Advertisements
இலக்கியம்கவிதைகள்மரபுக் கவிதைகள்

ஆனை முகன்

 மீ.விசுவநாதன் 

ga0078
மஞ்சள் பிடித்து வைத்து
மனத்தோடு புல்லைப் போட்டு
கொஞ்சம் அமைதி யோடு
குணவானே பிள்ளை யாரே
தஞ்சம் அடைந்தே னுன்னை
தவறிலாத பொழுதைத் தந்து
நெஞ்சி லிருப்பாய் என்றால்
நினைவெல்லாம் நிறைந்தி ருப்பான் !

வேலை துவங்கி னாலும்
வேதாந்தம் கற்கும் போதும்
மேலை நாட்டிற் காக
விமானத்தில் செல்லும் போதும்
சேலை துவைக்கும் போதும்
சிறுபொழுதைச் செலவு செய்து
பாலை நிகர்த்த “பிள்ளை
யார்”பாதம் பணிந்தி ருப்போம் !

ஞானம் பரந்த நெற்றி!
நம்பிக்கை ஊரும் கண்கள் !
வானம் பரந்தி ருக்கும்
வரையிலாத பக்தி தந்தம்!
பானை வயிற்றுக் குள்ளே
பசிநீக்கும் வள்ள ளாக
ஆனை முகனை எண்ணி
ஆனந்தம் பெற்று வாழ்வோம் !

( 05.09.2016 04.07 am

Print Friendly, PDF & Email
Download PDF
Advertisements
Share

Comments (1)

  1. Avatar

    நன்று சொன்னீர் …எளிமையான தோழமையான தெய்வம் எங்கள் பிள்ளையார் …..

உங்கள் கருத்துகளைத் தெரிவிக்க