ஏழையின் ஏக்கம்!
-ஆர். எஸ். கலா
பட்டாடை உடுத்திப் பவனிவர
ஆசை ஆனால் பணம் இல்லை…
பட்டுமெத்தை மேல் படுத்து உருண்டு
விளையாட ஆசை
ஆனால் பணம் இல்லை…
தினமும் அறுசுவை உணவு உண்ண
ஆசை ஆனால் பணம் இல்லை…
விதம் விதமாக நகை போட்டு
அழகு பார்க்க ஆசை
ஆனால் பணம் இல்லை…
வானூர்தியில் உலகம் சுற்றி வரஆசை
ஆனால் பணம் இல்லை…
மாடி வீட்டின் மேல் இருந்து வேடிக்கை
பார்க்க ஆசை
ஆனால் பணம் இல்லை….
சீரும் சிறப்புமாகத் திருமணம் நடக்க
வேண்டும் என்று ஆசை
ஆனால் பணம் இல்லை…
பல முதியோர் இலங்களுக்குச் சென்று
பல வழியில் உதவி செய்ய ஆசை
ஆனால் பணம் இல்லை…
இந்தப் பணத்துக்காகப் பல வேலை தேடிச்
செய்ய ஆசை
ஆனால் படிப்பு இல்லை…!
மனதில் உறுதி உள்ளது இதயத்தில்
ஆசை உள்ளது நிறைவேற வழி
இல்லை…
ஏழையாகப் பிறந்தேன் ஏழையாக
வளர்ந்தேன் ஏழையாக வாழ்கின்றேன்
ஆனால் பணத்துக்காக அழைக்கின்றேன்
அழைக்கின்றேன் அழைத்துக் கொண்டே
இருக்கின்றேன்!