வருமா

செண்பக ஜெகதீசன்

வான வீதியில்
வண்ணக் கோலமிட
விண்மீன் புள்ளியிட்ட
வெண்ணிலாப் பெண் மகளின்
மேனி எழில் கண்டு,
மோகம் தலைக்கேறிச் சுற்றி வந்தன
மேகக் கூட்டங்கள்..

போதும் கோலமெனப்
பாதியில் போட்டு விட்டுப்
போய் விட்டாள்
பாவையவள்..

கண் விழித்துப் புள்ளிகள்
காத்திருக்கின்றன..

வருமா அவை
கோலமாகும் காலம்…!

படத்திற்கு நன்றி:http://writingcreativenonfiction.wordpress.com/2011/06/09/poem-star-gazing

பதிவாசிரியரைப் பற்றி

செண்பக ஜெகதீசன்

இதுவரை: இரைதேடுவதுடன் இறையும் தேடிய அரசுப்பணி
(நிர்வாக அதிகாரி-நெல்லையப்பர் திருக்கோவில்).
இப்போது: மேலாளர், காசித்திருமடம், ஆச்சிரமம்(சுசீந்திரம்).
ஓய்வுநேரப் பணிகள்: ரசனை(இயற்கை, இலக்கியம்),
எழுத்துப் பணிகள் (பெரும்பாலும் கவிதைகள்)…
கவிதை நூல்கள்-6..
வலைதளங்கள்: வார்ப்பு, திண்ணை,
நந்தலாலா, வல்லமை, முத்துக்கமலம்…

See author's posts