நீ அறியாத போர்
சு. திரிவேணி
கோயம்புத்தூர்
சிறிய கதவு திறந்ததும்
சீறிவருகிறது காளை
ஆங்காரமாய்க் கொம்பை முட்டித்
தரையைக் கிழிக்க முற்படுகிறது
மிருகத்தின் மூர்க்கத்தைப்
புத்திக்கூர்மையால் அடக்கும்
ஆதி மனிதனின் எச்சம்
இந்த விளையாட்டு
வெல்வதோ வீழ்வதோ –
நேருக்கு நேராய்!
கண் முன்னால்!!
நாகரிகம் என்னும் பெயரில்
போலியான வார்த்தைகளால்
விஷம் தடவி வீசும்
வாள்வீச்சாய்த் துரோகத்தின்
தீ நாக்குகளில் சுட்டுப் பொசுக்கும்
உனக்கெங்கே தெரியப்போகிறது
நேர்மையான போர்!
