Category: கட்டுரைகள்

அல்கோர் முன்னாள் அமெரிக்க துணை ஜனாதிபதி

சி. ஜெயபாரதன் B.E.(Hons) P.Eng (Nuclear) கனடா

பூகோளம் மின்வலை யுகத்தில்
பொரி உருண்டை ஆனது !
ஓகோ வென்றிருந்த உலகமின்று
உருவம் மாறிப் போனது !
பூகோள மஸ்லீன் போர்வை
பூச்சரித்துக் கந்தை ஆகுது !
மூச்சடைத்து விழி பிதுக்க
வெப்ப யுகப்போர் தொடுக்குது !
நோய் பற்றும் பூமியைக்
குணமாக்க மருத்துவம் தேவை !
காலநிலை மாறுத லுக்குக்
காரணங்கள் வேறு வேறு !
கரங் கோத்துக் காப்பாற்ற
வருவீ ரெனக் கூறு கூறு !
ஓரிடத்தில் எரிமலை கக்கி
உலகெலாம் பரவும்
கரும்புகைச் சாம்பல் !
துருவப் பனிமலைகள்
உருகி
உப்பு நீர்க் கடல் உயரும்!
பருவக் கால நிலை
தாளம் தடுமாறிப்
வேளை தவறி நாள் மாறிவிடும்,
கோடை காலம் நீடிக்கும்,
குளிர்காலப் பனிமலைகள்
வளராமல்
சிறுத்துப் போகும்
துருவ முனைகளில் !
நிலப்பகுதி நீர்மய மாகும் !
நீர்ப்பகுதி நிலமாகிப் போகும் !
உணவுப் பயிர்கள் சேத மாகும் !
மனித நாகரீகம் நாசமடைந்து
புனித வாழ்வு வாசமிழந்து
வெறிபிடித் தாடும்
வெப்ப யுகப் பிரளயம் !

**************************************

“கடந்த பனியுகத்துக்கும் முன்பு உலகெங்கும் கடல் மட்டம் இன்றைக்கு உள்ளதை விட 20 அடி உயரத்தில் இருந்தது.  சூடேறும் பூகோளம் மெல்ல மெல்லச் சூடேறி 129,000 ஆண்டுகளுக்கு முன்னிருந்த அந்தக் கடல் மட்ட நிலைக்கு அடுத்த நூற்றாண்டிலே மீண்டும் கொண்டு வந்துவிடும்.”

ரிச்சேர்டு ஹாரிஸ் [Richard Harris National Public Radio (March 26, 2006)]

“கிரீன்லாந்தின் பனிமலைகள் உருகிச் சரிந்தால் சில சமயம் பூகம்பங்களை உண்டாக்கிவிடும்.  கடந்த 5 ஆண்டுகளாக பூகம்ப எண்ணிக்கை உலகில் இரட்டித்திருக்கிறது.  அவ்விதம் விரைவாக ஆர்க்டிக் பகுதிகள் சேமித்து வைத்துள்ள நீர் வெள்ளம் வெளியேறுவது பூகோளச் சூடேற்றத்தைக் காட்டும் மற்றுமோர் அடையாளம் என்று விஞ்ஞானிகள் எண்ணுகிறார் !  எதிர்பார்த்தை விட பனிமலைகள் உருகி வேகமாக நகர்ந்து வருகின்றன.”

கிரிஸ்டொ·பர் ஜாய்ஸ் [Christopher Joyce, National Public Radio (March 24, 2006)]

“55 மில்லியன் ஆண்டுகளுக்கு முன்பு பூகோளத்தில் தீவிரச் சூடேற்றம் உண்டாகி மீதேன் வாயு பேரளவில் வெளியேறி பல ஆழ்கடல் உயிரினம் அழிந்து போயின என்றும், அதே சமயத்தில் தளவியல் விலங்கினங்கள் பெருகி வளர்ச்சி அடைந்தன என்றும் இன்றைய (நவம்பர் 19, 1999) விஞ்ஞான இதழ் ஒன்று கூறுகிறது.  அந்த மாதிரி வெப்ப யுகம் “சமீபத்திய பாலியோசீன் உச்ச வெப்பம்” (Latest Paleocene Thermal Maximum) என்று குறிக்கப்படுகிறது.  அது 10,000 – 20,000 ஆண்டுகளுக்கு இடையே ஒருமுறை வருகிறது.”

ஜான் ரோச் [John Roach, Environmental News Network (Nov 19, 1999)]

“மீதேன் வாயு வெளியேற்றத்துக்கும், வெப்பச் சூடு ஏற்றத்துக்கும் உள்ள உறவு கடற்தளப் படிகைகளை [Ocean Floor Sediments] ஆராய்ந்து கண்ட விளைவுகளை வைத்துத் தீர்மானிக்கப் பட்டது.  அதுவே வெப்ப ஏற்ற விதிக்கு முதல்தர ஆதாரச் சான்று.  வெப்ப ஏற்றம் கடற்படிகையைச் சூடாக்கி திட மீதேனை நீர்த்திடச் செய்து [Hydrated Soild Methane (CH4)] வாயுக் குமிழ்களாய்க் கொப்பளிக்க வைக்கிறது.  மீதேன் வாயு நீரில் கலந்துள்ள ஆக்ஸிஜெனுடன் சேர்ந்து ஏரிகளில் கரிமம் [Carbon] பிரிந்து கரிமச் சுற்றியக்கம் [ Global Exogenic Carbon Cycle] தொடர்கிறது.”

டோரோதி பாக், ஆய்வாளர், கலி·போர்னியா பல்கலைக் கழகம்

“உலகத்தின் ஜனத்தொகைப் பெருக்கம் 2050 ஆம் ஆண்டில் 9.1 பில்லியனாக ஏறப் போகிறது!  அதனால் எரிசக்தி, நீர்வளம், நிலவளம், உணவுத் தேவைகள் பன்மடங்கு பெருகிப் பூகோளச் சூடேற்றத்தை மிகையாக்கப் போகின்றன.  15 ஆண்டுகளில் கிலிமன்ஞாரோ சிகரத்தில் [Mount Kilimanjaro, Tanzania, Africa] பனிச்சரிவுகள் எதுவு மில்லாமல் காணாமல் போய்விடும்!  அமெரிக்காவில் உள்ள மான்டானா தேசியப் பூங்காவின் பனிச்சரிவுகள் தெரியாமல் போய் 20 ஆண்டுகளில் வெறும் பூங்காவாக நிற்கும்.  சுவிட்ஸர்லாந்தில் உள்ள ரோன் பனிச்சரிவுகள் ஏறக்குறைய மறைந்து விட்டன!  அண்டார்க்டிகாவின் மேற்குப் பகுதியில் பாதியளவு பனிப்பாறைகள் உருகிப் போயின!  அதுபோல் கிரீன்லாந்தில் அரைப் பகுதி பனிக் குன்றுகள் உருகிக் கரைந்து விட்டன!  நியூ ஆர்லியன்ஸ் நகரை ஏறக்குறைய கடல்நீரும், நதிநீரும் மூழ்க்கி நாசமாக்கி நகர மாந்தரைப் புலப்பெயர்ச்சி செய்து விட்டது!  வன்முறை மூர்க்கருக்கு மட்டுமா அமெரிக்கர் கவலைப் பட வேண்டும்?  அந்தப் பயமுறுத்தல் ஒன்றுதானா நமது கவனத்தைக் கவர வேண்டும்? நமது நாகரீக வாழ்வும், பூகோள மாசுகளும் மோதிக் கொண்டிருப்பதை மெய்யெனக் கண்டு நாம் சாட்சியம் கூறி நிற்கிறோம்.”

அமெரிக்கன் முன்னாள் துணை ஜனாதிபதி அல் கோர் [Al Gore, American Former Vice President (June 5, 2005)]

பல்லாண்டுகள் பொய்யென ஒதுக்கணிக்கப்பட்ட பூகோளச் சூடேற்றமும், சூழ்வெளி ஓஸோன் வாயுக் குடையில் இழப்பும் தற்போது அகில நாடுகளின் கவனத்தைக் கவர்ந்திருக்கிறது! ஓஸோன் பிரச்சனையைத் தீர்க்க அகில நாடுகள் கூட்டு ஒப்பந்தம் செய்து பெருத்த மாறுதல்கள் புரிய முனையும் போது, அமெரிக்கா தீவிரப் பங்கு எடுத்துக் கொள்ளாமல் வாளா விருக்கிறது!  ஓஸோன் குறைபடுகளால் தீங்கு நேர்வதைக் காட்டும் போது மக்கள் புனைகதையாகப் புறக்கணிக்காமல் காதுகொடுத்துக் கேட்கிறார்கள். கடந்த பத்தாண்டுகளாக (1979-1989) நம்மைப் பாதித்த மாபெரும் அந்த ஓஸோன் சிக்கலுக்கு தீர்வு பெறுவது, மானிடருக்குப் பெரும் சவாலாகப் போகிறது!  அமெரிக்காவில் ஓஸோன் பிரச்சனைக்கு ஓரளவு தீர்வு காண, சில ரசாயனப் பண்டங்களை உற்பத்தி செய்யக் கூடாதென்று கருத காங்கிரஸ் பேரவை முன் வந்திருப்பது வரவேற்கத் தக்கது.  அவை ஓஸோனை விழுங்கும் “குளோரோ புளோரோ கார்பன்ஸ்” [Chloro Fluro Carbons (CFC)]

சூடேறும் பூகோளம் பற்றி அல் கோர்

பூகோளம் சூடேறும் என்றால் எதைக் குறிப்பிடுகிறோம் ?

பூகோளம் என்று நாம் சொல்லும் போது, மண் தளத்துடன் பூமியைச் சுற்றி ஐந்து அல்லது பத்துமைல் உயரத்தில் வாயுக்கோளக் குடையாக நிலவி பூமியின் தட்ப, வெப்பம் நிலையாகப் பருவ காலங்களில் குறிப்பிட்ட உஷ்ண நீட்சியில் [Temperature Range] வைத்துக் கொள்ளும் வாயு மண்டலத்தையும் சேர்த்துக் கொள்கிறோம்.  அந்த மெல்லிய வாயு மண்டலத்தில் நச்சு வாயுக்கள் கலந்து நாசமாக்கினாலும், ஓஸோன் துளைகள் ஏற்பட்டுக் கந்தையானாலும், பூமியின் ஈர்ப்பாற்றல் மாறி வாயுக்கள் மறைந்து போனாலும் பூமியின் காலநிலை மாறி சூட்டுப் பிரளயம் நேர்ந்துவிடும்.  வாயு மண்டலம் மறைந்து போனால் நீர்வளம், நிலவளம், உயிர்வளம் யாவும் சிதைந்து, சீர்குலைந்து பூகோளம் செவ்வாய்க் கோள்போல் நீர்மை, ஆக்ஸிஜென், ஹைடிரஜன் இல்லாமல் பாலைவனமாய் வரண்டு போய்விடும் !  சூழ்வெளியில் சேமிப்பாகும் கிரீன்ஹவுஸ் வாயுக்கள் (கார்பன் டையாக்ஸைடு, மீதேன் போன்ற வாயுக்கள்) பரிதியின் வெப்பத்தை விழுங்கிப் பூகோளத்தின் உஷ்ணத்தை மிகையாக்குகின்றன.  ஓரளவு வெப்ப ஏற்றம் உயிரன வளர்ச்சிக்குத் தேவையே.  ஆயினும் நிலக்கரி, இயற்கை வாயு, ஆயில் போன்ற “புதைவு எருக்கள்” [Fossil Fuel] வன மரங்கள் எரிப்புகளால் கிரீன்ஹவுஸ் வாயுக்கள் பேரளவில் சேமிப்பாகிப் பூகோள உஷ்ணம் விரைவாக ஏறுகிறது.

சமீபத்தில் வெளியான ஒரு விஞ்ஞான அறிக்கையில் மண்ணிலிருந்தும், 40,000 ஆண்டுகளாய்ச் சேமிப்பான பனிக்குவிப்பிலிருந்தும் மீதேன் வாயு பேரளவுக் கொள்ளளவில் வெளியேறுவதாகச் சூடேறும் பூகோள எச்சரிப்பாளர் எடுத்துக் கூறியுள்ளார்.  மீதேன் வாயுக் கசிவுகள் நிலக்கரி எரிசக்திப் புகைகளை விட 100 மடங்கு மிகையானவை என்று அறியப்படுகிறது.  பூகோளச் சூடேற்ற விளைவுகளை ஒப்பிட்டால் மீதேன் வாயுவின் தீமை கார்பன் டையாக்ஸைடை விட 23 மடங்கு பெரியது.  உலகில் பெரும்பான்மையான விஞ்ஞானிகள் சூடேறும் பூகோளத்தை மெய்யாகக் கருதி ஏற்றுக் கொண்டாலும், அம்மாறுதலை ஒப்புக்கொள்ளாத அறிஞரும், நாடுகளும் இருக்கத்தான் செய்கின்றன.  ஆனால் சூடேறிய பூகோளத்தால் மாறிப் போகும் காலநிலைகளும், அதனால் ஏற்படும் திடீர் விளைவுகளும் மெய்யாக உலக மக்களைப் பாதித்துக் கொண்டு வருவதை நாம் அடிக்கடிக் கேட்டு வருகிறோம்.

சூடேறும் பூகோள எச்சரிக்கைகள், மாறுதல்கள், இன்னல்கள் !

பூகோளம் சூடேறுவதால் ஒவ்வோர் ஆண்டும் காலநிலைக் கோர விளைவுகள் மாறி மாறி விளைந்து வியப்புக்குள் நம்மை ஆழ்த்துகின்றன.  துருவப் பனிமலைகள் உருகிக் கடல் மட்டம் ஏறுவதைக் காண்கிறோம்.  கடல் வெள்ளம் சூடேறி சூறாவளிகளும், சைக்குலோன்களும், ஹரிக்கேன்களும் எண்ணிக்கையில் அதிகமாகி, பலத்தில் அசுரத்தனமாகிக் கோடான கோடி உலக மக்களுக்குப் பேரின்னல்களை விளைவித்து வருகின்றன.  நீர்வளப் பகுதிகளின் நிலவளங்கள் தேய்ந்து வரட்சியாகிப் பாலையாகிப் போய்விடுமா என்னும் பயம் வந்துவிட்டது.  மேலும் கீழ்க்காணும் நூதனக் காலநிலைக் கோர விளைவுகள் உலக மக்களைத் துன்புறுத்தி வருகின்றன !

1.  கடந்த 30 ஆண்டுகளாய் உச்சக் கணிப்பு நிலை 4 & 5 ஹரிக்கேன்களின் [Hurricane Category: 4 & 5]   எண்ணிக்கை இரட்டித்துள்ளது.
2.  கடந்த 10 ஆண்டுகளில் கிரீன்லாந்து பனிப்பாறைகள் உருகிச் சரியும் நிகழ்ச்சிகள் இரட்டிப்பாக மாறி இருக்கின்றன.
3.  குறைந்த பட்சம் 279 தாவர, விலங்கின ஜீவிகள் [Species of Plants & Animals] பூகோளச் சூடேற்றத்தால் பாதிக்கப்பட்டுத் துருவப் பகுதிகளை நோக்கிப் புலப்பெயர்ச்சி ஆகியுள்ளன.
4.  7000 அடி உயரத்தில் உள்ள தென் அமெரிக்காவின் கொலம்பியன் ஆன்டீஸ் மலைகளைப் போன்ற உயர்மட்டத் தளங்களில் கூட மலேரியா நோய் பரவி விட்டது.

மேலும் தொடர்ந்து சூடேற்றம் மிகையாகச் ஏறிச் சென்றால், கீழ்க்காணும் பெருங் கேடுகள் பரவ வாய்ப்புகள் உண்டாகும்.

1.  அடுத்த 25 ஆண்டுகளில் பூகோளச் சூடேற்றத்தால் விளையும் மக்களின் மரண எண்ணிக்கை இரட்டிப்பாகி ஆண்டுக்கு 300,000 நபராக விரிவடையும்.
2.  கிரீன்லாந்து, அண்டார்க்டிகாவின் பனிக்குன்றுகள் உருகி பூகோளக் கடல் மட்டம் 20 அடிக்கும் மேலாக உயர்ந்து, கடற்கரை நிலப்பகுதிகள் உலகெங்கும் பேரளவில் பாதகம் அடையலாம்.
3.  2050 ஆண்டு வேனிற் காலத்தில் வடதுருவத்தின் ஆர்க்டிக் கடல் பனித்தளம் இல்லாமல் நீர்த்தளமாகி விடலாம்.
4.  2050 ஆண்டுக்குள் உலகெங்கும் வாழும் மில்லியன் கணக்கான உயிர் ஜீவிகள் [Species] பரம்பரையின்றி முற்றிலும் மரித்துப் போய்விடலாம்.
5.  வெப்பக்கனற் புயலடிப்புகள் [Intensive Heat Waves] உக்கிரமுடன் மிக்க அளவில் அடிக்கடித் தாக்கலாம்.
6.  நீர்ப் பஞ்சம் ஏற்பட்டு, நிலவளம் சீர்குலைந்து வரட்சிகளும், காட்டுத் தீக்களும் அடிக்கடி உண்டாகலாம்.

சூடேறும் பூகோளத்தில் எழுகின்ற இந்த பிரச்சனைகளை ஐயமின்றி நாம் ஒன்று கூடித் தீர்க்க முடியும்.  அவற்றைத் தீர்க்க வேண்டிய நிர்ப்பந்தம் நமக்கோர் கடமை நெறியாக உள்ளது.  நாம் தடுத்திடச் செய்யும் தனிப் பணிகள் சிறிதாயினும், மொத்தமாக ஒத்துழைத்து முடிக்கும் சாதனைகள் முடிவில் மிகப் பெரும் ஆக்க வினைகள் ஆகும்.  அவ்விதம் அனைவரும் ஒருங்கு கூடிப் பூகோளச் சூடேற்றத்தைத் தடுக்க முனையும் தருணம் எப்போது என்று நினைக்கிறீர்கள் ? இப்போதுதான் !

(தொடரும்)

தகவல்:

1.  Time Article – The Global Warming Survival Guide [51 Things You Can Do to Make a Difference]  (April 9, 2007)
2.  An Inconvenient Truth “The Planet Emergency of Global Warming & What We can Do about it”   By Al Core (2006)
2(a)  The Assault on Reason  By Al Gore  (July 2007)
3.  BBC News “China Unveils Climate Change Plan” [June 4, 2007)
4.  BBC News “China Builds More (Coal Fired) Power Plants (June 20, 2007)
5.  BBC News “Humans Blamed for Climate Change.” (June 1, 2007)
6.  The Big Thaw, Ice on the Run, Seas on the Rise << National Geographic >> By Tim Appenzeller (June 2007)
7.  Climate Change A Guide for the Perplexed << New Scientist >> (May 19 2007)
8. Historic Global Warming Linked to Methane Release, Environmental News Network By: John Roach (Nov 19 1999)

Hoover Dam, USA

சி. ஜெயபாரதன் B.E.(Hons) P.Eng (Nuclear), கனடா

https://youtu.be/XnPi3FdNBYc

https://youtu.be/mMUzO1b_q1E

+++++++++++++

சென்று போன பொய்யெல்லாம் மெய்யாக
சிந்தை கொண்டு போற்றுவாய் போ போ போ
வென்று நிற்கும் மெய்யெல்லாம் பொய்யாக
விழிமயங்கி நோக்குவாய் போ போ போ ….
(போகின்ற பாரதத்தைச் சபித்தல்)

மகாகவி பாரதியார்

‘பாதுகாப்பான நீர்வளப் பரிமாற்றம், அனைவருக்கும் போதிய சுகாதாரக் கழிவுநீக்க அமைப்புகள் ஆகிய இரண்டைத் தவிர, முன்னேறும் நாடுகளில் மனித உயிர்களைக் காக்கவும், நோய்களைக் குறைக்கவும் தனிப்பட்ட வேறு முறைகள் எவையும் மேன்மையாக இருக்க முடியாது!

சுத்தமான குடிநீர், குளிப்புநீர், கழுவுநீர், உணவுப்பயிர் வளர்ச்சிக்கு நீர்ப்பாசான வசதிகள் ஆகியவை கிடைக்க வாய்ப்புக்கள் இல்லாததால், உலகில் ஒரு பில்லியன் குடும்பங்கள் பெரும் இடருக்குள் தவித்து வருகின்றன! நாடுகளுக் கிடையே நிலவும் வெறுப்பு உணர்ச்சிகள் மிஞ்சிக் கடினம் ஆவதற்கோ அல்லது தணிப்பாகிப் பிணைப்பதற்கோ நதிகளின் நீர்வளப் பங்கீடுகள் தூண்டுதல் செய்யாலாம். அகிலப் புதுநீர்வள ஆண்டான 2003 உலக அரசுகள், சமூகக் குழுவினங்கள், வர்த்தத் துறைகள், மற்றும் தனியார் துறைகள் யாவற்றுக்கும் திசைகாட்டித் தேவையான நீர்வள ஆக்கவழிகளில் முற்பட முக்கிய அங்கம் வகுக்கும் ‘.

கோஃபி ஆன்னன், ஐக்கிய தேசப் பேரவை அதிபதி [Kofi Annan, UN Secretary General (2003)]

‘நர்மதா நதிப் பள்ளத்தாக்குப் பாமர மக்கள், நடைமுறையில் மெய்யான ஒரு யுத்தத்தில் வாழும் உயிர்களின் உரிமைப் போராகப் போராடி வருகிறார்கள் ‘ மிஸ். மேதா பட்கர் [சமூகப் போராட்டவாதி (1997)]

இருபத்தி ஒன்றாம் நூற்றாண்டில் பாரத மக்களின் முதலிரு தேவைகள்

இருபத்தி ஒன்றாம் நூற்றாண்டில் பாரத மக்களின் முதல் தேவை நீர்வளத் தேக்கம். இரண்டாம் தேவை மின்சக்தி உற்பத்தி. இவ்விரு முக்கிய அவசரத் தேவைகளுக்கும் இந்தியாவில் இடையூறுகள் இழைத்து, நாட்டு முன்னேற் றத்தைத் தடுத்து, மக்களுக்கு அபாயம் விளைவிக்க முற்படும் எதிர்ப்பாளிகள் இந்தியராயினும், தேசப் பற்றில்லாத பிற்போக்கு அன்னிய மனிதர்களே! இந்திய ஜனப்பெருக்கம் ஒரு பில்லியனைத் தாண்டி, ஆண்டு தோறும் மிகையாகி வருகிற போது, அதே விகித வேகத்தில் வாழ்வு நலப்பெருக்கும் விரிந்திட தற்போது நதியிணைப்பும், நீர்த்தேக்கங்களும் நாடெங்கும் நீர்வளம், நீர்ப்பாசானம் அளிக்கப் போவதைப் பேரணை எதிர்ப்பாளிகள் தடுக்கவும் கூடாது, புறக்கணிப்பதும் தவறு!

இப்போதும், எதிர்காலத்திலும் அடிப்படைத் தேவைகளைப் பூர்த்தி செய்ய, இன்னும் அதிகமான அணை நீர்த் தேக்கங்கள் நதிகளில் அமைக்க வேண்டிய கட்டாயம் நெருங்கி விட்டது! சமூகப் போராட்டவாதிகள் கட்டிவரும் அணைகளைத் தடுப்பதும், கட்டப் போகும் அணைகளுக்கு தடைகள் செய்வதும், நீர்ப் பங்கீடுகளில் உடன்படாமையும் நெறியற்ற, முறையற்ற செயல்கள். முன்னோடியாய் அரசாங்கம் சீரான திட்ட மிட்டாலும், நீதி மன்றங்கள் எத்தனை சட்டமிட்டாலும், இடப்பெயர்ச்சிக் குடியேற்ற அமைப்புகளில் குறைபாடுகள் நேரத்தான் செய்யும்! புகார் பிரச்சனைத் தீர்ப்பு அளிப்புகளில் பாதிக்கப்பட்ட அனைத்து மக்களையும் திருப்தி செய்வது இயலாத காரியம்! பெரும்பான்மையான இடப்பெயர்ச்சி வேதனைகள் குறுகிய காலத் தவிப்பே! ஆனால் நீர்ப் பற்றாக்குறைப் பிரச்சனை என்பது நீண்ட காலத் தவிப்பு! பேரணைகள் கட்டும் போது மக்கள் படும் வேதனைகளை விட, பேரணைகள் இல்லாத போது மாந்தர் படும் நீர்ப் பற்றாக்குறை வேதனைகள் கொடியவை! கொடியவை!! கொடியவை!!!

கட்டுரை ஆசிரியர்

மரணமா அன்றி வாழ்வா என்று நெருக்கடி தரும் தண்ணீர்!

ஐக்கிய நாடுகளின் பேரவை உலகெங்கும் நோக்கி, 21 ஆம் நூற்றாண்டில் ஏற்பட்டுள்ள குடிநீர்த் தட்டுப்பாடு, நீர்வள நெருக்கடி, நீர்ப்பாசானக் குறைபாடு ஆகியவற்றைக் கண்டறிந்து கீழ்க்காணும் தகவலை வெளியிட்டிருக்கிறது:

1. உலகிலே 1.2 பில்லியன் மாந்தர் சுத்தமான குடிநீர் அருந்த வாய்ப்பில்லாது உள்ளனர்.
2. உலக ஜனத்தொகையில் பாதிப்பேர் (2.4 பில்லியன்), போதிய சுகாதாரக் கழிவுநீக்க வசதிகள் இல்லாமல் இருக்கின்றார்.
3. துர்மாசு நிரம்பிய நீர் சார்ந்த நோயில், குறைந்தது 3 மில்லியன் மக்கள் ஆண்டு தோறும் மரணம் அடைகிறார்.
4. கடந்த நூற்றாண்டில் உலகத்தின் பாதிப்பகுதி ஈரடிப்பு நிலங்கள் [Wetlands] அழிந்து சீர்கெட்டுப் போயின.

2000 ஆண்டு செப்டம்பரில் உலக நீர்வள நிபுணர்கள் ஐக்கிய நாடுகளின் ஆயிரத்தாண்டு கூட்டவையில் ஒன்று கூடி முடிவு செய்தது: 2015 ஆண்டுக்குள் பாதுகாப்பான குடிநீர் வசதிக்கு வாய்ப்பில்லா மாந்தரின் எண்ணிக்கையைப் பாதியாக்குவது.

2002 ஆம் ஆண்டில் தென்னாப்பிரிக்கா ஜொகானஸ்பர்கில் நடந்த நீர்வளக் கூட்டவையில் முடிவு செய்தது:

2015 ஆம் ஆண்டுக்குள் சுகாதாரக் கழிவுநீக்க வசதிக்கு வாய்ப்பில்லாத மக்களின் எண்ணிக்கையும் பாதியாகப் பணி செய்தது.

இந்தக் குறிக்கோள்களை நிறைவேற்ற முயலும் உலக நாடுகள் ஆண்டுக்கு 30 பில்லியன் டாலரைச் செலவழித்து வருகின்றன.

பேரணைத் தடுப்புகளில் வேதனை மக்களுக்கே !

பாரத நாட்டின் பல பகுதிகளில் குடிநீர்ப் பற்றாக்குறைப் பிரச்சனை கோரப் பற்களால் மக்களைக் கடித்துக் கொண்டிருக்கிறது! இன்னலுற்றுக் குருதி சிந்தும் மாந்தர்கள் மாநில அரசாங்கத்தின் கழுத்தை நெரித்துக் ‘குடிநீர் கொண்டுவா ‘ என்று போராட்டம் செய்து வருவது ஒருபுறம்! மாநில அரசாங்கம் மத்திய அரசின் சிரசைத் தடியால் அடித்து, அண்டை மாநில நதி வெள்ளத்தைக் கால்வாய் மூலம் எங்கள் தேக்கத்தில் இணைத்துவிடு என்று மன்றாடுவது மறுபுறம்! இந்தியப் பெரு நதிகளைச் சிறுநதிகளுடன் பிணைத்திட மத்திய அரசு திட்டம் வகுத்தால், நடக்காது என்று எதிர்ப்பதும், தடை செய்வதும் யார் ? மாநில அதிகாரிகள், நிபுணர்கள், பொதுமக்கள்! இடப்பெயர்ச்சி, நில ஒதுக்கம், நிதியீடு, குடியேற்றப் பிரச்சனைகளைக் கைவசம் வைத்துக் கொண்டு, பேரணைகள் தேவையில்லை என்று வட இந்தியாவில் போரிடும் அருந்ததி ராய், மேதா பட்கர் போன்ற போராட்டவாதிகள், நீர்வளப் பற்றாக்குறை பற்றிய எதிர்காலச் சிந்தனை இன்றி எளிய மக்களை தெளிவு படுத்தாமல் இழுத்துக் கொண்டு அரசாங்கம் மீது, ஆவேசமாகப் படையெடுத்து வருவது மறுபுறம்!

இடப்பெயர்ச்சிக் குடியேற்றப் பிரச்சனைகளை இருதரப்பினருக்கும் உடன்பாடாக ஓரளவு தீர்க்க முடியுமே தவிர, பூரணமாக நிறைவேற்றப் பல்லாண்டுகள் ஆகும்! ஆயினும் அனைத்து மக்களையும் திருப்தி செய்ய இயலாது! முன்னோடித் திட்டமிட்டாலும் குடியேற்ற அமைப்புகளில் குறைபாடுகள் நேரத்தான் செய்யும்! புகார் பிரச்சனைகளில் தீர்ப்பு அளிப்புகள் திருப்தி செய்யவில்லை என்றால், போராட்டத் தலைவியோ அல்லது தலைவரோ அணை வேலைகளைத் தடை செய்யாது, மற்ற வழிகளில் தர்மப் போர் புரிய வேண்டும். கோடிக் கணக்கான ரூபாய்ச் செலவில் வடிவாகி வரும் பேரணையைக் கட்ட விடாமல் தடுப்பது, கால தாமதப் படுத்துவது அரசாங்கத்தைத் தண்டிப்பதாகத் தோன்றினாலும், மெய்யாகப் பார்த்தால் மக்களே மக்களைத் தண்டித்துக் கொள்கிறார்கள்! நதியிணைப்புப் பணி நிறுத்தங்களில் நிதியிழப்பும், கால விரையமும் மத்திய அரசை மட்டு மன்று, மாநில மக்களையும் பாதிக்கின்றன! இறுதியில் நீர்ப் பற்றாக்குறைத் தவிப்பில் தண்டிக்கப் படுவது அரசாங்க மன்று, பாரத மக்களே!

பேரணைப் போராட்ட அன்னை மிஸ் மேதா பட்கர்

நர்மதா நதிப் பள்ளத்தாக்குத் திட்டங்களில் இடப்பெயர்ச்சி, இழப்புநிதி ஈடுபாடு, குடியேற்றக் குறைபாடுகளை நிமிர்த்திட, பாமர ஏழைகள் சார்பாக பல்லாண்டுகள் வாதாடிப் போராடித் தர்மப் போர் புரிந்துவரும் பாரத வீராங்கனை மிஸ் மேதா பட்கர். நர்மதா காப்புக் கட்சியைத் [Narmada Bachao Andolan] தோற்றுவித்தவரும், கட்சியின் தலைவியும் அவரே. ‘மேதா அன்னை ‘ என்று விளிக்கப்பட்டுப் பல்லாயிரம் பாமர மக்களின் தர்மப் போர் தலைவியாக நர்மதா நதிப் போராட்டங்களில் பலமுறை கைது செய்யப்பட்டுச் சிறையில் தள்ளப்பட்டு, உலகப் புகழ் பெற்றவர்! 2000-2002 ஆண்டுகளில் அணைகளின் உலகப் பேரவைக் [World Commission on Dams (WCD)] குழுவினரில் இந்தியாவின் சார்பில் ஒருவராகப் பங்கெடுத்து, எளியவரின் இடப்பெயர்ச்சி, புதுக் குடியேற்றப் பிரச்சனைகளை எடுத்துப் பறைசாற்றி யிருக்கிறார். போராட்ட மக்கள் தேசியக் கூட்டுறவு [National Alliance of People ‘s Movements] நிறுவகத்தின் துவக்கவாதியும் அவரே.

மிஸ் மேதா பட்கர் மொம்பையில் 1954 டிசம்பர் முதல் தேதியில் பிறந்தார். தந்தையார் பாரத விடுதைப் போரில் நேரடியாகப் போராடிப் பின் பாட்டாளிகளின் தொழிற்சங்க வாதியாகப் [Trade Unionist] பணியாற்றியவர். தாயார் சுவதார் [Swadhar] என்னும் பெண்டிர் பேரவையில் பணி புரிபவர். டாடா சமூகவியல் கல்விக் கூடத்தில் [Tata Institute of Social Science] M.A. பட்டதாரியாகப் படித்து, ஐந்தாண்டுகள் பாம்பே அழுக்குத்தெரு குடிசைப் [Slums] பாமர நிறுவனங்களிலும், குஜராத்தில் இரண்டாண்டுகள் பழங்குடி மக்கள் பகுதிகளிலும் சமூகத் தொண்டு செய்தவர். டாடா சமூகக் கல்விக் கூடத்தை விட்டுப் பாதியிலே Ph.D. படிப்பையும் புறக்கணித்து, மகாராஷ்டிரா, குஜராத், மத்திய பிரதேசக் குடியானவர், பழங்குடி மாந்தர் குறைகளின் சார்பில் சமூகப்பணி புரிய முழு நேரமும் மூழ்கினார்.

நர்மதா நதிவள விருத்தித் திட்டங்களில் கட்டப்படும் சர்தார் சரோவர் அணை போன்ற பேரணைகளால் புதுக் குடியேற்ற இடப்பெயர்ச்சிக் கட்டாயத்தில் வெளியே தள்ளப்பட்டுத் தவிக்கும் ஆயிரக் கணக்கான பாமர மக்களின் சார்பில், முன்னின்று மாநில அரசாங்கத்துடன் போராடினார். இறுதியில் அணைக்கட்டு அமைப்பு முன்னேற்ற மானதால், குடியேற்றத் தீர்ப்புகள் நிறைவேற முடியாது கைவிடப்பட்டன. பிறகு மேதா பட்கர் சர்தார் சரோவர் பேரணையின் பூர்வீக டிசைன் விதிகளில் முரண்பாடுகளும், குறைபாடுகளும் உள்ளன வென்று எதிர்ப்புப் போராட்டங்கள் [1985-1997] நடத்தி வேலை நிறுத்தம் செய்தார். அதன் பின் உலக வங்கி திட்டத்துக்கு நிதி அளிப்பதை நிறுத்தியது! அடுத்து உச்ச நீதி மன்றத்திற்கு மனுப்போட்டு, சர்தார் சரோவர் பேரணை வேலைகள் அனைத்தையும் முடக்கினார்! பிறகு மாநில அரசு தனி ஆய்வுக்குழு ஒன்றை நியமித்து ஆராய வேண்டிய கட்டாய நிலை ஏற்பட்டு, அணைத் திட்டங்களின் டிசைகள் அனைத்தும் மீளாய்வு செய்யப்பட்டன. இறுதியில் உச்சநீதி மன்றம் தீர்ப்பை மாற்றி, அணையின் பணிகள் தொடர்ந்தன.

மிஸ் மேதா பட்கர் பல வெகுமதிகளையும், அகிலச் சூழ்மண்டலக் காப்புப் பரிசுகளையும் [Deena Nath Mangeshkar Award, Mahatma Phule Award, Right Livelihood Award, Golden Environment Prize, Green Ribbon Award By BBC, Human Rights Defender ‘s Award By Amnesty International] பெற்றுள்ளார்.

வட அமெரிக்காவிலே மிகப் பெரிய ஹூவர் பேரணை [Hoover Dam]

இருபதாம் நூற்றாண்டு யந்திர யுகத்தில் மனிதர் படைத்த ஏழு உலக அற்புதங்களில் 1935 ஆம் ஆண்டு அமெரிக்காவிலே கட்டுமானமாகிய பிரம்மாண்டமான ஹூவர் பேரணை ஒன்று! அது கட்டப் பட்டதின் முக்கிய நோக்கம் இரண்டு. 1) கொலராடோ நதியில் நீர்வெள்ளக் கட்டுப்பாடு. 2) 2000 மெகாவாட் மின்சக்தி உற்பத்தி. ஹூவர் பேரணை உலகிலே மிகப் பெரிய செயற்கை நீர்த் தேக்கமான மீடு ஏரியில் [Lake Mead] அமைக்கப் பட்டுள்ளது. கொலராடோ நதியில் கட்டப்பட்ட மீடு ஏரியின் பரப்பு: 229 சதுர மைல்! சுற்றளவு: 550 மைல்! பேரணையின் உயரம்: 727 அடி! [70 மாடி உயரம்]. அணைப்பீடம் அமர்ந்துள்ள அடித்தளத்தின் அகலம்: 660 அடி! அணைக்குத் தேவையான காங்கீரிட் கொள்ளளவு: 3.4 மில்லியன் கியூபிக் மீடர்! 1928 ஆண்டு நாணய மதிப்பீடில் 165 மில்லியன் டாலர் நிதிச் செலவில் பேரணையும், நீர்மின்சார நிலையமும் உருவாயின. கொலராடோ மாநிலத்தில் போல்டர் நகரம் ஹூவர் பேரணை கட்டிய ஆயிரக் கணக்கான ஊழியர்களும், அதிகாரிகளும் தங்கிப் பணி புரிவதற்கு அமைக்கப்பட்டது.

நீர்வள விருத்திக்குத் தேவைப்படும் பேரணைகள்

அகில உலகில் 5000 ஆண்டுகளாக அணைநீர்த் தேக்கங்கள் உறுதியான நீர் வெள்ளப் பரிமாற்றத்தை மக்களுக்கு அளித்து வந்திருக்கின்றன. மழைப் பொழிவுக் காலங்களில் பெருகியோடும் மிஞ்சிய நீர் வெள்ளத்தைச் சேமித்து வைத்துக் கொண்டு, வறட்சிக் காலங்களில் பயன்படுத்திக் கொள்ள அணைகள் உதவுகின்றன! வெள்ளப் பெருக்குச் சேதாரங்களைத் தவிர்க்க அணைகள் துணைபுரியும். நீர்ப்பாசானக் கால்வாய்களில் நீரனுப்பி, நிலங்களில் உணவுத் தானிய வளர்ச்சிகளுக்கு அணைகள் வழி வகுக்கும். தொழிற் சாலைளுக்கும், இல்லங்களுக்கும் மின்சக்தி அளிக்க நீர்மின்சார நிலையங்கள் அமைக்க அணைகள் நீரோட்டமும், நீரழுத்தமும் தருகின்றன. நீர்வழிப் போக்கு வரத்துக்கு அணைகளும், கால்வாய்களும் பளுக்களைத் தூக்கிச் செல்லும் நீர்ப்பாதையாய் பயன்தரும்.

உலக ஜனப்பெருக்கம் ஆண்டுக்கு 100 மில்லியனுக்கும் மேலாக மிகை யாகி வருகிற போது, அதே வீத வேகத்தில் வாழ்வு நலப்பெருக்கும் விரிய, தற்போது 40,000 பேரணைகள் நீர்வளம், நீர்ப்பாசானம் அளித்து வருகின்றன. இப்போது உலகத்தில் 24 நாடுகள் தமது மக்களுக்குப் போதிய நீர்வளம் அளித்து, ஆதாரமாக இருக்க இயலாத நெருக்கடியில் உள்ளன! ஒரு பில்லியனுக்கும் மேற்பட்ட மாந்தர் பட்டினியாலோ, அல்லது சத்தற்ற சக்கை உணவை உண்டோ உயிர் வாழ்கின்றனர். அநேக நாடுகளில் உணவு தானிய விளைச்சல்கள், நீர்ப்பாசான வசதிகள் மேம்பட்டால்தான் விருத்தி செய்ய முடியும். பூமியின் அடித்தள நீர்ச் சுரங்கங்கள் வற்றிக் குன்றிய தாலும், தேக்கங்களில் நீர் உயரம் கீழானதாலும், அந்த நாடுகளின் தானிய விளைச்சல்கள் குறைந்து கொண்டு வருகின்றன. ஆகவே இப்போதும், எதிர்காலத்திலும் அடிப்படைத் தேவைகளைப் பூர்த்தி செய்ய, இன்னும் அதிகமான அணைகளை நதிகளில் அமைக்க வேண்டிய கட்டாயம் வந்துள்ளதே தவிர, போராட்டவாதிகள் கட்டும் அணைகளைத் தடுப்பதும், கட்டப் போகும் அணைகளுக்கு முட்டுக்கட்டை இடுவதும் நெறியற்ற எதிர்ப்புகளாய் நிகழ்ந்து வருகின்றன.

ஒரு நாட்டின் செல்வ வளர்ச்சியை எடைபோட வேண்டுமானால், அதன் தொழிற் சாலைகளையும், உற்பத்திச் சாதனங்களையும், தொழில் சக்கரங்களைச் சுற்றும் மின்சக்தி ஆற்றலின் தகுதியையும் உற்று நோக்க வேண்டும். எல்லாவற்றுக்கும் முதன்மையாக ஏராளமான மின்சக்தி ஆற்றல் ஒரு நாட்டில் நிலைத்து இயங்கி வரவேண்டும். பல நாடுகளில் நீர்மின்சார ஆற்றல் மட்டுமே மின்சக்தி பரிமாறி வருகிறது. உலக உற்பத்தியில் 20% பங்கு மின்சக்தியை, நீர்மின்சார நிலையங்களே ஆக்குகின்றன. நீர்மின்சக்தியே உலக மீள்பிறப்பு மின்சார ஆற்றலாய் எல்லாவற்றுக்கும் மிக்கதாக முன்னணியில் இருக்கிறது. இப்போது எடுக்கப் பட்டுள்ள நீர்மின்சக்தி ஆற்றல் போன்று, இன்னும் உலகத்தில் ஆறுமடங்கு நீர்மின்சக்தி எடுக்கப்படும் தகுதி பெற்று எதிர்காலத்தில் பயன்படப் போவதாய் தெரிகிறது. அணைகள் கட்டுவதின் பயன்கள் என்ன ? குடிநீர், தொழிற்துறை நீர்ப் பரிமாற்றம்; வேளாண்மை நீர்ப்பாசானக் கால்வாய்களில் நீரோட்டம்; நீர்வெள்ள அடிப்புக் கட்டுப்பாடு; மின்சக்தி உற்பத்தி; பொழுது போக்குத் துறை விருத்தி; கால்வாய் நீர்ப் போக்குவரத்து வசதிகளில் பளுக் கடத்தல் போன்றவை.

உலகப் பேரணைக் கூட்டவையின் ஆய்வுரைகள்

2000 ஆண்டில் ‘உலக அணைகளின் தேர்வுப் பேரவை ‘ [World Commission on Dams] சார்பாக 52 நாடுகள் தென்னாப்பிரிக்காவின் கேப் டவுனில் ஒன்று கூடி, உலகிலே உள்ள 125 பேரணைகளைப் பல கோணங்களில் நோக்கி ஆராய்ச்சி செய்து ஒரு பெரும் முடிவறிக்கையை வெளியிட்டிருக்கின்றன. அவற்றைக் கூர்ந்து உளவாய்வு செய்ய 100 பங்களிப்பார்கள் அணைகளைப் பற்றி முழுத் தகவல்களை உதவி இருக்கிறார்கள். உலக நாடுகள் அணைப் பிரச்சனைகள் சம்பந்தப்பட்ட தகவல்களை சுமார் 900 தலைப்புகளில் சமர்ப்பித்துள்ளன. மொத்தம் 154 பேரணைகளின் தகவல்கள் தேர்வுக்கு எடுத்துக் கொண்டதில் 80% பேரணைகளின் அறிக்கைகள் கிடைக்கப்பட்டு, ஒத்துப் பார்க்கப் பட்டன. உலகத் தேர்வுப் பேரவையின் பிரதம குறிக்கோள்: இதுவரை கட்டுப்பட்டு இயங்கிவரும் பூகோளப் பேரணைகளின் பூர்வீகப் பணி நிறைவேற்றம், பாதிப்புகள், பழுதுகள், உடைப்புகள் ஆகியவற்றைத் துருவி ஆராய்ச்சிகள் செய்து, அவற்றின் அமைப்புப் பாணிகளையும், போக்கு நியமங்களையும் [Patterns & Trends] கண்டறிவது. அந்தச் சுற்றாய்வு விளைவுகளில் [Survey Results] பாங்குகள், போக்குகள் இரண்டும் உலக அரங்குகளுடன் கொண்டிருக்கும் இணைப்பு முக்கியமாகத் தெரிந்தது!

நீர்வளத்தை விருத்தி செய்யத் திட்டமிட வேண்டியவை

முன்னேறும் நாடுகளில் இன்றும், எதிர்காலத்திலும் நீர்ப்பற்றாக் குறையை நிவர்த்தி செய்ய நதிநீர்ப் பங்கீடுகள், நதிநீர்த் தேக்கங்கள், நதிநீர் இணைப்புகள், நதிநீர்ச் சுத்தீகரிப்புகள் நிகழப் போவது தவிர்க்க முடியாதவை! அவற்றைத் தீர்மானம் செய்யும் விவாத அவை யரங்குகளில் எதிர்க்கட்சிகள், சூழ்மண்டலக் காப்பாளிகள், அருந்ததி ராய், மேதா பட்கர் போன்ற சமூகவாதிகள், பூதளவாதிகள் [Geologists], பூகம்ப நிபுணர்கள், பாதிக்கப்படும் மக்களின் பிரதிநிதிகள், நீர்த்துறைப் பொறியாளர்கள், பேரணை, நீர்மின்சக்தி நிலையம், கால்வாய், மலைக்குகை அமைக்கும் பொறிநுட்ப வாதிகள், நிதியுதவும் நிறுவனங்கள் அனைவரும் பங்குகொள்ள வேண்டும். இடப்பெயர்ச்சி, இழப்புநிதி ஈடளிப்பு, புதுக்குடியேற்ற முறைபாடுகளில் முரண்பாடுகள் இல்லாமல் நடந்தேறப் பாதிக்கப்படும் மாந்தர், சமூகவாதிகள், மதவாதிகள், இனவாதிகள், உள்ளூர் கட்சித் தலைவர்கள் போன்றோர் பங்கெடுக்க ஏற்பாடு செய்ய வேண்டும். ஒவ்வொரு நதிசார்ந்த திட்டமும், இறுதிவரை ஐக்கிய நாடுகளின் பிரதிநிதிக் குழு ஒன்றால் கண்காணிக்கப்பட்டு வர வேண்டும்.

[கட்டுரை தொடரும்]

தகவல்:

1. Address of A.K. Goswami Secretary of Water Resources, Govt of India [www.ficci.com/media-room/speeches-presentations/2003/Mar]
2. Interlinking Problems By: Suresh Prabhu Task Force Leader The Hindu Editorial [Aug 6, 2003]
3. In a Place where Nature Provides, Mankind Deprives By Christian Monitor [Oct 30, 2002] [www.csmonitor.com/2002/1030/p08s02-wosc.htm]
4. Linking of Major Rivers of India -Bane or Boon ? By: B.P Radhakrishna, Current Science Vol:84 No:11 [June 10, 2003]
5. Planning for Inter-Basin Transfers, Indian National Perspective Plan, Govt of India, Ministry of Water Resources [2003]
6. Linking Rivers Courting Disaster By: Darryl D ‘Monte [www.boloji.com/wfs195.htm] [July 13, 2004]
7. The River Linkages Payoff [June 2003] [www.indiatogether.org/2003/jun/opi-rivers.htm], River Links & Judicial Chinks By Videh Upadhyay [Sep 2003] [www.indiatogether.org/2003/sep/vup-sclinks.htm], Cart Before the Horse By Videh Upadhyay [May 2004] [www.indiatogether.org/2004/may/env-ilrreview.htm]
8. Interlinking Mirages By madurai collective [Dec 8, 2002] By Medha Patkar & L.S. Saravinda (The Hindu Dec 3, 2002)
9. River Linking: Boon or Folly -Water Voices HidustanTimes.com [www.hindustantimes.com/…]
10 The Doubtful Science of Interlinking By: Jayanta Bandyopadhyay & Shama Perveen [Feb 2004]
11 The Hindu Report By: Dr. Kalyanaraman Special Correspondent [April 16, 2003]
12 Govt of India, Ministry of Water Resources Task Force Resolution [December 13, 2002]
13 The Hindu Report By: A. Vaidyanathan [www.hindunet.com] [March 27, 2003]
14 Linking Rivers: Vision or Mirage ? By R. Ramaswamy Iyer, Former Secretary Govt of India Water Resources, Member, Integrated Water Resource Planning, Vision 2020 Committee of Planning Commission (Dec 2002) [www.flonnet.com/].
15 No Rethink on River Links Project: Centre By: J. Venkataraman ‘The Hindu ‘ [Aug 31, 2004]
[www.thehindu.com/2004/08/31/stories]
16 Calamity, Chennai ‘s Thirst By: T.S. Subramanian [March 26, 2004]
17 Case Study of Telugu Ganga Project, India (Water Rights, Conflicts and Collective Action) By: Balaraju Nikku (Doctoral Fellow, Irrigation & Water Engineering Group, Wageningen University Research Centre, Netherlands) [May 2004]
18 California Canal [www.bsi.vt.edu/welbuam/pictures/irrigation.html]
19 All American Canal Boulder Canyon Project [www.usbr.gov/dataweb/html/allamcanal.html]
20 Colorado River Aqueduct, Parker Dam, Central Valley Project By: Cactus Jim [June 2002]
21 Indian Priest uses Engineering Training to clean up Ganges By Denise Brehm, MIT News, Mass (U.S.A) http://web.mit.edu/newsoffice/tt/1998/dec09/ganges.html [Dec 9, 1998]
22 India ‘s Ganges A Holy River of Pollution -Clean the Ganges Campaign (Project 130) [Jan 13, 2001]
23 Sacred Ganges Carries Toxic Pollution By E-Law U.S. Staff Scientist Mark Chernaik [www.elaw.org/news/ebulletin/] (2001)
24 The Ganges River By: Ashok Dutt M.A. Ph.D. Pofessor of Geography University of Akron, OHIO, U.S.A.
25 The Tehri Dam Project By: Sudha Mahalingam The Hindu (June 1998)
26 Tehri Dam, IRN Fact Sheet By: (Oct 2002)
27 Statement of Supreme Court Ruling on Tehri Dam (Sep 1, 2003)
28 Questions Surrounded Fatal Tunnel Collapse in Tehri Dam Project By: Saibal Dasgupta (Aug 10, 2004).
29 Large Dam Construction is a Controversial Issue in India, BBC By: Ram Dutt Tripathi, Lucknow [Dec 8, 2001]
30 The Greater Comman Good -Article on Gujarat ‘s Sardar Sarovar Dam in Narnada River By: Arundhathi Roy [April 1999].
31 Untapped Water Resources in Yamuna River Basin By: R.N. Malik (June 26, 2003) [www.tribuneindia.com/2003/20030626/science.htm]
32 Interlinking of Rivers – Opening the Floodgate of Contradictions By: Sudhirendar Sharma.
33 River-Linking Plan: India to Go Ahead By: Golap Monir (Sep 26, 2004).
34 India ‘s Gigantic River Linking Project: Think about the Oceans too! By: Sudhirender Sharma.
35 River Linking Projects The Need, Earlier Proposals, About the Plan, Financing, Benefits & Implementation.
36 River Linking Scheme, Central Chronicle By: Pradip Saha [www.centralchronicle.com] (Sep 25, 2004).
37 R. Rangachari, Nirmal Sengupta, R. Ramaswamy Iyer, Pranab Banerji, and Shekar Singh, – Large Dams: India ‘s Experience, a WCD case study prepared as an input to the World Commission on Dams, Cape Town, http://www.dams.org [November 2000]
38 Narmada River Dams, India -Evaluation Against World Commission on Dams Guidelines.
39 Proponents & Critics of Dams Agree to Work Together -World Conservation Union [Apr 11, 1997]
40 Sardar Sarovar Dam Overflows as Main Canal Ruptures. Earthquake also Registered near Reservoir By: Yogini Khanolkar & Ashish Mandloi [Aug 16, 2004]
41 Medha Patkar, Goldman Prize Recipient Profile [www.goldmanprize.org/recipients/] [1997]
42. http://www.newworldencyclopedia.org/entry/Hoover_Dam
43.  http://www.history.com/topics/hoover-dam
44.  https://en.wikipedia.org/wiki/Hoover_Dam  [March 22, 2016]

KAPP-3&4:
Location: Kakarapar near Vyara, Gujarat
Type or Reactor: Pressurised Heavy Water Reactors (PHWRs)
Capacity: 2×700 MW
KAPP-3&4 is India’s first pair of indigenously designed Pressurised Heavy Water
Reactors (PHWRs) of 700 MW unit size with enhanced safety features, located at
Kakrapar in Gujarat, where two units of 220 MW PHWRs are already in operation.
Unit-3 has been successfully synchronized with Grid and is generating infirm
power. In Unit-4, civil works are completed, installation of major
equipment/components is completed and balance erection, testing and
commissioning works are in progress.A major milestone “Hydro test of Primary
Heat Transport (PHT) system” is completed successfully and further works are in
progress.
Overall View of Kakrapar Site Feeder Erection in KAPP

Kakkrapar – 3 Atomic Power Plant Achieves Criticality on July 22, 2020 in Gujarat India

Click to access 202212140136279797374RAPP_7_8_english.pdf

சி. ஜெயபாரதன் B.E.(Hons) P.Eng (Nuclear) கனடா

2020 ஜூலை 22 ஆம் தேதி இந்தியாவின் குஜராத் கக்ரபாரா -3 என்னும் புதிய மாபெரும் 700 MWe அணுமின்சக்தி நிலையம் முதல் பூரணத் தொடரியக்கம் புரியத் துவங்கியது. இது கனடாவின் காண்டு [CANDU DESIGN] அணுமின்சக்தி கட்டமைப்பு ஆயினும், இந்தியர் புதிய சாதன, நுணுக்கங்கள், இயக்கங்கள் புகுத்தி நவீனப் பாதுகாப்புச் சுய வடிவ [Indigenous] நிலையமாக டிசைன் செய்து கட்டியுள்ளார். இது பயன்படுத்தும் இயல் யுரேனிய உலோகம், கனநீர் எளிதாகக் கிடைப்பவை. இதே டிசைனில் மகாராஸ்டிரா தாராப்பூரில் கட்டப்பட்டுள்ள இரட்டை யூனிட்டுகள் ஒவ்வொன்றும் 500 MWe மின்சாரத் திறம் உடையவை.

வெற்றிகரமாக அதே முறையில் இயங்கப் போகும் 700 MWe காண்டு இரட்டை யூனிட்டுகள் ராஜஸ்தான் கோட்டாவில் கட்டப் படுகின்றன. கக்ரபாரா -4 உருவாகி வருகிறது. மற்ற சில மாநிலங்களிலும் சேர்ந்து 12 யூனிட்டுகள் 700 MWe அணுமின் நிலையங்கள் 2017 ஆண்டில் நிதி ஒதுக்குப் பெற்றுள்ளன.

பூரணத் தொடரியக்கம் [CRITICALITY] என்றால் என்ன ?

காண்டு அணு உலையில் இயல் யுரேனியம் -238 எரிக்கோலாய் கனநீர்த் தொட்டியில் எழுப்பும் நியூட்ரான்கள், சிறிதளவு உள்ள யுரேனியம் -235 உலோகத்தின் அணுக்களைப் பிளக்கின்றன. ஒரு நியூட்ரான் ஒரு யுரேனிய -235 அணுவைப் பிளந்து வெப்பசக்தியும்,இரு நியூட்ரான்கள் வெளியாகும். இரு நியூட்ரான்கள் இரண்டு யுரேனிய -235 அணுக்களைத் தாக்கி, வெப்ப சக்தியும் 4 நியூட்ரான்கள் உண்டாகும். 2, 4, 8,16, 32, 64 …. என்று பெருக்கு முறையில் நியூட்ரான்கள் பெருகும்.  அத்துடன் வெப்பசக்தி விரைவில் பெருகி, கதிரியக்கக் கழிவுகளும் மிகும். அதாவது நியூட்ரான்களின் எண்ணிக்கை வெப்பசக்தி பெருக்கத்துக்கு அளவு கோலாகிறது.  உருவாகும் நியூட்ரான்கள் சில தப்பி ஓடும். சில கனநீரிலும், கவச உலோகத்திலும் விழுங்கப்படும்.  அத்துடன் அணு உலை நியூட்ரான்கள் எண்ணிக்கையைக் கட்டுப்படுத்த காட்பியம் கோல்களும் [Cadmium Rods] விழுங்கிக் கோல்களும், [Absorber Rods], உலை நிறுத்தக் கோள்களும் [Shutdown Rods] பயன்படுத்தப் படுகின்றன.

அணுப்பிளவுத் தொடரியக்கம் [Nuclear Fission Chain Reaction] பூரணத்தொடரி யக்கத்தில் [Criticality]  துவங்குகிறது.  அதாவது அணு உலைத் தொட்டியில் முதலில் தோன்றும் நியூட்ரான்களும், பிளவு செய்யும் நியூட்ரான்களும் சமாக இருக்கும்படி செய்வது.

அடுத்தது மீறும் தொடரியக்கம் [Super Critical]. உருவாகும் நியூட்ரான்கள் எண்ணிக்கை, பயன்பாட்டு எண்ணிக்கை விட அதிகமாகி வெப்ப சக்தி  மிகுதி ஆவது.  அதுபோல் உருவாகும் நியூட்ரான்கள் குறைந்தால் ஆறும் தொடரியக்கம் [Sub Critical Reaction] வெப்பசக்தி குன்றச் செய்யும்.

அணு உலையில் உருவாகும் பெரும்பான்மை நியூட்ரான்கள் விழுங்கப் பட்டால் உலை நின்று விடும். [Reactor Shutdown]

தற்போது இந்தியாவில் 23 அணுமின் நிலையங்கள் 6780 MWe உற்பத்தி செய்து வருகின்றன. இந்தியாவின் குறிக்கோள் 2031 ஆண்டுக்குள் 22,480 MWe தகுதியுள்ள அணுமின் நிலையங்கள் கட்ட வேண்டும் என்பதே. அவற்றுள் 12 நிலையங்கள் 700 MWe திறம் கொண்டவையாக இருக்கும். ஒரு 700 MWe யூனிட் கட்ட சுமார் 10 ஆண்டுகள் எடுக்கும். இரட்டை யூனிட் கட்ட நிதிச் செலவு சுமார் 11,500 கோடி ரூபாய். யூனிட் விலை வீதம் : 2.80 ரூ /kwh [2010 நாணய மதிப்பு] அணுமின் நிலையம் விலை : ரூ 8 கோடி/ MWe [2010 .நாணய மதிப்பு.].

Base Load Power Plant

Base Load vs Peak Load Power Plants

Nuclear power plants may take many hours, if not days, to startup or to change their power output. Modern power plants can and do operate as load following power plants and alter their output to meet varying demands. But base load operation is the most economical and technically simple mode of operation. It is primarily due to the fact, they require a long period of time to heat up the nuclear steam supply system and the turbine-generator to operating temperature. From this point of view power plant generally are divided into two basic categories:

• Base Load Power Plant
• Load Following Power Plant

Base Load Power Plant

In general, nuclear power plants (NPPs) have been considered as base load sources of electricity as they rely on a technology with low variable costs and high fixed costs. This is the most economical and technically simple mode of operation. In this mode, power changes are limited to frequency regulation for grid stability purposes and shutdowns for safety purposes. Different plants and technologies may have differing capacities to power changes on demand.  Base load power plants are generally run at close to maximum output (100% of rated power) continuously (apart from maintenance, refueling outages). During refueling, every 12 to 18 months, some of the fuel – usually one third or one quarter of the core – is replaced by a fresh fuel assemblies. After refueling the reactor is usually started up and operated again at nominal power.

Although most of nuclear power plants were designed as base load power plants, today, the utilities have had to implement or to improve the manoeuvrability capabilities of their NPPs in order to be able to adapt electricity supply to daily, seasonal or other variations in power demand. It is due to the share of nuclear power in the national electricity mix of some countries has become large, and due to the significant increase renewable energy sources. References:

1. https://www.npcil.nic.in/writereaddata/CMS/202212140133183171845KAPP_3_4_english.pdf
2. https://www.npcil.nic.in/writereaddata/CMS/202212140136279797374RAPP_7_8_english.pdf

தகவல் :

1. https://indianexpress.com/article/explained/kakrapar-atomic-power-project-third-unit-achieves-first-criticality-india-nuclear-mission-6518946/

An Ariane rocket carrying the robotic explorer JUICE takes off from Europe’s spaceport in French Guiana. The European spacecraft has blasted off on a quest to explore Jupiter and three of its ice-encrusted moons. The robotic explorer set off on an eight-year journey Friday. (European Space Agency/The Associated Press)

சி. ஜெயபாரதன் B.E.(Hons) P.Eng (Nuclear) கனடா

2023 ஏப்ரல் 14 ஆம் தேதி  ஈரோப்பியன் விண்வெளி ஆணையகம் [ESA] பூதக்கோள் வியாழன் நோக்கி ஏகி அதன் பனிநிலவு இரண்டை, ஈரோப்பா, கணிமீடு, உளவு செய்ய அனுப்பியுள்ளது. அந்த இரண்டு துணைக்கோள்தான் உயிரின மூலவிகள் இருப்பதற்கு வாய்ப்புகள் உள்ளன என்று தேர்வு செய்யப் பட்டவை. ஈசாவின் பூதக்கோள் வியாழன் விண்வெளித் திட்டம் “சூஸ்’  [JUICE] [JUpiter ICy moons Exploration] என்று குறிப்பிடப் படுகிறது.  சூரிய மண்டலத்தில் நமது பூமிக்கு அப்பால்  அவ்விரண்டு நிலவுகளில் தான் உயிரின மூலவிகள் இருக்கக்கூடும் என்று கூறப்படுகிறது.  ஈசாவின் சூஸ் விண்சிமிழ் 6.6 பில்லியன் மைல்கள் கடந்து 8 ஆண்டுகள் பயணம் செய்து வியாழக் கோளை நெருங்கும் என்று எதிர்பார்க்கப் படுகிறது.

 

Jupiter, with its prominent Great Red Spot, hangs in space with Ganymede. (NASA/ESA and E. Karkoschka/Reuters)

JUICE is taking a long, roundabout route to Jupiter, covering 6.6 billion kilometres.

It will swoop within 200 kilometres of Callisto and 400 kilometres of Europa and Ganymede, completing 35 flybys while circling Jupiter. Then it will hit the brakes to orbit Ganymede, the primary target of the 1.6 billion-euro mission ($2.4 billion Cdn).

Ganymede is not only the solar system’s largest moon — it surpasses Mercury — but has its own magnetic field with dazzling auroras at the poles.

https://www.nasa.gov/mission_pages/juno/images/index.html
https://youtu.be/paeuMCN-DdQ
https://youtu.be/NGQF-Hf5h7Y
https://youtu.be/NrkF5beDh10

-பேரா. சேசா சீனிவாசன்

வரலாற்றில் மிகச் செல்வாக்குப் பெற்ற அறிவியலாளராகவும் (most influential scientist), ஆல்பர்ட் ஐன்ஸ்டீன், டெஸ்லா போன்ற உலகத்தரம் வாய்ந்த அறிவியல் அறிஞர்களுக்கு முன்னோடியாகவும், அவர்களுக்கு உந்துசக்தியாகவும் (Inspriation) திகழ்ந்தவர் மைக்கேல் பாரடே என்றால் அது மிகையில்லை.

பாரடேயின் அறிவியல் சாதனைக் கண்டுபிடிப்புகள், அறிவியலின் ஓர் அங்கமாக விளங்கும், இயற்பியல் துறை (Physics) வளர்ச்சிபெறுவதற்குப் பெரிதும் துணைநின்றுள்ளன. இவரின் அரிய கண்டுபிடிப்புகளான மின்காந்தத் தூண்டல் (Electromagnetic Induction), மின்சார விசைப்பொறி (Electric Motor), மின்வேதியியல் (Electrochemistry) ஆகியவை இவரை உலகம் அறிந்துகொள்ள வழிவகைசெய்தன.

பாரடேயின் மின்சாரக் கருவிகளின் கண்டுபிடிப்புகளுக்கு மரியாதை செய்யும் விதமாக, இவரது பெயரை, மின்தேக்கியின் (Electrical Capacitance) அளவீட்டு அலகிற்கு “பாரட்” (Farad) எனச்சூட்டி, உலகம் இவரைக் கொண்டாடிய ஆண்டு 1873. இங்கிலாந்து வங்கி (Bank of England), இவரது நினைவாக £20 பணத்தாளில் இவரின் உருவப்படத்தை 1991ஆம் ஆண்டு வெளியிட்டது. இதனால், பாரடேயும் வில்லியம் சேக்ஸ்பியர் (William Shakespeare), புளோரன்ஸ் நைட்டீங்கேல் (Florence Nightingale), மற்றும் ஐஸக் நியூட்டன் (Sir Isaac Newton) போன்ற மாபெரும் மனிதர்களின் தர வரிசையில் இணைந்தார்.

மேக்ஸ்வெல் என்ற மிகப்பெரிய விஞ்ஞானியும் பாரடேவைப் பற்றிக் குறிப்பிடும்போது, எத்தனை கண்டுபிடிப்புகள் நிகழ்ந்தபோதிலும், எப்பொழுதுமே மைக்கேல் பாரடே ஒருவர்தாம் மின்காந்தவியலின் (Electromagnetism) தந்தை என்று புகழாரம் சூட்டியுள்ளார். மின்காந்த விதிகளைப் பற்றிய கண்டுபிடிப்பு நிகழ்ந்திருக்கவில்லையெனில், இத்துறைசார்ந்த பல புதிய அறிவியல் சாதனைகள் நிகழ்ந்திருக்க வாய்ப்பில்லாமல் போயிருக்கும்.

மைக்கேல் பாரடேயின் ஆரம்பக் கல்வி:

மைக்கேல் பாரடே 1791ஆம் ஆண்டு, செப்டம்பர் திங்கள் 22ஆம் தேதி, மார்கரெட் மற்றும் ஜேம்ஸ் பாரடே தம்பதியருக்கு நான்கு குழந்தைகளில், மூன்றாவதாகப் பிறந்தார். மைக்கேலின் குடும்பம் வறுமையில் வாடியதால், அனைவரும் வேலைவாய்ப்பைத் தேடி, இங்கிலாந்து நாட்டிற்குக் குடிபெயர்ந்தனர். இலண்டனின் தெருக்களில் வேலைசெய்து வந்த சிறுவன் மைக்கேல் பாரடே, அடிப்படைக் கல்வி சிறிது கற்றபின், வறுமையின் காரணமாய்ப் படிப்பைத் தொடர இயலாததால், உயர்கல்வியைத் தாமே முயன்று கற்றுக்கொண்டுள்ளார்.

தனது பதினான்காம் வயதில், புத்தக ஏடுகள் கட்டும் (Book Binding) மற்றும் புத்தக விற்பனை (Book Selling) செய்யும்  நிறுவனத்தில் தொழில்பழகுநராக (Apprentice) வேலைக்குச் சேர்ந்தார் பாரடே. அங்கு அவர்செய்த ஏழுவருடப் பணியில், கிடைத்தற்கரிய பல புத்தகங்களை வாசிப்பதற்கும், அவற்றைப் பயன்படுத்துவதற்கும் அவருக்கு வாய்ப்புக் கிடைத்தது. பாராடேயின் புத்தக நிறுவனத்தின் முதலாளி ஜார்ஜ் ரைபோவும் (George Riebau), பாரடே புத்தகங்கள் வாசிப்பதை ஊக்குவித்தார்.

மைக்கேல் பாரடே படித்த புத்தகங்களில், அவருடைய கவனத்தினை மிகவும் ஈர்த்தது, ஜேன் மார்செட் எழுதிய ’வேதியியல் பாதுகாப்பு விதிகள்’ (Conservations on Chemistry by Jane Marcet) என்ற புத்தகமாகும். பாரடே தன் இருபதாம் வயதில் உலகத்தரம் வாய்ந்த இங்கிலாந்தின் வேதியியலாளர், சர். ஹம்ப்ரி டேவியின் (Sir. Humphry Davy) தொடர் சொற்பொழிவுகளைக் கேட்கும் வாய்ப்பினைப் பெற்றார். அத்துணைச் சொற்பொழிவுகளையும் தொகுத்துச் சுமார் 300 பக்க அளவில் தம்முடைய கையினால் எழுதிய கோப்புகளை சர். டேவி அவர்களுக்கு அனுப்பிவைத்தார். இதைப்பெற்ற சர். ஹம்ப்ரி டேவி உள்ளம் குளிர்ந்து பாரடேவிற்குச் சாதகமான பதில் கடிதத்தை அனுப்பினார்.

பாரடேயின் முதற் கண்டுபிடிப்பு:

சர். டேவி அவர்கள் 1813ஆம் ஆண்டில், தம்முடைய ஆய்வுக்கூடத்தில் நைட்ரஜன் III குளோரைடு (Nitrogen trichloride) என்ற வேதிப்பொருளைச் சோதனை செய்து கொண்டிருக்கையில், தம் கண்களை இழந்தார். ஆதலால் மைக்கேல் பாரடேவைத் தம்முடைய ஆராய்ச்சிக்கு உதவியாளராக நிரந்தரப் பணியில் நியமித்தார். இவர்களிருவரும் தங்களுடைய ஆராய்ச்சிக் குழுமத்தின் மாநாட்டு நிகழ்விற்காக, ஐரோப்பாவிற்குப் பயணப்பட்டனர். சர். டேவி அவர்கள் நகைச்சுவையாக பாரடேவைப் பற்றிச் சொல்லும்பொழுது, ”மைக்கேல் பாரடேதான் என்னுடைய பெரிய கண்டுபிடிப்பு” என்று கூறியுள்ளார். அது எவ்வளவு பொருத்தம் என்று நாம் பாராடேயின் இந்தச் சுயசரிதையிலிருந்து தெரிந்துகொள்ள முடிகின்றது.

1820ஆம் ஆண்டில் டேனிஷ் நாட்டின் இயற்பியலாளர் ஹான்ஸ் ஓர்ஸ்டெடு (Danish Physicist Hans Orsted) தற்செயலாக ஒரு செப்புக் கம்பியில் செல்லும் மின்சாரத்தின் வழியாகக் காந்த ஊசியைத் திசைதிருப்ப முடியும் என்பதனைக் கண்டுபிடித்தார். இந்தக் கண்டுபிடிப்பை மிகவும் போற்றிய பாரடே, அதற்கடுத்த ஆண்டு, அதாவது 1821ஆம் ஆண்டு, மின்சாரத்தினால் இயங்கும் விசைப்பொறியைக் கண்டுபிடித்தார். இந்தக் கண்டுபிடிப்புதான் தற்காலத்தில் நாம் பயன்படுத்தும் அன்றாடச் சாதனங்களான, மின்விசிறி, குழாய்கள் (pumps), அமுக்கிகள் (compressors), மின்உயர்த்திகள் (elevators), மற்றும் குளிர்சாதனப் பெட்டிகளில் (refregirators) பயன்படுத்தப்படுகின்றது.

மைக்கேல் பாரடேயின் இவ்வளர்ச்சியை அவருடைய வழிகாட்டியான சர். டேவியினால் ஏற்றுக்கொள்ள முடியவில்லை. ஆதலால், பாரடேவை மின்காந்தத் தூண்டல் சார்ந்த ஆராய்ச்சிகள் செய்வதிலிருந்து தடுத்துவந்தார். 1829ஆம் ஆண்டு டேவி இறந்தபின்னர்தான் பாரடேயால் தம் ஆராய்ச்சியைத் தொடரமுடிந்தது. சர். ஹம்ப்ரி டேவி, தமக்குத் துன்பம் விளைவித்துத் தம் ஆராய்ச்சிகளைத் தடுத்தபோதிலும், தம்முடைய அறிவியல் தந்தையாகவே டேவியை மற்றவர்களிடம் கூறிவந்துள்ளார் பாரடே.

மின்காந்தவியல் (Electromagnetism)

மைக்கேல் பாரடே பலவித ஆராய்ச்சிகளுக்குப் பிறகு, மின்காந்தத் தூண்டல் விதியை (Law of Electromagnetic Induction) கண்டுபிடித்தார். இந்தச் சோதனையின் வாயிலாக, இரு செப்புச் சுருள்களில் ஒன்றில் மின்சாரத்தினைப் பாய்ச்சினால் மற்றொரு சுருளில் மின்சாரம் தூண்டப்படும் என்பதைக் கண்டறிந்தார் பாரடே. இவ்விதிப்படி, மின்காந்தத் தூண்டலில் இயங்கும் விசைப்பொறியானது ஐம்பது வருடங்களுக்குப் பிறகே பயன்பாட்டுக்கு வந்தது என்று வரலாற்றுக் குறிப்புகள் பகர்கின்றன.

 

பாரடேவின் இந்த எளிய சோதனை பிற்காலத்தில் ஸ்காட்டிஷ் நாட்டுக் கணிதமேதையும், இயற்பியலாளருமான (Scottish Physicist and Mathematician) ஜேம்ஸ் கிளார்க் மாக்ஸ்வெல்லால் (James Clark Maxwell) ”மாக்ஸ்வெல்-பாரடே சமன்பாட்டு விதியாக” (Maxwell-Faraday Equation) உருவாக்கப்பட்டு, அறிவியல் உலகத்தால் ஏற்றுக்கொள்ளப்பட்டது. இந்தச் சமன்பாட்டைக் கீழே காணலாம்.

E – Electric Field, B- Magnetic Field

மேலே கொடுக்கப்பட்டுள்ள விதி, ஆற்றல் உற்பத்திக்கு (Power Generation) அடித்தளமாக அமைந்த காரணத்தினால், மைக்கேல் பாரடேவை ”மின்சாரத்தின் தந்தை” என்று போற்றுவது சாலச்சிறந்தது.

1834ஆம் ஆண்டு பாரடேவின் மற்றுமொரு கண்டுபிடிப்பாகிய ”மின்னாற்பகுப்பு” (Electrolysis) முறையினால் தொழிற்சாலைகளில் உலோகங்களைப் பிரிக்கவும், ஆற்றலைச் சேமிக்கவும், மின்முலாம் பூசவும், நீரைத் தூய்மைப்படுத்தவும் ஈதொத்த வேறுபல் பணிகளைச் செய்யவும் முடிந்தது. இந்தச் சாதனைக்காக, முறையான பட்டப்படிப்பு இல்லாத பாரடேவுக்கு இங்கிலாந்தின் ராயல் அறிவியல் கழகம் (Royal Institution) வேதியியல் பேராசிரியர் பதவியளித்துக் கௌரவித்தது.

1836ஆம் ஆண்டு மைக்கேல் பாரடே, “பாரடே கூண்டு” (Faraday Cage) என்ற அடைப்பானை உருவாக்கி அதன்மூலம் மின்காந்தப் புலத்தினை முடக்கலாம் எனச் செய்துகாட்டினார். இக்காலத்தில் நம் ஒவ்வொருவர் வீட்டிலும் பாரடே கூண்டு, நாம் அன்றாடம் பயன்படுத்தும் நுண்ணலைச் சூளையில் (Microwave Oven) உருவாகும் மின்காந்த அலைகளை வெளியே பாயவிடாமல் தடுக்க உதவுகிறது. மேலும் MRI ஸ்கேன் என்று சொல்லக்கூடிய மருத்துவ உபகரணத்திலும் இந்த பாரடே கூண்டு பயன்படுத்தப்படுகிறது.

அறிவியல் ஆராய்ச்சியைத் தவிர வார இறுதி நாட்களில் மக்களின் வேண்டுகோளுக்கிணங்க, இலவச அறிவியல் சொற்பொழிவுகள் நடத்தினார் பாரடே. அதன்மூலம் இளைய சமூகத்தினை அறிவியில்வழிச் சிந்திக்கத் தூண்டினார்.

மைக்கேல் பாரடே தம்முடைய கடைசி நாட்களில், தாம் முதன்முதலில் தொழில்செய்த புத்தக நிலையத்தின் உரிமையாளர், திரு. ஜார்ஜ் ரைபோவிற்கு, தாம் எழுதிய ஒரு புத்தகத்தைக் காணிக்கையாக்கினார். அதில் அவர் குறிப்பிட்டது அப்படியே அதன் தன்மை மாறாமல் ஆங்கிலத்தில் கீழே கொடுக்கப்பட்டுள்ளது.

“…you kindly interested yourself in the progress I made in the knowledge of facts relating to the different theories in existence, readily permitting me to examine those books in your possession that were in any way related to the subjects occupying my attention.”

முறையான பள்ளிக்கல்வி பெறும் சூழல் வாய்க்கவில்லையெனினும் அறிவியல் துறையில் ஈடுபாடும், அத்துறைசார் அறிவினை நூல்கள் வாயிலாகத் தாமே வளர்த்துக்கொள்ளும் திறனும் இருந்தால் உலகம் போற்றும் உன்னத அறிவியலாளராய் மிளிரமுடியும் என்பதற்கு மைக்கேல் பாரடேவின் வாழ்க்கை சான்றாகின்றது.