சேஷன் சம்மான் விருது அறிவிப்பு
வணக்கம்.
இன்று என் தந்தையாரின் நினைவு நாள். நவம்பர் 22, 2010 அவர் தன் அம்பிகையோடு இருக்கச் சென்று விட்டார்.
என் குருநாதரின் அறிவுரைப்படி, அவருடைய பிறந்த நாளான பிப்ரவரி 14 அன்று, சில பெருந்தகையாளர்க்கு அவர் பெயரால் “சேஷன் சம்மான்” என்னும் விருதை நாங்கள் வழங்கி வருகிறோம்.
விருதாளர்கள் பற்றிய அறிவைப்பை அவர் நினைவு நாளில் நான் தெரிவித்து வருகிறேன்.
அவருடைய 100 ஆவது பிறந்த நாளான 14.02.2023ல் “சேஷன் சம்மான்” பெறப் போகிறவர்கள் இருவர். அந்த இருவருமே தந்தையாரின் மனத்துக்கு மிகவும் பிடித்தவர்கள்.
1. பழம்பெரும் நாடகக் கலைஞர் திரு. காத்தாடி ராமமூர்த்தி அவர்கள்
2. புகழ்பெற்ற பேச்சாளர், எழுத்தாளர் டாக்டர் சுதா சேஷய்யன் அவர்கள்
இந்த விருதை ஏற்க இசைந்த அந்த இருவருக்கும் எங்கள் குடும்பத்தாரின் சார்பில் என் நன்றி.
விழா, எப்போதும் போல சென்னை மயிலாப்பூர் லஸ் முனைக்கு அருகிலுள்ள ஆர்கே கன்வென்ஷன் செண்டரில் நடைபெறும்.
தேதியை இப்போதே குறித்துக் கொள்ளுங்கள்: 14.2.2023 – மாலை 5.30 மணி.
அன்புடன்,
ரமணன்
