சச்சிதானந்தம்
முள்ளம்பன்றி வேட்டை ஆடுதல்
முள்ளம் பன்றிகள் இரண்டு கண்டு,
உள்ளம் துள்ளிக் குதித்துக் குறவன்,
துரத்திப் புலிபோல் பின்னே தொடர,
பன்றிகள் பயந்து வங்கில் மறைந்தன! 52
கங்குல் படரும் மங்கிய பொழுதில்தீக்,
கங்கின் துணையுடன் பொங்கிய புகையை,
வங்கின் உள்ளே செலுத்திக் குறவன்,
அங்கம் தாழ்த்திக் காத்திருந் தானே! 53
சீரான தம்சுவாசம் புகையாலே தடுமாற,
கூரான முள்கொண்ட பன்றிகளும் தடுமாறி,
நேராக வெளிவந்து குறவனெனும் கூற்றுவனோடு
போராடிப் பயனின்று இன்னுயிரைத் துறந்தனவே! 54
மயிரை வேருடன் களையும் சமணத்,
துறவியைப் போல முட்களைப் பிடுங்கிச்சிறு,
மூட்டை சுமக்கும் மனிதனைப் போல,
முதுகில் பன்றியைச் சுமந்து நடந்தான்! 55
பாம்புக் கறி உண்ணுதல்
அரவம் ஒன்று அருகில் வந்து,
குறவன் காலைத் தீண்டத் துணிந்து
வருமுன் வருமோர் ஒசை செய்து
பரவும் படமெடுத் தருகில் வந்தது! 56
இரவின் வரவை எதிர்பார்த் திருந்த,
குறவன் பாம்பின் வரவைக் கண்டு,
ஒருகண் கொண்டு தலையைப் பார்க்க,
மறுகண் கொண்டு வாலைப் பார்த்தான்! 57
நொடியில் நகர்ந்து கடியைத் தவிர்த்துக்கா
லடியில் கிடந்த பாம்பின் வாலைப்,
பிடித்துக் கையில் சுருட்டிப் பிடித்து,
அடித்துத் தரையில் உயிரை எடுத்தான்! 58
உரித்துத் தோலை எடுத்துப் பிரித்து,
விரித்து உடலின் கொழுப்பை எடுத்து,
மரித்த பாம்பை நறுத்துத் தறித்து,
வறுத்துத் தின்று குறவன் கொழுத்தான்! 59
Leave a Reply