அடைமொழி

பிச்சினிக்காடு இளங்கோ

நல்லவன்தான் நான்
நான் விரும்பும் நல்லவனில்லை
நான்

நான்
நல்லவனாக இருந்துகொண்டிருக்கிறேன் அதிகமாய்
அவ்வளவுதான்

பிறருக்கெல்லாம்
நான் ஒரு யோக்கியன்

எனக்கும் கூட
நான் யோக்கியனாக இல்லாமல் இல்லை

நான் விரும்பும் அளவுக்கு
யோக்கியனில்லை நான்

மனசோடு பேசும்போதுதான்
புரிகிறது
இடைவெளி இருள்

இடைவெளியைக் குறைக்காமல்
வெளிச்சத்தில் இருந்தாலும்
தொடர்கிறது இருள்

புதைத்தவை அதிகம்
விழுங்கியவை ஏராளம்
மறைத்தவையும் அப்படியே

கழிகிறது காலம்
அடைமொழியோடு

படத்துக்கு நன்றி

http://amazingdata.com/5-incredible-works-of-leather-art/

பதிவாசிரியரைப் பற்றி

பிச்சினிக்காடு இளங்கோ

பத்து கவிதைத்தொகுப்புகள் வந்திருக்கின்றன.
திருச்சி அனைத்திந்திய வானொலியிலும், சிங்கப்பூர் ஒலிபரப்புக்கழகத்திலும் பணியாற்றியவர்.
சிங்கைச்சுடரின் முன்னாள் ஆசிரியர்..MDIS-என்கிற கல்விநிறுவனத்தில் பணியாற்றுகிறார்.
வேளாண்மைப்பட்டதாரி.

See author's posts