Category: திருமால் திருப்புகழ்

கிரேசி மோகன்

ஏனிந்த மாயை, எதற்கெப் படியென்னுள்
நானென்(று) அகந்தை நிலைப்பாடு, -வானன்று
ஓங்கி உலகளந்த உத்தமன் போலளவில்,
வீங்கிய வா’மனனின்’ வீம்பு ….கிரேசி மோகன்….

கிரேசி மோகன்

திருப்பாவை

புள்ளுக்கும் தோழனவன், பாம்புக்கும் காவலவன்,
சொல்லுக்(கு) அடங்காத சித்திரம், -வில்லுக்(கு)
இரையாக நூறை இரதம் செலுத்தியவன்,
இறையவன் தாளில் இரு’’….கிரேசி மோகன்….

கிரேசி மோகன்

 

ஹனுமன் ஜெயந்தி 

கடல்தாண்டிச் சென்று ,கணையாழி தன்னை,
திடல்தீவில் தேவிக்குத் தந்த, -அடலேறே,
ஆவின் குளம்படி, ஆழி உனக்கய்யா:
தாவிய தாளென் தலை’’….கிரேசி மோகன்….

கிரேசி மோகன்

பார்அதன் வேருக்கு புல்லாங் குழல்நீரும்,
நூறு’களை’ போக்க நிவாரண, -போருக்கு
கண்ணன்கை காலில், கவசம் அணீந்தாலும்,
எண்ணமது கோதூளி யே’’….கிரேசி மோகன்….

கிரேசி மோகன்

 

கோதைக் காப்பு….மார்கழி ஸ்பெஷல்….

 
இவை நான்கும் கேசவ் ஓவியம் பார்த்த பரவசத்தில் எழுதியது….
——————————————————————————–

“பச்சை மலையோன் ,பவளச்செவ் வாயனவன்
இச்சை மிகக்கொண்டான் இவ்வையம்- மெச்சிட;
ஆதலால் நின்றான் அழகுக் கிளியேந்தி
கோதையாய்க் கோலம் கொடுத்து”….

“வேண்டாத மூப்பினை வாலிபத்தில் ஏற்றுப்புள்
கீண்டானைக் காதலிக்க கோதையாய் -ஆண்டாளாய்,
ஆனாளோ அவ்வை அதனால்தான் பாசுரங்கள்
தேனாய் இனிக்கின்ற தோ”!….
“ஆடிப்பூ ரத்தில் அவதரித்த ஆண்டாளின் ,
சூடிக் கொடுத்த சுடர்கொடியின், -ஜோடித்து
பாக்களாய் ரங்கமன்னார் பாதத்தில் இட்டநறும்
பூக்களே நம்பாது காப்பூ”….

“சாரங்க மன்னார்க்கு சொல்லித் திருப்பாவை
பாரங்க மன்னாராய் பாதித்து, -சீரங்கம்
தாதை யுடன்சென்று தாரமாய் மாறிய
கோதைமுகம் பூசுமஞ்சள் காப்பு”….
’’ கோதைக் (ஸ்ரீவில்லிபுதுர் நாடகம் போடச் சென்றபோது)காப்பு’’

–————————————————————————————————————————————————————

ஒருநூற்று நாற்பத்தி மூன்றுரைத்த தாயே
கருமூர்த்தி மேல்கொண்டு காதல் -திருவில்லிப்
புத்தூரின் வாழ்வே பெரியாழ்வார் பெண்பிள்ளாய்
கொத்தலர் பூம்பாவாய் காப்பு….(1)

கயிற்றுதரக் கண்ணன்மேல் காதல்கொண்(டு) அன்று
இயற்றினாய் பாடல் எமக்காய் -பயிற்றுவித்த
தாதையுடன் சென்றந்த கீதையோன் கைப்பிடித்த
கோதைக்கை கோகிலமே காப்பு….
….(2)

வினதை மகனும் புனிதர் மகளும்
இனிதாய் இடவலம் ஏள -அணிதிகழ்
அங்கமதில் வில்லிபுதூர் ஆண்டாள் அணிந்ததேற்ற
ரங்கமன்னார் கோலம் ருசி….(3)

கண்ணாடிப் பொய்கையில், கட்டிய மாலையை
முன்னாடி சூடி மகிந்ததற்குப் -பின்னாடி
வில்லிபுதூர் ரங்கனின் வெற்றிக்(கு) அலங்கலிடும்
கிள்ளைகொள் கோதாய் காப்பு….(4)

கிளிப்பிள்ளை போலவள் கீசுகீசு பாட்டை
களிப்புடன் ஓதுவான் கண்ணன் -தளிப்புன்னில்
அக்காரச் சோறுண்ன அந்தரங்கன் கைப்பிடித்து
உக்கார வைத்தோளை உன்னு….(5)

எத்தனுக்(கு) எத்தனந்த ஏரார்ந்த கண்ணியவள்
பெத்தெடுக் காதஅந்தப் பிள்ளையை -முத்துடை
பந்தலுக்குக் கீழே பதியாய்ப் பிடித்திழுத்து
குந்தவைத்தக் கையிரெண்டும் காப்பு….(6)

ஓர்கழி கையேந்த ஆர்குழல் வாயூத
ஊர்வன மேய்த்தோ னுடனொன்ற -தார்குழல்
மார்கழி நீராடி மையிட்(டு) எழுதாத
கூர்விழித் தாமரை காப்பு….(7)

வெப்பறியா மார்கழியில் துப்புரவாய் நீராடி
ஒப்பறியா நோன்பிருந்து உத்தமர்க்கு -சொப்பனத்தில்
இல்விதித்து இங்கிழுத்து வில்லிபுதூர் மண்ணிலம்மிக்
கல்மிதித்த காலிரெண்டும் காப்பு….(8)

எங்கிருந்தோ வந்தென் இதயம் புகுந்தோனை
சங்கிருக்கும் கையானை சாரங்கனை -திங்கள்நன்
மார்கழியில் பாடி மணம்புரிந்த ஆண்டாளே
நேர்வழியில் எம்மை நடத்து….(9)

”ஆடிவரும் பூரம் அவதரித்து, மார்கழியில்
பாடிவரும் ஆண்டாளின் பாசுரத்தை -நாடிவரும்
வைகுண்டம் விட்டந்த வில்லிபுதூர் வாழ்வுக்கு
பைகொண்ட பாம்பணைவோன் பார்….(10)

’’தப்பெது வானாலும் தாரா ளமாய்ச்செய்வீர்
முப்பதைத் தப்பின்றி முன்மொழிந்து, -அப்புறம்பார்
குப்பென வேர்த்து குதித்தோடும் வெவ்வினைகள்;
துப்புர வாகும்வுன் தீங்கு’’….(11)

’’ நாச்சியார் ஆண்டாள் நவனீத ரங்கனைக்
காய்ச்சினாள் பாசுரத்தால் காலையில், -பூச்சொரிந்து
சில்லென்று மாலையில் சூடிக் கொடுத்தவள்
இல்லாளாய் ஆனாள் இறைக்கு’’….(12)

’’ஆடிப் பூரத்தின் ஆச்சரிய ஆண்டாள்போல்
பாடிப் பறக்கப் பணித்திடுவாய்; -ஓடிப்போய்
புள்ளேறி ஆனை பரிதவிப்பைப் போக்கியவா
சொல்லேறி சிந்தைக்குள் செல்’’….(13)

“பச்சை மலையோன் ,பவளச்செவ் வாயனவன்
இச்சை மிகக்கொண்டான் இவ்வையம்- மெச்சிட;
ஆதலால் நின்றான் அழகுக் கிளியேந்தி
கோதையாய்க் கோலம் கொடுத்து”….(14)

 

ஆடிப் பலன்
————–

”ஆடிப்பூ ரத்தாள் அளிக்கின்றாள் தள்ளுபடி
வாடிக்கை யாய்வந்து வில்லிபுதூர் -ஜோடிக்கு
முன்நின்று தப்பாது முப்பதைச் சொல்வோர்க்கு
பின்நின்று வெற்றியளிப் பு’’….(15)….
——————————————————————————
’’ஆடிப் பூரத்தின் ஆச்சரிய ஆண்டாள்போல்
பாடிப் பறக்கப் பணித்திடுவாய்; -ஓடிப்போய்
புள்ளேறி ஆனை பரிதவிப்பைப் போக்கியவா
சொல்லேறி சிந்தைக்குள் செல்’’….கிரேசி மோகன்.

’’ நாச்சியார் ஆண்டாள் நவனீத ரங்கனைக்
காய்ச்சினாள் பாசுரத்தால் காலையில், -பூச்சொரிந்து
சில்லென்று மாலையில் சூடிக் கொடுத்தவள்
இல்லாளாய் ஆனாள் இறைக்கு’’….கிரேசி மோகன்…

’’தப்பெது வானாலும் தாரா ளமாய்ச்செய்வீர்
முப்பதைத் தப்பின்றி முன்மொழிந்து, -அப்புறம்பார்
குப்பென வேர்த்து குதித்தோடும் வெவ்வினைகள்;
துப்புர வாகும்வுன் தீங்கு’’….கிரேசி மோகன்….

போகியன்று ஆண்டாள் திருக்கல்யாணம்….
“ஏகபோகம் ஆகிறாள் ஏரார்ந்த கண்ணியவள்
நாகமிசை நர்த்தன நாரணன் -பாகமாக;
போகியன்று ஆண்டாள் பெருமாளை சேர்கிறாள்
வாகீச பெண்மைக்கு வாழ்த்து”…

“பழயன விட்டு புதியன பூண
மழையன்ன மாலின் மனையாய்-விழைகிறாள்
புள்ளேறி வைகுந்த புக்ககம் போவதற்கு
கள்ளுறும் பாசுரத்தாள் காண்”….
“சூடிக் கொடுத்த சுடர்க்கொடி நாச்சியார்
பாடி இடம்பிடித்தாள் பாற்கடலில்; -ஆடிப்பூ
ரத்தாள் பதம்பிடித்து ரங்கன் அழைக்கின்றான்
அத்தாளை அம்மிமிதிக் க “….

“கீதைக்(கு) இணையான ,கோதை திருப்பாவை
போதை தலைக்கேற புள்ளேறி -தாதை
பெரியாவான் இல்லம் பறந்துபோய் கேட்டான்
தரியாஓய்! பெண்ணை தனக்கு”….
I LOVE YOU (143) அன்றே சொல்லிவிட்டாள் அரங்கனுக்கு ஆண்டாள்….
“பட்டர் பிரான்பெண்ணை BUTTER பிரான்கண்ணன்
ட்விட்டரில் காதலுக்கு தூதுவிட்டான் -லெட்டராய்;
நூத்திநாப் பத்திமூணு நூற்றாள் பதிலாக,
ஆத்தியது ஐலவ்யு ஆச்சு”….
———————————————————————————————————————————————————————

கிரேசி மோகன்

வருடிய காலை வணங்குது, வெண்ணை
திருடிய தாமோ தரனை, -புருடனிவன்,
தானந்த பாற்கடலில் தூங்கும் திருமாலென்(று)
ஆனந்தம் கொண்டது ஆ ….கிரேசி மோகன்….

கிரேசி மோகன்

“ஏனிந்த எக்காளம் யாதவக் கண்ணனுக்கு
தானந்த தற்பரம் தானென்ற -ஆனந்த
ஞானம் பிறந்ததோ ! நான்யார் பயின்றதில்!
வேணும்கட் டிக்கு வேணு”….கிரேசி மோகன்…
(OR)
ஞானம் பிறந்ததோ ! நான்யார் பயிற்சியால்!
சோணை ரமண சுகம்”….

****ஆதிமுலமே ஆயினும் அவனியில் அவதரித்து விட்டால் ஆதிதன் முலத்தை மறக்கும் அஞ்ஞானம் தவிர்க்க முடியாது போலிருக்கிறது…அது அகல அருணை ரமணர் அருளிய வழி “நான் யார்” (WHO AM I) விசாரணை…நம்மைப் போலவே நவநீதனும் நான் யார் விசாரணை செய்து நனி ஆனந்தம் கொண்டு நர்த்தனம் ஆடுகிறான் போலும்….

கிரேசி மோகன்

பாரதியுன் தோழனாமே! பாவி மிதித்துவிட்டேன்,
ஆறறிவில் ஒன்றில்லா ஆனைநான், – ஊரதிர
உற்சவமாய் பல்லக்கில் ஊர்வலம் பார்த்தறிந்தேன்,
அச்சுதா மன்னித்(து) அருள் ….கிரேசி மோகன்….

கிரேசி மோகன்
சூரி நாகம்மாளின் ஸ்ரீ ரமணாஸ்ரம லேகுலு….அஸிஸ்டெண்ட் லைப்ரேரியனை பகவான் சேவைக்கு பணித்தபோது அவரது புத்தக தாபத்தை போக்குவதற்காக அவரிடம் பகவான் ஆறுதலாக ‘சப்த ஜால மஹாரண்யம், சித்த பிரமண காரகம்’ என்று பரிவோடு சொல்லி அவரை தேற்றினாராம்…..சாஸ்திரங்களைக் கற்றல், புலமை முதலானவை வாழ்கையில் புகழை தருமே தவிர ‘முக்திக்கு முகுந்தனே’….

சொற்கள் பெருங்காடு, சித்தம் குழம்பிடும்
அற்பம் அவற்றுள் அணுகாதே, -தர்கத்திற்(கு)
ஆகவே கல்வி, அனுபூ தியைப்பெற
பாகவத பாலனிடம் போ ….கிரேசி மோகன்….

கிரேசி மோகன்

”வானந் தனிலேறி வைகுண்ட லோகத்தை,
தானம் அளிப்பு தரணிக்கு: -ஞான,
வியனோ வியன்கேசவ், விண்ணிருந்து வந்த,
மயனோ வியன்,வான் மகன்’’….கிரேசி மோகன்….

மயனோவியன் -வானகத்து தேவச் சிற்பி மயன்….

 

“ஏனிந்த எக்காளம் யாதவக் கண்ணனுக்கு
தானந்த தற்பரம் தானென்ற -ஆனந்த
ஞானம் பிறந்ததோ ! நான்யார் பயின்றதில்!;
வேணும்கட் டிக்கு வேணு”….கிரேசி மோகன்…
(OR)
ஞானம் பிறந்ததோ ! நான்யார் பயிற்சியால்!;
சோணை ரமண சுகம்”….

****ஆதிமுலமே ஆயினும் அவனியில் அவதரித்து விட்டால் ஆதிதன் முலத்தை மறக்கும் அஞ்ஞானம் தவிர்க்க முடியாது போலிருக்கிறது…அது அகல அருணை ரமணர் அருளிய வழி “நான் யார்” (WHO AM I) விசாரணை…நம்மைப் போலவே நவநீதனும் நான் யார் விசாரணை செய்து நனி ஆனந்தம் கொண்டு நர்த்தனம் ஆடுகிறான் போலும்….