சிறுகை அளாவிய கூழ் – 8

இவள் பாரதி

AAA_2661

வாழைப்பூவிரல்களை விரித்து

பருப்புக்கடைய

உள்ளங்கை காட்டும் குழந்தை

நண்டூறுது

நரியூறுது சொல்லி

கிச்சுக் கிச்சு மூட்டுமுன்னே

சிரித்துவிடுகிறது

 

====

 

இருமல் சத்தத்தை

இதயத்துக்குள்

வலிந்தனுப்புகிறேன்

உன் உறக்கம்

கலைந்துவிடக் கூடாதென

====

 

விவசாய நிலத்தில்

விதைக்கப்பட்டு

துளிர்த்திருக்கும்

ஒருவார பயிர்களென

ஒருசேர வளர்ந்திருக்கிறது

உன் மொட்டைத் தலை

 

=====

 

ஒவ்வொருமுறையும்

விளையாடுகிறேன்

உன்னிடம் தோற்பதற்காகவே

 

About இவள் பாரதி

’புதிய தலைமுறை’ இதழில் நிருபர். தகவல் அறியும் உரிமைச் சட்ட ஆர்வலர். புத்தக வடிவமைப்பாளர். இதுவரை ஏழு கவிதைத் தொகுதிகள் வெளிவந்துள்ளன. சமீபத்திய கவிதைத் தொகுப்பு ப்ரியங்களின் அந்தாதி முகவரி வெளியீடாக வந்துள்ளது. புதிய தலைமுறையில் இவர் எழுதிய தொடர் ‘கன்ஸ்யூமர்கள் கவனிக்கவும்’ என்ற பெயரில் தொகுப்பாக வெளிவந்துள்ளது. இவரது சிறுகதைத் தொகுதி விரைவில் வெளிவர உள்ளது

3 comments

  1. மிக அருமை. காட்சி கண்முன் விரிய வார்த்தைகளல் பந்தலிட்டிருக்கும் மங்கைக்கு வாழ்த்துக்கள்.

  2. சச்சிதானந்தம்

    வாழைப்பூ விரல்கள் – அழகான உவமை. வாழ்த்துக்கள்.

  3. தாயின் அனுபவம் சேயின் மகத்துவம்
    ஆயின் கவிதரும்  அமுதால் மருத்துவம்
    இருகை தட்டியே  மகிழும் பாரதியுன்  
    சிறுகை  அளாவிய கூழ்

உங்கள் கருத்துகளைத் தெரிவிக்க