கேட்கிறதா…
செண்பக ஜெகதீசன்
மொட்டை ஏணி
மோனத்தில் ஆழ்ந்தது..
எட்டி உதைக்கப்பட்டதை
எண்ணிக் குமுறுகிறதாம்,
என்றுமுள கதைதான்
என்பதை மறந்தே..
தட்டிக்கொடுத்து சொன்னது
நடைவண்டி-
மனம்தளராதே,
மனிதன் கதை இதுதான்..
தள்ளாடும் தாத்தாவைப் பார்,
தனிமரமாய்..
மனித ஏணிகளே
மறக்கப்படும்போது
மர ஏணியே வருந்தாதே..
நடைபயிற்றுவித்தது
நான்செய்த பணி,
ஏற்றிவிட்டது உன்பணி..
பணியை ஏற்றுக்கொள்
பலனை எதிர்பார்க்காதே…!
என்ன மனிதனே,
ஏதாவது விழுந்ததா காதில்…!
http://strollersandprams.com/forums/viewtopic.php?f=2&t=3117
பழுத்து விழும் இலைகள் முடிவுரை அல்ல….ஆரம்பம்.
முன்னோர்கள் போற்றப்பட வேண்டிய முன்னேர்கள்.(முன் ஏர்கள்)