கண்ணபிரான்

கே. ரவி

பாடியவர் : ராஜகோபால்

கண்ணபிரான் பாடலைக் கேட்க இங்கே சொடுக்குங்கள்

என்
நாவிலே பொன்வீணை நீ – என்
ஆவியே உந்தன் ஸ்ருதி – என்
நாவிலே பொன்வீணை நீ

கண்ணாவுன் மேனி கார்முகில்
மின்னல்களே உன் பூந்துகில்
ககனமே உந்தன் நிழல் – என்
கண்களே உன் பாற்கடல் – என்
கவிதைகள் உந்தன் குரல்
என்
நாவிலே பொன்வீணை நீ

பார்வையில் கலாபம் நீ – என்
பாடலில் சுநாதம் நீ
மாயையில் மெய் தோன்றும் இந்த
வாழ்விலே வினோதம் நீ
கருணை மார்கழிப் பனி
கலந்த ஞான பானு நீ
என்
நாவிலே பொன்வீணை நீ

பதிவாசிரியரைப் பற்றி

கே. ரவி

என் கவிதைகளின் தொகுப்பே என் சுயசரிதை, என் சுயமான உயிரின் சரிதை; ஒரு புள்ளி வெடித்துச் சிதறி, பேரண்டங்களாக எல்லையின்றி விரிந்துகொண்டே இருக்கும் வியனுலகாம் ப்ரும்மத்தின் சரிதை. மற்ற அன்றாட வாழ்க்கை நிகழ்ச்சிகள் எலும்பும் சதையுமான உடலின் சரிதை. அதைக் கொண்டாட வேண்டியதில்லை. சொல்லிக் கொள்ளும் அளவுக்கு என் வாழ்வில் நான் எதையும் சாதித்து விடவும் இல்லை. அவ்வளவே. நன்றி. கே.ரவி

See author's posts