மைச் சாதாரண நிலையிலிருந்து சற்றே விலகி இருக்க உந்துகிறதோ, நெருங்கிப் பழகிய நண்பர்களையோ அல்லது உறவினர்களையோ தொடர்பிலிருந்து பிரித்து நம்மை மிகுதிப் படுத்துகிறதோ, அத்தகைய சூழலைக் கையாளும் கலையைக் ...

சுரேஜமீ கடமை உலகமே ஒரு நாடக மேடை என்றார் ஷேக்ஸ்பியர்! இது எந்த அளவு உண்மை என்பதை நாம் ஒவ்வொருவரும் சற்று யோசித்தால் புலனாகும். காலை எழுந்தது முதல் இரவு படுக்கும் வரை செய்யக்கூடிய பலவகையான பாத்திரங்கள், நமக்கு ஷேக்ஸ்பியர் ஒரு தீர்க்கதரிசி என்பதை விளக்கும். ஒரு தந்தையாக;; மகனாக; கணவனாக; சகோதரனாக; உறவினராக; நண்பனாக; பணியாளராக; மேலாளராக, சக மனிதனாக என்று பட்டியலிட்டுக் கொண்டே போகலாம்! இதிலென்ன வியப்பு என்கிறீர்களா? ஆம்! ஒவ்வொரு வகைப் பாத்திரத்திற்கும் ஒரு கடமை இருக்கிறது. பொறுப்புணர்வுடனும்; விழிப்புணர்வுடனும்; ...