Category: திருமால் திருப்புகழ்

கிரேசி மோகன்

 

தவ சிவன்….Friend Philosopher and Guide….

“உத்ரக் கிரியை உலகில் முடிந்ததும்
பித்ருக்கள் போவர் பரமகுரு -மித்ரன்
மகாதேவன் கைக்குள் மறுஜென்மம் காண;
சகா,தேவன், தெய்வம், சிவம்”….கிரேசி மோகன்….

கிரேசி மோகன்

 

காமேஸ்  வரிநீயே  காப்பு’’….கிரேசி மோகன்….

கிரேசி மோகன்

“ஊதியது போதும் உடனே எழுந்துவா
பாதியில் நிற்குதாம் பாரதப்போர் -சேதிசொன்ன
COURIERரை மேய்க்காத காரணத்தால் உண்டுவிட்டேன்
WARRIORகள் காத்துள்ளார் வா”….கிரேசி மோகன் ….

கண்ணன் குழலூதும் சுவாரஸ்யத்தில் பாரதப்போரை ,பசுக்களை மேய்ப்பதை மறந்து விட மாடும் கன்றும் நினைவு படுத்துவதாகக் கற்பனை….

COURIER தின்ற மாடு -துவாபர யுகத்திலேயே பேப்பர் உண்ணும் பழக்கம் பசுக்களுக்கு வந்து விட்டது போலும் ….கலியுகத்தில் போஸ்டர் ….நன்றி கேசவ்ஜி….

கிரேசி மோகன்

“இம்மி அசையா(து) இமையோன் அகந்தை
DUMMYயா கும்வரை தூக்கினான் -MUMMYயை;
COUNT -DOWN கர்வபங்கம் காணும் வரைநின்றான்
MOUNT -BATTLE FEILDல் மணி”….கிரேசி மோகன்….

MUMMY -கோவர்த்தன கிரி PYRAMID….
இமையோன் -கண்களை இமைக்காத இந்திரன்….
The Last Word “மணி ” Represents “ஸ்யமந்தக” மணி….

கிரேசி மோகன்

“மகோதரன் அன்னை, மகாதேவர் பாகி,
சகோதரன் கண்ணனின் சார்பாய், -சகாய,
எருதேறி வந்தாள், இமவான் குமாரி,
திருநாள் நவராத் திரி”….கிரேசி மோகன்….

கிரேசி மோகன்

 

“பால்கொடுத்தாய் சம்பந்த பிள்ளைக்குப் பண்ணிசைக்க,
வேல்கொடுத்தாய் மைந்தனுக்கு வெற்றிபெற, -தாள்கொடுத்தாய்
அய்யன் இடமிருந்து அய்யோ பதியோட;
பையன் எனக்களிவாய்ப் பாக்கு”….கிரேசி மோகன்….

மார்கண்டேயனுக்காய் ஈசன் எமனை(அய்யோ பதி) உதைத்தது அம்பாள் இருக்கும் இடது கால்….
காளிதாசனுக்கும், காளமேகத்துக்கும் தன் திருவாய் தாம்பூலம்(பாக்கு)….

 

கிரேசி மோகன்

அம்மாடை விட்டால் அடிமேயும், ஆதலால்,
சும்மாடாய் தோளில் சுமக்கிறான் -ப்ரும்மாண்டன்;
நாத பிரும்மத்தின் ,பாதக் கவலைபார்,
தூதுக்கு வேண்டுமே தாள்!’’….கிரேசி மோகன்….

இன்று கேசவ் கண்ணன் போர்க்கோலத்தில்”
———————————————————————–

“பேரெழில் பச்சைமால், நீரலை விட்டாயர்
சேரியில் சென்றுப சுக்களுடன், -ஒரினமாய்,
Forever வாழ்ந்தாலும், பாரதம் செய்வதற்கு,
தேரவர் ஓட்டத் தயார்”….கிரேசி மோகன்….

கிரேசி மோகன்

புருஷனும் ப்ரக்ரிதியும் பின்னிப் பிணைந்த
தரிசன தாமோ தரனுக்(கு ) -ஒருஷணத்தில்
INஏங்கும் ராதைக்கு OUTடோடும் கீதைக்கு
IN-YANGசை னீஸ்வரன் இன்று”….கிரேசி மோகன் ….

சைனா +ஈஸ்வரன் =சைனீஸ்வரன்
ying-yang tao philosophy….

“அன்னத்(து) அயனும் ,அணியும் புலித்தோலர்
அண்ணா மலைஅரனும் ,அன்பர்கள் -கன்னத்தில்
முத்தமிட்டு காக்கும் முகுந்தனும்,சேர்ந்ததில்
தத்தகுரு இந்தியாங்கில் தாவ்….
தத்தகுரு IN -YANGகில் TAO”….கிரேசி மோகன் ….

The dove and the tiger. The delicate balance of opposites. Yin-yang Krishna.

கிரேசி மோகன்

பூபாரம் போக்கவந்த கோபாலன் கொண்டையில்,
பூ,பார கோபியர் பெண்கள்பார்: -வ்யாபார,
ஷேமமும், யோகமும், ஷேத்ரஞ்ஞன் கண்ணனே,
நாமமும் ரூபமும் நாம்’’….கிரேசி மோகன்….

பூ பார கோபியர்-மலர் சூடிய கோபியர்….

கிரேசி மோகன்

 

அருச்சுன உவாச….குந்தி மகன் கேள்வி…..
———————————————————————————–

சுருதி ஒலிக்குள், பரிதி ஒளிக்குள்
இறுதிமுதல் இல்லா இறைக்குள் -கருதி
துதிக்கும் முனிவர்தம் தேடலுக்கு எட்டா
ஸ்திதிக்குப் புகன்றேன் சரண்….

பசுக்களை மேய்த்தோய் வசுதேவன் மைந்தோய்
விசுவமாய் எங்கும் விரிந்தோய் -அசையும்
அசையா பொருள்களுக்கு ஆதார மான
இசையே வணக்கம் உனக்கு….

படைத்துப் பறிமாறி பாதுகாத்(து) ஆவி
கடைத்தேற வைத்திடும் கண்ணா -துடைத்து
உலகேழை உண்டன்(று) உமிழ்ந்தோய் உனக்கிங்(கு)
இலையேகாண் ஓர்சக்தி ஈடு ….

அயனுக்கு வேதம் அறிவித்(து) அவன்தன்
வியனுலகில் மாயை விதைத்து -பயனுற
ஞானகர்ம பக்தியென்ற நாட்டம் அளித்தெம்மை
வானமர வைத்திடுவோய் வாழ்த்து….

பேருண்மை, மாயப் பெரும்பொய் பிரகிருதி
வேரொன்றும் இல்லா விருக்ஷம்நீ, -யாரென்று
கேட்டால் விளம்பிடுவோம் கேசவன் தானந்த,
சேட்டை புரிகின்ற சேய்….

ஸ்ரீபகவான் உவாச….கிருஷ்ணன் பதில்…..
————————————————————————————————

”கலக்கம் உறாதே விலக்கொணா கர்மம்
நிலத்தில் பிறப்பும் இறப்பும் -இலக்கணம்
பார்க்க இதுகவிதை இல்லைகாண் பார்த்தனே
பார்த்தால் புசிக்கும் பகை”….

”தீண்டும் இயற்கையின் தூண்டுதலால் வந்துபொகும்
யாண்டும் குளிர்,வெப்பம் இன்ப,துன்பம் ! -பாண்டு
மகனே பொறுப்பாய், மனதால் பொருப்பாய்
புகழாம் போரில் புகு”….

”வியப்பென பார்த்து, வியப்பென கூறி
வியப்பென கேட்டும் விளங்கா -வியப்பாம்
விவரிக்க ஒண்ணா விசித்திர ஆன்மா
எவருக்கும் எட்டா எழில்”….

”நாணை இழுத்திட நாணாதே நண்பனே
ஆனை படுத்தால் அசுவமட்டம் -சேனைக்
களம்நீங்க செல்லாத காசாவாய், வேந்தருன்
உளம்நோக வைப்பார் உவந்து”….

”நூறைநீ வென்றிட ஈரே(ழு) உலகாள்வாய்
மாரில் கணைதைத்து மாளுங்கால் -வீராநீ
சொர்கம் புகுவாய் சுதாரித்(து) எழுந்திரு
தர்கம் புரிதல் தவிர்”….

”சுகதுக்கம், பேறு, இழப்பு, பெரும்வெற்றி
புகும்தோல்வி யாவினையும் போற்றி -நிகராக
ஏற்றிடுவாய் வேற்றுமையை, நூற்றினைக்கொல் கூற்றனென
தோற்றிடும்பார் பாவம் தொலைந்து”….

”ஈங்கிதனைக் கேட்டோய் இதன்பெயர் கேண்மக்கள்
சாங்கியம் என்போர், இனியடுத்து -தாங்கிய
கர்மத் தளைகளின் கட்டவிழ்க்கும் யோகத்தின்
மர்மம் உரைப்போம் உமக்கு”….

”வீணாகிப் போகா விடாமுயற்சி யோகமிது
தானாக மீறாது தன்வரம்பை -வாநாளில்
எள்ளளவு செய்வோரை எப்பயம் சூழ்ந்தாலும்
உள்ளிருந்து காக்கும் உரை”….

”விண்ணென்று நானொத்து திண்ணென்ற புத்திக்கு
கண்ணொன்று காணுமது கட்டுறுதி -என்னென்றும்
ஏகா கிரகமாம் இவ்வுறுதி அற்றமனம்
சாகா வரம்பெற்ற சத்ரு”….

”விரையற்ற பூக்கள் விரயமாதல் போலே
உரையற்ற சொற்கள் உதிர்ப்பர் -மறையுற்ற
வாசகத்தில் மேம்போக்காய் மீதுலாவி கற்றோரைப்
பேசுவார் கேலி புரிந்து’….

———————————————————————————

கிரேசி மோகன்

“பூவைக் குமிடத்தில் பொன்வைப்போன் வள்ளலென்றால்,
பூவைக்கும் பாதத்தில் பிள்ளையை -நீவைத்தாய்;
கர்ண மகாப்பிரபு கேசவ் கலக்கும்நீ
வர்ண மகாப்பிரபு வே”…..கிரேசி மோகன் ….

“எதிர்காத்(து) இருப்பவர்க்கு ஏமாற்றம் தந்து
எதிர்காத்தாய் வீசும் எவர்க்கோ -மதில்மேலே
பூனைக்கீ டாமிரெண்டும்; பிள்ளை அழைத்தாலோ
தூணைப் பிளந்துதெய்வம் தொப்….

குழந்தை தெய்வமும் கேசவ் கொண்டாடும் தெய்வமும்….
நம் நலம் பேணும் தாயும் சேயும் நலம் ….

“ஓணமும் ஆதிரையும் ஒன்றிக் கலந்திட
கானில் பிறந்தமணி கண்டனே ,-ஞானமே,
தாய்மோ கினியவள் தாளில் பசித்திராய்
போய்வன் புலிப்பால் பருகு”….கிரேசி மோகன் ….

ஓணம் -அரி , திருவாதிரை -அரன்
கானில் -காட்டில்….

கிரேசி மோகன்

 

நெட்டிப் பிள்ளையார்

“லேசிகனாய் ஆனான்பார் லம்போ தரந்தனது
மூஷிக வாகனர்க்காய்; முத்தமிழ் -தேசிகன்
“வித்யா ததாதி வினயம்” உணர்த்துதிங்கு
சித்யானைக் குட்டி சிறுத்து”….கிரேசி மோகன் ….

வினயம் வித்தைக்கு அடையாளம்….
சித்தானைக் குட்டி -சித் + யானைக் குட்டி….

கிரேசி மோகன்

”புள்ளி மயில்சூடி, புள்ளாழ்வான் போலிறகை,
புள்ளாண்டான் போர்த்திப் பறப்பது, -மல்லாண்டு,
மாமனைக் கொல்லல், மகாபா ரதம்செய்தல்,
பூமனையாள் இட்ட பணி’’….கிரேசி மோகன்….

பூமனையாள்- மனைவி பூமாதேவி….
புள்ளாழ்வான் -கருடாழ்வார்….