Category: திருமால் திருப்புகழ்

கிரேசி மோகன்

“இஞ்சி இடுப்பழகன், இம்மை கொடுப்பழகன்,
மஞ்ச உடுப்பழகன், மாதரார், -துஞ்சும்,
நடுப்பகல் நேரம், பொடிப்பயல்க ளோடு,
அடுக்களையில் செய்வான் அதம்(ஹதம்)” ….கிரேசி மோகன்….

மஞ்ச உடுப்பழகன் – பீதாம்பரதாரி….
துஞ்சும் -தூங்கும்….

கிரேசி மோகன்

ஊதியது போதும் உடனே எழுந்துவா
பாதியில் நிற்குதாம் பாரதப்போர் -சேதிசொன்ன
COURIERரை மேய்க்காத காரணத்தால் உண்டுவிட்டேன்
WARRIORகள் காத்துள்ளார் வா”….கிரேசி மோகன் ….

கண்ணன் குழலூதும் சுவாரஸ்யத்தில் பாரதப்போரை ,பசுக்களை மேய்ப்பதை மறந்து விட மாடும் கன்றும் நினைவு படுத்துவதாகக் கற்பனை….

COURIER தின்ற மாடு -துவாபர யுகத்திலேயே பேப்பர் உண்ணும் பழக்கம் பசுக்களுக்கு வந்து விட்டது போலும் ….கலியுகத்தில் போஸ்டர் ….நன்றி கேசவ்ஜி….

கிரேசி மோகன்

அந்த நாளும் வந்திடாதோ ஆசையில் கண்ணன் காலச் சக்கிரத்தை பொறி பறக்க பின்னோக்கித் தள்ளுகிறான் போலும்….

“கதர்சனம் கட்டுமாறு காந்தியின் கூற்றை
நிதர்சனம் ஆக்க நினைத்து -சுதர்சன
WHEELசாட் சியாய்கண்ணன் கால்கொண்டு காலத்தை
நூல்ராட்டை நாளுக்கு நூற்பு”….கிரேசி மோகன்….

தந்திரக் கண்ணனின் சக்கிரம் சுதர்சனம்
சுதந்திர காந்தியின் சக்கிரம் கைராட்டை….

This began as Krishna killing the shakatasura, in the form of a cart. But as it progressed, the wheel dominated. The wheel was juxtaposed with Krishna’s Sudarshana. Here he stops the wheel of time – when sparks emerge from the force which is stopped with his tender feet.
Now for your ideas. 🙂

With regards,
Keshav

கிரேசி மோகன்

வழக்கமாக காலையில் கேசவ் கண்ணனில் கண்முழித்து காலெண்டர் கிழித்த பின்தான் காப்பி என்றாகிவிட்டது…. இன்று கேசவ் கண்ணனுக்குப் போட்டியாக மயிலை சீனிவாசப் பெருமாள் முந்திக்கொண்டு எங்கள் வீதியில் எழுந்தருளினார்….

“அதிகாலை நேரம் அழகன் மயிலைப்
பதிசீனி வாசன் பதும -சதியோடு, (மனைவிமார்களோடு)
தாம்புக் கயிற்றுதரன் தேதி கிழிக்கும்முன்
வீம்புக்கு வாசல் வரவு”….கிரேசி மோகன்….

கிரேசி மோகன்

காப்பளிக்கும் கண்ணனின்று கன்னத்தில் வண்ணத்தின்
தீப்பறக்கத் தோற்றம் தருகின்றான் ,-ஆப்பிரிக்க
GOATSதோலைப் போர்த்தியக் COWஅவன் கால்கவ்வ;
GODSMUSTBE க்ரேசி கரெக்ட்”…கிரேசி மோகன் ….

கிரேசி மோகன்

“யாரோ ! இவர்யாரோ! யாதவர்தான் , ஈஜிப்டின்,
PHARAOHவாய் ஆன பராபரமே, – வாரே!வாவ்!,
சிங்காரக் கண்ணனை , சிங்கா யினத்தின்முன்,
KINGகாக் கினான்கேசவ் காண்” ….கிரேசி மோகன்….

கிரேசி மோகன்

’’பச்சைமா மேனியர்க்கு, இச்சை நவநீதம்,
உச்சி மயிற்பீலி, உத்யோகம், -இச்சக
பாரம் குறைப்பது, பாரதம் செய்வது:
நேரம் திருவோண நாள்’’….கிரேசி மோகன்….

கிரேசி மோகன்

வாமனாவதாரம்….
——————————–

ஓணங்கட்டிக்கு ஓணம் (நாராயணீயம்-பட்டத்திரி படித்து எழுதியது)
————————————————————————————————————————-

யாகாதி பாகத்தை ஈயாது போனதால்
ஆகாயக் கோனிழந்தான் ஆட்சியை -ஏகென்ற
சுக்கிரரால் மாபலி சொர்கம் புகுந்தடைந்தான்
சக்கிர வர்த்தி சிறப்பு (or) ஜொலிப்பு….

பதவி இழந்தோய்ந்த பிள்ளைகள் சார்பாய்
அதிதியன்னை கேட்டாள் அரியின் -உதவியை.
பூணும் தவம்கண்டு பூரித்து வாமனனாய்
ஓணத்தில் சேயாய் உதிப்பு….

அதிதி உபசாரம் அன்று புரிந்தோன்
புதிய அவதாரப் பிள்ளை -குதியிட்டு
மாவலி முன்சென்றான் மூன்றடி வாமனனாய்
தாவலில் நெஞ்சம் திளைத்து….

தாழங் குடையிடக்கை, தண்ணீர் கமண்டலம்
வாழிய காட்டும் வலக்கையில் -சோழியன்
உச்சியொடு வந்தவன் அச்சுதன் என்றுகுரு
எச்சரித்தும் மாபலி ஏற்பு….

அந்தண வாமனர்க்கு வந்தனம் செய்துபலி
தந்தனன் கேட்ட திருவடிக்கு -மண்தனை
வண்டெனநீர் வார்க்கையில் வாத்தியார் வந்துக
மண்டல வாயை மறைப்பு….

உக்கிரமாய் வாமனன் ஓர்புல்லால் குத்திட
சுக்கிரன் கண்ணிழக்க, சொட்டியது -அர்க்கியநீர்.
விக்கிரமன் ஆகி விசுவரூபம் காட்டிநின்றான்
அக்கணம் வாமனன் அங்கு….

ஈறடியால் மண்விண்ணை ஏற்றதிரு விக்கிரமன்
சீரடியால் மூன்றென சென்னிவைத்து -பாரடி
பாதாளம் செல்ல பலியை அழுத்திட
சேதாரம் இன்றியவன் சேர்பு….

தானாகக் தானத்தை தந்திடும் தந்தைமுன்
வீணாக வேடமிட்டு வாமனமாய்ப் -போனீர்கள்!
பாணா சுரப்பிள்ளை போட்ட வினாக்(கு)ஏன
மீனாமை சிம்ம மறுப்பு….

ஆன்மாவாய் வந்தது அங்குஷ்ட வாமனம்
வான்மேவும் விக்கிரமன், வாசனைகள் -நான்மேவ
மூவாசை மண்களை மேலும்கீழ் போய்த்தாண்டி
ஆவேச நானை அழிப்பு….

—————————————————————-

கிரேசி மோகன்

கண்ணன் இன்று “ஆடிப்” பெருக்குகிறான் அருளை, ஆண்டாள் பாசுரம் போல்….”ஆத்திலொரு கால் கனைத்திளம் கற்றெருமை நனைத்தில்ல சேத்திலொரு கால்”….

“ஆற்றுக் குமுதம்நின்(று), ஆனந் தவிகடன்தன்,
சோற்றுக்கால் காமதேனு(THE HINDU) சாப்பிட, -தோற்றம்,
நடராஜா போஸில், நவனீதைத் தந்தாய்,
படராஜா கேசவ்ச பாஷ்”….கிரேசி மோகன்….

கிரேசி மோகன்

திருநீர் மலை ‘’நீர்வண்ணப்’’ பெருமாளை 3தினங்களுக்கு முன் தரிசித்தேன்….திருமங்கை ஆழ்வார் வந்த போது மலையைச் சுற்றி தண்ணீர் இருந்ததால் பெருமாளை தரிசிப்பதற்காக எதிர் மலையில், சூழ்ந்த தண்ணீர் வற்ற ஒருமாத காலம் காத்திருந்து, பிறகு தரிசித்து…. மலையடிவாரம் நின்ற பெருமாளை ‘’நீர்வண்ணா’’ என்று பாடி மங்களாஸாஸனம் செய்தார் என்பது ஐதீகம்….பூதத்தாழ்வாரும் இவரைப் பாடியிருக்கிறார்….ஆழ்வானாக முடியாவிட்டாலும் பதங்களில் வீழ்வானாக இருப்போமே என்ற ஆசையில் எழுதிய ‘’திருமால் திருப்புகழ்’’….கிரேசி மோகன்….

—————————————————————————————————————–

தனனா தனதந்த தனனா தனதந்த
தனனா தனதந்த -தனதான….
————————————————————————————————–

மரணா வதைவென்ற எமனார் எதிர்நின்ற

ரமணார் வழிசென்று -லகுவாக
எனைநான் அதுவென்று அறிவால் உணர்வென்ற,
அருணா சலர்பங்கு -உமையாளின்,

கரவே லதுகொண்டு திருவா வினன்குன்றில்
அரைகோ வணம்தெண்ட -குருபாலன்
மருமா னவன்கொஞ்ச குறமான் மகள்தந்த
முறைமா மமுகுந்த -அனுபூதி

பெறநான் சுடர்சங்கு கதைவாள் சிலைஐந்து
படையோ டலைமங்கை -உடனேள
புயமா யிரம்கொண்ட படசே டரணைந்த
கடலா டிடும்ரங்க -அருள்வாயே

ஒருநாள் ஜலமங்கை மலைசூழ் தினம்வந்து
திருவாய் மொழிமங்கை, -உபசார
அணிமா மலர்மங்கை அருகே வலம்கொண்டு
திருநீர் மலைநின்ற. -பெருமாளே….கிரேசி மோகன்….

படங்களுக்கு நன்றி : http://enthamizh.blogspot.in/2012/02/450-thiruneermalai.html

கிரேசி மோகன்

 மண்களித்(து) உண்ட மகன்’’….கிரேசி மோகன்….

கிரேசி மோகன்

கண்ணன் பச்சையான காரணக் கற்பனை….

“பசுவுடன்மை வண்ணன் பின்னிப் பிணைய (Ref . உங்கள் பக்த்தவத்சலன் )
பசுமையாய் ஆனானோ கேசவ் ; -கொசுவத்து,
மஞ்சளுடன் கொண்டவுடல், நீலம் கலந்தானான்,
பிஞ்சுமகன் பச்சைப் புயல்”….கிரேசி மோகன் …

கொசுவத்து -பீதாம்பர மஞ்சளைக் குறிக்கிறது ….

மேலும் நீல வர்ணத்தில் மஞ்சள் வர்ணம் MIX ஆனால் பச்சை….
கரெக்டா கேசவ்….!கிரேசி மோகன்….