பிள்ளையார்!
-செண்பக ஜெகதீசன்
முக்கண்ணனின் மூத்த பிள்ளை 
முக்கனியும் விரும்பும் பிள்ளை,
திக்கெங்கும் நிறைந்த பிள்ளை
தீதெல்லாம் அகற்றும் பிள்ளை,
எக்கணமும் அருளும் பிள்ளை
எளியவர்க்கும் ஏற்ற பிள்ளை,
அக்கறையாய் அவனைப் பணிவாய்
ஆனைமுகன் அருள்வான் இனிதே…!
பாலும், தெளிதேனும், பாகும், பருப்புமிவை
நாலும் கலந்துனக்கு நான்தருவேன் – கோலஞ்செய்
துங்கக் கரிமுகத்துத் தூமணியே ! நீயெனக்குச்
சங்கத் தமிழ்மூன்றும் தா.
சி.ஜெயபாரதன்
ஆன்மீகத்தின் ஆத்திச்சூடியே இதுதானே..
திரு.ஜெயபாரதன் அவர்களுக்கு மிக்க நன்றி…!