திருமால் திருப்புகழ் (42)
கிரேசி மோகன்
தனன தான தானான தனன தான தானான
தனன தான தானான….
—————————————————————
முனிகள் நார தாதீயர், அசுர தேவ பாதாள
உலகு ளோரும், பூலோக -உயிர்யாவும்,
நிதமும் சூரி, ஆழ்வார்கள், யமுனை ராசலீலாவில்
முழுகும் கோபி காமாதர்,-நவநீதம்,
இனிய பாலும், மோர்பாகு, கனிகள், பீலி பீதாம்ப
ரமமும், மேயும் கோமாதும்,-வனமாலை,
சுழலும் ஆழி, கூராழி, சிலையும், கோலும், வாளோடு,
துயிலும் சேட னார்,சேர -சிறுபாதர்
அனுமன், ஈசர் மாகாளி, ரிடப தேவர், யாழ்வாணி,
அயனும், வேட ஆலோலம -விளிமாது,
அமர ஜாதி தேவானை, அழகு வேலர், ஓரானை
முதலி லோட மேலோர்கள் -புடைசூழ,
பணிய மேவு, பாலாழி வனிதை மூவர் யோகேச.
நெடிய நீல மாலோல,-அவதாரம்
மனித வாம னார்சீயம் மறைவ ராக மீனாமை
ஹரிமு ராரி மூராம -பெருமாளே
——————————————————————————————–
