”லீலா தரங்கிணியில் லாகவ கேசவர்,
மாலே மணிவண்ண மாமாயர் -நீல
யமுனா ஆற்றில் இழந்ததைப் பெற்ற
ரமணா பிரம்மச்சா ரி’’….கிரேசி மோகன்….!
ஜாமக் கடுமிருளில் ஜாதிவிட்டு, நந்தனார்
கோமக் களைமேய்த்த கோபாலன் -காமக்
கடும்புனல் கோபியரைக் கூடியும், உள்ளக்
கடும்பிரமச் சாரியாம் காண்….!
“காலகா லங்களாய் காலடி மேய்கின்ற –
பாலு பசுவைப் புறந்தள்ளி -நாலுவேதம் –
வாலாட்டிக் கொஞ்சுகின்ற வாஞ்சையில் மேய்க்கின்ற –
பாலூட்டும் கண்ணன் பரம் “….கிரேசி மோகன் ….!
திருமால் கண்ணனாய் பிறந்து கோகுலத்தில் தாய்மடியில் தவழ்வதைக் கண்டு அம்பலவாணர் அம்பலமாய்(PUBLICகா) ஆசையில் காப்பிட(பிள்ளைக்கு காப்பு கட்ட) வந்தாராம்….கண்ணனுக்கு ஏக வருத்தம்….தன்னை பார்பதற்காக தங்கையை மதுரையில் தனியாக விட்டதோடல்லாமல், அன்னை யசோதை கண்களை யோக மாயையால் கஷ்டப்பட்டு கட்டி, எடுத்த அவதாரத்தை அம்பலவாணர் இப்படி அம்பலப் படுத்தி விட்டாரே ஆசையில்…. ஈஸா ‘’ஈஸனோடாயினும் ஆசை அறுமின்’’ ஓய்… என்பதாக வெண்பா…. (கருத்து -டோங்க்ரே மஹராஜ் பாகவதம்)
’’மாப்பிள்ளை டோயே!(பழைய சினிமா பாட்டு) மதுரைமீ னாளைவிட்(டு)-
ஆப்புள்ளைக்(கு)(ஆயர்தம் பிள்ளை) இப்படியா அம்பலமாய்(PUBLICகா) -காப்பிடுவீர்!:
-அப்பன் குதிருள்ளே இப்பத்தான் போனாராம்-
சுப்பன்போல்(அந்த பையன் பேர் சுப்பன் என்று வச்சுப்போம்) செய்தீர் சிவம்’’….கிரேசி மோகன்….!
ஆகஸ்ட் 15 இந்திய சுதந்திர நாள், பகவான் அரவிந்தர் பிறந்த தினம்….!
——————————————————————————————————————————-
”வரவிந்த பூமிக்கு வேதாந்த சிங்கம்
அரவிந்த தேவா, அடியேன் -பெறவந்தேன்
தேசிய ஜெண்டா திருநாளில் நாடக
ஹாஸியப்பூச் செண்டை அருள்”….
”திருவள்ளூர் ராமர், திருவல்லிக் கேணி
கருவறையில் ராயர் கரத்தில், -சிறையுள்ளில்,
தேவகிக்கு தோன்றி திருஆயர் பாடியில்
கோவகிக்கும் கண்ணன் களிப்பு’’….
’’ஆழ்மனம் கொண்ட அமைதியே ஆண்டவன்:
பாழ்மன புத்திப் புரவியில் -தாழ்வுற,
டொக்டொக்டொக் என்று தரையில் உலவாது
டக்கென்று வானுக்குத் தாவு’’
‘’பார்த்தனின் சாரதி, பார்த்தன் பரிதவிக்க,
கீர்த்தனை செய்தனன் கீதையை, -தீர்த்தம்
திருவல்லிக் கேணி திகழ்பெரிய தெய்வம்
கருமல்லிக் கண்ணனே காப்பு”….கிரேசி மோகன்…
கஷ்டம் கலைந்திடும் நஷ்டம் நகர்ந்திடும்
இஷ்டம் நமக்கு இணங்கிடும் – அஷ்டமி
ரோகினியில் தோன்றிய லேகிய வண்ணனை
ஏகிட எல்லாம் எளிது….
நடுநிசியில் ரோகினி நட்ஷத் திரத்தில்
கொடுஞ்சிறையில் தோன்றிய கண்ணா-முடிமிசையில்
அப்பன் சுமந்திட ஆயர்தம் கோகுல
குப்பம் நுழைந்தவனே காப்பு….
சுதாமன்(குசேலர்) அவலுக்கு சொத்தை அளித்த
கதாதரன் கண்ணன், பரம -பிதாவாம்
அலர்மேல் அன்னை மணாளன் அருளால்
மலரும்நாள் காசின் பிறப்பு….
நிவேதனம் கோகுலாஷ்டமி
——————————
திருக்கண் ணமுது திரள்கின்ற வெண்ணை
பருப்புதயிர் சாதம், பழங்கள் -உருக்குலைந்து
அண்டாவில் சாறு, அதிரசம், சீடைமுறுக்கு,
உண்டேனுன் நாமம் உரைத்து….
தீக்குளிட்டு பாரதி தீண்டிய தெய்வத்தை
வாக்கிலெட்டா கண்ணனை வாழ்த்துவோம்-பூக்களிட்டு
அப்பம் அதிரசம் முப்பழங்கள் வைத்தாலும்
அப்பயலுக்(கு) அன்பே அமுது ….!கிரேசி மோகன்….!
கிரேசி மோகன்
—————————————————————
கோலத்தால் காலிட்டு கைகூப்பி கும்பிட்டு
ஞாலத்தை உண்டுமிழ்ந்த நாதருக்காய் -தாலத்தில்(தட்டில்)
பக்ஷணத்தை ஏந்திநின்றால், பக்தராதைக்(கு) ஈடாக
தக்ஷிணையாய் கேட்டார் தபஸ்….!
போடுவதை உண்ணாது போயின்ப வேட்டையில்
ஆடியிரை ஆகி அனல்சுடு -காடுவர
அய்யோ எனக்கூவ அய்யோ மணவாளன்(யமன்)
கொய்யா(து) இருப்பானா கூறு….!
பயனற்ற பாண்டம் பழுதாக மீண்டும்
வியனுலகை விட்டேக வேண்டும் -அயனோ
அரனோ, அரியோ அவதாரம் வந்தும்
மரணத்தில் தானே முடிவு….கிரேசி மோகன்….!
கிரேசி மோகன்
————————————————–
துங்கா நதிக்கரைச் சங்காய் சிருங்கேரி
சிங்கா சனத்திருக்கும் சாரதே -சங்காய்
கிடக்கின்றேன் சும்மா எடுத்தூதி அம்மா
நடத்தெனது நாடகத்தை நன்கு….(23)
சங்கரன் முன்செல்ல சாரதை பின்செல்ல
துங்கையின் தீரத்தில் தேவியின்ச -தங்கையின்
சத்தம் குறைந்திட சத்குரு பார்த்திட
வித்தை சிருங்கேரி வாய்த்து….(24)
கர்ப நுணல்மேல் குடையாய் படம்பிடிக்கும்
சர்ப சகாய சிருங்கேரி -கர்ப
கிரகத்து சாரதையை கும்பிடுவோர் முன்பு
கிரகங்கள் கூப்பும் கரம்….(25)
வித்தை, வினயம், விசாரம், விவேகமிவை
மொத்தமுமென் நெஞ்சில் முளைத்திட -ஸ்ரத்தை
அளித்திடு சாரதா அம்பிகே, என்னுள்
முளைத்திடு முண்டக மா….(26)
உளம்கொடுக்கும் உன்ன, உரம்கொடுக்கும் நண்ண
களம்கொடுத்து ஞானக் கொழுந்தாய் -புலன்மடக்கி
ஆசை அறுத்தான்ம பூசைக்கு சாரதை
ஓசை சதங்கையொலி ஓம்….(27)
நையப் புடைப்பாள் நமதகந்தை போக்கிட
ஐயம் அகன்றதும் ஆதரவாய் -கையைப்
பிடித்திழுத்துச் செல்வாள் பரமசுகம் கூட்ட
படித்ததெலாம் பெண்ணிவள்முன் பாழ்….(28)….கிரேசி மோகன்….!
”கண்ணிலே ஏரார்ந்த கண்ணி இடுகின்றாள்,
மண்ணுண்ணப் போவார் மடியிறங்கி’’ -எண்ணத்தில்:
நோக்கம் அவளுக்கு நெற்றித் திலகமல்ல,
காக்கைக்கு குஞ்சுபொன் குஞ்சு’’….!
’’அன்னை புரியும் அலங்காரம் பாராது
என்னதான் அப்படி யோசனை -கண்ணனே
ராதை பிறந்தாளா? காதல் புரிவாளா?
ஆதலினால் தானே அலுப்பு’’….கிரேசி மோகன்….!
கிரேசி மோகன்
———————————————–
காளிதாச கம்ப குமர குருபரர்கள்
தோளிலங்க வஸ்த்திரமாய்த் துள்ளிடுவோய் -தாளிரெண்டில்
கைக்கட்டிக் கேட்கின்றேன் பொய்க்கெட்டா புத்தியை
கைக்குட்டை யாய்கையில் கட்டு….(17)
படிகமணி மாலை படிப்புணர்த்தும் ஓலை
மடிதவழும் வீணை, மருங்கின் -பிடிபடாமை
கோலத்தை நெஞ்சிருத்தி கும்பிடுவோர் முன்வாழ்த்தாம்
வேலொத்து பாய்ச்சும் வசவு….(18)
வர்மன் வரைந்தாற்போல் வாரிசத்தில் வீற்றிருந்து
தர்மம் தவம்தானம் தேர்ந்திட -கர்மமாய்
மோனத்தில் மூழ்கி முனையும் மஹாசக்தி
ஞானத்தை நானுற நல்கு….(19)
அற்பனே ஆனாலும் ஆசான் அவளிரெண்டு
பொற்பதம் போற்ற புழலறிவின் -கற்பனை
ஊற்றில் குளித்து உவப்பால் துடைத்தணிவர்
மாற்றுத் துணியாய் மனது….(20)
கல்வி கலவிடும் செல்வம் சிணுங்கிடும்
வல்லமை வீரம் வணங்கிடும் -செல்வி
கலைவாணி யாலுன் கவுரவம் கூடும்
தலைவானில் நிற்கும் திமிர்ந்து….(21)
வேறெதையும் எண்ணாது வேண்டி வணங்கிடுவாய்
சாரதையை நம்பி சிருங்கேரி -ஊரதனில்
பாரதன்பின் வாழ்வு பரிசுத்தம் ஆகிடும்
பாரதன்பின் பார்க்கப் பளிங்கு….(22)
துங்கா நதிக்கரைசத் சங்காய் சிருங்கேரி
சிங்கா சனத்திருக்கும் சாரதே -சங்காய்
கிடக்கின்றேன் சும்மா எடுத்தூதி அம்மா
நடத்தெனது நாடகத்தை நன்கு….(23)….கிரேசி மோகன்….!
’’மாட்டுக்(கு) ஒருகாலும், பாட்டுக்(கு) ஒருகாலும்
கூட்டியிசை ஹார்மனி கண்ணனை: -கோட்டுக்குள்
போட்டதற்கு வண்ணத்தை பூசிய கேசவ்கை
போட்டிருக்கும் காப்பு பிரஷ்(BRUSH)’’….
”மல்லாண்டு கண்டது மாவீரன் பட்டம்தான்,
புள்ளாண்டான் ஹார்மனியை(சுமுகத்தை) பூமிக்கு -சொல்லாண்ட
கீதை இசைக்கின்றார், கூடாரைக் கொள்ளுமிவர்
பாதைக் குமார்க்க பந்து”….கிரேசி மோகன்….!
இன்னா செய்தார்க்கு நன்னயம் செய்கிறான் கன்னையன்….!
ஆடு நனைய அழுகின்ற ஓநாய்
வாடும் மனமாம் வெறும்தாளில் –
கூடாம் உடலில் உயிரைக் கொடுத்த
மடலோ வியனே கடவுள்காண்….!
ஆர்வம் முறுக்கிட ஆசை கிழித்திட
போர்வை மனமோ நார்நாராம்
கந்தையா னாலும் கசக்கிக் கட்டிட
புந்தியை ஈசா பிழிந்திடுவாய்….!
கைலாஸங்கள் வைகுண்டங்கள்
காண்போர் கண்ணுக்கு மெய்யாகும்
ஏனோ ஜீவா இந்த விசாரம்
ஆன்மனாகிநீ ஆள் உலகை….
மதங்கள் நூறு ஜாதிகள் கோடி
ஆதி அந்தமும் ஒன்றல்லோ
ஏனோ ஜீவா இந்த விசாரம்
ஆன்மனாகிநீ ஆள் உலகை…!
பூரணத்தைப் பரிபூரணமாக
ஜீரணம் செய்யும் சூரணமே
ஏனோ ஜீவா இந்த விசாரம்
ஆன்மனாகிநீ ஆள் உலகை….கிரேசி மோகன்….(தொடரலாம்….!)
”தேரிலவர் சேணம் ,தெருவிலவர் ஸ்ரீசூர்ணம்(கண்ணன் உண்ட மண்னை(ஸ்ரீசூர்ணம்) நெற்றியில் இட்டுக்கொள்கிறோம்)-மாரிலவர் பூணல் மகாலஷ்மி -பேரில்லா(அனாமிகா)
ஆன்மனவர் பாரதம்செய் ஆண்மகன் ,கீதையை
வான்மண்ணுக்(கு) ஈன்றபெரு, மால்’’….கிரேசி மோகன்….!
கிரேசி மோகன்
தாளமது வேதாளமாகினால்
முருங்கையின் உச்சியில் விக்ரமனே
ஏனோ ஜீவா இந்த விசாரம்
ஆன்மனாகிநீ ஆள் உலகை….
கண்ணனின் உன்னத கீதையினாலே
குருஷேத்ரமே கலங்கியதே
ஏனோ ஜீவா இந்த விசாரம்
ஆன்மனாகிநீ ஆள் உலகை..
சொப்பனம், ஜாக்ரத்,சுஷூப்தி மூன்றுக்(கு)
அப்பால் உள்ளது அது துரியம்
ஏனோ ஜீவா இந்த விசாரம்
ஆன்மனாகிநீ ஆள் உலகை….!
கனவினில் கொண்ட தாகம் தீர்க்கும்
கனவுநீரது கானல் நீர்
ஏனோ ஜீவா இந்த விசாரம்
ஆன்மனாகிநீ ஆள் உலகை..
கனவுக்கும் நனவுக்கும் உள்ள வித்யாசக்
கடுகளவைப் போய் கடலளவாய்
ஏனோ ஜீவா இந்த விசாரம்
ஆன்மனாகிநீ ஆள் உலகை….!
காண்போன், காண்பது, காட்சிகள் யாவையும்
வீண்போம் விழித்து எழுந்தக்கால்
ஏனோ ஜீவா இந்த விசாரம்
ஆன்மனாகிநீ ஆள் உலகை..
எதுதான் கனவு எதுதான் நனவு
யாரறிவார் இவ்வியனுலகில்
ஏனோ ஜீவா இந்த விசாரம்
ஆன்மனாகிநீ ஆள் உலகை..
”SHOWEராக கர்வம்வர் ஷிக்க மழையை(இந்திர கர்வம்)
COVEராகக் குன்றேந்தி கண்ணன் -TOWEராய்
பசுக்களைக் காக்க பரம்பொருள் நின்றார்
வசுக்களுக்காய் வந்தகோ விந்து’’….கிரேசி மோகன்….!”SHOWEராக கர்வம்வர் ஷிக்க மழையை(இந்திர கர்வம்)
COVEராகக் குன்றேந்தி கண்ணன் -TOWEராய்
பசுக்களைக் காக்க பரம்பொருள் நின்றார்
வசுக்களுக்காய் வந்தகோ விந்து’’….கிரேசி மோகன்….!