ஆயிரம் நட்சத்திரவிருந்து!

ஷைலஜா

பனிக்குடம் உடையும்வரை

தனியொருத்தியாயிருந்தவள்
சேயொன்று காலடியில்விழ
தாயாகிப்பேர்கொண்டேன்
மாயம்போல் மேனி
மாறக்கண்டேன்

மிருதுவான இறகுகளில்
மெத்தைஒன்று செய்தாற்போல்
அருகினிலே சிறுபுதையல்
அள்ளி எடுக்கையிலே
அற்புதமாய்த்தான் உணர்ந்தேன்

மடியைச்சுரக்க வைக்கும் மந்திரமோ
அடிப்பெண்ணே உன்குரல்தான்
கண்ணுக்குதெரியாத
கருணைஉணர்வதனை
பாலாக்கித்தரவைக்கும்
பாக்கியத்தை அளித்தாயே

குழந்தைக்கு தாய் தரும்
முதல் சீதனம்
இதுவே இயற்கையின்
பெரும் நூதனம்!

ஐந்துநட்சத்திரத்தை
அற்பமாக்கும்
ஆயிரம் நட்சத்திர
விருந்து இது!

ஜூன் 1 அகில உலக குழந்தைகள் தினம்.

படத்திற்கு நன்றி:

h ttp://pregnancy.about.com/od/feedingyourbaby/ig/Breastfeeding-Gallery/Side-Lying—Nursing.htm

பதிவாசிரியரைப் பற்றி

ஷைலஜா

ஷைலஜா! இயற்பெயர் மைதிலி! அப்பா ஏ.எஸ். ராகவன் எழுத்தாளராக இருந்ததால் சிறுவயதிலேயே எழுதுவதில் ஆர்வம் உண்டானது! சிறுகதைகள், நாவல் ஆகியவற்றுக்குப் பரிசு பெற்றிருந்தாலும் இன்னமும் நல்லதொரு படைப்பிற்குக் கற்பனை விரிந்து வாசிப்பவரின் காலமெல்லாம் நினைவில் நிற்கும்படி எழுதுவதே லட்சியம். கவிதைகள், பக்திப் பாடல்கள் பல எழுதி வருகிறேன். நாலாயிர திவ்யப்ரப்ந்தம் முலமாக ஆழ்வார்கள் பாசுரத்தின் அழகுத் தமிழினை ஆன்லைனில் உரையாய்க் கூறி வருகிறேன்!

See author's posts