Advertisements
home-litஓவியங்கள்நுண்கலைகள்

விஞ்ஞான,கணித மேதைகள்-Fibonacci

சு.ரவி

LEONARDO FIBONACCI (1170-1230)

இத்தாலிய நாட்டைச் சேர்ந்த கணித மேதை ஃபிபோனாக்கி தந்த கணக்கு இது:

” உன்னிடம் ஒரு ஜோடி முயல்கள் ( ஓர் ஆண், ஒரு பெண்) உள்ளன.

இவை ஒவ்வொரு மாதமும் ஒரு ஜோடி ( 1ஆண், 1 பெண்) முயல்குட்டிகளை ஈனும்.
பிறந்த குட்டிகள் ஒரு மாதத்தில் இனப்பெருக்கத்துக்குத் தயாராகும். இவையும் 1ஆண்,1பெண் குட்டிகளை
ஈனுமெனில், வருடமுடிவில் உன்னிடம் எத்தனை ஜோடி முயல்கள் இருக்கும்?
( முயல்களின் இனப்பெருக்கத்துக்கு, உறவுமுறைத் தடைகளெதும் கிடையாது; மற்றும், இந்த ஒரு வருடத்தில்
எந்த முயலும் இறக்கவில்லை என்றும் கொள்க).

மேற்படி கணக்கைப் போட்டுப் பார்க்கலாம்:

வருட முடிவில் 144 ஜோடி முயல்கள் இருக்கும்.

ஒவ்வொரு மாத இறுதியிலும் இருக்கும் எண்ணிக்கையின் வரிசையே “ஃபிபோனாக்கி நிரல்” எனப்படும்;இந்த நிரலில் அமைந்த எண்கள் ‘ஃபிபோனாக்கி எண்கள்” எனப் படும்.

“1,1,2,3,5,8,13,21,34,55,89,144….”

பெரிய ஆச்சரியம், இயற்கை, ஃபிபோனாக்கி வரிசைப்படி பல அமைப்புகளைக் கொண்டிருப்பது- ஒரு கிளையைச் சுற்றிப் படர்ந்து துளிர்விடும்
இலைகளின் எண்ணிக்கை. சூரியகாந்திப் பூவின் அல்லிவட்டத்தில் விதைகள் பரவியிருக்கும் அமைப்பு, பைன் மரத்தின் செதில்கள்- இவை யாவும்
ஃபிபோனாக்கி நிரல் சார்ந்தவை. Cumulative Growth என்பதே ஃபிபோனாக்கி வரிசைப்படிதான் நிகழும்.

அரேபிய எண்களை உலகமயமாக்கியதிலும் ஃபிபோனாக்கிக்குப் பெரும் பங்கு உண்டு.

என் காலை நேரக் கைவண்ணத்தில் இதோ ஃபிபோனாக்கியின் ஓவியம்.

(இதை வரைய ‘முயல்’ வது எனக்கு சந்தோஷத்தைக் கொடுத்தது!)

Print Friendly, PDF & Email
Download PDF
Advertisements
Share

Comments (2)

  1. Avatar

    அற்புதமான ஒரு கணிதமேதை பற்றிய பதிவாக்கம்.

  2. Avatar

    இன்று தான் அவரை பற்றிய அருமையான நூல் ஒன்று கொண்டு வந்தேன். நன்றி.ரவி.

உங்கள் கருத்துகளைத் தெரிவிக்க