பனிப்புயல்
பவள சங்கரி
அடாது வீசிக்கொண்டிருக்கிறது பனிப்புயல்
குளிராடையின்றி அலையோரம் அலையுமனது
நடுங்கியபடி கடக்கிறது காலங்களை
தெருமுனை வழிகாட்டியின் அருகில்
நோட்டமிட்டவாறு கூரிய அம்புகள்
பனிப்புயலையும் குத்திக் கிழிக்கும்
வல்லமை கொண்டததன் முனைகள்
கதிரொளியால் உருகி வழியப்போகும்
அப்பனிப்புயல் ஏதோவொரு நேரம்
நீராய்ப் பெருகி ஓடக்கூடியது
வீசியபடி வெருண்டெழுகிறது பனிமழை
பதறியபடி பறந்தெழுகிறது வல்லூறுகள்
கதறியபடி துடித்தெழுகிறது நீர்த்திவலைகள்
தடுத்து நிறுத்தும் குடையில்லை என்மனத்திடம்
நனைந்தபடி தொடரும் நடையின் வேகத்தில்
குளிர் விட்டுப் போயிருந்தது.
குடையிப்போது கரம்மாறி பனிப்புயலின்
சிரசில் காளிங்க நர்த்தனமிட்டபடி
அமைதியாக்கியிருந்தது அனைத்தையும்!
அன்பில் நனைந்த மலர்கள் அகம் குளிரும்!
