Tag: விசாலம்

விசாலம்

இந்தியா  முழுவதும்  நூற்றுக்கணக்கான கோயில்கள் பல வருடங்கள் முன்பாகவே கட்டப்பட்டு மிகவும்  புகழ் பெற்ற கோயில்களாக இன்றும்  திகழுகின்றன. ஒவ்வொரு கோயிலிலும் மிகநுட்பமான கலை வேலைப்பாடுகள் சிறந்திருக்க, கோயிலுள்ளே நுழைந்தாலே ஆன்மீகச்சூழ்நிலையுடன் நற்றலைகள் உருவாவது நமக்குத் தெரிய  வருகிறது. சில கோயில்களில் அந்தக்கோயிலைப்பற்றி கல்வெட்டுகள் காணப்படுவதால் அந்தக்கோயிலைப்பற்றிய  பல விவரங்கள் தெரியவருகின்றன.

கும்பகோணம் ராமஸ்வாமி கோயில்,  அழகர் கோயில்  இவைகளில் நான் நாயக்கர் காலத்து  சிற்பங்களைக் கண்டிருக்கிறேன்.

குகைகளைக்குடைந்து  உள்ளே கருங்கல் பாறையில்  சித்திரங்களை வடித்தவர்கள் பல்லவர்கள் .   மஹாபலிபுரம் , சித்தண்ண வாசல், நாமக்கல்  ,திருப்பரங்குன்றம்  போன்ற இடங்களில் இதைப்போல் காணலாம்

பத்ரிநாத், கேதார்நாத், அமர்நாத், பசுபதிநாத் போன்ற கோயில்களின் அமைப்பு கிட்டத்தட்ட  கேரள கோயில்களின் அமைப்பை ஒத்து இருக்கிறது .

கர்நாடகத்தில்  ஹம்பி என்ற இடத்திற்குப்போனால் மிகச்சிறிய சிற்பங்களைக்காணலாம். வடநாட்டில்  புஷ்கர்,  ஓம்காரேஷ்வர் மந்திர்  கர்நாடகக்கோயிலை ஒத்து  இருக்கின்றன. கர்நாடகச்சிற்பிகள் அங்குப்போய்  இந்தக்கோயில்களை அமைக்கும் வாய்ப்பு பெற்றிருக்க  வேண்டும் .

கிபி பன்னிரண்டாம் நூற்றாண்டில்  டங்கணாசர்யன் என்ற சில்பி  ஆதிகேசவப்பெருமாள் கோயிலைக்கட்டினார் . பேளூர் என்ற இடத்தில் இந்தகோயில் இருக்கிறது .இதன் நுண்ணிய சிற்பங்களின் அழகை வர்ணிக்க முடியாது ,

போஜ வம்சத்து மன்னர்கள்,   ஹோஸலே மன்னர்கள் என்றும்  அழைக்கப்பட்டு வந்தார்கள் இவர்கள் கர்நாடகத்தை ஆண்டுவந்தார்கள் மைசூரைத் தலைநகராகக்கொண்டு ஆட்சி புரிந்தார்கள்  ஆதிகேசபப்பெருமாள் கோயிலைக்கட்டியவர்,  இந்த ஆட்சியில் இருந்த சிற்பிதான்

சென்னையில்  திருவல்லிக்கேணி ஶ்ரீபார்த்தசாரதி கோயிலைக்கட்டியவர் திரு தொண்டைமான் என்ற  மன்னன் திருவரங்கம் பெரிய கோயில் முதலில்  அகளங்க சோழனாலும்   பின்  ராஜமஹேந்த்ரசோழனாலும்  பின்  திருமங்கை மன்னனாலும் திருப்பணிகள்  செய்யப்பட்டு கோபுரம் மிக உயர்ந்து யாவரையும்  ஈர்த்தன .

 சுசீந்தரம், ஸ்ரீவில்லிப்புத்தூர் ,திருப்புல்லாணி போன்ற  கோயில்கள்  நமக்கு மிகவும் வியப்பை ஏற்படுத்துகின்றன.   பாண்டிய மன்னர்கள் இவைகளைச் சிறந்த கலை நுணுக்கத்துடன்  கட்டியிருப்பது நமக்கு  மிகப்பெருமையளிக்கிறது.

வடநாட்டில் மதுரா மிகச் சிறந்த புண்ணியஸ்தலமாகி கூட்டம் எப்போதும் அலை மோதுகிறது . ஶ்ரீவல்லபாசார்யா சம்பிரதாயத்து வைஷ்ணவர்கள் கட்டிய துவாரகாநாத் மந்திர் மிகவும்  பழமை வாய்ந்தது

பல தடவைகள் முஸ்லீம்களால்   தகர்க்கப்பட்ட கோயில் சோம்நாத்மந்திர் ,ஔரங்கசீப்பினால் உடைக்கப்பட்ட  கண்ணன் பிறந்த ஊரிலிலுள்ள  ஆதிகேசவ மந்திர்  போன்றவைகள் அழிய இருந்தன. அந்த இடத்தில்  மசூதியும் கட்டப்பட்டது .

ஆனாலும் பின்னால் பிர்லா என்ற செல்வந்தர் உதவியினாலும்  மதன் மோஹன் மாலவியாவின்  பிரேரணையினாலும்   அழகான கிருஷ்ணன் கோயிலை நாம் இன்று காணமுடிகிறது .

ராஜஸ்தானில்  பிரதாப்சிம்ஹ ராணா கட்டிய  சாரதா தேவி மந்திர் பர்சானா என்ற இடத்தில்  மிகவும்  பெயர் பெற்றது

வடநாட்டில் பல கோயில்கள் மஹாபாரதத்தைச்  சேர்ந்ததாகவும்  சில  ராமாயணத்தைச்சேர்ந்ததாகவும்   இருக்கின்றன. ஒவ்வொரு கோயிலும் ஒவ்வோரு பெருமைப்பெற்று விளங்குகிறது இதையெல்லாம் பார்த்தால் நாம்   இந்தப்பாரதத்தில்  ஜன்மம் எடுக்க  எத்தனை பாக்கியம் செய்திருக்க வேண்டும் இல்லையா?

விசாலம்

டிசம்பர் 14 சக்தியைச் சேமிக்கும் நாள் energy conservation day.இந்த நாள் BEE என்ற {“Bereau of energy efficiency } என்ற அமைப்பு மக்களுக்கு விழிப்புணர்வைத் தர முழித்துக்கொள்கிறது. இந்த அமைப்பு 2001லிருந்து செயல்படுகிறது .பள்ளியில் இந்த நாள் வந்தால் ஆசிரியர்களுக்கு இரட்டிப்பு வேலை. மத்திய அரசின் வழியாக சில போட்டிகள் பள்ளி மாணவ மாணவிகளுக்கு வைக்க வேண்டும் அதாவது எப்படி எனர்ஜியை மீத்து வருக்காலத்திற்கு சேமிக்க வேண்டும் என்ற கருத்தில் போட்டிகள் தொடங்கும். இதில் கட்டுரைப்போட்டியும் ,சித்திரப்போட்டியும் நிச்சியம் இருக்கும். இதில் ஜெயிப்பவர்களுக்கு ஒவ்வொரு மாகாணத்திற்கும் ரூ 33000 ஒதுக்கப்பட்டிருக்கும். பரிசுமுடிவுகள் வெளிவந்தவுடன் நேஷனல் எனர்ஜி கன்வெர்ஸேஷன் டே அன்று விழாப்போல் கொண்டாடுவார்கள்.விழாத்தலைவர் பரிசுகளை வழங்குவார்.

இந்த நாளை நாம் மிக முக்கியமான நாளாகக்கொண்டு நம்மால் முடியும் வரை சக்தியைச் சேமிக்க வேண்டும் இந்த பூமியிலேயே நமக்குத் தேவையான சக்திகள் அனைத்தும் உள்ளன நீர்மின்சக்தி அணுமின்சக்தி என அனைத்தையும் உருவாக்கியது மனித ஆற்றல் என்ற சக்திதான், இதைச்சேமிக்க ஒவ்வொருவரும் தங்களால் இயன்றவரை முயல வேண்டும். இல்லத்தரசிகள் கேஸ் அடுப்பை தேவைக்கு அதிகமாக உபயோகிக்காமல் சேமிக்கலாம் சிலர் தண்ணீரைக் கொதிக்க வைத்துவிட்டு டிவி கீழ் அமர்ந்த விடுவார்கள் அது கொதித்து பாதி ஆனவுடன் பின் வந்து அணைப்பார்கள் சிலர் தோசை வார்க்கும் தவாவை பெரிய அளவில் வைத்து அதில் சிறிய தோசை வார்ப்பார்கள், சின்ன தவா வைத்தாலே தேவையான் சூடு பரவும் ,பெரிய குடும்பமானாலும் சிறிய குடும்பமானாலும் சாப்பாட்டிற்கு என்று ஒரு நேரம் ஒதுக்க ஒரே நேரத்தில் எல்லோருக்கும் சுடச்சுட பரிமாறமுடியும் அது இல்லாமல் நினைத்த நேரத்தில் தன் இஷ்டப்படி வந்து சாப்பிடும் பொருளை மறுபடியும் சுட வைக்க எனர்ஜி அங்கு வீணாகும். தவிர அதில் காய்களின் ஊட்டச்சக்தியும் குறையும்.

இல்லறத் தலைவிகள் தன் காரியமே கண்ணாயினார் என்பதுக்கொப்ப வேலை செய்தால் எரி பொருள் வீணாவதைத் த்டுக்கலாம் அடுத்ததாக மொபைலில் பேசிக்கொண்டே இருக்க அடுப்பை அணைத்தோமா இல்லையா என்ற சந்தேகம் வந்து அங்கும் எரி பொருள் வீணாகும். பர்னரின் அளவு இருந்தால் நன்றாக இந்தச் சக்தியைச் சேமிக்கலாம்,இனி ஆண்கள் ராஜ்ஜியத்திற்கு வருவோம். சில ஆண்கள் ஷேவிங் செய்த்துக்கொள்ள குழாயைத் திறந்து விட்டபடி தங்கள் வேலையைத் தொடருவார்கள் ,அத்துடன் செல்லிலும் பேசுவார்கள். ஐயோ பரிதாபம் தண்ணீர் கீழே கொட்டியபடி இருக்கும் .இதே போல் பலதடவைகள் குழாய் திறந்து விட்டபடி வந்து செல்லில் பேச்சு தொடங்கி விடும் . பக்கெட் ரொம்பி வழிந்துக்கொண்டிருக்கும் போது திடீரென்று விழித்துக்கொள்வார்கள். “ஐயோ குழாயை மூடவேல்லையே .நல்ல வேளை இப்பவாவது ஞாபகம் வந்துதே .இல்லாவிட்டால் இந்த முசுடு வீட்டுக்காரன் என்னைப்பின்னி எடுத்துடுவான் “என்று தன் தவறை உணராமல் பேசுவதைக் கண்டிருக்கிறேன் சிலர் மேலே தண்ணீர் ஏற மோட்டார் போட்டு விட்டு பின் அந்த டேங்க் ரொம்பி வழிந்து கீழே கொட்ட பின் முழித்துக்கொள்வார்கள்.

வீட்டுக்குழந்தைகளோ எல்லா அறையிலும் சுழலும் விசிறியைப் போட்டு விட்டு அதை அணைக்காமல் வெளியே சென்றுவிடுவார்கள் .ஒரு அறையை விட்டு வெளியே வரும்போது லைட் . ஏசி எல்லாம் அணைத்துவிட்டு வரும் வழக்கத்தை பெற்றோர்கள் தவறாமல் கற்றுக்கொடுக்க வேண்டும் .அதே போல் கணினியையும் அணைத்துவிட்டு வர பழக்கப்படுத்த வேண்டும் அரசை சார்ந்தவர்களும் விழிப்புணர்வு இல்லாமல் இருப்பதை நான் கண்டிருக்கிறேன் .சில தெருல் பகலிலும் விளக்கு எரியும் ,,அதை அணைக்க மறந்து இருக்கலாம், இதே போல் ஆபீஸில் மனிதர்கள் இல்லாத அறையிலும் சுழல் காற்றாடி சுழன்றுக்கொண்டிருக்கும் ,கணினியோ கேட்கவே வேண்டாம் அதை சிலர் அணைப்பதே இல்லை. மைக்ரோஅவனில் தேவையான அளவுடன் கண்ணாடி பாத்திரம் வைக்க நிறைய சக்தி சேமிக்கலாம் , வீட்டு வாசலில் மரங்கள் இருந்தால் நல்ல காற்று வருவதால் மினசாரச் சக்தி சேமிக்கலாம்.

தில்லியில் பஹுவாய் மந்திர் கட்டிருக்கும் விதம் மிக வியப்பைத் தருகிறது தாமரை மலர் போன்று அமைப்பு ஒரு இடத்திலும் மின்சாரம் இல்லை சுற்றி வாய்க்கால் போன்று நீரோடடம். உள்ளே தியானம் செய்ய ஏற்ற இடம் உள்ளே மிகவும் சில்லென்று ஏசி போட்டாற் போல் இருக்கிறது இது நல்ல வெயில் காலத்திலும் தான். எங்கும் பச்சைப்பசேர் என்ற புல் வெளி. இந்த வெளி சக்தியைச் சேமிக்கும் போது எனக்கொன்று தோன்றுகிறது .ஏன் நாம் நம்மிடம் இருக்கும் சக்தியையும் சேமிக்கக்கூடாது? படபடவென்று பேசி சக்தியை இழக்கிறோம் கோபத்தில் சக்தியை இழக்கிறோம் .அளவு கடந்த மோகத்திலும் அல்லது காமத்திலும் சக்தி விரயமாகிறது நம் உடலில் இருக்கும் சக்தியை விரயமாக்காமல் தக்க வைத்துக்கொள்ள அங்கு நல்ல விஷயங்களுக்கு வழி உண்டாகிறது, மௌனத்தில் தியானம் சீக்கரம் பலன் தருகிறது “.மௌனகுருவே நடராஜா நீலகண்டனே ” என்று அந்த ஞானகுரு தக்ஷிணாமூர்த்தியைத் தியானிப்போம்

ஜே.வி செர்னே சொல்கிறார்

ஆற்றல் சக்தியை நாம் பயன்படுத்தி வெற்றிபெற வார்த்தைகள்
வாகனங்களாக உள்ளன . “செய்து முடிப்பேன்” என்ற வாகனத்தில்
ஏறிக்கொண்டால் அடக்கமுடியாத ஆர்வத்துடன் கூர்ந்து செயல்
வடிவில் ஒவ்வொரு நாளும் இலட்சியத்தை நோக்கிச் செல்லலாம் வானத்தைத் தொட்டுவிடலாம்

சக்தியைச்சேமிப்போம்!…

விசாலம்

கலி யுகத்தில் மிகவும் எளிதாக உள்ளொளியை அதாவது நமக்குள்ளே இருக்கும் கடவுளை உணர வைக்கும் சக்தி இசைக்கு இருக்கிறது. கோடிக்கோடியாக ஜபம் செய்யவேண்டியதில்லை. பல ஆயிரங்கள் சிலவு செய்து ஹோமம் வளர்த்து பூஜை செய்தால் எத்தனைப்பலன்கள் கிடைக்குமோ அவை நெஞ்சுருகி பாடி அந்த இறைவனுக்கே எல்லாம் சமர்ப்பித்தால் கிடைத்துவிடும் .தவிர இறைவனது தரிசனமும் கிடைத்து அவர் அருளுக்கும் பாத்திரமாகி விடுவீர்கள் இசையில் மும்மூர்த்திகளான ஸ்ரீ தியாகராஜர் . ஸ்ரீ முத்துஸ்வாமி தீக்ஷதர், ,திரு சியாமா சாஸ்திரி மூவருமே தங்கள் இசையினாலேயே தங்கள் இஷ்ட தெய்வங்களைத்தரிசித்தனர், இறைவனுக்கு அருளும் அறுபத்தினாலு உபசாரங்களில் இசையும் ஒன்று .இதனால் தான் இன்றும் கோயில் மண்டபங்களில் இசையும், நாட்டியமும் நடைப்பெறுகிறது.இறைவன்,இறைவிக்கென்று இது நடக்கும் போது டிக்கட் ஒன்றும் வைப்பதில்லை, எல்லோரும் போய் ஆனந்தம் பெறலாம் ஆகம சாஸ்திரத்தில் கோயிலில் இன்ன ராகம் இந்தந்த வேளையில் பாட வேண்டும் என்றும் எழுதி வைக்கப்பட்டிருக்கிறது .கோயில் பிரகாரம் மிகப்பெரிதாக அமைந்துவிடுவதால் அங்கு வாய்ப்பாட்டைவிட நாதசுரம் தான் சோபிக்கும் .நாதசுரத்தின் ஒலி வெகு தூரம் போய் ரீங்காரம் செய்யும் தன்மை கொண்டிருப்பதால், கோயில்களில் நாதசுரத்தையே அதிகமாக நாம் பார்க்கிறோம் .அதற்கேத்தாற்போல் தவிலும் சத்தமும் அதற்கேத்த ஜோடிதான் கோயில்களில் காலை ஐந்திலிருந்து ஆறு வரை நாதசுரவித்துவான் பூபாள ராகம் .மலயமாருதம் அல்லது பௌளி ராகம் வாசிப்பார்கள்.

இந்த ராகங்களில் சுத்த ரிஷபம், சுத்த தைவதம் இருப்பதால் மனதைக்கொள்ளைக்கொண்டுச்செல்லும் பாவம் இவைகளில் இருக்கும் .சுவாமி துயில் நீங்கி கண்விழிக்கும்போது “திருப்பள்ளி எழுச்சி” பாடும் வழக்கம் உண்டு .அவை அநேகமாக பூபாளத்தில் இருக்கும் காலை எட்டு மணியிலிருந்து ராகங்கள் தன்யாசி , சாவேரி .,அசாவேரி. வாசிக்கும் வழக்கம் இருக்கிறது .பத்து மணி சுமாருக்கு ராகங்கள் சுருட்டி. அல்லது மணிரங்கு ரொம்ப வியாபகமாக வெளிவரும். ஒவ்வொரு புகழப்பெற்ற ஸ்தலங்களிலும், கோயில்களிலும் நான் போகும் போது இவைகளை கவனிப்பேன் 12 மணிக்கு கோயில் மூடிவிடும். பின் மாலை ஐந்து மணிக்கு நாதசுர வித்துவான் காம்போஜியும். சங்கராபரணமும் பிச்சுதறுவார்கள். இரவு சயனாசனத்தின் போது ராகம் நிலாம்பரியோ அல்லது ஆனந்தபைரவியோ நம்மை மறக்கச்செய்யும் ,நம் முன்னோர்கள் காலையிலிருந்து இந்த ராகங்களைக்கேட்டு மணி சுமார் எவ்வளவு இருக்கும் என தீர்மானிப்பார்கள் என்று என் தந்தை என்னிடம் கூறியிருக்கிறார்.

ஒவ்வொரு நாளும் ஒரு ராகம் கண்டிப்பாக மாறாமல் வந்து விடும். அதுதான் கம்பீர நாட்டை இந்த ராகத்தில் வாசிக்கும் தனிப்பட்ட நடை தான் “மல்லாரி ” மல்லாரி பலவிதமாக வரும் அவை தீர்த்தமல்லாரி, தளிகை மல்லாரி, கும்பமல்லாரி, புறப்பாடு மல்லாரி,தேர் மல்லாரி இவைகளின் பெயர்களிலிருந்தே இவைகள் எப்போது வாசிக்கபடும் என்று யோசிக்க முடிகிறது.

இறைவன் அல்லது இறைவிக்கு அபிஷேகம் செய்ய குடத்துடன் ஒரு நதியோ அல்லது குளத்திற்கோ சென்று நீர் எடுத்து வருவார்கள் .அப்போது வாசிப்பது தீர்த்த மல்லாரி.

சுவாமிக்கு நைவேத்தியம் செய்யும் போது வாசிப்பது தளிகை மல்லாரி .சுவாமியை வரவேற்க பூர்ணகும்பத்துடன் வேதங்கள் ஓதி எதிர்க்கொண்டு அழைப்பார்கள் அந்த நேரம் வாசிப்பது கும்ப மல்லாரி. சுவாமி வீதி ஊர்வலம் வர கோயிலை விட்டுக்கிளம்புவார் அப்போது வாசிக்கும் மல்லாரி பறப்பாடு மல்லாரி.

பிரம்மோத்ஸவ நாட்களில் மிக அழகாக அலங்கரிக்கப்பட்ட தேரில் விதவிதமான அலங்காரங்களுடன். விதவிதமான வாகனங்களில் வீதி வலம் வருவார் இறைவன் தேர் மிக பெரிதாக இருக்கும் ஆதலால் அது கோயில் வெளியிலே தான் நின்றுகொண்டிருக்கும், இறைவன், இறைவி தனக்கென்று அலங்கரிக்கப்பட்ட பல்லக்கில் அமர்ந்தபடி வெளிவந்து பின் அந்தத்தேரில் அமர்த்தப்படுவார்கள்.ஆஹா அப்போது கேட்கவேண்டுமே அந்த மல்லாரியை. முதல் காலத்தில் மெள்ள ஆரம்பித்து பின் மூன்று காலங்களிலும் ஜமாய்த்துவிடுவார்கள் நாதசுர வித்துவான்கள். மல்லாரி அதிகமாக துருவதாளம், திருபுடை தாளம் மட்யதாளமாக இருக்கும் .இதில் மூன்று காலங்கள் வாசித்து பின் திஸ்ர நடைக்கும் கொண்டுவருவார்கள்.ஆஹா அப்படியே குதிரை “டக் டக்கென்று ‘போவது போல் இருக்கும் .மல்லாரி எப்போதுமே வாத்தியங்களுக்குத்தான் எடுபடும் இந்த மல்லாரியில் பாட்டு அதிகமாக கிடையாது .ஒரே ஒரு பாட்டு கேட்டிருக்கிறேன், சரியாக ஞாபகமில்லை

“ஆயாத்தி ராஜகோபாலா
அகிலலோக பரிபாலா
ராஜ ராஜாத்தி ராஜ வ்ரஜ ராஜ மது வ்ருஷ்ணி போஜ சூர குலராஜா
ஸார ஸாயத விலோசனா பவபய நிரோத விலோசனா மந்த ஹாஸ {ஆயாதி}

இது ஊத்துக்காடு இயற்றியது போல் தோன்றுகிறது.

இந்த தேர் புறப்பாடும் மல்லாரி ராகமும் நாகப்பட்டினம் நீலாயதாக்ஷி அம்மன் கோயிலிலும், மன்னார்குடி ராஜகோபால சன்னதியிலும் நாதசுர சக்கரவர்த்தி திரு டி ஆர் ராஜரத்தினம் இரவு 11 வரை வாசித்ததை என்னால் இன்னும் மறக்கமுடியவில்லை என் காதிலிலேயே ஒலிக்கிறது

விசாலம்

சூட்டும் டையும்மாக மிகவும் மிடுக்குடன் ஏரோப்பிளேனில் ஏறினார் கானடா நாட்டைச்சேர்ந்த பெரிய தொழிலதிபதி மிஸ்டர் பாட்டர்ஸன் .தன் தொழில் விஷயமாக இந்தியாவுக்கு பயணம் . இந்தியாவில் டாக்டர் பாலகிருஷ்ணாவை சந்தித்து அவர் அன்புடன் விடுத்த அழைப்பை ஏற்றுக்கொண்டு அவர் இல்லத்திற்கு வருகை தந்தார் .அவரை மிக அன்புடன் தனது வரவேற்பு அறைக்கு டாக்டர் பாலகிருஷ்ணா அழைத்துப் போக மிஸ்டர் பாட்டர்ஸன் பிரமித்தபடியே தன் புருவத்தை மேலே தூக்கியபடி தன்னை மறந்து நின்றார். அந்த அறை முழுவதும் ஒரு விதமான தெய்வீக மணம் வீச ஏதோ ஒரு கோயிலுக்கு நுழைந்த மாதிரியான உணர்வு . விடே கோயில் போல் அலங்கரிக்கப்பட்டிருந்தது உள்ளே ஒரு தனி அறையில் ஒரு அழகிய சிம்மாசனம் இருக்க அதன் மேல்சுவாமியின் அழகிய படம் வைக்கப்பட்டிருந்தது நான் சொல்லும் சுவாமி “பகவான் ஸ்ரீ சத்யசாயிபாபா” அவர்கள் தான் . அவர் தன் இரு கைகளைத் தூக்கியபடி ஆசிகள் வழங்கிக்கொண்டிருந்தார் சுருண்ட முடியுடன் “புஸு புஸு என்ற தலையையும் பார்த்து கானடா அதிபர் வியந்து “இவர் யாரப்பா? என் மனதை அப்படியே அவர் பக்கம் இழுக்கிறார். அந்தப்படத்தைப்பார்த்துக் கொண்டே இருக்கும்படி தோன்றுகிறதே”, இவர் தான் பாபா புட்டப்பர்த்தியில் இருந்து கொண்டு பல நற்காரியங்களைச் செய்து வருகிறார்,அசாத்யமான காரியம் கூட அவரிடம் வர சாத்தியமாகி விடும்.அன்பின் மறு உருவம், சத்ய, தர்ம சாந்தி, பிரேமை என்ற கொள்கையைக் கடைப்பிடித்து வாழ்பவர். பல கோடி மனிதர்களுக்கு வழிக்காட்டியாக இருந்து வருபவர். என்று ஆரம்பித்து அவரது பிறப்பு. அவரது தெய்வீக ஆற்றல். அவரது அன்பு என்று அவரைப்பற்றி மிக ஆர்வமாக கூறி முடித்தார். மிஸ்டர் பாட்டர்ஸன் தன்னை மறந்தார்.

டாக்டர் பாலகிருஷ்ணா தேங்க் யூ. இந்த மகானின் ஞாபகமாக எனக்கு ஏதாவது கொடுக்கமுடியுமா?” என்னிடம் தற்சமயம் சிறிய படம் ஒன்றுமில்லை. ஆனால் அவரது விபூதியைத் தருகிறேன் ”
வாட்? வாட் விபூட்டி? வாட் ஈஸ் தாட்? டாக்டரோ பாட்டர் சன்னுக்கு கொடுக்க தகுதியானது விபூதிதான் என்று நினைத்து விபூதி இருக்கும் சிறு பாக்கட்டை அவரிடம் அளித்தார் .அவரும் அதை மெள்ள திறந்து பார்த்தார்.
வாட் டாக்டர் .? இது என்ன ஆஷ் ? சாம்பலை ஏன் தருகிறாய்? இந்தப்படத்தில் இருப்பவர் பெரிய மகான் என்று சொல்லிவிட்டு சாம்பலை அவர் ஞாபகமாக தருகிறாயே!”
மை டியர் பிரண்ட்.இது வெறும் சாம்பல் இல்லை. விலை மதிக்க முடியாத தெய்வீக விபூதி .எந்த இடைஞ்சல் வந்தாலும் அதிலிருந்து காப்பாற்றிவிடும் .முழு நம்பிக்கையுடன் இதை வாயில் போட்டுக்கொண்டாலும் ,நெற்றியில் தரித்து பிரார்த்தனை செய்தாலும் அந்த இடைஞ்சல் மறைந்து விடும் “அப்படியா ? இது அத்தனை உசத்தியா ?’என்றபடி தன் கோட்டு பாக்கட்டில் அதை நுழைத்துக்கொண்டார் . இந்தியாவில் வேலை முடித்துக்கொண்டு திரும்பவும் லண்டன் வழியாக நியூயார்க் போக தயாரானார். ஏர்போர்ட்டுக்கு வந்து பிளேனிலும் அமர்ந்தாகிவிட்டது. அவருக்கு கிடைத்த இடமோ பெண்களுக்கும் குழந்தைகளுக்கும் நடுவில் அமரும் நிலைமை .நிம்மதியாக சத்தமில்லாமல் சாய்ந்து படுக்கவும் முடியவில்லை.குழந்தைகள் போட்ட கும்மாளத்தில் அவருக்கு இடைஞ்சல் ஏற்பட்டது. பெண்களாலும் பல அசௌகரியங்கள் ஏற்பட்டது. “எப்படாப்பா நல்ல சீட்டில் அமருவோம்” என்று எண்ணும் போது டாக்டர் பாலகிருஷ்ணா கொடுத்த விபூதி பாக்கட் ஞாபகம் வந்தது.அதன் மகிமையைப் பரீட்சித்து பார்க்க நல்ல சமயம் என்று நினைத்து தன் பாக்கட்டிலிருந்து அந்த வீபூதியை எடுத்து ஒரு சிட்டிகை தன் வாயில் போட்டுக்கொண்டார். பின் பிரார்த்தனையும் செய்தார் . “ஓ பாபா நியூயார்க் பயணமாவது எனக்கு நன்றாக அமைய வேண்டும்.வசதியான ஸீட் கிடைக்க வேண்டும். “ஓ சத்ய சாயி பாபா ஹெல்ப் மீ” லண்டனில் பிளேன் வந்து இறங்கியது. அப்போது ஒலிபெருக்கியில் “மிஸ்டர் பாட்டர்ஸன் பிளீஸ் கம் டு த் ஆபீஸ் அண்ட் மீட் அஸ் இமீடியட்லி ” என்ற குரல் கேட்டு வியப்படைந்து அவசர அவசரமாக அங்கு சென்றார். ஒரு பெண்மணி அவரிடம் “இந்தாருங்கள் உங்களுக்கு முதல் வகுப்பில் நியூயார்க் பயணத்திற்கு ஒரு இருக்கை.” என்றபடி ஒரு டிக்கட்டை நீட்டினாள். “தாங்க் யூ “என்றபடி அதிகபடியான தொகையை அடைக்க சில டாலரை நீட்டினார். அதற்கு அங்குள்ள அதிகாரி “நோ நோ நோ” இதற்கு தேவையான அதிக கட்டணம் உங்கள் பெயரில் கட்டப்பட்டு விட்டது என்றார். மிஸ்டர் பாட்டர்ஸன் அப்படியே ஸ்தம்பித்து நின்றார். “பாபா விபூதிக்கு இத்தனை பவரா?பாபாவின் அன்புதான் என்ன! பாபாவின் கருணைதான் என்ன! பல மைல்களுக்கப்பால் இருந்தபடியே என் வேண்டுகோளுக்கு செவி சாய்த்து என் விருப்பத்தை நிறைவேற்றிவிட்டார். கொஞ்சம் நம்பிக்கையுடன் வீபூதி வாயில் போட்டுக்கொண்ட பலன் இது, என்று நெஞ்சம் நெகிழ பலருக்கு இந்தச்சம்பவத்தை எடுத்துக்கூறினார்.

“பரமம் பவித்ரம் பாபா விபூதிம்
பரமம் விசித்ரம் லீலா விபூதிம்
பரமார்த்த இஷ்டார்த்த மோட்ச பிரதாதம்
பாபா விபூதிம் இதம் ஆஸ்ரயாமி”

பாபா பஜன் முடிந்தவுடன் இந்த ஸ்லோகத்தைச் சொல்லி பின் விபூதி பிரசாதம் வழங்கப்படும். இந்த விபூதி புனிதமானது.வியாதியைப் போக்க வல்லது. பக்தர்களின் விருப்பத்தை நிறைவேற்றும். பக்தர்கள் அற்புதமான இதை தினமும் பயன்படுத்த வேண்டும்.

விசாலம்

விசாலம்

மகாவிஷ்ணு ஸ்ரீராமராகவும், ஸ்ரீகிருஷ்ணராகவும் அவதரித்தார் என்று தசாவதாரத்தில் காண்கின்றோம் .கண்ணன் பிறந்த கோகுலாஷ்டமி அன்று வீட்டில் குட்டிப்பாதங்களை மாக்கோலமாகப்போட்டு சின்னக்குழந்தை குதித்துக்குதித்து உள்ளே வருவதைப்போல் ஒரு கற்பனையும் செய்கின்றோம்.பெருமாளை விட பெருமாளின் திருவடிக்கு அதிக சக்தி தான் .கீதையில் கண்ணன்”என் திருவடிகளைச்சரணடைந்தால் பாபம் எல்லாம் போக்கி மோட்சம் அடைய அருள் புரிவேன் என்கிறார். பாரதியாரோ “கண்ணன் திருவடி எண்ணுக மனமே, திண்ணம் அழியா வண்ணம் தருமே  என்றும் பின் “தீர்ப்பான் இருளை பேர்ப்பான் கலியை ஆர்ப்பாரமரர் பார்ப்பார் தவமே” என்று பாடி திருவடியின் சிறப்பைச்சொல்கிறார், வளளுவரோ  “பற்றுக பற்றற்றான்  பற்றினை அப்பற்றைப் பற்றுக பற்று விடற்கு   என்று குறளில் சொல்கிறார். அதாவது ஆசாபாசம் மாயை போன்றவை விலகுவதற்கு பற்றேதும் இல்லாத இறைவனின் திருப்பாதங்களைப் பிடித்துக்கொள்ள வேண்டும். ஹரித்துவார், ரிஷிகேஷ் போன்ற இடங்களில் ஸ்ரீராமர் பாதம் விற்பார்கள். அதை பூஜை அறையில் வைத்து பூஜிப்பதையும் நான் பார்த்திருக்கிறேன். திருப்பதி ஸ்ரீ வெங்கடாசல்பதியின் பாத தரிசனுமும் காலை வேளையில் கண்டு அருள் பெற க்யூ வரிசை நீண்டு இருக்கும். ராமாயணத்தில் ராமர் கானகம் வந்த போது வேடனான் குஹ்ன் ஸ்ரீராமனின் திருவடிகளை வணங்கி அந்தத்திருவடிகளுக்கு பூஜையும் செய்கிறான். அவரது சகோதரன் பரதனோ தன் தாய் தனக்கு என்று வாங்கிக்கொடுத்த நாட்டை ஏற்க மறுத்து ராமரைப்பார்த்து திரும்பி வருமாறு மன்றாடுகிறான், ஆனால் ராமர் அதற்கு இஷடப்படாததால் அவரது திருவடிகளில் ஏறிய பாதுகைகளையே பதினான்கு வருடம் பூஜிக்கிறான். சமீபத்தில் கிருஷணரைப்பற்றி  பிருந்தாவன கீதையில்  சில விஷயங்கள் படித்தேன். அதில் யமுனையும், காளிங்கனும் மகாவிஷ்ணுவின் திருவடிகள் தங்கள் மேல் பட வேண்டும் என்று மிகவும் விரும்பினார்கள்.காளிங்கன் முற்பிறவியில் ஒரு கந்தர்வனாக இருந்தான். ஒரு முனிவரின் சாபத்தினால் ஐந்துதலை நாகமாக் பிறவி எடுத்தான் எப்படியும் திருமாலின் திருவடி தன் தலையில் பட்டு தனக்கு சாபவிமோசனம் ஆகிவிடும் என்று நம்பியிருந்தான். இதே போல் யமனின் தங்கை. சூரியபுத்திரி விஷ்ணு பாதங்களைத் தொட வேண்டும் என்று ஆசைக்கொண்டாள். அது என்ன சுலபமாகக் கிடைக்கக்கூடிய ஒன்றா?. கடும் தவத்தை மேற்கொண்டாள். காத்து ரக்ஷிக்கும் தெய்வமான விஷ்ணு உடனே தோன்றி தான் கிருஷ்ணராக அவதாரம் எடுக்கும் நேரத்தில் அவள் விருப்பம் நிறைவேறும் என கூறி மறைந்தார் .யமுனையும் பொறுமையாகக்காத்திருந்தாள் ஆவணி மாதம் அஷ்டமியில் ரோகிணி நட்சத்திரத்தில் கண்ணன் பிறந்தார். அவரது கட்டளைப்படி வசுதேவர் அவரை ஒரு கூடையில் வைத்தபடி யமுனைக்கரைக்கு வந்தவுடனேயே யமுனை மிகவும் மகிழ்ச்சியுடன் எங்கே கண்ணனின் பாதங்கள் நம் மேல் படாதா என்று ஏங்க ஆரம்பித்துவிட்டாள். மழைக்கொட்டித்தீர்த்தது.யமுனையின் வெள்ளம் அதிகரித்து வசுதேவரின் இடுப்பு, பின் தோள், என்று நிரம்பி கழுத்துவரை வந்துவிட்டது. அப்படியும் வசுதேவர் நம்பிக்கையை இழக்காமல் மேலே நடந்தார்.   பின் இன்னும் மேலே ஏற கண்ணன் யமுனையைத் தொடும்படி தன் குஞ்சுக்கால்களை கூடைக்கு வெளியே போட்டார். அந்தக்கமல பாதங்களை யமுனைத்தொட்டுவிட்டாள். ஒரே மகிழ்ச்சி. தன் தவத்தின் பலனைக்கண்டுமகிழ்ந்தாள். நன்றியை தெரிவித்து கிருஷ்ணர் அக்கரைக்கு போக ஏதுவாக வசுதேவருக்கு இரு பக்கமும் தன் வேகத்தைக்குறைத்து நல்ல பாதையை வகுத்து தந்தாள்.

காளிங்கன் தனக்கு கண்ணனது திருவடிகள் கிடைக்கவில்லையே என்று அந்தப்பொய்கையிலேயே வசிக்க ஆரம்பித்தான். விஷத்தைகக்க்கினான் இதனால் காளிந்தி பொய்கையில் நீர் கெட்டு ஊர் ஜனங்கள் அங்குப்போகாமல் ஒதுங்கினர். பலரும் காளிங்கனைப்பார்த்து நடுங்கினர் கிருஷ்ணர் மாடுமேய்க்கச்சென்று சமயம் பார்த்து பலர் தடுத்தும் காளிந்திப்பொய்கையில் குதித்தார். காளிங்கனுக்கு மகிழ்ச்சி. தன்னுடைய ஐந்துதலையை விரித்து கிருஷ்ணரைத் தாங்கிக்கொண்டான். கிருஷ்ணரின் திருவடிகள் அவனது ஐந்துத்தலைகள் மேலும் நடனமாடியது. மகிழ்ச்சியில் விஷம் கக்கினான் பின் அவன் சாபம் நீங்க பழையபடி கந்தர்வனாகிவிடுகிறான். திருவடிகளுக்கு இறைவனை விட அதிக சக்தி இருக்கிறது. குருவின் பாதங்களை அலம்புகிறோம் பாத பூஜை செய்கிறோம் “அவனருளால் அவன் தாள் வணங்கி’  என்று அவர் பாதங்களை நாமும் சரணடைவோம்.

விசாலம்

எங்கு மேடைப் பேச்சு இருந்தாலும் .சிறு கூட்டமாக இருந்தாலும் “என் அன்பு சகோதர சகோதரிகளே” என்று அழைக்கிறோம். ” India is my country .we r all brothers and sisters “என்று பள்ளி அசெம்பிளியில் சத்தியப் பிரமாணம் எடுக்கிறோம். ஆக சகோதர அன்பு என்பது அளவெடுக்க முடியாத ஒன்று. அப்படிப்பட்ட அன்பை மேலும் வெளிப்படுத்தும் நாளாக வருகிறது, ராக்கி பண்டிகை. வட நாடு முழுவதும் கொண்டாடும் இந்தப் பண்டிகை மிகவும் அர்த்தம் உள்ள பண்டிகை..நான் பலவருடங்களாக அங்கேயே இருந்ததால் நானும் இதைக் கொண்டாடுகிறேன் என் பாசமுள்ள சகோதரர்கள் எல்லோருக்கும் மானசீகமாக ரக்ஷைக் கட்டுகிறேன்.

இந்த ராக்கி என்றால் என்ன? புராணக் கதை என்ன? பார்க்கலாம்…

இது ஒரு அன்பு பந்தம் ..சகோதரன் சகோதரியைப் பாசத்தால் கட்டுப் போடும் ஒரு அன்பு பாலம். இந்தப் பண்டிகை சிராவண பூர்ணிமாவில் வருகிறது இதற்கு, வயதோ, ஜாதி பேதமோ கிடையாது சகோதரன் கையில் அன்பு சகோதரி ராக்கி கட்டி அவனுடைய சுபீட்சத்திற்குப் பிரார்த்தனையும் செய்கிறாள் ,பதிலுக்கு அவளுக்கு நிறைய பரிசுகள் கிடைக்கின்றன முன் காலத்தில் ராஜபுத் வம்சத்தில் போருக்குக் போகும் முன் இரத்த திலகமிட்டு,கையில் ரக்ஷையும் கட்டி “வெற்றியுடன் திரும்பி வா”என்று வழி அனுப்பி வைப்பார்கள்.இவர்களில் சிலர் முஸ்லிம் பெண்ணையும் சகோதரியாக எற்றது உண்டு.மஹாபாரதக் காலத்திலும் ஸ்ரீ கிருஷ்ணர் திருதராஷ்டிரருக்கு வரப் போகும் அபாயத்திலிருந்து காப்பாற்றிக் கொள்ள ரக்ஷை கட்டிக்க சொல்கிறார்

பலி சக்கிரவர்த்தி விஷ்ணுவின் பெரிய பக்தர்.விஷ்ணு பலியின் ராஜ்யத்தைக்காக்க சத்தியம் செய்து கொடுத்ததால் வைக்குண்டத்தை விட்டு மஹாபலியிடம் வருகிறார்.சில நாட்கள் பொறுத்துப்பார்த்த மஹாலட்சுமி அந்தபிரிவைத் தாங்கமுடியாமல் மஹாவிஷ்ணுவிடம் இருக்கப்பிரியப்பட்டு தான் ஒரு சாதாரண பெண்மணிப்போல் வேஷம் தரித்து பலியிடம் வந்தாள் . “மஹாராஜா என் கணவர் வரும் வரை நான் இங்கு தங்க அனுமதி வேண்டும் “என்று கூறியபடி அடைக்கலம் புகுந்தாள் நாட்கள் நகர்ந்தன.

அன்று பௌர்ணமி தினம். அன்று மகாராஜாவிடம் சென்று அவரை சகோதரனாக பாவித்து ராக்கி கட்டி விட்டாள்.ராக்கி கட்டிவிட்டால் அந்தச்சகோதரர் ஏதாவது வெகுமதி தருவது வழக்கம். ” சகோதரி உனக்கு என்ன வேண்டும் சொல் தருகிறேன்” ” நான் என் கணவருடன் சேர்ந்து வாழவேண்டும்.அது உங்கள் கையில் தான் இருக்கிறது என் கணவர் இங்கு தான் இருக்கிறார்” ‘யார் அவர் ? சொல் சகோதரி நான் உனக்கு உதவுகிறேன்.” “அவர்தான் வைகுந்ததிலிருந்து இங்கு வந்திருக்கும் மகாவிஷ்ணு. அவரை விட்டு பிரிந்து இருக்க முடியாமல் நான் இங்கு ஒரு சாதாரண பெண்மணிப்போல் வேஷம் தரித்து இங்கு வந்தேன் .தயவு செய்து அவரை என்னுடன் அனுப்பி வைக்கவும் ” மகாபலியும் இதைக்கேட்டு பரவசமாகி லட்சுமியை விஷ்ணுவுடன் சேர்த்து திரும்பவும் வைகுந்தத்திற்கு அனுப்பி வைத்தார் .அவருக்கு உதவிய திருமாலுக்காக அவர் தனது ராஜ்யத்தையே தியாகம் செய்தார்.லட்சுமி மஞ்சள் கயிறை அவர் கையில் கட்டியதால் “மஞ்சள் ராக்கி” என்ற பெயருடன் இது கொண்டாடப்படுகிறது . இது வடக்கில் நம்பும் புராணக் கதை. ராக்கி இரண்டு ரூபாயிலிருந்து ஆரம்பித்து பல ஆயிரம் ரூபாய்க்கும் மேல் வாங்கமுடியும் சாதாரண வழவழப்பான நூலிலிருந்து ஆரம்பித்து நவரத்தினங்கள் பதித்த ராக்கி வரை விற்கப்படுகின்றன

ஒரு சமயம் முகம்மதிய மன்னனுக்கு ராஜபுத் ராணி ராக்கி அனுப்பித்து வைத்தாள்..

முகமதிய மன்னர் ஹுமாயூனுக்கும் சித்தூர் அரசியான ராணி கர்ணவதி ராக்கி அனுப்பித்து வைத்து அவரை சகோதரராக நினைப்பதாகவும் தனக்கு உதவும்படியும் கூறினாள்.அப்படி என்ன ஆபத்து அவளுக்கு வந்தது?குஜராத் சுல்தான் பஹதூர்ஷா சித்தூர் மேல் படையெடுத்தான்.ராணி விதவை என தெரிந்து அவளால் ஒன்றும் செய்யமுடியாது என்ற தைரியத்தில் போர் தொடுத்தான்.ராணி மனமுடைந்துப்போனதால் அந்தப்போரை எதிர்க்கொள்ளும் சக்தி இல்லாமல் போயிற்று .அதனால் தான் தில்லியில் ஆண்டு வந்த ஹூமாயூனுக்கு ராக்கி அனுப்பித்து தன்னையும் தன் ராஜ்யத்தையும் காக்கும்படி வேண்டிக்கொண்டாள்.சக்கர்வர்த்தி ஹுமாயூனும் ராக்கியைப்பார்த்து மனம் நெகிழ்ந்து அவளுக்கு உதவ சைன்யத்தை அனுப்பி வைத்தான்.அதற்குள் பஹதூர்ஷாவின் சேனை கோட்டைக்குள் நுழைந்து விட்டது.ராணி கர்ணவதி தனக்கும் மற்றும் பல பெண்மணிகளுக்கும் அவமானம் ஏற்படகூடாது என நினைத்து தீயை வளர்த்து அதில் குதித்துவிட்டனர் .இதற்குள் ஹுமாயூன் அனுப்பிய சேனை கோட்டைக்குள் நுழைந்து பஹதூர் ஷாவின் சேனையை முறியடித்து ஷா வின் மேல் பல பெண்மணிகளைக் கொன்ற குற்றத்திற்காக கைது செய்தனர் .பின் ஹுமாயூன் ராணி கர்ணவதியின் மகன் விக்ரமஜித் சிங்கிற்கு சித்தூர் ராஜ்ஜியத்தைக்கொடுத்து அவனை மன்னனாக்கி சகோதரி அனுப்பிய ராக்கிக்கு பரிசு கொடுத்துவிட்டார் .ராணி கர்ண்வதி சுவர்கத்திலிருந்து இதைப்பார்த்து மகிழ்ந்திருப்பாள் யமனின் தங்கை யமுனாவும் யமனுக்கு ராக்கி கட்டி விட்டாள் .யமனும் மன மகிழ்ந்து “யார் யார் சகோதரருக்கு ராக்கி கட்டி அவனது வாழ்க்கை வளத்திற்கு பிரார்த்திக்கிறாரோ அவர்களுக்கு நான் பாதுகாப்பு அளிப்பேன்” என்றானாம் இதுவும் வடக்கில் சொல்லும் கதை . மகாபாரதத்தில் ஒரு கதை . ஒரு தடவை கண்ணனின் கையில் அடிப்பட்டு இரத்தம் கசிந்தது .இதைப்பார்த்த பாஞ்சாலி ஓடி வந்து தன் தலைப்பைக்கிழித்து அடிப்பட்ட மணிக்கட்டில் கட்டிவிட்டாள்.கண்ணனும் மனம் நெகிழ்ந்து இன்று முதல் நீ என் தங்கையும் கூட .நான் எப்போதும் உன் பக்கம் இருப்பேன்.” என்றாராம். அதே போல் பாஞ்சலியும் கண்ணனையே முழுவதும் நம்பினாள்.ராக்கிக்கு அத்தனை சக்தி .அத்தனை நம்பிக்கை . எப்போதும் ராக்கி பண்டிகையும் .பூணல் போட்டுக்கொள்ளும் ஆவணியாவட்டமும் ஒன்றாக வரும் என் இனிய வாழ்த்துகள்.

படத்துக்கு நன்றி: http://astrobix.com/festivals_of_india/raksha_bandhan/default.aspx