கோப்பை நமது, கொண்டாடும் தருணமிது!

அண்ணாகண்ணன்

கோப்பை நமது, கொண்டாடும் தருணமிது
வாய்ப்பு பெரிது, வரலாறு திரும்பியது!
புயல்களைக் கூட்டாகச் செயல்களில் காட்டி,
உயர்வை நமக்களித்த வியர்வை இனிக்கிறது!
பந்தை விரட்டிச் சிந்தை கவர்ந்து,
விந்தை விளைத்த வீரர்கள் வாழ்க!
கொடிகள் உயர்த்தி, வெடிகள் வெடித்து,
படையெனத் துள்ளிய ரசிகர்கள் வாழ்க!

கிரிக்கெட்டால் இந்தியா சிரிக்கட்டுமே – உலகக்
கிண்ணத்தால் உள்ளங்கள் சிலிர்க்கட்டுமே!
பிரிக்கட்டும் எல்லைகள் தேசங்களை – நாம்
பேணுவோம் எந்நாளும் நேசங்களை!
விரிக்கட்டும் இளைஞர்கள் இறக்கைகளை – விரி
விண்ணெங்கும் பதிக்கட்டும் வெற்றிகளை!
இருக்கட்டும் தொடர்வெற்றி நம்பக்கமே – புது
எழுச்சிக்கு இவ்வெற்றி ஆரம்பமே!

============================

படத்திற்கு நன்றி: http://www.sify.com

பதிவாசிரியரைப் பற்றி