எந்திர வாழ்க்கையிலே !

எந்திர வாழ்க்கையிலே மந்திரம் தேடுகிறார்
தந்திரங் கற்றுபின்னர் மந்திரி ஆகவென()

கம்மென் றிருந்திருந்தால் கணபதி தெரிவான்
சம்மென் றிருந்திருந்தால் சண்முகன் வருவான்
சிவனென் றிருந்திருந்தால் சிற்சபை கிடைக்கும்
அவமான மின்றியிங்கே அருட்சபை மதிக்கும் ()

அரியென் றிருந்திருந்தால் அறியாமை விலக்கும்
சரிபுத்தர் வழியெனினும் சத்புத்தி பிறக்கும்
ஒமென்றிருந்தாலும் உள்ளம் அமைதியிலே
ஆமென்றிருந்தாலும் ஏசுவும் அன்பினிலே()

அல்லா வென்றிருந்திருந்தால் எல்லாமும் உண்டு
கல்லா லானச்சிலைக்குமே கருணையும் உண்டு
சொல்லா முதுமைவரை பொல்லாகுணம் யெடுத்து
எல்லாம் பெற்றிடினும் அருளின்றி யேதுபயன்()

பதிவாசிரியரைப் பற்றி

சத்திய மணி

சத்தியமணி –
பிறப்பு – திருமயம், தமிழ் நாடு
படிப்பு – கணிதத்திலும் , கணிப்பொறிப் பயன்பாட்டிலும் முதுகலை
உழைப்பு – விஞ்ஞானி , இயக்குநர் ((தகவல் தொழில்நுட்பம்)
இருப்பு – தில்லி தலைநகரம்
துடிப்பு – தமிழ் வளர்த்தல், கவி புனைதல், கதைக் கட்டுரை வடித்தல்,மொழி பெயர்த்தல்,இறைப் பணி,இசைப் பணி, சமுதாயப் பணி,ஜோதிடம்,
சிறப்பு – அவ்வைத் தமிழ் சங்கம் / உதய கீத அமைப்புகளில் முக்கிய பங்கு
பங்களிப்பு – கவியரங்குகள், தமிழ் சபைகள் , பொதுநலத் தொண்டு சங்கங்கள், பக்தி பணி
களிப்பு – இணையத்தை வடிப்பித்தல்,பதிப்பித்தல், புதுப்பித்தல்,நட்பு உலகத்தை களிப்பித்தல் ,http://sathiyamani.blogspot.in/, http://www.youtube.com/watch?v=XmxkF8nHpDY

See author's posts