Author: கிரேசி மோகன்

’’காளியன் குட்டையில் கற்புக் கரசிகூறி
னாள்கண்ணன் கோபமது, நீர்தாண்டா(ஜலம் தாண்டா) -நீலமவள்(பத்தினி),
ஆசியென்றே, காளியன் நாசி(பாம்புக்கு ஏது செவி)க்(கு)உரைக்க, துப்பறியும்
தேசிகர்(கண்ணன்) கேட்டாரி தை’’….கிரேசி மோகன்….!

மீரா -K(கிருஷ்ணப்) -பிரபு

’’மைவண்ணர் கையணைந்த மீராவின் கொஞ்சலை,
மெய்யவர் என்றுணர்ந்த மாடது -அய்யாவை
குன்றுவிரலால் காத்திடக் கன்றதன் கெஞ்சலையும்
கொண்டுவந்த கேசவ் கவி’’…..கிரேசி மோகன்….!

கண்ணன் ஆடியதால் இந்த ஆட்டத்தின் பெயர் ‘’கண்ணாம்மூச்சி’’….!
—————————————————————————————————————————-

”கோபியர் கோர்த்திடும் கைபிருந்தா காட்டுக்குள்(பிருந்தா வனத்துள்….!)
பேபியாய்க் கண்ணமால் பூந்துவந்து -ஹாபியாய்
ஆடுறார் ஐபிஎல் அதோனி நவாபாக(ஸ்ரீ ராகவேந்திர பிருந்தாவனம் கட்ட இடமளித்தவர்)
பாடுறார்உம் மாச்சிவெண் பா’’….கிரேசி மோகன்….!

”தோளேற்றி குட்டிக்கு மேலோட்டம் வாத்ஸல்யம்
போலாட்டம் தோன்றினாலும் பட்டகடன்(தினம் கால்வருடும் கடன்): -பாலாற்று(பாற்கடல்)
மாலாட்டம் போடுறார் காளிங்கன் குட்டையில்,
வாலாட்டும் கன்றை வளர்த்து’’….கிரேசி மோகன்….!

’காத்த கஜேந்திரர்மேல் கண்ணபிரான் குந்திட
ஊத்தநீர் தும்பிக்கை பாத்ஷவராய்(BATH SHOWER) -காத்(து)உலர்த்தும்
போததுவே ஹேர்ட்ரையராய்(HAIR DRIER),பாத்துப்போ சொல்ஹார்னாய்(HORN)
யாதுமாகி கான்(வனம்)விஹாரிக்(கு) ஏது(ஹேதுவின் தமிழ் வடிவம்)’’….கிரேசி மோகன்….!

கொச்சு பிரகலாதன் கொஞ்சு மழலையில்
உச்சரிக்க நாமம் உரத்(து)அப்போ -உச்சி
குளிர்ந்தவன் உச்சியைக் கோதிய சிங்கம்
மெலிந்துகர் ஜிக்க மியாவ்….கிரேசி மோகன்….!

’வெள்ளைப் பசுவின்கால் பிள்ளைக் கரியமுது
கொள்ளை அழகாய் கருப்புவெளுப்பில் -தெள்ளத்
தெளிவாகத் தீட்டி அளித்திடுவோய் இன்று,
பொலிவுடன் கண்ண பிரான்’’….கிரேசி மோகன்….!