Author: கிரேசி மோகன்

“சோழியன் முன்னுச்சி சும்மாவே ஆடாது,
காளியன் ஓங்காரக் குண்டலினி -வாழிய!
கண்ணிநுண் தாம்பினால் கட்டுண்ட கண்ணனால்,
மண்ணுண்ணி பாம்பாய் மலர்ந்து(காளியமாலா)”!….கிரேசி மோகன் ….!

’’கனைத்திளங் கன்றவர் காலணுகிக் கோத
வனத்தில் விருந்தா வனத்தோர்: -தினத்துக்கும்(டெய்லி)
வண்ணமாய் கேசவ் வரைந்திடும் வள்ளலைக்
கண்ணனை நெஞ்சே கருது’’….கிரேசி மோகன்….!

பகவான் உவாச….
————————

”நாணை இழுத்திட மானேநீ நாணாதே,
ஆனை படுத்தால் அசுவமட்டம் -சேனைக்
களம்நீங்க செல்லாத காசாவாய், வேந்தருன்
உளம்நோக வைப்பார் உவந்து”….

“சரணா கதிசெய்து சும்மா இருப்பாய்,
கரணா திகள்கருவி கர்த்தா-முரணாகும்(மாயை);
தேரையும் போரையும் தேர்ந்தெடுத்த என்சொல்கேள்
நூறை ஒழிக்க நிமிர்”….

 
“கைவல்யம் கேட்டாய் களத்தில் களைப்புற்று –
மைவண்ணன் சொன்னான் மறுமொழி -கைவல்யம் –
கைவில்யம் தானுனக்கு ,பொய்இப் புவிவாழ்வு –
செய்வனபார்த் தாதிருந்தச் செய் “….கிரேசி மோகன்….

”ஞானி, முழுமூடன், நான்நீ எனயிங்கு
மேனி பலகொண்ட ஆன்மனவன் -தோணி
உடலாம், துடுப்பு உயிராம், அவனோ
கடலும் கடப்பவனும் காண்”….!

”விரையற்ற பூக்கள் விரயமாதல் போலே
உரையற்ற சொற்கள் உதிர்ப்பர் -மறையுற்ற
வாசகத்தில் மேம்போக்காய் மீதுலாவி கற்றோரைப்
பேசுவார் கேலி புரிந்து”….!

’’ஒன்றே சதமென்று ஒருஓரம் உட்கார்ந்து
மென்று முழுங்கிட மாம்பழம்(கண்ணனின் கன்னம்-மாம்பழ வாயன்….) -கன்றெபோல்-,
நித்தம் இதுபழக, நம்பீச மைத்துனனால்
சித்தம்மாப் பிள்ளை சிவம்’’….!
’’அப்பண ஆதி அனந்தனில் தூங்குவோன்
சொப்பனம் இவ்வுலக சாராம்சம் -அற்பநான்
எண்ணம் தொலைத்து எழுவாய் விழிப்புடன்
கண்ணனை நெஞ்சே கருது’’….கிரேசி மோகன்….!

“விராட்கோலி போல விதைக்கின்றார் வெற்றி,-
கராட்டே போஸ்கொடுத்துக் கண்ணன் :-விராட்சொரூபம்-காட்டி
அருஜ்ஜுனரை ஓட்டுகிறார் தேரில்அவர்,-
மாட்டைக் கரமேந்தும் மால்”….கிரேசி மோகன் ….!

”புஜேந்திரர் மல்லில், நிஜேந்திரர் சொல்லில்,
கஜேந்திரர் கத்த கருட -விஜயேந்த்ரர்,(விஜேந்திரர்)
அந்தநாள் ஆதிமூலம், இந்தநாள் கீதைமூலம்,
வந்தனன் நந்தன் வளர்ப்பு’’….

”காட்சியிதில், ஆனை கஜேந்திரரை காத்தருளும்
மோட்சமது உண்டாம் முதலைக்கும், -ஆட்சி
அரியா சனத்திலே அம்முதலை சாட்சி:
பரிவா சனமவர் பார்’’….!

”அடிசறுக்கி ஆனை துடிதுடித்த போது
நொடிக்கணக்கில் வந்தகால நேமி: -வடிவெடுத்து
ஆவென வாய்பிளந்த பாவத்தின் பற்களுற்றேன்
ஆவன செய்யவா தேவு”….!
”துரியோ தனனும் விருகோ தரனும்(பீமன்)
சரியில் தவறில் சமமே, -அரியின்
அரசாட்சி தன்னிலே ஆராய்ச்சி வேண்டாம்,
ஒருசாட்சி யாய்அறி(ரி) வோ(ஓ)ம்”….

”தும்பிக்கை மாலையாய் தோள்தழுவ ஆனைக்கு
நம்பிக்கை தந்தார் நவனீத -நம்பீசர்:(மயிலையில் இப்படி ஒரு வெண்ணைக் கடையுண்டு….மலரும் நினைவுக்கு மரியாதை)-
ஆதிமூல மேயென்ற ஆனை கஜேந்திர
வாதியாச்சு மோட்ச விலங்கு’’….கிரேசி மோகன்….!

விவேகானந்தரின் பூர்வாஸ்ரமப் பெயர் ‘’நரேன் என்னும் நரேந்திரர்’’…..பரமஹம்ஸரின் பூர்வாஸ்ரமப் பெயர் ‘’கதாதரர்’’(கண்ணன்)….கேசவ் உன் ஓவியத்தில் பரமஹம்ஸம் தனதம்ஸமான கண்ணனைக் கட்டித் தழுவி ஞானம் பெறுகிறது….

நெற்றியில் தொட்டு நரேனுக்குள் ஞானத்தை
பற்றிட வைத்த பரமஹம்ஸா -வெற்றிடமென்
நெஞ்சில் எழுந்தருளி அஞ்சற்க என்றிடுவீர்
தஞ்சமென்றும் நின்னிரு தாள்….கிரேசி மோகன்….!

-கிரேசி மோகன்

’’பகவான் உவாச!”

‘’அந்தர்(உள்ளே)யாம் நானுன் அருகிருந்தும், பின்னாடி
 பந்தர்(ஹிந்தி) அரனார்(மாருதி ருத்ராம்ஸம்) பலமிருந்தும் – உந்தன்
மனச்சோர்(வு) எதுவோ! மகனேகேள் , சாகும்(மனித இனம்)
இனத்தோர்மேல் ஏனிந்த ஈர்ப்பு!”

”பரம்பொருளே ஆயினும் பாண்டித்யம் பெற்றார்
அறம்பொருள் இன்பம் அடைந்தார் -குருயில்ல(குரு ஆஸ்ரம)
டீச்ச ரிடம்பெற்றார் தாமு(யசோதைசேயாய் உள்ளவரை கண்ணன்பெயர் தாமோதரர் அலயஸ் தாமு) சகாவுடன்
ஆச்சார்யர் கீதை அளிப்பு’’….கிரேசி மோகன்….!

அயிகிரி நந்தினி மெட்டில் பெருமாளின் த்வாதச நாமத் துதி….

“கேசவாய , நாராயணாய ,மாதவாய, கோவிந்தாய , விஷ்ணுவே ,திரிவிக்ரமாய, வாமனாய,சீதராய ,ரிஷிகேசாய ,பத்பனாபாய ,தாமோதராய ,மதுசுதனாய”…..

“அளிவரம் முக்ரமம் ஒளியரி அக்ரமம்
உணர்குரு சுக்கிரர் கட்டளையை
பலியிட அக்கணம் குறள்திரு விக்ரம
வடிவினில் திக்கது தொட்டனனே
புலனுரு வாமனம் பழகிட நீமனம்
பெருகுவை ஆணவ கந்தையிலே
சலணரு ணேசரின் சிசுரம ணேசரை
சரணடை கோவண சந்நிதியில்”….!
ஹரிஹரி கோ குலபாலக கோபியர் காதல காவல கேளி சுதே….
சேணம் பிடித்தைவர் சேனை ஜெயித்திட
வானத்து வைகுண்டம் விட்டகன்ற -ஓணத்தன்
வாத புரீசன் வடமதுரா மன்னவன்
கீதகோ விந்தந்தாள் காப்பு….!

களித்தெமுனா தீரத்தில் கோபியர் சூழ
குளித்தவர் காமத்தைக் கொன்று -அளித்தனன்
ஞானத்தை; அந்தநந்த நீலத்தை நாம்வணங்கி
ஓணத்தில் கொள்வோம் உவப்பு….!

வானத்தை மண்ணை வரமாய் பலிதந்த
தானத்தை அன்றளந்த தெய்வத்தை -ஓணத்து
வாமனக் குட்டனை வாத புரீசனை
நீமனக் கட்டில் நிறுத்து….!

கலிமுடிவில் ஓரடியை ஆலிலையில் உண்டாய்
பலிமுடியில் வேறடியை வைத்தாய் -தெளிவடைய
நூற்றிடுவேன் வெண்பாக்கள் நீர்வண்ணா வாழ்த்திடுவாய்
ஈற்றடி யாக இருந்து….!கிரேசி மோகன்….!

கழுதைக்கு காட்டுகிறான் கற்பூரக் கண்ணன் –
விழுதாக வாத்சல்ய வெண்ணை :-தொழுதேன்நான்-
கேசவ்தன் வண்ணத்தை , கழுதை கனைப்பில்-
வாசம் அகன்றது(பூர்வஜென்ம ) வே”….கிரேசி மோகன் ….!

”அனன்யபக்தி ஆவுக்(கு) அளிக்கும் பிருந்தா
வனன்யகண்ணா காலை வணக்கம், -தினம்யென்
கணினியில் பிறந்திடுவோய், கேசவ் வரைந்திடுவோய்,
ManyMany HappyReturns மால்’’….!

”அனன்யமவர் ஆவுக்(கு), அராஜக சிந்தை
சினன்யர்கள் கம்ஸ சிசுபால -இனன்யர்போல்
கூடாரைக் கொல்லும்சீர் கோவிந்தன், ஆன்மனை
தேடார்க்(கு) அதாகும்கீ தை’’….கிரேசி மோகன்….!

“டயலாக்வித் அர்ஜுனா, டாப்கிளாஸ் கேசவ் –

பயலேக்(payalag) ஆகி பயந்தும் , -கயலாக –

ஆமைவ ராகசிங்கம் அந்தணர்(வாமனர்) மூணுவித –

ராமனும் கண்ணன் ரதம் “….

’’உள்ளத்தில் நல்லவுள்ளம் உள்ளதைக் காட்டிடும்,
கள்ளமில் லாக்கலர் கண்ணாடி -பல்குனா(அருச்சுனா)
வந்ததை ஏற்றதன்மேல் வில்லம்பு வீசடா
பந்தங்கள்,சொந்தங்கள் பொய்’’….

’’சாரதி கீதையாய், சவ்யசாசி காமத்தை (பேதத்தை-அதுவும் காமத்தில் சேர்த்தி)
வேரறுத்துச் சொன்னார் , விஜயரே!, – பாருச்சி,
தேருச் சியில்காக்கும் தேவன் அனுமனுள்ளான்,
நூறைச் சிதைக்க நிமிர்’’….
”பகவான் உவாச’’….!
————————————————–

’’மடிதனில் குந்தி மகனேகாண்!, மந்தி
வடிவினில் மாருதி விண்ணில் -கொடிதனில்
வெற்றிவேல் வீரவேல் வாக்குறுதி செய்வதை,
பற்றுவில் காண்டீபம் பாண்டு’’….!

“வாகனம் தெய்வம், வழித்துணை ஆண்டவன்,
போகும்நம் பாதை பகவானே, -நீகனம்,
தன்செயலென்(று) எண்ணி ,தலைமேல் சுமக்கின்றாய்,
என்செயல் ஆனால் இறகு(பீலி மயில்)”…..கிரேசி மோகன்….