மீன் சமையல்காரன்

 

பிச்சினிக்காடு இளங்கோ

 

வலையை விரிக்கிறேன்

விழித்து

விழிமூடும்வரை

 

வலையில் விழவேண்டும்

என்பதற்காக அல்ல

 

விழுபவை

வீணாகிவிடக்கூடாதே

என்பதற்காக

 

இருந்தநிலையில்

வந்துசேர்வதில்லை

அனைத்தும்

 

அவசர அவசியத்திற்காக

சந்தைக்கும்

சென்று திரும்புவதுண்டு

 

வலைவிரிக்கத்தெரியாதவர்களுக்கு

அரிய தருணங்கள்

அறியாத்தருணங்களே

 

கணமும் வலைகளோடு

கவனமாய்த்திரிகிறேன்

கர்வமடைகிறேன்

 

இருந்தும் தேடியும்

பெறவேண்டியதைப்

பெறவேண்டும் என்பதே

பெருநோக்கம்

 

படத்துக்கு நன்றி: http://pdnphotooftheday.com/2009/01/288

 

About பிச்சினிக்காடு இளங்கோ

பத்து கவிதைத்தொகுப்புகள் வந்திருக்கின்றன. திருச்சி அனைத்திந்திய வானொலியிலும், சிங்கப்பூர் ஒலிபரப்புக்கழகத்திலும் பணியாற்றியவர். சிங்கைச்சுடரின் முன்னாள் ஆசிரியர்..MDIS-என்கிற கல்விநிறுவனத்தில் பணியாற்றுகிறார். வேளாண்மைப்பட்டதாரி.

உங்கள் கருத்துகளைத் தெரிவிக்க