Category: இணையவழி பயன்பாடுகள்

பென்டிரைவ்களுக்கான Recycle Bin – iBin

– எஸ். நித்யலக்ஷ்மி

Recycle Bin பற்றி நாம் அனைவருக்கும் தெரியும். நாம் டெலிட் செய்யும் ஃபைல்கள் தற்காலிகமாக இங்கே இருக்கும். நாம் தவறுதலாக டெலிட் செய்யும் ஃபைல்களை இங்கிருந்து எடுத்து விடலாம். ஆனால் பென்டிரைவ் உபயோகிப்பவர்கள் பென்டிரைவ்வில் இருந்து டெலிட் செய்த ஃபைல்களை நாம் மீட்டெடுக்க File Recovery மென்பொருள்கள் பயன்படுத்த வேண்டும். iBin என்ற இந்த மென்பொருள் பென்டிரைவ்களுக்கு Recycle Bin போலச் செயல்படுகிறது.

முதலில் iBin டவுன்லோட் செய்து அதில் உள்ள iBin.exe என்ற ஃபைலை உங்கள் பென்டிரைவ்வில் copy செய்து கொள்ள வேண்டும். இது வெறும் 218kb அளவு கொண்டதுதான். முதன்முதலில் ஒரு ஃபைலை டெலிட் செய்யும் போது iBin உங்கள் பென்டிரைவ்வில் உள்ள கோப்பை டெலிட் செய்து விடவா? அல்லது iBin ஃபோல்டரில் தற்காலிகமாக வைத்துக் கொள்ளவா? எனக் கேட்கும். Dump into iBin என்பதை கிளிக் செய்தால் உங்கள் பென்டிரைவ்வில் iBin என்ற folder ஐ உருவாக்கும். இது தான் உங்கள் பென்டிரைவ்களுக்கான Recycle Bin folder. இது உங்கள் பென்டிரைவ்வின் அளவிலிருந்து 10% எடுத்துக் கொள்ளும். வேண்டுமென்றால் நாம் அளவை நாம் நிர்ணயம் செய்து கொள்ளலாம். இதற்கு உங்கள் system tray ல் உள்ள iBin icon ஐ கிளிக் செய்து கொள்ள வேண்டும். இதில் custom options என்பதை கிளிக் செய்து கொள்ள வேண்டும். இதில் சென்று உங்களுக்குத் தேவைக்கு ஏற்ப அளவைக் கூட்டவோ, குறைக்கவோ செய்து கொள்ளலாம். மேலும் பல வசதிகளும் உள்ளன.

எளிதாக நாம் டெலிட் செய்த ஃபைல்களை பார்க்கவோ அல்லது நீக்கவோ Dumping mgmt என்பதை கிளிக் செய்து கொள்ள வேண்டும். இதன் மூலம் ஃபைல்களை நீக்கவோ அல்லது மீண்டும் சேமிக்கவோ முடியும்.

படம் உதவி: http://blog.premiumusb.com/2011/04/create-recycle-bin-on-usb-flash-drive/

January 25, 2016
பயன்மிகு இணையவழிச் சேவைகள் – குழந்தைகளுக்கான இணைய தளங்கள்

– எஸ். நித்யலக்ஷ்மி

குழந்தைகளுக்கான இணைய தளங்கள்

1. கல்வி விளையாட்டுக்கள், வேடிக்கையான கேம்ஸ், ஆசிரியர்களுக்கும் பெற்றோர்களுக்குமான தகவல்கள், கலை அம்சம் நிறைந்த பலவற்றிற்கு 20 ஆயிரத்திற்கு மேலான இணைய தொடர்புகள், வண்ணம் தீட்டி பழக தளங்கள், கணக்கு பழக பயிற்சிகள் மற்றும் டவுன்லோட் செய்து வைத்து விளையாட கேம்ஸ் என அனைத்து வகைகளிலும் குழந்தைகளுக்கான இணையக் களஞ்சியமாக இயங்குகிறது www.links4kids.co.uk என்ற முகவரியில் உள்ள தளம்.

2. நூற்றுக் கணக்கில் இன்டர்நெட் இணைப்பில் விளையாட கேம்ஸ், கார்ட்டூன், மூவி கிளிப்கள், மியூசிக் வீடியோ, புதிர்கள், கற்பனைத் திறனை ஊக்கப்படுத்தும் செயல்பாடுகள், பக்கங்களுக்குக் கலர் தீட்டுதல், பாதுகாப்பான வழிகளில் இணையத் தேடல் என வேடிக்கை விளையாட்டுக்களையும் கல்வி கற்றலையும் இணைத்துத் தருகிறது www.alfy.com என்ற முகவரியில் உள்ள இணைய தளம்.

3. www.surfnetkids.com என்ற தளத்தில் பலவாறான வித்தியாசமான கேம்ஸ், வேடிக்கை விளையாட்டுக்கள், குழந்தைகளுக்கான தகவல்கள், ஆசிரியர்கள் மற்றும் பெற்றோர்கள் குழந்தைகளுக்குக் கற்றுத் தர விரும்பும் விஷயங்கள், நினைவாற்றலை வளர்க்கும் விளையாட்டுக்கள் எனப் பல வகைகளில் குழந்தைகளுக்கான அனைத்து விஷயங்களும் வித்தியாசமான முறையில் தரப்பட்டுள்ளன.

4. குழந்தைகளுக்கான இணைய தளங்கள் அனைத்தையும் நீங்கள் பார்க்க விரும்புகிறீர்களா? அனைத்தையும் தராவிட்டாலும் பெரும்பான்மையான தளங்களைப் பட்டியலிடுகிறது www.kidsites.org என்ற முகவரியில் உள்ள தளம்.

5. குழந்தைகளுக்கு கணக்குகளைத் தந்து அவர்களின் சிந்திக்கும் திறனை வளர்க்கும் தளமாக விளங்குகிறது www.coolmath4kids.com உலக அளவில் இது சிறந்த தளம் என்ற பாராட்டினைப் பல அமைப்புகளில் இருந்து பெற்றது. குழந்தைகளுக்கு கூட்டல், கழித்தலில் தொடங்கி அல்ஜிப்ரா, பின்னங்கள், டெசிமல் கணக்குகள் எனக் கணக்கின் அடிப்படையையும் அதன் தொடர்பான பிறவற்றையும் கற்றுத்தரும் பல தளங்கள் இணையத்தில் உள்ளன. இவை அனைத்தும் கணக்கியலை விளையாட்டுக்கள் மூலமும் புதிர்கள் மூலமும் கற்றுத் தருகின்றன. அவற்றின் முகவரிகள்: www.coolmath.com, www.coolmath4kids.com, www.sciencemonster.com, www.spikesgamezone.com

6. www.kids.yahoo.com என்ற முகவரியில் இன்னொரு அருமையான குழந்தைகளுக்கான தளம் உள்ளது. கேம்ஸ், மியூசிக், குறும் திரைப்படங்கள், ஜோக்ஸ், விளையாட்டுக்கள் மற்றும் படித்துப் பாருங்கள் எனப் பல பிரிவுகளில் இந்தத் தளம் குழந்தைகளுக்காகவே உருவாக்கப் பட்டுள்ளது.

7. உங்கள் குழந்தை, தான் கம்ப்யூட்டரில் விளையாடும் கார்ட்டூன் படங்களையும் மற்ற கேரக்டர்களையும் தன் கம்ப்யூட்டரில் (ஏன், உங்கள் கம்ப்யூட்டரிலும் கூட) திரையில் வைத்துக் கொள்ள விரும்புகிறதா? அல்லது ஹோம் பேஜாக வைத்து இண்டர்நெட்டை இயக்கியவுடன் வர வேண்டும் என விரும்புகிறதா? இத்தகைய ஆவலை நிறைவேற்ற www.hitentertainment.com என்ற தளம் இயங்குகிறது. குழந்தைகள் உலகின் பல கேரக்டர்கள் இங்கு உள்ளன. இந்த கேரக்டர்கள் பங்கு கொள்ளும் சிறிய கதைகள் குழந்தைகளின் மனதில் நல்ல உறுதியை வளர்க்கின்றன.

8. இரண்டு வயதிலிருந்து எட்டு வயது வரையிலான குழந்தைகளுக்கான அனைத்து விளையாட்டுக்களையும் அவர்கள் கற்றுக் கொள்ள வேண்டிய தகவல்-களையும் தருகிறது www.pbskids.org என்ற முகவரியில் உள்ள தளம். இந்த வகையில் இன்னும் சேர்க்கப்பட வேண்டிய தளங்களாக www.nickjr.com , www.uptoten.com, www.kidsgames.org, www.gameskidsplay.net ஆகியவை உள்ளன.

9. இத்தகைய விளையாட்டுக்களோடு குழந்தைகளுக்கான அடிப்படை அறிவியல் விஷயங்களையும் சேர்த்து விளையாட்டுக்கள் மூலமாகத் தரும் ஓர் இணைய தளம் www.playkidsgames.com இந்தத் தளத்தில் குழந்தைகள் செயல்படுகையில் பெற்றோர்களும் உடன் இருந்து அவர்களுக்கு வழி காட்ட வேண்டும். கம்ப்யூட்டர், மேத்ஸ், பிரச்சினைகளைத் தீர்த்து வெற்றிகாணும் வழிகள், படித்துச் சிந்தித்து தகவல்களைக் கைக் கொள்ளும் வழிமுறைகள் எனப் பல வகைகளில் குழந்தைகளின் பொழுது போக்கும் வழிகளிலேயே நிறைய அறிவு வளர்க்கும் விஷயங்களையும் தருகிறது இந்தத் தளம்.

10. அனைத்து வயதிலும் உள்ள குழந்தைகளுக்கான தளம் www.funbrain.com என்பது. கேம்ஸ் விளையாடுகையில் குழந்தைகளிடம் தகவல்களைப் பெற்று தொடரும் வகையில் கேம்ஸ்கள் அமைக்கப்பட்டுள்ளன. இதனால் விளையாடும் ஆசையுடன் வரும் குழந்தைகளின் ஆர்வம் தூண்டப்பட்டு அவர்கள் கற்றுக் கொள்ளக் கூடிய வழிகளையும் மேற்கொள்கிறது இந்தத் தளம். சொற்களைப் படிப்படியாகக் கற்றுக் கொடுக்கிறது. குழந்தைகளுக்குக் கற்றுக் கொடுக்கும் ஆசிரியர்களுக்கு அவர்களுக்கான பாடத்திட்டத்திற்கேற்ப விளையாட்டுக்களைத் தேர்ந்தெடுக்கும் வகையில் பல விளையாட்டுக்கள் வடிவமைக்கப்பட்டுத் தரப்படுகின்றன.

January 13, 2016
குரோம் பிரௌசரை எளிதாக இயக்க சில குறுக்கு வழிகள்

– எஸ். நித்யலக்ஷ்மி.

குரோம் பிரௌசரை எளிதாக இயக்க எளிய எழுபது குறுக்கு வழிகள்!

குரோம் ப்ரௌசரில் இயக்கத்தில் உள்ள வெப் பக்கத்தை எளிதாக இயக்க சில
குறுக்கு வழிகள் கீழே தரப்பட்டுள்ளது.

Space Bar – Page down one full screen at a time
Page Down — Page down one full screen at a time
Down Arrow – Scroll Down
Shift + Space Bar – Page up one full screen at a time
Page Up — Page up one full screen at a time
Up Arrow – Scroll Up
Home – Go to the top of the webpage
End – Go to the bottom of the webpage
Ctrl + P – Print the current page
Ctrl + S – Save the current page
Ctrl + O – Open a file from your computer in Google Chrome
F5 – Reload the current page
Esc – Stop page loading
Ctrl + F5 – Reload the current page (ignore cached content)
Ctrl + D – Bookmark the current webpage
Ctrl + Shift + D – Save all open pages as bookmarks in a new folder
Alt + Click on link – Download link
Ctrl + F – Open the search box
F3 – Find the next match for your input in the search box
Shift + F3 – Find the previous match for your input in the search box
F11 – Open page in full screen mode
Ctrl + + – Make the text larger
Ctrl + – – Make the text smaller
Ctrl + 0 – Return text to normal size
Ctrl + Shift + B – Toggle the bookmarks bar
Ctrl + H – View the History page
Ctrl + J – View the Downloads page
Shift + Esc – View the task manager
Ctrl + Shift + Delete – Open the Clear Browsing Data Dialog
F1 – Open the Help Center in a new tab
Ctrl + U – View page source code
குரோம் பிரௌசர் விண்டோவை எளிதாக இயக்க குறுக்கு வழிகள்:
குரோம் ப்ரௌசரில் இயக்க மற்றும் மற்ற விண்டோ(window) பக்கங்களை இயக்க
குறுக்கு வழிகள் கீழே தரப்பட்டுள்ளது.

Ctrl + N – Open a new window
Ctrl + Shift + N – Open a new window in incognito mode (Pages
viewed in incognito mode won’t show in browser history or search
history. They also won’t leave cookies or other traces)
Alt + F4 – Close the current window
Shift + Click on link – Open the link in a new window

குரோம் பிரௌசர் டேப் (TAB) இயக்க குறுக்கு வழிகள்:
குரோம் ப்ரௌசரில் ஒரு விண்டோவில் உள்ள டேப்(tab) பக்கங்களை எளிதாக இயக்க
குறுக்கு வழிகள் கீழே தரப்பட்டுள்ளது.

Ctrl + Click on link – Open link in a new tab in the background
Ctrl + Shift — Click on link – Open the link in a new tab and
switch to the newly opened tab
Ctrl + T – Open a new tab
Ctrl + Shift + T – Reopen the last tab that was closed
Ctrl + 1 through Ctrl + 8 – Switch to the tab at the specified position
Ctrl + 9 – Switch to the last tab
Ctrl + Tab – Switch to the next tab
Ctrl + Shift + Tab or Ctrl + PgUp – Switch to the previous tab
Backspace – Go to the previous page in your browsing history for the tab
Shift + Backspace – Go to the next page in your browsing history for the tab
Ctrl + W – Close the current tab or pop-up
Alt + Home – Go to your homepage in the current tab
Ctrl + Click the Back Arrow, Forward Arrow, or Go button – Open
destination in a new tab in the background
Drag a link to a tab – Open the link in the tab
Drag a link to a blank area on the tab strip – Open the link in a new tab
Drag a tab out of the tab strip – Open the tab in a new window
Drag a tab out of the tab strip and into an existing window’s tab
strip – Open the tab in the existing window
Press ESC while dragging a tab – Return the tab to its original position
குரோம் பிரௌசர் அட்ரெஸ் பாரை(address bar) இயக்க குறுக்கு வழிகள்:
குரோம் ப்ரௌசரில் அட்ரெஸ் பாரை(address bar) இயக்க சில குறுக்கு வழிகள்
கீழே தரப்பட்டுள்ளது.

Type a search term, then press Enter – Perform a search using your
default search engine
Type a search engine URL, then press TAB, type a search term, and
press Enter – Perform a search using search engine associated with the
URL
Ctrl + Enter after typing base web address – Automatically add
‘www.’ and ‘.com’ what you have typed in the address bar and open that
web address.
F6 – Highlight address bar contents
Type a web address then Alt + Enter – Open web address that
appears in the address bar in a new tab
Ctrl + K – Initiate a Google search with the address bar. After
typing the shortcut key, a ‘?’ will appear in the address bar. Type
your query then press Enter.
Ctrl + Right Arrow – Jump to the next word in the address bar
Ctrl + Backspace – Delete the previous word in the address bar
Select an entry from the drop down menu in the address bar, then
press Shift — Delete – Delete the entry from the browsing history
Click an entry in the address bar drop down list with the Middle
Mouse Button – Open that URL in a new tab

குரோம் பிரௌசர் மவுஸ் இயக்கங்களில் குறுக்கு வழிகள்:
குரோம் ப்ரௌசரில் மவுஸ் இயக்கங்களில் என்னென்ன குறுக்கு வழிகள் உள்ளன என
கீழே தரப்பட்டுள்ளது.

Middle click on link – Open the link in a new tab in the background
Shift + Middle click on link – Open the link in a new tab and
switch to the newly opened tab
Middle click on tab – Close the tab
Click the Back Button, Forward Arrow, or Go button with Middle
Mouse Button – Open destination in a new tab in the background
Shift + Scroll Wheel – Scroll horizontally
Ctrl + Scroll Wheel – Increase or decrease text size

November 16, 2015
பயன்மிகு இணையவழிச் சேவைகள் – பலவகைக் கோப்புகளையும் கையாளும் மென்பொருள்

– எஸ். நித்யலக்ஷ்மி.

80 வகையான Fileகளை கையாளும் ஒரே மென்பொருள் உங்களுக்காக …

ஒரு டாக்குமென்ட் பைலை எடுத்துக் கொண்டால் அந்த பைலை வெறும் படிக்க மட்டும் அனைத்து மென்பொருளையும் நிறுவ வேண்டும். எல்லா விதமான பைல்களையும் படிக்க மட்டும் என்றால் அல்லது வியூ மட்டும் செய்வதாக இருந்தால் அதற்கு ஒரு மென்பொருள் உள்ளது இதன் பெயர் ஃப்ரீ ஒபனர் (சோடா ஒபனர் போல!!).

Free Opener ஆதரிக்கும் பைல் வகைகளைக் கீழே பட்டியலிட்டுள்ளேன். இது மொத்தம் 80 க்கும் மேற்பட்ட பைல்களை ஆதரிக்கிறது.
இந்த இணையதளத்தின் பெயர் www.freeopener.com

— சோர்ஸ் கோடுகள் – Code Files (.c, .cs, .java, .js, .php, .sql, .vb)
— இணைய பக்கங்கள் – Web Pages (.htm, .html)
— போட்டோஷாப் கோப்புகள் – Photoshop Documents (.psd)
— புகைப்படங்கள் – Images (.bmp, .gif, .jpg, .jpeg, .tiff)
— எக்ஸ்எம்எல் கோப்புகள் – XML Files (.resx, .xml)
— பவர் பாயிண்ட் கோப்புகள் – PowerPoint® Presentations (.ppt, .pptx)
— வீடியோ கோப்புகள் – Media (.avi, .flv, .mid, .mkv, .mp3, .mp4, .mpeg, .mpg, .mov, .wav, .wmv)
— மைக்ரோசாப்ட் வேர்ட் தொகுப்பு கோப்புகள் – Microsoft® Word Documents (.doc, .docx)
— 7ஜிப் வகை – 7z Archives (.7z)
— சப்டைட்டில் கோப்புகள் – SRT Subtitles (.srt)
— ரா இமேஜஸ் – RAW Images (.arw, .cf2, .cr2, .crw, .dng, .erf, .mef, .mrw, .nef, .orf, .pef, .raf, .raw, .sr2, .x3f)
— ஐகான்கள் – Icons (.ico)
— எக்எஸ்எம்எல் பேப்பர் கோப்புகள் – Open XML Paper (.xps)
— டொரென்ட்கள் – Torrent (.torrent)
— ப்ளாஷ் கோப்புகள் – Flash Animation (.swf)
— ஜிப் வகைகள் – Archives (.jar, .zip)
— ரிச் டெக்ஸ்ட் கோப்புகள் – Rich Text Format (.rtf)
— டெக்ஸ்ட் கோப்புகள் – Text Files (.bat, .cfg, .ini, .log, .reg, .txt)
— ஆப்பிள் பேஜஸ் – Apple Pages (.pages)
— எக்ஸல் கோப்புகள் – Microsoft® Excel Documents (.xls, .xlsm, .xlsx)
— சிஎஸ்வி கோப்புகள் – Comma-Delimited (.csv)
— அவுட்லுக் மெஸேஜ்கள் – Outlook Messages (.msg)
— பிடிஎப் கோப்புகள் – PDF Documents (.pdf)
— விகார்டு கோப்புகள் – vCard Files (.vcf) .etc…………

October 30, 2015
பயன்மிகு இணையவழிச் சேவைகள் – விகாஸ்பீடியா

– எஸ். நித்யலக்ஷ்மி.

http://ta.vikaspedia.in/

நாம் அனைவரும் விக்கிப்பீடியா கேள்விப்பட்டிருப்போம்.

அது என்ன “விகாஸ்பீடியா” என்று கேட்கத் தோன்றும். அனைவரும் கண்டிப்பாக தெரிந்துகொள்ள வேண்டிய பயனுள்ள இணையதளம்.இதில் வேளாண்மை, கல்வி, உடல்நலம், சமூகநலம், எரிசக்தி, மின்னாட்சி போன்ற தகவல்கள் உள்ளன.

1. வேளாண்மை : வேளாண் இடுபொருட்கள், தொழில்நுட்பங்கள், கால்நடை பராமரிப்பு, வேளாண் சார்ந்த தொழில்கள், பண்ணை சார் தொழில்கள், சிறந்த நடைமுறைகள், அரசு திட்டங்கள், விவசாய கடன் , வேளாண் காப்பீடு, வேளாண்மையும் சுற்றுச்சூழலும், பயனுள்ள இணையதளங்கள் மற்றும் தகவல்கள், வேளாண்மை-கருத்து பகிர்வு போன்ற பயனுள்ள தகவல்கள் உள்ளன.

2. உடல்நலம் : பெண்கள் உடல்நலம் , குழந்தைகள் உடல்நலம், அரசு திட்டங்கள், ஆயுஷ் , ஊட்டச்சத்து , நோய்கள், ஆரோக்கியக் குறிப்புகள், தெரிந்து கொள்ள வேண்டியவை , மூலிகை மருத்துவம் , உடற்பயிற்சிகள் போன்ற தகவல்கள் உள்ளன.

3. கல்வி : குழந்தைகளின் உரிமைகள் ,கொள்கைகள் / திட்டங்கள், குழந்தைகள் பகுதி , ஆசிரியர்கள் பகுதி , ஆன்லைன் மதிப்பிடுதல், சிறந்த செயல்முறைகள், கல்வியின் முக்கியத்துவம் , பல வகையான படிப்புகள் , வேலைவாய்ப்பு வழிகாட்டி , பயனுள்ள செய்திகள் மற்றும் தொடர்புகள் , அரசு சலுகைகள்-உதவித்தொகை , வேலைவாய்ப்பு பட்டியல் , கல்வி சார்ந்த நிறுவனங்கள் , பொது அறிவு வினா விடைகள்.

4. சமூக நலம் : ஆதி திராவிடர் (ம) பழங்குடியினர் நலத் துறை, மலைவாழ் மக்கள் நலம் ,முறைப்படுத்தப்படாத துறை, மூத்த குடிமக்கள் நலம், கிராமிய வறுமை ஒழிப்பு, நகர்ப்புற வறுமை ஒழிப்பு, அரசு சார்பற்ற தன்னார்வ துறை, பெண்கள் மற்றும் குழந்தைகள் நலம், தமிழ்நாடு அரசுத் திட்டங்கள் போன்ற தகவல்கள் உள்ளன.

5. எரிசக்தி : எரிசக்தி அடிப்படைத் தகவல்கள், எரிசக்தி சேமிப்பு, எரிசக்தி திறன், எரிசக்தி உற்பத்தி, சிறந்த செயல்முறைகள், பெண்களும் எரிசக்தியும், அரசு உதவிகள், கிராமப்புற கண்டுபிடிப்புகள் போன்ற பல தகவல்கள் உள்ளன.

6. மின்னாட்சி : இந்தியாவில் மின்னாட்சி , தகவல் பெறும் உரிமைச்சட்டம் 2005, பொதுமக்களுக்கான இணையவழி சேவைகள் , வி.எல்.ஈ க்கான ஆதாரங்கள், மொபைல்வழி சேவைகள் போன்ற தகவல்கள் உள்ளன.

7. சேவைகள் : இ-வியாபார், வல்லுநரிடம் கேளுங்கள், மதர், இணையவழி பாடங்கள், பல்லூடக குறுந்தகடுகள் , ரீகாலர் ,வி.எல்.ஈ கார்னர் , பள்ளி மாணவர்களுக்கான பொது அறிவு வினாடி வினா போன்ற தகவல்கள் இடம் பெற்றுள்ளன.

October 23, 2015
பயன்மிகு இணையவழிச் சேவைகள் கட்டுரைப் போட்டி முடிவு

அன்பினிய நண்பர்களே,

சென்ற மாத (செப்டம்பர், 2015) பயன்மிகு இணையவழிச் சேவைகள் கட்டுரைப் போட்டியில் திரு சிவானந்தம் கனகராஜ் அவர்களின் இணையவழி குரல் பதிவு மற்றும் ஒலிக் கோப்புகள் உருவாக்கத்திற்கான தளங்கள் குறித்த கட்டுரை பரிசுக்குரியதாகத் தேர்ந்தெடுக்கப்பட்டிருப்பதாக நடுவர் திரு ஐயப்பன் அறிவித்திருக்கிறார். வாழ்த்துகள் நண்பரே.

தொடர்ந்து போட்டிக்கான ஆக்கப்பூர்வமான கட்டுரைகளை வரவேற்கிறோம். நன்றி.

October 22, 2015
பயன்மிகு இணையவழிச் சேவைகள் – மொழிபெயர்ப்பிற்கு உதவும் தளங்கள் மற்றும் இணைய அகராதிகள்

–சிவானந்தம் கனகராஜ்.

இணையத்தில் எத்தனையோ மொழிகளில், எத்தனையோ விதமான தகவல்கள் விரவிக் கிடக்கின்றன. நாம் தேடும் தகவல்கள், நாம் அறியாத வேறு மொழியில் இருந்தாலும், அதை இணையத்திலேயே மொழிபெயர்த்து அறிந்து கொள்ள இயலும். ஒரு வலைப்பக்கத்தை முழுமையாக, ஓர் மொழியில் இருந்து இன்னொரு மொழிக்கு மொழிபெயர்ப்பு செய்யலாம். நமக்குத் தேவையான குறிப்பிட்ட சொற்களை மட்டும் மொழிபெயர்த்து, அவற்றின் பொருளை அறிந்துகொள்ள விரும்பினால், அவ்வாறு ஒரு சொல்லை மட்டும் மொழிபெயர்க்கவும் செய்யலாம். இதற்கு இணையத்தில் மொழிபெயர்ப்பு தளங்கள், ஒரு மொழியில் இருந்து மற்றோர் மொழிக்கு மொழிமாற்றம் செய்து, அதற்குண்டான பொருளையும் வழங்கும் மின்னகராதிகள் பலவும் இணையத்தில் கிடைக்கின்றன. அத்தகைய மொழிபெயர்ப்பு தளங்கள், மின்னகராதிகள் குறித்து இக்கட்டுரையில் காணலாம்.

1) கூகுள் வழங்கும் மொழிபெயர்ப்புச் சேவை (Google Translation):

கூகுள் வழங்கும் மொழிபெயர்ப்புச் சேவையை பயன்படுத்தி ஆவணங்கள், வலைப்பக்கங்கள், சொற்கள், சொற்றொடர்கள், படக் கோப்புகளில் இருக்கும் சொற்கள், பத்திகள், நமது கையெழுத்து கொண்டே சொற்களை மொழிபெயர்ப்புக்கு உள்ளிடும் முறை, நமது குரல்வழி சொற்களை மொழிபெயர்ப்புக்கு உள்ளிடும் முறை என்று பல வழிகளில் நாம் கூகுளின் மொழிபெயர்ப்பு சேவை வசதியைப் பயன்படுத்தலாம்.

கணினிகளில் இணைய வசதியினை பயன்படுத்தி, நாம் கூகுளின் மொழிபெயர்ப்பு சேவையை பயன்படுத்தலாம். ஆண்ட்ராய்ட் கருவிகளில் பயன்படுத்த என்று கூகுள் மொழிபெயர்ப்பிற்கென்று தனி செயலி (apps) உண்டு. கூகுள் மொழிபெயர்ப்பின் உதவியுடன் தனிச் சொற்கள், சிறிய சொற்றொடர்கள் போன்றவற்றிற்கு மிகத் துல்லியமான மொழிபெயர்ப்பு கிடைக்கும். அதே சமயம், பெரிய பத்திகள், அல்லது ஓர் முழு வலைப்பக்கமோ, ஓர் ஆவணத்தையோ முழுமையாக மொழிபெயர்க்க வேண்டுமெனில், மிகத் துல்லியமான முடிவுகள் கிடைப்பதில்லை.

இன்னபிற மொழிபெயர்ப்பு சேவை வழங்கும் இணையதளங்கள் பலவும் சொற்களை மட்டுமே மொழிபெயர்க்கும் வசதியைத் தரும் வேளையில் கூகுள் வழங்கும் வலைப்பக்க மொழிபெயர்ப்பு முயற்சி வரவேற்கத் தக்கது. தற்சமயம் கூகுள் வழங்கும் இந்த மொழிபெயர்ப்பு சேவை வசதி தொண்ணூறுக்கும் மேற்பட்ட மொழிகளுக்குக் கிடைக்கிறது. இதில், நமது இந்திய மொழிகளான தமிழ், இந்தி, மலையாளம், தெலுங்கு, குஜராத்தி,உருது, பெங்காலி, கன்னடம், மராத்தி, நேபாளி, பஞ்சாபி ஆகியவையும் அடங்கும். இது, இம்மொழிகளில் இருந்து ஆங்கிலத்திற்கு மொழிபெயர்த்தல், அல்லது, ஆங்கிலத்திலிருந்து இம்மொழிகளுக்கு மொழிபெயர்த்தல், மற்றும் இம்மொழிகளிடையே மொழிபெயர்த்தலும் அடங்கும்.

கூகுளின் மொழிபெயர்ப்புச் சேவையை கீழ்க்காணும் இணையதளத்தில் பெறலாம்:
https://translate.google.com/

கூகுள் வழங்கும் ஒலிபெயர்ப்பு சேவை (Google Transliteration):
இவ்வசதி மொழிபெயர்ப்பு செய்ய பயன்படாது. ஆனால், நாம் உள்ளிடும் சொற்களின் ஒலிக்கு ஏற்ப, நமக்கு வேண்டிய மொழியில் ஒலிபெயர்த்து கொடுக்கும். எடுத்துக்காட்டாக, நாம் தமிழில் “அம்மா” என்ற சொல்லை தட்டச்சு செய்ய ஆங்கிலத்தில் amma என்று தட்டச்சு செய்தால், அது தமிழில் அம்மா என்று நமக்கு ஒலிபெயர்த்து கொடுக்கும். இவ்வசதி, கூகுள் வழங்கும் Google Transliteration சேவையின் மூலம் கிடைக்கிறது. இவ்வசதி தனி வலைப்பக்கத்திலும் கிடைக்கும். அது தவிர கூகுளின் இன்னபிற சேவைகளான கூகுள் மின்னஞ்சல் (Gmail), கூகுள் வழங்கும் வலைப்பூ சேவை (Blogger) ஆகியவற்றிலும் இந்த ஒலிபெயர்ப்பு சேவை கிடைக்கிறது.

கூகுளின் ஒலிபெயர்ப்புச் சேவையை கீழ்க்காணும் இணைய பக்கத்தில் பயன்படுத்தலாம்:
http://www.google.com/inputtools/try/

2) ஷப்த்கோஷ் :

ஷப்த்கோஷ் இணையதளத்தில் தமிழ், இந்தி, பெங்காலி, குஜராத்தி, கன்னடம், ஆங்கிலம், மலையாளம், மராத்தி, பஞ்சாபி, தெலுங்கு ஆகிய மொழிகளில் மொழிபெயர்ப்பு செய்யும் வசதி கிடைக்கிறது.

கீழ்க்காணும் இணைய பக்கத்தில் இதனைப் பயன்படுத்தலாம்:
http://shabdkosh.com

இத்தளத்தில் ஒவ்வொரு குறிப்பிட்ட வார்த்தைகளை மட்டுமே மொழிபெயர்த்துத் தரும் வசதி இருக்கிறது. நாம் மொழிபெயர்க்க வேண்டிய சொல்லினை உள்ளிட்டால், அச்சொல்லினை உச்சரிக்கும் விதம், சொல்லின் மொழிபெயர்ப்பு, அச்சொல்லின் இன்னபிற வடிவங்கள் ஒருமை/பன்மை (Singular/Plural), வினை வடிவங்கள் (Tense Forms), சொற்பொருள் விளக்கம் (Definitions & Meanings) ) போன்ற தகவல்களையும் நமக்கு வழங்குகின்றது.

ஆண்ட்ராய்ட் (Android), ஆப்பிள் (Apple), மைக்ரோசாப்ட் விண்டோஸ் (Microsoft Windows), விண்டோஸ் தொலைபேசி (Windows Phone) ஆகிய கருவிகளுக்கு (devices) ஷப்த்கோஷ் தனி செயலி (apps) கிடைக்கிறது.

3) Tamil cube வழங்கும் மொழிபெயர்ப்பு அகராதி:

தமிழ் க்யூப் வழங்கும் மொழிபெயர்ப்பு அகராதி ஆங்கிலத்திலிருந்து தமிழில் மொழிபெயர்க்கவும், தமிழில் இருந்து ஆங்கிலத்திற்கு மொழிபெயர்க்கவும் உதவுகிறது. இந்தத் தளத்தில் பலதுறை சார்ந்த கலைச்சொற்களுக்கும் ஆங்கிலத்திலிருந்து தமிழ் மொழிபெயர்ப்பு கிடைக்கிறது.

இந்த அகராதியைக் கீழ்க்காணும் இணையதளத்தில் பயன்படுத்தலாம்:
dictionary.tamilcube.com/

மொழிபெயர்க்க வேண்டிய சொல்லினை உள்ளிட்டால், அந்தச் சொல்லிற்கான பொருள் அகராதியில் இருப்பின் பொருள் தருவதுடன், அச்சொல்லுக்குத் தொடர்புடைய சொற்கள் மற்றும் இணையான சொற்களை வழங்கி, பொருளும் வழங்குகிறது. இந்தத் தளத்தில், மொழிபெயர்ப்பு சேவை கிடைப்பதுடன், இணையத்தில் இருக்கும் இன்ன பிற மொழிபெயர்ப்பு தளங்கள், இணைய அகராதிகளுக்கு இணைப்புகள் கிடைக்கின்றன.

4) kapruka.com வழங்கும் சிங்கள மற்றும் தமிழ் அகராதி:

கப்ருகா (kapruka) இணையதளம் வழங்கும் இணையவழி அகராதி. ஆங்கிலத்தில் சொற்களை உள்ளிட்டால், தமிழ் மற்றும் சிங்கள மொழிகளில் பொருள் வழங்குகிறது. இது தவிர, அச்சொல்லின் ஒலிப்பு முறை சிங்களம் மற்றும் தமிழ் மொழிகளில் வழங்கப்படுகிறது. நமக்குத் தேவையான சொற்கள் இந்த அகராதியில் காணக் கிடைக்கவில்லையெனில், நாம் நமக்குத் தேவையான சொற்கள் குறித்து வேண்டுகோள் வைத்தால், அந்தச் சொல்லிற்கான மொழிபெயர்ப்பு அகராதியில் சேர்க்கப்படும்.

கீழ்க்காணும் இணையப் பக்கத்தில், இந்த அகராதியைப் பயன்படுத்தலாம்:
http://www.kapruka.com/dictionary/EnglishToSinhala.jsp

5) tamildict.com வழங்கும் தமிழ் – ஆங்கிலம் – ஜெர்மானிய அகராதி:

tamildict.com இணையதளம் வழங்கும் இணையவழி அகராதியில், கிட்டத்தட்ட 45 வகை பிரிவுகளில் சொற்கள் வகை பிரிக்கப்பட்டு வழங்கப்படுகிறது.
இந்த அகராதியைப் பயன்படுத்தும் ஒவ்வொரு பயனாளரும், புதிதாக அகராதியில் சொற்களை சேர்க்கலாம். ஏற்கனவே இருக்கும் மொழிபெயர்ப்பினை மேம்படுத்த விரும்பினால், அங்ஙனமும் செய்யலாம். பிழைகள் இருப்பின் சுட்டிக்காட்டி, திருத்தம் செய்யலாம்.

இது தவிர, எண்களை உள்ளிட்டால், அந்த எண்களைத் தமிழில் உச்சரிப்பது எப்படி என்ற விபரமும் கிடைக்கிறது. 999999999 (தொன்னூற்றியொன்பது கோடியே தொன்னூற்றியொன்பது இலட்சத்து தொன்னூற்றியொன்பது ஆயிரத்து தொளாயிரத்தி தொன்னூற்றியொன்பது) வரையிலான எண்களுக்கு இணையான தமிழ் வார்த்தைகளைத் தருகிறது.

இந்த அகராதியைக் கீழ்க்காணும் இணையதளத்தில் பயன்படுத்தலாம்:
http://www.tamildict.com/english.php

6) தமிழ் இணைய கல்விக் கழகத்தின் இணையதளத்தில் கிடைக்கும் ஆங்கில – தமிழ் அகராதிகள் :

தமிழ் இணைய கல்விக் கழகத்தின் இணையதளத்தில், பல்வேறு அகராதிகளுக்கான இணைப்புகள் கிடைக்கின்றன. அவற்றுள், தமிழ் – ஆங்கில அகராதிகளும் அடங்கும்.
அவை ,
பால்ஸ் அகராதி
சென்னைப் பல்கலைக்கழக ஆங்கிலம் – தமிழ் அகராதி
இன்னபிற அகராதிகளின் விபரம் குறித்து அறிய, கீழ்க்காணும் இணையதளத்தில் காணலாம்.

தமிழ் இணைய கல்விக் கழகத்தின் இணையதளத்தில் கிடைக்கும் அகராதிகள் :
http://www.tamilvu.org/library/dicIndex.htm

குறிப்பு:
இக்கட்டுரையில் பயன்படுத்தப்பட்டுள்ள படங்கள் அனைத்தும், அவற்றின் இணையபக்கங்களில் இருந்து எடுக்கப்பட்டவை.

October 14, 2015
மக்களும், தொடர்பு சாதனங்களின் சேவைகளும் …

— அனவை நரா அப்பாஸ்.

பெருநகரம் கொண்ட பிரச்சனைகள், குக்கிராமத்தில் பெரிதாக பேசப்படுகின்றன. பெரு நகரத்தையும் குக்கிராமத்தையும் இணைக்கும் பாலம் எது? இவையெல்லாம் எப்படி நிகழ்கிறது?

பரந்த இந்த உலகில் நமக்காக வியாபித்துக் கிடக்கின்ற சாதனங்களைப் பார்க்கும் போது வியப்பாகத்தான் இருக்கிறது. ஆனால் அதனை நாம் முறையாகப் பயன்படுத்துகின்றோமா என்பதைச் சிந்தித்து பார்த்தோம் எனில், கொஞ்சம் யோசனையில் மௌனித்துத்தான் இருக்க வேண்டியிருக்கிறது. இன்றைய நவீன கால கட்டத்தில் குழந்தைகள் தொடங்கி இளைஞர் முதல் திருமணமாகி வேலைக்குச் செல்பவர்கள் வரை பெரும்பாலானோர் வாட்சப், செல்ஃபி, கேம்ஸ் ஆகியவற்றிலேயே தன் பொழுதை பெரும் அளவில் கழிக்கின்றனர்.

இன்றைய தொடர்பு சாதனங்களும் அதன் சேவைகளும் ஒரு பார்வை:
1.செய்தித்தாள்கள்.
2.வானொலி.
3.தொலைக்காட்சி.
4.அலைப்பேசி.
5.இணையம்.

1.செய்தித்தாள்கள்:
‘காலை எழுந்தவுடன் படிப்பு’ என்று பாரதியார் பாடியதை உண்மையாக்கியதே நான்தான் என மார்த்தட்டிக் கொண்டு தினமும் காலையில் அனைத்து வீட்டிலும் தன் ராஜ்ஜியத்தை நிகழ்த்துகிறது செய்தித்தாள்கள்.

பரபரப்பான வாழ்க்கை ஓட்டத்தில் ஒரு பதினைந்து நிமிடங்கள் நம்மை அமைதியாய் அமர வைக்கும் செய்தித்தாள்களின் பணி அரும்பணிதான். இன்றைய நிலையில் உள்ள செய்தித்தாள்களில் சில: தினகரன், தினமணி, தினமலர், தமிழ் முரசு, தினத்தந்தி, மாலை மலர், தமிழ் மலர், தினக்குரல், தின நேசன், சுடர் ஒளி, உதயன், புதிய தலைமுறை, மாலை தமிழகம், மக்கள் ஓசை, வீர கேசரி, தினச்சுடர் ஆகியவை அடங்கும். உலகச் செய்திகள், மாநிலச் செய்திகள், மாவட்டச் செய்திகள், வேலைவாய்ப்பு தகவல்கள், விளையாட்டுச் செய்திகள் மட்டுமல்லாது மாப்பிள்ளை, மணமகளைக் கூட தேடி கண்டுபிடிக்கலாம் மணப்பந்தல் வழியே….

2.வானொலி:
வானொலி என்பது ஒரு குறிப்பிட்ட அதிர்வெண்களைக் கொண்ட மின்காந்த அலைகளின் வழி தொடர்பு கொள்ளும் ஒரு கம்பியில்லாத தொலைத்தொடர்பு ஊடகமாகும். மின்காந்த அலைகளின் வழி செய்தி அறிவிப்பு பாடல் மற்றும் உரையாடல் ஒலியலைகளை ஏற்றி வான் வழியே செலுத்தி, ஆங்காங்கே மக்கள் அதை தங்களிடமுள்ள வானொலிப் பெட்டி வழியாகப் பெறுமாறு தொழில் நுட்பம் தொடங்கியதால் இதனை வானொலி என்பர். ஒளியைக் காட்டிலும் குறைவான அதிர்வெண்ணைக் கொண்ட மின்காந்த அலைகளைக் கொண்டு இயங்குகிறது.

இன்று செய்தித்தாள்கள் சென்றடையாத குக்கிராமங்கள் நம்நாட்டில் இருக்கின்றன என்பதைச் சொல்வதற்கு, சற்றே மனதைக் கவலை வருடுகிறது. அங்கு வாழும் பெரியவர்கள், படிப்பறிவில்லாதவர்கள் வானொலி வழியே ஒரு இடத்தில் என்ன நிகழ்கிறது என்பதை தெரிந்து கொள்கின்றனர். வேகமாக நகரமாகிக் கொண்டிருக்கும் கிராமங்களுக்கிடையே, ஒரு கொட்டகைக்குள்ளே இருக்கும் டீக் கடையும், அதில் உள்ள ஒரு மூங்கிலில் தொங்கவிடப்பட்டிருக்கும் வானொலியும்,
மரப்பலகையில் அமர்ந்து அதைக் கேட்டுக் கொண்டே டீ பருகிக் கொண்டிருக்கும் தலை நிறைத்த முதியவர்கள் உள்ள கிராமங்கள் , இன்றும் இருக்கின்றன. தற்போதெல்லாம் அப்பகுதியில் தான் வானொலி அதிகம் பயன்படுத்தப்படுகின்றன. உலகில் நடைபெறும் அனைத்து நிகழ்ச்சிகளும் வானொலியில் ஒலிபரப்பப் படுகின்றன.

3.தொலைகாட்சி:
படிக்கும் செய்தியையும் , கேட்கும் செய்தியையும் காட்சியாக உடனுக்குடன் அளிக்கிறது தொலைக்காட்சி. சற்று முன் கிடைத்த செய்தி என்று ரிக்டர் அளவுகோலில் 6.2 எனப் பதிவாகியிருக்கிறது நிலநடுக்கம் என்ற கணமே பூகம்பம் நடந்த இடத்தை , பாதித்த பகுதிகளை தெளிவாகக் காட்டுகிறது. தொலைக்காட்சியில் வரும் பயனுள்ள தகவல்களை எழுதுவதற்குப் பக்கங்கள் பத்தாது. தினம் ஒரு தகவல், வயலும் வாழ்வும், மூலிகை மருத்தவம் என்று வரிசைப்பட்டியல் இட்டுக் கொண்டே போகலாம். தொலைக்காட்சியின் முக்கியம் கருதியே ,அரசாங்கமே இலவச தொலைக்காட்சி வழங்கியுள்ளது அனைவரும் அறிந்ததே..

4.அலைப்பேசி:
செய்தித்தாள்களும், வானொலியும், தொலைக்காட்சியும் நுழைய முடியாத இடத்தில் கூட நுழைந்து தனக்கே உண்டான இடத்தைப் பிடித்திருக்கிறது கைப்பேசி என்ற அலைப்பேசி. மின்கம்பி இணைப்பு இன்றி மின்காந்த அலைகளால் இயங்கி ஒலியலைகளை கேட்கவும், அனுப்பவும் செய்கிறது தொலைப்பேசி. படிக்காத பாமர மக்கள் கையில் கூட கைப்பேசி உள்ளது. இன்று ஒரு வீட்டில் குறைந்த பட்சம் இரண்டிற்குக் குறையாத செல்போன்கள் இருக்க வேண்டும் என்பதே நியதி போல் ஒவ்வொரு வீட்டிலும் ஆளுக்கொரு செல்போன்கள்.

ரூபாய் ஐந்நூறு முதல் துவங்குகிறது அதன் விலை. ‘ஊருக்குப் போய் கடிதம் போடு’ என்ற வார்த்தைகள் மா’றி, ‘போய் இறங்கிய உடன் போன் பண்ணு’ சொல்கிற காலம் ஆகிப்போச்சு…

5.இணையம்:
தொலைப்பேசி சென்ற இடமெல்லாம் கொஞ்சம் கொஞ்சமாக தன் காலடியை பதித்துக் கொண்டு வருகிறது இணையம்.

இணையம் என்ற சொல்லானது, செம்பு கம்பிகளினாலும், ஒளிநார் இழைகளினாலும் இணைக்கப்பட்டுள்ள கணினி வலைகளின் பேரிணைப்பைக் குறிக்கும். மின்னஞ்சல், இணைய உரையாடல், காணொளி பார்த்தல், விளையாட்டு, ஒரு தகவலிலிருந்து மற்றொன்றிற்கு மீயினைப்புகள் மூலம் உலவல் வழி தொடர்புப்படுத்தப்பட்ட இணைய தளங்கள் முதலிய சேவைகளையும், உலகளாவிய வலையின் தரவுகளையும் இணையம் தருவிக்கின்றது. நகரமக்கள் பெரும் பகுதியாக இணையத்தினை பயன்படுத்துகின்றனர். படிப்பறிவு பெற்ற கிராமங்களிலும் இணையம் பயன்படுத்தப்பட்டு வருகிறது. நமக்குத் தேவையான தகவலின் ஒரு முக்கிய வார்த்தையை எழுதினாலே அது தோன்றிய தினம் முதல் இன்றைய தினம் வரையிலான அனைத்துத் தகவல்களையும் கொடுத்து விடும். இணையத்தில் ஒரு செய்தியை அனுப்பினால் அது அடுத்த நிமிடம் உலகம் முழுவதும் தெரிந்துவிடும். இணையத்தின் மூலம் பணம் எப்படிச் சம்பாதிக்கலாம் என்பதையும் இணையமே சொல்கிறது.

இன்றைய நிலை:
நம் வாழ்வோடு இணைந்திருக்கும் இவற்றின் பங்கு அளப்பரியது. ஆனால் வாட்ஸப்பிலும், ஃபேஸ் புக்கிலும், செல்ஃபியிலும், கேம்மிலும், மூழ்கிய இன்றைய இளைஞர்கள் இவற்றை பயனுள்ள முறையில் பயன்படுத்துவதில்லை.
பின்பற்றவேண்டியவை:
இன்றைய இளைஞர்களே நாளைய நல் சமுதாயம் என்பதை யாராலும் மறக்க முடியாது.

1.ஒரு நாளில் பத்து நிமிடங்களாவது நாளிதழோடு அமருங்கள்.

2.அலைபேசியில் பாடல்களை பதிவிறக்கம் செய்து அதை இயர்ஃபோன் மூலம் கேட்கும் நேரத்தில் வானொலியில் பாடல்களை கேளுங்கள். பாடல்களுக்கு நடுவே நல்ல பயனுள்ள விஷயங்கள், அறிவிப்புகள், செய்திகளையும் தெரிந்து கொள்ளலாம்.

3.ஒரு நாளைக்கு ஒரு முறையாவது தொலைக்காட்சி செய்திகளைக் கவனியுங்கள்.

4.உங்களது பொழுது நேரத்தை, அரட்டை அடிக்கும் சேட்டிங்கிலும், கமண்ட் அடிக்கும் வாட்ஸ் அப்பிலும், அபாயம் கொடுக்கும் செல்ஃபியிலும் கழிக்காமல் உங்களுக்குத் தெரிந்த நல்ல தகவல்களை நண்பர்களுக்கு அலைப்பேசியில் பரிமாறுங்கள். உங்களது வாட்ஸ்அப்பும், ஃபேஸ்புக்கும் ஒரு பயனுள்ள தகவலைத் தாங்கியதாய் இருக்கட்டும்.

5.இணையம் நல்ல முறையில் பயன்படுத்துபவர்களுக்கு நன்மையே தரும். தீய முறையில் பயன்படுத்துபவர்களுக்கு தீயவையும் தரும். நல்லதென்றும் தீயதென்றும் பிரியுங்கள். உங்கள் எண்ணங்களை நல்லதாக்குங்கள். இணையதளத்தில் உங்கள் தளத்தை உருவாக்குங்கள்.

பரவிக் கிடக்கிறது வானம்,
அதில் உங்கள் கையொப்பம் பொறித்திடுங்கள்..
சாதிக்கப் பிறந்தவர்கள் நாங்களென்று, சாதித்து நீருபியுங்கள்…

October 5, 2015
பயன்மிகு இணையவழிச் சேவைகள் – மின்னஞ்சல் கணக்கின் பாதுகாப்பு

– எஸ். நித்யலக்ஷ்மி.

மின்னஞ்சல் பயன்பாட்டில் ஜிமெயில் அக்கவுண்ட் முதல் இடத்தில் உள்ளது. மின்னஞ்சல் வசதியை அடிக்கடி பயன் படுத்தாதவர்களும், எதற்கும் இருக்கட்டுமே என்று ஒரு ஜிமெயில் அக்கவுண்ட்டை வைத்திருப்பார்கள். ஜிமெயில் தளத்தில் இப்போது புதியதொரு வசதி கிடைக்கிறது. இது ‘Last account activity’ என அழைக்கப் படுகிறது. இந்த வசதியை இயக்கிவிட்டால், உங்கள் ஜிமெயில் தளத்தை கடைசியாக யாரெல்லாம் அணுகிப் பார்த்தார்கள் என்ற பட்டியல் காட்டப்படுகிறது. கம்ப்யூட்டரில் பிரவுசர் வழியாகவோ, பி.ஓ.பி. மெயில் கிளையண்ட் வழியாகவோ அல்லது மொபைல் போன் மூலமோ, எந்த வகையில் உங்கள் ஜிமெயில் பார்க்கப் பட்டிருந்தாலும், அதனை இந்த வசதி பட்டியலிடுகிறது. எந்த ஐ.பி. முகவரியிலிருந்து இது பார்க்கப்பட்டது என்று காட்டுகிறது. வழக்கத்திற்கு மாறாக ஏதேனும் ஒரு ஐ.பி. முகவரியிலிருந்து உங்கள் ஜிமெயில் தளம் திறக்கப் பட்டிருந்தால், அதனைக் காட்டி எச்சரிக்கை செய்கிறது. எந்த நாள், நேரம் என்பவையும் பட்டியலில் கிடைக்கின்றன. இதனைக் காண உங்கள் ஜிமெயில் தளத்தின் கீழாக, Last account activity என்ற வரிக்கு அருகே Details என்பதில் கிளிக் செய்திடவும். உடன் தகவல்கள் அடங்கிய பட்டியல் கிடைக்கும்.

இந்தப் பட்டியலில் Access type என்பதில், என்ன மாதிரியான வகையில் (பிரவுசர், மொபைல் போன், பி.ஓ.பி. கிளையண்ட் போன்றவை) உங்கள் தளம் அணுகப்பட்டது என்று காட்டப்படுகிறது. இந்தப் பட்டியலில் நீங்கள் பயன்படுத்தாத வகை எதுவும் காணப்பட்டால், உடனே உங்கள் அக்கவுண்ட் தகவல்களை (யூசர் நேம், பாஸ்வேர்ட்) யாரோ திருடி இருக்கிறார்கள் என நீங்கள் அறிந்து கொள்ளலாம். எடுத்துக் காட்டாக, நீங்கள் மொபைல் போன் வழி இணையத்தைப் பார்க்கும் வழக்கம் இல்லாதவராக இருந்து, பட்டியலில் மொபைல் போன் வழி பார்க்கப்பட்டது காட்டப்பட்டால், உங்கள் அக்கவுண்ட் திருடு போயுள்ளது என அறியலாம்.

அடுத்ததாக, Location (IP address) என்ற தலைப்பின் கீழ், உங்கள் ஜிமெயில் அக்கவுண்ட்டை அணுகிய பத்து ஐ.பி. முகவரிகள் தரப்படுகின்றன. இதில் சந்தேகப்படும்படியான ஐ.பி. முகவரிகள் எச்சரிக்கப்பட்டு காட்டப்படுகின்றன. இவ்வாறு ஏதேனும் காட்டப்பட்டால், உடனடியாக உங்கள் ஜிமெயில் அக்கவுண்ட்டின் பாஸ்வேர்டினை மாற்றுவது நல்லது.

உங்களுடைய ஐ.பி. முகவரியும் பட்டியலில் இருக்கும். இது உங்களுடையதுதானா? என்று எப்படி அறியலாம். இணைய இணைப்பு பெறுபவர்களுக்கு, ஒவ்வொரு முறையும் ஒரு ஐ.பி. முகவரி தரப்படுகிறதே என்ற சந்தேகம் உங்களுக்கு வரும். நீங்கள் பயன்படுத்தும் இணைய இணைப்பின் ஐ.பி. முகவரியின் முதல் இரு எண்கள் எப்போதும் மாறாமல் இருக்கும். எடுத்துக்காட்டாக, 172.16.xx.xx என்ற எண்ணில் இங்கு காட்டப்பட்டுள்ள முதல் இரு எண்களும், நீங்கள் ஒரே இணைய இணைப்பைப் பயன் படுத்தினால் எப்போதும் மாறாமலே இருக்கும். அதே போல, மொபைல் போன் வழியே ஜிமெயில் காண்பவர்களுக்கு, மொபைல் சேவை வழங்கும் நிறுவனத்தின் முதல் எண்கள் மாறாமல் இருக்கும். இவற்றிலிருந்து உங்களுடைய ஐ.பி. முகவரியினை அடையாளம் தெரிந்து கொள்ளலாம்.

ஒரே நேரத்தில், இருவேறு கம்ப்யூட்டர்களில், இரு வேறு இணைய இணைப்பு மூலம் ஜிமெயில் அக்கவுண்ட்டினை அணுகினால், அவை Concurrent sessions என்பதன் கீழ் தரப்படும்.

தகவல்களைத் திருடியவர்களும் இதே போல பட்டியல் பெற்று, உஷார் ஆகலாமே? என்று நாம் எண்ணலாம். ஜிமெயில் தளம் மிகக் கவனமாக இதனைக் கையாள்கிறது. வழக்கத்திற்கு மாறான ஐ.பி. முகவரிகளில் இருந்து அக்கவுண்ட் பார்க்கப்பட்டதாக இருந்தால், அந்த முகவரிகளுக்கு இந்த எச்சரிக்கைப் பட்டியல் காட்டப்படாது.

நம் அக்கவுண்ட் தகவல்கள் திருடப் பட்டுவிட்டன என்று உறுதியாக அறிந்தால், பாஸ்வேர்ட் மாற்றுவதுடன், கூகுள் http://www.google.com/help/security/ என்ற முகவரியில் தரப்படும் எச்சரிக்கை நடவடிக்கைகளையும் பின் பற்றவும். நான் அடிக்கடி கம்ப்யூட்டர், இணைய இணைப்பு, மொபைல் போன் ஆகியவற்றை மாற்றி என் ஜிமெயில் தளத்தினை அணுகுகிறேன். எனவே இது போலக் காட்டப்படும் எச்சரிக்கை பட்டியல் எனக்குத் தேவையில்லை என்று கருதுகிறீர்களா? அப்படியானால், இந்த வசதி இயங்குவதை நிறுத்திவிடலாம். இந்தப் பட்டியலின் கீழாக இதற்கான வசதி தரப்பட்டிருக்கிறது. ஆனால், நீங்கள் ஆப்ஷன் தெரிவித்து ஒரு வாரம் கழித்தே இந்த வசதி நிறுத்தப்படும்.

picture credit: http://blogs.securebeans.com/

September 30, 2015
பயன்மிகு இணையவழிச் சேவைகள் – இணையவழி ஒலிப்பதிவு

—சிவானந்தம் கனகராஜ்.

இணையவழி குரல் பதிவு மற்றும் ஒலிக் கோப்புகள் உருவாக்கத்திற்கான தளங்கள்

சில வருடங்களுக்கு முன் வரை ஒலிப்பதிவு பெட்டியின்(tape recorder) உதவியுடன் ஒலிகளையும், குரல்களையும் பதிவு செய்து கேட்டு மகிழ்ந்தோம். சமீப காலமாக கைபேசிகளிலும் (cellular phones) கூட இந்தக் குரல் பதிவு வசதி கிடைக்கிறது. அந்த ஒலிக் கோப்புகளை கணினிகளில் பதிவிறக்கி சேமித்துப் பயன்படுத்தலாம். இப்போது, கணினியுடன் இணைய இணைப்பும், கணினியுடன் இணைக்கப்பட்ட மின்சார ஒலிபெருக்கி அல்லது ஒலிவாங்கி (microphone) இருந்தால், நம் கணினியில் ஒலிப்பதிவு செய்து ஒலிக் கோப்புகளாக சேமித்துக் கொள்ளலாம். இத்தகைய சேவைகளை வழங்கும் இணையதளங்கள் மற்றும் மென்பொருட்கள் குறித்து இக்கட்டுரையில் காணலாம்.

1) Audacity :

இந்த வசதி நமக்குத் தனி மென்பொருள் வாயிலாகக் கிடைக்கிறது. இந்த மென்பொருளை நமது கணினியில் தரவிறக்கி, குரல் பதிவு, ஒலிப்பதிவு செய்து அவற்றை தனிக் கோப்புகளாக கணினிகளில் சேமித்து பயன்படுத்தலாம். பிறருடன் பகிர்ந்தும் கொள்ளலாம். அத்தகைய ஓர் மென்பொருள் தான் ஆடேசிட்டி (Audacity). இந்த மென் பொருளை நமது கணினியில் தரவிறக்கி (Download), நிறுவி (Install) பயன்படுத்தலாம்.

இம்மென்பொருளைக் கீழ்காணும் இணையதளத்தில் இருந்து தரவிறக்கி பயன்படுத்தலாம்.
http://audacityteam.org/

இனி, மென்பொருட்களைக் கணினிக்கு தரவிறக்கம் செய்யாது, இணையத்திலேயே ஒலிப்பதிவு செய்து, கோப்புகளாகவே நமக்குக் கணினிகளில் பதிவிறக்கம் செய்யும் வசதியை வழங்கும் இணையதளங்கள் குறித்து காணலாம்.

2) Sound cloud:

இணையத்தில் ஒலிக்கோப்புகளைத் தரவேற்றம் செய்து, அந்தக் கோப்புகளை எந்தத் தளங்களில் வேண்டுமானாலும் பகிர்ந்து கொள்ளும் வசதியை அளிக்கிறது இந்த sound cloud இணையதளம். இசை மற்றும் ஒலிக் கோப்புகளை ஃபேஸ் புக் (facebook), ட்விட்டர் (twitter), டம்ப்ளர் (tumblr) மற்றும் இணையத்தில் எங்கு வேண்டுமானாலும் பயன்படுத்திக் கொள்ளும் வசதியை இந்த இணையதளம் வழங்குகிறது.

இந்த மென்பொருள் பலவகையான ஒலிக்கோப்பு வடிவங்களைப் பயன்படுத்த வழிவகை செய்கிறது. இந்த இணையதளத்தில் AIFF, WAVE (WAV), FLAC, OGG, ALAC, MP2, MP3, AAC, AMR, WMA ஒலிக் கோப்பு வடிவங்களைப் பயன்படுத்தலாம். தரவேற்றம் செய்யப்படும் ஒலிக் கோப்புகளின் அதிகபட்ச அளவு 5GB ஆக இருக்கலாம்.

ஒலிக்கோப்புகளைத் தரவேற்றம் செய்து பிறருடன் பகிர்ந்து கொள்ள தனி பயனர் கணக்கு தொடங்குதல் அவசியம்.

இந்த மென்பொருளைக் கீழ்காணும் இணையதள முகவரியில் பயன்படுத்தலாம்.
https://soundcloud.com/

3) Audio expert:

ஆடியோ எக்ஸ்பர்ட் என்ற இந்த இலவச இணைய மென்பொருளின் உதவியுடன் ஒலிக் கோப்புகளை (Audio files) உருவாக்கலாம், ஏற்கனவே இருக்கும் ஒலிக்கோப்புகளில் மாற்றங்கள், திருத்தங்கள் (Edit) செய்யலாம். கோப்புகளை ஒரு வடிவிலிருந்து மற்றோர் ஒலி வடிவிற்கு (file convert / format convert ) மாற்றலாம். இரு வேறு ஒலிக் கோப்புகளை ஒன்றாக இணைக்கலாம். குரல் பதிவு செய்து, கோப்புகளாக சேமித்துக் கொள்ளும் வசதியும் கிடைக்கிறது.

100 Mb அளவு வரை இருக்கும் கோப்புகளை ஒரு ஒலி வடிவிலிருந்து மற்றோர் ஒலி வடிவிற்கு மாற்றலாம். இணையதளங்களில் இருக்கும் ஒலிக் கோப்புகளையும் நமக்குத் தேவையான ஒலி வடிவ கோப்புகளாக மாற்றிக் கொள்ளலாம். இதற்கு, நமக்குத் தேவையான ஒலிக் கோப்பு இருக்கும் வலைப்பக்கத்தின் சரியான முகவரியைக் கொடுத்தாலே போதுமானது.

வலைப்பக்க முகவரிகள் கொடுக்கையில், http (hyper text transfer protocol), https (http secure), ftp (file transfer protocol) என்று துவங்கும் வலைப்பக்க முகவரிகளை வழங்குதல் அவசியம்.

இம்மென்பொருளினை பயன்படுத்தி கீழ்க்கண்ட ஒலிக் கோப்பு வகைகளை ஒரு வடிவிலிருந்து மற்றோர் வடிவிற்கு மாற்ற இயலும்.
AAC – Advanced Audio Coding
AMR – Adaptive Multi Rate (Audio Compression format)
AU – Audio file format by Sun Micro systems
FLAC – Free Lossless Audio Codec
M4A – Mpeg 4 Audio
WMA – Windows Media Audio
MKA – Matroska file extension for audio files only.

இம்மென்பொருளைக் கீழ்கண்ட இணையப் பக்கத்தில் பயன்படுத்தலாம். இதனைப் பயன்படுத்த ஓர் பயனர் கணக்கு மட்டும் துவங்கினால் போதுமானது.
http://audioexpert.com/

4) Audio Pal :
ஒலிப்பதிவிற்கான மற்றுமோர் இலவச இணையதளம் தான் இந்த Audio Pal. இந்த மென்பொருளின் உதவியுடன் ஒலிப்பதிவு செய்து, பயன்படுத்தலாம். மேலும், 25 ற்கும் மேலான மொழிகளில் எழுத்து வடிவத்திலிருந்து ஒலி வடிவத்திற்கு (Text to Speech) மாற்ற இயலும். தொலைபேசியின் உதவியுடன் குரல் அல்லது ஒலிப்பதிவு செய்யலாம்.

கணினியில் சேமித்து வைத்திருக்கும் ஒலிக்கோப்புகளையும் தரவேற்றம் செய்து கொள்ளலாம்.

மேற்கூறிய நான்கு முறைகளில் ஏதேனும் ஒன்றின் மூலம் ஒலிப்பதிவு செய்த பின், அந்தக் கோப்புகள், எங்ஙனம் பதிவாகி உள்ளன என்றும் அறிந்து கொள்ளலாம். ஒலிப்பதிவு செய்த கோப்புகளை, நமது மின்னஞ்சல் முகவரிக்கு அனுப்பி மின்னஞ்சலில் சேமித்தும் வைத்துக் கொள்ளலாம்.

இந்த மென்பொருளைக் கீழ்க்கண்ட இணையதளத்தில் பயன்படுத்தலாம்.
http://www.audiopal.com/editor.html

5) Vocaroo :
இணையத்தில் இலவசமாக ஒலிப்பதிவு செய்ய உதவும் வலைத்தளம் Vocaroo.com.

வலைத்தளத்தை திறந்ததுமே, மேற்காட்டியுள்ளதைப் போன்று தான் பக்கம் திறக்கிறது. இதில் காணப்படும், ” Click to Record” என்கிற பொத்தானை சொடுக்கியதும், குரல் பதிவு அல்லது ஒலிப்பதிவு ஆரம்பமாகிறது. இந்தத் தளத்தினூடாக ஒலிப்பதிவு செய்ய ஒலிவாங்கி (microphone) தேவை. ஒலிவாங்கியின் உதவியுடன், குரல்பதிவு செய்து முடித்ததும், பதிவு செய்ததை மீண்டும் கேட்கலாம். நமக்குத் தேவையெனில் அதனை ஒலிக்கோப்பாக நமது கணினியில் சேமித்துக் கொள்ளலாம்.

இந்தச் சேவை வழங்கும் இணையதளம்
http://vocaroo.com/

*** Please Note: Picture courtesy of their respective service providers’ sites

September 16, 2015
பயன்மிகு இணையவழிச் சேவைகள் – கட்டுரைப் போட்டி முடிவுகள்

அன்பினிய நண்பர்களே,

வணக்கம். சென்ற [ஆகஸ்ட், 2015] மாதத்திற்கான, ‘பயன்மிகு இணையவழிச் சேவைகள்’ கட்டுரைப் போட்டிக்கான, நடுவர் திரு ஐயப்பன் கிருஷ்ணன் அவர்களின் முடிவை அறிவிப்பதில் மகிழ்ச்சியடைகிறோம். பரிசு பெற்ற நித்திய லஷ்மிக்கு வாழ்த்துகள். இந்த மாத போட்டிக்குத் தயாராகிவிட்டீர்களா? விரைவில் தங்கள் படைப்புகளை அனுப்ப வேண்டுகிறோம். வாழ்த்துகள்.

ஐயப்பன் கிருஷ்ணன்

கட்டுரையாளர் தந்திருக்கும் தகவல் மிக முக்கியமானது. தினசரி பயன்பாட்டில் நாம் தவறுதலாக இழக்கும் கோப்புகளைத் திரும்பப் பெற இந்தக் கட்டுரையில் சொல்லப் பட்டிருக்கும் மென்பொருட்கள் உதவும். நல்லதொரு கட்டுரை வழங்கிய எஸ்.நித்திய லக்ஷ்மிக்கு வாழ்த்துகள்.

September 11, 2015
பயன்மிகு இணையவழிச் சேவைகள் – கணினி இடர், தரவுகள் மீட்பு முதலுதவி சேவைகள்

– எஸ். நித்யலக்ஷ்மி.

தரவுகள் மீட்பு: அழித்த ஃபைல்களை மீட்கப் பலவழிகள் உண்டு. அது நம்மில் பலருக்குத் தெரிவதில்லை. இதோ சில பயனுள்ள இணையதளங்கள் …

1. Hard Disk’ ல் இருந்து டெலிட் செய்யப்பட்ட ஃபைல்களை எப்படி மீட்பது:
திடீரென நம்மை அறியாமலேயே தவறுதலாக கணினியில் இருந்து ஃபைல்களை நீக்கி விடுவோம். அந்த நிலையில் ரீசைக்கிள் பின்னில் தேடினால் நமக்கு அதிர்ச்சி மட்டுமே காத்திருக்கும். எந்த ஒரு ஃபைலும் இருக்காது. நம்முடைய கணினியில் எங்கு தேடினாலும் கிடைக்காது. அப்போது ஒரு யோசனை தோன்றும் கணினியை ரீஸ்டோர் செய்தால் டாக்குமெண்ட் கிடைக்கும் என்று, இருப்பினும் ஒருசில சூழ்நிலைகளில் டாக்குமெண்ட் கிடைக்காது. இதுபோன்ற நிலையில் இழந்த ஃபைலினை எப்படியாவது மீட்டெடுக்க நினைத்து இணையத்தில் உதவி கேட்போம். ஆனால் அந்த நேரத்தில் சரியான வழிமுறைகள் எதுவும் கிடைக்காது. அதுபோன்ற நிலையில் நம்முடைய ஃபைல்களை இழக்க நேரிடும் அவ்வாறு இல்லாமல் இழந்த கோப்புகளை மீட்டெடுக்க அருமையான மென்பொருள் ஒன்றுள்ளது.

நீங்கள் எந்த ட்ரைவில் இருந்து ஃபைலினை டெலிட் செய்தீர்களோ அதனை தேர்வு செய்து Scan என்னும் பட்டியை தேர்வு செய்யவும். நீங்கள் டெலிட் செய்யப்பட்ட ஃபைல்கள் அனைத்தும் பட்டியலிடப்படும். அதில் உங்களுக்கு வேண்டிய கோப்பினை தேர்வு செய்து Undelete என்னும் பட்டியை அழுத்தவும் இப்போது நீங்கள் குறிப்பிட்ட இடத்தில் ஃபைலானது ரீஸ்டோர் செய்யப்பட்டிருக்கும். இழந்த ஃபைலானது மீட்டெடுக்கப்பட்டுவிட்டது என்ற செய்தி திரையில் தோன்றுகிறது. இவ்வாறு நாம் இழந்த ஃபைல்களை மீட்டெடுத்துக்கொள்ள முடியும். இந்த மென்பொருளானது மிகவும் பயனுள்ளதாக இருக்கும்.

www.officerecovery.com

2. கணினியில் வைரஸினால் பழுதான ஃபைல்களை எப்படி ரிப்பேர் செய்வது:

கணினியில் சில நேரங்களில் நம்முடைய ஃபைல்கள் சில எதிர்பாராத பிரச்சினைகளால் பழுதாகிவிடும். அந்த ஃபைல் பழுதாகிவிட்டால் நாம் அந்த ஃபைலில் சேமித்து வைத்திருக்கும் அனைத்து தகவல்களையும் இழக்கவும் நேரிடும். நம்முடைய ஃபைல்கள் பழுதாக சில காரணங்கள் நம்முடைய கணினியில் வைரஸ் புகுந்து முக்கியமான ஃபைல்களை அழித்து விடுவது, எதிர்பாராத மின் வெட்டுப் பிரச்சினை, தொழில் நுட்பக் கோளாறுகள் போன்ற காரணங்களால்தான் நாம்
பெரும்பாலும் நம் முக்கியமான ஃபைல்களை இழக்க நேரிடுகிறது. இது போன்று பிரச்சினைகளைத் தவிர்க்க ஒரு அருமையான இலவச மென்பொருள் உள்ளது.

மென்பொருளால் ரிப்பேர் செய்யப்படும் ஃபைல் ஃபார்மட்கள்:
◆ Word documents (.doc, .docx, .docm, .rtf)
◆ Excel spreadsheets (.xls, .xla, .xlsx)
◆ Zip or RAR archives (.zip, .rar)
◆ Videos (.avi, .mp4, .mov, .flv, .wmv, .asf, .mpg)
◆ Images (.jpg, .jpeg, .gif, .tiff, .bmp, .png)
◆ PDF documents (.pdf)
◆ Access databases (.mdb, .mde, .accdb, .accde)
◆ PowerPoint presentations (.ppt, .pps, .pptx)
◆ Music (.mp3, .wav)
இப்படி பல வகையான ஃபைல்களை மீண்டும் ரிப்பேர் செய்து உபயோகிக்க இந்த மென்பொருள் உதவி செய்கிறது.

உபயோகிக்கும் முறை:
◆ முதலில் இந்த மென்பொருளை டவுன்லோட் செய்து உங்கள் கணினியில் இன்ஸ்டால் செய்து கொள்ளுங்கள்.
◆ பின்பு அந்த மென்பொருளை ஓப்பன் செய்து அதில் கீழே குறிப்பிட்டு இருக்கும் பட்டனை அழுத்தி உங்களின் பழுதான ஃபைலை தேர்வு செய்து கொள்ளுங்கள்.
◆ பழுதான ஃபைலை தேர்வு செய்தவுடன் கீழே உள்ள ‘Start Repair’ என்ற பட்டனை அழுத்தினால் போதும் உங்களுடைய ஃபைல் ரிப்பேர் ஆகத் தொடங்கி சிறிது நேரத்திலேயே முழுதும் சரிசெய்யப்பட்டு உங்களுடைய ஃபைல் திரும்பவும் உங்களுக்கு கிடைக்கும்.

இந்த மென்பொருளால் குறிப்பிட்ட ஃபைல்களை ரிப்பேர் செய்ய முடியாவிட்டாலும் கூட இந்த முகவரிக்கு repair@filerepair1.com உங்களின் பழுதான ஃபைலை அனுப்பினால் அவர்கள் அந்த ஃபைலை திருத்தி மீண்டும் செயல்படுத்தித் தருவார்கள் என்பது இந்த மென்பொருளின் கூடுதல் சிறப்பு.

www.filerepair1.com

3. பென் டிரைவில் அழிந்த ஃபைல்களை எப்படி மீட்பது:
பென் ட்ரைவ் மற்றும் ‘எக்ஸ்டெர்னல் ஹார்டிஸ்க்’ ஆகியவற்றை நாம் தினசரி அலுவல் நிமித்தமாகவும், தனிப்பட்ட பயன்பாட்டிற்காகவும் பல கணினிகள் மற்றும் மடிக்கணினிகளில் பயன்படுத்தி வருகிறோம். இவ்வாறான பயன்பாட்டில் நம்மை அறியாமலேயே சில சமயங்களில் வைரஸ் அல்லது மால்வேர் தாக்குதலுக்கு உள்ளான கணினிகளில் பயன்படுத்தும் நிலை உண்டாகி விடுவது இயல்புதான். பெரும்பாலும் நமது அதி முக்கியமான கோப்புகள் (புகைப்படங்கள், பல நாட்கள் செலவழித்து உருவாக்கிய ஆவணங்கள்) அனைத்தையும் பென் ட்ரைவ்களில்தான் வைத்திருப்போம். மால்வேர் தாக்குதல்களுக்கு உள்ளான கணினிகளில் இவற்றை பயன் படுத்திய பிறகு, நமது பென் ட்ரைவை சோதித்துப் பார்த்தால், நாம் அதில் வைத்திருந்த ஃபோல்டர்கள் அனைத்தும் காணாமல் போய், வெறும் 1 KB மட்டுமே அளவுள்ள அவற்றின் ஷார்ட்கட்கள் மட்டுமே இருப்பதைக் கண்டு பலரும் அதிர்ச்சி அடைந்திருக்கலாம். ஒரு சிலர், பென் ட்ரைவில் உள்ள அனைத்தும் போய்விட்டது என்று எண்ணி ஃபார்மெட் கூட செய்திருக்கிறார்கள். பல நாள் உழைப்பு வீணாகிவிட்டதே என்றெண்ணி தலையில் கைவைத்து அமருவதை விட, கொஞ்சம் சிந்தித்தால் போதும் இழந்ததாக கருதிய கோப்புறைகளை மீட்டெடுத்து விடலாம். முதலில் நாம் செய்ய வேண்டியது, நமது பென் ட்ரைவ் அல்லது எக்ஸ்டர்னல் ட்ரைவ் லெட்டரை அறிந்து கொண்டு (உதாரணமாக G: ), ஸ்டார்ட் மெனுவில் ரன் கட்டளைக்கு சென்று CMD என டைப் செய்து DOS prompt இற்கு செல்லுங்கள். அங்கு ட்ரைவ் லெட்டரை டைப் செய்து (G:) என்டர் கீயை அழுத்தி, அந்த குறிப்பிட்ட ட்ரைவிற்கு செல்லுங்கள். அங்கு DIR/AD என டைப் செய்து என்டர் கீயை அழுத்த, நமது ட்ரைவில் உள்ள அனைத்து ஃபோல்டர்களும் (நாம் இழந்ததாக கருதிய) hidden வடிவில் மறைக்கப்பட்டிருப்பதை காணலாம்.

இவற்றை எப்படி மீட்டெடுப்பது:
இதே DOS prompt -ல் இருந்து கொண்டு, Attrib -r -s -h /s /d G:*.* என்ற கட்டளையை கொடுங்கள். அவ்வளவுதான் உங்கள் ஃபைல்களை மீட்கப்பட்டன. பிறகு தேவையற்ற ஷார்ட்கட்கள், மற்றும் வைரஸ் என சந்தேகிக்கப்படும் கோப்புகள் அனைத்தையும் டெலிட் செய்து விடுங்கள்.

டாஸ் கட்டளைகளை பயன்படுத்த தயங்குபவர்கள் கீழே உள்ள சுட்டியிலிருந்து பேட்ச் ஃபைலை தரவிறக்கிப் பயன்படுத்திக் கொள்ளலாம்.

4. cd யில் உள்ள ஃபைல்கள் crash ஆயிடுச்சா? கவலையை விடுங்க ? இதோ உங்களுக்காகவே வந்திருக்கு இந்த மென்பொருள்

www.recoverdisc.com

எஸ். நித்யலக்ஷ்மி
தஞ்சை மாவட்டம்

August 10, 2015
பயன்மிகு இணையவழிச் சேவைகள் – கட்டுரைப் போட்டி முடிவுகள்

அன்பினிய நண்பர்களே,

வணக்கம். சென்ற [ஜூலை, 2015] மாதத்திற்கான, ‘பயன்மிகு இணையவழிச் சேவைகள்’ கட்டுரைப் போட்டிக்கான, நடுவர் திரு ஐயப்பன் கிருஷ்ணன் அவர்களின் முடிவை அறிவிப்பதில் மகிழ்ச்சியடைகிறோம். பரிசு பெற்றவர்களுக்கு வாழ்த்துகள். இந்த மாத போட்டிக்குத் தயாராகிவிட்டீர்களா? விரைவில் தங்கள் படைப்புகளை அனுப்ப வேண்டுகிறோம். வாழ்த்துகள்.

ஐயப்பன் கிருஷ்ணன்

மூன்று கட்டுரைகளில் இரண்டின் பேசு பொருள் ஒன்றாக இருக்கிறது.

திருமதி. சிவானந்தம் கனகராஜ். மற்றும் – எஸ். நித்யலக்ஷ்மி. இருவரும் இணையத்தில் ஆவண சேமிப்பு மற்றும் பகிர்தல் குறித்து தங்கள் பார்வையை வைத்திருக்கிறார்கள். இதில் திருமதி சிவானந்தம் கனகராஜ் தெளிவாக பல இணையத் தளங்களைக் குறித்து விளக்கமான பார்வையை வைத்திருப்பது சிறப்பு.

இதையும் தவிர்த்த மிக முக்கியமான தளங்கள் உள்ளன. அவற்றையும் கட்டுரைகளில் கொண்டு வந்திருக்கலாம்.

நித்தியலக்ஷ்மி தன்னுடைய இன்னொரு கட்டுரையில் தேடுபொறியின் நுட்பங்களை விவரித்துச் சென்றிருப்பது மிகுந்த பயனளிக்கும் ஒன்றாகும்.

நித்தியலக்ஷ்மி மற்றும் திருமதி. சிவானந்தம் கனகராஜ். இருவரின் கட்டுரைகளுமே பயனுடையவை. ஆகவே இவ்விருவருக்கும் இந்த வெற்றியை சமமாக பகிர்ந்து அளிக்க விரும்புகிறேன்.

வாழ்த்துகள்.

August 7, 2015
பயன்மிகு இணையவழிச் சேவைகள்

— எஸ். நித்தியலக்ஷ்மி.

கூகுளில் தேடல் நுட்பங்கள்

கூகுள் தேடல் சாதனம் மூலம் தேடுகையில், நீங்கள் தேடும் நோக்கத்திற்குத் தேவையில்லாத பல தகவல்கள் பட்டியலிடப் படுகின்றனவா? எப்படிப் பார்த்தாலும் தேடி அறிய விரும்பும் தகவல்கள் கிடைக்கவில்லையா? தேடலுடன் சில ஆப்பரேட்டர்களை இணைத்து தேடலுக்குச் சில வரையறைகளைத் தர கூகுள் இடம் அளிக்கிறது. அந்த வரையறைத் தேடல்களை எப்படி அமைப்பது என இங்கு பார்க்கலாம்.

கூகுள் தேடல்கள் :
1. குறிப்பிட்ட சொல் மட்டும்: நாம் சொற்கள் அடங்கிய சில சொல் தொகுதிகளைத் தருகையில், அடிப்படைத் தேடலில் அவை எந்த வரிசையில் இருந்தாலும், அந்த டெக்ஸ்ட் உள்ள தளம் காட்டப்படும். அப்படி இல்லாமல், குறிப்பிட்ட வரிசையில் சொற்கள் அமைக்கப்பட்டால் மட்டுமே தேவை எனில் என்ன செய்திட வேண்டும்? எடுத்துக்காட்டாக, “nor custom stale her infinite variety” என்ற வரிசையில் உள்ள ஷேக்ஸ்பியர் வரியினைக் கொண்டுள்ள டெக்ஸ்ட் உள்ள பக்கம் மட்டுமே வேண்டும் எனில், இந்த சொற்களை மேற்கோள் குறிகளுக்குள் தர வேண்டும். அப்படிக் கொடுக்கையில், இந்த வரிசையில் உள்ள சொற்றொடர்கள் உள்ள பக்கங்கள் மட்டுமே பட்டியலிடப்படும்.

எனவே, இது போன்ற கட்டாயமான தேவை இருந்தால் மட்டுமே மேற்கோள் குறிகளுக்குள் தேடல் சொற்களை அமைக்க வேண்டும். சாதாரணத் தேடலில் அமைத்தால், பல முக்கிய தளங்களை நாம் காணாமல் இழக்க வேண்டியதிருக்கும்.

2. சொல்லை விலக்கி அளிக்க: குறிப்பிட்ட ஒரு சொல்லுடன், இன்னொரு குறிப்பிட்ட சொல் இல்லாதவை மட்டுமே நமக்குத் தேவையாய் இருக்கும். எடுத்துக்காட்டாக, மெட்ரோ நகரங்களைப் (metro cities) பற்றித் தேடுகிறீர்கள். இப்போது வந்திருக்கும் விண்டோஸ் 8 தொகுப்பில் மெட்ரோ என்ற யூசர் இன்டர்பேஸ் முதலில் தரப்பட்டது. எனவே நீங்கள் metro cities என்று அளிக்கையில், விண்டோஸ் 8 குறித்த தளங்களும் காட்டப்படும். இதனைத் தவிர்த்து நகரங்களை மட்டும் பெற, Metro Cities windows என ஒரு சிறிய டேஷ் அடையாளத்தை (மைனஸ்) தேவையற்ற சொல்லுடன் இணைக்க வேண்டும். இதே போல ஒரு குறிப்பிட்ட தளத்தில் உள்ள எதுவும் வேண்டாம் என்றால், அந்த தளத்தின் பெயருக்கு முன்னால், site: எனக் கொடுக்க வேண்டும். எடுத்துக்காட்டாக, tamil kings site: wikipedia.org எனக் கொடுக்கலாம்.

3. இணைச் சொற்களுடன் தகவல்: மேலே காட்டப்பட்டதற்கு எதிராக, ஒரு சொல்லைப் போன்றே பொருள் உள்ள இணைச் சொற்களும் (Synonyms) காட்டப்பட வேண்டும் எனில், (~) குறியீட்டினைச் சேர்க்க வேண்டும். எடுத்துக்காட்டாக, ~food facts எனக் கொடுத்தால், நல்ல உணவிற்கான பிற சொற்களுடன் தேடல் தகவல்கள் தரப்படும்.

4. குறிப்பிட்ட தளத்தினுள் மட்டும்: உங்களுக்கான தேடல் குறிப்பிட்ட தளத்தில் மட்டுமே மேற்கொள்ளப்பட வேண்டும் எனில், சொல்லுக்குப் பின்னால் site: என்ற சொல்லுடன், அந்த தளத்தின் யு.ஆர்.எல். தரப்பட வேண்டும். எடுத்துக்காட்டாக, chromesite:support.google.com எனக் கொடுக்கலாம். இவ்வாறு கொடுக்கையில் chrome என்ற சொல் support.google.com என்ற தளத்தில் இடம் பெறும் இடங்கள் மட்டுமே கிடைக்கும்.

5. எந்த சொல்லானாலும் சரி: குறிப்பிட்ட தேடல் சொல் தொகுதியில் ஓர் இடத்தில், எந்த சொல் வந்தாலும் பரவாயில்லை என்று எண்ணினால், தேடலுக்கான சொல் தொடரில், அந்த இடத்தில் ஆஸ்டெரிஸ்க் குறியீட்டைத் தரலாம். எடுத்துக் காட்டாக “a * saved is a * earned” என அமைக்கலாம்.

6. எந்த சொல்லுக்கான விடையும் வேண்டும்: சில சொற்களைக் கொடுத்துத் தேடச் சொல்கையில், அவற்றில் இரண்டில் எந்த சொல் இருந்தாலும் வேண்டும் என எண்ணினால், அந்த இரண்டு சொற்களுக்கிடையில் “OR” எனப் பெரிய எழுத்துக்களில் தர வேண்டும். எடுத்துக்காட்டாக olympics location 2014 OR 2018 எனத் தரலாம். இவ்வாறு தருகையில், ஒலிம்பிக்ஸ் நடைபெற்ற இடம் 2014 ஆம் ஆண்டு அல்லது 2018 ஆம் ஆண்டு என இரண்டு ஆண்டுகளுக்குமான தேடல் நடைபெற்று விடை கிடைக்கும். இந்த குறியீடு இல்லை என்றால், இரண்டு சொற்களும் இடம் பெறும் தள விடைகள் மட்டுமே கிடைக்கும். இந்த தேடல் குறியீட்டில் என்பதற்குப் பதிலாக “|” என்ற குறியீட்டினையும் அமைக்கலாம்.

7. ரேஞ்ச் அமைக்க: விலை, ஆண்டு, நேரம், காலம் குறிப்பிடுகையில், இதிலிருந்து இது வரையிலானது வரை தேடுக என்று நாம் அமைக்க விரும்புவோம். அப்போது ரேஞ்ச் அமைப்பில் உள்ள இரண்டுக்கும் இடையே இரு புள்ளிகளை அமைக்க வேண்டும். எடுத்துக்காட்டாக, ரூ.2,000 முதல் ரூ.4,000 வரையிலான விலை ரேஞ்சில் உள்ள கேமராக்கள் குறித்து அறிய camera Rs.50..Rs.100 என அமைக்கலாம்.

July 20, 2015
பயன்மிகு இணையவழிச் சேவைகள்

— திருமதி. சிவானந்தம் கனகராஜ்.

இணைய ஆவண சேமிப்பு மற்றும் பகிர்தலுக்கான தளங்கள்

நாளும் நமது கணிப்பொறியில் பல வகையான ஆவணங்களை ( Documents ) உருவாக்கி பயன்படுத்துகிறோம். Microsoft Office ன் பல்வேறு மென்பொருட்களான MS Word, MS Excel, MS PowerPoint, இவையனைத்து மென்பொருட்களையும் நாம் அன்றாடம் பயன்படுத்தி வருகிறோம். அதே போல் பல வகையான படக் கோப்புகள், jpeg, gif, bmp மற்றும் zip கோப்புகள், pdf கோப்புகளை உருவாக்கி பயன்படுத்துகிறோம். மற்றவர்களோடு பகிர்ந்தும் கொள்கிறோம்.

நாம் உருவாக்கும் ஆவணங்களை கணினியில் சேமித்து வைக்கிறோம். Compact Disc, Pen drive, Hard disc போன்ற external storage device களிலும் சேமித்துப் பயன்படுத்தலாம். அப்படி சேமிக்கையில், அந்த உபகரணங்களை கையில் எடுத்துச் செல்வோம். அங்கனம் எடுத்துக் செல்லக் கூட தேவையில்லாது, இணையத்திலேயே சேமித்துக் கொள்ளும் வசதியும் இன்று உள்ளது. இணைய வசதி இருந்தால், எங்கு எப்போது வேண்டுமானாலும் நமது கோப்புகளை பயன்படுத்திக் கொள்ளலாம்.

நமது மின்னஞ்சலிலேயே நமது கோப்புகளை இணைத்து, பிறருக்கு அனுப்பவோ, பகிர்ந்து கொள்ளவோ செய்யலாம். ஆனால், மின்னஞ்சல் சேவை வழங்கும் ஒவ்வொரு நிறுவனமும் நாம் மின்னஞ்சலுடன் தரவேற்றும் கோப்புகளுக்கான அளவை நிர்ணயம் செய்துள்ளன. அவை நிர்ணயத்துள்ள அளவுக்கு மேலாக இருக்கும் கோப்புகளை அனுப்புவதென்பது இயலாது. இதற்காக வடிவமைக்கப்படவை தான், இந்த இணையவழி ஆவண சேமிப்பு மற்றும் பகிர்தலுக்கான தளங்கள்.

மின்னஞ்சல் சேவை நிறுவனங்கள் வழங்கும் அதிகபட்ச மின்னஞ்சல் அளவு வரம்பு ( Maximum Email Size Limit ) கீழ்வருமாறு:

மேற்குறிப்பிட்டிருக்கும் கோப்புகளின் அளவுக்கு மேல் மின்னஞ்சலில் இணைப்புகளாக கோப்புகளை அனுப்ப இயலாது. அது போன்ற சூழ்நிலைகளில், இணையத்தில் இருக்கும் ஆவண சேமிப்பு மற்றும் பகிர்தலுக்கு உதவும் இணைய தளங்களை பயன்படுத்திக் கொள்ளலாம்.

அத்தகைய சேவைகளை இலவசமாக இணையவழி வழங்கும் இணையதளங்கள் குறித்து இக்கட்டுரையில் காணலாம்.

கூகுள் டாக்ஸ் வியூவர் (Google Docs Viewer):
கூகுள் வழங்கும் சேவை இந்த கூகுள் டாக்ஸ் வியூவர். மைக்ரோசாப்ட் வோர்ட், நோட்பேட் போன்ற மென்பொருட்களை பயன்படுத்தி நமது ஆவணங்களை கோப்புகளாக சேமித்து வைப்போம். அத்தகைய கோப்புகளை நாம் தனி மென்பொருள் ஏதுமின்றி இணையத்திலேயே உருவாக்கி, சேமித்து, திருத்தங்கள் மேற்கொள்வது என அனைத்து வகையான வேலைகளையும் இணையத்திலேயே செய்து, கோப்புகளை சேமித்துக் கொள்ளலாம்.

word processors (சொல் செயலிகள்) வழங்கும் பல்வேறு சேவைகளும் இந்த இணையவழி சேவையின் வாயிலாக கிட்டுகிறது. எடுத்துக்காட்டாக, கோப்புகளில் திருத்தம் மேற்கொள்ளுதல் (Editing ), மெருகூட்டுதல் (styling), சேமித்தல் (saving) என தனி மென்பொருட்களில் செய்யும் அனைத்து செயல்களையும் இதிலும் மேற்கொள்ளலாம் .

ஆயிரத்திற்கும் மேற்பட்ட எழுத்துருக்கள், இணையதள இணைப்புகள் கொடுக்கும் வசதி, படங்களை நமது கணினியிலிருந்து பயன்படுத்திக் கொள்ளும் வசதி, ஓவியம் வரையும் வசதி, அட்டவணைகள் உருவாக்கிக் கொள்ளும் வசதி என ஒரு தனி மென்பொருளில் கிடைக்கும் அனைத்து வசதிகளும் இந்த இணையவழி சேவையின் மூலம் கிடைக்கப் பெறலாம். நமது கூகுள் மின்னஞ்சல் கணக்கினை பயன்படுத்தியே நமது கோப்புகளை சேமித்துக் கொள்ளலாம்.

கூகுள் வழங்கும் இந்த சேவையை கீழ்காணும் இணைய பக்கத்தில் பெறலாம்:
docs.google.com

ஸ்ரைப்டு (Scribd):
Scribd ன் உதவியுடன் நம்மால் நமது கோப்புகளை இணையத்தில் வெளியிட அல்லது மற்றவர்களுடன் பகிர்ந்து கொள்ள முடியும். கோப்புகளை பிறர் பயன்படுத்த கட்டணம் வசூலிக்கவும் செய்யலாம். நமது கோப்புகளை சேமிப்பதற்கென தனி கணக்கு உருவாக்கி அதில் நமது கோப்புகளை சேமித்துக் கொள்ளலாம். நாம் அங்ஙனம் சேமிக்கும் கோப்புகளுக்கான இணைய பக்க முகவரியின் உதவியுடன், அந்த கோப்புகளை இணையத்திலேயே வாசிக்க, தரவிறக்க என்று பல வசதிகளும் கிடைக்கின்றன.

இவை மட்டுமின்றி, கட்டுரைகள், கடிதங்கள், புத்தகங்கள், செய்தித் தாள்கள், பத்திரிகைகள், கவிதைகள், வியாபரத்திற்கு பயன்படுத்தப்படும் படிவங்கள், சட்ட ரீதியான ஆவணங்கள், சொற்பொழிவுகள், விளக்கக் காட்சிகள், சுற்றுலா வழிகாட்டிகள் என்று இணையத்தில் கிடைக்கும் பலவகையான ஆவணங்களையும் இந்த இணையவழிச் சேவையின் மூலம் சேமித்துப் பயன்படுத்தலாம், பிறருக்கு பயன்படுத்த, பகிர்ந்து உதவலாம்.

நாம் சேமித்து வைத்துள்ள கோப்புகளை, நமது இணைய பக்கங்களிலும், இந்த Scribd ன் உதவியுடன் வெளியிட்டுக் கொள்ளலாம்.

இந்த சேவையை கீழ்காணும் இணைய பக்கத்தில் பெறலாம்:
https://www.scribd.com/

ஸ்லைடு ஷேர் ( Slide Share):
நாம் அறிந்த தகவல்களை மற்றவருடன் பகிர்ந்து கொள்ளும் நோக்கோடு உருவாக்கப் பட்டது தான் இந்த slide share. ஆவணங்கள் (documents), காணொளிகள் (videos), விளக்கக் காட்சிகள் (presentations), இணையவழி கருத்தரங்கங்கள் (webinars), விளக்கக் காட்சிகள் (infographics ), PDF கோப்புகள், புகைப்படத் தொகுப்பு என்று பலவகையான கோப்புகள், பல்வேறு வடிவங்களில் தரவேற்றவும், பலருடன் பகிர்ந்து கொள்ளும் வசதியை இந்த இணையதளம் வழங்குகிறது.

இதில் பதினைந்து மில்லியனுக்கும் மேலான பலவகையான கோப்புகள் தரவேற்றம் செய்யப் பட்டுள்ளன. அவற்றில் தொழில்நுட்பம், கல்வி, வணிகம், ஆரோக்கியம் சார்ந்த தகவல்கள், பயணக் கட்டுரைகள் என்று பல வகையான தகவல்கள் நமக்கு கிடைக்கின்றன.

நாம் இங்கு தரவேற்றம் செய்யும் கோப்புகளை பிறருடன் பகிர்ந்து கொள்ளலாம். வலைபூக்கள் மற்றும் வலைதளங்களில் வெளியிடலாம், இணைப்பு வழங்கலாம்.

இந்த சேவையை வழங்கும் வலைப்பக்கம்
www.slideshare.net

ஸ்கை ட்ரைவ் (sky drive) / ஒன் ட்ரைவ் (one drive):
மைக்ரோ சாஃப்ட் நிறுவனம் வழங்கும் இணையவழி ஆவண சேமிப்பு வசதி தான் இந்த ஸ்கை ட்ரைவ். ஸ்கை ட்ரைவ் தற்போது ஒன் ட்ரைவ் என்று அழைக்கப் படுகிறது.

புகைப்படங்கள், காணொளிகள் , பலவகையான கோப்புகளை நாளும் பயன்படுத்துவோம், நமக்கு நெருக்கமானவர்களுடன் பகிர்ந்து கொள்வோம். அங்ஙனம் பகிர்ந்து கொள்வதற்கு இந்த ஒன் ட்ரைவ் நமக்கு உதவுகிறது.

ஒன் ட்ரைவ் தற்போது மைக்ரொ சாஃப்ட் வழங்கும் MS – Office மென்பொருட்களுடன் வருகிறது. இணையத்தில் பயன்படுத்த கிடைக்கும் இந்த மென்பொருட்களில் MS Word, MS Excel, MS PowerPoint, MS One Note ஆகியன அடங்கும்.

பயனர் ஒவ்வொருவருக்கும் ஒரு டெராபைட் (Terabyte) அளவுள்ள தகவல்களை சேமிக்கும் வசதியை வழங்குகிறது ஒன் ட்ரைவ்.

இதில் தரவேற்றும் கோப்புகளை பிறருடன் பொதுவில் பகிர்ந்து கொள்ளலாம். குறிப்பிட்ட சிலருடன் மட்டும் பகிர விரும்பினால், அவ்வாறும் செய்யலாம். பகிரும் கோப்புகளில், யார் மாற்றங்கள் செய்யலாம் என்பதையும் நாமே தீர்மானித்து, குறிப்பிட்ட சிலருக்கு மட்டும் மாற்றம் செய்யும் உரிமையையும் வழங்கலாம்.

இந்த சேவையை கீழ்காணும் இணையதளத்தில் பெறலாம்:
onedrive.live.com

இஸ்ஸூ (Issuu.com) :
இணையவழி ஆவண சேமிப்பு மற்றும் பகிர்தலுக்கான மற்றுமோர் தளம் இஸ்ஸூ. இங்கு சேமிக்கும் ஆவணங்களை பிறருடன் பகிர்ந்து கொள்ள இயலும். நமது வலைப்பக்கங்களில், புத்தகம் போலவே வாசிப்பதற்கு ஏதுவாக வெளியிட முடியும்.

பல துறை சார்ந்த தகவல்கள், கலை, கல்வி, தொழில் நுட்பம், திரைப்படம், பயணம், சுற்றுலா என பல துறை பற்றிய தகவல்களும் இங்கு கிடைக்கின்றன. நாமும் இதில் ஓர் கணக்கினை துவங்கி இணைந்து கொண்டால், நமக்கு தெரிந்த தகவல்களையும் உலகில் உள்ள பலருடனும் பகிர்ந்து கொள்ளவும் முடியும்.

இந்த சேவையை வழங்கும் இணையதளம்:
issuu.com

July 20, 2015