வல்லமை

Category: கவியரசு கண்ணதாசன்

  • புதியதோர் உலகம் செய்வோம்! – புரட்சிக்கவிஞர் பாரதிதாசன்

    காவிரிமைந்தன்

    atmsபுதுவைதந்த புரட்சிக்கவிஞர் பாரதிதாசன் இயற்றிய கவிதை வரிகள் .. திரைப்படத்திற்காக கையாளப்படும்போது பாடல் வரிகளாக மாறின! இந்தப் பாடலை எம்.ஜி.ஆர் அவர்கள் இரண்டு முறை பயன்படுத்தியிருக்கிறார்! ஆம்.. சந்திரோதயம் திரைப்படத்திலும்.. பல்லாண்டு வாழ்க என்னும் திரையோவியத்திலும்.. சந்திரோதயம் திரைப்படத்தில் மெல்லிசை மன்னரின் இசையில் சீர்காழி கோவிந்தராஜன் அவர்களால் பாடப்பட்ட இப்பாடல் பெற்ற வடிவம் வேறு! பல்லாண்டு வாழ்க திரைப்படத்தில் கே.வி.மகாதேவன் இசையில் டி.எம்.செளந்திரராஜன் பாடிய இப்பாடல் பெற்ற வடிவம் வேறு! ஆக மொத்தம் பாரதிதாசனின் பாடல் ஒன்றிற்கு இசை வடிவங்கள் வெவ்வாறாக அமைந்தபோதும் இரண்டும் வெற்றி பெற்றதை இங்கே குறித்தாக வேண்டும்!

    யுகங்களில் வாழும் கவிஞர்களின் எண்ணங்கள்.. குறுகிய அளவில் இல்லாமல்.. அடுத்தத் தலைமுறைகளையும் எண்ணும் எண்ணமே மிகச் சிறந்தது! அதுவும் புதிய தலைமுறைக்காக கவிஞரின் நெஞ்சம் பூபாளமிசைத்திருக்கிறது பாருங்கள்! புதியதோர் உலகம் செய்வோம் என்று அவரின் சிந்தனை வீச்சு பற்றி மக்கள் எங்கும் பேச்சு!

    புரட்சியின் விளைவுகளாய் ஏற்படும் நன்மைகளின் பட்டியல் பாடலாகிறது! புரட்சித்தலைவர் பாடும் கொள்கை முழக்கத்திற்கு ஊட்டம் கிடைக்கிறது! பொதுவுடைமைக் கொள்கைக்கு ஊட்டம் தரும் உணர்ச்சிமிகு வரிகளால் சமுதாய அக்கறையின் வெளிப்பாடாய் உயர்வுக்கு என்ன வழிகள் என்கிற உத்திகளும் உள்ளடக்கி புதிய உலா வருகிற பாடலாய்.. ஆம்.. விடிவெள்ளிப் பாடலாய்!

    புதியதோர் உலகம் செய்வோம் – கெட்ட barathy
    போரிடும் உலகத்தை வேரொடு சாய்ப்போம்.

    பொதுஉடைமைக் கொள்கை திசையெட்டும் சேர்ப்போம்
    புனிதமோ டதைஎங்கள் உயிரென்று காப்போம்.

    இதயமெலாம் அன்பு நதியினில் நனைப்போம்
    ‘இது எனதெ’ன்னுமோர் கொடுமையைத் தவிர்ப்போம்

    உணர்வெனும் கனலிடை அயர்வினை எரிப்போம்
    ஒருபொருள்தனி’எனும் மனிதரைச் சிரிப்போம்!

    இயல்பொருள் பயன்தர மறுத்திடில் பசிப்போம்
    ஈவதுண்டாம் எனில் அனைவரும் புசிப்போம்

    “புதியதோர் உலகம் செய்வோம் – கெட்ட
    போரிடும் உலகத்தை வேரோடு சாய்ப்போம்
    பொதுவுடைமைக் கொள்கை திசையெட்டும் சேர்ப்போம்
    புனிதமோடதை எங்கள் உயிரென்று காப்போம்
    இதயமெல்லாம் அன்பு நதியினில் நனைப்போம்
    இதுஎனதென்றுமோர் கொடுமையைத் தவிர்ப்போம்”. – பாரதிதாசன்

    Share

  • தாமரைக் கன்னங்கள்..

     காவிரி மைந்தன்

    எண்ணங்களைப் பதிவு செய்ய எழுத்து கைகொடுக்கிறது! அதைப்பல வண்ணம்கலந்து சொல்வதுதான் கவிதை!  இது மொழியின் நாகரீக அடையாளம்!  வரம்பில்லாத உச்சம்!  காலம் காலமாக.. எழுதப்பட்டு வந்தாலும் இன்னுமிருக்கிறது மிச்சம்! அன்றுதொட்டு அழகுணர்வு கவிதையின் அச்சாரமாய் விளங்கி வருகிறது!  சொல்லும் பாவனையும் சொற்களின் பயன்பாடும் ஒன்றிணையும்போது வித்தகமாய் விளைந்துவிடுகிறது கவிதை! அதைச் செப்புகின்ற பாவலனின் மனவளம், கற்பனா சக்தி, கவித்துவத்திறன் இவைகளால் கவனரதம் நகர்கிறது!

    vaali nagesh

    பெண்களின் கண்களிலே விழுந்து.. அதைக் கடந்து செல்ல முடியாத கவிஞர்களுக்கு மத்தியில் பல்லவியிலேயே ‘தாமரைக் கன்னங்கள்’ என்று அசத்தியிருக்கிறாரே.. வாலி!  தமிழின் இனிமையெல்லாம் தாரளாமாக்கி – தன்வசப்படுத்தும் வித்தை அறிந்த ஞானி!  எப்படி இப்படி எனக்கேட்டால் தான் ஒரு தமிழ்த்தோணி என்று இயைபுநலம் காட்டிய பெருந்தகை! ஆழ்மனதிலும் அடிநாதமாய் அற்புதத் தமிழ்ச்சுரங்கம் கொண்டுவிளங்கிய கவிஞரின் கைவண்ணத்தில் எதிர்நீச்சல் திரைப்படத்தில் இடம்பெற்ற பாடலிது!

    balachander

    இயக்குனர் சிகரம் கே.பாலச்சந்தர் அவர்களின் இயக்கத்தில் நகைச்சுவை நடிகர் நாகேஷ் கதாபாத்திரம் ஏற்று நடித்த இப்படமும்.. இப்பாடலும் மக்கள் மனதில் என்றும் நிலைத்தவை! அன்றைக்கே கறுப்பு வெள்ளையில் கிராபிக்ஸ் யுக்தியைக் கொண்டு பதிவான படப்பாடல்!!

    ஆ..ஆ… ம்ம்….ம்ம்ம்ம்…
    ஆ…ஆ… ம்ம்… ம்ம்ம்ம்….
    தாமரை கன்னங்கள் தேன் மலர் கிண்ணங்கள்
    தாமரை கன்னங்கள் தேன் மலர் கிண்ணங்கள்
    எத்தனை வண்ணங்கள் முத்தமாய் சிந்தும்போது
    பொங்கிடும் எண்ணங்கள்..
    மாலையில் சந்தித்தேன்  மையலில்  சிந்தித்தேன்
    மாலையில் சந்தித்தேன் மையலில் சிந்தித்தேன்
    மங்கை நான் கன்னித்தேன்
    காதலன் தீண்டும்போது கைகளை மன்னித்தேன்
    கைகளை மன்னித்தேன்
    மாலையில் சந்தித்தேன்…..

    ethirneechalllகொத்து மலர் குழல் பாதம் அளந்திடும் சித்திரமோ
    ஆ..ஆ..ஆ…
    முத்து நகை தரும் மெல்லிய செவ்விதழ் ரத்தினமோ
    ஆ..ஆ…
    கொத்து மலர் குழல் பாதம் அளந்திடும் சித்திரமோ
    ஆ..ஆ..ஆ..
    முத்து நகை தரும் மெல்லிய செவ்விதழ் ரத்தினமோ
    ஆ..ஆ…..ஆ..
    துயில் கொண்ட வேளையிலே குளிர் கண்ட மேனியிலே
    துணை வந்து சேரும்போது சொல்லவோ இன்பங்கள்

    மாலையில் சந்தித்தேன் மையலில்  சிந்தித்தேன்
    மாலையில் சந்தித்தேன்  மையலில்  சிந்தித்தேன்
    மங்கை நான் கன்னித்தேன்
    காதலன் தீண்டும்போது கைகளை மன்னித்தேன்
    கைகளை மன்னித்தேன்

    ஆலிலை மேலொரு கண்ணனைப்போல் இவன் வந்தவனோ
    நூலிடை மேலொரு நாடகம் ஆடிட நின்றவனோ
    ஆலிலை மேலொரு கண்ணனைப்போல் இவன் வந்தவனோ
    நூலிடை மேலொரு நாடகம் ஆடிட நின்றவனோ
    சுமை கொண்ட பூங்கொடியின் சுவை கொண்ட தேன் கனியை
    உடை கொண்டு மூடும்போது ..
    உறங்குமோ உன்னழகு..

    தாமரை கன்னங்கள் தேன் மலர் கிண்ணங்கள்
    எத்தனை வண்ணங்கள் முத்தமாய் சிந்தும்போது
    பொங்கிடும் எண்ணங்கள்..
    மாலையில் சந்தித்தேன் மையலில் சிந்தித்தேன்
    மாலையில் சந்தித்தேன் மையலில் சிந்தித்தேன்
    மங்கை நான் கன்னித்தேன்
    காதலன் தீண்டும்போது கைகளை மன்னித்தேன்
    கைகளை மன்னித்தேன்

    வி.குமார் இசையில் கவிஞர் வாலியின் பாடல்!  பி.பி.சீனிவாஸ் மற்றும் பி.சுசீலாவின் குரல்களில் ஒரு தேனமுதம்!!

    http://www.youtube.com/watch?v=PzQ-ICRm3h4

    Share

  • நான் உன்னை அழைக்கவில்லை..

    காவிரி மைந்தன்

    stepsஅன்பின் சங்கமம் – ஆண், பெண் இருவரது உறவில் அடிப்படையானது! தன்னை நேசிக்கம் நெஞ்சமது என்கிற போது, தாமாக ஊற்றெடுக்கம் கங்கையாகிறது!  ஊன், உறக்கம் யாவும் மறந்து உறவை நினைக்கிறது! ஏன் எதற்கு என்கிற கேள்விகள் எழுகின்றன!  படபடக்கும் நெஞ்சத்தோடு பார்வை தேடி அலைகிறது!  துடிதுடிக்கும் இதயத்தில் தூவானம் போடுகிறது!  அவனுக்கு அவளென்பதும், அவளுக்கு அவனென்பதும் ஆனந்தப் புதையலாகிறது!  சரியாகச் சொல்லப்போனால், வாழ்க்கை சொர்க்கபுரியாகிறது!  இந்த நிலை தொடர்கிறதா?  பிரிவு வந்து சேர்கிறதா?  பாதிப் பாதியென ஆன இருவருமே பரிதவிக்கும் நிலைதானே பிரிவுவரும் வேலைதன்னில்!  அழுவதுகூட ஆனந்த சுகமென்றே அடிமனம் நினைக்கும்!

    காரணம் தெரியாமல் கதறும் நிலைதன்னில்.. கதாநாயகன் பாடுகிறான்! கதையின் ஓட்டத்தில் கதாநாயகி அவனைப் பிரிகிறாள்! எங்கிருந்தோ வந்தாள் என்கிற திரைப்படத்தில் நடிகர்திலகத்தின் மகோன்னத நடிப்பில் – பிரிவுக்கு ஆயிரம் பொருள் சொல்லும் முகபாவனைகளுடன்.. புலம்பலின் வெளிப்பாடுகளுக்கு வார்த்தைகள் வழங்கிய கவியரசு கண்ணதாசன்!  நெஞ்சைப் பிழியும் வண்ணம் இசை அமைத்திருக்கும் மெல்லிசை மன்னர்!!

    நான் உன்னை அழைக்கவில்லை என் உயிரை அழைக்கிறேன்
    கண்ணை மறைத்துக்கொண்டால் மனதில் எண்ணம் மறைவதில்லை
    நான் சின்னக் குழந்தையம்மா சொல்லத் தெரியவில்லை
    பிள்ளை மழலையிலே உனக்கும் உள்ளம் புரியவில்லை

    தத்தளிக்கும் மனதின் தவிப்புகளிதுவா? இதயத்தின் வலியை உணர்த்தி நிற்கும் வரிகளா?  கண்களிரண்டும் கலங்கித் ததும்பும்..சொல்லும் வார்த்தையில் துயரம் வழியும்!  உயிரூட்டியிருக்கிறார் மெல்லிசை மன்னர்!  உணர்வூட்டியிருக்கிறார் – டி.எம்.செளந்திரராஜன்.

    திரைப்பாடலில் பாவங்கள் காட்டி நடிக்க ஒரு நடிகர் திலகமும் .. பாடிக் கொடுக்க ஒரு  டி.எம்.எஸ்-ம்  மெட்டமைக்க ஒரு எம்.எஸ்.வியும் பாடல் வடித்துத் தர கவிஞர் கண்ணதாசனும் – தேவன் தந்த வரங்களா?

    இதைப்போன்ற பாடல்கள் எத்தனை தந்தாலும் ரசிப்பதற்கு கோடான கோடி இதயங்களும் – பிரிவு என்கிற கடலில் தள்ளப்படும் ஒவ்வொரு உள்ளதிலும் அலைமோதும் பாடலிது!

    என்னை படைத்த தெய்வம் இன்னும் கண்ணைத் திறக்கவில்லை
    உன்னை அனுப்பி வைத்தான் ஆனால் உனக்கும் கருணை இல்லை
    இருண்ட வீட்டில் அன்பு விளக்கு இருக்க கூடாதா அம்மம்மா.. இரக்கம் பிறக்காதா

    http://www.youtube.com/watch?v=XNOjcAZJoSM

    Engirundho-Vandhalநான் உன்னை அழைக்கவில்லை என் உயிரை அழைக்கிறேன்
    கண்ணை மறைத்துக்கொண்டால் மனதில் எண்ணம் மறைவதில்லை
    நான் சின்னக் குழந்தையம்மா சொல்லத் தெரியவில்லை
    பிள்ளை மழலையிலே உனக்கும் உள்ளம் புரியவில்லை

    நான் உன்னை அழைக்கவில்லை என் உயிரை அழைக்கிறேன்
    கண்ணை மறைத்துக்கொண்டால் மனதில் எண்ணம் மறைவதில்லை

    என்ன தவறு செய்தேன் அதுதான் எனக்கும் புரியவில்லை
    வந்து பிறந்துவிட்டேன் ஆனால் வாழத் தெரியவில்லை
    அருகில் இருந்து சொல்லிக் கொடுத்தால் உலகம் தெரியாதா
    அம்மா.. .. விவரம் புரியாதா

    நான் உன்னை அழைக்கவில்லை என் உயிரை அழைக்கிறேன்
    கண்ணை மறைத்துக்கொண்டால் மனதில் எண்ணம் மறைவதில்லை

    என்னை படைத்த தெய்வம் இன்னும் கண்ணைத் திறக்கவில்லை
    உன்னை அனுப்பி வைத்தான் ஆனால் உனக்கும் கருணை இல்லை
    இருண்ட வீட்டில் அன்பு விளக்கு இருக்க கூடாதா அம்மம்மா.. இரக்கம் பிறக்காதா

    நான் உன்னை அழைக்கவில்லை என் உயிரை அழைக்கிறேன்
    கண்ணை மறைத்துக்கொண்டால் மனதில் எண்ணம் மறைவதில்லை
    நான் சின்னக் குழந்தையம்மா சொல்லத் தெரியவில்லை
    பிள்ளை மழலையிலே உனக்கும் உள்ளம் புரியவில்லை

    பாடல் : நான் உன்னை அழைக்கவில்லை
    பாடியவர் : டி.எம். சௌந்தர்ராஜன்
    வரிகள் : கண்ணதாசன்
    இசை : எம்.எஸ். விஸ்வநாதன்
    திரைப்படம் : எங்கிருந்தோ வந்தாள்

    Share

  • ஆனந்தம் விளையாடும் வீடு… ‘நீதானே எங்கள் திருக்கோயில் விளக்கு’.. நீயில்லை என்றால் தெரியாது கிழக்கு’

    காவிரி மைந்தன்

    கணவன் – மனைவி என்கிற பந்தமுடன் தொடங்கும் இல்வாழ்க்கை இனிமையானது!  இனிதானது!  ‘சம்சாரம் என்பது வீணை;  சந்தோசம் என்பது ராகம்’ என்பார் கண்ணதாசன்.

    பருவகாலங்களில் இருபாலரும் கனவாய்ச் சுமந்திடும் இல்லற வாழ்வு இனிதாய் துலங்கும் திருநாள் வருமே!  திருமணம் எனுமே!  சுற்றம் சூழ நட்பும் பேண புதிய வாழ்க்கைக் கதவு திறக்கப்படுமே!  அவன் என்பது அவளுக்காகவும்.. அவள் என்பது அவனுக்காகவும் என ஒரு அழகிய வட்டம் தோன்றும்.ஒருவருக்கொருவர் புரிந்து அனுசரித்து விட்டுக் கொடுத்து வாழுகின்ற தம்பதியர் மட்டுமே இல்வாழ்க்கையில் முழுமையாக வெற்றி பெறுவார்கள்.

    இந்தப் பந்தத்தின் மூலம் ‘தாய்’ என்றும் ‘தந்தை’ என்றும் ஆகின்றனர்.  நேற்றுவரை ஒருவருக்கொருவராய் இருந்தவர்கள் – இன்று முதல் இருவரும் – தமக்குப் பிறந்த ஓருயிர்க்காக புதியதாய் பிறப்பெடுக்கின்றார்கள்.  காலச்சக்கரம் சுழல – ஒன்று இரண்டாக .. கணவன் மனைவி என்கிற நிலையிலிருந்து உயர்வு பெற்று – தந்தை.. தாய்.. மகன்.. மகள்  என இல்லற வாழ்வு தொடர்கிறது!  அன்பினால்,  நிரப்பப்படும் உள்ளங்கள் அழகுடன் காட்சி தரும்! இன்பமே என்றுமே என இதயங்கள் முழங்கி வரும்!  தன்னுயிர் நீயென ஒன்றினை ஒன்று எப்போதும் சார்ந்திருக்கும்!  இந்தச் சொந்தங்கள் வாழ்க! வாழ்கவே!! என்றே இறைவனின் அருளிருக்கும்!

     santhippu

    ‘சந்திப்பு’ என்கிற திரைப்படத்திற்காக அமைந்த பாடலில் ஒன்று!  கவிஞர் வாலி வரைந்த கோலமிது!  சிறுவயது முதலாகவே உள்ளமும் உதடுகளும் முணுமுணுக்கும் இனிமையான கீதமிது!

    ஆனந்தம் விளையாடும் வீடு… நான்கு

    அன்றில்கள் ஒன்றான கூடு..

    அன்றில் பறவைகள் என்றொரு வகைப் பறவைகள் இருந்ததாக வரலாறு கூறுகிறது!  ஒன்றைப் பிரிந்து ஒன்று உயிர் வாழாதாம்!  அப்படி இந்தச் சொந்தங்கள் கூடி வாழ்கின்றன என்பதற்காக உவமை கலந்து ஊட்டியிருக்கிறார்.  ‘நீதானே எங்கள் திருக்கோயில் விளக்கு’..  நீயில்லை என்றால் தெரியாது கிழக்கு’  வெறும் வார்த்தை விளையாட்டு அல்ல.. இது வாழ்க்கை வெளிச்சம்!  திரைப்படளிது என்று மட்டும் கொள்ளாமல் இல்லற வாழ்க்கையின் அழகிய சூத்திரம் வரையப்பட்டுள்ள வடிவம் இப்பாடல் என்றே மனதில் கொள்ளுங்கள்.. வாழ்வை வெல்லுங்கள்!

    msv tms ps vaaliஆனந்தம் விளையாடும் வீடு -இது
    ஆனந்தம் விளையாடும் வீடு
    நான்கு அன்றில்கள் ஒன்றான கூடு
    நான்கு அன்றில்கள் ஒன்றான கூடு-இது
    ஆனந்தம் விளையாடும் வீடு

    ஒரு நூல் கொண்டு உருவான மாலை
    ஒரு நூல் கொண்டு உருவான மாலை
    இன்பம் நாள் தோறும் பூ பூக்கும் சோலை-இது
    ஆனந்தம் விளையாடும் வீடு

    நான் கொண்ட கணவன் நடமாடும் தெய்வம்
    நீங்காமல் எங்கள் நலம் காணும் செல்வம்
    நான் கொண்ட கணவன் நடமாடும் தெய்வம்
    நீங்காமல் எங்கள் நலம் காணும் செல்வம்
    அவன் தந்த உறவில் ஆசைகள் திரண்டு
    அழகாக ஈன்றேன் பிள்ளைகள் இரண்டு
    ஆனந்தம் விளையாடும் வீடு -இது
    ஆனந்தம் விளையாடும் வீடு

    ஆ-மாங்கல்யம் தவழும் மகராசி வதனம்
    மலர்ந்தாலே போதும் வேறேது உலகம்
    மாங்கல்யம் தவழும் மகராசி வதனம்
    மலர்ந்தாலே போதும் வேறேது உலகம்
    எடுத்தாலும் என்ன எழேழு பிறவி
    நீ தானே கண்ணே எனக்கேற்ற மனைவி
    ஆனந்தம் விளையாடும் வீடு –
    நான்கு அன்றில்கள் ஒன்றான கூடு-இது
    ஆனந்தம் விளையாடும் வீடு

    இமை போல இரண்டு விழிகாக்கும் தாயே
    எது வந்த போதும் சுமை தாங்கி நீயே
    எது வந்த போதும் சுமை தாங்கி நீயே
    பெ-நீ தானே எங்கள் திருக்கோயில் விளக்கு
    நீ இல்லை என்றால் தெரியாது கிழக்கு
    இரு-ஆனந்தம் விளையாடும் வீடு –
    நான்கு அன்றில்கள் ஒன்றான கூடு-இது
    ஆனந்தம் விளையாடும் வீடு

     http://www.youtube.com/watch?v=pHiqJbj8bFo

    Share

  • மண்ணுக்கு மரம் பாரமா?

    —கவிஞர் காவிரிமைந்தன்.

    mannuku maram barama

    தை பிறந்தால் வழி பிறக்கும் திரைப்படத்திற்காக உருவான அனைத்துப் பாடல்களுமே அருமையெனலாம்! திரையிசைத்திலகம் கே.வி.மகாதேவன் இசையமைப்பில் பல்வேறு குரல்களின் வழியே கேட்டு உருகவைக்கிற கானங்கள்! கவிஞர்களும் இத்திரைப்படத்திற்காக அணிவகுத்து எழுதியிருக்க.. இதோ ஒரு பாடல்..கவிஞர் மருதகாசி எழுத்தில்..

    திரைக்கதையைப் பின்னிக்கொண்டு அதைநம்மிடம் சொல்ல வருகிறது! தாய்க்கும் குழந்தைக்கும் உள்ள உறவு பற்றி இப்படி ஒரு தங்கமான பாடல் கிடைத்ததே.. தை பிறந்தால் வழி பிறக்கும் படத்திற்கு கிடைத்த வெற்றி என்பேன்!

    சூழ்நிலையின் காரணமாய் பெற்ற பிள்ளையை பிரிந்து பயணம் கொள்ளும் தாய்.. அவள் மனதில் உள்ள காயங்கள்.. விழிகளில் நீர் ததும்பிக்கிடக்க நடிப்பில் நவரசம் காட்டும் நடிகை திருமதி.ராஜசுலோசனா.. அவர் காணும் காட்சியில் தாயொருத்தி தன் குழந்தையைத் தாலாட்டிப் பாடுகின்ற பாடலாய்..

    வரிவரியாய் வரிந்துகட்டி எழுகின்ற கேள்விகள் எல்லாவற்றிற்கும் இடையில் ஒரு சொந்தம்.. ஒரு பந்தம்.. பிரிக்க முடியாதவை இரண்டை சுட்டிக்காட்டி.. எழுத்துரதத்தை இயல்பாக ஓட்டுகிறார் கவிஞர்.

    இயற்கையான இந்த பந்தங்களை எவரால் மறுத்துச் சொல்ல முடியும்? அதுவும் தாய் தன் சேயை பாரம் எனக் கருத முடியுமா? அன்புசார்ந்த வினாக்கள் அடிமனதைத் தாக்க அன்னையின் இதயம் துடிக்கிறது! தாய்மை என்கிற பேற்றை தந்தது சேயல்லவா.. நீ அதன் தாயல்லவா.. பெற்றதுமட்டும் அங்கே போதுமா? பேணி வளர்த்திட வேண்டாமா? என்கிற தொடர் கேள்விகளுக்கு விடைசொல்ல முடியாமல் அன்னை மனம் படுகிற பாடு..

    எம்.எஸ்.இராஜேஸ்வரி அவர்களின் குரலில் தவழும் இந்த கானம் வெறும் தாலாட்டல்ல! தாய்மையை நோக்கிய கேள்விப்படை!! இனிமை நிறைந்த அந்தக் குரலில் இதயம் நோக்கிவரும் பாடலின் வரிகள் .. அர்த்தமிக்கவை.. ஆழமானவை.. இசையும் கவிதையும்.. துன்பத்தை எடுத்துச் சொல்லும்போதும்.. அதை இனிமை சேர்க்கும் இன்பராகமாய் அமைத்த இசையமைப்பாளர்.. இப் பாடல் கேட்கும்போதெல்லாம் நாம் பெறும் சுகம் கொஞ்சமல்ல!!

    http://youtu.be/c_3KefG0vxQ
    காணொளி: http://youtu.be/c_3KefG0vxQ

     

     

    படம்: தை பிறந்தால் வழி பிறக்கும்
    பாடல்: கவிஞர் மருதகாசி
    இசை: கே.வி.மகாதேவன்
    குரல்: எம்.எஸ்.இராஜேஸ்வரி

    Marudhakasi_Book Reading Posem s rajeswzriK.-V.-Mahadevan-Songs thaipiranthal

    மண்ணுக்கு மரம் பாரமா
    மரத்துக்கு இலை பாரமா
    கொடிக்கு காய் பாரமா – பெற்றெடுத்த
    குழந்தை தாய்க்கு பாரமா

    வாடியே நாளெல்லாம் வருந்தி வருந்தி தவமிருந்து
    தேடிய நாள் தன்னில் செல்வமாய் வந்தவளே
    மலடி மலடி என்று வையகத்தார் ஏசாமல்
    தாயென்ற பெருமைதனை மனம் குளிர தந்தவளே
    கொடிக்கு காய் பாரமா – பெற்றெடுத்த
    குழந்தை தாய்க்கு பாரமா
    [மண்ணுக்கு மரம் பாரமா]

    அழுதால் அரும்புதிரும் அன்னாந்தால் பொன்னுதிரும்
    சிரித்தால் முத்துதிரும் வாய் திறந்தால் தேனுதிரும்
    பிள்ளையை பெற்று விட்டால் போதுமா
    பேணி வளர்க்க வேண்டும் தெரியுமா
    அல்லலை கண்டு மனசு அஞ்சுமா
    குழந்தை அழுவதை கேட்டு மனசு விஞ்சுமா
    [மண்ணுக்கு மரம் பாரமா]

    Share

  • எட்டடுக்கு மாளிகையில்…

    — கவிஞர் காவிரிமைந்தன்.

     

    savithiri

     

    எட்டடுக்கு மாளிகையில்… பாதகாணிக்கைக்காக கண்ணதாசன் எழுதிவைத்த காதல் காணிக்கை!

    உயிர்கள் வாங்கும் உள் மூச்சும் வெளிமூச்சும் வந்துபோவது போல் – உறவுகளில் உறவும் பிரிவும் அமைவது இயல்பே! ஆயினும் பிரிவு என்று வரும்போது… மனம் பேதலிக்கிறது! தடுமாறுகிறது! நிலைமாறுகிறது!! இந்தக் கோலம் அலங்கோலம்தான்! இந்த அலங்கோலத்தில் ஒரு பெண்ணின் மனம் என்ன சொல்லி கதறும்? அழகிய சொற்கோலமாய் – கால வெள்ளத்தில் அடித்துச் செல்ல முடியாத காதல் அகராதிகளே இவை!

    எட்டடுக்கு மாளிகையில்
    ஏற்றி வைத்த என் தலைவன்
    விட்டு விட்டுச் சென்றானடி – இன்று
    வேறுபட்டு நின்றானடி

    அட.. மெட்டுக்கு எழுதப்பட்ட பாடலிது என்று விட்டுவிட முடியாமல்.. கட்டிப் போடுகிறது கவிஞரின்பாணி – காலகாலமாய் நம்மிடையே நிலவிவரும் ஒரு பழமொழியைத்தான் கவிஞர் இப்பாடலில் பல்லவியாக்கியுள்ளார். அது என்ன தெரியுமா?

    ‘‘பெண்டாட்டியை தலைக்குமேல் வைத்து ஆடுகிறான்” என்பது நாம் வழக்கமாக கேட்டதுதான். அப்படித் தலைக்குமேல் மனைவியைக் கொண்டாடி மகிழ்ந்தவன் இன்று விட்டுவிட்டுச் சென்று விடுகிறான். இன்னும் பாருங்கள். எண் சாண் உடம்பிற்கு தலையே பிரதானம்! (எட்டடுக்கு மாளிகையில்) அந்த தலைக்கு மேல் வைத்து வாழ்ந்தவன் விலகிச் செல்கின்றபோது…

    பல்லவியைத்தாண்டிச் சரணங்கள் எல்லாம் கண்ணதாசனிடம் நாம் சரணடைந்த காரணத்தைக் கூறுகின்றன!

    கையளவு உள்ளம் வைத்து
    கடல் போல் ஆசை வைத்து
    விளையாடச் சொன்னானடி – என்னை
    விளையாடச் சொன்னானடி – அவனே
    விளையாடி விட்டானடி

    காலங்கள் உள்ளவரை
    கன்னியர்கள் யார்க்கும் இந்த
    காதல் வர வேண்டாமடி – எந்தன்
    கோலம் வர வேண்டாமடி

    பாதகாணிக்கைக்காக கண்ணதாசன் எழுதிவைத்த காதல் காணிக்கை!

    http://www.youtube.com/watch?v=78QH_tPh1RY
    காணொளி: http://www.youtube.com/watch?v=78QH_tPh1RY

     

    பாடல்: எட்டடுக்கு மாளிகையில்
    வரிகள்: கண்ணதாசன்
    இசை: விஸ்வனாதன் ராமமூர்த்தி
    குரல் : பி.சுசீலா
    படம் : பாத காணிக்கை
    திரையில்: நடிகையர் திலகம் சாவித்திரி

    எட்டடுக்கு மாளிகையில்
    ஏற்றி வைத்த என் தலைவன்
    விட்டு விட்டுச் சென்றானடி – இன்று
    வேறுபட்டு நின்றானடி – இன்று
    வேறுபட்டு நின்றானடி

    தேரோடும் வாழ்வில் என்று
    ஓடோடி வந்த என்னை
    போராட வைத்தானடி – கண்ணில்
    நீரோட விட்டானடி – கண்ணில்
    நீரோட விட்டானடி

    கையளவு உள்ளம் வைத்து
    கடல் போல் ஆசை வைத்து
    விளையாடச் சொன்னானடி – என்னை
    விளையாடச் சொன்னானடி – அவனே
    விளையாடி விட்டானடி

    காலங்கள் உள்ளவரை
    கன்னியர்கள் யார்க்கும் இந்த
    காதல் வர வேண்டாமடி – எந்தன்
    கோலம் வர வேண்டாமடி – எந்தன்
    கோலம் வர வேண்டாமடி

    (எட்டடுக்கு)

    THREEp susheelaPaatha-Kaanikkai

     

     

     

    Share

  • இதோ எந்தன் தெய்வம் முன்னாலே!

    —கவிஞர் காவிரிமனிதன்.

    hqdefault

    இதோ எந்தன் தெய்வம் முன்னாலே…

    ஏழையின் சிரிப்பில் இறைவனைக் காண்போம் என்றார் பேரறிஞர் அண்ணா! பிறர் தேவை அறிந்துகொண்டு வாரிக்கொடுப்பவர்கள் தெய்வத்தின் பிள்ளையல்லவா என்பார் கவியரசு கண்ணதாசன். இருப்பவன் இல்லாதவனுக்குக் கொடுப்பதைவிட சிறப்பேது? வலது கை கொடுப்பது தன் இடது கை அறியாது என வாழ்ந்த கர்ண பரம்பரைகளும் இங்கு உண்டு. அன்னதானம் செய்வது ஆலயம் தொழுவதிலும் சால நன்று! அதனினும் எழுத்தறிவித்தல் மேலும் உயர்ந்தது.

    கல்விச் செல்வம் ஒரு மனிதனை தன்னம்பிக்கை உடையவனாக தன்னைச் சார்ந்தோரையும் வாழவைக்கும் வல்லமை தருகிறது. தன்னிடம் உள்ளதை பிறருக்கும் கொடுத்து மகிழ்விக்கும் பாங்கு எத்தனை பேருக்கு வாய்க்கும்? பெற்றவன் பெறுவது பேரின்பம்.. ஆயினும் அதைக் கொடுத்தவன் கொள்வது பேரானந்தம்! மற்றவர்க்கு தருகின்ற அளவில் நம்மை வைக்கும் ஆண்டவனுக்கு நன்றி சொல்வோம்!

    தனக்கென வாழ்வது மட்டுமின்றி பிறருக்காகவும் வாழுகின்ற வாழ்க்கையே அர்த்தமிக்கது. பொதுநலம் நாடுகின்ற உள்ளம் பூந்தோட்டம் போல் பொலிவுடன் விளங்கும். சுயநலம் என்கிற இருளில் வாழும் மனிதன் இவ்வுலக வாழ்வின் இன்பத்தையே இழக்கிறான். மனிதன் தோன்றி நாகரீகம் நோக்கி நடக்கத் தொடங்கிய நாள் முதல் இன்றும் பிறர்நலம் பேணும் மனிதர்களைத்தான் மா மனிதர்கள் என்கிறோம்!

    எத்தனையோ வரிகளில் சொல்லப்பட்டாலும் நிறைவுறாத என்னரும் கருத்துக்களை தன் ஒற்றைப்பாடலில் உணர்த்தியிருக்கும் கவிஞர் வாலியின் கைவண்ணம் காணலாம்! ‘பாபு’ திரைப்படத்தில் டி.எம்.சௌந்தரராஜன் குரலில் .. மெல்லிசை மன்னர் எம்.எஸ்.விஸ்வநாதன் இசையில்.. திரையிலோ நடிகர் திலகம் சிவாஜி கணேசனும் சின்னஞ்சிறு குழந்தை நட்சத்திரமாய் ஸ்ரீதேவியும் நம் நெஞ்சில் நிறைந்த பாடலிது!

    http://www.youtube.com/watch?v=Qd5TfWmm1CA
    காணொளி: http://www.youtube.com/watch?v=Qd5TfWmm1CA

    இதோ எந்தன் தெய்வம் முன்னாலே
    பாடல் – வாலி
    படம் – பாபு
    இயக்குனர் – ஏ சி. திருலோகச்சந்தர்
    இசை – எம்.எஸ்.விஸ்வநாதன்
    குரல் – டி.எம்.சௌந்தரராஜன்

    இதோ எந்தன் தெய்வம் முன்னாலே
    நான் ஒரே ஒரு புன்னகையில் கண்டேனே

    இதோ எந்தன் தெய்வம் முன்னாலே
    நான் ஒரே ஒரு புன்னகையில் கண்டேனே
    பாசமுள்ள பார்வையிலே கடவுள் வாழ்கிறான் – அவன்
    கருணையுள்ள நெஞ்சினிலே கோயில் கொள்கிறான்

    பாசமுள்ள பார்வையிலே கடவுள் வாழ்கிறான் – அவன்
    கருணையுள்ள நெஞ்சினிலே கோயில் கொள்கிறான்

    இதோ எந்தன் தெய்வம் முன்னாலே
    நான் ஒரே ஒரு புன்னகையில் கண்டேனே

    அவன் பூ விரியும் சோலையிலே மணப்பான்
    இசை பூங்குயிலின் தேன் குரலில் இருப்பான்
    குளிர் மேகமென தாகத்தையே தணிப்பான்
    தளிர்க் கொடி விளையும் கனிகளிலே இனிப்பான்
    பாசமுள்ள பார்வையிலே கடவுள் வாழ்கிறான் – அவன்
    கருணையுள்ள நெஞ்சினிலே கோயில் கொள்கிறான்

    இதோ எந்தன் தெய்வம் முன்னாலே
    நான் ஒரே ஒரு புன்னகையில் கண்டேனே

    பல நூல் படித்து நீயறியும் கல்வி
    பொது நலம் நினைத்து நீ வழங்கும் செல்வம்
    பிறர் உயர்வினிலே உனக்கிருக்கும் இன்பம்
    இவை அனைத்திலுமே இருப்பதுதான் தெய்வம்
    இவை அனைத்திலுமே இருப்பதுதான் தெய்வம்

    இதோ எந்தன் தெய்வம் முன்னாலே
    நான் ஒரே ஒரு புன்னகையில் கண்டேனே

    தன் வியர்வையிலும் உழைப்பினிலும் வாழ்வை
    தந்து பொழி பொழிந்து உயிர் வளர்க்கும் ஏழை
    அவன் இதழ் மலரும் சிரிப்பொலியைக் கேட்டேன்
    அந்த சிரிப்பினிலே இறைவனை நான் பார்த்தேன்
    அந்த சிரிப்பினிலே இறைவனை நான் பார்த்தேன

    பாசமுள்ள பார்வையிலே கடவுள் வாழ்கிறான்
    அவன் கருணையுள்ள நெஞ்சினிலே கோயில் கொள்கிறான்

    இதோ எந்தன் தெய்வம் முன்னாலே
    நான் ஒரே ஒரு புன்னகையில் கண்டேனே

    msv vaaliACTtm-soundararajan-50-600

    கட்டுரைக்கும் கவிதைக்கும் என்ன வித்தியாசம் என்பதையும் சுட்டிக்காட்டும் பொருள் நிறைந்த பாடலிது! நம் மனதினில் பதிந்திட்ட பாடல்! சாத்வீக குணங்களுடன் ஒரு சராசரி மனிதன் வாழும்போது அவன்மூலமும் தெய்வாம்சங்கள் கூடிவருகின்ற தரிசனம் காணலாம்!

    Share

  • மயக்கும் மாலைப் பொழுதே நீ போ.. போ…  – கவிஞர் விந்தன்

    காவிரி மைந்தன்

     vindhan

    நினைக்கும் போதே இனிக்கும் பல்லவி…  கூண்டுக்கிளி திரைப்படத்திற்காக கவிஞர் விந்தன் அவர்கள் எழுதிய இந்தப் பாடல்… இருபெரும் கதாநாயகர்கள் – எம்.ஜி..ஆர்., சிவாஜி இருவருக்குள் எவர் இடம் பெறும் பாடலாய் திரையில் தருவது என்கிற கேள்வி எழவே, தவிர்க்க வேண்டிய பாடலானது. அப்படத்தின் இயக்குனர் டி ஆர். ராமண்ணா அவர்கள் அடுத்து இயக்கிய குலேபகாவலி திரைப்படத்தில் மக்கள் திலகம் எம்.ஜி. ஆர்.  – ஜி. வரலட்சுமி நடிப்பில் இப்பாடலைப் பயன்படுத்தினார்கள் என்பது தகவல்.

    மென்மை மட்டுமே வார்த்தைப் பூக்களாய் விரிந்து கிடக்கும் இப்பாடலில் இனிமை முழுமையாய் பரவிக் கிடைக்கிற அதிசயம் நம்மை இப்பாடலில் அடிமையாக்குகிறது பாருங்கள். குலேபகாவலி திரைப்படத்திற்கு இசை மெல்லிசை மன்னர்கள் விஸ்வநாதன் ராமமூர்த்தி என்றிருந்தாலும் கூண்டுக்கிளி தந்த பாடல் இது என்பதால் இதன் இசை திரையிசைத் திலகம் கே.வி. மகாதேவன் அவர்களையே சாரும்.   குரலில் அமுதம் பொழியும் இரண்டு குயில்கள் ஜிக்கி, ஏ.எம்.ராஜா …

    மகுடியின் முன் நாகங்கள் போல் ..புன்னாகவராளி ராகமோ என்று நம்மை திகைக்க வைக்கும் ஒரு மயக்கத்தை இசை அமைப்பாளர் இப்பாடலில் கையாண்டிருக்கிறார்.  இரவின் மடியில் கேட்க இதைவிட இனிமையான பாடல் எங்கே?

    பார்த்திபன் கனவிற்காக கவிஞர் விந்தன் எழுதிய “இதய வானில் உதய நிலவே எங்கே போகிறாய்” .. அடடா.. இதே போல் இனிமையான கானம் அல்லவா?  பிறகு எப்படி.. இந்தக் கவிஞர் பிரபலம் ஆகவில்லை என்கிற ஏக்கம் பற்றிகொள்கிறது.

    கனிந்த சொற்களின் கவிதை மொழியினை கைவரப் பெற்றவர் இன்னும் இன்னும் பல இனிமையான பாடல்களை எழுதியிருக்கலாமே..

    ஜி. வரலட்சுமி அவர்களின் பேசும் விழிகளும் மக்கள் திலகத்தின் துள்ளல் நடிப்பும் இன்பம் சேர்க்கின்றன.

     kulebagavali

    ஆஆ… ஆஆஆஆஆஆஆ ஆஆஆ..

    மயக்கும் மாலைப் பொழுதே நீ போ போ
    இனிக்கும் இன்ப இரவே நீ வா வா
    இன்னலைத் தீர்க்க வா
    மயக்கும் மாலைப் பொழுதே நீ போ போ
    இனிக்கும் இன்ப இரவே நீ வா வா
    இன்னலைத் தீர்க்க வா

    பன்னீர் தெளிக்க பனி பெய்யுமே
    பசும்புல் படுக்கப் பாய் போடுமே
    பன்னீர் தெளிக்க பனி பெய்யுமே
    பசும்புல் படுக்கப் பாய் போடுமே

    மயக்கும் மாலைப் பொழுதே நீ போ போ
    இனிக்கும் இன்ப இரவே நீ வா வா
    இன்னலைத் தீர்க்க வா

    ஆஆஆஆ ஆஆஆ ஆஆஆ ஆஆஆஆ
    ஆஆஆ ஆஆஆ ஆஆஆஆஆ

    பாலூட்டும் நிலவு தேனூட்டுமே
    பாடும் தென்றல் தாலாடுமே
    பாலூட்டும் நிலவு தேனூட்டுமே
    பாடும் தென்றல் தாலாடுமே
    புன்னை மலர்கள் அன்பினாலே
    புன்னை மலர்கள் அன்பினாலே
    போடும் போர்வை தன்னாலே
    போடும் போர்வை தன்னாலே

    மயக்கும் மாலைப் பொழுதே நீ போ போ
    இனிக்கும் இன்ப இரவே நீ வா வா
    இன்னலைத் தீர்க்க வா

    ஆஆஆஆ ஆஆஆ ஆஆஆ ஆஆஆஆ
    ஆஆஆ ஆஆஆ ஆஆஆஆஆ

    கனியிதழ் காதல் பசி தீர்க்குமே
    காண்போம் பேரின்பமே
    கனியிதழ் காதல் பசி தீர்க்குமே
    காண்போம் பேரின்பமே
    வானிலும் ஏது வாழ்விது போலே
    வசந்தமே இனி எந்நாளும்
    வானிலும் ஏது வாழ்விது போலே
    வசந்தமே இனி எந்நாளும்

    மயக்கும் மாலைப் பொழுதே நீ போ போ
    இனிக்கும் இன்ப இரவே நீ வா வா
    இன்னலைத் தீர்க்க வா
    மயக்கும் மாலைப் பொழுதே நீ போ போ
    இனிக்கும் இன்ப இரவே நீ வா வா
    இன்னலைத் தீர்க்க வா

    ஆஆஆஆ ஆஆஆஆஆஆஆ

    http://www.youtube.com/watch?v=g-MZUdwH9hg

    Share

  • பாட்டும் நானே… பாவமும் நானே…

    — கவிஞர் காவிரிமைந்தன்.

    பாட்டும்திருவிளையாடல் படத்தில் ஒரு அதிசயம் நடந்திருக்கிறது. ஆம்.. நண்பர்களே.. தெய்வங்களைப் பற்றிய படங்கள் வரிசையில் வெளியான படங்கள் பலவும் சுமார் ஐந்தாறு உட்கதைகளைக் கொண்டிருக்கும். அவை ஆண்டவனின் அருளைப் பற்றியும் பக்தனை ஆட்கொண்டதைப்பற்றியும் பேசும். அந்த வகையில் வந்த படம்தான் திருவிளையாடல்! இறையருள் இயக்குனர் ஏ.பி.நாகராஜன் அவர்களின் இயக்கம்… என்பது இறைவனைப் பற்றி படம் எடுக்கவே இந்த உலகில் அவதரித்தாரோ என்று எண்ணும் அளவிற்கு சிறப்பான காட்சிகள்.. கதையமைப்புகள்.. இயக்கம் தந்து பக்திப்படவரிசையில் முன்னணியில் இடம்பெற்றவர்.

    குறிப்பாக பாண்டிய மன்னனின் சபையில் புதிதாக ஒரு இசைக்கலைஞர் தனது திறமைகளை அரங்கேற்ற.. அத்துடன் தனக்கு இணையாக பாடக்கூடியவர்கள் வேறு எவரும் உண்டோ என்று கேட்க.. மதுரைக்கே வந்த சோதனையாக அனைவரும் எண்ணிட.. இறைவன் திருவருளால் அந்த சவால் எப்படி ஏற்கப்பட்டது.. அல்லது என்ன நடந்தது என்கிற கதையைக் காட்சிப்படுத்த நான்கைந்து பாடல்கள் அதற்குள் அடக்கம் என்பதுவே வியப்பின் வியப்பு! ஒரு உட்கதைக்கு ஒரு பாடலே போதுமானதாக இருப்பது வழக்கம்! ஆனால் இந்தப் பகுதிக்கு.. ஒரு நாள் போதுமா.. இசைத்தமிழ் நீ செய்த அருஞ்சாதனை .. பாட்டும் நானே பாவமும் நானே.. பார்த்தா பசுமரம் போன்ற பாடல்களின் அணிவகுப்பு நடந்ததைப் பாருங்கள்..

    இணையதளத்தில் கவிஞர் கா.மு.ஷெரீப் அவர்கள் இயற்றி ஏ.பி.நாகராஜன் அவர்களது நட்பால்.. கவிஞர் கண்ணதாசன் பெயரிலேயே வெளிவந்த பாடலாக பாட்டும் நானே.. பாவமும் நானே.. என்கிற பாடல் பற்றிய தகவல் அறிவேன்.

    அதற்கு முன்னதாகவே.. இந்தப் பாடல் பற்றிய இன்னொரு தகவல் என்னிடமிருந்தும்.. வெளியிட முடியாத நிலையில் இருந்தேன். ஆம்.. கவிஞரின் உதவியாளர் அமரர் இராம.கண்ணப்பன் அவர்கள் வாயிலாக பெறப்பட்ட செய்தியிது. கவியரசு கண்ணதாசன் தமிழ்ச்சங்கம் என்கிற பெயரில் மன்றம் அமைத்த நாள் முதல் கண்ணதாசன் தொடர்பானவர்களை சந்திப்பதும் அவர்களோடு அளாவளாவுவதும் அன்றாட வாழ்க்கையானது. அவ்வழியே.. திரு.இராம.கண்ணப்பன் அவர்களின் இல்லத்திற்கு பலமுறை சென்று அவர்களோடு கவிஞர் தொடர்பான பல செய்திகளை அறிந்திருக்கிறேன். அப்படி பெறப்பட்ட செய்திகளில் ஒன்றுதான் இது. இருந்தும் ஏன்.. இந்தச் செய்தியை நான் பகிர்ந்துகொள்ளவில்லை என்பதை நீங்களே இறுதியில் உணர்வீர்கள். (இப்போதும்கூட நண்பர்களிடையே மட்டுமே பகிர்ந்து கொள்ள விரும்புகிறேனே தவிர.. கருத்து முரண்பாடுகளுக்குள் செல்வதற்காகவோ.. அவர்களுக்கு பதில்தருவதற்காகவோ நான் இதை இவ்விடம் சொல்லவில்லை).

    மறைந்த ஏழிசை வேந்தர் டி.எம்.செளந்திரராஜன் அவர்கள் பற்றி அனேகமான தமிழ்மக்கள் நன்றாக அறிவார்கள். அவர்போல் ஒரு பாடகர் இனி பிறந்து வருவதற்கில்லை. தலைமுறைகள் பல தாண்டி தன் குரலால் தமிழ்மக்கள் நெஞ்சில் நீங்காத இடம்பெற்றவர். ஒரு முறை தனது குரலாலலேதான் .. கண்ணதாசன் போன்றோரெல்லாம் புகழ் பெறுகிறார்கள்.. அவர்கள் எழுதிய வரிகளுக்கெல்லாம் நான் ஜீவன் தந்து பாடுகிறேன்.. அதனால் கவிஞர் புகழ்பெறுகின்றார் என்று பேசிவிட.. இந்தச் செய்தியை கவிஞரிடம் அவருக்கு அருகில் இருந்தோர் சென்று சேர்ப்பிக்க.. கவிஞர்.. அட விடுப்பா.. இதெல்லாம் ஒரு விஷயமா.. பேசிவிட்டுப் போகட்டும் என்றாராம். ஆனாலும் கவிஞரின் அபிமானிகள்.. கவிஞரிடம் இதுபற்றி அடிக்கடி சொல்லிவந்ததன் பலன் கிடைத்தது. ஆம்.. கவிஞர் இதைப் பெரிதாக எடுத்துக்கொள்ளவில்லை என்றாலும் பாடல் ஒன்று எழுத வந்தபோது அமைந்த வரியில் இதற்கான பதில் அமைந்துவிட்டது. அப்படி.. தான் எழுதிவிட்டு வெளிவந்தபோது.. அங்கிருந்த நண்பர்களிடம்.. நீங்கள் அடிக்கடி கேட்டுக்கொண்டிருந்தீர்களே.. அதைப் பாட்டில் சிலேடையாக வைத்து எழுதியுள்ளேன் கேளுங்கள் என்று சொல்லிவிட்டுச் காரில் ஏறி சென்றுவிட்டார்.

    “பாட்டும் நானே.. பாவமும் நானே.. பாடும் உன்னை நான் பாட வைத்தேனே.. “ கவிஞரின் சொல்லாட்சியை.. திறனை.. சிலேடை நயத்தை எண்ணி வியப்பதா,. தன் நண்பர்களின் வற்புறுத்தலுக்கு இணங்க பாடல் வழியே பதில் சொல்லி நயத்தைப் பாராட்டுவதா.. என்று தெரியவில்லை. எனவே நம்மைப் பொறுத்தவரை.. இது கண்ணதாசன் பாட்டுத்தான்! இறைவனின் அருள்பெற்ற ஜீவ கவிஞனான கண்ணதாசன் திருவிளையாடல் படத்தில் இடம்பெற்ற அத்தனைப் பாடல்களையும் நவரசங்களின் கலவையாக எழுதிக் குவித்திருக்கிறார். என்றும் அவை நம் இதயங்களை குளிர்விக்கும்.. செவிகளை கெளரவிக்கும்!

    http://www.youtube.com/watch?v=BAVFuEqqV-k

     

     

     

     

     

     

    Share

  • உன்னிடத்தில் என்னைக் கொடுத்தேன் …

    — கவிஞர் காவிரிமைந்தன்.

    Unnidathil Ennai Koduthen

    உன்னிடத்தில் என்னைக் கொடுத்தேன்.. உன்னை உள்ளமெங்கும் அள்ளித் தெளித்தேன்.. பல்லவியில் உள்ள சுகம் அனுபவிக்க இன்னுமொரு பிறவி வேண்டுமோ? இந்த வரியை வாசிக்கும்போதும், பாடலைக் கேட்கும்போதும் உள்ளத்தில் சுகம் ஆறாகப் பெருகி வருகிறது! இசையின் கோர்வை பாடலை உச்சத்திற்கு இட்டுச் செல்ல.. குரலின் இனிமை நம்மை ஏதோ இன்பத்தீவிற்குக் கடத்திச் செல்கிறது.

    காற்றில் ஆடும் மாலை என்னைப் பெண்மையென்றது
    காதல் ஒன்றுதானே வாழ்வில் உண்மையென்றது

    சரணமா? இது சரம் சரமா? வாரத்தைகளில் உள்ள எளிமை.. இசையில் விளையும் இனிமை.. ரசித்துக் கேளுங்கள்.. ஆனந்த பைரவியா அல்லது மோகனமா? நானறியேன்..

    இதழுடன் இதழாட.. நீ இளமையில் நடமாடு
    நினைத்தால் போதும்.. வருவேன்
    ஆ ஆஆ.. தடுத்தால் கூட தருவேன்

    மொத்தத்தில் இங்கே பெண்மை பேசுகிறது! வன்மையைத் தொட்டு ஒரு பெண்மையை பேச வைக்கும் கவிஞரின் திறமெண்ணி வியக்கிறேன்!

    இனியொரு பிரிவேது.. அந்த நினைவுக்கு முடிவேது
    இரவும் பகலும் கலையே
    ஆ ஆஆ.. இருவர் நிலையும் சிலையே

    எத்தனை எளிமையான சொற்கள்.. நீங்களும் நானும் அன்றாடம் பயன்படுத்தும் சொற்களைக் கொண்டே.. கவி ஆட்சி நடத்துகின்றார்! பாடலை உணர்ந்து கேளுங்கள்.. காதலின் பவித்ரம் புரியும்!

    ஊடல் கொண்ட பெண்மை அங்கே தனியே நின்றது
    கூடல் கொள்ள மன்னன் உள்ளம் அருகே வந்தது

    கனகச்சிதமான வார்த்தைகள் நெருக்கமாய் தொடர்ந்துவர.. கவித்துவம் ததும்பி காதலைச் சொல்லி நமக்கு மயக்கம்தர..

    என்னடி விளையாட்டு என்று சொன்னவன் மொழி கேட்டு
    ஆசையில் விழுந்தேன் அங்கே
    ஆ ஆஆ.. காலையில் கனவுகள் எங்கே

    கனவா நனவா.. கவிதைச் சுவையா? பாட்டு ஒன்றுக்குள் பல்சுவை தருகின்ற பல்கலைக்கழகம் கண்ணதாசன் எனலாமா?

    கவிஞர் எழுதிய திரைப்பாடல்களின் பல்லவிகள் பல நேரங்களில் திரைப்படங்களாய் வெளியாகின என்பதற்கு சான்றுகள் பல உண்டு! இதோ அவ்வகையில் உன்னிடத்தில் என்னைக் கொடுத்தேன்..

    http://youtu.be/DFg_IWrwi5U
    காணொளி: http://youtu.be/DFg_IWrwi5U

     

    படம்: அவளுக்கென்று ஒரு மனம்
    எழுதியவர்: கண்ணதாசன்
    இசை: எம்.எஸ்.விஸ்வநாதன் – ராமமூர்த்தி
    பாடியவர்: எஸ்.ஜானகி
    …………………………………………………………………………..

    உன்னிடத்தில் என்னைக் கொடுத்தேன்
    உன்னை உள்ளமெங்கும் அள்ளித் தெளித்தேன்
    உன்னிடத்தில் என்னைக் கொடுத்தேன்
    உன்னை உள்ளமெங்கும் அள்ளித் தெளித்தேன்
    உறவினில் விளையாடி வரும் கனவுகள் பல கோடி
    உறவினில் விளையாடி வரும் கனவுகள் பல கோடி
    உன்னிடத்தில் என்னைக் கொடுத்தேன்
    உன்னை உள்ளமெங்கும் அள்ளித் தெளித்தேன்

    காற்றில் ஆடும் மாலை என்னைப் பெண்மையென்றது
    காற்றில் ஆடும் மாலை என்னைப் பெண்மையென்றது
    காதல் ஒன்றுதானே வாழ்வில் உண்மையென்றது
    காதல் ஒன்றுதானே வாழ்வில் உண்மையென்றது
    இதழுடன் இதழாட.. நீ இளமையில் நடமாடு
    நினைத்தால் போதும்.. வருவேன்
    ஆ ஆஆ.. தடுத்தால் கூட தருவேன்

    உன்னிடத்தில் என்னைக் கொடுத்தேன்
    உன்னை உள்ளமெங்கும் அள்ளித் தெளித்தேன்

    வெள்ளம் செல்லும் வேகம் எந்தன் உள்ளம் சென்றது
    வேகம் வந்த நேரம் இன்ப இல்லம் கண்டது
    இனியொரு பிரிவேது.. அந்த நினைவுக்கு முடிவேது
    இரவும் பகலும் கலையே
    ஆ ஆஆ.. இருவர் நிலையும் சிலையே

    உன்னிடத்தில் என்னைக் கொடுத்தேன்
    உன்னை உள்ளமெங்கும் அள்ளித் தெளித்தேன்

    ஊடல் கொண்ட பெண்மை அங்கே தனியே நின்றது
    ஊடல் கொண்ட பெண்மை அங்கே தனியே நின்றது
    கூடல் கொள்ள மன்னன் உள்ளம் அருகே வந்தது
    கூடல் கொள்ள மன்னன் உள்ளம் அருகே வந்தது
    என்னடி விளையாட்டு என்று சொன்னவன் மொழி கேட்டு
    ஆசையில் விழுந்தேன் அங்கே
    ஆ ஆஆ.. காலையில் கனவுகள் எங்கே

    உன்னிடத்தில் என்னைக் கொடுத்தேன்
    உன்னை உள்ளமெங்கும் அள்ளித் தெளித்தேன்
    உறவினில் விளையாடி வரும் கனவுகள் பல கோடி
    உன்னிடத்தில் என்னைக் கொடுத்தேன்
    உன்னை உள்ளமெங்கும் அள்ளித் தெளித்தேன்

     

    kannadasnmsv tkrjanakiAvalukendru Oru Manam

     

     

     

     

     

     
    கவிஞர்.காவிரிமைந்தன்
    துபாய்

    Share

  • அந்த மாப்பிள்ளை காதலிச்சான் …

    — கவிஞர் காவிரிமைந்தன்

    panam padaithavan
    மெல்லிசை மன்னர்கள் என்கிற பட்டம் சென்னை என்.கே.டி.கலா மண்டபத்தில் வழங்கப்பட்டது. நெற்றியிலே ஒரு திலகம் எப்படித் திகழுமோ அப்படி கவிஞர் வரையும் பாடல் வரிகளிலும் சில நட்சத்திரமாய் மின்னும். எழில் முகம், செவிகள், என ஏனைய இடங்களிலிருந்தாலும் பளிச்சென்று படுவது அந்தத் திலகம்தான்!

    அதுவும் அந்நாளில் கோலோச்சியிருந்த கவிஞர் கண்ணதாசன், விஸ்வநாதன் ராமமூர்த்தி ஆகிய இருவருக்கும் திருவல்லிக்கேணி என்.கே.டி.கலா மண்டபத்தில் நடைபெற்ற நிகழ்ச்சியில் மெல்லிசை மன்னர்கள் பட்டம் வழங்கியபோது ஆற்றிய உரையில் கற்பகம் திரைப்படத்தில் இடம்பெற்ற ஒரு பாடலைச் சுட்டிக்காட்டி புதிதாக வந்துள்ள கவிஞர் வாலி அவர்கள் எழுதிய இந்த வரிகள் தன்னைக் கவர்ந்தன என்று சபையில் எடுத்துரைத்து ‘மைவிழியில் வடம் புடிச்சான்’ என்கிற வரியை ரசித்துப்பாராட்டினார். இது கவிஞர் வாலி அவர்களின் கற்பனைக்கு கண்ணதாசன் தந்த பாராட்டு மொழியாகும்!

    இந் நிகழ்ச்சியில் விருதினை வாங்கிட வருகை தந்த மெல்லிசை மன்னர்கள் இருவரையும் அடையாளம் தெரியாததால் சபாக்காரர் உள்ளே விடவில்லை என்பதும் பிறகு அடையாளம் தெரிந்த ஒரு திரைப்பிரமுகர் தலையிட்டு அவர்களை உள்ளே அழைத்துச் சென்றதும் மறக்க முடியாதது! அந்த அளவு மக்கள் மத்தியில் வரும்போதும் எளிமையாக தோற்றமளித்த காரணத்தால் இப்படி ஒரு சம்பவம் நடந்தது!

    ‘பணம் படைத்தவன்’ திரைப்படத்தில் கவிஞர் வாலி அவர்களால் இயற்றப்பட்டு மக்கள் திலகம் எம்.ஜி.ஆர். அவர்களும் புன்னகை அரசி கே.ஆர்.விஜயா அவர்களும் இணைந்து நடித்த காட்சியில் பி.சுசீலா குரலில் இழைந்துவரும் இப்பாடல் தருகின்ற மயக்கம் கொஞ்சமல்ல! கவிஞரின் கற்பனை – பெண்மையின் குணங்களில் நான்கும் பேதையவளை படுத்தும்பாட்டை பாட்டில் நாகரீகச் சொல்லெடுத்து நயமாக வடித்துத் தந்துள்ளார்! பெண் தானிருக்கும் தனிமையில் பாடத்துவங்கும் இந்தப் பாட்டின் இடையே கதாநாயகன் வருவதையும் கவனியாமல் தொடர, நாயகனும் பாடலோடு இணைந்து டி.எம்.செளந்திரராஜன் குரலில் மெருகூட்டிய இப்பாடலைக் கேட்கும்போதெல்லாம் ஒருவித மயக்கம் வந்துவிடுகிறது பாருங்கள்! இப்போது பாடலை மறுபடி கேளுங்கள்!!

    http://youtu.be/ceF3fMieGqY
    காணொளி: https://www.youtube.com/watch?v=UUrzzPjerag

     

    படம்: பணம் படைத்தவன்
    பாடல்: வாலி
    இசை: விஸ்வநாதன் ராமமூர்த்தி
    குரல்: டி எம் எஸ், பி. சுசீலா
    ………………………………………………………………

    அந்த மாப்பிள்ளை காதலிச்சான்
    கையைப் புடிச்சான்
    என்னை கையை புடிச்சான்
    அங்கே முன்னால் நின்றேன்
    பின்னால் சென்றேன் வா வா என்றான்
    கூடவே வா வா என்றான்

    ஊர் அடங்கக் காத்திருந்தான்
    ஓய்வில்லாமே பார்த்திருந்தான்
    ஊர் அடங்கக் காத்திருந்தான்
    ஓய்வில்லாமே பார்த்திருந்தான்
    பால் பழத்தை வாங்கி வந்தான்
    பள்ளியரையின் வாசல் வந்தான்
    வெக்கதிலே நானிருந்தேன்
    பக்கத்திலே தானிருந்தான்

    அந்த மாப்பிள்ளை காதலிச்சான்

    கண்ணுறங்கப் பாய் விரிச்சான்
    கொடி இடையில் காய் பறிச்சான்
    கண்ணுறங்கப் பாய் விரிச்சான்
    கொடி இடையில் காய் பறிச்சான்
    குத்து விளக்கைக் கொறச்சி வைச்சான்
    கொதித்திருந்தேன் குளிர வைத்தான்
    வெட்கத்திலே நானிருந்தேன்
    பக்கத்திலே தானிருந்தான்

    ஓஓஓஓஓஓஓஓஓஓ

    மண்ணளந்த பார்வை என்ன
    மயங்க வைத்த வார்த்தை என்ன
    மண்ணளந்த பார்வை என்ன
    மயங்க வைத்த வார்த்தை என்ன
    முத்து நகையின் ஓசை என்ன
    மூடி வைத்த ஆசை என்ன
    என்னருகே பெண்ணிருந்தா
    பெண்ணருகே நானிருந்தேன்

    அந்தப் பூங்கொடி பூத்திருந்தா காத்திருந்தா
    என்னைப் பார்த்திருந்தா
    அங்கே கண்ணால் கண்டேன் பின்னால் சென்றேன்
    நீ தான் என்றேன் வாழ்வே நீ தான் என்றேன்

    கட்டழகைப் பார்த்து நின்னேன்
    கண்ணிரண்டில் பாடம் சொன்னேன்
    கட்டழகைப் பார்த்து நிண்னேன்
    கண்ணிரண்டில் பாடம் சொன்னேன்
    மொட்டு சிரித்தால் விட்டுக் கொடுத்தாள்
    தொட்டுக் கொடுத்தேன் தானும் கொடுத்தாள்
    அம்மம்மா என்ன சுகம்
    அத்தனையும் கன்னி சுகம்

    அந்தப் பூங்கொடி பூத்திருந்தா காத்திருந்தா
    என்னைப் பார்த்திருந்தா
    அங்கே கண்ணால் கண்டேன் பின்னால் சென்றேன்
    நீ தான் என்றேன் வாழ்வே நீ தான் என்றேன்

    vaali(1)visramtmsps3பணம் படைத்தவன்

     

    Share

  • ஞாயிறு ஒளிமழையில் …

    — கவிஞர்  காவிரிமைந்தன்.

    kamalahasan

     

    அழகியல்தன்னைப் படம்பிடிக்க நினையாதோர் யார்? இயற்கையின் படைப்பினில்தான் எத்தனை எத்தனை அழகு? இயற்கையை ரசிக்காத கலைஞன் இருக்க முடியுமா? அவன் கவிஞனாகவும் முடியுமா? இந்தக் கலவையின் பிரதிபிம்பம் .. ஆம்.. இயற்கையையும் தன் காதலியையும் இணைத்து கவிதைநடைபயில எழுத்துவடிவம் தந்திருக்கிறார் கவிஞர் நேதாஜி.

    GDevarajanஇசைவடிவம் தந்திருப்பவர் தேவராஜன். பாடியவர் உலக நாயகன் கமலஹாசன் என்பது மட்டுமல்ல.. அவர் பாடிய முதல் பாடல் என்பதும் இனிய சேதியாகும்.

    இளமையின் வனப்பை எடுத்துக்காட்டி அதை இயற்கையில் நனைத்திடும் புதிய பாணி பல்லவியாய் துவங்குகிறது.

    ஞாயிறு திங்களுடன் நடத்தும் பவனியிது. நாயகனின் உள்ளமெங்கும் ஊறித்திளைக்கும் அவன் நினைவுகள் நீராடிவரும் அழகைப் பாருங்கள்.. சரணங்களில்..

    முக்தா ஸ்ரீனிவாசன் இயக்கத்தில் அந்தரங்கம் திரைப்படத்தில் கமல்ஹாசனின் மிளிரும் நடிப்பில் இது ஒரு வெற்றிபெற்றப் பாடலாக…

    http://youtu.be/ROaQotQM1FM
    காணொளி: http://youtu.be/ROaQotQM1FM

     

    திரைப் படம்: அந்தரங்கம்
    பாடல்: கவிஞர் நேதாஜி
    இசை: ஜி தேவராஜன்
    குரல்: கமல்
    நடிப்பு: கமல், தீபா
    இயக்கம்: முக்தா S ஸ்ரீனிவாசன்
    ……………………………………………………………

    ஞாயிறு ஒளி மழையில்
    திங்கள் குளிக்க வந்தாள்
    நான் அவள் பூ உடலில்
    புது அழகினைப் படைக்க வந்தேன்

    ஞாயிறு ஒளி மழையில்
    திங்கள் குளிக்க வந்தாள்
    நான் அவள் பூ உடலில்
    புது அழகினைப் படைக்க வந்தேன்
    ஞாயிறு ஒளி மழையில்

    உலகெங்கும் பொங்கித் ததும்பும்
    அழகெந்தன் ஆணைக்கடங்கும்
    அங்கங்கு மெருகு படியும்
    அங்கங்கள் ஜாலம் புரியும்
    அங்கங்கள் ஜாலம் புரியும்

    ஞாயிறு ஒளி மழையில்
    திங்கள் குளிக்க வந்தாள்

    மன்மதனும் ரதியும் உன்னால்
    பொன் வதனம் பெற்றதென்னாள்
    ஊர்வசியும் இங்கு வந்தாள்
    பேரழகை வாங்கிச் சென்றாள்
    பேரழகை வாங்கிச் சென்றாள்

    ஞாயிறு ஒளி மழையில்
    திங்கள் குளிக்க வந்தாள்

    தங்கங்கள் இங்கு வருக
    தரம் இன்னும் அதிகம் பெறுக
    வைரங்கள் நம்பி வருக
    புது வடிவம் தாங்கிப் பொலிக
    புது வடிவம் தாங்கிப் பொலிக

    ஞாயிறு ஒளி மழையில்
    திங்கள் குளிக்க வந்தாள்
    நான் அவள் பூ உடலில்
    புது அழகினைப் படைக்க வந்தேன்
    ஞாயிறு ஒளி மழையில்

     

     

    Share

  • மெல்லப்போ.. மெல்லப்போ…

    கவிஞர் காவிரிமைந்தன்

    மெல்லப்போ.. மெல்லப்போ…

    ‘மெல்லிசை மன்னர்’ என்கிற பட்டம் எம்.எஸ்.விஸ்வநாதன் அவர்களுக்கு எப்படிப் பொருந்துகிறது என்பதற்கு இந்த ஒரு பாடல் ஒன்றே போதும் கட்டியங்கூற! பாடலின் இடையே பயன்படுத்தப்பட்டிருக்கும் வயலின் சோலோ.. பிரத்யேகமாக உபயோகப்படுத்தப்பட்டிருக்கும் வண்ணம் உச்சிமுகந்து பாராட்டச் சொல்கிறது!

    மென்மையான வார்த்தைகளைத் தந்து மெல்லிய பூங்காற்றுபோல இசையம் தொடர மென்மை என்பது என்ன என்பதை இப்பாடலில் கேட்டுத்தெரிந்து கொள்ளலாம். கவிதையில் இன்பம் இருக்கிறது என்கிறார்களே.. அது என்ன.? இப்பாடல் வரிகளைப் பார்த்தாலே சுகம் கிடைக்கிறது! கேட்டாலே பூரணம் பிறக்கிறது!

    தங்கத்தை அள்ளித்தர ஒரு மன்னனும் அதை வண்ணமுற ஆக்கித்தர ஒரு பொற்கொல்லனும் அமைந்துவிட்டால் வகைவகையாய் ஆபரணங்கள் வந்து சேராதா? அதுபோல் வார்த்தைகளை வரிவரியாய் வழங்கிட ஓர் வள்ளலும் அவற்றை ரகம்பிரித்து சுகம் சேர்க்கத் தெரிந்த மெல்லிசை மன்னரும் இணையும்போது இதுபோன்ற பாடல்கள் வந்திடுவதில் வியப்பென்ன?

    இனிவரும் காலங்களிலும் இதயங்கள் நெருங்கிடும் இனிய காதலர்கள் சுகம்பெற வேண்டுமெனில் சுவைத்துப்பாருங்கள் இப்பாடலை!

    Share

  • வான் நிலா நிலா அல்ல.. – உன் வாலிபம் நிலா..-

    கவிஞர் காவிரிமைந்தன்

     

    வான் நிலா நிலா அல்ல.. உன் வாலிபம் நிலா..

    கவிதாலயா நிறுவனத்தின் சார்பில் கே.பாலச்சந்தர் அவர்களின் இயக்கத்தில் வெளிவந்த படங்கள் பல. அவற்றுள் பட்டிணப்பிரவேசமும் ஒன்று! கவிதையும் இசையும் கைகுலுக்கும்! தரமான பாடல்கள் விருந்தாய் ரசிகர்களுக்குக் கிடைக்கும்! பாலச்சந்தர் அவர்களே பலமுறை சொன்னதுபோல் பாலச்சந்தரின் படங்கள் ஒருவேளை தோல்வி அடைந்திருக்கலாம். ஆனால், திரைப் பாடல்கள் எப்போதுமே வெற்றியடைந்திருக்கின்றன! அந்த வரிசையில் இதோ பட்டிணப்பிரவேசம்! பாலச்சந்தர் அவர்களுக்காகப் பாடல் எழுதுவதென்பது – தனி அலாதி! கண்ணதாசன் – ஒவ்வொரு முறையும் தேர்வினைச் சந்திப்பது போலிருக்கும் என்பார்! புதுமை, யுக்தி, அர்த்தங்கள்..ஆழங்கள்.. இவை யாவும் முத்திரை பதித்த பாடல்கள் பல நாம் கேட்டிருக்கிறோம். அவை உருவாகிடும் கட்டங்கள் எத்தனை சுவையானவை தெரியுமா?

    இயக்குனரும் இசை அமைப்பாளரும் அமர்ந்து பாடலின் பின்னணி பற்றிச் சொல்லி மெட்டமைக்கத் தொடங்குவார்கள். இதோ மெல்லிசை மன்னர் எம்.எஸ்.விஸ்வநாதன் அவர்களுடன் கே. பாலச்சந்தர். கதையின் சூழல், பாத்திரங்களின் பின்னணி இவை கதையை அடுத்த கட்டத்திற்கு எடுத்துச் செல்ல வலிமையான சாதனம் பாடல் என்கிற அடிப்படையில்.. உருவாக்கம் தொடங்குகிறது. சையின் வலிமை என்னவென்று அந்த இறைவனுக்கும் தெரியும் என்பார்! விஸ்வநாதன் விரல்கள் ஆர்மோனியத்தில் நர்த்தனமாட பிறக்கிறது ஒரு புதிய மெட்டு! அடடா.. அடடா.. என்றே அதை ஆமோதிக்கிறார் இயக்குனர் பாலச்சந்தர். இதற்கு அப்படியே வார்த்தைகளை இன்று கவிஞரிடம் பெற்றுவிட வேண்டும் என்று முடிவு செய்கின்றனர். அதே நேரத்தில் கவிஞரும் வந்து சேர்கிறார்! தானமைத்த மெட்டை எம்.எஸ்.வி. (M – Stands for MUSIC, S – Stands for Sound and V – Stands for Voice) பாடிக்காட்டுகிறார்!

    நா..ந..ந..ந..ந..நன்னா.. நா..நா..நா..நா..
    நா..ந..ந..ந..ந..ந… நன்னா நன்னா..
    இப்படிப் போகிறது மெட்டு! கவிஞர் கேட்டுக்கொள்கிறார். என்னடா நீ பாட்டுக்கு நா.. நா.. என்று இழுத்துக் கொண்டே போறே.. என்ன அர்த்தம்? சரியா சந்தம் கொடு என்கிறார். இயக்குனரும் இசையமைப்பாளரும் தங்கள் நிலையில் இருந்து மாறாமல்.. பாட்டுக்கிடைக்கவில்லையே என்கிற அவஸ்தையில்.. கவிஞரை சீண்டிவிட்டாவது.. பாட்டு எழுதி வாங்கிவிட வேண்டுமென .. என்ன கவிஞரே..இந்த மெட்டுக்கெல்லாம் பாட்டெழுதிடலன்னா.. நீயெல்லாம் ஒரு கவிஞரா? எனத் தூண்டி விடுகிறார் மெல்லிசை மன்னர்.

    கவிஞர் சந்தத்தை மாற்றிக் கேட்டபடி.. ‘நா’ என்பதற்குப் பதிலாக..
    ‘ல’ என மாற்றிப் பாடிக் காட்டுகிறார். அவ்வளவுதான்..
    வான் நிலா.. நிலா.. அல்ல.. உன் வாலிபம் நிலா..
    பாடல் முழுவதும் உருப்பெறுகிறது .. கங்கை வெள்ளம் போல..

    கட்டிலா .. தொட்டிலா.. மொட்டிலா..
    எண்ணிலா ஆசைகள் கொண்டதே அதைச் சொல்வாய் வெண்ணிலா!
    பம்மலில் நடைபெற்ற கண்ணதாசன் தமிழ்ச்சங்கத்தின் இரண்டாம் ஆண்டுவிழாவில் 11.07.1993 அன்று முதல் முறையாக ‘கண்ணதாசன் விருது’ பெற்ற மெல்லிசை மன்னர் எம்.எஸ்.விஸ்வநாதன் அவர்கள் வழங்கிய ஏற்புரை.. முக்கனி விருந்தைப்போல் இனிப்பானது! ஆம்.. அவர் ஏற்புரையை மட்டும் வழங்கவில்லை.. அதனை இசையுரையாய் அமைத்துத் தந்தார்! மக்கள் வெள்ளம் மகிழ்ச்சிக் கடலில் மூழ்கியது!

    அப்போது இந்தப் பாடல் பிறந்த கதைபற்றி (மேலே குறிப்பிட்ட விஷயத்தைப் பகிர்ந்தார்) முன்னுரை தந்து இந்தப் பாடலை மேடையில் வழங்கினார்.
    மேலும்.. இப்பாடலில் Father in law, Mother in law, Sister in law மட்டும்தான் இல்லை என்று நயமாக குறிப்பிட்டார்.
    எந்தப் பாடலையும் தன் சொந்தப்பாடலாக்கும் வல்லமை கொண்ட எஸ்.பி.பால சுப்பிரமணியம் குறிப்பாக இந்தப் பாடலைக் கொஞ்சியபடி பாடும் விதம் அசத்தலானது! அருமையானது! ஒவ்வொரு மேடைநிகழ்ச்சியிலும் இந்தப் பாடல் அனைவரது விருப்பப்பாடலாய்! ஆம் .. இன்றைக்கும் நமக்கான நேயர் விருப்பமாய் ஒலிக்கிறது!

    பாடல் பிரபலமான சமயம்.. மறைந்த ஆந்திரமுதல்வர் என்.டி.ராமாராவ் அவர்களுக்கு இந்தப் பாடல் மிகவும் பிடித்துப்போக .. அவர் நடித்த தெலுங்கு திரைப்படம் ஒன்றில் இதே இசைக் கோர்வையோடு இடம்பெற்ற செய்தியும் உண்டு!ள

    வான் நிலா நிலா அல்ல – உன் வாலிபம் நிலா
    தேன் நிலா எனும் நிலா – என் தேவியின் நிலா
    நீயில்லாத நாளெல்லாம் – நான் தேய்ந்த வெண்ணிலா
    மானிலாத ஊரிலே சாயல் கண்ணிலா?
    பூவிலாத மண்ணிலே ஜாடை பெண்ணிலா?

    (வான் நிலா நிலா அல்ல)

    தெய்வம் கல்லிலா? – ஒரு தோகையின் சொல்லிலா?
    பொன்னிலா? பொட்டிலா? புன்னகை மொட்டிலா?
    அவள் காட்டும் அன்பிலா?
    இன்பம் கட்டிலா அவள் தேகக் கட்டிலா?
    தீதிலா காதலா ஊடலா கூடலா?
    அவள் மீட்டும் பண்ணிலா?

    (வான் நிலா நிலா அல்ல)

    வாழ்க்கை வழியிலா? ஒரு மங்கையின் ஒளியிலா?
    ஊரிலா? நாட்டிலா? ஆனந்தம் வீட்டிலா?
    அவள் நெஞ்சின் ஏட்டிலா?
    சொந்தம் இருளிலா? ஒரு பூவையின் அருளிலா?
    எண்ணிலா ஆசைகள் என்னிலா கொண்டது ஏன்?
    அதைச் சொல்வாய் வெண்ணிலா!

    (வான் நிலா நிலா அல்ல)

    படம்: பட்டிணப் பிரவேசம்
    இசை: M.S.விஸ்வநாதன்
    பாடல்: கண்ணதாசன்
    பாடியவர்: S.P.பாலசுப்ரமணியம்

    Share

  • சின்னக் கண்ணன் அழைக்கிறான் …

    கவிஞர் காவிரிமைந்தன்

    கவிக்குயில் திரைப்படத்தில் .. சிவகுமார்.. ஸ்ரீதேவி நடிப்பில்.. இளையராஜா நடத்தியிருக்கும் இசை மழை..  பஞ்சு அருணாசலம்.

    பிரபல கர்நாடக சங்கீத வித்வான் பத்மஸ்ரீ பாலமுரளி கிருஷ்ணா பாடிய பாடலை ஒரு முறையும் எஸ். ஜானகி குரலில் மற்றொரு முறையும் ஒலிக்கும் இப்பாடல் கேட்டு உருகாதார் எவரிங்கே? 72 மேளகர்த்தா ராகங்களில் நெஞ்சினில் உள்ளாடும் ராகம் இதுவோ?

    கதையின்படி.. நாயகியின் மனதில் உள்ள ராகத்தை நாயகன் கண்டுபிடிக்க வேண்டும். முதல் முறை சரியாக நாயகன் கண்டுபிடிக்கவில்லை. மறுமுறை.. நாயகின் முனகல் அவன் காதுகளுக்கு எட்டிவிட ஏகாந்தமாய் தொடங்குகிறான்… அவள் மனதில் குடி கொண்டிருந்த ரீதிகௌளை ராகத்தை..

    சுகமான ஸ்வரங்களின் லய நயங்கள்.. கூடிவர உணர்ச்சியின் மைய மண்டபம் உஷ்ணமாகிறது.
    அழகு மயில் ஸ்ரீதேவி .. ராதை வேடம் அணிந்து ஆடி வர…கண்ணன் வேடத்தில் சிவகுமார் புல்லாங்குழல் முழங்க..
    பாடலில் அங்கிருக்கும் ஜீவராசிகளும் மயங்கிக் கிடக்க .. காற்றினில் அந்த கானம் வருகிறது.. கண்ணன் பாடும் பாடல் என்பதால் காதல் வண்ணம் படுவதில் ஒன்றும் வியப்பில்லை!

    சின்னக் கண்ணன் அழைக்கிறான்!

    சின்னக் கண்ணன் அழைக்கிறான்!
    ராதையை, பூங் கோதையை,
    அவள் மனம் கொண்ட ரகசிய ராகத்தைப் பாடிச்
    சின்னக் கண்ணன் அழைக்கிறான்!
    சின்னக் கண்ணன் அழைக்கிறான்!

    கண்கள் சொல்கின்ற கவிதை
    இளம் வயதில் எத்தனை கோடி?
    என்றும் காதலைக் கொண்டாடும் காவியமே
    புதுமை மலரும் இனிமை!
    அந்த மயக்கத்தில் இணைவது உறவுக்குப் பெருமை!
    (சின்னக் கண்ணன்)

    நெஞ்சில் உள்ளாடும் ராகம்
    இது தானா கண்மணி ராதா?
    உன் புன்னகை சொல்லாத அதிசயமா?
    அழகே இளமை ரதமே!
    அந்த மாயனின் லீலையில் மயங்குது உலகம்!
    (சின்னக் கண்ணன்

    Share