பயனுள்ள மருத்துவக்குறிப்புகள்..(தொகுப்பு -1)

புவனா கோவிந்த்

 

 

 

 

எலும்பே நலமா!!!…


விபத்தில் காயம் பட்டவரை, அவசரத்தில் கண்டபடி தூக்கிச் செல்லக் கூடாது. படுக்க வைத்து மட்டுமே தூக்கிச் செல்ல வேண்டும். ஒருவேளை தண்டுவடம் பாதிக்கப்படாமல் இருந்தால், நீங்கள் உடலை மடக்கித் தூக்குவதன் மூலம் அது பாதிப்படையலாம். இந்த பாதிப்பால், உடல் பாகங்கள் செயலிழந்து, நிலைமையை மேலும் சிக்கலாக்கிவிடும்.

எலும்பு முறிவு ஏற்பட்டால், எக்ஸ்-ரே எடுத்துப் பார்க்காமல் குத்துமதிப்பாகக் கட்டுப்போட்டுக் கொள்ளாதீர்கள்.ஏனென்றால், எலும்புகள் கோணல்மாணலாக சேர்ந்துகொள்ளவும், தசைகள் தாறுமாறாக ஒட்டிக்கொள்ளவும் வாய்ப்பு இருக்கிறது. இதனால்… கால்கள் கோணலாகவும், குட்டையாகவும் மாறக்கூடிய ஆபத்து இருக்கிறது.

பிஸியோதெரபி என்பது இயற்கை வலி நிவாரணியாகும். இது, மாதக் கணக்கில் வலி நிவாரணி மாத்திரைகள் சாப்பிடுவதன் மூலம் குணமாகும் பிரச்னையை, வாரக் கணக்கிலேயே குணமாக்கிவிடும்.

எலும்பு உறுதிக்கு கால்சியத்தைவிட, புரொட்டீன்கள் மிக முக்கியம். புரொட்டீன்கள் புடவையெனில், கால்சியம் அதில் உள்ள டிசைன்களாகும்.  பருப்புவகை, சோயா, காளான், முட்டை, இறைச்சி போன்றவற்றில் புரொட்டீன்கள் அதிகமாகஉள்ளன.

எடை குறைவான இருசக்கர வாகனங்களைப் பயன்படுத்துவோர், மிதமான வேகத்தில் செல்லவேண்டும். வேகமாக செல்லும்போது ஏற்படும் அதிர்வுகள் நேரடியாக முதுகு,கழுத்து மற்றும் இடுப்புப் பகுதியைப் பாதிக்கும்.

எலும்புகள், 25 வயது வரைதான் பலம் பெறும். அதன்பிறகு மெள்ள வலுவிழக்க ஆரம்பிக்கும். எனவே, குழந்தைப் பருவத்திலிருந்து… 25 வயது வரை சாப்பிடும் சத்தான உணவுகள்தான் எலும்பை உறுதிப்படுத்தும். அதன் பிறகு எடுத்துக்கொள்ளும் உணவுகளெல்லாம், எலும்புகளின் வலு குறையும் வேகத்தை குறைக்க மட்டுமே உதவும்.

வயதான காலத்தில் தடுமாறி விழுந்தால் முதுகு எலும்பு, இடுப்பு எலும்பு உடைந்து போக வாய்ப்பு அதிகம். வயதானவர்கள் நடமாடும் பகுதிகளில்,.. முக்கியமாக குளியலறைகளில்,  தரை வழவழப்பாக இருக்கக் கூடாது. நல்ல வெளிச்சத்தோடு இருக்க வேண்டும். கார்ப்பெட்டில் கூட தடுக்கி விழலாம். எனவே, அவர்கள் எதையாவது பிடித்தபடி நடப்பதற்கு வழி செய்ய வேண்டும். குளியலறைகளிலும் பிடிமானத்திற்காக அங்காங்கே கைப்பிடிகளை பதித்து வைத்தல் நலம்.

கால் தடுமாறி பிசகிவிட்டால்… உடனே ‘கையால் நீவிவிடு’ என்பார்கள்.அது தவறு. ஒருவேளை, எலும்பில் நூலிழை தெறிப்பு இருந்தால், நீவிவிடுவதன்மூலம் அந்தத்தெறிப்பு அதிகரிக்கலாம்.

குதிகால் வலி, கீழ் முதுகுவலி, கழுத்துவலி போன்றவை வந்தால் உடனே டாக்டரைப் பார்க்க ஓடாதீர்கள்… நாற்காலியும் செருப்பும்கூட காரணமாக இருக்கலாம். அணிந்திருப்பது தரமான செருப்புதானா??… நாற்காலியில் முதுகு நன்றாகப் படியும்படி அமர்கிறோமா!!… என்பதையெல்லாம் கவனியுங்கள். அரை மணிநேரத்துக்கு ஒரு முறை, ஐந்து நிமிடம் சாய்ந்து அமர்ந்து ‘ரிலாக்ஸ் ‘செய்துகொள்வதையும் வழக்கமாக்குங்கள். இவ்வளவுக்குப் பிறகும் தொல்லையிருந்தால், டாக்டரைப் பார்ப்பது நலம்.

இளவயதில் தினமும் ஒரு கப் பால் குடிப்பது, எலும்புகளை வலுவாக்கி கால்சியம் சத்தை அதிகரிக்கும். வயதான காலத்திலும் பயனளிக்கும்.

 

பதிவாசிரியரைப் பற்றி

3 thoughts on “பயனுள்ள மருத்துவக்குறிப்புகள்..(தொகுப்பு -1)

  1. எலும்பு உறுதியாக இருக்க நல்ல ஆலோசனைகள் வழங்கப் பட்டுள்ளன.
    45 வயதுக்கு மேல் பாலில் சரிபாதி தண்ணீர் கலந்து குடிப்பது நல்லது.
    இளைஞர்களுக்கு தண்ணீர் கலக்காத பால் கால்ஷியம் சேர்க்கும்.
    அதுவே 45 – 50 வயதுக்கு மேல் உள்ளவர்களுக்கு கால்ஷியத்தை
    உறிஞ்சிவிடும் என்பது ஒரு மருத்துவ ஆய்வறிக்கை என்பதை ஒரு
    பல் மருத்துவரே சொன்னார். பழங்கள், காய்கறிகள் வாயிலாக
    கால்ஷியம் உடலில் சேருவது மிகவும் நல்லது.
    இரா.தீத்தாரப்பன், ராஜபாளையம்.

  2. ஈமெயில்’ல் வந்தது தான் என்றாலும் எல்லாருக்கும் உபயோகமாய் இருக்கும் என தோன்றுகிறது… நன்றி பிரசுரித்தமைக்கு

Leave a Reply

Your email address will not be published.