சுமைகளும், சுகங்களும்
மனிதா, வாழ்க்கையை சுமையானதாய் எண்ணிவிடாதே
சுகங்களும் தேடி வரும் என்பதை நீ மறந்துவிடாதே
குடும்பத்தலைவனுக்கோ என்றும் வாழ்வில் சுமைதான்
சுமைகளையும், சுகங்களாக கருதுபவனே சிறந்தவன் !
நெஞ்சினில் உரம் கொண்டு சுமைகளை தாங்கிடுவாய்
சுகமான சுமைகளும் உண்டு என்பதை அறிந்திடுவாய்
மயிலிறகு அதிகமாய் ஏற்றினாலும், அச்சு முறியும் ,
மனதில் சுமைகள் அதிகமானாலும் மனம் இறுகும் !
வீட்டிற்கு முதல்வனே என்றும் ஓர் சுமைதாங்கி
எல்லா இன்ப, துன்பங்களுக்கும் அவன் ஒரு இடிதாங்கி,
எல்லாவற்றையும், பொறுமையோடு எதிர் கொள்ளவேண்டும்
எத்துயர் வரினும் எதிர்த்து திறம்பட செயலாற்ற வேண்டும் !
மனித வாழ்க்கையில் காதலும் சுகமாய் பூக்குதே
அதுவே சிற்சில சமயத்தில் சுமையாய் தாக்குதே
சுமைகளும், சுகமும் கலந்ததே மானிட வாழ்க்கை
இதனை அறியாமல் ஏன் மாற்றுகிறாய் உன் போக்கை !
ரா.பார்த்தசாரதி
