இப்போதெல்லாம்
ஒலி எழுப்பாமலே சற்று
ஒதுங்கித்தான் போய்க்
கொண்டிருக்கிறேன்,
போன வாரம் ஏதோ ஒரு வண்டியில்
அடிபட்டுச் செத்துப்போன
தெருநாய் எப்போதும் தூங்கும்
நடுப்பாதையை…
நாக்கை வெளியே விட்டபடி
தூங்கும் நாயின்
மரணத்துக்குள்
வண்டிகளின் முகப்பாய் என்
ஒதுங்குதலும் தெரியலாம்…
நான் பாதங்களைக் கூடச்
சத்தமின்றியே
வைத்து எடுக்கிறேன்…
முகப்பு வெளிச்சமற்ற
தேகத்தில் இளைப்பாறட்டும்
மரணத்தின் முந்தைய நினைவுகள்…!
நான் கவிஜி.. (B.COM, MBA, DIP IN ADVERTISING.)
கோவையில் வசிக்கிறேன்…
கவிதை தேடுகிறேன்…. கதைகளாய் கிடைக்கிறேன்…..
காடும் தனிமையும் பிடித்த வாழ்வியல் எனது….
குறும்படங்கள், புகைப் படங்கள் எடுப்பது… பிடிக்கும்…….
வாழ்வை அதன் போக்கில் வாழ்பவன்….
தாஸ்தாவெஸ்கி யின் தீவிர வாசகன்…
“சே” வின் மிகப் பெரிய பற்றாளன்…
சக மனிதனை மதிப்பவன்….
மனிதம் வளர்த்தால் எதுவும் வளரும் அதில் இலக்கியமும் என்பவன்…
தொடர்ந்து என் படைப்புகளுக்கு அங்கீகாரம் தரும் வல்லமையில் இணைவதில் பெரு மகிழ்வு கொள்கிறேன்….
