இலக்கியம்கவிதைகள்மரபுக் கவிதைகள்

கிருஷ்ணப் பருந்து!

-மீ.விசுவநாதன்

அங்கே பருந்தொன்று பறக்கிறது – அது
அகண்ட வானத்தை அளக்கிறது!
சங்கத் தமிழ்போலச் சிறகடித்து – அது  black-eagle
சத்தம் போடாமல் விரைகிறது !

சிறகை மடல்போல விரித்தபடி- அந்திச்
சிவப்பை அணைக்கத்தான் முயல்கிறது!
பறவை இனத்திற்குப் பெருமைதர -விஷ்ணு
பாத மிரண்டைத்தோள் சுமக்கிறது!

சொந்த இரையெடுக்க நினைத்தாலோ – ஒரு
சுற்றில் சடாரென்று இறங்கிவரும்!
பந்தைக் குழந்தைகள் எடுப்பதுபோல் – நன்கு
பற்றி மேலேறிப் பறந்துவிடும்!

அந்தி நேரத்தில் நதிக்கரையில் – அதை
அறவோர் கும்பிட்டு மகிழ்ந்திடுவர்!
எந்த உயரத்தில் இருந்தாலும் – தன்
இறைவன் பெருமாளை நினைத்திருக்கும்! 

 

 

Print Friendly, PDF & Email
Download PDF
Share

Comments (2)

  1. Avatar

    parundhu parandhadhu koodave  manamumallava parandhadhu

  2. Avatar

    இறைவன் பெருமாளுக்கு கருட வாகனம்
    தேவி கருமாரியம்மனுக்கு சிம்ம வாகனம்
    உமயவள் மைந்தன் திருமுருகனுக்கு மயில் வாகனம்
    இன்னும் சொல்ல நிறைய இருக்கிறது
    கிருஷ்ணப் பருந்தை பற்றி கவி வடிவில்
    செந்தமிழில் எழுதியதற்கு பாராட்டுக்கள்
    நன்றி வணக்கம்

உங்கள் கருத்துகளைத் தெரிவிக்க