வார ராசி பலன்!…15-07-13 – 21-07-13
காயத்ரி பாலசுப்ரமணியன்
வார ராசி பலன்கள்::
மேஷம்: பெற்றோர்கள் பிள்ளைகளின் ஆரோக்கியத்திலும் கல்வி விஷயத்திலும், அக்கறை செலுத்தி வந்தால், குழந்தைகளோடு இல்லத்தில் இருக்கும் அனைவரும் மகிழ்ச்சி யாக இருப்பார்கள். பொது வாழ்வில் இருப்பவர்களுக்கு செலவினங்கள் கூடினாலும் பணப் பிரச்னைகளை தீர்த்து வைக்க நட்பு கை கொடுக்கும். பங்கு வர்த்தகத்தில் ஈடு ப ட் டி ருப்பவர்கள் சற்று எச்சரிக்கையுடன் செயல்படவும்.மாணவர்கள் வீண் சந்தேகங்களை ஒதுக்கி துணிச்சலுடன் பணியாற்றினால். எதிலும் வெற்றிதான்! இந்த வாரம் கலைஞர்களுக்கு ஆரோக்கியத்தில் சிறு சங்கடங்கள் தோன்றினாலும் இயல்பான வேலைகள் சீராக ஓடிக்கொண்டிருக்கும்.
ரிஷபம்: இந்த வாரம் பணியில் இருப்பவர்களின் செல்வாக்கும் சொல்வாக்கும் சிறப்பாக இருக்கும். பெண்கள் செய்யும் முயற்சிகள் வெற்றி பெற உறவுகள் உறுதுணையாய் இருப்பார்கள். பொது வாழ்வில் இருப்பவர்கள் வேண்டாத தொல்லைகளினால் மனவேதனை அடையலாம். வியாபாரிகள் வெளி நாட்டில் இருந்து எதிர்பார் த்த வர்த்தக உதவி தக்க சமயத்தில் வந்து சேரும்.மாணவர்கள் கோபத்தை கைவிட்டு செயல்பட்டால், எடுத்த காரியம் நினைத்ததது போல் முடியும், சிறு தொழில் புரிபவர்கள் வாகன சம்பந்தமாக தேவையற்ற செலவுகளை சமாளிக்க வேண்டி வரும்.
மிது னம் : அலங்காரப் பொருட்கள், மற்றும் ஆயத்த ஆடைகளை விற்கும் வியாபாரிகளுக்கு நல்ல லாபம் கிட்டும். பெண்களுக்கு உற்றார் உறவினர்கள் மூலம் எதிர்பார்த்த ஆதாயம் அவ்வ ளவாய் இராது . மாணவர்கள் மற்றவர்களுக்காக உதவுவதாக எண்ணி வீண் பிரச்சனைகளில் மாட்டிக் கொள்ள வேண்டாம். இந்த வாரம் குடும்ப மருத்துவ செலவுகள் சற்று அதிகமாக இருக்கும்.. . செய்யும் செயல்களுக்கு உரிய பாராட்டு கிடைப்பதால் பொது வாழ்வில் இருப்பவர்கள் மீண்டும் சுறுசுறுப்புடன் செயலாற்றி நல்ல பெயர் பெறுவார்கள். உத்யோகத்தில் இருப்பவர்களுக்கு வேலைச்சுமை ஓரளவு குறையும்
கடகம்: பெண்களின் மனக் குறை தீர, குல தெய்வ வழிபாடு கை கொடுக்கும். வியாபாரிகள் அறிமுகம் இல்லாதவர்களை நம்பிபொருட்களை கடன் கடன் கொடுத்து ஏமாற்றம் அடைவதைத் தவிர்க்கவும். பிள்ளைகளால் எதிர்பாராத சில தொல்லைகள் வந்து சேர வாய்ப்ப உள்ளதால் பெற்றோர்கள் பிள்ளைகளிடம் தேவைக்கதிகமாக பணம் கொடுக்க வேண்டாம். பணியில் இருப்பவர்கள் உடன் வேலை செய்பவர்களிடம் விட்டுக் கொடுத்துப் போவதால் மனக் கசப்புகளைத் தவிர்க்கலாம். இந்த வாரம் கலைஞர்களுக்கு திடீர் பண நெருக்கடி உண்டாகலாம்.
சிம்மம்: இந்த வாரம் கலைஞர்கள் தங்கள் பெயரை நிலைநிறுத்திக் கொள்ள கடுமையாக உழைக்க வேண்டி இருக்கும். உடன் இருப்பவர்களால் வீண் பிரச்சனைகளும், மன நிம்மதிக் குறைவும் ஏற்படாமலிருக்க பொது வாழ்வில் இருப்பவர்கள் எந்த சூழலிலும் கவனமாக இருப்பது அவசியம். சரளமான பணவரவால் பெண்களின் கடன் பிரச்னைகள் தீரும். .மாணவர்கள் முன் கோபத்தைக் குறைத்து பெற்றோரின் சொல் கேட்டு நடப்பது நல்லது. பொறுப்பில் இருப்பவர்கள் மற்றவர்களை குறை சொல்வதைத் தவிர்த்து நல்ல முறையில் வழி காட்டினால், வேலைகள் விரைந்து முடியும்.
கன்னி: குடும்பத்தில் இருந்த பனிப்போர் விலகுவதால் மீண்டும் மகிழ்ச்சியும், கலப்பும் மலரும். பெண்களுக்கு உறவுகளால் சில அனுகூலங்கள் வந்து சேரும். வேலையில் இருப்பவர்கள் எதிர்பாராமல் ஏற்படும் செலவுக்காக அதிக பணம் ஒதுக்க வேண்டி வரும். பொது வாழ்வில் இருப்பவர்கள் சமூகத்தில் இருக்கும் நற்பெயரை காத்துக்கொள்ள வேண்டாத செயல்களில் ஈடுபடுவதை தவிர்க்கவும் இந்த வாரம் மாணவர்களுக்கு நண்பர்களால் செலவுகள், சங்கடங்கள் வந்து நீங்கும். கலைஞர்கள் வெளி இடங்களுக்கு செல்லும் போது ஆரோக்கியத்தில் கவனமாக இருக்கவும்.
துலாம்: பெண்கள் பணம் மற்றும் , நகையை கவனமாக கையாளுவது நல்லது. பொது வாழ்வில் இருப்பவர்கள் அவசரப்பட்டு வாக்குறுதிகளை கொடுக்காமலிருந்தால், கருத்து வேறுபாடுகளைத் தவிர்த்து விடலாம். வியாபாரத்திலிருக்கும் போட்டிகளை சமாளிக்க வியாபாரிகள் திட்டமிட்டு செயல்பட,வருகின்ற லாபம் கணிசமாக அதிகரிக்கும் . வேலையில் இருப்பவர்களுக்கு குடும்பத்தினரின் ஆதரவு கிட்டுவதால், புதிய பொறுப்புக்களை விருப்பமுடன் ஏற்றுக் கொள்வார்கள். மாணவர்களுக்கு கல்வி உதவித் தொகைகள் மற்றும் பரிசு பாராட்டுக்களும் கிடைக்கும்.
விருச்சிகம் : கலைஞர்களுக்கு வெளியூர் பயணங்களால் ஆதாயமுண்டு. திருமணப் பேச்சுவார்த்தைகள் சுமூகமாக முடிவதால், குடும்பத்தில் மகிழ்ச்சி நிலவும். பாடங்கள் சுமையாய் சேராமல் இருக்க மாணவர்கள் அதிகாலையில் எழுந்து படிப்பது நல்லது. கலைஞர்கள் கொஞ்சம் சிக்கனமாகவும்,பொறுமையாகவும் செயல்பட வேண்டிய வாரமிது. கணினி துறையினர்களுக்கு புது வாய்ப்புகள் தேடி வரும் . வியாபாரிகளுக்கு கொடுக்கல், வாங்கலில் சுமூகமான நிலை காணப்படும். எனினும் புதிய முயற்சிகளுக்கு கடன் வாங்குகையில் யோசித்து செயல்படுவது நல்லது.
தனுசு: கலைஞர்கள் புதிய முயற்சிகளில் ஆர்வம் காட்டுவார்கள். கர்ப்பிணிப் பெண்கள் உடல் ஆரோக்யத்தில் கூடுதல் கவனம் செலுத்துவது நல்லது. முதியவர்களுக்கு ஆன்மீகப் பயணங்களை மேற்கொள்ளும் வாய்ப்புக்கள் கிடைக்கும். பணியில் இருப்பவர்களுக்கு சக ஊழியர்களுடன் இருந்து வந்த கசப்புணர்வுகள் விலகும் உயர் கல்வி பயில பாடுபடும் மாணவர்களின் எண்ணங்கள் பூர்த்தியாகும். இந்த வாரம் வியாபாரிகளுக்கு பண வரவோடு வாடிக்கையாளர்களின் வரவும் கூடும். பெண்களின் வேலை பளு அதிகரிக்கலாம்.
மகரம்: பெற்றோர்கள் பிள்ளைகளின் கையில் அதிக பணம் தருவதைத் தவிர்த்தல் நலம் பெண்களுக்கு விழா, விருந்து என்று பொழுது மகிழ்ச்சிகரமாக செல்லும். இந்த வாரம் கலைஞர்களுக்கு தங்கள் திறமைகளை திறமைகளை வெளிப்படுத்த நல்ல சந்தர்ப்பங்கள் அமையும். வியாபாரிகள் கடன் வாங்கி செலவு செய்வதைக் குறைத்துக் கொள்வது அவசியம். பொது வாழ்வில் இருப்பவர்கள் எடுக்கும் புதிய முயற்சிகள் வெற்றிகரமாய் மாற, உடன் இருப்பவர்கள் உறுதுணையாய் இருப்பார்கள். மாணவர்கள் நேர்வழியில் போட்டிகளை எதிர்கொண்டால், எதிலும் வெற்றி பெறலாம்.
கும்பம்: பொது வாழ்வில் இருப்பவர்கள் கோபம், படபடப்பு இரண்டையும் குறைத்துக் கொண்டால் நன்மை தீமைகளை ஆராய்ந்து முடிவெடுக்க இயலும். வேலையில் இருப்பவர்கள் தங்கள் பொறுப்புக்களை சிறப்பாய் செய்து வர, பணி சம்பந்தப்பட்ட பிரச்னைகளுக்கு முற்றுப்புள்ளி வைப்பது எளிதாகும். மாணவர்கள் பிரச்னைக்குரிய விஷயங்கள், பிரச்னைக்குரிய நபர்கள் ஆகிய இரண்டிலிருந்தும் விலகி இருந்தால், அமைதியாய் செயல்பட்டு அதிக மதிப்பெண்களை பெறலாம். இந்த வாரம் கலைத் துறையினருக்கு அரசு அளிக்கும் விசேஷ சலுகைகளைப் பெற்று மகிழும் வாய்ப்புக்கள் வந்து சேரும்.
மீனம்: பெற்றோர்கள் பிள்ளைகளின் பழக்க வழக்கங்களை கவனித்து நல்வழிப்படுத்தினால், நல்ல பாதையை நாடுவதுடன் கல்வியிலும் கவனம் செலுத்துவார்கள். ,வீடுகளை வாங்கி விற்கும் துறையில் இருப்பவர்கள் பணம் கொடுக்கல் வாங்கல் ஆகியவற்றில் விழிப்புண்ர்வோடு இருந்தால், எந்த பாதிப்பும் வராது. பெண்கள் இரவலாகப் பெறும் விலையுயர்ந்த பொருட்களைப் பத்திரமாக வைத்தால், பணம் வீணாவது கணிசமாகக் குறையும் . கலைஞர்கள் பொது விழாக்கள், விருந்து ஆகியவற்றில் பக்குவமாக நடந்து கொண்டால், நட்பும், உறவும் கசக்காமல் இருக்கும்.
