Category: கவியரசு கண்ணதாசன்

–நீலமேகம் ராமலிங்கம் சஹஸ்ரநாமன்.

கவிஞர் வைரமுத்து அவர்கள் 1985 ஆம் ஆண்டு , ‘படிக்காதவன்’ திரைப்படத்திற்காக ‘ ஒரு கூட்டுக் கிளியாக, ஒரு தோப்புக் குயிலாக பாடு, பண் பாடு’ என்ற பாடலை எழுதினார். அன்று மகாகவி பாரதியார் ‘குயில்’ பாட்டை எழுதினார். இன்று, கவிஞர் வைரமுத்து ‘ ஒரு கூட்டுக் கிளியாக, ஒரு தோப்புக் குயிலாக பாடு, பண் பாடு’ என்று கூறியுள்ளார்கள். இசை ஞானி இளையராஜா இசை அமைத்திருந்தார். மலேசியா வாசுதேவன் அவர்கள் பாடினார்.

நாம் செல்லும் வழியில் பல்வேறு இன்னல்கள், தடைகள், பள்ளங்கள் வரலாம். நமது உள்ளத்திலும் சலனங்கள், கவலைகள், பயம் போன்றவை வரலாம். கவிஞர் வைரமுத்து அவர்கள் நேர்மையாகவும், தர்மத்தை மீறாமலும் இருக்க வேண்டும் என்று நயம்படக் கூறுகின்றார்.

‘சத்தியத்தை நீங்கள் காத்திருந்தால் சத்தியம் உங்களைக் காத்திருக்கும்’ … கவிஞர் வைரமுத்துவின் சத்திய வரிகள் நிச்சயமாக நமது வாழ்க்கையின் வெற்றிக்கு உறுதுணையாக இருக்கும். இதோ கவிஞர் வைரமுத்துவின் பாடல் வரிகள் …

ஒரு கூட்டுக் கிளியாக, ஒரு தோப்புக் குயிலாக பாடு, பண் பாடு
இரை தேடப் பறந்தாலும் திசை மாறித் திரிந்தாலும் கூடு, ஒரு கூடு
என்னென்ன தேவைகள் அண்ணனைக் கேளுங்கள்

செல்லும் வழியெங்கெங்கும் பள்ளம் வரலாம்
உள்ளம் எதிர்பாராமல் வெள்ளம் வரலாம்
நேர்மை அது மாறாமல் தர்மம் அதை மீறாமல்
நாளும் நடை போடுங்கள் ஞானம் பெறலாம்

சத்தியத்தை நீங்கள் காத்திருந்தால்
சத்தியம் உங்களைக் காத்திருக்கும்
தாய் தந்த அன்புக்கும் நான் தந்த பண்புக்கும்
பூமாலை காத்திருக்கும்

நெல்லின் விதை போடாமல் நெல்லும் வருமா
வேர்வை அது சிந்தாமல் வெள்ளிப் பணமா
வெள்ளை இளஞ் சிட்டுக்கள் வெற்றிக் கொடி கட்டுங்கள்
சொர்க்கம் அதைத் தட்டுங்கள், விண்ணைத் தொடுங்கள்

பேருக்கு வாழ்வது வாழ்க்கையில்லை
ஊருக்கு வாழ்வதில் தோல்வியில்லை
ஆனந்தக் கண்ணீரில் அபிஷேகம் நான் செய்தேன்
என் கண்ணில் ஈரமில்லை

காணொளி: https://youtu.be/wJ9AnV-yjeA

–நீலமேகம் ராமலிங்கம் சஹஸ்ரநாமன்.

கவிஞர் வைரமுத்து ”ஒருவன் ஒருவன் முதலாளி,” என்ற பாடலை 1995 ஆம் ஆண்டு, சூப்பர் ஸ்டார் ரஜினிகாந்த் கதாநாயகனாக நடித்த ‘முத்து’ திரைப்படத்திற்காக எழுதினார். ஆஸ்கர் விருது, பத்ம பூஷண் விருது பெற்ற ஏ. ஆர். ரகுமான் இசை அமைத்திருந்தார். எஸ். பி. பாலசுப்பிரமணியன் பாடிய பாடலிது.

விதியை மதியால் வெல்லலாம் என்பது எல்லோரும் அறிந்ததே. நமது கவிஞர் வைரமுத்து அவர்கள் ‘விதியை நினைப்பவன் ஏமாளி அதை வென்று முடிப்பவன் அறிவாளி” என்று மிக நேர்த்தியாகக் கையாண்டிருக்கிறார். அதாவது இதன் பொருள், எல்லாம் என் தலைவிதி என்று சோம்பேறியாக இருந்து விடக்கூடாது என்பதுதான். நம் தலை விதியை நாம் தான் தீர்மானிக்கிறோம்.

ஆசையை அறவே ஒழிக்க வேண்டும் என்று இந்திய மண்ணில் பிறந்த புத்தபிரான் கூறினார். இதைத்தான் கவிஞர் அவர்கள் “ஆசை துறந்தால் அகிலம் உனக்கு” என்று கூறுகிறார். சாவி காணாமல் போனால் பூட்டை உடைப்பதற்குச் சுத்தியல், கோடாரி போன்றவை தேவைப்படலாம். ஆனால் பூப்பறிக்கக் கோடாரி தேவை இல்லை. நமது கைகளாலே பறித்து விடலாம்.

நம் + கை = நம்பிக்கை… யானையின் பலம் தும்பிக்கையிலே, மனிதனின் பலம் நம்பிக்கையிலே. மனிதனின் மனம் மண்தான் கடைசியில் ஜெயிக்கும் என்பதை உணர மறுக்கிறது என்று கூறுகிறார். “வாழ்வின் அர்த்தம் புரிந்துவிடு, வாழ்க்கையை வாழ்க்கையை வாரிக் குடித்துவிடு” என்னும் வரி சொல்வது நமது வாழ்க்கையில் துன்பம் ஒரு செயற்கையான நிகழ்வாகும் என்பதை.

இதோ , கவிஞர் வைரமுத்துவின் ”ஒருவன் ஒருவன் முதலாளி” பாடலின் வரிகள் …

ஒருவன் ஒருவன் முதலாளி
உலகில் மற்றவன் தொழிலாளி
விதியை நினைப்பவன் ஏமாளி
அதை வென்று முடிப்பவன் அறிவாளி

பூமியை வெல்ல ஆயுதம் எதற்கு
பூப்பறிக்கக் கோடரி எதற்கு
பொன்னோ பொருளோ போர்க்களம் எதற்கு
ஆசை துறந்தால் அகிலம் உனக்கு

சைய்யச் சைய்யார சைய்யார சைய்ய …
சைய்யச் சைய்யார சைய்யார சைய்ய …

மண்ணின் மீது மனிதனுக்காசை
மனிதன் மீது மண்ணுக்காசை
மண்தான் கடைசியில் ஜெயிக்கிறது
இதை மனம்தான் உணர மறுக்கிறது
கையில் கொஞ்சம் காசு இருந்தால்
நீதான் அதற்கு எஜமானன்
கழுத்து வரைக்கும் காசு இருந்தால்
அதுதான் உனக்கு எஜமானன்
வாழ்வின் அர்த்தம் புரிந்துவிடு
வாழ்க்கையை வாரிக் குடித்துவிடு
(ஒருவன் ஒருவன் முதலாளி)

வானம் உனக்குப் பூமியும் உனக்கு
வரப்புகளோடு சண்டைகள் எதற்கு
வாழச் சொல்லுது இயற்கையடா
வாழ்வில் துன்பம் செயற்கையடா
பறவைகள் என்னைப் பார்க்கும்போது
நலமா நலமா என்கிறது
மொட்டுக்கள் மெல்லத் திறக்கும்போது
முத்து முத்து என்கிறதே
இளமை இனிமேல் போகாது
முதுமை எனக்கு வாராது
(ஒருவன் ஒருவன் முதலாளி)

காணொளி: https://youtu.be/NXiD9eGaEEI

https://youtu.be/NXiD9eGaEEI

— கவிஞர் காவிரிமைந்தன்.

கிருஷ்ணா முகுந்தா முராரி …

திரைத்துறையில் நடிப்புலகில் பிரபலமாய் இருந்தவர்கள் அன்றைய காலகட்டத்தில் பாடல் பாடத் தெரிந்தவர்களாகவும் இருக்க வேண்டும் என்கிற எழுதப்படாத விதி இருந்தது. அப்படிப்பட்டவர்கள் கர்நாடக இசையில் விற்பன்னர்களாகவும் இருந்தது தவிர்க்க இயலாத தகுதியாகவும் இருந்தது.

குறைந்தது பாடலாசிரியர் எனப்படுபவர் மெத்த இசையறிவு உடையவராக இருந்தார்கள். அவ்வரிசையில் 1944ல் வெளியான ஹரிதாஸ் திரைப்படத்தின் இப்பாடலை இயற்றிய பாபநாசம் சிவன் அவர்களும், இப்பாடலுக்கு நம் நாட்டின் தொன்மை மாறாத இசையமைப்பு தந்த மேதை ஜி.ராமனாதன் அவர்களும், இணைந்து பாடலைப் பாடியவர் எம்.கே. தியாகராஜ பாகவதர் அவர்களும் இருந்தார்கள்.

மணக்கும் இசையில் முகிழ்த்த மலர்போல் இந்தப்பாடல் எத்தனைத் தலைமுறைகளைத் தாண்டி தமிழ்மண்ணில் கேட்கப்படுகிறது என்று பார்த்தால் அது பிரம்மாண்ட வெற்றியின் அடையாளமாய் காட்சியளிக்கிறது!

தூய்மையான தமிழ் மொழியில் பாடல்கள் அருகியிருந்த காலம், ஆதலால் வடமொழிச் சொற்களின் கலப்பில் புனையப்பட்ட பாடலாய் இருந்தபோதும், இசையின் கவர்ச்சியாலும், குரலின் ஈர்ப்பினாலும், திரையில் தோன்றிய நாயகன் தங்கள் உள்ளத்தைக் கவர்ந்தவன் என்பதாலும் இப்பாடல் பரிபூரண வெற்றியடைந்தது!

கிருஷ்ணா முகுந்தா முராரி …
திரைப்படம்: ஹரிதாஸ்
இயற்றியவர்: பாபநாசம் சிவன்
இசை: ஜி. ராமநாதன்
பாடியவர்: எம்.கே. தியாகராஜ பாகவதர்
___________________________________________

கிருஷ்ணா! … முகுந்தா! … முராரி! …
கிருஷ்ணா முகுந்தா முராரி – ஜெய
கிருஷ்ணா முகுந்தா முராரி – ஜெய
கிருஷ்ணா முகுந்தா முராரி – ஜெய
கிருஷ்ணா முகுந்தா முராரி
கருணா சாகர கமலா நாயக
கருணா சாகர கமலா நாயக
கனகாம்பர தாரி கோபாலா
கனகாம்பர தாரி கோபாலா
கிருஷ்ணா முகுந்தா முராரி

காளிய மர்த்தன கம்சனி தூஷன
காளிய மர்த்தன கம்சனி தூஷன
கமலாயத நயனா கோபாலா
கமலாயத நயனா கோபாலா
கிருஷ்ணா முகுந்தா முராரி

குடில குண்டலம் குவலய தளநீலம்
மதுரமுரளீ ரவலோலம்
கோடி மதன லாவண்யம்
கோபி புண்யம் பஜா கோபாலம்
கோபி ஜன மன மோகன வியாபக
கோபி ஜன மன மோகன வியாபக
கோபி ஜன மன மோகன வியாபக
குவலய தள நீலா கோபாலா
குவலய தள நீலா கோபாலா
குவலய தள நீலா கோபாலா
கிருஷ்ணா முகுந்தா முராரி – ஜெய
கிருஷ்ணா முகுந்தா முராரி முராரி!

காணொளி: https://www.youtube.com/watch?v=1LZGwwdGvAA

–கவிஞர் காவிரிமைந்தன்.

பாடும்போது நான் தென்றல்காற்று …

‘நேற்று இன்று நாளை’ திரைப்படத்தில் மக்கள் திலகம் பாடுகின்ற முதல் பாடலாக, மென்மையை மேன்மையாக்கிக்காட்டும் பிரத்தியேக முயற்சியில் புலவர் புலமைப்பித்தனும் மெல்லிசை மன்னரும் ஒருசேர வெற்றி பெற்றிருக்கிறார்கள். பாடும் நிலா பாலு பாடிய இசை அமுதமிது! எத்தனை முறை கேட்டாலும் சலிக்காது! மஞ்சள் நிறத்தில் தன் மன்னவன் தோன்ற, கதையின் நாயகி அவனது அன்பில் மலர்ந்த பூவாய் அவன் கரங்களில் தவழ, எண்ணங்களில் எல்லாம் எழுதிவைத்த வரிகள்போல் இதமான வார்த்தைகளால் இங்கே தவழும் தென்றல் காற்று இது!

பாடும்போது நான் தென்றல்காற்று
பருவமங்கையோ தென்னங்கீற்று
நான் வரும்போது ஆயிரம் பாடல்
பாடவந்ததென்ன
நெஞ்சம் ஆசை கொண்டதென்ன?
பாடும்போது நான் தென்றல்காற்று
பருவமங்கையோ தென்னங்கீற்று

மெல்லிய பூங்கொடி வளைத்து
மலர்மேனியைக் கொஞ்சம் அணைத்து
இதழில் தேனைக்குடித்து
ஒரு இன்பநாடகம் நடித்து
எங்கும் பாடும் தென்றல் காற்றும்
நானும் ஒன்றுதானே இன்ப நாளும் இன்றுதானே
பாடும்போது நான் தென்றல்காற்று
பருவமங்கையோ தென்னங்கீற்று

எல்லைகள் இல்லா உலகம்
என் இதயமும் அதுபோல் நிலவும்
புதுமை உலகம் மலரும்
நல்லப் பொழுதாய் யாருக்கும் புலரும்
யாரும் வாழப் பாடும் காற்றும்
நானும் ஒன்றுதானே
இன்ப நாளும் இன்றுதானே

நம்பிக்கையை நாளும் மக்கள் நெஞ்சில் விதைக்க ஒரு கலைஞன் தன் வாழ்நாள் முழுவதும் பாடுபட்டான் என்றால் அது மக்கள்திலகமாகத்தான் இருக்க முடியும்! ஆம், காதல் பாடலில்கூட ‘புதுமை உலகம் மலரும் நல்ல பொழுதாய் யாருக்கும் புலரும்’ என்று வாய்மொழிகின்றானே புலவரின் கைவண்ணத்தில்!

காணொளி: https://www.youtube.com/watch?v=N_-1NVU1fqo

https://www.youtube.com/watch?v=N_-1NVU1fqo

— கவிஞர் காவிரிமைந்தன்.

பூவண்ணம் போல நெஞ்சம் …

அழியாத கோலங்கள் திரைப்படத்தில் இடம்பெற்ற பாட்டு! இந்திப்பட இசை அமைப்பாளர் சலீல் செளத்ரி இசையில் பிரதாப்போத்தன் – ஷோபா நடிப்பில், ஜெயச்சந்திரன் பி.சுசீலா பாடிய பாடலாய், பூவண்ணம் போல நெஞ்சம்… இளம்காதலர்களின் இனிய உரையாடல்கள் தொடர்ந்தவண்ணமிருக்க, சின்னஞ்சிறு சிரிப்பும் சந்தோஷப்பூக்களும் சிதற, உதடுகளின் அசைவுகள் இன்றி பின்னணியில் மட்டும் குரல்சேர்ப்பு நடக்கிறது.

மெளனங்களால் வரையப்பட்ட காதல் கவிதைக்குச் சுகமான மெட்டமைத்து, வார்த்தைப் பூக்களை வார்த்தளித்திருக்கிறார் கவிஞர் கங்கை அமரன். இனிமை தவழும் இளமை ததும்பும் பாடலில் இன்பம் குறைவில்லாமல், இசையால் ஆபரணம் கட்டியிருக்கிறார்கள் சலீல் செளத்ரி.

காதலின் அடர்த்தி அதிகமாகும்போது சொந்தங்கள் இந்தப் பிறவியும் தாண்டி ஏழேழு பிறவிகளிலும் தொடர வேண்டும் என்கிற ஆவலைப் பதிவு செய்யத் தவறுவதில்லை. மலர்களின் இதழ்விரிப்புகூட மெளனமாய்தான் நடக்கிறதல்லவா? பெண்மையின் நளினங்கள் இன்பம் கூட்டும் காதலிலே எத்தனை ரசங்கள்? ஆண் இதனை அனுபவிக்கவே பிறந்தானோ? பெண் இதனைப் பரிசளிக்கவே பிறந்தாளோ? இருவரின் கூடலில் இன்பத்தின் கொள்ளையிதோ. பாடலிலே வார்த்தைகளால் பரிமாறப்பட்டிருக்கிறது!

படர்ந்துவிடும் கொடிபோல் பாவை தலைவன் மடியில் சாய, தொடர்ந்து வரும் இன்பங்கள்பற்றி விரிவுரை தேவையில்லை. ஷோபாவின் எதார்த்த நடிப்பில் காதல் கவரிவீசுகிறது!!!

ஆண்:
பூவண்ணம் போல நெஞ்சம்
பூபாளம் பாடும் நேரம் பொங்கி நிற்கும் தினம்
எங்கெங்கும் இன்ப ராகம் என்னுள்ளம் போடும் தாளம்

பெண்:
பூவண்ணம் போல நெஞ்சம்
பூபாளம் பாடும் நேரம் பொங்கி நிற்கும் தினம்
எங்கெங்கும் இன்ப ராகம் என்னுள்ளம் போடும் தாளம்

ஆண் – பெண்: பூவண்ணம் போல நெஞ்சே… ஹே… ஏஹே…

ஆண்: ஆஹாஹா…

பெண்: ஆஹாஹா…

பெண்:
இனிக்கும் வாழ்விலே என் சொந்தம் நீ
எனக்குள் வாழ்ந்திடும் என் தெய்வம் நீ

ஆண்:
பிறக்கும் ஜென்மங்கள்
பிணைக்கும் பந்தங்கள் என்றென்றும் நீ

பெண்:
இனிக்கும் வாழ்விலே என் சொந்தம் நீ
எனக்குள் வாழ்ந்திடும் என் தெய்வம் நீ

ஆண்:
பிறக்கும் ஜென்மங்கள்
பிணைக்கும் பந்தங்கள் என்றென்றும் நீ

பெண்:
இணைந்த வாழ்வில் பிரிவும் இல்லை
தனிமையும் இல்லை

ஆண்:
பிறந்தால் எந்த நாளும்
உன்னோடு சேர வேண்டும்

பெண்:
பூவண்ணம் போல நெஞ்சம்

ஆண்:
பூபாளம் பாடும் நேரம் பொங்கி நிற்கும் தினம்

பெண்:
எங்கெங்கும் இன்ப ராகம்
என்னுள்ளம் போடும் தாளம்

ஆண் – பெண்: பூவண்ணம் போல நெஞ்சே… ஹே… ஏஹே…

ஆண்:
படிக்கும் பாடமோ உன் உள்ளங்கள்
துடிக்கும் வேகமோ என் வெள்ளங்கள்

பெண்:
கனிக்குள் வாட்டங்கள்
அணைக்கும் ஊட்டங்கள் என் இன்பங்கள்

ஆண்:
படிக்கும் பாடமோ உன் உள்ளங்கள்
துடிக்கும் வேகமோ என் வெள்ளங்கள்

பெண்:
கனிக்குள் வாட்டங்கள்
அணைக்கும் ஊட்டங்கள் என் இன்பங்கள்

ஆண்:
இணையும்போது இனிய எண்ணம்
என்றும் நம் சொந்தம்

பெண்:
இமைக்குள் ஏழு தாளம்
என்றென்றும் காண வேண்டும்

ஆண்:
பூவண்ணம் போல நெஞ்சம்

பெண்:
பூபாளம் பாடும் நேரம்
பொங்கி நிற்கும் தினம்

ஆண்: எங்கெங்கும் இன்ப ராகம்
என்னுள்ளம் போடும் தாளம்

ஆண் – பெண்: பூவண்ணம் போல நெஞ்சே… ஹே… ஏஹே…
ஹே… ஏஹே… ஹே… ஏஹே…

காணொளி: https://www.youtube.com/watch?v=0hNP6lc52tM

https://www.youtube.com/watch?v=0hNP6lc52tM

— கவிஞர் காவிரிமைந்தன்.

இதய வானின் உதய நிலவே …

கவிஞர் விந்தனின் வரிகளுக்கு இசையமைத்திருக்கிறார் வேதா, 1950ல் வெளியான பார்த்திபன் கனவு திரைப்படத்திற்காக ஏ.எம்.ராஜா, பி.சுசீலாவுடன் இணைந்து பாடிடும் இப்பாடல் அமைதியாக ஆனந்தமாகக் கேட்கப்பட வேண்டிய ஜீவராகம்!

மனதில் தோன்றியதெல்லாம் பாடலில் சொல்லப்பட்ட விஷயங்களாய் ஆரம்போல் கோர்த்துநிற்கும் அழகிய பாடல்!

காட்சியமைப்பில் இயல்பாய் தன் உணர்வுகளை வெளிப்படுத்தும் தாரகையாய் வைஜயந்தி மாலா எழிலான முகத்தில் ஏக்கங்களைக் காட்டும் தலைவியாக ஒருகரையில் தவிக்க, தலைவன் மறுகரையில் தலைவியின் வினாக்களுக்கு விடை தருகின்றான்.

கண்டும் காணாதேங்கும் கண்கள் காதல் கண்களோ? காதல் கண்களோ? என்கிற இடம் அருமை!

பறந்துவந்த உன்னைத் தழுவ
பாழும் சிறகு இல்லையே பாழும் சிறகு இல்லையே
என்கிற பரிதவிப்பைப் படம்பிடிக்கும் வரிகள்…

தக்கதோர் இசையில் மனதை வருடும் பாடலிது. மறக்காமல் கேட்பது சுகம்தரும்! பார்த்திபன் கனவிற்காக…

இதய வானின் உதய நிலவே
எங்கே போகிறாய் நீ எங்கே போகிறாய்?
ஒளியிலாத உலகம் போல
உள்ளம் இருளுதே என் உள்ளம் இருளுதே

கண்கள் செய்த பாவம் உன்னை
கண்டும் காணாதேங்குதே கண்டும் காணாதேங்குதே
பாய்விரித்துக் கப்பல் செல்ல
பாவி நெஞ்சம் துடிக்குதே பாவி நெஞ்சம் துடிக்குதே
இதய வானின் உதய நிலவே
எங்கே போகிறாய் நீ எங்கே போகிறாய்?

இருளகற்றும் ஒளியென்றென்னை
எண்ணும் நீ யாரோ எண்ணும் நீ யாரோ ?
கண்டும் காணாதேங்கும் கண்கள்
காதல் கண்களோ காதல் கண்களோ ?
இதய வானின் உதய நிலவே
எங்கே போகிறேன் நான் எங்கே போகிறேன் ?

ஆசை நெஞ்சின் நேசக் கரங்கள்
அணைக்க உன்னை நீளுதே அணைக்க உன்னை நீளுதே
பறந்து வந்து உன்னைத் தழுவ
பறந்து வந்து உன்னைத் தழுவ
பாழும் சிறகு இல்லையே பாழும் சிறகு இல்லையே
இதய வானின் உதய நிலவே
எங்கே போகிறாய் நீ எங்கே போகிறாய்?

பாடல்: இதய வானின்
திரைப்படம்: பார்த்திபன் கனவு (1950)
இயற்றியவர்: விந்தன்
இசை: வேதா
பாடியவர்: பி.சுசீலா, ஏ.எம். ராஜா
காணொளி: https://youtu.be/OxB4mWC3vQo

https://youtu.be/OxB4mWC3vQo