— கவிஞர் காவிரிமைந்தன்.

அன்றாடம் நாம் சந்திக்கும் சராசரி மனிதர்களின் வாழ்வில் இடம்பெறும் பிரச்சினைகளை மையப்படுத்தி கதையமைப்பு.. திரைக்கதை.. வசனங்கள்.. பாடல்கள் என்று தமிழ்த்திரையொரு சகாப்தத்தை தன்னுள் இன்னும் வைத்திருக்கிறது.  அவ்வகையில் ஏ.பீம்சிங் .. நடிகர்திலகம் சிவாஜிகணேசன்.. நாட்டியப்பேரொளி பத்மினி, கே.ஆர்.விஜயா.. கே.வி.மகாதேவன் .. கண்ணதாசன் .. டி.எம்.செளந்ததிரராஜன், பி.சுசீலா .. கூட்டணி ஈட்டிய வெற்றி என்று பார்த்தால் திரைக்கதை வசனம்.. பாடல்கள் வழக்கம்போல் அமர்க்களம்தான்..

இல்லற வாழ்வின் ஈடிலா இன்பம் மழலை.. அதை இறைவன் அருளிடாத நிலையில் ஆயிரம் வசதிகள் இருந்தாலும் அங்கே சந்தோஷம் தொலைந்துபோய்விடும் நிலையை சந்திக்கும் தம்பதிகளாக சிவாஜியும் பத்மினியும்.. முகபாவனைகளால் ஆயிரமாயிரம் அர்த்தங்களைப் புரியவைக்கிறார்கள் இருவரும்!  ஒருவரையொருவர் எப்படி இணைந்து வாழ வேண்டும் என்று இலக்கணம் வகுக்கும் தம்பதிகள்!  ஒருவர் மகிழ்ச்சியே மற்றவரின் மூச்சாக கொள்ளும் மனம்!  இடையில் இந்த நெருடலால் அவள் மனம் காயப்பட்டுவிடக்கூடாது என்று நாயகனும்.. அவன் மனம் வாடிவிடக்கூடாது என்று நாயகியும் ஒவ்வொரு காட்சியிலும் தங்கள் காதல்மனதை காட்சிப்படுத்துகிறார்கள்.

எப்படியும் தன் குடும்பத்தில் மழலை வந்து தவழ வேண்டும் என்று நாயகி தன் தங்கையையே கணவனுக்கு இரண்டாம்தாரமாக்க முடிவுசெய்கிறாள்.  பாசத்தின் சிகரமாய் விளங்கும் நாயகன் அந்த முடிவை.. முற்றிலுமாய் எதிர்க்கிறான்.. மறுக்கிறான்..  இத்தகு சூழலில்.. நாயகியின் தங்கை.. எதார்த்தமாக விரைவில் இந்த வீட்டில் ஒரு குழந்தை வரப்போகிறது என்று பாடுவதுபோல் இந்தப் பாடல்..

எத்தனை எத்தனை அர்த்தபுஷ்பங்கள் மலரவைத்திருக்கிறார் கவியரசு கண்ணதாசன்!  கூடுவிட்டு கூடுபாயும் வித்தை கற்றவரோ என்றெண்ண வைக்கிறார்.. பிறகெப்படி.. அந்தப் பாத்திரம் என்ன சொல்ல வேண்டுமோ அதன் உச்சம் தொட்டுக் காட்டுகிறார்!  திரையிசைத்திலகம் கே.வி.மகாதேவன் இசையில் பி.சுசீலாவின் குரலில் மெல்லிய காற்று நம் இதயம்நோக்கித் தவழ்ந்துவருகிறது கேளுங்கள்..

பட்டாடைத் தொட்டில் கட்ட வேண்டும் – என் கண்ணுக்கு
பால் வண்ணச் சங்கு கொள்ள வேண்டும்
சிட்டென்று அள்ளிக் கொள்ள வேண்டும் – என் கண்ணுக்குச்
சிங்காரப் பொட்டு வைக்க வேண்டும்..

கவியரசரின் அழகுதமிழின் ஆனந்த நடனமிது.. குழந்தையைக் கொஞ்ச இந்தத் தமிழ் போதாதா?

கண்ணுக்கு மேலே மையிட்டுப் பார்த்து
கன்னத்தைக் கிள்ள வேண்டும்
முன்னொரு நூறு பின்னொரு நூறு
முத்தங்கள் சிந்த வேண்டும்..
முத்தங்கள் சிந்த வேண்டும்..

பால்மழலை முகம்பார்த்து குதூகலித்து.. பனிபோல் முத்தங்கள் பொழிய வேண்டுமாம்..  அதுவும் கண்ணுக்கு மையிடும்போது.. அந்த அழகைக் கண்டு சொக்கிப்போய்.. கன்னம் கிள்ளுவதாய்.. முத்தங்கள் கூட நூற்றுக்கணக்கில் வரிகளில் கொண்டு வந்து சொர்க்கத்தை நிறுத்துகிறார்!

மார்பினில் எடுத்துப் பாலுண்ணக் கொடுத்து
மயக்கம் கொள்ளும்போது
அவர் வரப் பார்த்து ஆடையை மறைத்து
அப்பப்பா.. சொல்ல வேண்டும்..

கற்பனைக் காட்சிதான் என்றாலும்.. அந்தக் காட்சிப்படுத்தலை.. படிமத்தை.. எப்படிக் கவிதை வாயிலாய் காட்டுகின்றார் பாருங்கள்!  ஆயிரம் கவிஞர்கள் வரலாம்.. எங்கள் கண்ணதாசன் போல் வருமா என்று சொல்வதன் காரணம் புரிகிறதா?

அன்னையைத் தந்தை அணைக்கின்ற கோலம்
கண்ணனும் காண வேண்டும்
என்னையும் மறந்து ஏனிந்த விருந்து
என்றவன் சொல்ல வேண்டும்..
என்றவன் சொல்ல வேண்டும்..

எண்ணிப்பார்த்து எய்தும் இன்பம் இப்படி இருக்குமா?  எழுதிக்காட்டும் கவிதை வடிவம் அருவியாகிறது!  கற்பனைவந்து கைகொடுக்கும் கவிஞரின் வரிகளில் உள்ளம்தொடுகின்ற எழுத்துரதமே ஊர்வலம் வருகிறது!  விளக்கம் தேவையில்லாத அளவு விரிவான வரிகள் நான்கு.. இதைவிட என்ன சொல்ல முடியும்?

ஏதோ திரைப்பாடல்தானே என்று எண்ணுபவர்கள்கூட இத்தனைப் புதையல்கள் இருக்கிறதா என்று ரசிக்க வேண்டிய பாடலிது!!

இந்தப் பாடல் இத்தனை அர்த்தங்களைச் சுமந்திருப்பதால்  திரைப்படத்திற்கு பாலாடை என்கிற பெயரும்கூட பொருத்தமே!!

http://www.youtube.com/watch?v=8hwyAvepyo4
காணொளி: http://www.youtube.com/watch?v=8hwyAvepyo4

பாடல் : கண்ணதாசன்
படம் : பாலாடை
குரல் : சுசீலா
இசை : கே.வி.எம்.
நடிகை : கே.ஆர்.விஜயா

பட்டாடைத் தொட்டில் கட்ட வேண்டும் – என் கண்ணுக்குப்
பால் வண்ணச் சங்கம் கொள்ள வேண்டும்
சிட்டென்று அள்ளிக் கொள்ள வேண்டும் – என் கண்ணுக்குச்
சிங்காரப் பொட்டு வைக்க வேண்டும்

(பட்டாடை)

கண்ணுக்கு மேலே மையிட்டுப் பார்த்து
கன்னத்திக் கிள்ள வேண்டும்
முன்னொரு நூறு பின்னொரு ணூறு
முத்தங்கள் சிந்த வேண்டும்
முத்தங்கள் சிந்த வேண்டும்

(பட்டாடை)

மார்பினில் எடுத்துப் பாலுண்ணக் கொடுத்து
மயக்கம் கொள்ளும்போது
அவர் வரப் பார்த்து ஆடையை மறைத்து
அப்பப்பா.. சொல்ல வேண்டும்

அன்னையைத் தந்தை அணைக்கின்ற கோலம்
கண்ணனும் காண வேண்டும்
என்னையும் மறந்து ஏன் இந்த விருந்து
என்றவன் சொல்ல வேண்டும்
என்றவன் சொல்ல வேண்டும்

(பட்டாடை)

— கவிஞர் காவிரிமைந்தன்

கைராசி திரைப்படத்திற்காக கண்ணதாசன் எழுதித்தந்த பாடல்!  இப்பாடலைக் கேட்கும் நேரமெல்லாம் திரையில் தோன்றும் கதாநாயகி மனக் கண் முன்னே மறக்காமல் காட்சி தரும் அற்புதப் பாடல்! இலக்கியத் தமிழைக்கூட சில நேரங்களில் அப்படியே எடுத்தாள்வதும்.. சினிமா என்கிற ஊடகத்தில்கூட ஆங்காங்கே அதற்கான பதிவுகளும் கண்ணதாசனால் கையாளப்பட்டதற்கு இப்பாடல் சாட்சி!  ஆம்.. ஆயிழை என்கிற சொல் வழக்கத்தில் இல்லை.. இலக்கியத்தில் உண்டு!  கற்பனையில் மேடைகட்டி.. அதற்கேற்ப இசையுமிட்டு வார்த்தைகளை வழங்கினால் வருகின்ற சராசரிப் பாடலாய் இல்லாமல்.. கவிஞர்தம் அற்புத நினைவுச்சுரங்கத்துள்ளிருந்து எடுக்கப்பட்ட வைரக்கற்களாய்.. வரிகள்!

அன்புள்ள அத்தான் வணக்கம்
உங்கள் ஆயிழை கொண்டாள் மயக்கம்
தென்னவர் கையிருக்கும் திருவாளைப் போலிருக்கும்
கண்ணிருந்தும் இல்லை உறக்கம்

தென்னவர் கையிருக்கும் திருவாளைப் போலிருக்கும்
கண்ணிருந்தும் இல்லை உறக்கம்..
மறக்க முடியாத மாணிக்க வரிகள்!  கண்களில் உறக்கமில்லை என்று சொல்ல வந்த கவிஞருக்கு.. கற்பனையும் உவமையும் எப்படிக் கை கொடுக்கிறது பாருங்கள்!

பருவம் நிறைந்திருந்தும் எனக்கென்ன சுகமே
பருகும் இதழிரண்டும் இருந்தென்ன பயனே
கரங்கள் இரண்டிருந்தும் அணைப்பதற்கில்லை
கண்ணா இனி நான் பொறுப்பதற்கில்லை

பெண்மை இப்படி முன்வந்து சொல்லாத வார்த்தைகள் முழுமையாக வருகின்றன என்றால் எண்ணிப் பாருங்கள்.. அவள் மனம் எல்லைகள் கடந்து வருகிற அழகைக் கவிதையில் தருகிறார் கேளுங்கள்! அழகைக் கொடுக்கிறது பாருங்கள்!

பொன் மணிமேகலை பூமியில் விழும்
புலம்பும் சிலம்பிரண்டும் என்னை விட்டு ஓடும்
கைவளை சேர்ந்து விழும் கண்களும் மூடும்
காண்பவர் உங்களைத்தான் பழி சொல்ல நேரும்

தனிமையும் பிரிவும் தன்னைப் படுத்தும் பாடு ஒரு பக்கம் இருக்கட்டும்! அதிலும் தலைவன் பெயரல்லவா கெட்டுவிடும் என்கிற எச்சரிக்கையில் எவ்வளவு அழகு இறைந்திருக்கிறது பாருங்கள்!

இப்படியெல்லாம் ஒரு காதல் பாடலில்.. தனிமையைப் பற்றி விவரிக்கும் பாடலில்.. எத்தனை விதமான ரசங்கள்! பாவங்கள்! நளினங்கள்!  முத்திரைகள்!  கவியரசே.. நீ எழுத எழுத.. நான் வரவா.. நான் வரவா என்று தமிழ்ச்சொற்கள் வந்து நிற்குமாமே.. உண்மையா சொல் என்று உன்னைக் கேட்க வேண்டியதில்லை.. உன் கவிதைகள்தான் உன்னையே காட்டிக் கொண்டிருக்கின்றனவே!!  விஸ்வநாதன் ராமமூர்ததி இசையமைப்பில் கைராசி பாடல்.. அன்புள்ள அத்தான் வணக்கம்!

http://youtu.be/PQ0Bfm1gF7I

காணொளி: -http://youtu.be/PQ0Bfm1gF7I

 

படம்: கைராசி
இயற்றியவர்: கண்ணதாசன்
இசை: விஸ்வநாதன் ராமமூர்ததி
நடிகை: சரோஜாதேவி

அன்புள்ள அத்தான் வணக்கம்
உங்கள் ஆயுளைகொண்டாள் மயக்கம்
தென்னவர் கையிருக்கும் திருவாளைப் போலிருக்கும்
கண்ணிருந்தும் இல்லை உறக்கம்
(அன்புள்ள ….

மாலைபொழுது வந்து படைபோல் கொல்லும்
வருவார் வருவார் என்ற சேதியை சொல்லும்
ஆலிலை போன்ற உடல் ஆசையில் துள்ளும்
அந்தியிலே இயற்கை என்னையும் வெல்லும்
(அன்புள்ள ….

பருவம் நிறைந்திருந்தும் எனக்கென்ன சுகமே
பருகும் இதழிரண்டும் இருந்தென்ன பயனே
கரங்கள் இரண்டிருந்தும் அணைப்பதற்கில்லை
கண்ணா இனி நான் பொறுப்பதற்கில்லை
(அன்புள்ள ….

பொன் மணிமேகலை பூமியில் விழும்
புலம்பும் சிலம்பிரண்டும் என்னை விட்டு ஓடும்
கைவளை சேர்ந்து விழும் கண்களும் மூடும்
காண்பவர் உங்களைத்தான் பழி சொல்ல நேரும்
அன்புள்ள அத்தான் வணக்கம்
திருமணம் ஆகுமுன் வேண்டாம் குழப்பம்

கவிஞர் காவிரி மைந்தன்

வந்த கோபம் வடிந்துமுடிவதற்குள் வாழ்க்கையில் பாதி தொலைந்து போகிறது என்று முன்பொரு நாள் நான் எழுதியது நினைவலைகளில்!

குழந்தையும் தெய்வமும் குணத்தால் ஒன்று
குற்றங்களை மறந்து விடும் மனத்தால் ஒன்று

கணவன் – மனைவி இருவருக்கும் இடையே குடும்பத்தில் ஏற்படும் பிரச்சினைகள் குழந்தைகளின் மனதை எப்படி பாதிக்கின்றது என்பதை திரைப்படம் அன்றே எடுத்துச் சொல்லியிருக்கிறது! குறிப்பாக இந்தப் பாடல் கவிஞர் கண்ணதாசனின் வரையோவியம்!

குழந்தையும் தெய்வமும் குணத்தால் ஒன்று
குற்றங்களை மறந்து விடும் மனத்தால் ஒன்று
குழந்தையும் தெய்வமும் குணத்தால் ஒன்று
குற்றங்களை மறந்து விடும் மனத்தால் ஒன்று
நடந்ததெல்லாம் நினைப்பதெல்லாம் துயரம் என்று
ஞானிகளும் மேதைகளும் சொன்னார் அன்று
நடந்ததெல்லாம் நினைப்பதெல்லாம் துயரம் என்று
ஞானிகளும் மேதைகளும் சொன்னார் அன்று
குழந்தையும் தெய்வமும் குணத்தால் ஒன்று
குற்றங்களை மறந்து விடும் மனத்தால் ஒன்று

இவர்களுக்கெல்லாம் ஞானம் எப்படி வந்திருக்கிறது பாருங்கள்.. பல நூறு பக்கங்களில் எழுதிவைத்தாலும் அடங்கிடாத பிரச்சினைகளுக்கு ஒரு சில வரிகளிலேயே தீர்வு எழுதிவைத்ததுபோல இருக்கிற பாடல்! சொல்லப்போனால் இல்லற வாய்ப்பாடு இதுவென்று கூட எடுத்துக் கொள்ளலாம். அதையும் குழந்தையின் வாயிலாகவே வெளிப்படுத்தியிருப்பது இன்னும் அருமை!

பிறந்து வந்த போது நெஞ்சம் திறந்திருந்தது
பிறந்து வந்த போது நெஞ்சம் திறந்திருந்தது – அந்தப்
பிள்ளையோடு தெய்வம் வந்து குடியிருந்தது – அந்தப்
பிள்ளையோடு தெய்வம் வந்து குடியிருந்தது
வயது வந்த போது நெஞ்சில் மயக்கம் வந்தது
வயது வந்த போது நெஞ்சில் மயக்கம் வந்தது – அங்கு
வாழ்ந்திருந்த தெய்வம் கொஞ்சம் விலகிச் சென்றது – அங்கு
வாழ்ந்திருந்த தெய்வம் கொஞ்சம் விலகிச் சென்றது

கருப்பு வெள்ளையில் வெளியான திரைச்சித்திரத்தில் குட்டி பத்மினி.. தோன்றும் காட்சி.. வெள்ளையாய் இருந்த குழந்தை மனது வயதாக ஆக.. நிறம் மாறுகிறது! குழந்தை மனதில் குடியிருந்த தெய்வம் பிறகு அந்த இடத்தைவிட்டு விலகுகின்றது என்னும் நிதர்சனங்கள் பாடல்வாயிலாக நம் நெஞ்சங்களைத் தொடும்போது உண்மை சுடுகிறதல்லவா?

கோபம்.. வந்த கோபம் வடிந்துமுடிவதற்குள் வாழ்க்கையில் பாதி தொலைந்து போகிறது என்று முன்பொரு நாள் நான் எழுதியது நினைவலைகளில்! இந்த கோபத்தின் விளைவுகள் பெரும்பாலும் நன்மை பயப்பதில்லை! மாறாக.. மன அழுத்தம், இரத்தக் கொதிப்பு, மாரடைப்பு என பல்வேறு நிலைகளுக்கு நம்மைத் தள்ளிவிடுகின்றது! இதையெல்லாம் உணர்ந்து வாழத் தெரிந்துவிட்டால்.. இன்பமயமாகிவிடும் வாழ்க்கை!

உச்சி வெயில் சூரியனை மேகம் மூடுது
உச்சி வெயில் சூரியனை மேகம் மூடுது – நம்
உள்ளம் என்னும் சூரியனை கோபம் மூடுது – நம்
உள்ளம் என்னும் சூரியனை கோபம் மூடுது
காற்று வந்தால் மறுபடியும் மேகம் ஓடுது
காற்று வந்தால் மறுபடியும் மேகம் ஓடுது – பேசிக்
கலந்து விட்டால் கோபம் மாறி நேசமாகுது – பேசிக்
கலந்து விட்டால் கோபம் மாறி நேசமாகுது

குழந்தையும் தெய்வமும் குணத்தால் ஒன்று
குற்றங்களை மறந்து விடும் மனத்தால் ஒன்று

பிள்ளைகளாய் இருந்தவர் தான் பெரியவரானார்
பிள்ளைகளாய் இருந்தவர் தான் பெரியவரானார் – அந்தப்
பெரியவர்கள் கோபத்தினால் சிறியவரானார் – அந்தப்
பெரியவர்கள் கோபத்தினால் சிறியவரானார்
கள்ளமில்லா உள்ளத்தினால் பிள்ளைகளெல்லாம்
கள்ளமில்லா உள்ளத்தினால் பிள்ளைகளெல்லாம் – என்றும்
கண்ணெதிரே காணுகின்ற தெய்வங்களானார் – என்றும்
கண்ணெதிரே காணுகின்ற தெய்வங்களானார்

குழந்தையும் தெய்வமும் குணத்தால் ஒன்று
குற்றங்களை மறந்து விடும் மனத்தால் ஒன்று
நடந்ததெல்லாம் நினைப்பதெல்லாம் துயரம் என்று
ஞானிகளும் மேதைகளும் சொன்னார் அன்று
குழந்தையும் தெய்வமும் குணத்தால் ஒன்று
குற்றங்களை மறந்து விடும் மனத்தால் ஒன்று

பாடல்: குழந்தையும் தெய்வமும்
திரைப்படம்: குழந்தையும் தெய்வமும்
பாடியவர் . பி. சுசீலா
இயற்றியவர்: கவிஞர் கண்ணதாசன்
இசை: எம்.எஸ். விஸ்வநாதன்
ஆண்டு: 1965

–கவிஞர் காவிரிமைந்தன்.

‘இருக்கும் பிடிசோறு தனக்கென எண்ணாது கொடுக்கின்ற கோயிலது’ என்னும் தாய்மையைப் போற்றும் பாடல்வரிகளைக் கொண்ட படம் – பட்டிணத்தில் பூதம்.. கவியரசர் அடிக்கடி அரசியலில் கட்சி மாறுவதேன் என்று கேட்கப்பட்டபோது.. இல்லையே… நான் அப்படியே இருக்கிறேன்.. கட்சிகள் தான் என்னைவிட்டு மாறிக்கொண்டே இருக்கின்றன என்றாராம்.  இப்படி திரைத் துறையிலும் அரசியல் துறையிலும் இலக்கியத்துறையிலும் முத்திரை பதித்த கண்ணதாசனிடம் முத்தாய்ப்பானது.. அவரது கவியாற்றலே என்பது காலம் கண்டறிந்த உண்மை!

அதுவும் தனது தனி மனித உணர்வுகளைக் கூட, அனுபவங்களை அப்படியே வரிகளில் வடித்திடும் பேராற்றல் கண்ணதாசனிடம் கண்டதுபோல் காணக்கிடைப்பது அரிது.

ஆம்.. அரசியல் களத்திலே ஏற்பட்ட ரணங்களாய் தடம் மாறி நின்றபோதும் கல்விக்கண்தந்த கர்மவீரர் காமராசரிடம் கொண்ட பற்று.. பாசம்.. அற்றுப்போகாமல்.. தன் ரத்த நாளங்களிலும் காமராசரை மெச்சிப் புகழ்ந்து வைத்திருந்தார்.  மேலும் அவரைக் காணவேண்டும் என்று பெரிதும் விரும்பினார்.

காதலன் காதலிக்கு தூது அனுப்பவதற்கு ஆயிரமாயிரம் வழிகள்.  ஆனால், இங்கே கண்ணதாசன் காமராசரைக் காண துடித்தபோது.. கை கொடுத்தது எது தெரியுமா?  திரைப்பாடல் மட்டுமே!  அதுவும் இத்திரைப்படத்தில் இக்காட்சி அமைப்பு இதற்காகவே இணைக்கப்பட்டதாக சொல்லப்படுகிறது.

பெண் பார்க்கும் படலத்தில் இடம் பெறும் பாடலாய்.. எத்தனை எளிமையாய்.. எத்தனை லாவகமாய்.. தூதுவிடுகின்றார் பாருங்கள்.. அருமையான பாடலிது என்று கொண்டாடலாம்.  அப்படி இசை அமைத்திருக்கும் அதிசய மனிதர் திரு.கோவர்த்தனம் ஆவார்.  ஆயிரம் பாடல்களை இசையமைத்துப் பெற வேண்டிய புகழை ஒரே பாடலில் பெற்றுவிட்டார் என்றே சொல்லத் தோன்றுகிறது.

புன்னகை அரசி கே.ஆர்.விஜயா அவர்களின் நளினங்கள் நாட்டியமாடும் திருமுகத்தை யார்தான் மறக்க முடியும்?

காமராசரின் தாயார் பெயர் சிவகாமி.. அட.. பாடல் பிறந்து விட்டது!!!!

அந்த சிவகாமி மகனிடம் சேதி சொல்லடி – என்னைச்
சேரும் நாள் பார்க்கச் சொல்லடி
வேறு எவரோடும் நான் பேச வார்த்தை ஏதடி – வேலன்
இல்லாமல் தோகை ஏதடி…

வேலை வணங்காமல் வேறென்ன வேலை – என்னும் சிலேடை விளையாட்டுக்களோடு..

எத்தனைப் பாடல்கள் இப்போது வந்தாலும் அந்தக் காலப் பாடல்கள் போல் ஆகுமா என்று ஏன் ஏங்குகிறோம்.. அர்த்தம் புரிகிறதல்லவா?
அந்த சிவகாமி மகனிடம் சேதி சொல்லடி

http://www.youtube.com/watch?v=rm0jGFq1z3Y

காணொளி: http://www.youtube.com/watch?v=rm0jGFq1z3Y

 

படம் : பட்டணத்தில் பூதம்
பாடலாசிரியர் : கண்ணதாசன்
இசை : திரு.கோவர்த்தனம்
குரல் : T.M.S., P. சுசீலா
நடிகர்கள் : ஜெய்சங்கர்+கே.ஆர்.விஜயா

அந்த சிவகாமி மகனிடம் சேதி சொல்லடி – என்னைச்
சேரும் நாள் பார்க்கச் சொல்லடி
வேறு எவரோடும் நான் பேச வார்த்தை ஏதடி – வேலன்
இல்லாமல் தோகை ஏதடி

அந்த சிவகாமி மகனிடம் சேதி சொல்லடி…

கண்கள் சரவணன் சூடிடும் மாலை
கன்னங்கள் வேலவன் ஆடிடும் சோலை
பெண்ணென பூமியில் பிறந்த பின்னாலே
வேலை வணங்காமல் வேறென்ன வேலை

நெஞ்சே தெரியுமா அன்றொரு நாளிலே
நிழலாடும் விழியோடும் ஆடினானே – அன்று
நிழலாடும் விழியோடும் ஆடினானே – என்றும்
கண்ணில் நின்றாடச் சொல்லடி

மலையின் சந்தனம் மார்பின் சொந்தம்
மங்கையின் இதயமோ காளையின் சொந்தம்
நிலையில் மாறினால் நினைவும் மாறுமோ
நெஞ்சம் நெருங்கினால் பேதங்கள் தோன்றுமோ
காலம் மாறினால் காதலும் மாறுமோ
மாறாது மாறாது இறைவன் ஆணை – என்றும்
மாறாது மாறாது இறைவன் ஆணை

இந்த சிவகாமி மகனுடன் சேர்ந்து நில்லடி – இன்னும்
சேரும் நாள் பார்ப்பதென்னடி
வேறு எவரோடும் நான் பேச வார்த்தை ஏதடி – தோகை
இல்லாமல் வேலன் ஏதடி…

ஆ……ஆ……ஆ..ஆ..ஆ.ஆ

அந்த சிவகாமி மகனிடம்…
அந்த சிவகாமி மகனிடம்…
அந்த சிவகாமி மகனிடம்…
சேதி சொல்லடி… என்னைச்
சேரும் நாள் பார்க்கச் சொல்லடி….

–கவிஞர்  காவிரிமைந்தன்

ஆடை அணிகலன் ஆடம்பரங்கள் ஆண்டவன் விரும்புவதில்லை
அங்கொரு கண்ணும் இங்கொரு கண்ணும் ஆலய வழிபாடில்லை

தெளிவாகத் தெரிவது ஒன்று!  தெளிவின்றி மறைவது ஒன்று!  எதை நாம் இருக்கிறது என்று உறுதி செய்ய முடியும்?  எதை நாம் இல்லையென்று மறுத்திட முடியும்?  கேள்விகள் பல எழலாம்!  விடைகள் தான் எங்கே? அறிவுக் கண்ணில் பார்க்கும்போது அதற்கும் எல்லைகள் உண்டு!  அகக்கண்ணால் பார்க்கும் போது அதற்கோர் உலகம் உண்டு! விஞ்ஞானம் கண்டுபிடிப்பதற்கு பன்னெடுங்காலம் முன்பாகவே மெய்ஞானம் கண்ட உண்மைகள் கோடி!

அறிவின்வழி எதுவுமே உறுதி செய்யப்பட வேண்டும்! ஆன்மீகம் கண்டவர்கள் யார்? அதன்வழியே நின்றவர்கள் யார்? வழிவழியாய்  தொடரும் இந்தச் செவி வழிச்சங்கதிகளை செப்பேட்டிலும், பனை ஓலைச்சுவடிகளிலும் காணும்போது விஞ்ஞானத்தை மெய்ஞானம் விஞ்சியிருப்பதை உணரலாம்!  சூரிய கிரகணம், சந்திர கிரகணம் இவையெல்லாம்.. இந்த ஆண்டில்.. இன்ன தேதியில்.. இன்ன நேரத்தில் ஏற்படும் என்று நவீன உலகம் கண்டுபிடிப்பதற்கு முன்னரே, ஞானிகளும் மேதைகளும் தவசிகளும் தங்கள் மெய்யுணர்வால் கணக்கிட்டுச் சொன்னது எப்படி?

அர்த்தமுள்ள இந்து மதத்தில் கவியரசர் கண்ணதாசன் அழகாக குறிப்பிடுகிறார். மாதா.. பிதா.. குரு.. தெய்வம்.. என்கிற பழமொழியில்.. மாதா என்பது சர்வ நிச்சயமான ஒன்று!  மாதா சொல்லித்தான் ‘பிதா’ அறிமுகாகிறார் – குழந்தைக்கு!  அக்குழந்தையை பிதா – குருவிடம் கொண்டு சேர்க்கிறார்! குருவோ.. தெய்வத்தை உணரச் செய்கிறார்!

இறைவன் இருப்பது எங்கே என்கிற கேள்வி எழுவது இன்று நேற்றல்ல.. மறைபொருளின் கீர்த்தி அறியாத வரையில்.. உள்ளத்தில் உள்ளது கடவுள் என்பது உணராத வரையில்.. தெய்வத்தைத் தேடும் மனிதனின் வாழ்வில் மாற்றமில்லை.  ஆலயம் தொழுவது சாலவும் நன்று என்ற நம் முன்னோர்கள் ஒவ்வொரு ஊரிலும் கோவிலை உருவாக்கினார்கள். கோவில் இல்லா ஊரில் குடியிருக்க வேண்டாம் என்றும் பழமொழி தந்தார்கள்.  கற்பக் கிரகத்தில் கற்சிலையாய் இருந்தாலும் அங்கே கடவுளுக்கு நடத்தப்படும் ஆராதனையின்போது அந்த தீப ஒளி ஒருசில மணித்துளிகளுக்குள் .. சட்டென்று கண்ணில்பட்டு மறைந்தாலும் அங்கே காணும் தெய்வ தரிசனம் மனதில் நின்றுவிடும்.  ஆலயவழிபாட்டில்கூட அனுஷ்டிக்கப்படும் ஆராதனையிலும் சூட்சுமங்கள் பொதிந்தே உள்ளன.  அவ்விடம் நின்று ஆண்டவன் எண்ணி அருளை வேண்டுவோர் உள்ளம் எப்படியிருக்க வேண்டும் என்பதைக்கூட கவியரசு கண்ணதாசன் இலக்கணம் வகுத்தாற்போல் ஒரு திரைப்பாடலில் தருகிறார் பாருங்கள்.. பாடலை மீண்டும் கேளுங்கள்..

http://www.youtube.com/watch?v=Ry7xzM477BI

காணொளி: http://www.youtube.com/watch?v=Ry7xzM477BI

திரைப்படம்: சரஸ்வதி சபதம்
பாடியவர்: T.M. சௌந்தரராஜன்
இயற்றியவர்: கவிஞர் கண்ணதாசன்
இசை: K.V. மஹாதேவன்

தெய்வம் இருப்பது எங்கே
தெய்வம் இருப்பது எங்கே அது இங்கே வேறெங்கே
தெய்வம் இருப்பது எங்கே
தெளிந்த நினைவும் திறந்த நெஞ்சும் நிறைந்ததுண்டோ அங்கே
தெய்வம் இருப்பது எங்கே

பொன்னும் பொருளும் நிறைந்தவர் நெஞ்சம் பொய்யில் வளர்ந்த காடு
பொன்னும் பொருளும் நிறைந்தவர் நெஞ்சம் பொய்யில் வளர்ந்த காடு
எண்ணும் எழுத்தும் நிறைந்தவர் நெஞ்சம் இறைவன் திகழும் வீடு
எண்ணும் எழுத்தும் நிறைந்தவர் நெஞ்சம் இறைவன் திகழும் வீடு
தெய்வம் இருப்பது எங்கே

ஆடை அணிகலன் ஆடம்பரங்கள் ஆண்டவன் விரும்புவதில்லை
ஆடை அணிகலன் ஆடம்பரங்கள் ஆண்டவன் விரும்புவதில்லை
அங்கொரு கண்ணும் இங்கொரு கண்ணும் ஆலய வழிபாடில்லை
அங்கொரு கண்ணும் இங்கொரு கண்ணும் ஆலய வழிபாடில்லை
இசையில் கலையில் கவியில் மழலை மொழியில் இறைவன் உண்டு
இசையில் கலையில் கவியில் மழலை மொழியில் இறைவன் உண்டு
இவை தான்தெய்வம் என்பதை அறிந்தால் ஏற்கும் உனது தொண்டு
இவை தான்தெய்வம் என்பதை அறிந்தால் ஏற்கும் உனது தொண்டு
தெய்வம் ஏற்கும் உனது தொண்டு

தெய்வம் இருப்பது எங்கே அது இங்கே வேறெங்கே
தெய்வம் இருப்பது எங்கே

-கவிஞர் காவிரிமைந்தன்

வசனகர்த்தா – ஆரூர் தாஸ்

நாயகி – ஒரு பெண்ணை அடிமையாக்கக்கூடிய இத்தனை பலம் ஒரு ஆணுக்கு எங்கிருந்து வந்தது?

நாயகன் – ஒரு ஆணைக் கோழையாக்கக்கூடிய இவ்வளவு சக்தி ஒரு பெண்ணுக்கு எப்படி வந்தது?

மேற்கண்ட வசனம் இப்பாடலின்முன் இடம்பெறுகிறது.  உணர்ச்சிமிகு நடிப்பின் உயரம் தொடுகிறார்கள் ஜெமினி கணேசன் அவர்களும் அபிநய சரஸ்வதி சரோஜா தேவியும்.

‘காதல் சரீரத்தில் இல்லை; ஆத்மாவில் இருக்கிறது’ என்ற தத்துத்தைச் சொன்னேன்; அது மக்களைச் சென்று அடையவில்லை. ஒரே ஒரு படத்தை இயக்கப் போனதால் 10 சிவாஜி படங்களையும், 10 எம்.ஜி.ஆர். படங்களையும், 10 ஏனைய படங்களையும் இழக்க நேரிட்டது என்கிறார் வசனகர்த்தா ஆரூர்தாஸ்.  இவர் இயக்கிய ஒரே படம் இதுதான்.

ஒரு தேடலின் முடிவில் நாயகனைச் சரணடைகிறாள் நாயகி!  உணர்வின் உந்துதலால் அங்கே இரண்டு இதயங்கள் அன்பைப் பரிமாறி விம்மலும் விசும்பலும் என ஒன்றிணையும் கட்டத்தில் உருவாக்கப்பட்ட பாடல்! இயற்றியிருக்கிறார் கவிஞர்  கண்ணதாசன். ஏ.எல்.எஸ். தயாரிப்பில் 1967ல் வெளியான படம்.

பெண் என்றால் பெண் திரைப்படத்திற்காக, ஜெமினி கணேசனுடன் சரோஜாதேவி  இணைந்து நடித்த பாடல்!

மலருக்கெல்லாம் வாயிருந்தால் என் மன்னவன் புகழ்பாடும் என்று தற்குறிப்பேற்ற அணி கொண்டு வரிகளை வரைந்திருக்கிறார்.

மேகம்போல ஆடையிட்டு சோகம்பாடு வீணைதனை
பால்போல சேலையிட்டு பார்த்தாய் என் தெய்வமே!

சோகத்தில் சொந்தம் கொண்டாடியிருந்த எனக்குச் சொர்க்கத்தைத் தந்த தலைவனே… என்று அவன் காலடியில் சுகம் காணுகிறாள் நாயகி.

எண்ண மலர்களை எழுத்துவடிவில் தரும் திறமையுள்ள கவிஞர்களால் இப்படிச் சூழ்நிலைகளையும் பாடல் வரிகளாக்க முடியும் என்பதற்கு இப்பாடல் சாட்சி!  வருடிக் கொடுக்கும் இசை வார்த்தைகளை அலங்கரித்துத் தருகிறது. இனிய குரல்களால் நம் செவிகளைச் சென்றடைகிறார்கள் டி.எம்.எஸ். மற்றும் பி.சுசீலா.

தேடித் தேடிக் காத்திருந்தேன்…
தெய்வம் என்னைப் பார்க்கவில்லை…
ஆதாரம் வேண்டியடைந்தேன்
ஐயா உன் காலடியில்…

மலருக்கெல்லாம் வாயிருந்தால் என் மன்னவன் புகழ்பாடும்
மஞ்சளுடன் குங்குமமும் உன் மடியில் விளையாடும்
மேகம்போல ஆடையிட்டுச் சோகம்பாடு வீணைதனை
பால்போலச் சேலையிட்டு பார்த்தாய் என் தெய்வமே!

ஊஞ்சலிலே நாயகனின் உருவம் விளையாட
ஓர்விழியால் முகம்பார்த்து நாயகி இசைபாட
வானமீன்கள் பூச்சொரிய வந்த தென்றல் தாலாட்ட
ஆனந்தம்கோடி கண்டேன் ஐயா உன் மடியினில்…

http://www.youtube.com/watch?v=rjL-3Rlc4fQ