Advertisements
இலக்கியம்கவிதைகள்

அங்குசம் காணா யானை

 

பிச்சினிக்காடு இளங்கோ

 

நிலைத்தது

எது என்று தெரியாதவர்கள்

நினைத்தபடி

ஆடி முடித்துவிடுகிறார்கள்

 

தெரியாதவர்கள்

தெரிந்துகொள்ள விழைந்தால்

திருந்திவிடுவார்கள்

 

விழையாதவர்கள்

இறுதிவரை

விளங்காதவர்களாகிவிடுகிறார்கள்

 

விளங்காதவர்கள்

விலங்காகும் வாய்ப்புமுண்டு

 

மனிதர்களோ

அடிப்படையில் சமூக விலங்குகள்

 

அவர்கள்

வெண்மையின் உச்சத்தை

வெளிச்சப்படுத்துகிறார்கள்

 

பாகன் பழக்காத

யானையாகிவிடுகிறார்கள்

 

அவர்களால்தான்

தீவினைகளும்

தீராக்கொடுமைகளும்…

 

ஈடற்ற இழப்புகளை

எண்ணும்போதெல்லாம்

விலங்குகளைத்தான்

எண்ணவேண்டியிருக்கிறது

 

எண்ணம் விரிவடையாதவர்களை

எண்ணும்போதெல்லாம்

மனதுக்குள்

என்னமோபோல் இருக்கிறது

 

என்ன செய்ய..?

எல்லாம் எண்ணம்தான்

 

படத்துக்கு நன்றி: http://jemikam.deviantart.com/art/Man-is-an-animal-301917360

Print Friendly, PDF & Email
Download PDF
Advertisements
Share

உங்கள் கருத்துகளைத் தெரிவிக்க