Author: கிரேசி மோகன்

கிரேசி மோகன்

 

கண்ணன் திருப்புகழ்(வெண்பா)….
———————————————
’’கண்ணன் வெண்பாக்கள்’’
————————————————
தொண்டைக் கட்டு வந்தபோது வேண்டுதல் வெண்பா
——————————————————————————————-

 

கொண்டை மயிற்பீலி, கொண்டென் கரகரா,
தொண்டை சரிசெய்வாய் துப்புரவாய், -பண்டரி,
விட்டலா பாண்டுரங்கா, வேய்ங்குழல் நாதமாய்,
கொட்டவை வார்த்தைகளை சட்னு….(227)

குரல்வளை தன்னை, கிரகணம் பிடிக்க,
பொருள்விளங் காயாச்சு பேச்சு, -அருள்மழையை,
தொண்டையில் பெய்திடுவீர், பண்டரி நாதரே,
விண்டுரைக்க வைப்பீர் வசனம்….(228)

வலம்புரியோ(டு) அன்று, களம்புகுந்தோன் இன்று,
நலம்புரிந்தான் பேசிட நன்றாய், -வளம்புரிந்தான்,
சும்மா இருந்த, சிருத்தொண்டை ஊதினான்,
அம்மா அறிந்தேன் அரி….(229)

வாத புரீசா, வ்ரஜகுல விஸ்வாசா,
சேதம் அசேதனம் செய்திடுவோய், -தோது,
புரியெந்தன் தொண்டை, சரியாகக், காக்கும்,
அரியுந்தன் தொண்டைநீ ஆற்று….(230)

பாடிப் பெறமோட்சப், பாதை இருக்கையில்,
நாடிப் பறந்தேன் நவநீதா, -சாடிக்,
கெடுக்கும் குரலெனக்கு, கொஞ்சமும் வேண்டாம்,
முடக்கி மவுனியாய் மாற்று….(231)
——————————————————————————————————-

என்னதவம் ஆனாலும், எங்கதைச் செய்தாலும்,
தன்னந் தனியாய்த் தவிக்காதே, -கண்ணனருள்,
கூட அழைத்துச்செல், கைகூடும் காரியங்கள்,
மாடுகள் மேய்த்தோனின் பாடு….(232)

———————————————————————————————————————

படங்களுக்கு நன்றி:

http://kamadenu.blogspot.in/

 

கிரேசி மோகன்

 

கண்ணன் திருப்புகழ்(வெண்பா)….
————————————————————-
’’கண்ணன் வெண்பாக்கள்’’
——————————————————-

மார்கழி மாதத்தில், மாடுகள் மேய்த்திரவில்,
ஓர்கழி ஊது குழலோடு, -ஊர்புகும்,
கார்முகில் வண்ணன்மேல், கோதூளி மின்னிட,
பார்மிசை ராப்பக லாச்சு….(222)

கண்ணா நலம்தானா, கன்று நலம்தானா,
அண்ணா பலராமன் நலம்தானா. -பின்னால்,
இதுபோ லெனைநீ, இங்கிதமாய்க் கேட்டு,
பதிலொன்(று) எழுதிப் போடு….(223)

கண்ணா நலம்தானா, கன்று நலம்தானா,
அண்ணா பலராமன், ஏரார்ந்த -கண்ணி,
யசோதையாள், நந்தகோபன், யாதவரைக் கேட்டு,
விசாரித் ததாக விளம்பு….(224)

கல்லில் சிலையாகக், காற்றில் இசையாக,
புல்லில் பிருந்தா வனமாக, -சொல்லில்,
பொருளாக அல்லும், பகலாகும் கண்ணன்,
இருதாள் எண்ணல் இணைப்பு….(225)

பேரா யிரம்கொண்டு, ஷீராப் தியிலுறங்கும்,
ஆரா அமுதா அடைக்கலம், -தீராத,
பித்தாண்ட ராதையாய், புத்தாண்டில் மாறிட,
அத்தாயென் புத்தி அமர்….(226)

அம்மியில்லை அண்ணாந்து, அருந்ததி காணவில்லை,
நம்முடைய சந்திப்போ நட்டநிசி, -விம்மியழும்,
ராதைக்குக் கண்ணன், ரகசியமாய்க் கூறினான்
கோதையே நானுன் குழவி….(227)

——————————————————————————————————————-

படங்களுக்கு நன்றி:

http://kamadenu.blogspot.in/

 

கிரேசி மோகன்

கண்ணன் திருப்புகழ்(வெண்பா)….
————————————————————–
’’கண்ணன் வெண்பாக்கள்’’
———————————————–

காரணம் நேற்றுண்டோம், சூரண மாற்றின்று,
ஜீரணம் நாளைதான்: ஜீவிதம் -பூரணம்,
கொள்ள சரண்புகு, கோகுல பாலகன்,
கள்ள பிராந்தன் கழல்….(216)

காமம், பொறாமை, குரோதம் இவைகளின்,
சாமக் கிரியையால் சோர்வுற்றேன், -நாமம்,
உரைத்தேன் முகுந்தா, உனதாழ் கடலில்
கரைத்த பெருங்காயம் ஆக்கு….(217)

அடிவானம் ராதை, அலைகடல் கண்ணன்,
பிடிவாதம் இல்லா பிணைப்பு, -முடிவாக,
ஜீவன் அலைந்து, ஜகன்நாத னோடிணையும்,
பாவம் பரிகாரம் போகும்….(218)

ஒன்பது ஓட்டை, உடலே உடனேநீ,
தின்பது தூக்கம் தவிர்த்தாயர், -நண்பனின்,
ஊது குழலாய், உருமாறி என்நாளும்,
கீதகோ விந்தமதைக் கூவு….(219)

குருவாயூர் பிள்ளை, திருநாமம் சொல்லி,
வெறும்வாயை மெல்லு விடாது, -வரும்நாளில்,
பக்திஅவல் உண்டு, பதிலுக்(கு) அளித்திடுவான்,
முக்தியாம் செல்வம் மகிழ்ந்து….(220)

மார்கழி மாதத்தில், மாடுகள் மேய்த்தபடி,
ஓர்கழி ஊது குழலோடு, -ஊர்புகும்,
கோதூளி வண்ணனே, கண்ணனே கண்ணுறங்க,
வாதூளி ஆட விரைந்து….(221)

————————————————————————————————————–

 படங்களுக்கு நன்றி :

http://bhagavatham.blogspot.in/

 

 

கிரேசி மோகன்

கண்ணன் திருப்புகழ்(வெண்பா)….
————————————————————
‘’கண்ணன் வெண்பாக்கள்’’
——————————————————-

பாரேழை உண்டுமிழ்ந்து, பள்ளிகொண்ட பாலகனே,
பாரேழை எந்தன் பரிதவிப்பை, -பேரேழாய்,
மாமன்கை எட்டாது, ஜாமம்போய் எட்டானோய்,
காமமப்பேய் கொல்லும்முன் கொள்….(210)

மூப்பும் பிணியும், முகமன் உரைத்திடும்,
தோற்பும் பகையும் திரண்டெழும், -காப்பாய்,
மருதம் முறித்து, மதயானை கொன்ற,
வரதனை நெஞ்சே வணங்கு….(211)

பெண்பால் புணர்ச்சியாய், வெண்பா வடிவத்தில்,
என்பால் எழுந்தருளும் எம்பிரானே, -உன்போல்,
பொழுதை கழிக்க, புவியிலில்லை தெய்வம்,
தொழுது கிடப்பதே தொண்டு….(212)
ஆழ்வாரி தன்னில், அனந்த சயனத்தில்,
ஆழ்வாரே ஆண்டாளின் அப்பாவாம், -ஆழ்வாரின்,
பாடல் அழகால், பெருமை அடைந்தவனே,
கூடல் அழகனே காப்பு….(213)

ஆனைவா வென்றைக்க, ஆழியுடன் வந்தானை,
ஆனைவாய் உண்டுமிழ்ந்த ஆழியானை, -ஆணைவாய்ச்,
சங்கூதி பாரதம், செய்தானை பள்ளிகொள்ளும்,
பொங்கோத ஆழியானைப் போற்று….(214)

தீபாவளி EVE பாமா துணை
————————————————-
நமக்குள் இருக்கும், நரகா சுரனார்,
இமைக்கும் பொழுதில் இறக்க, -சமர்த்தன்,
யதுகுலக் கண்ணன், இணைசகி பாமா,
உதவிக்கு உண்டு உனக்கு…(215)

————————————————————————————————————–

கிரேசி மோகன்

கண்ணன் திருப்புகழ்(வெண்பா)….
————————————————————
’’கண்ணன் வெண்பாக்கள்’’
————————————————–
மீண்டும் உரலிழுத்து ,மாமருதம் சாய்த்தரவத்,
தாண்டவம் ஆடித் தயிருண்டு, -வேண்டிய,
ராதையை காதலித்து, போதனையாய் கீதையை,
யாதவா வந்திங்(கு) எழுது….(204)

பாற்கடலை இன்றுவிலை, பேரமாய்ப் பேசினால்,
வேர்கடலை கூட வராதுகேள், -யார்கடவுள்,
உண்டுமிழ்ந்த நீயா ? உமிழ்ந்ததை உண்ணமீண்டும்
பண்டமாற்று வோனா பகர்….(205)

பள்ளிதனைக் கொண்டதால் பிள்ளை பெறுவதால்
வள்ளலென பாற்கடல் உள்ளமால், -புள்ளேறும்,
கார்மேக வண்ணனும், ஓர்மகன் அன்னையும்,
நேர்நிகர் ஆவார் நமக்கு….(206)

 

பார்த்த சாரதி பெருமாள் கோயிலில்
———————————————————–

மீசைக்கு பாரதி, ஆசைக்கு ருக்மணி,
ஓசைக்கு வெண்சங்கின் ஓங்காரம், -பூசைக்கு
ஆழ்வார்கள் பாசுரம்,அல்லிக் குளக்கரையில்
வாழ்வோனை நெஞ்சே வணங்கு….(207)

பாலுக்கும் காவலாய், பூனைக்கும் தோழனாய்அப்,
பாலுக்கும் அப்பாலே பாதுகாக்கும், -மாலே,
பழகிடப் பூனையே, பாய்ந்தால் புலியே,
அழகிய சிங்கா அருள்….(208)

ஆராரோ என்றாய்ச்சி, சீராட்டித் தன்முலைப்பால்,
சோறாலே எவ்வாறு சொக்கவைத்தாள் ! -பாரேழை,
உண்டு பசியாறி, ஊழியில் ஆலிலையில்,
பண்டு படுத்தோய் பகர்….(209)
————————————————————————————————————–

 

படங்களுக்கு நன்றி:

http://bhagavatham.blogspot.in/

 

கிரேசி மோகன்

கண்ணன் திருப்புகழ்(வெண்பா)….
————————————————————–
’’கண்ணன் வெண்பாக்கள்’’
————————————————-
ஸ்ரீரங்கநாதர்
————————–
முன்விழித்துப் பின்விழித்துப், பொன்மகள் பார்த்திருக்க,
கண்விழிக்கா யோகமா? கற்பனையா? -தென்னிலங்கை,
பக்கம் தவித்திருக்கும், பத்தினியாள் ஞாபகமா?
துக்கமென்ன சொல்லிவிட்டு தூங்கு….(198)

களைப்போடு வீடணன் கைகால் கழுவுகையில்
மலைக்கோட்டைப் பிள்ளை குறும்பால் -நிலைப்பாடாய்
கொள்ளிடத் தீவில் கிடக்கும் அயோத்தியின்
பள்ளிகொண்ட ரங்கனைப் பாடு….(199)
—————————————————————————-

வெறும்வாயில் மெல்லும் அவலா கிடாது
குருவாயூ ரப்பா எனக்கும் -திருவாயால்
பாடிய நாரண பட்டர்க்குப் போட்டாற்போல்
போடுநீ ஆமாம்சா மி….(200)

 
விடையேழ் அடக்கி வளைக்கரம் கொண்ட
இடையா எனக்கிங்(கு) இருக்கும் -தடையான
பாழும் வினைகளும் பஞ்சப் புலன்களும்
வீழ வகைசெய் விரைந்து….(201)

காயாம்பு மேனியும், கொவ்வைக் கனியிதழும்,
ஓயாது தாலாட்டும் ஓங்காரத், -தாயன்பும்,
புத்தியில் சேயாகிப், போற்றுவோர் வாக்கினில்,
முத்தமிழ் முத்தமிடு மாம்….(202)

அற்புதம் செய்ய, அவதரித்த ஆய்க்குலத்தோன்,
பொற்பதம் போற்றிப் பணிந்திட, -கற்பூரம்,
மூச்சில் மணத்திடும், மூடக் கழுதைக்கும்,
ஆச்சரியம் கண்ணன் அருள்….(203)

——————————————————————————————————————-

படங்களுக்கு நன்றி :

http://bhagavatham.blogspot.in/

 

 

கிரேசி மோகன்

கண்ணன் திருப்புகழ்(வெண்பா)….
————————————————————–
’’கண்ணன் வெண்பாக்கள்’’
———————————————-
ஸ்ரீரங்கநாதரைப் பற்றி
————————————————

நாரா யணாவுந்தன், பேரா யிரம்கூறி,
ஆரா தனைசெய்(து), அறிகிலேன், -போறாத,
வேளையில் கூப்பிட்டால், தோளைக் குலுக்காதே,
காளையே கன்றெனைக் கா….(192)

சூடிக் கொடுத்தவளை, நாடிக் கரம்பிடித்து,
ஜோடிப் பொருத்தமான சீரங்கா, -பாடித்,
தொடுத்திடுவேன் வெண்பா, தமிழாய்நீ என்பால்,
கொடுத்திடுவாய் கார்முகிலாகா….(193)

அடைக்கலம், நேசம், அரவணைப்பு, பாசம்,
கடைவிரித்தக் காட்சியாய்க் காதல், -நடைபிணமாய்,
காரங்க வண்ணன், கழல்கண்டு சேவிக்க,
சீரங்கம் சென்றோர்க்கு சீர்….(194)

பாம்புல பட்டுப், படுக்கை விரிச்சதுல,
சோம்பலா தூங்குற சொஸ்த்தமா, -ஆம்புள,
சிங்கமே அன்னிக்கு, சின்னபய சொன்னதுக்கு,
எங்கிருந்தோ வந்த(து) எவரு….(195)

நாதா திருவரங்க, நாதா தரணிகுரு,
நாதா ரமாப்பிராண நாதாவி, -னோதா,
துயறருக்கும் பாதாம், புயம்மறந்தேன் தீதாம்,
மயர்வறுக்க நீதான் மருந்து….(196)

பொன்னையும், பூமியையும், முன்னை மணக்கையில்,
திண்ணமாய்க் கட்டினாய்த் தாலியை, -தன்னையே,
தாலியாக்கி உன்னைத், தழுவி மணந்துனக்கு,
வேலியான பொன்னியுன் வாழ்வு….(197)

———————————————————————————————————-

படங்களுக்கு நன்றி :

http://bhagavatham.blogspot.in/

 

கிரேசி மோகன்

 

கண்ணன் திருப்புகழ்(வெண்பா)….
————————————————————–
’’கண்ணன் வெண்பாக்கள்’’
————————————————

வல்லாமை ஆகி, வடவரை தாங்கியோன்,
இல்லாமை தந்திங்(கு) இருப்பினை, -சொல்லாமல்,
உள்ளங்கை நெல்லி, உணர்தலாய் சொல்லுவான்,
உள்ளங்கை கூப்பி உணர்….(186)

 
வரையளவு வாழ்ந்து, தரையளவு தாழ்ந்து,
குறையுளத் தோடு குறுகி, -நரைமுளைத்து,
நாடி தளரும்முன், நந்தகோபன் மைந்தனை,
நாடித் துதிக்க நிறைவு….(187)

 
வரையனைய ஓங்கு, குறைகளைத் தாங்கும்,
திரையணையில் தூங்கும் பெருமாளை, -கரமிணைய,
கூப்பித் தொழுதிடுவாய், கோவர்த் தனமேந்தி,
காப்புக் குடைவிரித்தோன் கால்….(188)

 
வரையன்று தூக்கி, வ்ரஜபூமி காத்தோய்,
குறையொன்றும் இல்லையெனெக் கேட்டோய், -பறைவேன்,
நிறையொன்றும் இல்லையென, நீயெந்தன் நெஞ்சம்,
நிறைந்தென்றும் கோவிந்தா நில்….(189)

 
வேணு இசைக்கையில், வெண்ணை புசிக்கையில்,
வானில் வரைதூக்கி நிற்கையில், -ஊணும்,
ஒருகால் உதவ, மறுகால் தயாராய்,
ஒருகால் குரல்வருமுன் கேட்டு….(190)

வெண்ணை, தயிர்பால், மண்ணை, கோபியர்தம்,
கண்ணை, உண்ட கிருஷ்ணா, -உன்னையென்,
வாக்கிலெட்ட வைத்திடுவாய், வையம்காண் நாடகமாய்
சாக்லேட் கிருஷ்ணா தலைப்பு….(191)

—————————————————————————————————————-

படங்களுக்கு நன்றி :

http://bhagavatham.blogspot.in/

 

 

கிரேசி மோகன்

 

கண்ணன் திருப்புகழ்(வெண்பா)….
————————————————————–
’’கண்ணன் வெண்பாக்கள்’’
———————————————–
உள்ளே புகுந்த, ஒருதுளி விந்துக்கு,
பிள்ளை வடிவம் பெறவைப்போன், -கள்ளன்,
பரிட்சித்தை கர்ப்பப், பரிசோ தனைசெய்,
அரிச்சித்தம் ஆரறிவா ரோ….(180)

 
உண்டி உடமைக்(கு), உகந்தோடி உச்சித்தேன்,
நொண்டி முடமாய் நசிப்பீரே, -பண்டையில்,
ஆலில் மிதந்த, அனந்த பதுமநாபன்,
காலில் விழுவீர் காப்பு….(181)

உதவிக் கரம்நீட்டி, உய்யவழி காட்டி,
கதவைத் திறந்திடும் கண்ணா, -பதவிப்,
புகழாசை விட்டுனது, பண்டரிவாழ் வீட்டில்
திகழ்வேனோ தூணில் துரும்பு….(182)

வானரம் ஆயிரம், சூழ இலங்கைக்குப்,
போனராமன் கட்டிய பாலத்தில், -ஏநரா!,
ஏறிக் கடக்க, எதிர்கரையில் தெய்வமாய்,
மாறிடச் செய்யும் மூலம்….(183)

வான்முகடு மீறி, வளர்ந்திறங்கி மாபலிக்,
கோன்முகடு தொட்டக் குறளுருவே, -தேன்முகடு,
ஏறத் தவித்திடும்,ஏழை எனக்கருளை,
கூறையைப் பிய்த்துக் கொடு….(184)                                                                                            

வாழை யடிவாழை, வந்தோர் வளத்துடன்,
வாழ அடிவைப்பாய் வீட்டுக்குள், -ஏழை,
சகாயா ஏ!பாண்டு, ரங்கா என்னுள்,
புகாயோ புகல்வாய் பதில்….(185)

————————————————————————————————-

 

கிரேசி மோகன்

கண்னன் திருப்புகழ்(வெண்பா)….
——————————————————–
’’கண்ணன் வெண்பாக்கள்’’
———————————————
தடையற்ற ராதை, இடைபற்றி வாழும்,
இடவத்துப் பாதிமுகில் வண்ணா, -இடையினத்தா,
அள்ளக் குறையாத, தெள்ளுதமிழ் வெண்பாக்கள்,
வெள்ளமாய்ப் பாய்ந்தோட வா….(174)

தயிர்வெண்ணை உண்டு ,தளதள வென்று,
மயிற்பீலி சூடிநிற்கும் மன்னா, -வெயிற்கால,
தாகமாய் தொண்டையில், சோகம் அடைக்குது,
மோகமா! மோட்சமா! சொல்!….(175)

 
திகட்டும் அளவு, திரவியம் தந்தாய்,
புகட்டிய நஞ்சை புசித்தாய், -நகத்தால்,
உரித்தெறிந்த உற்சாகம், இன்றெங்கு போயிற்று
தரித்திர நாராயணா வா….(176)

 
தீக்குள் தகிப்பாய், துளிநீரில் தாகிப்பாய்,
காய்க்குள் கனிவாய் கொடியமனப், -பேய்க்குள்,
முனியாய் இருப்பாய், முகுந்தா எனக்கு,
தனியாய் தரிசனம் தா….(177)

 
திருப்பாற்க் கடலில், திருவனந்தப் பாய்மேல்,
விருப்பாய்க் கிடப்பாய் வெகுண்டால், -உரத்தால்,
இரணியனைக் கொல்ல, இரும்பைப் பிளந்து,
நரசிங்கம் ஆவோய் நம….(178)

 
தொட்டால் சுடுவான், தொடாமல் இருந்தாலும்,
கொட்டோகொட் டென்று குளிர்விப்பான், -விட்டலன்,
சுட்டபழம் ஏற்பான் சுடாத பழங்களை,
பட்டறையில் வைப்பான் புதைத்து….(179)

—————————————————————————————————————-

 

கிரேசி மோகன்

கண்ணன் திருப்புகழ்(வெண்பா)….

————————————————————-

’’கண்ணன் வெண்பாக்கள்’’

———————————————–

 

சரமழை பெய்திடும், சாரங்க பாணி,

நரனாகி கோதண்ட நாணால், -கரதூஷ னாதி

யரைத்தீர்த்த, நாரா யணஜோதி,

ஆதி அனாதியேநா தி….(168)

 

சிந்தையில் சிக்காத, சச்சிதா னந்தமே,

எந்தையே ஏகப் பரம்பொருளே, -விந்தையே,

தீராத ஆட்டத்தை, மாறாத தோட்டத்தில்,

சீராக ஆடிடும் சேய்….(169)

 

சிசுபால கம்சர்கள், சீரழிய அன்று,

வசுதேவ வம்ச திலகா, -பசுக்களை,

மேய்த்த பகவானே, பக்தர்க்(கு) அருள்புரிய,

வாய்த்த வரதனே வா….(170)

 

சோதரர்க்குள் பேதமற, தூதுசென்ற யாதவனை,

சோதனையால் வேதனைநம் மீதணையும், -போதினிலே,

கீதையை மூதுரைத்த, மாமதுரை மாதவனை,

ஆதிமது சூதனென்று ஓது….(171)

 

சுதாமன் அவலுக்கு, சொத்தை அளித்த,

கதாதரன் கண்ணன் பரம, -பிதாவாம்,

அலர்மேல் அன்னை, மணாளன் அருளால்,

மலரும்நாள் காசின் பிறப்பு….(172)

 

சுகந்த துளசி, சிலிர்க்க வலிமை,

மிகுந்த இருதோளில் பூணும், –முகுந்தன்,

நிதர்ஸனம் என்று, நடப்போர் வழியை,

சுதர்ஸனம் காக்கும் சுழன்று….(173)

 

————————————————————————————————————-

கிரேசி மோகன்

கண்ணன் திருப்புகழ்(வெண்பா)….
————————————————————
’’கண்ணன் வெண்பாக்கள்’’
——————————————-

பள்ளிதனைக் கொண்டதால், பிள்ளை பெறுவதால்,
வள்ளலாய் பாற்கடல் உள்ளமால், -புள்ளேறும்,
கார்மேக வண்ணனும், ஓர்மகன் அன்னையும்,
நேர்நிக ராவர் நமக்கு….(162)

பழிவாய் மணக்க, பகலும் இரவும்,
மொழிவாய் முகுந்தா முராரி, -விழுவாய்,
வணங்க வரதன், வளரடி தன்னில்,
இணங்கும் இகபரம் இங்கு….(163)
பெண்ணாகி சாஸ்தாவை, அந்நாள் சுமந்தோனும்,
பெண்ணை சுமக்குமிட பாகனும், -முந்நாளில்,
விண்மண் அளக்க, வடிவத்தில் ஓங்கியதால்,
கண்ணனைமுக் கண்ணனாய்க் கொள்….(164)

பெரியாழ்வார் பாடியது, பெண்ணாண்டாள் சூடியது,
சரிதானா சித்த பிரமைதானா, -வெறியோடு,
உண்டில்லைப் பார்த்திடுவேன், வெண்பாவில், ஊர்ஜிதம்செய்,
உண்டென்றென் முன்னம் உதித்து….(165)
பெற்றதோர் வெற்றி, பொறாமைக் கிடமாகும்,
உற்றிடும் தோல்விக்கோ கேலிமிஞ்சும், -பற்றிலாது,
காரியம் யாவையும், காரணன் கண்ணனின்
பேரினில் போடப் பழகு….(166)

பொய்கையில் பூத்தபக்தி, பூதமதைக் காத்தது,
பொய்கலந்த போதுபேய் ஓட்டியது, -தெய்வமே,
மூன்றாழ்வார் மீதமுள்ள, சான்றோர்கள் போலாக,
தான்தோன்றி மாலே தயவு….(167)

————————————————————————————————————–

படங்களுக்கு நன்றி :

http://bhagavatham.blogspot.in/

 

கிரேசி மோகன்

கண்ணன் திருப்புகழ்(வெண்பா)….
———————————————————
’’கண்ணன் வெண்பாக்கள்’’
————————————————

கன்னிப்பெண் ராதைகைத், தாம்பால் கட்டுண்டு,
பின்னிப் பிணைந்த கண்ணனவன், -முன்னம்,
உரலிழுத்த ந்யாபகம், உந்த உருள,
மருள முழித்தனள், மாது….(156)

வெறுத்துப் பேசுவதாய், கார்முகில் வண்ணா,
அருத்தம் கொள்ளாதே , கேளென் -வருத்தத்தைக்,
கண்ணனுனைக் காணாது, போனாலென் கண்கள்முக்,
கண்ணனைக் காணப்போம் காண்….(157)

கத்திரிக்காய் தொட்டு, கணினி வரையில்வான்,
உத்திரத்தில் வைத்துவிலை விற்கிறார்கள், -மொத்த,
விலைவாசி ஏற்றம், விழுந்துதா காதில்,
அலைவாசி தூங்காய் அயர்ந்து….(158)

கவிதை வருவது, கண்ணன் அருளா !
செவியுண்ட செய்யுள் செயலா !,-புவியத்தா,
காவிய வாழ்க்கையா!, கைவல்ய வேட்கையா!,
சாவியுன் கையில், செப்பு….(159)

கோபத்தில் ராமன், கணையெடுத்து கர்ஜிக்க,
ஆபத்(து) உணர்ந்த அலையரசன், -சாபத்துக்(கு),
அஞ்சி சகியோடு, அண்ணல் சரணாகதி
கெஞ்சிடும் கோலம், கவி….(160)

தள்ளாடி னாலும், தடியூன் றினாலும்,
பல்லாடி பொக்கையாய்ப் போனாலும், -கில்லாடி,
கண்ணனைப் பாடும், கவியாக உள்ளவரை,
வண்ணமுறும் வாழ்வு, வரம்….(161)

———————————————————————————————————————-

படங்களுக்கு நன்றி :

http://kamadenu.blogspot.in/

 

கிரேசி மோகன்

 

கண்ணன் திருப்புகழ்(வெண்பா)
———————————————————
’’கண்ணன் வெண்பாக்கள்’’
———————————————–

கள்ளா குருவாயூர், பிள்ளாய் வருவாயே,
உள்ளம் நிறைவாக என்முன்னே, – தெள்ளிய,
மாமுனிக்கு மாதவா, காமினிக்கு காதலா,
யாமினிக்க வாயாத வா….(150)

 
கனிச்சுவை ராதை, கமலஇதழ் கவ்வி,
துணிச்சலுடன் முத்தம் திணித்து, -அனிச்ச
மலராள் அலறும்முன், மன்னிப்பு கேட்பான்,
தளரான் எதற்கும் துணிந்து…(151).

 
கண்ண புரத்துக், கருமணியை கற்கண்டை,
வண்ணம் சிறுத்து வடிவாகி, -முன்னம்,
வரமேற்று விண்ணளந்த, வாமன விக்ரம்,
சிரமுற்றோர் இருதாள் சரண்….(152)

 
கண்ணபிரான் காயாம்பூ, வண்ணபிரான், வெண்ணைமண்,
தின்னபிரான், நற்கீதை சொன்னபிரான், -பின்னமுறான்,
முன்னவனாம் தென்மதுரை, அன்னையவள் அண்ணனையே,
எண்ணவரும் ஏகாந்தம் இங்கு….(153)

பாரதியாருக்கு நன்றி
———————
கண்ணனென் சேவகன், கண்ணனென் காவலன்,
கண்ணனென் மந்திரி, நண்பனென, -சொன்னவன்
கண்ணனென் சாக்லேட், கிருஷ்ணாவாய் ஆக்கினான்,
புண்ணிய மாச்சென் பிறப்பு….(154)

 
கண்ணிநுண் தாம்பினால், கட்டுண்ட காரணம்,
அன்னையின் அன்பினாலா, அல்லது, -கண்ணனே,
ஓயாத லீலையின், மாயா வசப்பட்டு,
ஆயாசம் ஆனதா லா….(155)

—————————————————————————————————-

படங்களுக்கு நன்றி:

http://bhagavatham.blogspot.in/