ருத்ராவின் குறும்பாக்கள்!

-ருத்ரா

காதல்

இதைக்
கீறாத நிப்புமுனைகள்
எழுத்துலக அனாதைகள்.
மயில் இறகு

சவப்பெட்டியின் மேல் கூட‌                           
இது இருக்கலாம்.
காதலின் சாவுக்கு அடையாளமாய்.

சன்னல்

போதும் நிலவை எட்டிப்பார்த்தது.
வாங்கு உடனே ஒரு
விண்டோ 8 வெர்ஷனை.

தூது

கணினியுக தமயந்திக்கு
விரல்வழியே டெக்ஸிட‌
இருபத்தாறு அன்னங்கள்.

ஈசிஆர் சாலை

ஜல்லியும் தாரும் போட்டாலும்
வளையல்களும் மதுக்கிண்ணங்களுமே
நொறுங்கிக்கிடக்கும் சாலை இது.

டைட்டல் பார்க்

கூவத்தின் கரையெல்லாம்
கரன்சிகளில் கட்டிய‌
“ப்ளாஸா”க்கள்.