“திருஅருணாசல சிவம்”

 
மீ.விசுவநாதன்

அண்ணா மலையின் தீபம் – மன
அகந்தை பொசுக்கும் நண்பா !
எண்ணா திருக்கும் பேர்க்கும் – ஒளி
இதயம் பாயும் நண்பா !

கிரியை வலமாய் வந்தால் – நம்
கிரகம் உதவும் நண்பா !
அரியும் சிவனும் ஒன்றே – எனும்
அருணா சலமே நண்பா !

தீபத் திருநா ளன்றும் – சிவன்
தெரிவான் நமக்குள் நண்பா !
தாபத் தோடு தொட்டால் – அவன்
தாளே சொர்க்கம் நண்பா !

கலியில் அருணை மலைதான் – நம்
கவலை அழிக்கும் நண்பா !
வலியில் கருணை மழையாய் – நல்
வரமாய்ப் பொழியும் நண்பா !
(வலியில் – வலியில்லாத)

(இன்று – 25.11.2015- திருக்கார்த்திகை தீபத்திருநாள்)