உன்னைப்புறக்கணித்தவன்

மூலம் : இரவீந்தரநாத் தாகூர்

தமிழாக்கம் : சி. ஜெயபாரதன், கனடா

tagore

 

கண்ணீ ரோடு இருந்த
யாரைத் திருப்பி அனுப்பினாய் நீ?
என்ன தந்திரம் செய்து மீண்டும்
இழுத்துவரப் போகிறாய்
இப்போது உன் வழிக்கு?
இந்த இனிய தேன் இரவில்
பூத்துப்பொங்கும் பூங்காவில்
போகுல்* மரத்தடி நறுமண அசைவில்
புகுந்தவன் அவனா உன் மனதில்?

அந்தோ ! ஓர் வசந்த இரவினிலே
நம் இதயங்கள் கலந்து
பற்றிக் கொண்டன.
பத்துத் திக்கிலும் காட்சிக் களஞ்சியம்
பூத்துக் குலுங்கும்
என்ன தந்திரம் செய்து நீ
மீண்டும் அவனை
இழுத்து வரப் போகிறாய்
இப்போது உன் வழிக்கு?

காதல் மொழிகள் சிலவற்றை
ஒருவருக் கொருவர்
காதில் ஓதிக் குசுகுசுத்தால் —
அவன் கழுத்தில் சூட
அந்த மலர் மாலையை நீ
அணிவிக்கத் துணிந்தால்,
வசந்தகால முழுமதி இரவு
வந்திடும்
மீண்டும் மீண்டும்!
ஒருபோதும்
திரும்பி மீளாதவன்
உன்னை விட்டு விலகியவனே!

காலம் சாதகமாய் உள்ளது
தவறிய தருணம் சில நிமிடம்!
தாகம் எப்போதும் கொண்ட
ஆத்மா
சூடுபோட்டு விடும்!
என்ன தந்திரம் செய்து நீ
மீண்டும் அவனை
இழுத்து வரப் போகிறாய்
இப்போது உன் வழிக்கு?

+++++++++++++++

போகுல்*   Bokul / বকুল

Bokul in Bengal, (Mimusops elengi). Praised in traditional Indian medical system (Ayurveda) as analgesic, anti-thirst, refrigerant, anti-inflammatory. Big, dense tree. Small star shaped white flowers with light, very pleasant fragrance. Gather the flowers when they fall off the tree and they will remain fragrant for 3/4 days, before totally drying out. Children sometimes like to chew the fruit for its tangy taste. The fruits support a very noisy cuckoo population, who keep the area alive with their shrill calls dawn to dusk & in brightly moonlit nights of summer.
Calcutta, India, 20.6.2007

++++++++++++++++++++

பாட்டு : 383 தாகூர் தன் 25 வயதில் எழுதியது (1887)
+++++++++++++++++++

 

Source:

  1. Of Love, Nature and Devotion Selected Songs of Rabindranath Tagore Oxford University Press, Translated from Bengali & Introduced By: Kalpana Bardhan
  2. A Tagore Testament,
    Translated From Bengali By Indu Dutt
    Jaico Publishing House (1989)
    121 Mahatma Gandhi Road,
    Mumbai : 400023

 

பதிவாசிரியரைப் பற்றி

2 thoughts on “தாகூரின் கீதப் பாமாலை – 4 

  1. கவிஞரின் உள்ளுணர்வுகளை அழகாக படம் பிடித்திருக்கிறீர்கள் .. பாராட்டுக்கள் 

Leave a Reply

Your email address will not be published. Required fields are marked *


The reCAPTCHA verification period has expired. Please reload the page.