Category: திருமால் திருப்புகழ்

கிரேசி மோகன்

தனத்த தனத்தன தனத்த தனத்தன
தனத்த தனத்தன -தனதான….

————————————————————————

“வனத்தில் குறத்தியை துரத்தும் விருத்தனின்
கருத்த நிறத்தொளிர் -முறைமாம,
வலத்தில் சுடர்ப்பொறி, இடத்தில் உரத்தொலி
எழுப்பு வலச்சுழி -கடலாழி,
வனத்து தளத்தினை பருத்த புயத்தினில்
பரத்தி, இலக்குமி -மணிமார்பில்
இருத்தி, பறப்பன விரட்டி முகட்டினில்
உதித்து, வரத்தினை -உனைநாடும்
மனத்து குணத்தவர் துதிக்க இறைத்திட,
இமைக்கும் கணத்தினில்-வருவோயே
கடித்த பழத்தினை கொடுத்த கிழத்தினை
பரத்தில் இணைத்திடும் -ரகுநாத
சினத்தில் ,இருப்பினை பழித்த அரக்கனை
இடுப்பு இருப்பினில் -இரையாக
கிடத்தி நகத்தினை புதைத்(து)உ திரத்தினை
குடிக்க குதித்திடும் -பெருமாளே”
———————————————————————————————

கிரேசி மோகன்

 
தனந்த தானனத்த தனந்த தானனத்த
தனந்த தானனத்த-தனதான….

“அகந்தை வேரறுத்தவ் விழந்த வான்கிடைத்திங்

கிருந்த வாறிருக்க -ரமணேசர்
புகன்ற வாசகத்தை உணர்ந்து மாதவத்தை
நெருங்க ஞானவித்தை -அருள்வாயே
அகன்ற சாகரத்தில் அனந்தன் மேலிருக்கை
அமைந்த யோகநித்ரை, -வனமாலி
சுகந்தம் வீசலக்மி பதங்கள் மேவநித்ய
இனங்கள் சூரிநிற்க -பயில்வோனே
தகுந்த வாறளிப்பு ,சினந்த மாமனுக்கு
இகழ்ந்த பாலனுக்கு -முறைவாசல்,
தினங்கள் போயெமர்க்கை விழுந்து சாவதற்குள்
முகுந்த வாவகத்துள் -குடியேற
புகுந்த ஆழிவிட்டு பருந்து வாகனத்தில்
பறந்து வாயெனக்கு -துணையாக
உயர்ந்த கோபுரத்துள் கிடந்து வாழவைக்கும்
குடந்தை மாநிலத்து -பெருமாளே”

பின்-குறிப்பு… அல்ல அல்ல எனது பின்-கோட்-குறிப்பு ‘’குடந்தை’’ எனப்படும் கும்பகோணம்…. என் சொந்த ஊர்….

படங்களுக்கு நன்றி

http://enthamizh.blogspot.in/2013/03/blog-post_5203.html

http://www.dinakaran.com/Aanmeegam_Detail.asp?Nid=2137&Cat=3

கிரேசி மோகன்

‘’ஏறு மயிலேறு விளையாடும் முகமொன்று’’ அருணகிரியார் சந்தத்தில்….
———————————————————————————————————–

இராமன் திருப்புகழ்….

“கோசலைகு மாரனென கொஞ்சுமுகம் ஒன்று
தேசுமுனி வாசிஷ்ட யோகமுகம் ஒன்று
கோசிகனின் சீடனென கண்டமுகம் ஒன்று
கோரமகள் தாடகையை கொன்றமுகம் ஒன்று
ஈசன்சிலை யாகசிலை இற்றமுகம் ஒன்று
வாசமகள் ஜானகியின் ஆசைமுகம் ஒன்று
ஆசுகவி மாருதியின் நட்புமுகம் ஒன்று
ஆதிகவி ஓதுமிதி காசபெரு மாளே”
———————————————————————————————————-

கிரேசி மோகன்

தனத்தன தனத்தன
தனத்தன தனத்தன-தனதான….

———————————————————————————————————————–
“மரத்தடி குளக்கரை
படித்துறை தவத்தினில் -கழியாது
வலப்புற மனத்திரு
விரற்கடை புறத்தினில் -நிலையான

இருப்பினை நெருக்கிட
மலைப்புற சிவக்கனி -ரமணேசன்
உரைத்ததை தினப்படி
உளத்தினில் உறைத்திட -அருள்வாயே

விரற்கடை பொருப்பினை
உயர்த்திட இடைக்குடி -மழையாலே
தவிப்பினை விரட்டிவ
யிரத்தினை மிரட்டிய -கருநீல

நிறத்தவ ,விடத்தலை
நிருத்தியம் நிகழ்த்திய -முலையேறி
அரக்கியை அழித்தவ
இடைக்குடி ஜனித்திடும் -பெருமாளே”

——————————————————————————————————————

பின்குறிப்பு-ஆன்மீக இதயம் இரண்டு விரற்கடை தள்ளி வலதுபுறம் இருப்பதாக பகவான் ரமணர் அனுபவம்….’’விரட்டி வயிரத்தினை’’-வஜ்ஜிராயுதம் ஏந்தும் இந்திரனைக் குறிப்பது….

படங்களுக்கு நன்றி:

http://sdgonline.org/viraha/satsvarupa_goswami/poem-for-february-12-2

 
கிரேசி மோகன்

தனன தனதான தனன தனதான
தனன தனதான தனன தனதான -தனதான….
—————————————————————————————-

வயதில் உருவாகும் வளையும் முதுகேறி
விசனம் பிணிரோகம், வளரும் புவிமோகம் -அதுபோக
உழலும் விவகாரம் உணர அவகாசம்
குருவின் உருவாகி பிறகு உபதேசம் -தரநீயும்
தயவு புரிவாச துளசி அணிமார்ப
வனஜ மனையோடு வினதை மகனேறி-வரவேணும்
கயவன் துரியோத னனுடன் குலம்சாய
குதிரை கடிவாளம் கொளும்வி ஜயன்தேரின் -பெருமாளே
———————————————————————————————————————

கிரேசி மோகன்

தனன தனதான தனன தனதான
தனன தனதான தனன தனதான -தனதான….

 
“சகட னொடுவானின் முகடு வரையேகி
தவிடு பொடியாகி தரையில் அவன்வீழ -மெதுவாக
படிகள் தவழ்ந்தேறி கபடு அறியாத
சவலை சிசுவாக கடையும் நவநீத -ருசிகாண
விகட முகமோடு வெகுளி இடைமாது
புடவை முடிபோட புகும வனின்லீலை -புரியாத
அகட முறைமாமன் அழிய ,வசுதேவர்
அபலை தனைமீட்க அவனி அவதார -பெருமாளே”
———————————————————————————————————

படத்திற்கு நன்றி:

http://news-amanushyam.blogspot.in/2013/01/blog-post_3612.html

கிரேசி மோகன்

தனன தனதான தனன தனதான
தனன தனதான தனன தனதான -தனதான….

————————————————————————————————————————
“பிளிரும் கஜம்வாழ பறவை முதுகேறி
ஒளிரும் சுடரேந்தி முதலை தலைசாய -விரைவோனே
தளர இடையாடை திலக நுதல்கூன
தலையின் மயில்பீலி சரிய படையோடு -மெதுவாக
துயில இடையாயர் தளிகை அறைதாவி
உறியில் தயிர்பாலை திருட வரும்போது -விரைவோனே
குளிர குளமாடும் மகளிர் அணிசேலை
உருவி கரைமேவி மருத மரமேறி -மெதுவாக
அலறி ஒருநாளில் அழுத மகள்சோகம்
விலக துணிசேர்க்க விரையும் மெதுவான -பெருமாளே
—————————————————————————————–

கிரேசி மோகன்

தந்த தத்த தானதா னனா
தந்த தத்த தானதா னனா
தந்த தத்த தானதா னனா-தனதான….

———————————————————————————————
“எங்கு துச்சம் தூய்மையா குதோ
எங்கு மிச்சம் பூர்ணமா குதோ
எங்கு பிக்‌ஷை சேரஆ குதோ -பிரசாதம்;
எங்கு சுத்தம் சோறுபோ டுதோ
எங்கு பித்தம் ஆலவா யனார்
நெஞ்சின் நச்சு பாகமா குதோ -அதனாலே
எங்கு சித்தம் ஏகமா குதோ
எங்கு சத்தம் கீதையா குதோ
எங்கு பக்தி யோகமா குதோ -அதைநாட
பொங்கு வெற்பு சோணைமீ திலே
தங்கி சுத்த நானில்மூழ் கியே
நின்ற நிட்டை ஞானநா யனார் -ரமணேசர்
முங்கு புத்த வாவிவா சனாய்
இங்கி ருக்க காளைவா கனார்
பங்கு சக்தி சோதரா விடா -தருள்வாயே
சங்கு சக்ர வாளும்கோ லுமாய்
அம்பு விற்கை ஆளும்மா லனே
பொன்பு விக்கு மாதுசே ரவே -புளிலேறி
இங்கெ னக்கு யாவுமா கநீ,
என்ப தைப்பு ஓயவே கமாய்
மண்ப றித்த ஏனரூ பனே-வருவாயே
வெஞ்சி றைக்குள் வாசுதே வனாய்
வந்து தித்து வாழஆ யனாய்
மண்கு தித்த நீலமே கமே -பெருமாளே”
—————————————————————————————————————————–

படத்திற்கு நன்றி

http://ta.wiktionary.org/wiki/%E0%AE%AA%E0%AE%9F%E0%AE%BF%E0%AE%AE%E0%AE%AE%E0%AF%8D:Darasuram_lord_Shiva_and_Parvathi_on_Bull.JPG

  கிரேசி மோகன்


’’என் குலதெய்வம் திருவிண் நகர் உப்பிலி அப்பன் திருப்புகழ்’’….
———————————————————————————————————

தனதந்தன தத்தன தத்ததன தனதந்தன தத்தன தத்ததன
தனதந்தன தத்தன தத்ததன -தனதான….
——————————————————————————————————————–
“மனமுய்ந்துப ரத்தினில் சித்தமென உறவைந்துயெ ழுத்தவன் வெற்பருணை
குடிவந்ததி ருட்சுழி சுத்தமன -ரமணேசர்
புகல்கின்றஅ வித்தையை பற்றிவளர் புலனைந்தைய டக்கிவுயர் நிச்சலன
சுகமங்கள நிட்டையில் நிற்கவருள் -புரிவாயே

சினம்பொங்கநு தற்கனல் ருத்திரனை மதனம்பும யக்கிட விட்டகணம்
ஒருசம்பவ புத்திரன் ,முத்தமிழின் -முதலாளி
குடம்வந்தஅ கத்தியன் சத்குருவின், குறமங்கையும் அத்தியும் பத்தினிகள்
எனசெந்தில்க டற்க்கரை நிர்பயனின் -முறைமாம

பனைமஞ்சனை இட்டழ மக்கள்மனை பறைசங்கொலி சத்தம தற்க்கிடையில்
பிணிமுந்திட தெற்க்கெமன் தொட்டிடுமுன் -வருவாயே
மணலுண்டக ணத்திலி டைச்சிதொழ விசுவந்தனை சொப்பிதழ் சிற்றறையில்
முனிபுங்கவர் மட்டிலும் எட்டியதை -அருள்வோயே

கனகம்பொழி பத்தினி பக்கமுற இணைதன்நிக ரற்றிட இத்தரையில்
திருவிண்நகர் உப்பிலி அப்பனென -திருநாமம்
திகழ்சங்குசு டர்ச்சுழல் சக்கிரமும் சரணம்புகு பக்தரின் பக்கமென
அபயம்தரு நிச்சய நட்புடைய -பெருமாளே

தசாவதாரத் திருப்புகழ்….
———————————————

ஏறு மயிலேறி விளையாடும் முகமொன்று’’ மெட்டில்
ஏழு மலையேறி எமையாளும் முகமொன்று….

——————————————————————————————————————-
“மீனமென வந்துமறை மீட்டமுகம் ஒன்று
மேருமலை தாங்கவரும் ஆமைமுகம் ஒன்று
ஏனமென பூமிதனை ஏந்துமுகம் ஒன்று
தூணதிர சீயமென தோன்றுமுகம் ஒன்று
தானமுற மாபலிமுன் ஓங்குமுகம் ஒன்று
மூணுவித ராமனென மூண்டமுகம் ஒன்று
கானமுர ளீதரமு ராரிமுகம் ஒன்று
ஞாலபரி பாலதச மானபெரு மாளே”….
——————————————————————————————————–

 
கிரேசி மோகன்

தாத்தன தத்த தனந்த தாத்தன தத்த தனந்த
தாத்தன தத்த தனந்த -தனதான….

——————————————————————————————————————–
“சாப்பிடும் சக்தி இழந்து, பேச்சில்பி தற்றல் மிகுந்து
மூப்பினில் புத்தி மழுங்க -எமனேள
காப்பிடு பத்னி கலங்க , தீக்கிட மக்கள் நெருங்க
ஆப்பதில்சிக்கு குரங்கின் -கதையாவாய்

கேட்பதை விட்டு ணவின்றி ,மாற்றுடை யற்று, குளிர்ந்த
காற்றினில் வெப்பில் திரிந்த -ரமணேசர்
மூச்சைய டக்கி மடிந்து கூற்றைவி ருப்பில் கலந்து
வேற்றுரு வுற்று விரைந்து -அருணேசர்

கூப்பிட அப்ப திசென்று சேர்த்த சுகத்தி னில்பங்கு
வாய்க்கயெ னக்கு வழங்க -அருள்வாயே
சூர்பகை யுச்சம் விளங்க வேற்படை வெற்பி லெறிந்த
தீக்கண்பி றப்பு குகன்தன் -முறைமாம

சூர்ப்பண கைக்கு வலிந்து மூக்கைய றுத்தவ் விலங்கை
ராக்கத னுக்குள் புகுந்த -அவதார
வீற்றுப டுத்து நிமிர்ந்து ஆற்றடி,வெற்பில் அமைந்த
நூற்றொடு யெட்டில் இலங்கு -பெருமாளே”

 
கிரேசி மோகன்

தனனதந்த தனனதான
தனனதந்த தனனதான -தந்ததான….

————————————————————————————————

“குறஅணங்கை மருவவேலர்
உதவவந்த உமைமகேசர் -கொஞ்சுவேழம்
சுடர்மிகுந்த சுதர்சனாரை
வயிறுகந்த பொழுதில்காதி -ரெண்டின்மேலும்

கரமழுந்தி படியமேனி
அமர்ந்தெழுந்து தொழுதுநேமி -கொண்டமாலை
விடியல்கங்குல் மதியம்மாலை
தொழுதுநின்று துயரிலாது -இங்குவாழ்க

சிறுவனென்று வெகுளிமாமன்
இடமிருந்து விரையுமானை -கொம்புசீவி
துடையகன்ற வலியசாணு
ரனைமலங்க தரையில்சாய -த்வந்தமாடி

பிறவிதந்த உறவுமீள
சிறைபுகுந்து தளைகள்வீழ -கஞ்சனாளும்
மனைபுகுந்து அசுரமாமன்
சபைநடுங்க முடிவுகாணும் -எம்பிரானே”

————————————————————————————————————

கிரேசி மோகன்

தானதனத்த தானதனத்த தானதனத்த தானதனத்த
தானதனத்த தானதனத்த -தனதான….

—————————————————————————————————————————-

“சீதையிருப்பை ராகவனுக்கு சேதியுரைத்த வானரஜித்தன்
போலயெனக்கு, நானினிருப்பை -ரமணேசர்
கூறுவிதத்தில் காணவிருப்பு, ஆழியையொத்த மேனியவஸ்த்தை
தாவிகுதித்(து)இ ராவணபுத்தி -தெளிவாக,

ஆதியிருப்ப சோகவனத்து ஆன்மசுகத்தில் ஆழநிலைக்க,
பாரமொழித்து பூமிதனக்கு -எளிதாக,
தேரைநடத்தி நூறையழித்து ஆளஐவர்க்கு (நாலொருவர்க்கு) வாழ்வையளிக்க
போரைநிகழ்த்தி பாரதசத்தம் -இடுவோனே.

தேதிகுறித்து தாமதமற்று வாகனபட்ஷி மீதுயிலக்மி
கூடயிருக்க கீதையுரைக்க -திருமாலே,
வாவியதற்குள் காளியனுச்சி மீதுகுதித்த பாதரசத்தை
ஓதகவிக்குள் நேரில்நடத்த -வருவாயே

சூதில்தொலைத்த மாதுஅழைக்க சேலையளித்து மானம்பிழைக்க
வேகமுடைத்து ஞானமுகக்க -அருள்வாயே
கேசவருக்கும் வாசவருக்கும் கூடிடும்பக்த கோடிகள்பெற்ற
மாமயிலைக்கு மாதவமுக்தி -பெருமாளே”….கிரேசி மோகன்…..
———————————————————————————————————————–

கிரேசி மோகன்

 
—————————————
தனதன தத்தன தனதன தத்தன
தனதன தத்தன….

———————————————————————————————–
“மதுவன சுக்ரிவ அனுமகு ரக்கினம்
விழுசர ணக்கழல்-உடையோனே
மனைவியின் கற்பினில் மகிழ்வுற புட்பக
மதில்மனை புக்கிடும் -ரகுராமா

யதுகுல விக்ரக ,யமுனைந திக்கரை
யவனவ னப்பென -இடையாயர்
மகளிர்அ ணைத்திட மழலைமு கத்தோடு
குழலைஇ சைத்திடும் -நவநீதா

பதவிரல் நெற்றியை கனகுமு றித்திட
படவிட மெத்தையில் -படர்வோனே
ரமணரு ரைத்திடு ரகசிய வித்தையின்
ரசிகனெ னக்கது -எளிதாக

விதமருள் உக்கிர சுதர்சன சக்கிரம் ,
வலம்புரி சத்தமும் -கதையோடு
சிலையுடை கத்தியும் கமலசு பிட்சமும்
கரமதில் உற்றிடு -பெருமாளே”….
————————————————————————————————————————

 படங்களுக்கு நன்றி:

http://spiritualmessenger.forumotion.com/t484-the-ramayana-part-6  

கிரேசி மோகன்

தனத்தந்த தான தனத்தந்த தான
தனத்தந்த தான -தனதான….

—————————————————————————————————————————-

“நரைத்தெங்கும் சோகை எழக்கம்பு தேவை
விறைத்தங்கம் பாயில் -விழுநேரம்
அரைக்கண்ணும் மூட அவச்சங்கு ஊத
நடுச்சந்தி ஓலை -தனிலேகி

அரிச்சந்த்ர கானில் அடைத்துன்னை போவார்
அதற்கென்று வாடாய் -பரிகாரம்
இதற்குண்டு, வானை அடைக்கின்ற சோணை
சிவக்கன்று ராமன் -ரமணேசர்

உரைக்கின்ற நானார் வழிச்சென்று மீள
இடைக்கன்று மேய -குழலூதும்,
மயிற்கொண்டை சூடி மழைக்கென்று கோவர்
தனக்குன்று தாரி -அருள்வாயே

அரிச்சிந்தை சேயின் அழைக்கின்ற போது
வரக்கம்பம் வாழும் -நரசீயா
மணப்பெண்மை ஜாம்ப வதிக்கென்று கோயில்
திருத்தங்கல் மேவும் -பெருமாளே”

——————————————————————————————————————————

படங்களுக்கு நன்றி:

http://wikimapia.org